The Comprehensive Aramaic Lexicon

00560_9	ܐܲܝܟܵܐ ܐܸܢܽܘܢ ܦܲܚܸ̈ܐ ܪܲܘܪ̈ܒܸܐ ܕܲܡܨܝܼ̈ܕܵܬܵܟ܃
00561_0	ܕܨܹܝܕ ܐܸܠܝܼܵܐ ܗܵܐ ܥܒܝܼܕ ܒܸܙܚܵܐ ܟܽܠܸܗ ܥܲܡܠܵܟ܀
00561_1	ܐܲܝܟܲܘ ܚܼܐܦܵܐ ܕܡܵܪܽܘܕܽܘܬܵܟ ܘܲܕܩܲܫܝܽܘܬܵܟ܃
00561_2	ܕܒܲܪ ܬܲܘ̈ܬܵܒܸܐ ܒܕܲܪܵܐ ܚܲܣܢܵܗ݀ ܠܥܲܙܝܼܙܽܘܬܵܟ܀
00561_3	ܐܲܝܟܵܐ ܐܸܢܽܘܢ ܓܸܐܪ̈ܲܝܟ ܝܵܩ̈ܕܸܐ ܐܵܦ ܚܲܪ̈ܝܼܦܸܐ܃
00561_4	ܕܵܐܦܠܵܐ ܫܽܘܡܬܵܐ ܙܥܽܘܪܬܵܐ ܗܘܵܬ ܒܸܗ ܟܲܕ ܡܸܬܟܲܬܲܫ܀
00561_5	ܒܗܵܝ ܕܲܙܟܵܢܝ ܠܝܼ ܚܲܝܵܒܽܘܬܵܟ ܡܸܬܚܲܙܝܵܐ ܒܸܗ܃
00561_6	ܕܲܐܢ̄ܬ ܠܵܐ ܙܟܲܝܬܵܝܗ̄ܝ ܘܥܲܠ ܗܵܝ ܡܲܪܕܲܢܝ ܘܸܐܬܥܲܠܝܼ ܡܸܢܝ܀
00561_7	ܐܸܢ ܓܹܝܪ ܬܲܪܥܵܐ ܠܵܐ ܦܵܬܲܚ ܐܲܢ̄ܬ ܐܲܝܟܲܢ ܐܸܥܽܘܠ܃
00561_8	ܐܸܫܪܸܐ ܟܝܵܢܵܐ ܕܡܵܐ ܕܠܵܐ ܚܵܛܸܐ ܠܵܐ ܡܵܝܽܘܬܵܐ ܗ̄ܘ܀
00561_9	ܐܸܢ ܐܲܢ̄ܬ ܬܚܽܘܒ ܐܸܢܵܐ ܡܚܝܼܠ ܐ̄ܢܵܐ ܡܸܢ ܙܵܟܽܘܬܵܐ܃
00562_0	ܕܸܐܠܵܐ ܒܕܝܼܠܵܟ ܠܵܐ ܢܵܨܲܚ ܐ̄ܢܵܐ ܥܲܠ ܫܲܪ̈ܒܵܬܵܐ܀
00562_1	ܙܟܵܢܝ ܐܸܠܝܼܵܐ ܘܚܲܝܵܒܽܘܬܵܐ ܕܝܼܠܵܟ ܐܝܼܬܸܝܗ݀܃
00562_2	ܕܲܐܢ̄ܬ ܠܵܐ ܠܒܲܟܬܵܝܗ̄ܝ ܐܸܙܟܸܐ ܐܸܢܵܐ ܘܬܸܬܢܲܨܲܚ ܐܲܢ̄ܬ܀
00562_3	ܐܸܠܵܐ ܐܲܪܡܝܼܬ ܐܝܼܕܵܐ ܒܐ̄ܢܵܫܵܐ ܐܲܢ̄ܬ ܩܲܕܡܵܝܵܐ܃
00562_4	ܠܵܐ ܡܸܫܟܲܚ ܐ̄ܢܵܐ ܐܸܩܪܽܘܒ ܨܸܐܕܲܘܗ̄ܝ ܘܸܐܒܲܙܲܚ ܒܸܗ܀
00562_5	ܘܥܲܠ ܕܲܙܟܵܟ ܠܵܟ ܚܵܒܸܬ ܐܸܢܵܐ ܡܸܢ ܐܸܠܝܼܵܐ܃
00562_6	ܘܠܵܐ ܟܲܦܸܦܬܸܗ ܒܬܲܪܥܵܐ ܕܲܫܝܽܘܠ ܐܲܝܟ ܕܲܠܫܲܪܟܵܐ܀
00562_7	ܐܸܠܽܘ ܙܟܲܝܬܵܝܗ̄ܝ ܡܲܥܸܠ ܗ̄ܘܝܼܬ ܠܸܗ ܐܸܢܵܐ ܨܸܐܕܲܝ܃
00562_8	ܘܕܵܐܸܫ ܗ̄ܘܝܼܬ ܠܸܗ ܠܨܲܘܪܸܗ ܪܵܡܵܐ ܘܠܵܟ ܡܲܦܨܲܚ ܗ̄ܘܝܼܬ܀
00562_9	ܘܥܲܠ ܕܲܙܟܵܟ ܠܵܟ ܚܵܒܸܬ ܥܲܡܵܟ ܡܸܛܽܠܵܬܵܟ܃
00563_0	ܘܲܦܠܲܛ ܗܵܢܵܐ ܡܸܢܵܟ ܐܵܦ ܡܸܢܝ ܓܲܢ̄ܒܵܪܵܐܝܼܬ܀
00563_1	ܐܸܡܲܪ ܒܝܼܫܵܐ ܡܽܘܢ ܐܸܥܒܸܕ ܠܸܗ ܕܟܽܠܗܽܘܢ ܦܲܚ̈ܲܝ܃
00563_2	ܕܲܨܠܝܼܬ ܩܽܘܕܡܲܘܗ̄ܝ ܬܲܒܲܪ ܐܸܢܽܘܢ ܐܲܝܟ ܓܲܢ̄ܒܵܪܵܐ܀
00563_3	ܡܨܝܼ̈ܕܵܬܝ ܬܲܠܲܚ ܢܸܫ̈ܒܲܝ ܦܲܣܸܩ ܟܡܼܐܢ̈ܲܝ ܦܲܪܣܝܼ܃

00563_4	ܨܸܢ̈ܥܵܬܝ ܐܲܒܗܸܬ ܦܽܘܪ̈ܣܲܝ ܒܲܛܸܠ ܘܲܫܪܵܐ ܚܸܟܡܲܬܝ܀

00563_5	ܓܲܕܸܡ ܨܲܠܡ̈ܲܝ ܩܲܠܸܦ ܨܝܼܪ̈ܲܝ ܩܲܛܸܠ ܟܽܘܡܪ̈ܲܝ܃
00563_6	ܢܨܵܐ ܥܲܡ ܪ̈ܵܚܡܲܝ ܣܢܵܐ ܠܚܲܒܝܼ̈ܒܲܝ ܘܲܐܣܓܝܼ ܫܵܛܲܢܝ܀
00563_7	ܨܲܥܲܪ ܡܲܕܒ̈ܚܲܝ ܐܲܙܥܲܪ ܕܸܒ̈ܚܲܝ ܐܲܥܪܸܩ ܟܵܗ̈ܢܲܝ܃
00563_8	ܦܣܲܩ ܠܲܥܝܵܕ̈ܲܝ ܫܵܛ ܠܲܦܬܲܟܪ̈ܲܝ ܐܲܦܛܲܪ ܚܲܓ̈ܲܝ܀
00563_9	ܐܲܚܪܸܒ ܟܸܢ̈ܫܲܝ ܦܲܪܣܝܼ ܐ̄ܪ̈ܵܙܲܝ ܒܲܥܲܪ ܒܵܬܲܪܝ܃
00564_0	ܘܥܲܒܕܲܢܝ ܓܽܘܚܟܵܐ ܒܥܵܠܡܵܐ ܟܽܠܸܗ ܘܟܸܢ ܐܸܬܥܲܠܝܼ܀
00564_1	ܠܲܘ ܒܲܩܪܵܒܵܐ ܕܥܸܒܕܸܬ ܥܲܡܸܗ ܡܸܕܡܲܟ ܕܸܡܟܸܬ܃
00564_2	ܕܥܝܼܪ ܗ̄ܘܝܼܬ ܘܲܚܦܝܼܛ ܘܲܢܩܸܐ ܠܕܲܪܵܐ ܘܲܠܗܸܪ̈ܵܬܵܐ܀
00564_3	ܗܽܘ ܐܸܠܝܼܵܐ ܐܸܬܬܥܝܼܪ ܣܲܓܝܼ ܥܲܠ ܬܲܟܬܽܘܫܵܐ܃
00564_4	ܘܲܕܠܵܐ ܫܲܠܝܵܐ ܥܒܲܕ ܐܲܓܽܘܢܵܐ ܘܕܲܪܵܐ ܠܽܘܩܒܲܠܝ܀
00564_5	ܒܙܲܕܝܼܩܽܘܬܵܐ ܐ̄ܣܲܪ ܗ̄ܘܵܐ ܚܲܨܲܘ̈ܗ̄ܝ ܡܸܢ ܛܲܠܝܽܘܬܸܗ܃
00564_6	ܒܗܲܝܡܵܢܽܘܬܵܐ ܚܙܝܼ̈ܩܵܢ ܗ̄ܘ̈ܲܝ ܠܸܗ ܟܽܠ ܕܲܦ̈ܢܵܬܸܗ܀
00564_7	ܒܪܸܚܡܲܬ ܡܵܪܸܗ ܐܲܝܟ ܕܲܒܫܽܘܪܵܐ ܡܪܲܕ ܡܸܢ ܨܸܢ̈ܥܵܬܝ܃
00564_8	ܒܲܒܬܽܘܠܽܘܬܵܐ ܠܥܸܠ ܡܸܢ ܥܵܠܡܵܐ ܪܕܵܐ ܘܠܵܐ ܚܲܫܒܲܢܝ܀
00564_9	ܒܲܡܣܲܪܩܽܘܬܵܐ ܣܢܵܐ ܠܩܸܢ̈ܝܵܢܸܐ ܕܦܲܚ̈ܲܝ ܐܸܢܽܘܢ܃
00565_0	ܠܪܸܚܡܲܬ ܕܲܗܒܵܐ ܒܡܸܣܟܼܢܽܘܬܵܐ ܕܲܫܲܗ݀ ܘܲܥܒܲܪ܀
00565_1	ܠܪܸܓܲܬ ܟܲܪܣܵܐ ܒܨܲܘܡܸܗ ܪܲܒܵܐ ܡܩܲܦܲܚ ܗ̄ܘܵܐ ܠܵܗ݀܃
00565_2	ܘܲܠܪܵܡܽܘܬܵܐ ܒܡܲܟܝܼܟܽܘܬܵܐ ܒܵܣܲܪ ܗ̄ܘܵܐ ܠܵܗ݀܀
00565_3	ܐܲܚܝܼܕܝܼܢ ܗ̄ܘܲܘ ܬܲܪ̈ܥܸܐ ܕܢܲܦܫܸܗ ܡܸܢ ܒܝܼ̈ܫܵܬܵܐ܃
00565_4	ܕܡܵܐ ܕܢܵܩ̈ܫܵܢ ܗ̄ܘ̈ܲܝ ܠܵܐ ܦܵܬܲܚ ܗ̄ܘܵܐ ܠܲܪ̈ܓܝܼܓܵܬܵܐ܀
00565_5	ܥܲܒܪܸܗ ܠܫܽܘܠܛܵܢܝ ܘܲܡܛܵܐ ܠܲܐܝܟܵܐ ܕܠܲܝܬ ܐܲܓܽܘܢܵܐ܃
00565_6	ܫܩܲܠ ܠܸܗ ܟܠܝܼܠܵܐ ܘܬܽܘܒ ܠܵܐ ܡܲܩܪܸܒ ܕܸܐܫܬܲܡܠܝܼ ܠܸܗ܀
00565_7	ܠܒܝܼܫܵܐ ܘܡܲܘܬܵܐ ܒܣܲܪ ܐܸܠܝܼܵܐ ܟܲܕ ܣܵܠܸܩ ܗ̄ܘܵܐ܃
00565_8	ܕܠܵܐ ܐܸܬܥܲܪܩܲܠ ܒܲܬܚܽܘܡܲܝ̈ܗܽܘܢ ܟܲܕ ܥܵܒܲܪ ܗ̄ܘܵܐ܀
00565_9	ܬܪܸܝܢ ܓܲܝ̈ܵܣܸܐ ܕܒܽܐܘܪܚܸܗ ܕܥܵܠܡܵܐ ܢܦܲܠܘ ܥܲܠ ܐ̄ܢܵܫܵܐ܃