← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00517_1 ܐܸܠܽܘ ܢܚܸܬ ܗ̄ܘܵܐ ܗܲܘܢܸܗ ܠܥܵܠܡܵܐ ܕܲܢܕܲܝܲܪ ܒܸܗ܃
00517_2 ܦܵܐܸܫ ܗ̄ܘܵܐ ܠܸܗ ܘܠܲܐܝܟܵܐ ܕܲܣܠܸܩ ܠܵܐ ܣܵܠܸܩ ܗ̄ܘܵܐ܀
00517_3 ܥܲܠ ܕܲܙܗܸܐ ܗ̄ܘܵܐ ܫܲܦܝܼܪ ܘܲܚܣܸܐ ܘܠܲܝܬ ܒܸܗ ܡܽܘܡܵܐ܃
00517_4 ܐܸܬܥܲܠܝܼ ܗ̄ܘܵܐ ܠܲܐܬܪܵܐ ܕܡܽܘ̈ܡܸܐ ܠܵܐ ܥܵܐܠܝܼܢ ܠܸܗ܀
00517_5 ܡܲܢ ܕܹܝܢ ܝܲܗ̄ܒ ܠܵܗ݀ ܐܲܬܪܵܐ ܠܡܸܠܲܬܝ ܬܸܬܢܸܐ ܫܽܘܦܪ̈ܲܘܗ̄ܝ܃
00517_6 ܡܸܢ ܛܲܠܝܽܘܬܸܗ ܕܒܲܐܝܠܸܝܢ ܚܲܝܸ̈ܐ ܐܸܬܪܲܒܝܼ ܗ̄ܘܵܐ܀
00517_7 ܡܲܢ ܕܹܝܢ ܝܲܗ̄ܒ ܠܝܼ ܟܬܵܒܵܐ ܐܝܼܕܵܐ ܐܸܚܽܘܪ ܘܸܐܚܙܸܝܘܗ̄ܝ܃
00517_8 ܒܲܥܠܲܝܡܽܘܬܸܗ ܟܡܵܐ ܢܲܨܝܼܚ ܗ̄ܘܵܐ ܒܩܲܕܝܼܫܽܘܬܵܐ܀
00517_9 ܡܚܲܦܲܝ ܗ̄ܘܵܐ ܡܸܢܝ ܫܽܘܦܪܸܗ ܪܵܡܵܐ ܘܪܽܘܚܵܢܵܝܵܐ܃
00518_0 ܕܲܐܝܟܲܢ ܫܲܪܝܼ ܒܪܲܗܛܵܐ ܕܽܐܘܪܚܸܗ ܨܹܝܕ ܐܲܠܵܗܵܐ܀
00518_1 ܟܬܵܒܵܐ ܫܲܪܒܸܗ ܗܵܪܟܵܐ ܚܲܘܝܼ ܠܥܵܠܡܵܐ ܒܲܠܚܽܘܕ܃
00518_2 ܐܲܝܟܵܐ ܕܲܟܠܵܐ ܡܸܛܪܵܐ ܘܛܲܠܵܐ ܡܸܛܽܠ ܐܵܚܵܒ܀
00518_3 ܥܕܲܡܵܐ ܠܗܵܪܟܵܐ ܟܲܣܝܵܐ ܗ̄ܝ ܐܽܘܪܚܵܐ ܕܙܲܕܝܼܩܽܘܬܸܗ܃
00518_4 ܘܫܽܘܦܪܵܐ ܕܪܲܗܛܸܗ ܘܲܡܝܲܬܪܽܘܬܵܐ ܕܲܒܬܽܘܠܽܘܬܸܗ܀
00518_5 ܡܸܢ ܗܵܐ ܡܸܟܵܐ ܫܲܪܝܼ ܟܬܵܒܵܐ ܕܢܸܬܢܸܐ ܫܲܪܒܸܗ܃
00518_6 ܕܒܲܚܕܵܐ ܡܸܠܬܵܐ ܐ̄ܣܲܪ ܠܲܫܡܲܝܵܐ ܒܥܲܘܠܸܗ ܕܵܐܚܵܒ܀
00518_7 ܪܢܝܼ ܐܲܢ̄ܬ ܗܵܫܵܐ ܕܲܩܕܵܡ ܗܵܢܵܐ ܥܒܵܕܵܐ ܪܲܒܵܐ܃
00518_8 ܟܡܵܐ ܦܽܘ̈ܠܚܵܢܸܐ ܘܥܲܡ̈ܠܸܐ ܗܘܲܘ ܠܸܗ ܨܹܝܕ ܐܲܠܵܗܵܐ܀
00518_9 ܘܡܸܛܽܠܗܵܢܵܐ ܚܲܦܝܼ ܟܬܵܒܵܐ ܥܲܠ ܕܽܘܒܵܪ̈ܲܘܗ̄ܝ܃
00519_0 ܕܪܵܡܝܼܢ ܗ̄ܘܲܘ ܠܸܗ ܘܠܵܐ ܡܸܫܟܲܚ ܗ̄ܘܵܐ ܢܡܲܠܸܠ ܐܸܢܽܘܢ܀
00519_1 ܡܸܛܽܠ ܕܲܠܒܲܟ ܡܸܢ ܛܲܠܝܽܘܬܸܗ ܪܲܗܛܵܐ ܪܲܒܵܐ܃
00519_2 ܒܥܲܡ̈ܠܸܐ ܕܙܵܟܸܝܢ ܐܵܦ ܠܲܟܝܵܢܵܐ ܢܣܲܝܒܲܪ ܐܸܢܽܘܢ܀
00519_3 ܘܡܸܚܕܵܐ ܕܝܼܕܲܥ ܒܲܝܢܵܬ ܛܵܒܬܵܐ ܠܒܝܼܫܬܵܐ ܡܵܢܵܐ ܗ̄ܝ܃
00519_4 ܒܛܵܒܬܵܐ ܫܲܪܝܼ ܘܠܵܐ ܚܣܲܢܬܸܗ ܗ̄ܘܵܬ ܒܝܼܫܬܵܐ ܡܸܡܬܽܘܡ܀
00519_5 ܘܡܸܚܕܵܐ ܕܝܲܕܥܸܗ ܠܥܵܠܡܵܐ ܫܲܒܩܸܗ ܕܠܵܐ ܢܸܗܘܸܐ ܒܸܗ܃
00519_6 ܘܲܪܚܸܡ ܚܽܘܪܒܵܐ ܘܥܽܘܡܪܵܐ ܕܛܽܘܪܸ̈ܐ ܝܼܚܝܼܕܵܐܝܼܬ܀
00519_7 ܘܡܸܢ ܟܲܕ ܐܲܪܓܸܫ ܕܥܵܠܡܵܐ ܐ̄ܚܪܼܢܵܐ ܐܝܼܬ ܠܲܐܠܵܗܵܐ܃
00519_8 ܠܬܲܡܵܢ ܣܵܡ ܗ̄ܘܵܐ ܒܪܸܗܛܵܐ ܐܲܦܲܘ̈ܗ̄ܝ ܢܸܬܡܲܛܸܐ ܠܸܗ܀
00519_9 ܡܸܚܕܵܐ ܕܚܵܪ ܒܸܗ ܒܥܵܠܡܵܐ ܗܵܢܵܐ ܕܡܸܥܒܲܪ ܥܵܒܲܪ܃