← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00537_5 ܠܚܲܫ ܠܲܢܒܝܼܸ̈ܐ ܘܲܠܬܲܠܡܝܼܕܸܗ ܕܡܽܘܢ ܥܵܒܸܕ ܗ̄ܘܵܐ܃
00537_6 ܕܲܢܙܲܝܚܽܘܢܵܗ݀ ܠܽܐܘܪܚܸܗ ܕܙܲܗܝܵܐ ܒܓܸܠܝܵܢܲܝ̈ܗܽܘܢ܀
00537_7 ܘܟܲܕ ܒܵܥܸܐ ܗ̄ܘܵܐ ܢܚܲܦܸܐ ܡܸܢ ܟܽܠ ܫܽܘܦܪܵܐ ܕܽܐܘܪܚܸܗ܃
00537_8 ܢܒܝܼܸ̈ܐ ܙܲܝܚܽܘܗ̄ܝ ܓܽܘ̈ܕܝܼܢ ܓܽܘ̈ܕܝܼܢ ܟܲܕ ܡܸܬܢܲܒܸܝܢ܀
00537_9 ܡܸܬܦܲܪܲܣ ܗ̄ܘܵܐ ܕܢܸܬܛܲܫܸܐ ܗ̄ܘܵܐ ܒܡܲܟܝܼܟܽܘܬܸܗ܃
00538_0 ܘܡܵܪܸܗ ܟܼܐܢܵܐ ܓܠܵܝܗ̄ܝ ܒܽܐܘܪ̈ܚܵܬܵܐ ܠܥܝܼܢ ܣܲܓܝܼܸ̈ܐܐ܀
00538_1 ܡܸܚܕܵܐ ܕܲܐܪܓܸܫ ܕܲܩܪܵܝܗ̄ܝ ܡܵܪܝܵܐ ܠܡܸܬܥܲܠܵܝܽܘ܃
00538_2 ܣܵܡ ܗ̄ܘܵܐ ܐܲܦܲܘ̈ܗ̄ܝ ܢܲܓܢܸܐ ܐܽܘܪܚܸܗ ܡܸܢ ܚܲܙܵܝܸ̈ܐ܀
00538_3 ܘܲܠܬܲܠܡܝܼܕܸܗ ܫܲܪܝܼ ܡܲܟܠܸܐ ܕܲܢܦܽܘܫ ܡܸܢܸܗ܃
00538_4 ܟܲܕ ܐܵܡܲܪ ܠܸܗ ܕܡܵܪܝܵܐ ܫܲܕܪܲܢܝ ܕܲܢܟܲܬܲܪ ܗ̄ܘܵܐ܀
00538_5 ܘܲܕܫܵܘܸܐ ܗ̄ܘܵܐ ܐܵܦ ܗܽܘ ܛܲܠܝܵܐ ܠܲܢܒܝܼܽܘܬܵܐ܃
00538_6 ܪܡܲܙ ܓܸܠܝܵܢܵܐ ܘܲܐܠܦܸܗ ܒܟܸܣܝܵܐ ܕܠܵܐ ܢܟܲܬܲܪ ܗ̄ܘܵܐ܀
00538_7 ܘܲܐܟܡܵܐ ܕܗܵܠܸܝܢ ܡܸܬܐܲܡܪ̈ܵܢ ܗ̄ܘ̈ܲܝ ܡܸܢ ܓܸܠܝܵܢܵܐ܃
00538_8 ܨܹܝܕ ܬܲܠܡܝܼܕܵܐ ܕܢܸܩܦܵܐ ܕܪܲܒܸܗ ܠܵܐ ܢܲܪܦܸܐ ܗ̄ܘܵܐ܀
00538_9 ܝܼܨܲܦ ܛܲܠܝܵܐ ܘܒܽܘܙ ܠܵܟ ܥܽܘܬܪܵܐ ܕܠܵܐ ܡܸܣܬܲܝܲܟ܃
00539_0 ܥܲܕ ܩܲܪܝܼܒ ܠܵܟ ܓܲܙܵܐ ܪܲܒܵܐ ܡܠܸܐ ܛܵܒ̈ܵܬܵܐ܀
00539_1 ܡܸܬܥܲܠܝܵܐ ܠܵܗ݀ ܣܝܼܡܬܵܐ ܡܸܢܵܟ ܣܲܒ ܠܵܟ ܡܸܢܵܗ݀܃
00539_2 ܟܡܵܐ ܕܡܸܫܟܲܚ ܐܲܢ̄ܬ ܘܲܥܬܲܪ ܘܲܗܘܝܼ ܪܲܒܵܐ ܐܵܦ ܐܲܢ̄ܬ܀
00539_3 ܥܲܕ ܥܲܡܵܟ ܗ̄ܽܘ ܫܸܡܫܵܐ ܒܲܐܪܥܵܐ ܣܲܒ ܠܵܟ ܡܸܢܸܗ܃
00539_4 ܢܽܘܗܪܵܐ ܘܙܝܼܘܵܐ ܘܨܲܒܸܬ ܝܵܬܵܟ ܡܸܢ ܦܲܐܝܽܘܬܸܗ܀
00539_5 ܥܲܕ ܩܲܪܝܼܒ ܐܲܢ̄ܬ ܨܹܝܕ ܡܲܒܽܘܥܵܐ ܕܓܵܣܸܐ ܚܲܝܸ̈ܐ܃
00539_6 ܐܸܫܬܲܝ ܡܸܢܸܗ ܕܡܸܬܥܲܠܸܐ ܠܸܗ ܠܪܲܘܡܵܐ ܡܸܢܵܟ܀
00539_7 ܥܲܕ ܥܲܡܵܟ ܗ̄ܝܼ ܢܽܘܪܵܐ ܚܲܝܬܵܐ ܡܲܠܝܲܬ ܫܽܘܦܪܸ̈ܐ܃
00539_8 ܣܒܽܘܟ ܒܵܗ݀ ܘܲܐܕܠܸܩ ܢܲܦܫܵܟ ܡܸܢܵܗ݀ ܕܡܸܬܓܲܢܙܵܐ ܠܵܗ݀܀
00539_9 ܥܲܕ ܢܲܩܝܼܦ ܠܵܟ ܬܗܽܘܡܵܐ ܕܪܽܘܚܵܐ ܘܪܵܕܸܐ ܥܲܡܵܟ܃