The Comprehensive Aramaic Lexicon

028:11	ܕܡܠܬܗ݀ ܐܬ݁ܒܩܝܬܘܢ܃ ܕܚܘܒܐ ܕܒܟܘܢ݂ ܠܬܪ̈ܬܝܗܝܢ ܟܣܝ
028:12	ܡܢܟܘܢ܃ ܘܕܠܩܘܒܠܐ ܚܘܝܟܘܢ܂ ܐܦ ܡܥܕ ܗܘ ܓܝܪ ܚܘܒܐ
028:13	ܕܒܥܝܢܐ ܛܒܬܐ ܕܩܢܘܡܗ ܢܬܚܙܝܢ ܠܗ ܫܝܛܬ̈ܐ ܫܒܝ̈ܚܬܐ
029:01	ܘܣܢ̈ܝܬܐ ܡܝܩܪ̈ܬܐ܃ ܟܕ ܠܘ ܒܗܝܢ ܒܨܒܘ̈ܬܐ ܕܐܝܟܢܐ ܘܟܡܐ
029:02	ܘܒܡܢ ܐܝܬܝܗܝܢ ܚܐܪ܂ ܐܠܐ ܒܡܚܙܝܬܐ ܕܫܘܦܪܗ ܡܠܝܠܐ
029:03	ܡܬܒܩܐ ܒܓܘܐ ‍[‍ܕܝܘܩ̈ܢܐ‍]‍ ܘܚܙܐ ܒܓܘܗܘܢ ܦܐܝܘܬܗ܂
029:04	ܘܡܛܠ ܕܨܒܥ ܠܗܘܢ ܒܗ ܘܟܢ ܚܐܪ ܒܓܘܢܗܘܢ܃ ܡܬܒܠܥܐ
029:05	ܠܗ ܫܝܛܘܬܗܘܢ ‍[‍ܒܡܬܝܚܘܬܗ‍]‍ ܘܚܠܦ ܫܝܛܘܬܐ
029:06	ܫܒܝܚܘܬܐ ܩܕܡܘܗܝ ܡܬ݂ܚܙܝܐ܂ ܘܒܕܡܘܬ ܫܡܫܐ ܕܐܦ
029:07	ܒܐܬܪ̈ܘܬܐ ܥܡܘ̈ܛܐ ܚܠܦ ܚܫܘܟܐ ܕܒܗܘܢ ܦܐܝܘܬܐ
029:08	ܕܓܘܢܗ ܡܚܘܐ ܒܗܘܢ܃ ܗܟܢܐ ܐܦ ܚܘܒܐ ܫܪܝܪܐ܃
029:09	ܡܝܬܪ̈ܬܗ ܒܨܒܘ̈ܬܐ ܒܨܝܪ̈ܬܐ ܡܕܢܚ ܘܡܚܘܐ܂ ܘܟܕ ܫܝ݂ܛܢ
029:10	ܘܨܥܝܪܢ܃ ܠܗ ‍[‍ܒܥܝ̈ܢܘܗܝ‍]‍ ܕܠܩܘܒܠܐ ‍[‍ܡܬܚ̈ܙܝܢ‍]‍܂ ܐܬܚ̈ܙܝ
029:11	ܗܟܝܠ ܟܬܝ̈ܒܬܢ ܠܘܬܟܘܢ ܚܟ̈ܝܡܬܐ ܟܕ ܠܐ ܐܝܬܝܗܝܢ܃
029:12	ܕܗܟܢܐ ܨܒܐ ܚܘܒܟܘܢ ܫܪܝܪܐ܂
029:13	‍[‍3‍]‍ ܘܬܘܒ ܒܗ ܒܚܘܒܐ ܒܫܐܠܬܐ ܐܚܪܝܬܐ ܒܝܕ ܡܝܒܠܢܗ݀
029:14	ܕܐܓܪܬܐ ‍[‍ܬܒܬܘܢ‍]‍ ܠܢ܂ ܠܪ̈ܝܫܐ ܓܝܪ ܕܥܠ ܗܝܡܢܘܬܐ
029:15	ܒܐܓܪܬܐ ܩܕܡܝܬܐ ܣܝܡܝܢ ܫܪܝܐ ܘܣܗܕܘܬܐ ܒܥܝܬܘܢ
029:16	ܕܢܝܬܐ ܠܟܘܢ ܡܢ ܟܬܒ̈ܐ ܠܘܩܒܠ ܡܓܕܦ̈ܢܐ ܕܒܝܫܐܝܬ ܒܗܠܝܢ
029:17	ܪ̈ܥܝܢܐ ܡܬܚܫܚܝܢ܂ ܒܗ݀ܝ ܓܝܪ ܐܓܪܬܐ ܠܘܩܒܠ ܕܘܒܪ̈ܐ
030:01	ܕܝܗܘܕܘܬܐ ܕܐܥܠܘ ܒܟܫܠܐ ܕܩܝܡܗ ܕܡܫܝܚܐ ܟܬܒܢܢ܂
030:02	ܒܗܕܐ ܕܝܢ ܠܘܩܒܠ ܝܘܠܦܢܐ ܕܝܗܘܕܘܬܐ ܕܐܫܟܚܘ ܥ݁ܘ̈ܠܐ
030:03	ܨ݁ܒܐ ܐܢܐ ܕܐܬܚܫܚ݂ ܒܣܗ̈ܕܘܬܐ ܕܡܢ ܟܬ̈ܒܐ܂
030:04	‍[‍4‍]‍ ܐܡܪܝܢ ܓܝܪ ܘܡܘܕܝܢ ܕܠܐ ܒܗܬܬܐ܃ ܬܘܕܝܬܐ ܕܠܘܩܒܠ
030:05	ܝܘܠܦܢܐ ܕܫܠܝܚ̈ܐ܀ ܕܐܚܪܢܐ ܗܘ ܠܡ ܗ݀ܘ ܕܐܬܝܠܕ ܡܢ ܐܒܐ
030:06	ܐܠܗܐ ܡܠܬܐ܃ ܘܐܚܪܢܐ ܗܘ ܝܫܘܥ ܡܫܝܚܐ ܕܐܬܝܠܕ ܡܢ
030:07	ܒܬܘܠܬܐ܂ ܘܐܚܪܢܐ ܗܘ ܒܪܐ ܕܟܝܢܐ ܕܩܕܡ ܙܒ̈ܢܐ ܘܥܠܡ̈ܐ܃
030:08	ܨܡ݂ܚ ܡܢ ܩܢܘܡܐ ܕܐܒܐ ܡܬܘܡܐܝܬ܃ ܘܐܚܪܢܐ ܝܫܘܥ ܗܢܐ
030:09	ܕܒܐܚܪܝܬ ܙܒ̈ܢܐ ܐܬܝܠܕ ܘܐܬ݁ܟܢܝ ܒܪܐ ܡܢ ܡܠܐܟܐ܂
030:10	ܘܒܦܣܝ̈ܩܬܐ܃ ܐܝܟ ܕܐܦ ܒܐܓܪܬܐ ܩܕܡܝܬܐ ܪܫ݁ܡܬ
030:11	ܠܚܘܒܟܘܢ܃ ܬܪܝܢ ܒܢܝܐ ܡܗܝܡܢܝܢ ܥ݁ܘ̈ܠܐ ܕܐܝܬ ܠܗ ܠܐܒܐ܂
030:12	ܚܕ ܕܟܝܢܐ ܘܐܚܪܢܐ ܕܛܝܒܘܬܐ܂ ܘܬܪܝܢ ܡܫ̈ܝܚܐ܂ ܚܕ ܒܪܢܫܐ
030:13	ܕܫܪܝܪܐܝܬ ܐܝܬܘܗܝ ܡܫܝܚܐ܃ ܡܛܠ ܕܐ݁ܬܡܫܚ ܒܪܘܚܐ
030:14	ܘܐܚܪܢܐ܂ ܡܠܬܐ ܕܡ݁ܬܩܪܐ ܡܫܝܚܐ ܡܛܠ ܕܢܩ݂ܦ ܠܒܪܢܫܐ
030:15	ܡܫܝܚܐ܂ ܘܬܪ̈ܝܢ ܦܪ̈ܘܩܐ܂ ܚܕ ܗܢܐ ܕܐܬ݂ܦܪܫ ܒܛܝܒܘܬܐ܃
031:01	ܘܐܚܪܢܐ ܗ݀ܘ ܦܪܘܩܐ ܫܪܝܪܐ܃ ܕܒܐ̈ܝܕܝ ܗܢܐ ܓܡܪܗ ܠܦܘܩܢܐ܂
031:02	ܘܬܪ̈ܝܢ ܝܚܝ̈ܕܝܐ܂ ܚܕ ܠܡ ܗ݀ܘ ܕܐܝܬܘܗܝ ܐܝܬܝܐܝܬ ܒܥܘܒܐ
031:03	ܕܐܒܘܗܝ܃ ܘܐܚܪܢܐ ܠܡ ܗܢܐ ܕܐܡ݂ܪ ܝܘܚܢܢ܃ ܕܚܙܝܢ ܫܘܒܚܗ
031:04	ܐܝܟ ܫܘܒܚܐ ܕܐܝܚܝܕܝܐ ܕܡܢ ܐܒܐ܂ ܘܐܚܪܢܐ ܗ݀ܘ ܕܐ݂ܬܐ
031:05	ܠܥܡܕܐ ܠܝܘܪܕܢܢ ܘܩܪܝܗܝ ܒܪܝ ܚܒܝܒܐ ܒܦ݂ܚܡܐ ܕܒ̈ܢܝܐ
031:06	ܕܢܡܘܣܐ܃ ܘܐܚܪܢܐ ܗܘ ܠܡ ܗ݀ܘ ܕܐܝܬܘܗܝ ܩܕܝܫܐ ܒܟܝܢܗ
031:07	ܘܠܐ ܣܢܝܩ ܗܘܐ ܕܢܐܬܐ܂ ܘܐܚܪܢܐ ܗܘ ܗ݀ܘ ܕܡ݂ܬܡܢܐ
031:08	ܒܬܠܝܬܝܘܬܐ ܡܠܬܐ ܕܠܐ ܚܐܒ܃ ܘܐܚܪܢܐ ܗܢܐ ܕܩ݁ܒ݂ܠ
031:09	ܡܘܬܐ ܘܚܫ̈ܐ ܕܚܠܦ ܦܘܪܩܢܢ܂ ܘܣܟܐ܃ ܐܚܪܢܐ ܒܪܢܫܐ
031:10	ܘܐܚܪܢܐ ܐܠܗܐ܂ ܐܚܪܢܐ ܡܠܬܐ ܘܐܚܪܢܐ ܝܫܘܥ܂ ܐܚܪܢܐ
031:11	ܒܪܐ݂ ܘܐܚܪܢܐ ܡܫܝܚܐ܂ ܐܚܪܢܐ ܐܝܚܝܕܝܐ݂ ܘܐܚܪܢܐ
031:12	ܡܪܝܐ܂܂
031:13	‍[‍5‍]‍ ܗܠܝܢ ܒ̈ܢܬ ܩ̈ܠܐ ܕܪܘܫܥܐ ܐܫܟܚ ܣܛܢܐ܂ ܘܒܐܝܕܐ
031:14	ܕܐܢܫܐ ܡܪ̈ܚܐ ܡܕܠܚ ܬܡܢ ܫܦܝܘܬܐ ܕܦܫ̈ܝܛܐ܂ ܟܕ
031:15	ܡܫܬܒܗܪܝܢ ܩܕܡܝܟܘܢ ܒܡ̈ܠܐ ܚܕܬ̈ܬܐ܃ ܘܒܫܟܚ̈ܬܐ
031:16	ܕܣܘ̈ܟܠܐ ܦܟܝ̈ܗܐ܂ ܐܢܬܘܢ ܕܝܢ ܐܝܟ ܐܢܫܐ ܕܒܛܝܒܘܬܗ