CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:13 וֻשמַע יָת פִתגָמֵי בְנֵי לָבָן דְאָמְרִין/דהוו אמרין#3#/למימר#3#/ נְסֵיב יַעֲקֹב יָת כֹל דִלאֲבֻונָא וֻמִדִלאֲבֻונָא קְנָא יָת כֹל נִכסַיָא הָאִלֵין׃
(1) 20:13 וַחזָא יעקב יָת סְבַר אַפֵי לָבָן וְהָא לֵיתַנֻון/לֵיתִנֻון#3#/ עִמֵיה כְמֵאִתמָלִי וֻמִדְקַמֹוהִי/ומדקדמוהי#3#/׃
(1) 30:13 וַאֲמַר יוי לְיַעֲקֹב תֻוב לארַע אֲבָהָתָך וֻליַלָדֻותָך וִיהֵי מֵימְרִי בְסַעֲדָך׃
(1) 40:13 וֻשלַח יַעֲקֹב וֻקרָא לְרָחֵל וֻללֵאַה לְחַקלָא לְ{י}<ו>ָת עָנֵיה׃
(1) 50:13 וַאֲמַר לְהֹון חָזֵי אֲנָא יָת סְבַר אַפֵי אֲבֻוכֵין אֲרֵי/וְהָא#3#/ לֵיתִנֻון עִמִי כְמֵאתמלִי וֻמִדְקַמֹוהִי/ומדקדמוהי#3#/ וַאֲלָהֵיה דְאַבָא <מימריה#3#> הֲוָה בְסַעֲדִי׃
(1) 60:13 וְאַתֵין יְדַעתִין אֲרֵי בְכָל חֵילִי פְלַחִית יָת אֲבֻוכֵין׃
(1) 70:13 וַאֲבֻוכֵין שַקַר בִי וְאַשנִי יָת אַגרִי עֲסַר זִמנִין וְלָא שַבקֵיה יוי לְאַבאָשָא עִמִי׃
(1) 80:13 אִם כְדֵין הֲוָה אֲמַר נְמֹורִין/רגולין#3#/ יְהֵי אַגרָך וִיִלדָן כָל עָנָא נְמֹורִין/רגולין#3#/ וְאִם כְדֵין הְוָה אָמַר רְגֹולִין יְהֵי אַגרָך וִילִדָן כֹל עָנָא רְגֹולִין׃
(1) 90:13 וְאַפרֵיש יוי מִן/ית#3#/ בְעִירָא/ענא#3#/ דַאֲבֻוכֹון וִיהַב לִי׃
(1) 01:13 וַהֲוָה בְעִדָן דְאִתיַחְמָא עָנָא וֻזקַפִית עֵינַי וַחזֵית בְחַלמָא וְהָא תֵישַיָא דְסָלְקִין עַל עָנָא רְגֹולִין נְמֹורִין וֻפַצִיחִין׃
(1) 11:13 וַאֲמַר לִי מַלאֲכָא דַיוי בְחַלמָא יַעֲקֹב וַאֲמַרִית הָאֲנָא׃
(1) 21:13 וַאֲמַר זְקֹוף כְעַן עֵינָך וֻחזִי כֹל תֵישַיָא דְסָלְקִין עַל עָנָא רְגֹולִין נְמֹורִין וֻפַצִיחִין אֲרֵי גְלֵי קְדָמַי יָת כֹל דְלָבָן עָבֵיד לָך׃
(1) 31:13 אֲנָא אֲלָהָא דְאִתגְלִיתִי עֲלָך בֵית אֵל דִמשַחתָא תַמָן קָמָא וֻדקַייֵמתָא קְדָמַי תַמָן קִיָם כְעַן קֻום פֹוק מִן \אַתרָא הָדֵין /אַרעָא הָדָא#3#/ וְתֻוב לַאֲרַע יַלָדֻותָך׃
(1) 41:13 וַאֲתֵיבַת רָחֵל וְלֵאָה וַאֲמַרָא לֵיה הֲעֹוד/העד כען#3#/ לַנָא חֻולָק וְאַחסָנָא בְבֵית אֲבֻונָא׃
(1) 51:13 הֲלָא נֻוכרָאָן אִתחֲשֵיבנָא לֵיה אֲרֵי זַבְנַנָא וַאֲכַל אַף מֵיכָל יָת כַספַנָא׃
(1) 61:13 אֲרֵי כֹל עֻותרָא/ניכסיא#3#/ דְאַפרֵיש יוי מֵאֲבֻונָא דִילַנָא הֻוא וְדִבַננָא וֻכעַן כֹל דַאֲמַר יוי לָך עִיבֵיד׃
(1) 71:13 וְקָם יַעֲקֹב וֻנטַל יָת בְנֹוהִי וְיָת נְשֹוהִי עַל גַמלַיָא׃
(1) 81:13 וֻדבַר יָת כֹל גֵיתֹוהִי וְיָת כֹל קִניָנֵיה דִקנָא גֵיתֹוהִי וְקִניָנֵה דִקנָא בְפַדַן דַאֲרָם לְמֵיתֵי לְוָת יצחק אֲבֻוהִי לארעא דִכנָעַן׃
(1) 91:13 וְלָבָן אֲזַל לְמִיגַז יָת עָנֵיה וֻנסֵיבַת רָחֵל יָת צָלמָנַיָא דִלאֲבֻוהָא׃
(1) 02:13 וְכַסִי יַעֲקֹב מִן לָבָן אֲרַמָאָה עַל דְלָא חַוִי לֵיה אֲרֵי אָזֵיל הֻוא׃
(1) 12:13 וַאֲזַל הֻוא וְכֹל דְלֵיה וְקָם וַעֲבַר יָת פְרָת וְשַוִי יָת אַפֹוהִי בְטֻורָא דְגִלעָד׃
(1) 22:13 וְאִתחַוַה לְלָבָן בְיֹומָא תְלִיתָאָה אֲרֵי אֲזָל יַעֲקֹב׃
(1) 32:13 וֻדבַר יָת אֲחֹוהִי עִמֵיה וֻרדַף בָתְרֹוהִי מַהלַך שִבעָה יֹומִין וְאַדבֵיק יָתֵיה בְטֻורָא דְגִלעָד׃
(1) 42:13 וַאֲתָא מֵימַר מִן קְדָם יוי \לְוָת לָבָן /ללבן#3#/ אֲרַמָאָה בְחַלמָא דְלֵיליָא וַאֲמַר לֵיה אִסתַמַר לָך דִלמָא תְמַלֵיל עִם יַעֲקֹב מִטָב עַד בִיש׃
(1) 52:13 וְאַדבֵיק לָבָן יָת יַעֲקֹב ויעקב פְרַס יָת מַשכְנֵיה בְטֻורָא וְלָבָן אַשרִי יָת אֲחֹוהִי בְטֻורָא דְגִלעָד׃
(1) 62:13 וַאֲמַר לָבָן לְיַעֲקֹב מָא עֲבַדתָא וְכַסִיתָא מִנִי וְדַבַרת יָת בְנָתַי כְשִביָת חֲרַב׃
(1) 72:13 לְמָא טַמַרתָא/אִטְמַרתָא#3#/ לְמֵיזַל וְכַסִיתָא מִנִי וְלָא חַוִית לִי וְשַלַחתָך פֹון/פום#3#/ בְחַדוָא וֻבתֻושבְחָן בְתֻופִין וֻבכִנָרִין/ובחינגין#3#/׃
(1) 82:13 וְלָא שְבַקתַנִי לְנַשָקָא לִבנַי וְלִבנָתַי כְעַן אַסכֵילתָא לְמַעֲבַד׃
(1) 92:13 אִית חֵילָא בִידִי לְמַעֲבַד עִמְכֹון בִישָא וַאֲלָהָא דַאֲבֻוכֹון בְרַמשָא אֲמַר לִי לְמֵימַר אִסתַמַר לָך \דִלמָא תְמַלֵיל /מִלְמַלָלָא#3#/ עִים יַעֲקֹב מִטָב עַד בִיש׃
(1) 03:13 וֻכעַן מֵיזַל אֲזַלתָא אֲרֵי חַמָדָא חַמֵידתָא לְבֵית אֲבֻוך לְמָא נְסֵיבתָא יָת דַחלָתִי׃
(1) 13:13 וַאֲתֵיב יַעֲקֹב וַאֲמַר לְלָבָן אֲרֵי דְחֵילִית אֲרֵי אֲמַרִית דִלמָא תֵינֻוס יָת בְנָתָך מִנִי/מעמי#3#/׃
(1) 23:13 <עם#3#> אֲתַר דְתַשכַח יָת דַחלָתָך לָא יִתקַיַים קְדָם אְחַנָא אִשתְמֹודַע לָך מָא דְעִמִי וְסַב לָך וְלָא יְדַע יַעֲקֹב אֲרֵי רָחֵל נְסִיבַתנֻון׃
(1) 33:13 וְעָל לָבָן בְמַשכְנָא דְיַעֲקֹב וֻבמַשכְנָא דְלֵאָה וֻבמַשכְנָא דְתַרתֵין לְחֵינָתָא וְלָא אַשכַח וֻנפַק מִמַשכְנָא דְלֵאָה וְעָל בְמשַכְנָא דְרָחֵל׃
(1) 43:13 וְרָחֵל נְסֵיבַת יָת צַלמָנַיָא וְשַוִתַנֻון בְעַבִיטָא דְגַמלָא וִיתֵיבַת עֲלֵיהֹון וֻמַשֵיש/ופשפש#3#/ לָבָן יָת כֹל מַשכְנָא וְלָא אַשכַח׃
(1) 53:13 וַאֲמַרַת לַאֲבֻוהָא לָא יִתקַף בְעֵינֵי רִבֹונִי אֲרֵי לָא אִיכֹול לִמקָם מִן קְדָמָך אֲרֵי אֹורַח נְשִין לִי וֻבלַש וְלָא אַשכַח יָת צַלמָנַיָא׃
(1) 63:13 וֻתקֵיף <רוגזא#3#> ליעקב וֻנצָא \עִים לָבָן /בְלָבָן#3#/ וַאֲתֵיב יַעֲקֹב וַאֲמַר לְלָבָן מָא חֹובִי מָא סֻורחָנִי אֲרֵי רְדַפתָא בָתְרַי׃
(1) 73:13 אֲרֵי מַשֵישתָא יָת כֹל מָנַי מָא אַשכַחתָא מִכֹל מָנֵי בֵיתָך שַו הָכָא/כען#3#/ קְדָם אַחַי וְאַחָך וְיֹוכְחֻון בֵין תַרוַנָא׃
(1) 83:13 דנָן עַסרִין שְנִין אֲנָא עִימָך רַחלָך וְעִיזָך לָא אַתכִילֻו וְדִכרֵי עָנָך לָא אֲכַלִית׃
(1) 93:13 דִתבִירָא/תבירא#3#/ לָא אֵיתִיתִי לָך/לותך#3#/ דַהוָת/כד הוה#3#/ שָגיָא מִמִניָנָא/מן מנינא#3#/ מִנִי/מן ידי#3#/ אַת בָעֵי לַה נְטַרִית בִימָמָא וֻנטַרִית בְלֵיליָא׃
(1) 04:13 הְוֵיתִי בִימָמָא אַכלַנִי שַרבָא וֻגלִידָא <הוה#3#> נַחַת עֲלַי בְלֵיליָא וְנַדַת שִנתִי מֵיעֵינָי׃
(1) 14:13 דְנָן לִי עַסרִין שְנִין בְבֵיתָך פְלַחתָך אֲרבַע עַסרֵי שְנִין בְתַרתֵין בְנָתָך וְשֵית שְנִין בְעָנָך וְאַשנִיתָא יָת אַגרִי עֲסַר זִמנִין׃
(1) 24:13 \אִילֻו לָאפֹון /אילוליפון#3#/אילופין#3#/ אֲלָהֵיה דְאַבָא אֲלָהֵיה דְאַברָהָם וֻדדָחֵיל/ודחיל#3#/ לֵיה יִצחָק הֲוָה בְסַעֲדִי אֲרֵי כְעַן רֵיקָן/"רֵיקָם"#3#/ שְלַחתַנִי יָת עַמלִי וְיָת לֵיאֻות יְדַי גְלֵי קדם יוי וְאֹוכַח בְרַמשָא׃
(1) 34:13 וַאֲתֵיב לָבָן וַאֲמַר לְיַעֲקֹב בְנָתָא בְנָתַי וֻבנַיָא בְנַי וְעָנָא עָנִי וְכֹל דְאַת חָזֵי דִילִי הֻוא וְלִבנָתַי מָא אַעֲבֵיד לְאִלֵין יֹומָא דֵין אֹו לִבנֵיהֹון דִילִידָא׃
(1) 44:13 וֻכעַן אֵיתַא נִגזַר קְיָם אֲנָא וְאַת וִיהֵי לְסָהִיד בֵינַא וֻבֵינָך׃
(1) 54:13 וֻנסֵיב יעקב אַבנָא וְזַקפַה/וארמה#3#/ קָמָא׃
(1) 64:13 וַאֲמַר יַעֲקֹב לַאֲחֹוהִי לְקֻוטֻו אַבנִין וֻנסִיבֻו אַבנִין וַעֲבַדֻו דְגֹורָא וַאֲכַלֻו תַמָן עַל דְגֹורָא׃
(1) 74:13 וֻקרָא לֵיה לָבָן יְגַר סָהֲדֻותָא ויעקב קְרָא לֵיה גַלעֵד׃
(1) 84:13 וַאֲמַר לָבָן דְגֹורָא הָדֵין/הדא#3#/ סָהִיד בֵינַא וֻבֵינָך יֹומָא דֵין עַל כֵין קְרָא לֵיה גַלעֵד׃
(1) 94:13 וְסָכֻותָא דַאֲמַר יֵסָך \מֵימְרָא דַיוי /ייי#3#/ בֵינָא וֻבֵינָך אֲרֵי נִתכַסֵי גְבַר מֵחַברֵיה/מִן חַברֵיה#3#/׃
(1) 05:13 אִם תְעַנֵי יָת בְנָתַי וְאִם תִסַב נְשִין עַל בְנָתַי לֵית אֲנָש עִמַנָא חֲזִי מֵימְרָא דַיוי סָהִיד בֵינָא וֻבֵינָך׃
(1) 15:13 וַאֲמַר לָבָן לְיעקב הָא דְגֹורָא הָדֵין וְהָא קָמְתָא דַאֲקֵימִית בֵינַא וֻבֵינָך׃
(1) 25:13 סָהִיד דְגֹורָא הָדֵין וְסָהֲדָא קָמְתָא אִם אֲנָא לָא אֲעִיבַר לְוָתָך יָת דְגֹורָא הָדֵין/הדא#3#/ וְאִם אַת לָא תְעִיבַר לְוָתִי יָת דְגֹורָא הָדֵין וְיָת קָמְתָא הָדָא/הדין#3#/ לְבִישֻו׃
(1) 35:13 אֲלָהֵיה דְאַברָהָם וַאֲלָהֵי נָחֹור יְדִינֻון בֵינַנָא אֲלָהָא דַאֲבֻוהֹון וְקַיֵים יַעֲקֹב בִדדָחֵיל לֵיה אֲבֻוהִי יִצחָק׃
(1) 45:13 וֻנכַס יַעֲקֹב נִכסְתָא בְטֻורָא וֻקרָא לַאֲחֹוהִי לְמֵיכַל לַחמָא וַאֲכַלֻו לַחמָא וֻבָתֻו בְטֻורָא׃

next chapter