← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

00530_0 ܡܸܛܪܵܐ ܥܲܪܝܼܩ ܛܲܠܵܐ ܠܲܝܬܲܘܗ̄ܝ ܣܲܬܘܵܐ ܫܲܢܝܼ܀
00530_1 ܐܵܐܲܪ ܘܲܟܡܝܼܪ ܐܲܪܥܵܐ ܡܓܲܙܝܵܐ ܥܠܲܠܬܵܐ ܫܩܝܼܠܵܐ܃
00530_2 ܟܲܦܢܵܐ ܢܲܨܝܼܚ ܨܲܗܝܵܐ ܥܲܫܝܼܢ ܡܚܽܘܬܵܐ ܩܲܫܝܵܐ܀
00530_3 ܠܡܝܼܬܵܐ ܚܲܝܸ̈ܐ ܠܕܸܒܚܵܐ ܢܽܘܪܵܐ ܠܒܲܥܠܵܐ ܒܸܙܚܵܐ܃
00530_4 ܠܡܵܪܝܵܐ ܫܽܘܒܚܵܐ ܠܟܽܘܡܪܸ̈ܐ ܚܲܪܒܵܐ ܠܨܲܠܡܸ̈ܐ ܚܸܣܕܵܐ܀
00530_5 ܠܪܲܘܡܵܐ ܨܠܽܘܬܵܐ ܠܲܐܪܥܵܐ ܡܸܛܪܵܐ ܠܥܵܠܡܵܐ ܣܲܒܪܵܐ܃
00530_6 ܠܟܲܦ̈ܢܸܐ ܣܲܒܥܵܐ ܠܥܲܡ̈ܡܸܐ ܬܸܗܪܵܐ ܘܠܼܐܝܙܒܸܠ ܘܵܝܵܐ܀
00530_7 ܫܽܘܦܪܵܐ ܠܫܽܘܦܪܵܐ ܡܝܲܒܸܠ ܗ̄ܘܵܐ ܠܸܗ ܥܲܡ ܢܸܨܚܵܢܸ̈ܐ܃
00530_8 ܘܲܒܚܲܕ ܫܽܘܦܪܵܐ ܡܬܽܘܡ ܠܵܐ ܩܲܘܝܼ ܕܠܵܐ ܬܲܘܣܲܦܬܵܐ܀
00530_9 ܡܸܢ ܕܽܘܒܵܪܵܐ ܠܲܕܪܵܡ ܡܸܢܸܗ ܡܸܬܥܲܠܸܐ ܗ̄ܘܵܐ܃
00531_0 ܘܛܵܥܸܐ ܕܒܵܬܪܸܗ ܘܬܽܘܒ ܠܲܩܕܵܡܲܘܗ̄ܝ ܡܸܫܬܲܘܫܲܛ ܗ̄ܘܵܐ܀
00531_1 ܥܲܠ ܚܲܕ ܕܲܪܓܵܐ ܕܲܡܝܲܬܪܽܘܬܵܐ ܠܵܐ ܡܲܓܲܪ ܗ̄ܘܵܐ܃
00531_2 ܕܣܵܠܸܩ ܗ̄ܘܵܐ ܠܸܗ ܕܟܽܠܗܽܘܢ ܥܽܘܡ̈ܩܸܐ ܠܒܵܬܪܸܗ ܢܸܫܕܸܐ܀
00531_3 ܠܵܐ ܢܵܚ ܘܲܫܠܝܼ ܐܲܟܡܲܢ ܕܲܠܐܝܼ ܘܫܲܠܸܡ ܪܸܗܛܸܗ܃
00531_4 ܕܡܸܢܸܗ ܕܪܸܗܛܸܗ ܠܪܸܗܛܵܐ ܐ̄ܚܪܼܢܵܐ ܡܸܬܩܲܪܲܒ ܗ̄ܘܵܐ܀
00531_5 ܥܕܲܡܵܐ ܠܝܲܘܡܵܢ ܐܸܠܽܘ ܩܲܘܝܼ ܗܵܪܟܵܐ ܒܲܐܬܪܲܢ܃
00531_6 ܥܕܲܡܵܐ ܠܝܲܘܡܵܢ ܡܸܬܟܲܫܲܪ ܗ̄ܘܵܐ ܕܫܽܘܦܪܸ̈ܐ ܢܲܘܣܸܦ܀
00531_7 ܠܵܐ ܐܲܪܦܝܼ ܗ̄ܘܵܐ ܫܽܘܦܪܵܐ ܕܢܲܦܫܵܐ ܕܠܵܐ ܣܲܕܪܸܗ ܒܸܗ܃
00531_8 ܘܲܒܨܸܒܝܵܢܸܗ ܬܽܘܒ ܒܵܥܸܐ ܗ̄ܘܵܐ ܕܢܸܩܢܸܐ ܫܽܘܦܪܸ̈ܐ܀
00531_9 ܠܵܐ ܫܒܲܩ ܡܸܕܸܡ ܒܲܡܝܲܬܪܽܘܬܵܐ ܘܒܲܓܡܝܼܪܽܘܬܵܐ܃
00532_0 ܕܠܵܐ ܥܠܲܘܗ̄ܝ ܢܲܣܒܸܗ ܘܬܽܘܒ ܝܲܬܝܼܪܵܐ ܡܸܬܚܲܦܲܛ ܗ̄ܘܵܐ܀
00532_1 ܨܲܘܡܸܗ ܪܲܒ ܗ̄ܘܵܐ ܘܥܲܢܘܵܝܽܘܬܸܗ ܫܲܪܝܼܪܵܐ ܗ̄ܘܵܬ܃
00532_2 ܛܢܵܢܸܗ ܥܝܼܪ ܗ̄ܘܵܐ ܘܚܽܘܒܵܐ ܒܢܲܦܫܸܗ ܡܸܬܓܲܘܙܲܠ ܗ̄ܘܵܐ܀
00532_3 ܨܠܽܘܬܸܗ ܕܲܟܝܵܐ ܘܢܲܦܫܸܗ ܙܲܗܝܵܐ ܒܲܓܡܝܼܪܽܘܬܵܐ܃
00532_4 ܘܲܒܟܽܠ ܫܽܘܦܪ̈ܝܼܢ ܪ̈ܽܘܚܵܢܵܝܸܐ ܥܲܬܝܼܪܵܐ ܗ̄ܘܵܐ܀
00532_5 ܒܵܬܲܪ ܗܵܠܸܝܢ ܟܽܠܗܽܘܢ ܫܽܘܦܪܸ̈ܐ ܪ̈ܵܡܸܐ ܕܲܩܢܵܐ܃

▼ later lines