The Comprehensive Aramaic Lexicon

146:05	ܠܓܢܣܐ ܕܡܗܝ̈ܡܢܐ܂ ܘܛ݂ܒ̈ܐ ܕܚܕܘ̈ܬܐ ܘܣܒܪ̈ܬܐ ܛܒ̈ܬܐ
146:06	ܗܐ ܡܬܟܪ̈ܙܢ ܝܘܡܢܐ ܒܓܘ ܥܕ̈ܬܐ܂ ܡܛܠ ܕܢܦ݂ܠ݂ܬ
146:07	ܛܥܝܘܬܐ ܡܢ ܟܠܗܘܢ ܡܫܡ̈ܫܢܝܗ݀ ܘܐܬܬܪܝܡ ܒܪܝܫܗ ܕܫܪܪܐ
146:08	ܡܢ ܟܠܗܘܢ ܟܪ̈ܘܙܘܗܝ܂ ܘܠܗ ܠܗܢܐ ܛܒ݂ܐ ܕܡܠܐ ܚܕܘ̈ܬܐ ܥܡ
146:09	ܡܡܠܠܐ ܘܣܒܪ̈ܬܐ ܕܚܝ̈ܐ݂܂ ܨ݁ܒܝܬ ܕܐܦ ܐܢܐ ܒܝܕ ܟܬܝܒ̈ܬܝ
146:10	ܒܨܝܪ̈ܬܐ ܐܪܫܘܡ ܘܐܘܕܥ ܠܚܣܝܘܬܟܘܢ܂ ܕܡܛܠ ܚܕܘܬܐ
146:11	ܕܣܒܪ̈ܬܐ܂ ܢܬܝܩܪ̈ܢ ܒܥܝܢܝܟ̈ܘܢ ܟܬܝ̈ܒܬܝ ܫܝ̈ܛܬܐ܂ ܠܝܬ
146:12	ܓܝܪ ܐܝܟ ܕܡܢ ܗܕܝܘܛܘܬܝ݁ ܡܕܡ ܕܫ݁ܘܐ ܕܒܗ ܩܕܡ
146:13	ܟܢܫܝ̈ܟܘܢ ܐ݂ܡ݁ܠܠ܂ ܘܥܠ ܗ݀ܕܐ ܒܐܚܪ̈ܢܝܬܐ ܡܣ݁ܡܟ ܐܢܐ
146:14	ܠܗ݀ ܠܡܠܬܝ܃ ܕܬܣ݂ܒ ܠܒܪ ܡܢܗ݀ ܪܒܘܬܗ݀ ܗ݀ܝ ܕܠܝܬ ܠܗ݀
146:15	ܒܟܝܢܐ܂ ܐܡܬܝ ܓܝܪ ܕܙܥܘܪܐ ܩܕܡ ܪܘܪ̈ܒܐ ܡܡܠܠ݂܂
146:16	ܛܝܒܘܬܗܘܢ ܥܬܝܪܬܐ ܕܪ̈ܘܪܒܐ ܡܬܚܙܝܐ ܠܘܬܗ܂ ܐܢܬܘܢ
146:17	ܗ݀ܟܝܠ ܐ݁ܘ ܐܒܗ̈ܝ ܪ̈ܘܪܒܐ ܐܝܬܝܟܘܢ݂܂ ܘܟܐܢܐܝܬ ܡܢ
146:18	ܥܒ݁ܕܝ̈ܟܘܢ ܩܢ݂ܝܢ ܐܢܬܘܢ ܠܗ ܠܟܘܢܝܐ ܗܢܐ܂ ܐ݁ܝܟܐ
146:19	ܓܝܪ ܕܠܐ ܡܬܡܠܠܝܢ ܥܡ̈ܠܝܟܘܢ܂ ܘܐܝܟܐ ܕܠܐ ܢܦܝ݂ܩ
147:01	ܛܒܗ ܕܥܘܡܪܟܘܢ ܩܕܝܫܐ܂ ܘܡ݁ܢܘ ܕܠܐ ܬܡܗ
147:02	ܘܡ݂ܬܕܡܪ ܒܩܫܝܘܬܐ ܕܐܘ̈ܠܨܢܝܟܘܢ܂ ܕܚܠܬܐ ܗܘ ܓܝܪ
147:03	ܫܡܥܗ ܕܕܘܒܪܟܘܢ ܠܟܠܗܘܢ ܪ̈ܦܝܐ܂ ܡܛܠ ܕܡܥܕܝܢ ܟܘ̈ܙܝܢ
147:04	ܡܚܝ̈ܠܐ ܡܢ ܛܒ݂̈ܐ ܕܥ݁ܒ̈ܕܝܟܘܢ ܚܝ̈ܠܬܢܐ܂ ܐܠܐ ܐܝ݁ܟܢܐ
147:05	ܕܙܝ݁ܥܝܢ ܡܢ ܫܡܥܐ ܕܚܠܝܨܘܬܟܘܢ݂܂ ܗ݀ܟܢܐ ܡܬܠܒܒܝܢ
147:06	ܚܝ̈ܠܬܢܐ ܕܡܡܪܝܢ ܒܛܢܢܐ ܕܥ݁ܒܕ̈ܝܟܘܢ܂ ܐܝܟ ܡܠܚܐ ܓܝܪ
147:07	ܠܡܐܟܘܠܬܐ݂܂ ܗܟܢܐ ܐܝܬܘܗܝ ܫܪܒܟܘܢ ܡܡܕܟܢܐ
147:08	ܠܟܠܗܘܢ ܦܟܝ̈ܗܐ܂ ܘܐܝܟ ܕܡܬܪܕܦ ܚܫܘܟܐ ܡܢ ܢܘܗܪܐ݂܂
147:09	ܗ݀ܟܢܐ ܡܢ ܫܡܥܐ ܕܚܠܝܨܘܬܟܘܢ ܡ݂ܬܛܪܕܐ ܟܠܗ݀
147:10	ܪܦܝܘܬܐ܂ ܠܘ ܓܝܪ ܫܘܒܗܪܐ ܛܥܝܢ ܠܗ ܠܥܡܠܟܘܢ݂ ܐܠܐ
147:11	ܚܘܒܐ ܕܠܘܬ ܐܠܗܐ܂ ܘܡܛܠ ܗܕܐ ܠܘ ܒܐܣܟܝܡܐ
147:12	ܡܬܦ̈ܠܚܢ ܛܒ̈ܬܟܘܢ܂ ܐܠܐ ܒܫܪܪܐ ܕܪܥܝܢܐ ܫܦܝܐ܂ ܠܘ
147:13	ܓܝܪ ܛܘܦܣܗ݀ ܕܙܕܝܩܘܬܐ ܒܠܚܘܕ ܠܒܝܫ݂ܝܬܘܢ݂܂ ܐܠܐ ܗ݂ܘ
147:14	ܫܪܪܗ݀ ܕܙܕܝܩܘܬܐ ܩܒܝܥ ܒܚܘܫ̈ܒܝܟܘܢ܂ ܫܪܟܢܐ ܛܒܐ
147:15	ܐܢܬܘܢ ܝܘܡܢܐ ܒܝܢܬ ܬܠܡ̈ܝܕܐ ܟܠܗܘܢ܂ ܘܕܝܠܟܘܢ ܐܝܟ
147:16	ܕܠܡܐܡܪ ܐ݂ܬܢܛܪܘ ܕܘܒܪ̈ܝܟܘܢ ܕܠܐ ܫܘܚܠܦܐ܂ ܪܦܝܘܬܐ
147:17	ܓܝܪ ܕܒܟܠ ܐܣ̈ܟܝܡܝܢ ܢܟܬ݂݂ܬ ܠܣܓ̈ܝܐ݂ܐ݂܂ ܥܠ ܓܘܫܡܐ
147:18	ܚܠܝܡܐ ܕܥ݁ܒܕܝ̈ܟܘܢ ܠܐ ܫ݂ܕܬ ܢܝܒ̈ܝܗ݀܂ ܘܩܘܛܥ ܪܥܝܢܐ
147:19	ܗ݀ܘ ܕܡܥ݂ܕ ܒܐܙ ܥܡ̈ܠܐ ܕܐܚܪ̈ܢܐ݂܂ ܥܠ ܓܙܝܟ̈ܘܢ ܕܝܠܟܘܢ
147:20	ܠܐ ܐܫܬ݁ܠܛ܂ ܘܠܐ ܕܚܠܬܐ ܡܢ ܐܢ̈ܫܐ܃ ܐܦܠܐ
147:21	ܫܘܦܪܢܘܬܐ ܕܠܘܬ ܪ̈ܝܫܢܐ ܐܫܬܠ̈ܛܬ ܒܟܘܢ܂ ܠܐ
147:22	ܚܠܦܬܘܢܝܗܝ ܠܫܪܪܐ ܒܕܫ̈ܢܐ ܐܪ̈ܥܢܝܐ܂ ܘܠܐ ܫ݂ܬܩܬ݁ܘܢ
148:01	ܡܢ ‍{‍ܡܢ‍}‍ ܛܢܢܗ݀ ܕܗܝܡܢܘܬܐ݁܂ ܡܛܠ ܡܘܗ̈ܒܬܐ ܕܙܒܢܐ
148:02	ܐܝܬܝ̈ܗܝܢ܂ ܠܐ ܐܝܬܘܗܝ ܥܘܡܪܟܘܢ ܠ݂ܚܕܪܐ ܐܝܟ
148:03	ܫܪܟܐ ܕܐܚܪ̈ܢܐ ܕܥܠ ܗܕܐ ܝܬܝ݂ܒܝܢ܂ ܠܐ ܙܒܢܬ݂ܘܢܝܗܝ
148:04	ܠܡܫܝܚܐ ܒܚܘ̈ܦܢܐ ܕܣܥܪ̈ܐ ܘܒܩܨ̈ܝܐ ܕܠܚܡܐ ܐܝܟ
148:05	ܫܪܟܐ ܕܐܚܪ̈ܢܐ݁܂ ܕܒܗܠܝܢ ܛܝܡ̈ܐ ܙܒܢܘܗܝ܂ ܝܗܘܕܐ ܓܝܪ
148:06	ܒܬܠܬܝܢ ܕܟܣܦܐ ܟܬܝܒ ܕܙܒ݁ܢܗ܂ ܘܗܠܝܢ ܬܠܡܝ̈ܕܐ
148:07	ܕܫܡܐ݂܂ ܒܡܕܡ ܕܫܝܛ ܘܡ݁ܣܠܝ ܡܢ ܗܢܐ ܟܠܝܘܡ ܡܙܒܢܝܢ
148:08	ܠܗ܂ ܘܐܝܢܐ ܕܗ݀ܟܢܐ ܐܝܬܘܗܝ܂ ܡܫ݁ܡܫܢܐ ܗܘ ܕܟܪܣܗ
148:09	ܘܠܘ ܕܐܠܗܐ܂ ܫ݁ܠܡܐ ܕܝܢ ܥܠܝܗܘܢ ܗ݀ܝ ܕܟܬܝܒܐ ܡܢ
148:10	ܦܘܠܘܣ܃ ܕܐܠܗܗܘܢ ܟܪܣܗܘܢ ܘܬܫܒܘܚܬܗܘܢ
148:11	ܒܗܬܬܗܘܢ܂ ܘܬܘܒ ܐܡ݂ܪ ܕܬܪܥܝܬܗܘܢ ܟܠܗ݀ ܒܐܪܥܐ
148:12	ܗܝ܂ ܡܛܠ ܕܠܐܪܥܐ ܐܬܝܠܕܘ ܘܠܘ ܠܫܡܝܐ܂ ܘܥܠ ܗܕܐ
148:13	ܚ݁ܘܪܗܘܢ ܟܠܗ ܠܘܬ ܐܪ̈ܥܢܝܬܐ ܢܬ݂ܝܦ܂ ܬܠܡܝܕܐ ܗ݀ܟܝܠ
148:14	ܕܝܕܥܗ ܠܡܫܝܚܐ ܘܐܪܓܫ ܒܗ܃ ܠܐ ܡܣ݁ܝܒܪܐ ܢܦܫܗ ܕܠܐ