← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63550: PhiloxGaugal.1 (Philoxenus' First Letter to the Monks of Beth-Gaugal)

Click on a word for lexical analysis
Click on a red-colored coordinate for comments and/or translations of the line

▲ earlier lines

previous chapter


148:14 ܕܝܕܥܗ ܠܡܫܝܚܐ ܘܐܪܓܫ ܒܗ܃ ܠܐ ܡܣ݁ܝܒܪܐ ܢܦܫܗ ܕܠܐ
148:15 ܚ݁ܐܫ ܐܡܬܝ ܕܫ݁ܡܥ ܓܘܕܦܐ ܕܥܠܘܗܝ܂ ܐܟܙܢܐ ܓܝܪ
148:16 ܕܟܝܢܐܝܬ ܚ݁ܐܫ ܦܓܪܢ܃ ܐܘ ܐܡܬܝ ܕܡܚܘܬܐ ܕܦܪܙܠܐ
148:17 ܐܘ ܕܟܐܦܐ܃ ܐܘ ܕܡܕܡ ܐܚܪܝܢ ܬܩܪܘܒ ܠܗ܃ ܗ݀ܟܢܐ
148:18 ܚ݁ܫܐ ܢܦܫܐ ܕܬܠܡܝܕܐ ܫܪܝܪܐ݁܂ ܡܐ ܕܛ݁ܪܝܐ ܒܗ ܡܚܘܬܐ
148:19 ܘܨܘܚܝܬܐ ܕܥܠ ܡܫܝܚܐ܂ ܘܐܝܕܐ ܗܝ ܨܘܚܝܬܐ ܕܪܒ݁ܐ
149:01 ܡܢ ܗܕܐ ܕܡܢ ܝܗܘ̈ܕܝܐ ܚܕ̈ܬܐ ܝܘܡܢܐ ܡܬܡܠܠܐ܂ ܕܐܦܝ̈ܢ
149:02 ܠܘܩܒܠ ܐܦܝ̈ܢ ܠܡܫܝܚܐ ܡܨܥܪܝܢ܂ ܘܡܙܥ݁ܪܝܢ ܐܝܩܪܗ܂
149:03 ܘܡܬܚܬܝܢ ܫܘܒܚܗ܂ ܘܐܡ݁ܪܝܢ ܠܘܬܗ܃ ܕܒܪܢܫܐ ܐܢܬ
149:04 ܘܥ݁ܒܕ ܐܢܬ ܢܦܫܟ ܐܠܗܐ܂ ܘܡܬܚ݂ܪܝܢ ܕܢܚܘܘܢ݂ ܕܠܝܬ
149:05 ܠܗ ܐܝܩܪܐ ܕܢܦܫܗ܂ ܐܠܐ ܟܠܡܕܡ ܠܡ ܒܛܝܒܘܬܐ ܢܣܒ݁ܗ
149:06 ܡܢ ܐܚܪܝܢ݂܂ ܘܠܐ ܐܝܬܘܗܝ ܐܠܗܐ ܒܟܝܢ ܢܦܫܗ܂ ܐܠܐ
149:07 ܚܕܬܐܝܬ ܐ݂ܬܥܒܕ ܐܠܗܐ܂ ܐܝܟ ܕܥܠ ܦܬܟܪ̈ܐ ܓܝܪ
149:08 ܡܡܠܠܝܢ ܫܐܕ̈ܐ ܥܠ ܡܫܝܚܐ܂ ܘܠܐ ܒܗܬܝܢ܂ ܗ݀ܢܘܢ ܓܝܪ
149:09 ܕܡܬܥ݁ܒܕܝܢ ܐ̈ܠܗܐ ܟܕ ܠܐ ܐܝܬܝܗܘܢ݂܂ ܦܬܟܪ̈ܐ ܐܢܘܢ܂
149:10 ܠܘ ܕܝܢ ܗܟܢܐ ܡܫܝܚܐ݂܂ ܐܘ ܕܠܐ ܐܠܗ݀܂ ܐܠܐ ܒܟܝܢܐ
149:11 ܐܝܬܘܗܝ ܐܠܗܐ܂ ܐܢܕܝܢ ܗܘ݂݂ܐ ܡܕܡ ܕܠܐ ܐܝܬܘܗܝ
149:12 ܗܘܐ ܐܝܟ ܕܟܬܝܒ ܥܠܘܗܝ݂܂ ܠܘ ܡܢ ܒܪܢܫܐ ܗܘ݂݂ܐ ܐܠܗܐ܂
149:13 ܐܠܐ ܡܢ ܐܠܗܐ ܗܘ݂݂ܐ ܒܪܢܫܐ܂ ܘܟܬ݁ܪ ܐܝܟ ܕܐܝܬܘܗܝ
149:14 ܐܠܗܐ܂ ܘܠܘ ܦܓܪܐ ܢܣܒ݁ܗ݂܂ ܐܠܐ ܗ݂ܘ ܢܣ݂ܒ܂ ܠܘ ܓܝܪ
149:15 ܬܫܒܘܚܬܐ ܫܩ݂ܠ ܒܗ ܒܦܓܪܐ ܕܢܣ݂ܒ݂܂ ܐܠܐ ܬܫܒܘܚܬܐ
149:16 ܝܗ݂ܒ ܒܡܬܓܫܡܢܘܬܗ ܠܟܝܢܢ ܫܝ݂ܛܐ܂ ܠܘ ܕܢܥܒܕ ܐܠܗܐ
149:17 ܐܬ݂ܐ ܠܒܪܝܬܐ܂ ܐܠܐ ܕܢܬܝܕܥ ܕܐܠܗܐ ܗܘ܂ ܓܠܝܢܗ
149:18 ܓܝܪ ܕܒܓܘ ܐܬܪܢ݂܂ ܠܘ ܡܢ ܠܐ ܡܕܡ ܠܡܕܡ ܐܝܬܝܗ݂܂
149:19 ܐܠܐ ܕܐܝܬܘܗܝ ܫܪܝܪܐܝܬ ܡܕܡ ܕܠܐ ܡܫܬܚܠܦ܂ ܒܕܩ
149:20 ܥܠܘܗܝ܂ ܐܬܝܠܕ ܓܝܪ ܦܓܪܢܐܝܬ ܡܢ ܒܬܘܠܬܐ݂܂ ܠܘ ܒܗ݀ܝ
149:21 ܕܐܝܬܘܗܝ ܐܠܗܐ܂ ܐܠܐ ܡܛܠ ܕܗܘ݂݂ܐ ܒܪܢܫܐ ܡܢ
149:22 ܒܬܘܠܬܐ݂܂ ܗܘ݂݂ܐ ܠܗ ܡܢ ܬܡܢ ܫܘܪܝܐ܂ ܒܗ݀ܝ ܓܝܪ
150:01 ܕܐܝܬܘܗܝ݂܂ ܐܦܠܐ ܡܢ ܐܒܐ ܫܪܝ܂ ܒܗܕܐ ܕܝܢ ܕܗܘ݂݂ܐ
150:02 ܐܢܫܐ݂܂ ܠܐ ܡ݂ܬܚ݁ܡܨܝܢ ܕܢܐ݁ܡܪ ܕܗܘ݂݂ܐ ܠܗ ܫܘܪܝܐ ܡܢ
150:03 ܒܬܘܠܬܐ܂ ܗ݀ܘ ܓܝܪ ܕܐܝܬܘܗܝ ܕܠܐ ܫܘܪܝܐ ܐܝܟ
150:04 ܐܠܗܐ݂܂ ܗܘ݂݂ ܗܘ݂ܐ ܬܚܝܬ ܫܘܪܝܐ ܐܝܟ ܒܪܢܫܐ܂ ܘܗ݀ܘ
150:05 ܕܐܝܬܘܗܝ ܪܘܚܢܐ ܘܠܐ ܡܣܝܟܐ܃ ܘܠܘܬ ܐܒܐ ܐܝܟ
150:06 ܐܠܗܐ܃ ܗܘ݂݂ ܗܘ݂ܐ ܦܓܪܐ ܘܡܣܝ݁ܟܐ ܒܓܘ ܒܬܘܠܬܐ
150:07 ܐܝܟ ܒܪܢܫܐ܂ ܘܗ݀ܘ ܕܨ݁ܐܪ ܘܓܒ݁ܠ܂ ܘܡܨ݁ܠܡ ܘܡܪܟ݁ܒ܃ ܘܒܪܐ
150:08 ܥܘ̈ܠܐ ܚܕ̈ܬܐ ܒܓܘ ܟܪ̈ܣܬܐ ܐܝܟ ܐܠܗܐ݂܂ ܗ݂ܘ ܐ݂ܬܬܨܝܪ
150:09 ܘܐܨܛ݁ܠܡ ܘܗܘ݂݂ܐ ܥܘ݂݂ܠܐ ܩܢܘܡܐܝܬ ܐܝܟ ܒܪܢܫܐ܂
150:10 ܘܗ݀ܘ ܕܡܬܪܣܐ ܠܟܠ ܘܡ݁ܫܩܐ ܘܡܪܒ݂ܐ܃ ܘܛܥܝܢ ܘܐܚܝܕ
150:11 ܘܡܢܛܪ ܠܟܠ ܐܝܟ ܐܠܗܐ܃ ܗ݂ܘ ܐܬܛܥܢ ܘܐܬ݁ܪܒܝ
150:12 ܘܐܫ݂ܬܩܠ ܥܠ ܕܪ̈ܥܐ ܘܝܢܩ ܚܠܒܐ݂܂ ܘܩ݁ܒܠ ܬܘܣܦܬܐ
150:13 ܒܩܢܘܡܗ ܐܝܟ ܒܪܢܫܐ܂ ܘܗ݀ܘ ܕܠܐ ܟܦܢ ܘܠܐ ܠ݁ܐܐ
150:14 ܘܠܐ ܕܡ݁ܟ܃ ܘܠܐ ܛ݁ܥܐ ܐܝܟ ܐܠܗܐ݂܂ ܗ݂ܘ ܟܦ݂ܢ ܘܨܗ݂ܝ
150:15 ܘܐܟ݂ܠ ܘܐܫܬܝ݁܂ ܘܢ݂ܡ ܘܕܡ݂ܟ܂ ܘܫ݁ܐܠ ܕܢ݂ܐܠܦ ܐܝܟ
150:16 ܒܪܢܫܐ܂ ܘܗ݀ܘ ܕܠܐ ܚ݁ܐܫ ܘܠܐ ܩ݁ܪܒ ܠܗ ܨܥܪܐ܃
150:17 ܘܠܐ ܡ݂ܫܬܥ݁ܒܕ ܟܝܢܗ ܠܡܘܬܐ ܐܝܟ ܐܠܗܐ݂܂ ܗ݂ܘ ܚ݁ܫ݂
150:18 ܘܐܨܛ݁ܥܪ ܘܒ݂ܠܥ ܦܟܐ܂ ܘܐܬܢ݁ܓܕ ܘܐܬܢ݁ܣܝ ܒܡܘܬܐ
150:19 ܫܪܝܪܐܝܬ ܐܝܟ ܒܪܢܫܐ܂ ܘܗ݀ܘ ܕܒܟܠܙܒܢ ܕܠܐ ܫܘܚܠܦܐ
150:20 ܚܕ ܗܘ ܡܛܠ ܕܐܠܗܐ ܗܘ݂܂ ܗܘ݂݂ ܩܡ ܡܢ ܩܒܪܐ ܠܬܠܬܐ
150:21 ܝܘ̈ܡܝ݁ܢ܂ ܒܗ݀ܝ ܕܗܘ݂ܐ ܒܪܢܫܐ܂ ܟܕ ܪܡ݂݂ܐ ܓܝܪ ܘܡܓܣ
150:22 ܡܝܬܐ ܒܓܘ ܫܝܘܠ݂܂ ܢܘܚܡܐ ܠܟܠ ܡܥ݁ܬܕ ܗܘܐ܂
151:01 ܘܚ̈ܝܠܝ ܫܡܝܐ ܘܟܝ̈ܢܐ ܟܠܗܘܢ ܒܪܡܙܗ ܡܕܒܪ ܗܘܐ܂

▼ later lines


next chapter