63404: JSBhom 18: on Palm Sunday
Click on a word for lexical analysis
Click on a red-colored coordinate for comments and/or translations of the line
| 018:291 | ܗܵܐ ܩܵܥܸܝܢ ܠܵܟ݂ ܩܲܕܝܼܫ ܩܲܕܝܼܫ ܒܲܟ݂ܢܽܘ̈ܫܵܬ݂ܵܐ܃ |
| 018:292 | ܚܠܵܦ ܕܲܩܥܵܬ̤ ܗ̄ܘܵܬ݂ ܟܢܽܘܫܲܬ݂ ܥܲܡܵܐ ܕܡܲܘܬܵܐ ܚܲܝܵܒ݂܀ |
| 018:293 | ܗܵܐ ܟܽܠ ܩܵܠܝܼ̈ܢ ܡܸܢ ܟܽܠ ܦܽܘܡ̈ܝܼܢ ܙܵܡܪܝܼܢ ܫܽܘܒ݂ܚܵܟ݂܃ |
| 018:294 | ܒܟ݂ܽܠ ܠܸܫܵܢ̈ܝܼܢ ܕܲܐܥܝܼܪܬ݁ ܐܸܢܽܘܢ ܥܲܠ ܬܸܫܒܽܘܚܬܵܟ݂܀ |
| 018:295 | ܣܪ̈ܵܦܲܝ ܢܽܘܪܵܐ ܒܩ̈ܵܠܸܐ ܕܚܝܼ̈ܠܸܐ ܕܩܲܕܝܼܫܽܘܬ݂ܵܐ܃ |
| 018:296 | ܡܙܝܼܥܝܼܢ ܫܽܘܒ݂ܚܵܟ݂ ܟܲܕ ܡܸܬ݂ܚܲܦܸܝܢ ܡܸܢ ܢܲܒ݂ܪܲܫܬܵܟ݂܀ |
| 018:297 | ܟܪ̈ܽܘܒܸܐ ܫܒ݂ܝܼܚܸ̈ܐ ܕܲܟ݂ܕܝܼܢܝܼܢ ܠܵܟ݂ ܡܸܢ ܓܲܘܙܲܠܬܵܐ܃ |
| 018:298 | ܒܙܲܘܥܵܐ ܪܲܒܵܐ ܡܒܲܪܟ݂ܝܼܢ ܟܽܠܝܽܘܡ ܠܲܕܚܝܼܠܽܘܬ݂ܵܟ݂܀ |
| 018:299 | ܐܵܠܸܦ ܐܲܠܦ̈ܝܼܢ ܕܲܫܡܲܝܵܢܸ̈ܐ ܙܵܡܪܝܼܢ ܫܽܘܒ݂ܚܵܟ݂܃ |
| 018:300 | ܟܲܕ ܠܵܐ ܫܵܠܸܝܢ ܡܸܢ ܬܸܫܒܽܘܚܬܵܐ ܕܪ̈ܽܘܚܵܦܲܝܗܽܘܢ܀ |
| 018:301 | ܗܵܐ ܪܵܥܡܵܐ ܒܵܟ݂ ܘܥܲܬܝܼܪܵܐ ܒܵܟ݂ ܘܲܦܨܝܼܚܵܐ ܒܵܟ݂܃ |
| 018:302 | ܥܼܕܬܵܐ ܒܬ݂ܽܘܠܬܵܐ ܕܲܐܦܢܝܼܬܵܗ݀ ܡܵܪܝ ܡܢ ܫܲܒܵܝܸ̈ܐ܀ |
| 018:303 | ܟܽܠ ܡܲܘܕܸܐ ܠܵܟ݂ ܕܲܒ݂ܡܸܐܬ݂ܝܼܬ݂ܵܟ݂ ܟܽܠ ܐܸܬ݂ܚܲܕܲܬ݂܃ |
| 018:304 | ܒܪܝܼܟ݂ ܐܲܢ̄ܬ ܡܸܢ ܟܽܠ ܠܵܟ݂ ܬܸܫܒܽܘܚܬܵܐ ܒܟ݂ܠ ܠܸܫܵܢ̈ܝܼܢ܀ |
| 018:xxx | ܫܠܸܡ ܡܸܐܡܪܵܐ ܕܥܲܠ ܚܲܕ ܒܫܲܒܵܐ ܕܽܐܘܫܲܥ̈ܢܸܐ |