The Comprehensive Aramaic Lexicon

00506_6	ܘܢܲܨܒܵܗ݀ ܨܸܐܕܲܘܗ̄ܝ ܕܲܗܘܵܬ ܫܵܬܝܵܐ ܡܸܢ ܡܲܒܽܘܥܸܗ܀
00506_7	ܐܲܘܓܝܼ ܡܸܢܸܗ ܟܽܠ ܚܽܘ̈ܫܵܒܲܝܢ ܐܲܪ̈ܥܵܢܵܝܸܐ܃
00506_8	ܕܲܠܥܸܠ ܢܸܗܘܸܐ ܡܕܲܝܲܪ ܠܸܒܸܗ ܥܲܡ ܐܲܠܵܗܵܐ܀
00506_9	ܪܸܚܡܲܬ ܡܵܪܝܵܐ ܒܢܲܦܫܸܗ ܐܲܕܠܸܩ ܐܲܝܟ ܓܲܘܙܲܠܬܵܐ܃
00507_0	ܕܠܵܐ ܢܼܐܥܸܐ ܒܵܗ݀ ܪܸܢܝܸܗ ܕܥܵܠܡܵܐ ܕܲܡܕܲܘܸܕ ܠܵܗ݀܀
00507_1	ܒܟܽܠܙܒܲܢ ܡܵܪܝܵܐ ܣܝܼܡ ܗ̄ܘܵܐ ܠܩܽܘܒܠܸܗ ܘܒܸܗ ܚܵܐܲܪ ܗ̄ܘܵܐ܃
00507_2	ܕܠܵܐ ܢܸܚܙܸܐ ܗ̄ܘܵܐ ܥܵܠܡܵܐ ܕܡܲܛܥܸܐ ܠܲܕܚܵܐܲܪ ܒܸܗ܀
00507_3	ܪܘܝܼܚܵܐ ܗ̄ܘܵܬ ܠܸܗ ܐܽܘܪܚܵܐ ܐ̄ܠܝܼܨܬܵܐ ܕܒܸܝܬ ܡܲܠܟܽܘܬܵܐ܃
00507_4	ܕܠܵܐ ܕܒܝܼܪ ܗ̄ܘܵܐ ܒܵܗ݀ ܥܲܡܸܗ ܡܸܕܸܡ ܕܲܡܥܲܘܸܟ ܠܸܗ܀
00507_5	ܒܢܲܦܫܸܗ ܪܕܵܐ ܒܵܗ݀ ܟܲܕ ܠܵܐ ܟܝܼܣܵܐ ܘܠܵܐ ܬܲܪܡܵܠܵܐ܃
00507_6	ܕܣܲܓܝܼ ܣܵܢܝܵܐ ܐܽܘܪܚܸܗ ܕܡܲܠܟܵܐ ܝܲܬܝܼܪ̈ܵܬܵܐ܀
00507_7	ܕܲܡܚܵܪ ܡܸܡܬܽܘܡ ܠܵܐ ܝܵܨܸܦ ܗ̄ܘܵܐ ܒܗܵܠܸܝܢ ܚܲܝܸ̈ܐ܃
00507_8	ܕܲܐܠܵܗܵܐ ܗ̄ܘܵܐ ܐ̄ܣܵܢܸܗ ܪܲܒܵܐ ܒܸܗ ܚܵܝܸܐ ܗ̄ܘܵܐ܀
00507_9	ܗܘܵܐ ܒܲܒܪܝܼܬܵܐ ܠܵܐ ܚܵܫܽܘܫܵܐ ܟܡܵܐ ܕܲܗܘܵܐ ܒܵܗ݀܃
00508_0	ܕܲܒܨܸܒ̈ܘܵܬܵܗ݀ ܠܵܐ ܡܸܬܬܙܝܼܥ ܗ̄ܘܵܐ ܕܢܸܣܥܽܘܪ ܐܸܢܸܝܢ܀
00508_1	ܒܥܵܠܡܵܐ ܚܲܕ̄ܬܵܐ ܪܓܝܼܫ ܗ̄ܘܵܐ ܘܲܚܫܝܼܫ ܘܲܡܠܸܐ ܚܽܘܒܸܗ܃
00508_2	ܘܟܲܕ ܗܘܵܐ ܗܵܪܟܵܐ ܠܲܘ ܗܵܪܟܵܐ ܗ̄ܘܵܐ ܕܲܒܥܵܠܡܵܐ ܗ̄ܘܵܐ܀
00508_3	ܠܥܸܠ ܒܵܥܸܐ ܗ̄ܘܵܐ ܘܟܽܠܝܽܘܡ ܕܲܠܥܸܠ ܡܸܬܪܲܥܸܐ ܗ̄ܘܵܐ܃
00508_4	ܘܡܸܢ ܝܲܬܝܼܪܽܘ ܚܲܝ ܗ̄ܘܵܐ ܒܥܵܠܡܲܢ ܟܲܕ ܥܵܡܲܪ ܒܸܗ܀
00508_5	ܠܪܸܓܲܬ ܦܲܓܪܵܐ ܕܼܐܝܬܸܝܗ݀ ܡܥܝܼܢܵܐ ܕܓܵܣܝܵܐ ܡܲܘܬܵܐ܃
00508_6	ܒܢܽܘܪܵܐ ܕܚܽܘܒܸܗ ܕܡܵܪܝܵܐ ܟܘܵܗ݀ ܗ̄ܘܵܐ ܘܠܵܐ ܢܸܒܥܲܬ ܒܸܗ܀
00508_7	ܠܪܸܚܡܲܬ ܟܸܣܦܵܐ ܕܼܐܝܬܸܝܗ݀ ܣܵܟܵܐ ܕܲܦܬܲܟܪܽܘܬܵܐ܃
00508_8	ܒܲܡܣܲܪܩܽܘܬܵܐ ܒܵܣܲܪ ܗ̄ܘܵܐ ܠܵܗ݀ ܟܡܵܐ ܣܲܢܝܵܐ ܠܸܗ܀
00508_9	ܠܦܼܐܪܵܐ ܪܓܝܼܓܵܐ ܕܩܸܛܦܲܬ ܚܲܘܵܐ ܡܸܢ ܐܝܼܠܵܢܵܐ܃
00509_0	ܡܬܽܘܡ ܠܵܐ ܛܲܥܡܸܗ ܕܢܸܗܘܸܐ ܐܲܬܪܵܐ ܠܡܲܘܬܵܐ ܨܸܐܕܲܘܗ̄ܝ܀

00509_1	ܡܸܠܟܸܗ ܕܚܸܘܝܵܐ ܠܢܲܦܫܸܗ ܠܵܐ ܥܲܠ ܢܸܨܛܲܕܸܐ ܒܸܗ܃

00509_2	ܕܲܐܚܝܼܕܵܐ ܗ̄ܘܵܬ ܡܸܢ ܟܽܠ ܫܽܘܦܪ̈ܝܼܢ ܦܲܓܪ̈ܵܢܵܝܸܐ܀
00509_3	ܠܵܐ ܪܲܓ ܡܸܕܸܡ ܡܸܢ ܟܽܠ ܐܲܝܠܸܝܢ ܕܼܐܝܬ ܒܲܒܪܝܼܬܵܐ܃
00509_4	ܕܡܵܪܸܐ ܒܪܝܼܬܵܐ ܣܝܼܡ ܗ̄ܘܵܐ ܒܪܸܓܬܸܗ ܘܲܒܚܽܘܫܵܒܲܘ̈ܗ̄ܝ܀
00509_5	ܠܵܐ ܚܵܪ ܡܸܡܬܽܘܡ ܒܗܲܘ ܐܝܼܠܵܢܵܐ ܕܝܵܗܸܒ ܡܲܘܬܵܐ܃
00509_6	ܕܠܵܐ ܢܸܪܲܓ ܗ̄ܘܵܐ ܠܝܲܬܝܼܪ̈ܵܬܵܐ ܕܲܡܡܝܼ̈ܬܵܢ ܠܸܗ܀
00509_7	ܠܵܐ ܝܸܗܒܲܬ ܠܸܗ ܬܼܬܵܐ ܛܲܪ̈ܦܸܐ ܢܟܲܣܸܐ ܢܲܦܫܸܗ܃
00509_8	ܕܠܵܐ ܐܸܬܦܲܪܣܝܼ ܒܪܸܓܬܵܐ ܣܢܝܼܬܵܐ ܒܬܽܘܠܵܐ ܕܢܲܨܝܼܚ܀
00509_9	ܠܵܐ ܐܸܫܬܲܥܒܲܕ ܠܲܓܙܵܪ ܕܝܼܢܵܐ ܕܡܝܼܬ ܒܸܗ ܐܵܕܵܡ܃