← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

00520_0 ܠܵܐ ܐܸܬܬܲܚܬܝܼ ܠܵܐ ܠܥܸܢܝܵܢܸܗ ܘܠܵܐ ܠܲܥܒܵܕܸܗ܀
00520_1 ܡܸܚܕܵܐ ܕܲܫܡܲܥ ܕܗܵܢܵܐ ܐܲܬܪܵܐ ܠܲܘ ܐܲܬܪܸܗ ܗ̄ܘܵܐ܃
00520_2 ܬܽܘܒ ܠܵܐ ܪܲܚܡܸܗ ܘܠܵܐ ܨܒܵܐ ܕܲܢܠܽܘܡ ܠܲܥܒܝܼ̈ܕܵܬܸܗ܀
00520_3 ܡܸܢ ܟܲܕ ܝܼܠܸܦ ܕܚܲܝܸ̈ܐ ܐ̄ܚܪ̈ܵܢܸܐ ܐܝܼܬ ܠܲܐܠܵܗܵܐ܃
00520_4 ܒܥܲܡ̈ܠܸܐ ܪܲܘܪ̈ܒܸܐ ܠܗܽܘܢ ܒܵܥܸܐ ܗ̄ܘܵܐ ܕܢܼܐܪܲܬ ܐܸܢܽܘܢ܀
00520_5 ܡܸܚܕܵܐ ܕܲܐܪܓܸܫ ܕܵܐܕܵܡ ܒܲܥܒܵܪ ܦܽܘܩܕܵܢܵܐ ܡܝܼܬ܃
00520_6 ܬܽܘܒ ܠܵܐ ܐܲܣܛܝܼ ܡܸܢ ܢܵܡܽܘܣܵܐ ܪܽܘܚܵܢܵܝܵܐ܀
00520_7 ܚܵܪ ܒܲܟܝܵܢܵܐ ܕܸܐܠܽܘܠܵܐ ܚܛܵܐ ܠܵܐ ܡܵܐܸܬ ܗ̄ܘܵܐ܃
00520_8 ܘܙܵܥ ܗ̄ܘܵܐ ܕܢܸܚܛܸܐ ܕܦܼܐܪܵܐ ܠܡܲܘܬܵܐ ܠܵܐ ܢܸܗܘܸܐ ܗ̄ܘܵܐ܀
00520_9 ܡܸܢ ܟܲܕ ܝܼܕܲܥ ܕܡܵܢܲܘ ܡܲܘܬܵܐ ܘܡܵܢܵܐ ܚܲܝܸ̈ܐ܃
00521_0 ܡܸܛܽܠ ܚܲܝܸ̈ܐ ܡܸܬܟܲܬܲܫ ܗ̄ܘܵܐ ܕܢܸܩܢܸܐ ܐܸܢܽܘܢ܀
00521_1 ܡܸܢ ܡܲܘܥܝܼܬܸܗ ܠܥܸܠ ܪܵܒܸܐ ܗ̄ܘܵܐ ܪܽܘܚܵܢܵܐܝܼܬ܃
00521_2 ܥܕܲܡܵܐ ܕܲܡܛܵܐ ܠܗܵܕܸܐ ܡܫܽܘܚܬܵܐ ܕܪܵܡܵܐ ܡܸܢ ܟܽܠ܀
00521_3 ܚܵܪ ܒܲܐܠܵܗܵܐ ܘܡܸܚܕܵܐ ܕܝܲܠܦܸܗ ܕܲܟܡܵܐ ܫܲܦܝܼܪ܃
00521_4 ܚܙܵܬܸܗ ܡܸܢܸܗ ܬܽܘܒ ܠܵܐ ܐܲܪܟܸܢ ܢܸܚܙܸܐ ܡܸܕܸܡ܀
00521_5 ܕܲܢܗܲܠܸܟ ܗ̄ܘܵܐ ܒܽܐܘܪܚܵܐ ܕܟܼܐܢܸ̈ܐ ܠܵܐ ܐܸܬܬܲܚܬܝܼ܃
00521_6 ܕܒܲܓܡܝܼܪܽܘܬܵܐ ܠܥܸܠ ܡܸܢ ܥܵܠܡܵܐ ܪܕܵܐ ܙܲܗܝܵܐܝܼܬ܀
00521_7 ܥܪܲܩ ܡܸܢ ܢܸܩܦܵܐ ܘܡܸܢ ܙܽܘܘܵܓܵܐ ܥܲܠ ܕܲܐܪܓܸܫ ܗ̄ܘܵܐ܃
00521_8 ܕܗܵܕܸܐ ܐܽܘܪܚܵܐ ܒܥܵܠܡܵܐ ܐܵܣܪܵܐ ܠܵܕܪܵܕܸܐ ܒܵܗ݀܀
00521_9 ܒܲܒܬܽܘܠܽܘܬܵܐ ܠܵܐ ܚܵܫܽܘܫܬܵܐ ܘܚܲܒܪܲܬ ܥܝܼܪܸ̈ܐ܃
00522_0 ܦܠܲܚ ܠܲܐܠܵܗܵܐ ܕܠܵܐ ܢܸܬܕܲܘܲܕ ܡܵܐ ܕܦܵܠܲܚ ܠܸܗ܀
00522_1 ܒܗܵܕܸܐ ܐܽܘܪܚܵܐ ܕܲܡܗܲܠܟܝܼܢ ܒܵܗ݀ ܕܒܸܝܬ ܓܲܒܪܝܼܸܠ܃
00522_2 ܕܠܵܐ ܙܽܘܘܵܓܵܐ ܪܕܵܐ ܕܢܸܬܕܲܡܸܐ ܠܬܸܓ̈ܡܸܐ ܕܲܠܥܸܠ܀
00522_3 ܝܚܝܼܕܵܝܽܘܬܵܐ ܕܼܐܝܬ ܠܲܣܪ̈ܵܦܸܐ ܒܩܲܕܝܼܫܽܘܬܵܐ܃
00522_4 ܩܢܸܐ ܗ̄ܘܵܐ ܐܵܦ ܗܽܘ ܕܢܸܗܘܸܐ ܡܫܲܡܸܫ ܟܲܕ ܠܵܐ ܝܵܨܸܦ܀
00522_5 ܩܕܵܡ ܐܲܠܵܗܵܐ ܩܵܡ ܒܝܼܕܲܥܬܵܐ ܕܠܵܐ ܡܸܬܥܲܒܪܵܐ܃
00522_6 ܘܠܵܐ ܡܬܽܘܡ ܐܲܪܦܝܼ ܚܝܵܪܸܗ ܡܸܢܸܗ ܒܚܲܕ ܡܸܢ ܐܸܣܟܝܼܡ܀
00522_7 ܘܡܸܛܽܠܗܵܢܵܐ ܚܲܝ ܗ̄ܽܘ ܡܵܪܝܵܐ ܕܩܵܡܸܬ ܩܽܘܕܡܲܘܗ̄ܝ܃
00522_8 ܐܝܼܬ ܗ̄ܘܵܐ ܒܦܽܘܡܸܗ ܡܵܐ ܕܦܵܩܸܕ ܗ̄ܘܵܐ ܕܢܸܗܘܸܐ ܡܸܕܸܡ܀
00522_9 ܩܲܘܡܵܐ ܙܲܗܝܵܐ ܒܡܲܕܥܵܐ ܪܵܡܵܐ ܕܠܵܐ ܕܽܘܘܵܕܵܐ܃
00523_0 ܒܠܸܒܵܐ ܥܝܼܪܵܐ ܕܒܲܐܪ̈ܥܵܢܝܵܬܵܐ ܠܵܐ ܚܵܐܸܒ ܗ̄ܘܵܐ܀
00523_1 ܒܗܲܘܢܵܐ ܕܚܵܐܲܪ ܒܲܐܠܵܗܽܘܬܵܐ ܚܲܡܝܼܡܵܐܝܼܬ܃
00523_2 ܘܡܸܬܒܲܣܲܡ ܒܵܗ݀ ܘܡܸܬܪܲܒܸܐ ܒܵܗ݀ ܘܡܸܬܦܲܛܲܡ ܒܵܗ݀܀
00523_3 ܒܢܲܦܫܵܐ ܕܡܲܠܝܵܐ ܙܲܘ̈ܥܸܐ ܘܫܽܘܦܪܸ̈ܐ ܐܲܠܵܗܵܝܸ̈ܐ܃
00523_4 ܕܠܵܐ ܐܸܨܛܲܠܝܲܬ ܬܸܚܙܸܐ ܡܸܕܸܡ ܥܲܡ ܪܲܒܽܘܬܵܐ܀
00523_5 ܩܕܵܡ ܐܲܠܵܗܵܐ ܗܵܟܲܢ ܩܵܡ ܗ̄ܘܵܐ ܡܸܢ ܛܲܠܝܽܘܬܸܗ܃
00523_6 ܘܥܲܠܗܵܝ ܡܵܪܝܵܐ ܕܩܵܡܸܬ ܩܽܘܕܡܲܘܗ̄ܝ ܡܸܬܚܲܫܲܚ ܗ̄ܘܵܐ܀
00523_7 ܘܸܐܠܽܘ ܓܲܠܝ̈ܵܢ ܗܵܠܸܝܢ ܕܲܣܥܲܪ ܒܲܥܠܲܝܡܽܘܬܸܗ܃
00523_8 ܬܽܘܒ ܬܵܡܲܗ ܗ̄ܘܵܐ ܥܵܠܡܵܐ ܒܫܽܘܦܪ̈ܲܘܗ̄ܝ ܪ̈ܽܘܚܵܢܵܝܸܐ܀
00523_9 ܘܸܐܠܽܘ ܓܠܵܐ ܗ̄ܘܵܐ ܗܲܘ ܕܽܘܒܵܪܵܐ ܕܡܸܢ ܛܲܠܝܽܘܬܸܗ܃
00524_0 ܬܵܗܪܵܐ ܗ̄ܘܵܬ ܒܸܗ ܐܲܪܥܵܐ ܕܲܐܝܟܲܢ ܫܲܪܝܼ ܒܽܐܘܪܚܸܗ܀
00524_1 ܘܡܸܛܽܠܗܵܢܵܐ ܙܵܥܸܬ ܐܸܢܵܐ ܡܸܢ ܩܽܘܠܵܣܲܘ̈ܗ̄ܝ܃

▼ later lines