The Comprehensive Aramaic Lexicon

click on the file description for more information

Click on a red-colored coordinate for comments and/or translations of the line

par. 104	, kušṭa asinkun bšumaihun ḏhiia rbia asuta uzakuta nihuilak ia ab abuhun malka piriauis iardna rba ḏmia hiia , bšumaihun ḏhiia rbia halilnin ˁdan bkušṭa uspan bhaimanuta umalilnin bmalalia ḏ ziua uˁshiṭabun bˁuṣrai ḏnhura , brik šumak umšaba šumak marai manda ḏhiia brik umšaba hak parṣupa rba ḏˁqara ḏmn napšia praš , tlata zibnia , ana plan br planita ršimna brušma ḏhiia šuma ḏhiia ušuma ḏmanda ḏhiia madkar ˁlai , tlata zibnia , ˁudnai šamun qala ḏhiia , tlata zibnia , nhirai arih riha ḏhiia , tlata zibnia , rušumai ˁlauai lahua bnura ulahua bmiša ulahua ḏmšiha mša rušumai biardna rba ḏmia hiia ḏˁniš bhailia lamṣia šuma ḏhiia ušuma ḏmanda ḏhiia madkar ˁlai , kbiš hšuka utriṣ nhura šuma ḏhiia ušuma ḏmanda ḏ hiia madkar ˁlai , pumai buta utušbihta mla , tlata zibnia , burkai marbika usagda lhiia rbia , tlata zibnia , ligrai madrika dirkia ḏkušṭa uhaimanuta , tlata zibnia , ana plan br planita ṣbina bmaṣbuta ḏ bihram rba br rurbia maṣbutai tinaṭrai utisaq lriš šuma ḏhiia ušuma ḏmanda ḏhiia madkar ˁlai , tlata zibnia , ligrai ˁdaihun ḏšuba utrisar latištalaṭ ˁlai šuma ḏhiia ušuma ḏmanda ḏhiia madkar ˁlai s_____a ,
par. 105	kušṭa asinkun bšumaihun ḏhiia rbia asuta uzakuta nihuilak ia baba rba ḏbit rahmia iaqira asuta uzakuta nihuilkun abahatan qadmaiia iaqiria asuta uzakuta nihuilik ginza ḏ hiia rbia qadmaiia iaqira asuta uzakuta nihuilak malka mara ḏrabuta ˁlaita asuta uzakuta nihuilak malka iušamin dakia br niṣibtun asuta uzakuta nihuilak malka manda ḏ hiia br niṣibtun asuta uzakuta nihuilak malka hibil ziua asuta uzakuta nihuilak malka anuš ˁutra asuta uzakuta nihuilak malka šišlam rba asuta uzakuta nihuilak malka shaq ziua rba qadmaia asuta uzakuta nihuilak malka sam ziua dakia bukra habiba rba qadmaia asuta uzakuta nihuilkun hibil ušitil uanuš asuta uzakuta nihuilkun adatan uiadatan asuta uzakuta nihuilkun šilmai unidbai ˁutria naṭria ḏiardna asuta uzakuta nihuilkun srin uarba ˁutria bnia nhura asuta uzakuta nihuilkun arba gubria bnia šlama asuta uzakuta nihuilkun nṣab uanan nṣab asuta uzakuta nihuilkun sar usaruan asuta uzakuta nihuilkun zhir uzihrun bhir ubihrun utar utaruan asuta uzakuta nihuilkun arpˁiil umarpˁiil asuta uzakuta nihuilkun iupin uiupapin asuta uzakuta nihuilkun habšaba ukana ḏzidqa asuta uzakuta nihuilkun bihrun ukanpˁiil asuta uzakuta nihuilak malka drabšia taqna asuta uzakuta nihuilak malka šihlbun ˁutra asuta uzakuta nihuilak malka barbag ˁutra asuta uzakuta nihuilak malka šingalan ˁutra asuta uzakuta nihuilak malka lihdaia rba zadiqa asuta uzakuta nihuilak malka ˁtinṣib ziua asuta uzakuta nihuilak malka adakas mana asuta uzakuta nihuilak malka adakas malala asuta uzakuta nihuilak malka aiar dakia asuta uzakuta nihuilak malka aiar sagia asuta uzakuta nihuilak malka mahzian malala asuta uzakuta nihuilak malka iauar kbar asuta uzakuta nihuilak malka iauar rba asuta uzakuta nihuilak malka iukabar rba asuta uzakuta nihuilak malka iukašar kana asuta uzakuta nih{u}ilak malka nbaṭ ziua rba qadmaia asuta uzakuta nihuilak malka sam mana smira asuta uzakuta nihuilak malka aba rba ḏˁqara asuta uzakuta nihuilak malka parṣupa rba ḏ ˁqara asuta uzakuta nihuilak malka adam shaq ziua asuta uzakuta nihuilak malka bihram rba asuta uzakuta nihuilak malka iuzaṭaq manda ḏ hiia asuta uzakuta nihuilak malka iauar ganzˁil ˁutra asuta uzakuta nihuilak malka zihrun raza kasia asuta uzakuta nihuilak malka samandarˁil ˁutra asuta uzakuta nihuilak malka ṣanaṣˁiil ˁutra asuta uzakuta nihuilak malka taurˁiil ˁutra asuta uzakuta nihuilak malka gubran ˁutra asuta uzakuta nihuilik simat hiia asuta uzakuta nihuilik ˁzlat rabtia asuta uzakuta nihuilik šarat niṭupta asuta uzakuta nihuilik kanat niṭupta asuta uzakuta nihuilik bihrat anana asuta uzakuta nihuilik marganita dakita asuta uzakuta nihuilak malka abatur rama asuta uzakuta nihuilak malka ˁṣṭuna rba asuta uzakuta nihuilak malka abatur muzania asuta uzakuta nihuilak malka ptahil br zahrˁiil asuta uzakuta nihuilak malka iahia iuhana asuta uzakuta nihuilak malka adam gabra qadmaia asuta uzakuta nihuilak malka šitil br adam gabra qadmaia asuta uzakuta nihuilkun ia malkia uˁutria umašknia uiardnia urhaṭia uškinata ḏalmia ḏnhura kulaikun asuta uzakuta ušabiq haṭaiia nihuilia lhaza nišimtai ldilia plan br planita ḏhaza buta urahmia bit šabiq haṭaiia nihuilia s_____a marai mšaba bšumaihun ḏhiia rbia qadmaiia nukraiia mn almia ḏnhura iatiria ḏˁlauia ukulhun ˁubadia asuta uzakuta haila ušrara uˁmra ušima haduat liba ušabiq haṭaiia nihuilia ldilia ,, br ,, ninharlia ˁuṣrai umadai umadihtai bhazin ginza usaka ḏrahmia ubhailẖ ḏiauar ziua usimat hiia s_____a
par. 106	, bšumaihun ḏhiia rbia qum qum bhiria zidqa qum šalmania umhaimnia qum sgud ušaba lhiia rbia ušaba lmalka rba ušaba ltana kasia ham ziua ušaba liauar rba uˁzlat rabtia ušaba lsimat hiia ḏ mina hun kulhun almia ušaba ˁl aina usindirka ḏaba ḏˁutria ḏmina hua ana sagdinalẖ umšabinalẖ lhahu malka rama rba ḏnhura haiasa ḏmlia rahmia s_____a hazin buta buia brahmia ḏ qadumia aminṭul ḏptaha ḏrahmia hˁ haka qria šgandai ṭaba ulhiia sagidna uqria bšumaihun s_____a
par. 107	, bšuma ḏhiia rbia šgandai ṭaba ḏnhura ḏmasgia lbit rahmia ata utraṣlia malalai uˁpihtẖ lpumai btušbihta uˁšabinun lhiia rbia mn riš briš s_____a
par. 108	, bšuma ḏhiia rbia lhiia sagidna ulmarai manda ḏhiia mšabana ulhak parṣupa rba ḏˁqara ḏmn napšiẖ praš s_____a , halin tartin bauata binun abatar qum qum bhiria zidqa brahmia ḏqadumia haizak qria bšumaihun ubšuma ḏhahu gabra qadmaia s_____a
par. 109	, bšuma ḏhiia rbia ana lhiia qadmaiia sagidna ulmarai manda ḏhiia mšabana ulhak parṣupa rba ḏˁqara ḏmn napšiẖ praš s_____a hazin buta buia brahmia ḏšaba šaiia haizak qria bšumaihun ubšuma ḏhahu s_____a
par. 110	, bšuma ḏhiia rbia ˁdan ˁdan ḏrahmia maṭia uˁdan ḏrab bauata mṭa maiaranai hibil udarušaiai šitil ramia ˁniania anuš ṣaba bmaṣbutai šilmai umqaimana ḏbauata nidbai s_____a
par. 111	, bšuma ḏhiia rbia šgandai ṭaba ḏnhura ḏmasgia lbit rahmia ata utraṣlia malalai uˁpihtẖ lpumai btušbihta uˁšabinun lhiia rbia mn riš briš s_____a
par. 112	, bšuma ḏhiia rbia lhiia sagidna ulmarai manda ḏhiia mšabana ulhak parṣupa rba ḏˁqara ḏmn napšiẖ praš s_____a hazin buta ḏˁdana ḏrahmia hˁ ptaha ḏrahmia ḏ lpaina haizak qria bšumaihun ubšuma ḏhahu utruṣ tagak uqria ˁl aganbia tagak hiia qiriuia unhur nhura umanda qran haizak qria riha ḏbasim uhal hiia qadmaiia lriha urmia lnura haka qria buta ḏhabšaba s_____a
par. 113	, bšumaihun ḏhiia rbia asuta tihuilia ldilia bhaza buta ḏhabšaba ˁl nhur aiar qaiimna uˁl nhura rba ḏbzakuatẖ ana hu manda ḏhiia br niṣubtun ḏhiia rurbia qadmaiia qritilẖ lhabšaba šbiha naṭra dakia ḏnhura ḏmanhar ˁutria uamarnalẖ qum asgia ˁzil nhut larqa ḏtibil lalma hazin ḏkulẖ maudala luataiun ḏbhiria zidqa gubria gbilia bisra uzma ulguṭunun bliguṭtak uašarbun uqumbun uˁzdaharbun uˁhablun haila ušrara ḏniqmun unisigdun unišabun lhiia rurbia nukraiia haizak malil habšaba ulmanda ḏhiia ḏnimarlẖ haizin mšadratlia lalma hazin ḏkulẖ maudala luataiun ḏbhiria zidqa gbilia bisra uzma ḏlamauqirilia umašiṭilia ubˁqara rba lalagṭilia haṭaiia uhaubai lašabqilia haizak malil manda ḏhiia ulhabšaba ḏnimarlẖ anat qum asgia ˁzil nhut larqa ḏ tibil lalma hazin ḏkulẖ maudala luataiun ḏbhiria zidqa gubria gbilia bisra uzma ulguṭunun bliguṭtak uašarbun uqumbun uˁzdaharbun kruk udhia minaihun šuba šibiahia ḏhinun sahraihun udaiuaihun uhumraihun uqiriatun bišata ḏhinun haṭaiak uhaubak šabqilak ubˁqara rba lagṭilak uzakuta luatan dilan hauialak haizak malil manda ḏhiia uamarlun ˁl bhiria zi{r}<d>qa ˁzdahrulia bhabšaba manhirana ḏana luataikun dilkun šadirtẖ ˁl manhirinkun ulmiqaiminkun uˁl mitriṣinkun lmitilkun buta utušbihta haṭaiiẖ uhaubẖ šbiqulẖ ubˁqara rba lugṭuia apriš ugalil uamar manda ḏhiia kulman ḏlašabiqlẖ haṭaiiẖ uhaubẖ lhabšaba ubˁqara rba lalagiṭlẖ kursia binia ˁutria litlẖ ulahazilẖ lparṣupa rba ḏˁqara aminṭul ḏhabšaba iaqir ukabir uiaiia umanhar mn kulhun ˁutria brik umšaba manda ḏ hiia umqaimana uhiia zakˁin lkulhun ˁubadia s_____a
par. 114	, bšumaihun ḏhiia rbia mraurab nhura šania mn šintai qadmit uqamit bziua ḏnpiš hzit hzit bziua ḏnpiš ubanhura ḏsaka litlẖ kḏ lbiš ˁuṣṭlẖ ḏ ziua unhura mramai lkadpai klil aiar traṣlia brišai utraṣlia lkulẖ šurbtẖ dariš udaršia ˁutria luatẖ uanilẖ pasimkia lqalẖ umrandid umaqim šakbia mn šintun amarlun qum šakbia ḏškibia qum akšilia ḏˁtakšal qum sgud ušaba lhiia rbia ušaba ldmutẖ ḏdmut hiia ḏbaira umitapriša banhura šania umšabin hiia s_____a
par. 115	, bšumaihun ḏhiia rbia halilnin ˁdan bkušṭa uˁspan bhaimanuta umalilnin bmalalia ḏziua uˁshiṭibun bˁuṣria ḏnhura brikit umšabit marai manda ḏhiia umqaima tušbihtak npiš haila ḏhiia ukabir ziua ḏrurbia šria ˁqara ˁl ˁutria ḏiatbia bˁqara haza hˁ buta utušbihta ḏatatalin mn atra rba ḏnhura udaura taqna mšabinabẖ kḏ qaiminin mn šintan mn qudam ḏˁniš bšiqra ništaiia kul man ḏbhaza buta nibia šabiq haṭaiia uhaubia nihuilẖ batra rba ḏnhura udaura taqna uhiia zakˁin s_____a
par. 116	, brik šumak umšaba šumak marai manda ḏhiia birkuk ṭuria dakiia ḏlanaidia uˁupania kušṭa ḏlamištania birkuk bnia šlama ḏaluatak iatbia birkak iauar ziua malka rba ḏ naṣiruta birkak aiar nhura dakia paruanqa ḏkulẖ zidqa ḏana sagdinalẖ umšabinalẖ lhak agia ḏnhura ulšganda ḏkulhun pasimkia , brik šumak umšaba šumak gabra ḏˁl škinata šria uˁl škinata šria šumẖ kul ium ukul iuma ldmutẖ hazilẖ uˁl parṣupa rba ḏˁqara mšabilẖ umšabin hiia s_____a halin arbia bauata bainun lnhur aiar qaiamna umn šintai qadmit uqamit uhalilnin ˁdan bkušṭa ubrik šumak umšaba šumak qrinun brahmia ḏpirša abatar riha s_____a
par. 117	, bšumaihun ḏhiia rbia sagidna šahabana umšabana lhak šrar gupna rba kasia qadmaia ḏalip alip hauin ˁbibẖ uruban ruban hauin luatẖ ḏqrilẖ uˁnian tum ḏqrilẖ uninian ḏ hu nitia unasian unidalian uniqaiman unitirṣan unitraṣlia ainai binhura uligrai bišrara upumai bhukumta ulibai bˁruta tum sagidna šahabana umšabana lhak škinta rabtia kasita qadmaita ḏbit iuria tum sagidna šahabana umšabana lhak škinta kasita qadmaita ḏabahatai iatba tum sagidna šahabana umšabana lhak ruaz gupna rba kasia qadmaia ḏhlibẖ mia bdaria šabiqlẖ tum sagidna šahabana umšabana lhak ruaz nhura rba qadmaia ḏhu mšalaṭ lkulhun almia ḏnhura tum sagidna šahabana umšabana lhak škinta rabtia kasita qadmaita ḏainaihun ḏnaṣuraiia uprišaiia ubhiria zidqa msakilẖ lmisaq mihziẖ latra rba ḏnhura udaura taqna umšabin hiia uhiia zakˁin s_____a hazin buta buia brahmia ḏšaba šaiia abatar riha ulnhur aiar qaiimna s_____a
par. 118	, hua zibna lmibia rahmia uˁdana rba lmidnuiia mitin hilita lmarai manda ḏhiia lmitiaiuria bhiria zidqa amrilẖ tarmidia lmanda ḏhiia ḏˁtlan mn agra umn zidqa umn ṭabuta ḏnišibqẖ lalahuta ḏ baita unitia unithaiman amarlun manda ḏhiia ltarmidia ḏˁtlẖ labuhkun haila napša ḏˁnpiš mn saka kulẖ umn ˁuṣria himia baṭlia umn ˁšata ˁkilta hun umalbišilun ṭaba lbnẖ umkasilun umasiq umahuilun ˁit ruaha rba ḏhiia urauzin nišmatkun mn anania ḏnhura umaitan nišmata huriniata uhauian kḏ zan ḏ lahun tiqablun ˁuṣṭlaikun utiqablun klilaikun qudam rbia rbia tihun ubinia ˁutria ˁutria titiqrun utimrun qaiamin hiia bškinatun uhiia zakˁin lkulhun ˁubadia s_____a hazin buta buia brahmia ḏ lpaina abatar riha uabatar lnhur aiar qaiimna s_____a
par. 119	, bšumaihun ḏhiia rbia mraurab nhura šania bhabšaba briš iumia manu hza ḏana hzit man hiziẖ lmanda ḏhiia ḏasgia atalẖ lalma asgia lalma atalẖ rmia arqa uštarhza dariš ubasim qalẖ utraṣlẖ bpumẖ mamla mamla traṣlẖ bpumẖ uqarqil šibqẖ lalma qarqil lalma šibqẖ uruha bmalia iatba ruha iatba bmalia ušuba btihma iatbia bakin unag<d>in ˁblaihun aminṭul ḏrazaihun ˁtiglia aminṭul ḏˁtiglia razaihun misap saipia liuma rba ḏsup haqat uzahat namrus zaina mn kadpa npal zaina npal mn kadpa uqaštata mn psan ˁda ruha lbnia timar lmaštuṣia baṭlia timarlun bnai kḏ ˁmaikun hauqa miṭia anatun šuba mahu tibdun kḏ atia gbar nukraia man niqmilẖ ˁl qudamẖ akla ḏziua bˁdẖ ḏmanda ḏhiia mkabiš uatia mardia br hiia tirṣẖ lqalẖ ulpaṭur šuba ḏnimarlun ana zibna lrahmai atit umalalai kšiṭia lmhaimnia gubria ḏzabnia zibnai zakuatun brišaihun mitgadlin zakuatun uqarnaihun mitgadlin brišaihun usalqia hazilẖ latar nhur mištaiin hiia zakin uzakia gabra ḏasgia lka s_____a
par. 120	, iumai mahu biumia iuma iumai mahu bšaiia šita hda iumai mahu biumia iuma ḏziuẖ ḏm<a>nda ḏhiia dna iumai habšaba briš iumia iuma ḏziuẖ ḏmanda ḏhiia dna iumai dna ziuẖ ḏ habšaba ˁlauaian uanharinan mn riš briš s_____a
par. 121	, mn qadmu ḏšinia ainia umn qadmu ḏtirata lbar mn qadmu ḏanatun hauaitun ana huitibẖ balma qalaihun ḏmia hiia ḏapkin lmia tahmia šapin unasbin tuqna ašdin uramin durdia limalẖ lqadmaia ḏmn durdia baiia bnia miqria qrˁiia qalia umihšab hšibia mamlalia kulhun atia hda qala umapriš lqalia kulhun atia hda mamla umapriš lmalalia kulhun atia hda gabra umapriš ˁl dẖ udẖ anin ḏmšabinin maran haṭaian uhauban tišbuqlan zkit manda ḏhiia uzakit kulhun rahmak uhiia zakˁin s_____a
par. 122	, ia maria rahmia ia maria bauata udrašia usidria taqnia iamaria buta utušbihta šumẖ lqalai ulatagzar ˁlai s_____a
par. 123	, lbar mn šit ušaba amamia pira lˁlana triṣ pira triṣ lˁlana uˁlania aluatẖ kanpia ˁlania kanpia aluatẖ ukursia lrab ziuia triṣ kursia triṣ lrab ziuia urab ziuẖ iatib ˁlẖ triṣ lqudamẖ tušlimia ḏlšalmania mšalimlun mšalimlun lšalmania uamar kul ˁniš akuat ˁubadia ˁdẖ iahiblẖ uamar kul man ḏhla uˁtangar nitia unisab btartin ˁdẖ udlahla ulaˁtangar riqan qaiim bit maksia baiia ulamaška ušaiil ulamithiblẖ aminṭul ḏhualẖ bˁdẖ ulaˁhab hatam bahiš bkanpẖ ulamaška mšabit manda ḏhiia ḏˁl rahmak lamagzirit s_____a
par. 124	, ana buta mn hiia baiina baiina minaikun hiia rurbia ana buta mn hiia baiina ḏtitriṣuna ltušbihtaikun ˁlai s_____a halin tlata ˁniania utlata drašia iuma ḏhabšaba hinun s_____a
par. 125	, bšumaihun ḏhiia rbia mraurab nhura šania mn riš banana nipqit minak daura taqna mn riš banana nipqit mn bana ḏbanan rbia mn bana ḏrbia banan atit uniṣban naṣbai atit unaṣbai niṣban bmilka ḏ mn rbia mlik mn malka ḏmlik mn rbia ušadrun ḏˁbun binta binta ˁbun lṭabia lgubria kšiṭia umhaimnia banta ubananta utirṣit briš banana štaliba šitlia ḏhiia gubria kšiṭia umhaimnia ana lbanai mpaqidnalẖ ḏainak ˁl šitlai truṣ ainak truṣ lšitlai ḏˁdilma ḏnaimia ušakbia uminišiin ṭabia ḏmpaqdia alma ḏaninimun ualma ḏnišikbun ualma ninišiun ṭabia ḏmpaqdia alma ḏninišiun ldilia niiul ˁlauaihun siṭia ˁzdahrulia ahai ˁzdahrulia rahmai ˁzdahrulia ahai mn ˁšu mšiha baṭla umn ḏapik dmauata umšania malalia ḏpum ˁu tizdahrulia ahai ˁu tizdahrulia rahmai ˁu tizdahrulia ahai kḏ tipqun mn pagraikun ana ˁhauilkun bahid ˁda ahid ˁda usimaka mn atra ḏhšuk latar nhur zkit manda ḏhiia uzakit kulhun rahmia šumak s_____a
par. 126	, lriš kimṣa dakia aluatẖ ḏpasimka šania ˁstkit hzaitẖ lnibṭa sagia mn gu iardna rba ḏhiia qadmaiia ˁtinṣib šania qalẖ urihẖ basim udmutẖ baira umitrauriba uhiia zakˁin s_____a
par. 127	gabra bhir zidqa nbaṭ uanhar balma nbaṭ balma uanhar umalil bhiia rurbia bhiia rurbia malil ugalil razia ḏmsatria razia ḏmsatria galil uṣauta šaria lrahmẖ ṣauta lrahmẖ šaria uradpilẖ kulhun almia kḏ haza ḏridpuia almia ainẖ šqal latar nhur baba ḏnhura ˁptalẖ uasiq bhiia asmkuia hiia smak lhiia hiia dilun aška hiia aška dilun uaškit nišmat ḏmsakia zkit manda ḏ hiia uzakit kulhun rahmak uhiia zakˁin s_____a
par. 128	, ia gabra ḏkaluza bhira ḏˁtabhart minẖ mn alma ninharulak ainak ṭaba ḏalbšuk ḏiaiia ˁṣṭlak mn qalak uqal drašak hiia rbia qabluia lbutak utušbihtak s_____a
par. 129	lia azlit bhir zidqa ḏbaiilak kulhun rahmak kulhun rahmak baiilak ubaiin dmutak binatun ana ˁzlit lmiban binta lhil bgauẖ ḏalma bantẖ ubananta utirṣit briš banana štalibẖ šitlia ḏhiia lgubria kšiṭia umhaimnia ana lbanai mpaqdinalẖ lgabra ḏnaṭar binta ana lbanai mpaqdinalẖ ḏainak ˁl šitlai truṣ ainak truṣ lšitlai ḏˁdilma ḏnaimia ušakbia uminišiin ṭabia ḏmpaqdia alma ḏ ninimun ualma nišikbun ualma ḏninišiun ṭabia ḏmpaqdia gabra lalma qralia mn rišiẖ lrišiẖ ḏalma gabra ḏlalma qralẖ uamar ṭubẖ lman ḏbnapšiẖ nizdahar gabra ḏ mizdahar bnapšiẖ laiit akuatẖ balma tum gubria ḏmašria hiia misap saipia ḏapkia halin ḏapkia maitia udmašria šrara maškia ahai ašar bmargnaikun usubluia lridpa ḏalma lridpa ḏ alma subluia bliba kšiṭa umhaimna sgdulia bitriṣta ḏˁqum ˁhuilkun bahid ˁda ahid ˁda usimaka mn atra ḏhšuk latar nhur uhiia zakˁin s_____a
par. 130	, mn iuma ḏpta baba rba ḏhilbunia ˁtauzap ziua ḏmalka lˁutria iaqria atalun buta utušbihta lgubria kšiṭia umhaimnia hadibẖ umitgaiibẖ umasqin butun utušbihtun latar nhur s_____a halin tlata ˁniania utlata drašia iuma ḏtrin habšaba hinun s_____a

par. 131	bšumaihun ḏhiia rbia mraurab nhura šania ˁtit mn bit hiia ˁtit mahu ḏaititlan aititlkun ḏlatimitun ulatistakra nišmatkun aitilkun liuma ḏmuta hiia uliuma ḏnsisa hadua aititlkun nihuta ḏmarguš ḏamamia litbẖ hada hada aitit ṭaba lgabra kšiṭa mahu ḏaititlẖ ganzibrai šauitẖ ušaliṭtẖ ˁl kul ḏˁtlia pugdamia ḏkušṭa ˁhablẖ ḏaiilbun unapiqbun kḏ gabra ḏ ṣubianẖ lgaṭ baiitun uaškatun bhirai tum tibun utaškun baiitun uaškatun bhirai akuat qadmaiia bun uhiia zakˁin s_____a

par. 132	, ata ata malka ḏˁutria šganda rama ata mn bit abuia ata uqabla lbutai utušbihtai uasqa bšlam latar nhur s_____a
par. 133	, ˁtit mn bit ṭabia ˁdilma bqiluma ˁtit ˁdilma ˁtit bqiluma bsaina uzipa ḏhazin alma ˁdilma ˁtit bqiluma ˁdilma bainia lamitahzit hin lmitia ˁtit hin lˁtigluiia ˁtiglit ainak ainia ḏšiqra uainai dilia ḏkušṭa mihšak haškia ainia ḏšiqra ulahazilẖ lkušṭa ˁu baiit lmihzia lruha ˁzil lbit iadai hzia bit iadai ḏiadilia ḏana šrina binataihun blibaihun ḏrahmai ubˁuṣraihun ḏtarmidai uhiia zakˁin s_____a
par. 134	ata ata malka ḏˁutria šganda rama ḏainai msakialẖ ṣut ušuma qalai uasqa lbutai utušbihtai latar nhur s_____a
par. 135	riha ata mn atrẖ ata šrara mn duktẖ riha ata mn atrẖ ata bgu baita šra qaria umhaiia mitia umrandid ḏmaitia ušakbia maiarlin lnišmata ḏšihia ušauia latar nhur hada hada abad ṭaba utraṣ ḏ hiia rušuma ˁtkanap šibiahia azal qamlẖ lšaliṭun amrilẖ lahzit alaha alihun ḏriha mn atrẖ ata riha ata mn atrẖ rhiš mana mn duktẖ qaria umhaiia mitia umrandid mitia ušakbia maiarlin lnišmata ḏšiha ušauia latar nhur hada hada abad ṭaba utraṣ ḏhiia rušuma alaha alihun pihtẖ lpumẖ ulbnẖ bukrẖ ḏnimarlun atun atun bnai bukrai ušitlai mindam ḏˁmarlkun šuma ˁu maškitun gabra zadiqa sgidulẖ ḏrba sigudta hda ldilẖ sgidulẖ utartin lriha ḏhiia ˁlẖ šria hzun ḏhiia zakin uhiia zikiuia lhazin alma s_____a
par. 136	, ata ata manda ḏhiia ṭura ḏhšuka ninhar ninhar ṭura ḏhšuka umia tahmia niriuzan s_____a halin tlata ˁniania utlata drašia iuma ḏtlata habšaba hinun s_____a
par. 137	, bšumaihun ḏhiia rbia mraurab nhura šania qala hua bˁšumia urima hua bit kukbia ruha ušibiahia hinun bmalia iatbia hinun iatbia bmalia lgabra ḏmn tibil šuar lgabra ḏšuar mn tibil upraṭ bbaita purṭta purṭta praṭ bbaita urma bgauẖ tigra tigra rmia bgauẖ ldar daria lamištria ˁlẖ ḏatia manda ḏhiia utlata bhiria minẖ nasbia minẖ nasbia tlata bhiria umasiqlun ldaura taqna latra ḏ nahur utaqun qrˁia umzamna nišmatkun unišmata ḏahan ṭabia uhalin ahuatan ḏmhaimnia zkit manda ḏhiia ṭaba ḏmqaiam rahmẖ uhiia zakin s_____a
par. 138	, qala ḏnibṭa kasia ḏmalil mn tibil udraš malil udraš mn tibil uhiia rbia mn kisia ˁniuia hiia rbia ˁniuia mn kisia unṣab šganda ušadarlẖ šganda nṣab šadarlẖ umkabiš hailaihun ḏmardia s_____a
par. 139	, lṭur karimla silqit sliqilak ṭura ṭur karimla lṭur karimla silqit ˁstakun trisar gupnia hiziun gupnia mihizia ḏhiziun gupnia npiš aupaihun parsia npiš parsia aupaihun unpiš ṭunaihun lsimadrun laˁdun ulapiršun ulanisbun lbalun laˁdun ulapiršun ḏman ana ubr man ana ana gabra ḏhizian upiršan latra ḏhiia mizlẖ zkit manda ḏhiia uzakit kulhun rahmak s_____a
par. 140	, binia trin ṭuria ubinia škinata tlat binia trin ṭuria iauar bhira škinta škan škinta škan iauar ubhiria zidqa bgauẖ mitqaimia mitqaimia bhiria zidqa usalqia hazilẖ latar nhur s_____a
par. 141	, man nitia uman nimarlia man naudan uman naprišan man nitia uman nimarlia ˁutria lmahu damin lmahu damin ˁutria ulmahu damin pasimkia ˁutria lziua damin ulnhura damin pasimkia mima iamin ˁutria ˁutria mima iamin ulamkadbin nikadbun šibiahia misap saipia liuma rba ḏsup mištaiin hiia zakin uzakia gabra ḏasgia lka s_____a
par. 142	, mitia ḏhibil ˁutra kḏ šitil masgia lbit rahmẖ tarmidia ḏšumuia lqalẖ ḏanuš ˁutra sagia sagdia umšabilun lhiia rbia mn riš briš s_____a , halin tlata ˁniania utlata drašia iuma ḏarba habšaba hinun s_____a
par. 143	bšumaihun ḏhiia rbia mraurab nhura šania bziuẖ ḏab qaiimna ubtušbihtẖ ḏgabra naṣbai bziuẖ ḏab qaiimna utarṣinabẖ bit tušlima arqa bqalai zahat uˁšumia bziuai ˁzdaranbiat mibaš iabšia iamamia uzabia bṣadia naplia mitpasusia mitpasasia aqria ugabaria ḏtibil mitnangria ṭuria ḏhaizin ramia kḏ taturia mitmakakia bišia ḏzaqpia alanpai ˁit gabra ḏ mnangarlun lau bhailai dilia hinila bhailaihun ḏhiia rurbia mištaiin hiia zakin uzakia gabra ḏasgia lka s_____a
par. 144	, ana bziuai dakia nṭirna uˁutria ahai banhura ksin mn ˁrutun umn tušbihtun ḏˁutria ahai atia ṣauta ḏhiia ušaria ˁlai s_____a
par. 145	, kḏ mamlilia kabiria batra sagia bit tušlima sagiia ukabiria lšilmai unidbai naṣbia nṣabinun lšilmai unidbai ulnṣab ziua ˁhabinun badiauria kḏ mistmik nṣab ziua lˁutria tušlimia ḏnṣablun malil bqalẖ niha ubhiria alanpẖ napqia bhiria napqia alanpẖ umn tušbihtẖ iahiblun iahiblun mn tušbihtẖ ubhiria btibil mitqaimia mitqaimia bhiria zidqa usalqia hazilẖ latar nhur mištaiin hiia zakin uzakia gabra ḏ asgia lka s_____a
par. 146	, ana bziuai dakia nṭirna kḏ kabiria btušbihtaihun lbušai dna bgu baita ubutai utušbihtai latrẖ salqa s_____a
par. 147	, ania ana lˁmat ˁzil libai ḏkaiub nitapa nitapa libai ḏkaiub utipšaq nišmat ḏmnakria batra ḏnpiš ništailun ṣautaihun ḏhiia šaria ˁlai utišria ltarmidai ḏradpinun šuba bhazin alma mirdap radpia šuba almia ḏradpia ulakašria šuba hinun umalkaiun liaqdania ḏnura azlia ṭabia ubhiria ukinia ušalmania salqia hazilẖ latar nhur mištaiin hiia zakin uzakia gabra ḏasgia lka s_____a
par. 148	ania ana umadnina bhir zidqa ṣut ušuma lqalai anat ania ubnak ušitlak utarmidak tisaq tihiziẖ latar nhur s_____a halin tlata ˁniania utlata drašia iuma ḏhamša habšaba hinun s_____a
par. 149	, bšumaihun ḏhiia rbia mraurab nhura šania lbaba ḏbit ama ˁma bmiriai tibga ˁma tibga bmiriai ušaiulia tišaila mna ˁtit brat miriai ḏanpik uarda gaṭpia anpik gaṭpia uarda uainik mlˁia mn šintun ainik mn šintun mlˁia ulbit gbinik šaharta uamrala ha trin tlata iumia ahai lbit ab šrun ahai šrun lbit ab udaršin drašia šaniia lqalaiun uqal drašaiun ḏˁutria ahai šinta lainai latia šinta latia lainai ula šaharta lbit gbinai lašimit brat miriai ḏiahuṭaiia mahu amria ˁlik amria iahuṭaiia ḏbratik gabra rihmat snata liahiduta unaṣiruta rihmat snatẖ lbaba ḏbit ama urihmat baba ḏmaškna snata lṭuṭipta urihmat klilia rauzia bšapta abda ˁbidata ubhabšaba naṭra ˁda miriai <a>slitẖ lnimusa ḏasar šuba bˁurašlam latra kḏ qaima miriai aqapra bligra dara uamra aqapra lpumaihun ḏ iahuṭaiia ugiṭma lpumaihun ḏkulhun kahnia usarqina ḏatutia ligraihun ḏrakšia lqašišia ḏˁtbẖ bˁurašlam ana ḏrhamtẖ lasnaitẖ udˁsiniiẖ laˁrihmẖ lbar rhamtẖ lmarai manda ḏhiia ḏniqum nihuilia bahid ˁda ahid ˁda usimaka mn atra ḏhšuka latar nhur zkit manda ḏhiia uzakit kulhun rahmia šumak uhiia zakˁin s_____a