The Comprehensive Aramaic Lexicon

155:15	ܒܩܢܘܡܗ ܕܡܫܝܚܐ܃ ܘܠܘ ܡܬܓ݂ܫܡܢܘܬܐ ܫܪܝܪܬܐ
155:16	ܒܬܘܕܝܬܐ ܕܚܕ ܩܢܘܡܐ݂܂ ܠܗ݀ܢܐ ܐܚܝܢܘܬܐ ܒܡܫܝܚܐ
155:17	ܠܝܬ ܠܗ܀ ܡ݁ܢ ܕܐܡ݁ܪ ܕܐܠܗܐ ܠܐ ܡܣܝ݁ܟܐ ܥܡ݂ܪ
155:18	ܒܒܪܢܫܐ ܡܣܝܟܐ܃ ܐܝܟ ܕܐ݁ܦ ܒܢܒܝ̈ܐ ܘܙܕܝ̈ܩܐ ܥܡ݁ܪ
155:19	ܗܘ݂ܐ܃ ܘܠܐ ܡܘ݁ܕܐ ܕܗ݀ܘ ܕܐܝܬܘܗܝ ܠܐ ܡܣܝܟܐ ܐܝܟ
155:20	ܐܠܗܐ ܗ݂ܘ ܟܕ ܗ݂ܘ ܗ݂ܘ݂ܐ ܡܣܝܟܐ ܟܕ ܗܘ݂݂ܐ ܒܪܢܫܐ݂܂
155:21	ܠܐ ܥܕܟܝܠ ܥܠ ܡܢ ܦ݂ܗܝܐ ܕܛܥܝܘܬܐ ܠܛܝܪܐ ܕܝܕܥܬܗ
155:22	ܕܡܫܝܚܐ܀ ܡ݁ܢ ܕܠܐ ܡܘ݁ܕܐ ܕܗ݀ܘ ܐܬܠܝܛܐ ܕܚܠܦ ܟܝܢܢ
156:01	ܠܘܩܒܠ ܒܥܠܕܪܐ ܡܩ݁ܪܒ ܒܓܘ ܚܘܪܒܐ ܗ݀ܘܝܘ ܒܪ ܟܝܢܗ
156:02	ܕܐܒܐ܃ ܕܒܗ݀ܝ ܕܗܘ݂݂ܐ ܐܢܫܐ ܩܪܒܐ ܠܘܩܒ݂ܠ ܒܥܠܕܪܐ
156:03	ܣܕ݁ܪ܂ ܐܠܐ ܡܣܒ݁ܪ ܕܐܬܠܝܛܐ ܐܚܪܢܐ ܐ݁ܩܝܡ ܐܠܗܐ
156:04	ܡܢ ܟܝܢܢ ܕܚܠܦܝܢ ܘܚܠܦܘܗܝ ܙܟ݁ܐ ܗܘ݂ܐ݂܂ ܢܘܟܪܝܐ ܗ݂ܘ
156:05	ܡܢ ܙܟܘܬܗ ܕܡܫܝܚܐ܀ ܡ݁ܢ ܕܐ݁ܡܪ ܕܡܢ ܥ݁ܒܕܘ̈ܗܝ ܐܙܕܕܩ
156:06	ܡܫܝܚܐ܃ ܘܒܦܘܠܚܢܐ ܕܡܝܬܪ̈ܬܗ ܗܘ݂ܐ ܒܪ ܡܫܘܚܬܐ
156:07	ܥܠܝܬܐ܃ ܘܠܘ ܒܟܝܢܗ ܐܝܬܘܗܝ ܡܥܠܝܐ ܘܐܠܗܐ݂܂ ܣܦܝ݂ܩ
156:08	ܗ݂ܘ ܗܢܐ ܡܢ ܟܠܗ݀ ܡܝܬܪܘܬܐ݂܂ ܘܡܠ݂ܐ ܒܝܫܘܬܐ
156:09	ܕܐ݁ܟܠܩܪܨܐ܀ ܡ݁ܢ ܕܐܡ݁ܪ ܕܐܚܪܢܐ ܗ݂ܘ ܗ݀ܘ ܕܐ݁ܩܝܡ
156:10	ܡܝ̈ܬܐ܃ ܘܐܚܪܢܐ ܗ݂ܘ ܗ݀ܘ ܕܐܬܢܣܝ ܒܡܘܬܐ݂܂ ܡܘܬܗ
156:11	ܕܗ݀ܢܐ ܥܕܟܝܠ ܠܐ ܐܫܬܪܝ܀ ܡ݁ܢ ܕܠܐ ܡܗܝܡ݂ܢ ܕܗ݀ܘ
156:12	ܕܐܝܟ ܒܪܢܫܐ ܐܬܬܚ݂ܕ ܡܢ ܝܗܘ̈ܕܝܐ܃ ܘܠܡܘܬܐ ܕܨܠܝܒܐ
156:13	ܐܬܕܒ݁ܪ܃ ܗ݀ܘܝܘ ܕܐܝܟ ܐܠܗܐ ܒܫܘܠܛܢܐ ܕܐܠܗܘܬܗ
156:14	ܟܝ̈ܢܐ ܡ݁ܪܥܠ ܗܘ݂ܐ݂܂ ܢܘܕܗ ܕܩܐ݁ܝܢ ܢܣܝ݁ܒܪ ܟܠ ܝܘܡ̈ܝ
156:15	ܚܝ̈ܘܗܝ܀ ܡ݁ܢ ܕܐ݁ܡܪ ܕܗ݀ܘ ܕܛ݂ܪܕ ܠܓܝܘܢ ܡܢ ܒܪܢܫܐ
156:16	ܐܚܪܢܐ ܗ݂ܘ܃ ܘܗ݀ܘ ܕܡܬܚ݁ܝܠ ܗܘ݂ܐ ܡܢ ܡܠܐܟܐ ܒܥܕܢ
156:17	ܚܫܗ ܐܚܪܢܐ ܗ݂ܘ܃ ܠܓܝܘܢ ܗ݀ܘ ܕܪܕܦ ܝܫܘܥ ܥܡ݁ܪ ܒܗ܀

156:18	ܡ݁ܢ ܕܠܐ ܡܘ݁ܕܐ ܕܪ̈ܡܬܐ ܘܡܟ̈ܬܐ ܕܚܕ ܒܪܐ ܐܝ̈ܬܝܗܝܢ

156:19	ܗ݀ܘ ܕܐܝܬܘܗܝ ܚܕ ܩܢܘܡܐ ܘܚܕ ܟܝܢܐ ܕܐܬܓܫܡ݂܂ ܗ݀ܢܐ
156:20	ܫܐ݂ܕܐ ܗ݂ܘ ܡܓܫܡܐ܀ ܡ݁ܢ ܕܐܡ݁ܪ ܕܗ݀ܘ ܘܗ݀ܢܐ ܒܚܕ
156:21	ܡܫܝܚܐ݂܂ ܗ݀ܢܐ ܥܕܟܝܠ ܒܪܢܫܐ ܗ݂ܘ ܥܬܝܩܐ܀ ܡ݁ܢ ܕܠܐ
156:22	ܡܘ݁ܕܐ ܕܗ݀ܘ ܕܐܡ݂ܪ ܕܐ݁ܒܝ ܥܕܡܐ ܠܗܫܐ ܥܒ݁ܕ܂ ܐ݁ܦ
157:01	ܐܢܐ ܥܒ݁ܕ ܐܢ݂ܐ܃ ܗܘܝܘ ܗ݀ܘ ܕܟܬ݂ܒ ܥܠܘܗܝ ܦܛܪܘܣ
157:02	ܕܒܝܡܝܢܗ ܕܐܠܗܐ ܐܬ݁ܬܪܝܡ܂ ܘܢܣ݂ܒ ܡܢ ܐܒܐ ܫܘܘܕܝܐ
157:03	ܕܥܠ ܪܘܚܐ ܕܩܘܕܫܐ݂܂ ܒܗܢܐ ܪܘܚܐ ܒܝ݂ܫܬܐ ܥ݁ܡܪܐ
157:04	ܒܗ܀ ܡ݁ܢ ܕܐܡ݁ܪ ܕܦܓܪܗ ܕܡܪܢ܂ ܡܢ ܫܡܝܐ ܢܚ݂ܬ܃ ܥܡ
157:05	ܒܢܝ ܐܢܫܐ ܠܐ ܐܬܦ݂ܪܩ܀ ܡ݁ܢ ܕܐܡ݁ܪ ܕܕܡܘܬܐ ܗ݂ܝ
157:06	ܕܓܠܬܐ ܚܙܬܗ ܕܡܫܝܚܐ ܘܠܘ ܡܬܓܫܡܢܘܬܐ ܕܩܘܫܬܐ
157:07	ܡܢܗ݀ ܡܢ ܟܝܢܗ݀ ܕܒܬܘܠܬܐ݂܂ ܬܠܡܝܕܐ ܗ݂ܘ ܕܡܐܢܝ
157:08	ܘܕܡ݁ܪܩܝܘܢ܀ ܡ݁ܢ ܕܐܡ݁ܪ ܕܐܝܟ ܕܡܢ ܛܡ̈ܐܐ ܐܫܬܐܠ
157:09	ܐܠܗܐ ܕܢܣ݂ܒ ܦܓܪܐ ܡܢ ܟܝܢܢ܂ ܘܡܢ ܕܘܟ ܐܚܪܝܢ ܡܘ݁ܕܐ
157:10	ܕܐܬܬܩ݁ܢ ܠܗ ܦܓܪܐ݂܂ ܢܬܓܠܙ ܡܢ ܗ݀ܢܘܢ ܚܝ̈ܐ ܕܛܝܒ݂݂ܬ
157:11	ܠܢ ܦܓܪܢܘܬܗ ܕܐܠܗܐ܀ ܡ݁ܢ ܕܠܐ ܡܘ݁ܕܐ ܕܡܠܬܐ ܗܘ݂ܐ
157:12	ܙܪܥܗ ܕܕܘܝܕ ܘܕܐܒܪܗܡ ܒܒܣܪ܂ ܘܡܢܗ݀ ܡܢ ܒܬܘܠܬܐ
157:13	ܕܝܠ݂ܕܬܗ ܐܬܓ݁ܫܡ ܫܪܝܪܐܝܬ ܕܠܐ ܫܘܚܠܦܐ݂܂ ܡܢ ܛܥܝܘܬܐ
157:14	ܩܕܡܝܬܐ ܥܕܟܝܠ ܠܐ ܐܫܬ݁ܚܠܦ܀ ܡ݁ܢ ܕܠܐ ܡ݁ܚܪܡ
157:15	ܠܢܣܛܘܪܝܘܣ ܡܢ ܟܠܗ݀ ܢܦܫܗ܂ ܘܠܐܘܛܟܐ ܡܢ ܟܠܗ
157:16	ܪܥܝܢܗ܂ ܘܠܝܘ̈ܠܦܢܝܗܘܢ ܡܣܝ̈ܒܐ ܡܚܒ̈ܠܐ ܕܒܢܝܢܫܐ܂
157:17	ܢܗ݂ܘܐ ܡܚܪܡܐ ܒܢܦܫܗ ܘܒܦܓܪܗ܂܂ ܠܘܩܒܠ ܗ݀ܠܝܢ
157:18	ܗ݀ܟܝܠ ܟܠܗܘܢ ܝܘ̈ܠܦܢܐ ܩܡ݁ܢܢ ܘܩܝ݁ܡܝܢܢ ܡܢ ܟܠܗ݀ ܢܦܫܢ܂
157:19	ܡܛܠ ܕܗܝܡܢܘܬܐ ܕܫܪܪܐ ܗ݀ܝ ܕܡܢ ܡܫܝܚܐ ܠܥܕܬܗ
157:20	ܐܫܬܠ݂݂ܡܬ܂ ܬܟܬܪ ܕܠܐ ܫܘܚܠܦܐ܂ ܗ݀ܢܐ ܟܠܗ ܩܪܒܐ
157:21	ܡܚ݁ܝܢܢ ܒܐܓܘܢܐ ܚ݁ܠܝܨܐܝܬ܂ ܒܬܟܬܘܫܗ ܕܡܫܝܚܐ