← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00565_9 ܬܪܸܝܢ ܓܲܝ̈ܵܣܸܐ ܕܒܽܐܘܪܚܸܗ ܕܥܵܠܡܵܐ ܢܦܲܠܘ ܥܲܠ ܐ̄ܢܵܫܵܐ܃
00566_0 ܘܲܐܥܸܠܘ ܘܲܡܠܲܘ ܠܲܫܝܽܘܠ ܒܸܙܬܲܐ ܕܬܲܚܠܽܘܨܲܝ̈ܗܽܘܢ܀
00566_1 ܐܸܠܝܼܵܐ ܕܹܝܢ ܫܲܦܸܠ ܐܸܢܽܘܢ ܒܽܐܘܚܕܵܢܲܝ̈ܗܽܘܢ܃
00566_2 ܘܲܐܝܟ ܓܲܢ̄ܒܵܪܵܐ ܠܒܝܼܒܵܐ ܐܲܗܸܠ ܒܲܟܡܼܐܢܲܝ̈ܗܽܘܢ܀
00566_3 ܥܲܒܪܸܗ ܬܚܽܘܡܗܽܘܢ ܘܲܐܡܠܸܟ ܒܲܐܬܪܵܐ ܕܠܵܐ ܚܵܫܽܘ̈ܫܸܐ܃
00566_4 ܘܥܲܠ ܐܸܬܓܲܐܝܼ ܒܚܲܝܸ̈ܐ ܕܪܵܡܝܼܢ ܡܸܢ ܫܽܘܠܵܡܵܐ܀
00566_5 ܣܘܲܚܘ ܡܲܠܲܐܟܸ̈ܐ ܘܲܢܦܲܩܘ ܠܽܐܘܪܥܸܗ ܒܲܟܠܝܼ̈ܠܲܝܗܽܘܢ܃
00566_6 ܟܲܕ ܡܸܣܬܲܠܲܩ ܚܲܒܝܼܒܵܐܝܼܬ ܨܹܝܕ ܟܸܢܫܲܝ̈ܗܽܘܢ܀
00566_7 ܩܲܒܠܽܘܗ̄ܝ ܚܲܒܒܽܘܗ̄ܝ ܝܲܩܪܽܘܗ̄ܝ ܚܲܠܛܽܘܗ̄ܝ ܥܲܡ ܣܸܕܪ̈ܲܝܗܽܘܢ܃
00566_8 ܘܸܐܬܕܲܡܲܪܘ ܒܸܗ ܕܲܗܘܵܐ ܟܢܵܬܗܽܘܢ ܟܲܕ ܦܲܓܪܵܢܵܐ ܗ̄ܘ܀
00566_9 ܘܲܐܝܟ ܕܲܒܡܸܕܸܡ ܚܲܕܬܵܐ ܪܚܝܼܡܵܐ ܚܵܪܘ ܗ̄ܘܲܘ ܘܲܚܕܝܼܘ܃
00567_0 ܕܡܲܠܲܐܟܵܐ ܗ̄ܘܵܐ ܦܲܓܪܵܢܵܝܵܐ ܒܸܝܬ ܣܸܕܪ̈ܲܝܗܽܘܢ܀
00567_1 ܘܲܐܟܡܵܐ ܕܗܵܠܸܝܢ ܡܸܬܐܲܡܪ̈ܵܢ ܗ̄ܘ̈ܲܝ ܡܸܢ ܡܲܠܲܐܟܸ̈ܐ܃
00567_2 ܨܹܝܕ ܐܸܠܝܼܵܐ ܟܲܕ ܣܵܘܚܝܼܢ ܠܸܗ ܒܦܽܘܪ̈ܫܵܢܲܝܗܽܘܢ܀
00567_3 ܬܵܐ ܒܲܫܠܵܡܵܐ ܚܽܘܬܪܵܐ ܕܟܽܠܵܗ݀ ܙܲܕܝܼܩܽܘܬܵܐ܃
00567_4 ܘܲܡܢܲܨܚܵܢܵܐ ܕܲܒܬܽܘܠܽܘܬܵܐ ܘܩܲܕܝܼܫܽܘܬܵܐ܀
00567_5 ܬܵܐ ܒܲܫܠܵܡܵܐ ܚܲܒܪܲܢ ܕܲܗܘܵܐ ܠܲܘ ܡܸܢ ܓܸܢܣܲܢ܃
00567_6 ܐܸܠܵܐ ܡܸܢ ܗܲܘ ܛܽܘܗܡܵܐ ܪܓܝܼܙܵܐ ܕܲܐܪ̈ܥܵܢܵܝܸܐ܀
00567_7 ܬܵܐ ܒܲܫܠܵܡܵܐ ܣܵܗܕܵܐ ܕܲܬܪܸܝܢ ܕܵܐܬܸܐ ܕܢܲܘܕܲܥ܃
00567_8 ܕܸܐܠܽܘ ܠܵܐ ܚܛܵܐ ܐܵܕܵܡ ܒܲܥܕܸܢ ܠܵܐ ܡܵܐܸܬ ܗ̄ܘܵܐ܀
00567_9 ܬܵܐ ܒܲܫܠܵܡܵܐ ܕܟܽܠܸܗ ܫܽܘܦܪܵܐ ܕܼܐܝܬ ܠܲܟܝܵܢܵܐ܃
00568_0 ܐܲܢ̄ܬ ܚܲܘܝܼܬܵܝܗ̄ܝ ܕܲܟܡܵܐ ܦܸܐܐ ܗ̄ܘܵܐ ܥܲܕܠܵܐ ܢܸܚܛܸܐ܀
00568_1 ܬܵܐ ܒܲܫܠܵܡܵܐ ܥܝܼܪܵܐ ܕܒܸܣܪܵܐ ܐ̄ܢܵܫܵܐ ܕܪܽܘܚܵܐ܃
00568_2 ܝܠܝܼܕܵܐ ܕܠܵܐ ܡܝܼܬ ܓܫܝܼܡܵܐ ܕܡܸܟܝܼܠ ܬܽܘܒ ܠܵܐ ܚܵܐܸܫ܀
00568_3 ܬܵܐ ܒܲܫܠܵܡܵܐ ܕܒܵܟ ܡܸܬܝܲܠܦܵܐ ܒܪܝܼܬܸܗ ܕܵܐܕܵܡ܃
00568_4 ܕܸܐܠܽܘܠܵܐ ܢܦܲܠ ܡܸܢ ܐܲܠܵܗܵܐ ܚܲܝ ܗ̄ܘܵܐ ܥܲܡܲܢ܀
00568_5 ܡܹܐܡܪܵܐ ܪܡܲܙ ܠܝܼ ܕܠܵܐ ܐܸܡܲܠܸܠ ܥܲܠ ܐܸܠܝܼܵܐ܃
00568_6 ܫܠܝܼ ܠܲܡ ܕܵܘܝܵܐ ܕܠܵܐ ܡܲܕܪܸܟ ܐܲܢ̄ܬ ܡܽܘܢ ܪܵܗܸܛ ܐܲܢ̄ܬ܀
00568_7 ܚܽܘܪ ܒܲܩܢܽܘܡܵܟ ܕܲܟܡܵܐ ܒܨܝܼܪ ܐܲܢ̄ܬ ܠܲܡܡܲܠܵܠܽܘ܃
00568_8 ܥܲܠ ܗܲܘ ܪܲܒܵܐ ܕܬܼܐܡܲܪ ܥܠܲܘܗ̄ܝ ܡܲܪܵܚܽܘܬܵܐ ܗ̄ܝ܀
00568_9 ܘܸܐܢ ܟܲܕ ܒܲܐܪܥܵܐ ܚܵܒܲܬ ܡܸܠܬܵܐ ܘܠܵܐ ܐܲܕܪܸܟܬܸܗ܃
00569_0 ܗܵܫܵܐ ܕܲܣܠܸܩ ܐܲܝܟܲܢ ܡܵܛܝܵܐ ܕܬܸܬܢܸܐ ܫܲܪ̈ܒܲܘܗ̄ܝ܀
00569_1 ܥܲܠ ܠܸܗ ܓܲܒܪܵܐ ܠܓܲܘ ܡܸܢ ܫܸܬܩܵܐ ܕܠܵܐ ܡܸܬܡܲܠܲܠ܃
00569_2 ܘܦܵܫ ܠܸܗ ܡܸܢܸܗ ܡܹܐܡܪܵܐ ܘܡܸ̈ܠܸܐ ܘܲܙܡܝܼܪ̈ܵܬܵܐ܀
00569_3 ܘܸܐܢ ܟܲܕ ܐܝܼܬܲܘܗ̄ܝ ܫܲܪܒܸܗ ܒܥܵܠܡܲܢ ܠܵܐ ܣܲܝܸܟܢܵܝܗ̄ܝ܃
00569_4 ܗܵܫܵܐ ܕܲܓܢܸܐ ܐܵܦ ܡܸܢ ܡܸܠܬܵܐ ܡܲܢ ܡܲܘܦܸܐ ܠܸܗ܀
00569_5 ܡܸܢ ܡܲܪܟܲܒܬܵܐ ܘܲܠܗܲܠ ܫܸܬܩܵܐ ܘܬܸܗܪܵܐ ܒܲܠܚܽܘܕ܃
00569_6 ܘܵܐܦܠܵܐ ܡܸܢܸܗ ܘܲܠܟܵܐ ܡܸܕܸܡ ܐܸܬܡܲܠܲܠ ܒܝܼ܀
00569_7 ܐܲܘ ܟܲܕ ܐܸܡܪܸܬ ܡܽܘܢ ܓܹܝܪ ܐܸܡܪܸܬ ܡܸܢ ܩܽܘܠܵܣܲܘ̈ܗ̄ܝ܃
00569_8 ܐܲܘ ܟܲܕ ܫܸܬܩܸܬ ܡܽܘܢ ܐܸܬܒܲܨܲܪ ܡܸܢ ܢܸܨܚܵܢܲܘ̈ܗ̄ܝ܀
00569_9 ܐܸܬܓܲܘܝܼ ܠܸܗ ܡܸܢ ܐܵܡܽܘܪܸ̈ܐ ܘܡܸܢ ܫܵܡܽܘ̈ܥܸܐ܃