← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63404: JSBhom 8: on the baptism of Jesus in the Jordan

Click on a word for lexical analysis
Click on a red-colored coordinate for comments and/or translations of the line

▲ earlier lines

008:0260 ܪܕ݂ܝܼ ܐܲܗܦܸܟܸܝܗ݀ ܡܸܢ ܬܽܘܩ̈ܠܵܬ݂ܵܐ ܕܲܒ݂ܗܸܝܢ ܢܸܦܩܲܬ݂܀
008:0261 ܗܵܐ ܫܲܒܵܝܸ̈ܐ ܓܲܝܣܽܘܗܝ/ܓܣܘܗܝ/ ܠܲܐܬ݂ܪܵܐ ܐܲܩܸܠ ܪܸܗܛܵܟ݂܃
008:0262 ܦܽܘܩ ܙܸܠ ܐܲܦܢܵܐ ܫܒ݂ܝܼܬ݂ܵܐ ܕܢܸܦܩܲܬ̤ ܡܸܢ ܐܽܘܚܕܵܢܵܟ݂܀
008:0263 ܠܲܘ ܬܲܘܣܸܦܬܵܐ ܐܝܼܬ݂ ܒܲܥܡܵܕ݂ܵܐ ܠܘܵܬ݂ܵܟ݂ ܕܝܼܠܵܟ݂܃
008:0264 ܘܲܠܡܵܢܵܐ ܟܲܝ ܬܸܚܽܘܬ݂ ܬܸܣܚܸܐ ܡܸܬ݂ܚܲܦܲܛ ܐܲܢܼܬ݁܀
008:0265 ܫܠܝܼ ܝܽܘܚܲܢܵܢ ܠܲܘ ܬܲܘܣܸܦܬܵܐ ܥܵܒܸܕ݂ ܐܲܢܼܬ݁ ܒܝܼ܃
008:0266 ܡܲܝ̈ܵܐ ܣܢܝܼܩܝܼܢ ܥܲܠ ܪܽܘܚܵܦܵܐ ܕܡܸܢܝ ܢܸܬ݂ܡܲܠܽܘܢ܀
008:0267 ܠܲܘ ܕܸܐܣܲܒ݂ ܠܝܼ ܣܲܟ݁ܪܵܐ ܢܸܚ݁ܬܸܬ݂ ܨܸܝܕ݂ ܡܲܒ݁ܽܘܥܵܐ܃
008:0268 ܐܸܠܵܐ ܕܸܐܚܫܽܘܠ ܙܲܝܢܵܐ ܪܲܒܵܐ ܠܲܩܪ̈ܲܒ݂ܬ݂ܵܢܸܐ܀
008:0269 ܕܸܐܡܪܽܘܩ ܐܼܢܵܫܵܐ ܒܕܲܪܵܐ ܕܩܼܐܪܣܵܐ ܡܸܬ݂ܚܲܦܲܛ ܐܼܢܵܐ܃
008:0270 ܕܟ݂ܽܠ ܡܲܢ ܕܵܐܬܸܐ ܥܲܠ ܬܲܟ݂ܬ݁ܽܘܫܵܐ ܐܲܟ݂ܘܵܬ݂ܝ ܢܲܩܪܸܒ݂܀
008:0271 ܐܲܝܟ݂ ܒܸܝܬ݂ ܙܲܝܢܵܐ ܥܵܒܸܕ݂ ܐܼܢܵܐ ܠܵܗ݀ ܠܡܲܥܡܽܘܕ݂ܝܼܬ݂ܵܐ܃
008:0272 ܕܸܐܠܵܐ ܥܲܠ ܐܼܢܵܫ ܘܲܠܒܸܫ ܡܸܢܵܗ݀ ܠܵܐ ܡܸܬ݂ܟܲܬܲܫ܀
008:0273 ܐܸܢ ܥܵܒܲܪ ܐܼܢܵܐ ܘܠܵܐ ܥܵܡܸܕ݂ ܐܼܢܵܐ ܐܲܝܟ݂ ܕܲܟ݂ܠܲܝܬܵܢܝ܃
008:0274 ܠܵܐ ܐܼܢܵܫ ܡܸܫܟܲܚ ܫܵܩܸܠ ܙܲܝܢܵܐ ܡܸܢ ܓܲܘ ܡܲܝ̈ܵܐ܀
008:0275 ܐܲܝܟ݂ ܪܲܒ݁ ܚܲܝܠܵܐ ܢܸܓܕܸܬ݂ ܪܝܼܫܵܐ ܥܲܠ ܬܲܟ݂ܬ݂ܽܘܫܵܐ܃
008:0276 ܕܸܐܗܘܸܐ ܕܡܽܘܬ݂ܵܐ ܠܚܲܝ̈ܠܲܘܵܬ݂ܵܐ ܕܵܐܬܸܝܢ ܒܵܬܲܪܝ܀
008:0277 ܘܸܐܢ ܡܲܣܛܸܐ ܐܼܢܵܐ ܡܸܢܵܗ݀ ܕܽܐܘܪܚܵܐ ܕܠܸܒ݂ܟܸܬ݂ ܘܸܐܬܝܼܬ݂܃
008:0278 ܐܵܦ ܗܸܢܽܘܢ ܬܽܘܒ݂ ܒܵܬܲܪܝ ܥܵܒ݂ܪܝܼܢ ܐܲܝܟ݂ ܕܲܚܙܲܐܽܘܢܝ܀
008:0279 ܘܸܐܢ ܚܲܝܠܵܐ ܕܝܼܠܝ ܠܵܐ ܡܸܬ݂ܚܲܙܩܝܼܢ ܡܸܢ ܓܲܘ ܡܲܝ̈ܵܐ܃
008:0280 ܠܵܐ ܐܵܪܥܝܼܢ ܠܸܗ ܠܩܼܐܪܣܵܐ ܪܲܒܵܐ ܐܲܝܟ݂ ܟܲܫܝܼܪܸ̈ܐ܀
008:0281 ܟܲܕ݂ ܠܵܐ ܣܢܝܼܩ ܐܼܢܵܐ ܠܟ݂ܽܘܪܵܐ ܕܡܲܝ̈ܵܐ ܗܵܐ ܥܵܐܸܠ ܐܼܢܵܐ܃
008:0282 ܕܲܒ݂ܗܲܘ݁ ܛܲܒ݂ܥܵܐ ܕܝܼܠܝ ܢܸܬ݂ܢܲܣܟܽܘܢ ܐܼܢܵܫܵܐ ܕܲܒ݂ܠܝܼܘ܀
008:0283 ܡܓܲܪܸܓ ܐܼܢܵܐ ܠܗܽܘܢ ܕܲܐܟ݂ܘܵܬ݂ܝ ܢܼܐܬ݂ܽܘܢ ܨܸܝܕ݂ ܡܲܒ݁ܽܘܥܵܐ܃
008:0284 ܕܲܒ݂ܡܽܘܢܝܼܛܵܐ ܕܝܼܠܝ ܢܸܬ݁ܛܲܒ݂ܥܽܘܢ ܪܽܘܚܵܢܵܐܝܼܬ݂܀
008:0285 ܠܩܲܒ݂ܪܵܐ ܕܡܲܝ̈ܵܐ ܡܲܚܸܬ݂ ܐܼܢܵܐ ܠܗܽܘܢ ܠܲܒ݂ܢܲܝܢܵܫܵܐ܃
008:0286 ܕܲܒ݂ܢܽܘܚܵܡܵܐ ܠܵܐ ܡܵܝ̈ܽܘܬܸܐ ܐܸܥܒܸ݁ܕ݂ ܐܸܢܽܘܢ܀
008:0287 ܠܟܲܪܣܵܐ ܪܓܝܼܬ݂ܵܐ ܡܲܥܸܠ ܐܼܢܵܐ ܠܗܽܘܢ ܬܸܒ݂ܛܲܢ ܐܸܢܽܘܢ܃
008:0288 ܕܲܕ݂ܠܵܐ ܚܸܒ̈ܠܸܐ ܝܲܠܕܵܐ ܚܲܕ݂ܬ݂ܵܐ ܬܼܐܠܲܕ݂ ܐܸܢܽܘܢ܀
008:0289 ܘܲܕ݂ܟܼܐܢܽܘܬ݂ܵܐ ܗܼܝ ܐܸܥܡܲܕ݂ ܡܸܢܵܟ݂ ܠܵܐ ܬܸܫܬܲܘܚܲܪ܃
008:0290 ܬܵܐ ܫܪܝܼ ܐܽܘܪܚܵܐ ܕܥܵܠܡܵܐ ܚܵܐܲܪ ܢܸܬ݂ܚܲܕܲܬ݂ ܒܝܼ܀
008:0291 ܩܪܸܒ݂ ܬܵܚܽܘܒ݂ܵܐ ܨܸܝܕ݂ ܥܲܙܝܼܙܵܐ ܘܲܒ݂ܥܵܐ ܡܸܢܸܗ܃
008:0292 ܕܲܐܝܟܲܢܵܐ ܡܵܪܝ ܐܝܼܬ݂ ܠܵܗ݀ ܦܽܘܪܣܵܐ ܕܬܸܗܘܸܐ ܗܵܕܸܐ܀
008:0293 ܠܟܲܠܲܬ݂ ܢܽܘܗܪܵܐ ܕܸܐܬ݂ܡܲܟ݂ܪܲܬ̤ ܠܵܟ݂ ܗܵܕܸܐ ܐܸܡ݁ܪܸܬ݂܃
008:0294 ܕܲܒ݂ܪܽܘܚ ܩܽܘܕ݂ܫܵܐ ܘܢܽܘܪܵܐ ܡܲܥܡܸܕ݂ ܚܲܬ݂ܢܵܐ ܡܵܪܸܟ݂ܝ܀
008:0295 ܗܵܐ ܠܵܟ݂ ܚܵܝܪܵܐ ܕܲܐܢܼܬ݁ ܬܲܥܡܕ݂ܝܼܗ݀ ܐܲܝܟ݂ ܕܲܐܠܸܦܬܵܗ݀܃
008:0296 ܘܲܐܝܟܲܢ ܗܵܫܵܐ ܬܸܩܪܽܘܒ݂ ܬܸܚܙܸܐ ܕܡܸܢܝ ܥܵܡܸܕ݂ ܐܲܢܼܬ݁܀
008:0297 ܐܲܘܕܝܼܬ݂ ܩܽܘܕ݂ܡܸܝܗ݀ ܕܠܵܐ ܫܵܘܸܐ ܐܼܢܵܐ ܘܠܵܐ ܠܲܡܣܵܢܲܝ̈ܟ܃
008:0298 ܘܲܐܝܟܲܢ ܐܲܡܪܲܚ ܕܵܐܦ ܥܲܠ ܪܝܼܫܵܟ݂ ܐܸܣܝܼܡ ܐܝܼܕܲܝ̈܀
008:0299 ܒܲܫܡܵܟ݂ ܕܝܼܠܵܟ݂ ܡܲܥܡܸܕ݂ ܗܼܘܝܼܬ݂ ܠܵܗ݀ ܕܒ݂ܵܟ݂ ܬܸܨܛܲܒܲܬ݂܃
008:0300 ܘܠܵܟ݂ ܩܲܕܝܼܫܵܐ ܒܫܸܡ ܡܲܢ ܐܲܥܡܸܕ݂ ܠܵܐ ܝܵܕܲܥ ܐܼܢܵܐ܀
008:0301 ܗܵܐ ܡܸܫܟܵܢܵܐ ܡܸܠܲܬ݂ܝ ܨܸܐܕܸܝܗ݀ ܘܲܙܗܝܼܪܵܐ ܒܵܗ݀܃
008:0302 ܕܸܐܡܪܸܬ݂ ܗܼܘܝܼܬ݂ ܠܵܗ݀ ܕܲܒ݂ܪܽܘܚܩܽܘܕ݂ܫܵܐ ܗܽܘ ܡܲܥܡܸܕ݂ ܠܸܟ݂ܝ܀
008:0303 ܘܲܐܝܟܲܢ ܗܵܫܵܐ ܐܸܗܦܽܘܟ݂ ܡܸܠܲܬ݂ܝ ܘܸܐܫܲܚܠܸܦ ܩܵܠܝ܃
008:0304 ܘܠܵܟ݂ ܡܲܥܡܸܕ݂ ܟܽܠ ܐܲܝܟ݂ ܕܲܠܫܲܪܟܵܐ ܒܡܲܝ̈ܵܐ ܐܲܥܡܸܕ݂܀
008:0305 ܫܵܪܸܟ݂ ܐܼܢܵܐ ܠܝܼ ܠܕܲܓܵܠܽܘܬ݂ܵܐ ܘܲܐܢܼܬ݁ ܙܵܥܲܪ ܐܲܢܼܬ݁܃
008:0306 ܘܣܵܒ݂ܪܵܐ ܟܲܠܬ݂ܵܐ ܕܲܒ݂ܨܝܼܪܽܘܬ݂ܵܐ ܐܝܼܬ݂ ܒܲܡܟ݂ܝܼܪܵܗ݀܀
008:0307 ܐܲܝܟܲܢ ܐܼܡܲܪ ܡܵܐ ܕܡܲܥܡܸܕ݂ ܐܼܢܵܐ ܠܫܵܒܸܩ ܚܲܘ̈ܒܸܐ܃
008:0308 ܘܒܲܐܝܠܸܝܢ ܩ̈ܵܠܸܐ ܐܸܛܽܘܪ ܛܸܟ݂ܣܵܐ ܕܡܲܥܡܽܘܕ݂ܝܼܬ݂ܵܐ܀
008:0309 ܒܲܫܡܸܗ ܕܲܐܒ݂ܵܐ ܐܲܥܡܸܕ݂ ܠܲܒ݂ܪܵܐ ܗܵܐ ܒܥܽܘܒܸܗ ܐܲܢܼܬ݁܃
008:0310 ܘܠܵܐ ܐܝܼܬ݂ ܗܲܘܦܵܐ ܕܪܸܡܙܵܐ ܙܥܽܘܪܵܐ ܒܸܝܬ݂ ܠܵܟ݂ ܐܵܦ ܠܸܗ܀

▼ later lines