The Comprehensive Aramaic Lexicon

058:13	ܝܬܝܪ ܡܢ ܚܒܪ̈ܝܟ܂ ܠܘ ܐܚܪܢܐ ܗܘ ܕܐܝܬ ܠܗ ܟܘܪܣܝܐ ܕܠܥܠܡ
058:14	ܘܡܠܟܘܬܐ ܕܠܐ ܥܒܪܐ܃ ܘܐܚܪܢܐ ܗ݀ܘ ܕܐܬܡ݂ܫܚ ܐܝܟ
058:15	ܕܗ݀ܢܘܢ ܡܦܪܫܝܢ܂ ܐܠܐ ܗܘܝܘ ܟܕ ܗ݂ܘ ܩܢܘܡܐ ܡ݁ܩ݁ܒܠ
059:01	ܬܪ̈ܬܝܗܝܢ܂ ܗ݀ܝ ܒܐܝܬܘܬܗ݂ ܘܗܕܐ ܒܡܕܒܪܢܘܬܗ܂ ܒܗ݀ܝ ܓܝܪ
059:02	ܕܟܝܢܗ݂ ܠܐ ܣܢܝܩ ܗܘܐ ܕܢܬܡ݂ܫܚ܂ ܘܣ݁ܗ݂ܕ ܝܘܚܢܢ ܟܕ ܐܡܪ
059:03	ܠܘܬܗ܂ ܕܐܢܐ ܣܢܝܩ ܐܢܐ ܕܡܢܟ ܐܬܥܡܕ܂ ܘܐܢܬ ܠܘܬܝ
059:04	ܐܬ݂ܝܬ܃ ܘܬܘܒ ܡܚ݁ܘܐ ܕܐܦ ܠܐܚܪ̈ܢܐ܃ ܗ݂ܘ ܡ݁ܫܚ ܘܡܥܡܕ
059:05	ܒܪܘܚܐ܂ ܟܕ ܐܡܪ ܕܗ݂ܘ ܢܥܡܕܟܘܢ ܒܪܘܚܐ ܕܩܘܕܫܐ݂
059:06	ܘܒܢܘܪܐ܂ ܐܬ݂ܡܫܚ ܗܟܝܠ ܥܡܢ ܒܡܕܒܪܢܘܬܗ܃ ܘܩ݁ܒܠ ܕܝܠܢ
059:07	ܡܛܠ ܕܗ݂ܘܐ ܐܟܘܬܢ܂ ܘܕܬܕܥ ܕܗܘܝܘ ܟܕ ܗܘ ܡܠܬܐ ܕܡܢ
059:08	ܐܒܐ ܕܐܬܡܫܚ ܒܪܘܚܐ ܘܠܘ ܐܚܪܢܐ܃ ܐܡܪ ܒܬܪܗ݀ ܕܡܠܬܐ
059:09	ܕܐܢܬ ܡܪܝܐ ܡܢ ܒܪܫܝܬ ܣܡ݂ܬ ܫܬܐ̈ܣܝܗ݀ ܕܐܪܥܐ܂
059:10	ܘܫܡܝܐ݂ ܥܒܕ ܐܝ̈ܕܝܟ ܐܢܘܢ܂ ܚܙ݁ܝܬ ܕܗ݀ܘ ܕܒܪܫܝܬ ܐܬܩܢ
059:11	ܒܪ̈ܝܬܐ ܘܛܟܣ ܟܝ̈ܢܐ܂ ܗ݂ܘ ܐܬܡ݂ܫܚ ܒܡܥܠܬܗ ܕܠܒܪܝܬܐ܃
059:12	ܐܠܐ ܐܡܪܝܢ ܗ݂ܢܘܢ܂ ܕܗ݀ܝ ܕܐܬܡ݂ܫܚ ܠܚܡܐ݂ ܠܒܪ ܐܢܫܐ܂ ܗ݀ܝ
059:13	ܕܝܢ ܕܟܘܪܣܝܐ ܘܕܐܠܗ݂ܐ ܘܕܐܝܬܘܗܝ ܠܥܠܡ܃ ܘܕܡܪܝܐ ܕܐܬܩܢ
059:14	ܫܬܐ̈ܣܝܗ݀ ܕܐܪܥܐ܃ ܗܕܐ ܠܡ ܫ݁ܠܡܐ݂ ܠܐܠܗܐ ܡܠܬܐ܂ ܐܢ
059:15	ܦܪܫ ܫܠܝܚܐ ܗܟܢܐ ܘܣܡ ܡܢܗܝܢ ܠܒܪ ܐܢܫܐ ܘܡܢܗܝܢ
059:16	ܠܐܠܗܐ܃ ܛܒܐܝܬ ܡܦܫܩܝܢ܂ ܐܢ ܕܝܢ ܟܠܗܝܢ ܥܠ ܚܕ ܣܝ݂ܡܢ
059:17	ܒܣܕܪܐ ܕܪܘܟܒܗܝܢ܃ ܠܐ ܢܗܘܘܢ ܕܠܩܘܒܠܐ ܕܫܠܝܚܐ܂
060:01	‍[‍37‍]‍ ܠܐ ܠܡ ܣܢܝܩ ܗܘܐ ܕܢܬܡܫܚ ܐܠܗܐ ܡܠܬܐ܂ ܡܢܐ ܓܝܪ
060:02	ܚܣܝܪܐ ܕܢܩܒܠ ܡܢ ܡܫܝܚܘܬܐ܂ ܫܪܝܪܐܝܬ ܕܟܝܢܐ ܕܐܝܬܘܬܗ
060:03	ܕܢܩܒܠ ܡܢ ܡܫܝܚܘܬܐ ܠܐ ܣܢܝܩ ܗܘܐ܂ ܡܛܠ ܕܡܫܡܠܝܐ
060:04	ܘܓܡܝܪܐ ܐܝܬܘܗܝ ܒܕܡܘܬ ܐܒܐ ܘܪܘܚܐ܂ ܡܛܠ ܕܝܢ ܕܫ݂ܩܠ
060:05	ܦܓܪܐ ܘܗ݂ܘܐ ܐܢܫܐ܃ ܘܐܬܩܪܝ ܒܘܟܪܐ ܟܕ ܐܝܬܘܗܝ
060:06	ܝܚܝܕܝܐ܃ ܘܐܬܡ݂ܢܝ ܥܡ ܣܓ̈ܝܐܐ݁܃ ܩ݁ܒܠ ܡܫܝܚܘܬܐ
060:07	ܐܟܘܬܢ݂ ܒܕܗ݂ܘܐ ܐܟܘܬܢ܂ ܐܠܘ ܠܐ ܗ݂ܘܐ ܦܓܪܐ ܐܝܟ
060:08	ܕܐ݂ܡܪ ܝܘܚܢܢ܃ ܐܦ ܠܐ ܡܫܝܚܘܬܐ ܡܩ݁ܒܠ ܗܘܐ ܒܕܡܘܬ
060:09	ܐܒܐ ܘܪܘܚܐ܂
060:10	‍[‍38‍]‍ ܒܬܪ ܗ݀ܝ ܓܝܪ ܕܗ݂ܘܐ܃ ‍{‍ܪܕܝܢ‍}‍‍<‍ܪ̈ܕܝܢ‍>‍ ܟܠܗܝܢ ܒܨܝܪ̈ܬܐ܂ ܘܒܬܪ ܗ݀ܝ
060:11	ܕܢ݂ܣܒ ܡܗܠܟܢ ܟܠܗܝܢ ܡܟ̈ܬܐ܃ ܠܥܠ ܕܝܢ ܡܕܒܪܢܘܬܐ܃
060:12	ܡܠܝܘܬܐ ܕܟܝܢܗ ܕܒܪܐ ܡܫܟܚ ܐܢܬ ܕܐܝܟ ܐܒܐ ܘܪܘܚܐ
060:13	ܐܝܬܘܗܝ ܠܐ ܣܢܝܩܐ܂ ܘܡܩܘܐ ܘܡܬܝܕܥ ܐܦ ܗ݂ܘ
060:14	ܒܕܡܘܬܗܘܢ ܒܫܪܪܐ ܕܐܝܬܘܗܝ܂ ܒܬܪ ܕܝܢ ܣܘܪܩܐ ܕܨܒܝܢܗ
060:15	ܘܡܘܟܟܐ ܕܡܕܒܪܢܘܬܐ܃ ‍{‍ܐܬܝܢ‍}‍‍<‍ܐ̈ܬܝܢ‍>‍ ܒܨܝܪ̈ܬܐ ܘܡܟ̈ܬܐ܃
060:16	ܕܒܗܝܢ ܢܓܠܐ ܘܢܚܘܐ ܒܫܪܪܐ ܕܥ݁ܒ̈ܕܐ ܣܘܪܩܐ ܕܚܘܒܗ܂
061:01	‍[‍39‍]‍ ܗܟܢܐ ܐܦ ܫܠܝܚܐ ܝܘܚܢܢ ܟܕ ܡܫܬܥܐ ܝܘܠܦܢܐ
061:02	ܕܐܝܬܘܬܗ܃ ܕܡܒܕܩ ܥܠ ܝܠܕܗ ܟܣܝܐ ܕܡܢ ܐܒܐ܃ ܠܐ ܣܡ
061:03	ܒܪܝܫܐ ܕܟܬܒܗ ܒܨܝܪ̈ܬܐ ܘܡܟ̈ܬܐ܂ ܡܛܠ ܕܠܥܠ ܡܢ ܣܘܪܩܐ
061:04	ܕܡܕܒܪܢܘܬܐ ܪܕܝܐ ܗܘܬ ܡܠܬܗ ܘܩܕܡ ܒܪܫܝܬ ܘܠܥܠ ܡܢ ܙܒ̈ܢܐ
061:05	ܘܥܠܡ̈ܐ܂ ‍[‍ܘܙܘܥܐ‍]‍ ܕܚܘܫ̈ܒܘܗܝ ܒܓܠܝܢܐ ܕܪܘܚܐ ܡܗܠܟ
061:06	ܗܘܐ܂ ܘܬܡܢ ܕܐܝܬܘܗܝ ܒܠܚܘܕ ܐܫܬܥܝ܂ ܘܕܒܬܗܪܐ ܕܠܐ
061:07	ܡܬܡܠܠ ܐܝܟ ܡܠܬܐ ܡܢ ܢܦܫܐ܃ ܕܠܐ ܫܘܪܝܐ܂ ܘܕܐܠܗܐ ܗܘ
061:08	ܐܬܝܠܕ܂ ܘܕܐܝܬܘܗܝ ܥܡܗ ܕܠܐ ܫܘܪܝܐ܂ ܘܕܐܠܗܐ ܗܘ
061:09	ܐܟܘܬܗ܂ ܘܩܢܘܡܐ ܚܬܝܬܐ ܘܨܠܡܐ ܫܪܝܪܐ ܒܕܡܘܬܗ܂ ܘܕܗ݂ܘ݁
061:10	ܒܠܚܘܕܘܗܝ ܩܕܡ ܒܪܫܝܬ ܐܝܬܘܗܝ ܗܘܐ ܥܡ ܐܒܘܗܝ܂
061:11	ܘܕܟܠ ܒܗ ܗ݂ܘܐ܃ ܘܒܠܥܕܘܗܝ ܡܕܡ ܠܐ ܐܬܒܪܝ܂ ܘܕܚ݂ܝܐ ܗܘ
061:12	ܒܟܝܢܗ ܘܝ݁ܗܒ ܚ̈ܝܐ ܠܥܒܝ̈ܕܐ܃ ܘܢܘܗܪܐ ܗܘ ܫܪܝܪܐ܃ ܕܒ݁ܕܪ
061:13	ܘܫ݂ܕܐ ܚܫܘܟܐ ܕܛܘܥܝܝ܃ ܐܝܟ ܙܠܝܩܐ ܕܨܡ݂ܚ ܡܢ ܐܒܐ܂
061:14	ܘܕܒܥܠܡܐ ܗܘܐ ܘܥܠܡܐ ܒܗ ܗ݂ܘܐ܂ ܘܕܟܕ ܐܝܬܘܗܝ ܒܥܠܡܐ
061:15	ܘܫ݂ܪܐ ܒܟܠ ܕܘܟ ܒܠܐ ܣܘܝܟܐ ܕܟܝܢܗ܂ ܐ݂ܬܐ ܠܣܘܪܩܐ