The Comprehensive Aramaic Lexicon

01:01	ܟܬܒܐ ܕܬܘ̈ܠܕܬܐ ܕܝܫܘܥ ܡܫܝܚܐ ܒܪܗ ܕܕܘܝܕ ܒܪܗ ܕܐܒܪܗܡ
01:02	ܐܒܪܗܡ ܐܘܠܕ ܠܐܝܣܚܩ ܐܝܣܚܩ ܐܘܠܕ ܠܝܥܩܘܒ܂ ܝܥܩܘܒ ܐܘܠܕ ܠܝܗܘܕܐ ܘܐܚ̈ܘܗܝ
01:03	ܝܗܘܕܐ ܐܘܠܕ ܠܦܪܨ ܘܠܙܪܚ ܡܢ ܬܡܪ ܦܪܨ ܐܘܠܕ ܠܚܨܪܘܢ ܚܨܪܘܢ ܐܘܠܕ ܠܐܪܡ
01:04	ܐܪܡ ܐܘܠܕ ܠܥܡܝܢܕܒ ܥܡܝܢܕܒ ܐܘܠܕ ܠܢܚܫܘܢ ܢܚܫܘܢ ܐܘܠܕ ܠܫܠܐ
01:05	ܫܠܐ ܐܘܠܕ ܠܒܥܙ ܡܢ ܪܚܒ ܒܥܙ ܐܘܠܕ ܠܥܒܕ ܡܢ ܪܥܘܬ ܥܘܒܕ ܐܘܠܕ ܠܐܝܫܝ
01:06	ܐܝܫܝ ܐܘܠܕ ܠܕܘܝܕ ܡܠܟܐ ܕܘܝܕ ܐܘܠܕ ܠܫܠܡܘܢ ܡܢ ܐܢܬܬܗ ܕܐܘܪܝܐ
01:07	ܫܠܡܘܢ ܐܘܠܕ ܠܪܚܒܥܡ ܪܚܒܥܡ ܐܘܠܕ ܠܐܒܝܐ ܐܒܝܐ ܐܘܠܕ ܠܐܣܐ܂
01:08	ܐܣܐ ܐܘܠܕ ܠܝܘܫܦܛ ܝܘܫܦܛ ܐܘܠܕ ܠܝܘܪܡ ܝܘܪܡ ܐܘܠܕ ܠܥܘܙܝܐ
01:09	ܥܘܙܝܐ ܐܘܠܕ ܠܝܘܬܡ܂ ܝܘܬܡ ܐܘܠܕ ܠܐܚܙ ܐܚܙ ܐܘܠܕ ܠܚܙܩܝܐ܂
01:10	ܚܙܩܝܐ ܐܘܠܕ ܠܡܢܫܐ ܡܢܫܐ ܐܘܠܕ ܠܐܡܘܢ ܐܡܘܢ ܐܘܠܕ ܠܝܘܫܝܐ
01:11	ܝܘܫܝܐ ܐܘܠܕ ܠܝܘܟܢܝܐ ܘܠܐܚܘ̈ܗܝ ܒܓܠܘܬܐ ܕܒܒܠ܀
01:12	ܡܢ ܒܬܪ ܓܠܘܬܐ ܕܝܢ ܕܒܒܠ ܝܘܟܢܝܐ ܐܘܠܕ ܠܫܐܠܬܐܝܠ ܫܐܠܬܐܝܠ ܐܘܠܕ ܠܙܘܪܒܒܠ
01:13	ܙܘܪܒܒܠ ܐܘܠܕ ܠܐܒܝܘܪ ܐܒܝܘܪ ܐܘܠܕ ܠܐܠܝܩܝܡ ܐܠܝܩܝܡ ܐܘܠܕ ܠܥܙܘܪ܂
01:14	ܥܙܘܪ ܐܘܠܕ ܠܨܕܘܩ ܨܕܘܩ ܐܘܠܕ ܠܐܟܝܢ ܐܟܝܢ ܐܘܠܕ ܠܐܠܝܘܕ܂
01:15	ܐܠܝܘܕ ܐܘܠܕ ܠܐܠܝܥܙܪ ܐܠܝܥܙܪ ܐܘܠܕ ܠܡܬܢ ܡܬܢ ܐܘܠܕ ܠܝܥܩܘܒ
01:16	ܝܥܩܘܒ ܐܘܠܕ ܠܝܘܣܦ ܝܘܣܦ ܕܡܟܝܪܐ ܗܘܬ ܠܗ ܡܪܝܡ ܒܬܘܠܬܐ܂ ܐܘܠܕ ܠܝܫܘܥ ܕܡܬܩܪܐ ܡܫܝܚܐ܀
01:17	ܟܠܗܝܢ ܗܠܝܢ ܫܪܒܬܐ ܡܢ ܐܒܪܗܡ ܥܕܡܐ ܠܕܘܝܕ ܫܪ̈ܒܬܐ ܐܪܒܥܣܪܐ ܘܡܢ ܕܘܝܕ ܥܕܡܐ ܠܓܠܘܬܐ ܕܒܒܠ ܫܪ̈ܒܬܐ ܐܪ̈ܒܥܣܪ̈ܐ ܘܡܢ ܓܠܘܬܐ ܕܒܒܠ ܥܕܡܐ ܠܡܫܝܚܐ ܫܪ̈ܒܬܐ ܐܪ̈ܒܥܣܪ̈ܐ܀
01:18	ܝܠܕܗ ܕܝܢ ܕܡܫܝܚܐ ܗܟܢܐ ܗܘܐ ܟܕ ܡܟܝܪܐ ܗܘܬ ܡܪܝܡ ܐܡܗ ܠܝܘܣܦ ܟܕ ܠܐ ܢܬܩܪܒܘܢ ܚܕ ܠܘܬ ܚܕ ܐܫܬܟܚܬ ܒܛܢܐ ܡܢ ܪܘܚܐ ܕܩܘܕܫܐ
01:19	ܝܘܣܦ ܕܝܢ ܒܥܠܗ ܡܛܠ ܕܟܝܢ ܗܘܐ ܠܐ ܨܒܐ ܗܘܐ ܕܢܦܪܣܝܗ ܠܡܪܝܡ ܘܐܬܪܥܝ ܕܒܗܝܠܐܝܬ ܢܕܠܠܝܗ
01:20	ܟܕ ܗܠܝܢ ܕܝܢ ܐܬܪܥܝ ܐܬܚܙܝ ܠܗ ܡܠܐܟܐ ܕܡܪܝܐ ܒܚܙܘܐ ܘܐܡܪ ܠܗ ܝܘܣܦ ܒܪܗ ܕܕܘܝܕ ܠܐ ܬܕܚܠ ܠܡܣܒ ܠܡܪܝܡ ܐܢܬܬܟ ܗܘ ܓܝܪ ܕܡܬܝܠܕ ܡܢܗ ܡܢ ܪܘܚܐ ܗܘ ܕܩܘܕܫܐ
01:21	ܬܐܠܕ ܠܟ ܕܝܢ ܒܪܐ ܘܬܩܪܐ ܫܡܗ ܝܫܘܥ ܗܘ ܓܝܪ ܢܚܝܘܗܝ ܠܥܡܗ ܡܢ ܚܛܗܘ̈ܗܝ܂
01:22	ܗܕܐ ܕܝܢ ܕܗܘܬ ܕܢܬܡܠܐ ܡܕܡ ܕܐܬܡܠܠ ܡܢ ܡܪܝܐ ܒܐܫܥܝܐ ܢܒܝܐ ܕܐܡܪ ܗܘܐ
01:23	ܗܐ ܒܬܘܠܬܐ ܬܒܛܢ ܘܬܐܠܕ ܒܪܐ ܘܢܩܪܘܢ ܫܡܗ ܥܡܢܘܐܝܠ ܕܡܬܪܓܡ ܐܠܗܢ ܥܡܢ
01:24	ܟܕ ܩܡ ܕܝܢ ܝܘܣܦ ܡܢ ܫܢܬܗ ܥܒܕ ܐܝܟ ܕܦܩܕ ܠܗ ܡܠܐܟܐ ܕܡܪܝܐ ܘܕܒܪ ܠܐܢܬܬܗ
01:25	ܘܝܠܕܬ ܠܗ ܒܪܐ ܘܩܪܐ ܫܡܗ ܝܫܘܥ܀
02:01	ܘܟܕ ܐܬܝܠܕ ܝܫܘܥ ܒܝܬ ܠܚܡ ܕܝܗܘܕܐ ܒܝܘܡܝ ܗܪܘܕܣ ܡܠܟܐ ܘܗܐ ܡܓܘܫܐ ܐܬܘ ܡܢ ܡܕܢܚܐ ܠܐܘܪܫܠܡ
02:02	ܘܐܡܪܝܢ ܐܝܠܟܐ ܗܘ ܡܠܟܐ ܕܝܗܘܕܝܐ ܕܐܬܝܠܕ ܐܢܚܢܢ ܓܝܪ ܚܙܝܢ ܠܟܘܟܒܗ ܡܢ ܡܕܢܚܐ ܘܐܬܝܢ ܠܡܣܓܕ ܠܗ
02:03	ܟܕ ܫܡܥ ܕܝܢ ܗܪܘܕܣ ܡܠܟܐ ܐܬܕܠܚ ܘܟܠܗ ܐܘܪܫܠܡ ܥܡܗ
02:04	ܘܟܢܫ ܟܠܗܘܢ ܪܒܝ ܟܗܢܐ ܘܣܦܪ̈ܐ ܕܥܡܐ ܘܐܡܪ ܠܗܘܢ ܕܐܝܠܟܐ ܡܬܝܠܕ ܡܫܝܚܐ܂
02:05	ܐܡܪ̈ܝܢ ܠܗ ܒܝܬ ܠܚܡ ܕܝܗܘܕܐ܂ ܗܟܢܐ ܓܝܪ ܟܬܝܒ ܒܢܒܝܐ
02:06	ܘܐܦ ܐܢܬܝ ܒܝܬ ܠܚܡ ܕܝܗܘܕܐ ܠܐ ܗܘܝܬ ܒܨܝܪܐ ܡܢ ܡ̈ܠܟܐ ܕܝܗܘܕܐ ܡܢܟܝ ܓܝܪ ܢܦܘܩ ܡܠܟܐ ܕܗܘ ܢܪܥܝܘܗܝ ܠܥܡܝ ܐܝܣܪܝܠ
02:07	ܗܝܕܝܢ ܗܪܘܕܣ ܡܛܫܝܐܝܬ ܩܪܐ ܠܗܢܘܢ ܡܓܘ̈ܫܐ ܘܡܥܩܒ ܗܘܐ ܠܗܘܢ ܕܢܕܥ ܒܐܝܢܐ ܙܒܢܐ ܐܬܚܙܝ ܠܗܘܢ ܟܘܟܒܐ܂
02:08	ܘܫܕܪ ܐܢܘܢ ܠܒܝܬ ܠܚܡ܂ ܘܐܡܪ ܠܗܘܢ ܙܠܘ ܥܩܒܘ ܥܠܘܗܝ ܥܠ ܛܠܝܐ܂ ܘܡܐ ܕܐܫܟܚܬܘܢܝܗܝ ܬܘ ܚܘܘܢܢܝ ܕܐܙܠ ܐܦ ܐܢܐ ܐܣܓܘܕ ܠܗ
02:09	ܗܢܘܢ ܕܝܢ ܟܕ ܩܒܠܘ ܦܘܩܕܢܐ ܕܡܠܟܐ ܐܙܠܘ ܘܐܬܚܙܝ ܠܗܘܢ ܟܘܟܒܐ ܗܘ ܕܚܙܘ ܗܘܘ ܒܡܕܢܚܐ܂ ܐܙܠ ܗܘܐ ܩܕܡܝܗܘܢ ܥܕܡܐ ܕܐܬܐ ܩܡ ܐܬܪ ܕܬܡܢ ܗܘܐ ܛܠܝܐ܂
02:10	ܗܢܘܢ ܕܝܢ ܟܕ ܚܙܘܘܗܝ ܠܟܘܟܒܐ ܚܕܘܬܐ ܪܒܬܐ ܚܕܝܘ
02:11	ܘܥܠܘ ܠܒܝܬܐ ܘܚܙܘܘܗܝ ܠܛܠܝܐ ܥܡ ܡܪܝܡ ܐܡܗ ܘܢܦܠܘ ܘܣܓܕܘ ܠܗ܂ ܘܦܬܚܘ ܣܝܡܬܗܘܢ ܘܩܪܒܘ ܠܗ ܩܘܪܒܢܐ ܕܗܒܐ ܘܡܘܪܐ ܘܠܒܘܢܬܐ
02:12	ܘܐܬܚܙܝ ܠܗܘܢ ܒܚܙܘܐ ܕܠܐ ܢܗܦܟܘܢ ܠܘܬ ܗܪܘܕܣ܂ ܘܗܢܘܢ ܒܐܘܪܚܐ ܐܚܪܬܐ ܐܙܠܘ ܠܐܬܪܗܘܢ
02:13	ܘܡܢ ܒܬܪܗܘܢ ܐܬܚܙܝ ܠܝܘܣܦ ܡܠܐܟܐ ܕܡܪܝܐ ܒܚܠܡܐ܂ ܘܐܡܪ ܠܗ ܩܘܡ ܫܩܘܠ ܠܛܠܝܐ ܘܠܐܡܗ ܘܥܪܘܩ ܠܡܨܪܝܢ ܘܬܡܢ ܗܘܝ ܥܕܡܐ ܕܐܡܪܢܐ ܠܟ ܡܛܠ ܕܥܬܝܕ ܗܘ ܗܪܘܕܣ ܠܡܒܥܝܗ ܠܛܠܝܐ ܐܝܟܢܐ ܕܢܘܒܕܝܘܗܝ
02:14	ܝܘܣܦ ܕܝܢ ܩܡ ܫܩܠܗ ܠܛܠܝܐ ܘܠܐܡܗ ܒܠܠܝܐ ܘܐܙܠ ܠܗ ܠܡܨܪܝܢ܂
02:15	ܘܬܡܢ ܗܘܐ ܥܕܡܐ ܕܡܝܬ ܗܪܘܕܣ ܡܠܟܐ܂ ܕܢܬܡܠܐ ܡܕܡ ܕܐܬܡܠܠ ܡܢ ܡܪܝܐ ܒܦܘܡ ܐܫܥܝܐ ܢܒܝܐ܂ ܕܐܡܪ ܗܘܐ ܡܢ ܡܨܪܝܢ ܩܪܝܬ ܠܒܪܝ
02:16	ܗܝܕܝܢ ܗܪܘܕܣ ܟܕ ܚܙܐ ܕܒܙܚܘ ܒܗ ܡܓܘܫܐ ܐܬܚܡܬ ܛܒ ܘܫܕܪ ܩܛܠ ܛ̈ܠܝܐ ܟܘܠ ܕܐܝܬ ܒܝܬ ܠܚܡ܂ ܘܒܬܚܘܡܗ ܡܢ ܒܪ ܬܪܬܝܢ ܫܢܝܢ ܘܠܬܚܬ ܠܕܡܘܬܐ ܕܙܒܢܐ ܕܐܡܪܘ ܠܗ ܡܓܘܫܐ
02:17	ܗܝܕܝܢ ܫܠܡܬ ܡܠܬܐ ܕܐܡܪ ܗܘܐ ܐܪܡܝܐ ܢܒܝܐ
02:18	ܩܠܐ ܐܫܬܡܥ ܒܪܡܬܐ ܐܠܝܐ ܘܒܟܝܐ ܘܬܢܚܬܐ ܣܓܝܐܬܐ ܩܠܐ ܕܪܚܝܠ ܕܒܟܝܐ ܗܘܬ ܥܠ ܒܢܝܗ ܘܠܐ ܨܒܝܐ ܗܘܬ ܠܡܬܒܝܐܘ ܡܛܠ ܕܠܐ ܐܝܬܝܗ̈ܘܢ܀
02:19	ܟܕ ܡܝܬ ܕܝܢ ܗܪܘܕܣ ܡܠܟܐ ܐܬܚܙܝ ܠܝܘܣܦ ܒܡܨܪܝܢ ܡܠܐܟܐ ܕܡܪܝܐ
02:20	ܘܐܡܪ ܠܗ ܒܚܠܡܐ ܩܘܡ ܫܩܘܠ ܠܛܠܝܐ ܘܠܐܡܗ ܘܐܙܠ ܠܐܪܥܐ ܕܐܝܣܪܐܝܠ ܡܛܠ ܕܡܝܬܘ ܠܗܘܢ ܐܝܠܝܢ ܕܒܥܝܢ ܗܘܘ ܢܦܫܗ ܕܛܠܝܐ
02:21	ܘܗܘ ܩܡ ܫܩܠܗ ܠܛܠܝܐ ܘܠܐܡܗ ܘܐܬܐ ܠܐܪܥܐ ܕܐܝܣܪܐܝܠ
02:22	ܟܕ ܫܡܥ ܕܝܢ ܝܘܣܦ ܕܐܪܟܠܐܘܣ ܗܘܐ ܡܠܟܐ ܒܕܘܟܬ ܗܪܘܕܣ ܐܒܘܗܝ ܕܚܠ ܠܡܐܙܠ ܠܬܡܢ ܘܚܙܐ ܒܚܠܡܐ ܕܢܐܙܠ ܠܗ ܠܐܬܪܐ ܕܓܠܝܠܐ
02:23	ܘܐܬܐ ܠܬܡܢ ܘܥܡܪ ܗܘܐ ܒܡܕܝܢܬܐ ܕܡܬܩܪܝܐ ܢܨܪܬ ܘܐܬܡܠܝܬ ܡܠܬܐ ܕܐܡܝܪܐ ܒܢܒܝܐ ܕܢܨܪܝܐ ܢܬܩܪܐ܂
03:01	ܒܗܢܘܢ ܝܘܡܬܐ ܐܬܐ ܝܘܚܢܢ ܡܥܡܕܢܐ ܘܡܟܪܙ ܗܘܐ ܒܡܕܒܪܐ ܕܝܗܘܕܐ܂
03:02	ܘܐܡܪ ܗܘܐ ܕܬܘܒܘ ܡܛܠ ܕܩܪܒܬ ܠܗ ܡܠܟܘܬܐ ܕܫܡܝܐ܂
03:03	ܗܢܘ ܕܟܬܝܒ ܥܠܘܗܝ ܒܐܫܥܝܐ ܢܒܝܐ ܕܐܡܪ ܗܘܐ ܕܛܝܒܘ ܐܘܪܚܐ ܠܡܪܝܐ
03:04	ܗܘ ܕܝܢ ܝܘܚܢܢ ܠܒܝܫ ܗܘܐ ܠܒܘܫܐ ܕܒܥܘܐ ܕܓܡ̈ܠܐ ܘܐܣܝܪ ܗܘܐ ܒܚܨܘ̈ܗܝ ܥܪܩܬܐ ܘܡܐܟܠܬܗ ܩܡܨܐ ܘܕܒܫܐ ܕܛܘܪܐ܂
03:05	ܗܝܕܝܢ ܐܬܝܢ ܗܘܘ ܠܘܬܗ ܒܢ̈ܝ ܐܘܪܫܠܡ ܘܟܠܗ ܝܗܘܕܐ ܘܟܠܗ ܥܒܪܐ ܕܝܘܪܕܢܢ ܢܗܪܐ
03:06	ܘܡܥܡܕ ܗܘܐ ܠܗܘܢ ܒܝܘܪܕܢܢ ܢܗܪܐ ܟܕ ܡܘܕܝܢ ܗܘܘ ܐܢܫ ܐܢܫ ܒܚܛܗܘܗܝ܂
03:07	ܟܕ ܚܙܐ ܕܝܢ ܣܓܝܐܐ ܕܐܬܝܢ ܠܡܥܡܘܕܝܬܗ ܡܢ ܦܪ̈ܝܫܐ ܘܙܕܘܩܝܐ ܐܡܪ ܠܗܘܢ ܝܠܕܐ ܕܐܟܕܢܐ ܡܢܘ ܚܘܝܟܘܢ ܠܡܥܪܩ ܡܢ ܪܘܓܙܐ ܕܥܬܝܕ ܠܡܐܬܐ
03:08	ܥܒܕܘ ܗܟܝܠ ܦܐܪܐ ܕܫܘܝܢ ܠܬܝܒܘܬܐ
03:09	ܘܠܐ ܬܐܡܪܘܢ ܕܐܒܐ ܐܝܬ ܠܢ ܐܒܪܗܡ ܐܡܪ ܐܢܐ ܠܟܘܢ ܓܝܪ ܕܡܫܟܚ ܐܠܗܐ ܡܢ ܗܠܝܢ ܟܦܐ ܠܡܩܡܘ ܒܢܝܐ ܠܐܒܪܗܡ
03:10	ܘܗܐ ܡܛܝ ܠܗ ܢܪܓܐ ܥܠ ܥܩܪ̈ܝܗܘܢ ܕܐܝܠܢܐ ܘܟܘܠ ܐܝܠܢܐ ܕܦܐܪ̈ܐ ܠܐ ܥܒܕ ܡܬܦܣܩ ܘܒܢܘܪܐ ܢܦܠ
03:11	ܐܢܐ ܕܝܢ ܡܥܡܕܢܐ ܠܟܘܢ ܒܡܝܐ ܠܬܝܒܘܬܐ ܗܘ ܕܝܢ ܐܝܢܐ ܕܐܬܐ ܒܬܪܝ ܪܒ ܗܘ ܡܢܝ܂ ܐܝܢܐ ܕܠܐ ܫܘܢܐ ܡܣܢܘܗܝ ܠܡܫܩܠ ܗܘ ܢܥܡܕܟܘܢ ܒܢܘܪܐ ܘܒܪܘܚܐ ܕܩܘܕܫܐ
03:12	ܗܘ ܕܐܚܝܕ ܪܦܫܐ ܒܐܝܕܗ ܘܡܕܟܐ ܐܕܪܗ ܘܚ̈ܛܐ ܚܡܠ ܒܐܘܨܪܗ ܘܬܒܢܐ ܡܘܩܕ ܒܢܘܪܐ ܕܠܐ ܕܥܟܐ܀
03:13	ܗܝܕܝܢ ܐܬܐ ܝܫܘܥ ܡܢ ܓܠܝܠܐ ܠܘܬ ܝܘܚܢܢ ܕܢܥܡܕܝܘܗܝ ܒܝܘܪܕܢܢ
03:14	ܘܟܠܝܗܝ ܝܘܚܢܢ ܘܐܡܪ ܠܗ ܐܢܐ ܚܫܚܢܐ ܕܐܢܬ ܬܥܡܕܢܝ ܘܐܢܬ ܠܘܬܝ ܐܬܝܬ
03:15	ܥܢܐ ܝܫܘܥ ܘܐܡܪ ܠܗ ܫܒܘܩ ܕܗܫܐ ܡܛܠ ܕܗܟܢܐ ܝܐܐ ܠܢ ܕܢܡܠܐ ܟܘܠܗ ܟܐܢܘܬܐ ܗܝܕܝܢ ܫܒܩܗ ܕܢܥܡܕ
03:16	ܘܟܕ ܥܡܕ ܘܣܠܩ ܡܢ ܡܝܐ ܘܗܐ ܐܬܦܬܚܘ ܫܡܝܐ ܘܚܙܐ ܪܘܚܐ ܕܐܠܗܐ ܕܢܚܬܬ ܒܕܡܘܬܐ ܕܝܘܢܐ ܘܩܘܝܬ ܥܠܘܗܝ
03:17	ܘܩܠܐ ܐܫܬܡܥ ܡܢ ܫܡܝܐ ܕܐܡܪ ܠܗ ܐܢܬ ܗܘ ܒܪܝ ܘܚܒܝܒܝ ܕܒܟ ܐܨܛܒܝܬ܀
04:01	ܗܝܕܝܢ ܝܫܘܥ ܐܬܕܒܪ ܡܢ ܪܘܚܐ ܠܡܕܒܪܐ ܕܢܬܢܣܐ ܡܢ ܐܟܠ ܩܪܨܐ܂
04:02	ܘܡܢ ܒܬܪ ܐܪ̈ܒܥܝܢ ܝܘܡ̈ܝܢ ܘܐܪ̈ܒܥܝܢ ܠܝ̈ܠܘܢ ܕܨܐܡ ܗܘܐ܂ ܟܦܢ
04:03	ܘܩܪܒ ܠܘܬܗ ܡܢܣܝܢܐ ܘܐܡܪ ܠܗ ܐܢ ܒܪܗ ܐܢܬ ܕܐܠܗܐ ܐܡܪ ܠܗܠܝܢ ܟܐܦܐ ܕܢܗܘܝܢ ܠܚܡܐ܂
04:04	ܥܢܐ ܝܫܘܥ ܘܐܡܪ ܠܗ ܟܬܝܒ ܗܘ ܕܠܐ ܒܠܚܡܐ ܒܠܚܘܕ ܢܚܐ ܒܪ ܐܢܫܐ ܐܠܐ ܒܟܠ ܦܬܓܡ ܕܢܦܩ ܡܢ ܦܘܡܗ ܕܡܪܝܐ܂
04:05	ܗܝܕܝܢ ܕܒܪܗ ܐܟܠ ܩܪܨܐ ܘܐܝܬܝܗ ܠܡܕܝܢܬ ܩܘܕܫܐ ܘܐܩܝܡܗ ܥܠ ܟܢܦܐ ܕܗܝܟܠܐ܂
04:06	ܘܐܡܪ ܠܗ܂ ܐܢ ܒܪܗ ܐܢܬ ܕܐܠܗܐ ܦܠ ܡܢ ܗܡܟܐ ܟܬܝܒ ܗܘ ܓܝܪ ܕܠܡܠܐܟܘܗܝ ܢܦܩܕ ܥܠܝܟ ܕܢܢܛܪܘܢܟ ܘܥܠ ܕܪܥܝܗܘܢ ܢܫܩܠܘܢܟ ܕܠܐ ܬܬܩܠ ܒܪܓܠܟ ܒܟܐܦܐ
04:07	ܐܡܪ ܠܗ ܝܫܘܥ ܟܬܝܒ ܗܘ ܕܠܐ ܬܢܣܐ ܠܡܪܝܐ ܐܠܗܟ܂
04:08	ܬܘܒ ܕܒܪܗ ܣܛܢܐ ܘܐܣܩ ܐܩܝܡܗ ܥܠ ܛܘܪܐ ܐܝܢܐ ܕܛܒ ܪܡ ܘܚܘܝܗ ܟܘܠܗܝܢ ܡܠܟܘܬܐ ܕܥܠܡܐ ܗܢܐ
04:09	ܘܐܡܪ ܠܗ ܗܠܝܢ ܡܠܟܘܬܐ ܘܫܘܒܚ̈ܝܗܝܢ ܚܙܝܬ ܠܟ ܐܬܠ ܐܢܝܢ ܐܢ ܬܦܠ ܬܣܓܘܕ ܩܕܡܝ
04:10	ܗܝܕܝܢ ܐܡܪ ܠܗ ܝܫܘܥ ܙܠ ܠܒܣܬܪܟ ܣܛܢܐ ܟܬܝܒ ܓܝܪ ܠܡܪܝܐ ܐܠܗܟ ܬܣܓܘܕ ܘܠܗ ܒܠܚܘܕܘܗܝ ܬܦܠܘܚ
04:11	ܗܝܕܝܢ ܫܢܝ ܡܢ ܠܘܬܗ ܡܢܣܝܢܐ ܥܕ ܙܒܢܐ ܘܩܪܒܘ ܡܠܐܟܐ ܘܡܫܡܫ̈ܝܢ ܗܘܘ ܠܗ ܠܝܫܘܥ܀
04:12	ܘܟܕ ܫܡܥ ܕܝܢ ܕܝܘܚܢܢ ܐܬܬܚܕ ܫܢܝ ܠܗ ܠܓܠܝܠܐ
04:13	ܘܫܒܩܗ ܠܢܨܪܬ ܘܐܬܐ ܠܗ ܠܟܦܪܢܚܘܡ ܗܝ ܕܐܝܬܝܗ ܥܠ ܓܢܒ ܝܡܐ ܒܙܒܘܠܘܢ ܘܒܢܦܬܠܝ
04:14	ܕܬܬܡܠܐ ܡܠܬܐ ܕܐܡܝܪܐ ܒܐܫܥܝܐ ܢܒܝܐ ܕܐܡܪ
04:15	ܐܪܥܐ ܕܙܒܠܘܢ ܘܐܪܥܐ ܕܢܦܬܠܝ ܐܘܪܚܐ ܕܝܡܐ ܘܥܒܪܘܗܝ ܕܝܘܪܕܢܢ ܢܗܪܐ ܓܠܝܠܐ ܕܥܡܡܐ
04:16	ܥܡܐ ܕܝܬܒ ܒܚܫܘܟܐ ܢܘܗܪܐ ܚܙܐ ܘܕܝܬܒܝܢ ܒܐܘܢܬܐ ܘܒܛܠܠܝ ܡܘܬܐ ܢܘܗܪܐ ܕܢܚ ܥܠܝܗܘܢ
04:17	ܡܢ ܗܝܕܝܢ ܫܪܝ ܗܘܐ ܝܫܘܥ ܠܡܟܪܙܘ ܘܐܡܪ ܕܩܪܒܬ ܠܗ ܡܠܟܘܬܐ ܕܫܡܝܐ
04:18	ܘܐܝܟ ܕܥܒܪ ܗܘܐ ܥܠ ܓܢܒ ܣܦܬܗ ܕܝܡܐ ܚܙܐ ܬܪ̈ܝܢ ܐܚܝܢ ܫܡܥܘܢ ܘܐܢܕܪܝܘܣ ܐܚܘܗܝ ܟܕ ܡܬܩܢܝܢ ܡܨܝܕܬܗܘܢ ܘܪܡܝܢ ܗܘܘ ܒܝܡܐ ܡܛܠ ܕܨܝܕܐ ܗܘܘ ܕܢܘ̈ܢܐ
04:19	ܐܡܪ ܠܗܘܢ ܬܘ ܒܬܪܝ ܘܐܥܒܕܟܘܢ ܨܝܕܐ ܕܒܢܝ ܐܢܫܐ
04:20	ܗܢܘܢ ܕܝܢ ܒܗ ܒܫܥܬܐ ܫܒܩܘ ܡܨܝܕܬܗܘܢ ܘܐܬܘ ܒܬܪܗ܂
04:21	ܘܩܪܒ ܬܘܒ ܘܚܙܐ ܬܪ̈ܝܢ ܐܚܝܢ ܐܚܪ̈ܢܝܢ ܠܝܥܩܘܒ ܘܠܝܘܚܢܢ ܟܕ ܝܬܒܝܢ ܒܣܦܝܢܬܐ܂ ܥܡ ܙܒܕܝ ܐܒܘܗܘܢ܂ ܘܡܬܩܢܝܢ ܡܨܝܕܬܗܘܢ܂ ܘܩܪܐ ܐܢܘܢ
04:22	ܗܢܘܢ ܕܝܢ ܫܒܩܘ ܠܐܒܘܗܘܢ ܒܣܦܝܢܬܐ ܘܐܙܠܘ ܒܬܪܗ
04:23	ܘܡܬܟܪܟ ܗܘܐ ܝܫܘܥ ܒܟܘܠܗ ܓܠܝܠܐ ܘܡܠܦ ܗܘܐ ܒܟܢܘܫ̈ܬܗܘܢ ܘܡܟܪܙ ܗܘܐ ܣܒܪܬܐ ܕܡܠܟܘܬܐ ܘܡܐܣܐ ܗܘܐ ܟܠ ܟܐܒܐ ܘܟܠ ܟܘܪܗܢ܂ ܕܒܥܡܐ
04:24	ܘܩܪܒܝܢ ܗܘܘ ܠܗ ܣܓܝܐܐ ܕܡܫܢܩܝܢ ܗܘܘ ܒܬܫܢܝܩܐ ܣܢ̈ܝܐ ܘܒܟܪ̈ܗܢܐ ܥܛܠܐ ܘܥܠ ܚܕ ܚܕ ܡܢܗܘܢ ܐܝܕܗ ܣܐܡ ܗܘܐ ܘܠܟܠܗܘܢ ܡܐܣܐ ܗܘܐ܀
04:25	ܘܟܕ ܗܘܐ ܟܢܫܐ ܣܓܝܐܐ܂ ܕܡܢ ܓܠܝܠܐ ܘܡܢ ܥܣܪܬ ܡܕܝܢܬܐ ܘܡܢ ܐܘܪܫܠܡ ܘܡܢ ܝܗܘܕܐ ܘܡܢ ܥܒܪܗ ܕܝܘܪܕܢܢ܂
05:01	ܟܕ ܚܙܐ ܠܟܢܫܐ ܣܓܝ̈ܐܐ ܣܠܩ ܠܗ ܠܛܘܪܐ ܘܟܕ ܝܬܒ ܩܪܒܘ ܠܘܬܗ ܬܠܡ̈ܝܕܘܗܝ
05:02	ܘܫܪܝ ܠܡܐܡܪ ܠܗܘܢ܀
05:03	ܛܘܒ̈ܝܗܘܢ ܠܡܣ̈ܟܢܐ ܒܪܘܚܗܘܢ ܕܕܝܠܗܘܢ ܗܝ ܡܠܟܘܬܐ ܕܫܡܝܐ܀
05:04	ܛܘܒ̈ܝܗܘܢ ܠܐܒ̈ܝܠܐ ܕܗܢܘܢ ܢܬܒܝܐܘܢ܀
05:05	ܛܘܒ̈ܝܗܘܢ ܠܡܟܝܟܐ ܕܗܢܘܢ ܢܐܪܬܘܢܗ ܐܪܥܐ܀
05:06	ܛܘܒ̈ܝܗܘܢ ܠܐܝܠܝܢ ܕܟܦܢܝܢ ܘܨܗܝܢ ܠܟܢܘܬܐ ܕܗܢܘܢ ܢܣܒܥܘܢ܀
05:07	ܛܘܒ̈ܝܗܘܢ ܠܡܪ̈ܚܡܢܐ ܕܥܠܝܗܘܢ ܢܗܘܘܢ ܪ̈ܚܡܐ܀
05:08	ܛܘܒܝ̈ܗܘܢ ܠܐܝܠܝܢ ܕܕܟܝܢ ܒܠܒܗܘܢ ܕܗܢܘܢ ܢܚܙܘܢܗ ܠܐܠܗܐ܀
05:09	ܛܘܒܝ̈ܗܘܢ ܠܥܒ̈ܕܝ ܫܠܡܐ ܕܗܢܘܢ ܒܢ̈ܘܗܝ ܕܐܠܗܐ ܢܬܩܪܘܢ܀
05:10	ܛܘܒ̈ܝܗܘܢ ܠܐܝܠܝܢ ܕܪ̈ܕܝܦܝܢ ܡܛܠ ܙܕܝܩܘܬܐ܂ ܕܕܝܠܗܘܢ ܗܝ ܡܠܟܘܬܐ ܕܫܡܝܐ܀
05:11	ܛܘܒ̈ܝܟܘܢ ܟܕ ܢܗܘܝܢ ܣܢܝܢ ܠܟܘܢ ܒܢܝ ܐܢܫܐ ܘܪܕܦܝܢ ܠܟܘܢ ܘܡܐ ܕܐܡܪܝܢ ܥܠܝܟܘܢ ܕܒܝܫ ܡܛܘܠ ܫܡܝ ܕܝܠܝ܂
05:12	ܐܢܬܘܢ ܕܝܢ ܚܕܘ ܘܪܘܙܘ ܒܗܘ ܝܘܡܐ ܕܐܓܪܟܘܢ ܣܓܝ ܗܘ ܒܫܡܝܐ ܗܟܢܐ ܓܝܪ ܪ̈ܕܦܝܢ ܗܘܘ ܐܒܗܝܗܘܢ ܠܢܒܝܐ܀
05:13	ܐܢܬܘܢ ܐܢܘܢ ܡܠܚܗ ܕܐܪܥܐ ܐܢ ܡܠܚܐ ܬܦܟܗ ܒܡܢܐ ܬܬܡܠܚ ܠܡܕܡ ܠܐ ܐܙܠܐ ܐܠܐ ܕܬܫܬܕܐ ܠܒܪ ܘܢܗܘܘܢ ܕܝܫܝܢ ܠܗ ܒ̈ܢܝ ܐܢܫܐ܂
05:14	ܐܢܬܘܢ ܐܢܘܢ ܢܘܗܪܗ ܕܥܠܡܐ܂ ܘܠܐ ܡܫܟܚܐ ܡܕܝܢܬܐ ܕܥܠ ܛܘܪܐ ܒܢܝܐ ܕܬܛܫܐ
05:15	ܘܠܐ ܐܢܫ ܡܢܗܪ ܫܪܓܐ ܘܣܐܡ ܠܗ ܬܚܝܬ ܣܐܬܐ ܐܠܐ ܣܐܡ ܠܗ ܠܥܠ ܡܢ ܡܢܪܬܐ ܘܠܟܠ ܕܐܝܬ ܒܒܝܬܐ ܡܢܗܪ܂
05:16	ܗܟܢܐ ܢܢܗܪ ܢܘܗܪܟܘܢ ܠܩܕܡ ܒ̈ܢܝ ܐܢܫܐ ܕܢܚܙܘܢ ܥܒܕ̈ܝܟܘܢ ܫܦܝܪ̈ܐ܂ ܘܢܫܒܚܘܢ ܠܐܒܘܟܘܢ ܕܒܫܡܝܐ܀
05:17	ܠܐ ܬܣܒܪܘܢ ܕܐܬܝܬ ܠܡܫܪܐ ܢܡܘܣܐ ܘܢܒ̈ܝܐ ܠܐ ܐܬܝܬ ܕܐܫܪܐ ܐܠܐ ܠܡܡܠܝܘ ܐܢܘܢ܂
05:18	ܐܡܝܢ ܓܝܪ ܐܡܪܢܐ ܠܟܘܢ ܥܕܡܐ ܕܢܥܒܪܘܢ ܫܡܝܐ ܘܐܪܥܐ܂ ܝܘܕ ܐܬܘܬܐ ܚܕܐ ܠܐ ܬܥܒܪ ܡܢ ܢܡܘܣܐ ܥܕܡܐ ܕܟܘܠ ܢܗܘܐ
05:19	ܘܡܢ ܕܢܫܪܐ ܚܕ ܡܢ ܦܘܩ̈ܕܢܐ ܗ̈ܠܝܢ ܙܥܘܪܐ ܘܢܠܦ ܗܟܢܐ ܠܒܢ̈ܝ ܐܢܫܐ ܒܨܝܪܐ ܢܬܩܪܐ ܒܡܠܟܘܬܐ ܕܫܡܝܐ ܟܘܠ ܕܢܥܒܕ ܕܝܢ ܘܢܠܦ ܗܟܢܐ ܗܢܐ ܪܒܐ ܢܬܩܪܐ ܒܡܠܟܘܬܐ ܕܫܡܝܐ
05:20	ܐܡܪܢܐ ܠܟܘܢ ܓܝܪ ܕܐܠܐ ܬܐܬܪ ܙܕܝܩܘܬܟܘܢ ܡܢ ܕܣܦܪ̈ܐ ܘܦܪ̈ܝܫܐ ܠܐ ܬܥܠܘܢ ܠܡܠܟܘܬܐ܀
05:21	ܫܡܥܬܘܢ ܕܐܬܐܡܪ ܠܩܕܡ̈ܝܐ ܠܐ ܬܩܛܘܠ ܘܟܘܠ ܡܢ ܕܢܩܛܘܠ ܢܬܚܝܒ ܒܕܝܢܐ܂
05:22	ܐܢܐ ܕܝܢ ܐܡܪܢܐ ܠܟܘܢ ܕܟܘܠ ܡܢ ܕܪܓܙ ܥܠ ܐܚܘܗܝ ܐܝܩܐ ܢܗܘܐ ܡܚܝܒ ܒܕܝܢܐ ܘܟܘܠ ܕܢܐܡܪ ܠܐܚܘܗܝ ܪܩܐ ܡܚܝܒ ܗܘ ܒܟܢܘܫܬܐ܂ ܘܡܢ ܕܢܐܡܪ ܠܐܚܘܗܝ ܫܛܝܐ ܡܚܝܒ ܗܘ ܠܓܗܢܐ ܕܢܘܪܐ܀
05:23	ܐܢ ܗܟܝܠ ܡܩܪܒ ܐܢܬ ܩܘܪܒܢܟ ܥܠ ܡܕܒܚܐ ܘܬܡܢ ܬܥܗܕ ܕܐܚܘܟ ܐܚܝܕ ܥܠܝܟ ܐܟܬܐ
05:24	ܫܒܘܩ ܩܘܪܒܢܟ ܬܡܢ ܥܠ ܡܕܒܚܐ ܘܙܠ ܠܘܩܕܡ ܐܬܪܥܐ ܥܡ ܐܚܘܟ ܘܗܝܕܝܢ ܬܐ ܩܪܒ ܩܘܪܒܢܟ
05:25	ܗܘܝܬ ܡܬܐܘܐ ܥܡ ܒܥܠܕܝܢܟ ܒܥܓܠ ܥܕ ܥܡܗ ܐܢܬ ܒܐܘܪܚܐ ܕܠܡܐ ܒܥܠܕܝܢܟ ܢܫܠܡܟ ܠܕܝܢܐ ܘܬܦܠ ܒܝܬ ܐܣܝܪܐ
05:26	ܘܐܡܝܢ ܐܡܪ ܐܢܐ ܠܟ ܕܠܐ ܬܦܘܩ ܡܢ ܬܡܢ ܥܕܡܐ ܕܬܬܠ ܫܡܘܢܐ ܐܚܪܝܐ
05:27	ܫܡܥܬܘܢ ܕܐܬܐܡܪ ܠܐ ܬܓܘܪ
05:28	ܐܢܐ ܕܝܢ ܐܡܪܢܐ ܠܟܘܢ ܕܟܠ ܡܢ ܕܚܙܐ ܐܢܬܬܐ ܘܪܐܓ ܠܗ܂ ܓܪܗ ܒܠܒܗ
05:29	ܐܢ ܕܝܢ ܥܝܢܟ ܕܝܡܝܢܐ ܡܟܫܠܐ ܠܟ ܚܨܝܗ ܫܕܝܗ ܡܢܟ܂ ܦܩܚ ܠܟ ܓܝܪ ܕܚܕ ܗܕܡܟ ܢܐܒܕ ܘܠܐ ܟܘܠܗ ܦܓܪܟ ܢܐܙܠ ܠܓܗܢܐ
05:31	ܐܬܐܡܪ ܕܡܢ ܕܫܒܩ ܐܢܬܬܗ ܢܬܠ ܠܗ ܐܓܪܬܐ ܕܕܘܠܐ
05:32	ܐܢܐ ܕܝܢ ܐܡܪܢܐ ܠܟܘܢ ܕܡܢ ܕܫܪܐ ܐܢܬܬܗ ܕܠܐ ܐܬܐܡܪ ܥܠܝܗ ܓܘܪܐ ܗܘܝܘ ܡܓܝܪ ܠܗ܂ ܘܡܢ ܕܢܣܒ ܫܒܝܩܬܐ ܡܓܪ ܓܐܪ
05:33	ܫܡܥܬܘܢ ܕܐܬܐܡܪ ܕܠܐ ܬܐܡܐ ܡܘܡܬ ܫܘܩܪܐ ܐܠܐ ܬܬܠ ܠܡܪܝܐ ܡܘܡܬܐ
05:34	ܐܢܐ ܕܝܢ ܐܡܪܢܐ ܠܟܘܢ ܕܩܢܘܡܟܘܢ ܠܐ ܬܐܡܘܢ܂ ܠܐ ܒܫܡܝܐ ܕܟܘܪܣܝܗ ܐܢܘܢ ܕܐܠܗܐ
05:35	ܘܠܐ ܒܐܪܥܐ ܕܟܘܒܫܐ ܗܝ ܬܚܝܬ ܪ̈ܓܠܘܗܝ܂ ܘܠܐ ܒܐܘܪܫܠܡ ܡܛܠ ܕܡܕܝܢܬܗ ܗܝ ܕܡܠܟܐ ܪܒܐ܂
05:36	ܘܠܐ ܒܪܝܫܟ ܬܐܡܐ܂ ܡܛܠ ܕܠܐ ܡܫܟܚ ܐܢܬ ܠܡܥܒܕ ܒܗ ܡܢܬܐ ܚܕܐ ܕܣܥܪܐ ܐܘܟܡܬܐ ܐܘ ܚܘܪܬܐ܂
05:37	ܐܠܐ ܬܗܘܐ ܡܠܬܟܘܢ ܐܝܢ ܐܝܢ ܘܠܐ ܠܐ܂ ܡܕܡ ܕܡܢ ܗܠܝܢ ܝܬܝܪ ܡܢ ܒܝܫܐ ܗܘ܀
05:38	ܫܡܥܬܘܢ ܕܐܬܐܡܪ ܕܥܝܢܐ ܚܠܦ ܥܝܢܐ܂ ܘܫܢܐ ܚܠܦ ܫܢܐ܂
05:39	ܐܢܐ ܕܝܢ ܐܡܪܢܐ ܠܟܘܢ ܕܠܐ ܬܩܘܡܘܢ ܠܩܒܠ ܒܝܫܐ܂ ܐܠܐ ܡܢ ܕܡܚܐ ܠܟ ܥܠ ܦܟܟ ܩܪܒ ܠܗ ܐܚܪܢܐ܂
05:40	ܘܡܢ ܕܨܒܐ ܕܢܕܘܢ ܥܡܟ ܘܢܣܒ ܟܘܬܝܢܟ ܫܒܘܩ ܠܗ ܐܦ ܡܪܛܘܛܟ܂
05:41	ܡܢ ܕܡܫܚܪ ܠܟ ܕܬܐܙܠ ܥܡܗ ܡܝܠ ܐܙܠ ܥܡܗ ܬܘܒ ܬܪ̈ܝܢ ܐܚܪܢܝܢ܂
05:42	ܘܡܢ ܕܫܐܠ ܠܟ ܗܒ ܠܗ܂ ܘܡܢ ܕܨܒܐ ܠܡܐܙܦ ܡܢܟ ܠܐ ܬܟܠܝܗܝ܀
05:43	ܫܡܥܬܘܢ ܕܐܬܐܡܪ ܕܬܪܚܡ ܠܩܪܝܒܟ ܘܬܣܢܐ ܠܒܥܠܕܒܒܟ܂
05:44	ܐܢܐ ܕܝܢ ܐܡܪ ܐܢܐ ܠܟܘܢ ܕܪ̈ܚܡܘ ܠܒܥܠܕܒܒܝܟܘܢ܂ ܘܨܠܘ ܥܠ ܐܝܠܝܢ ܕܪ̈ܕܦܝܢ ܠܟܘܢ܂
05:45	ܐܝܟܢܐ ܕܬܗܘܘܢ ܒܢܘ̈ܗܝ ܕܐܒܘܟܘܢ ܕܒܫܡܝܐ ܗܘ ܕܡܕܢܚ ܫܡܫܗ ܥܠ ܛܒ̈ܐ ܘܥܠ ܒܝܫ̈ܐ܂ ܘܡܚܬ ܡܛܪܗ ܥܠ ܟܐ̈ܢܐ ܘܥܠ ܥ̈ܘܠܐ܂
05:46	ܐܢ ܓܝܪ ܬܚܒܘܢ ܐܝܠܝܢ ܕܡܚܒܝܢ ܠܟܘܢ ܡܢܘ ܐܓܪܟܘܢ ܐܦ ܡܟܣ̈ܐ ܗܟܢܐ ܥܒܕܝܢ܂
05:48	ܗܘܘ ܗܟܝܠ ܐܢܬܘܢ ܓܡܝܪ̈ܐ ܐܝܟܢܐ ܕܐܒܘܟܘܢ ܕܒܫܡܝܐ ܓܡܝܪ ܗܘ܂
06:01	ܘܠܐ ܬܥܒܕܘܢ ܙܕܝܩܘܬܟܘܢ ܠܥܝܢ ܒ̈ܢܝ ܐܢܫܐ ܐܝܟ ܕܬܬܚܙܘܢ ܠܗܘܢ ܕܠܐ ܐܓܪܐ ܠܝܬ ܠܟܘܢ ܠܘܬ ܐܒܘܟܘܢ ܕܒܫܡܝܐ
06:02	ܡܐ ܕܥܒܕ ܐܢܬ ܙܕܩܬܐ ܠܐ ܬܩܪܐ ܩܪܢܐ ܩܕܡܝܟ ܐܝܟ ܕܥܒܕܝܢ ܢܣܒܝܢ ܒܐ̈ܦܐ ܒܟܢܘܫ̈ܬܐ܂ ܘܒܫܩܩܐ܂ ܕܢܫܬܒܚܘܢ ܡܢ ܒ̈ܢܝ ܐܢܫܐ ܐܡܝܢ ܐܡܪܢܐ ܠܟܘܢ ܕܩܒܠܘ ܐܓܪܗܘܢ܂
06:03	ܐܢܬ ܕܝܢ ܡܐ ܕܥܒܕ ܐܢܬ ܙܕܩܬܐ܂ ܣܡܠܟ ܠܐ ܬܕܥ ܡܢܐ ܥܒܕܐ ܝܡܝܢܟ
06:04	ܕܬܗܘܐ ܙܕܩܬܟ ܒܟܣܝܐ܂ ܘܐܒܐ ܕܚܙܐ ܒܟܣܝܐ ܢܦܪܥܟ ܒܓܠܝܐ܂
06:06	ܐܢܬ ܕܝܢ ܡܐ ܕܡܨܠܐ ܐܢܬ ܥܘܠ ܠܟ ܠܬܘܢܐ ܘܐܚܘܕ ܬܪܥܐ ܘܨܠܐ ܠܐܒܘܟ ܒܟܣܝܐ ܘܐܒܘܟ ܕܚܙܐ ܒܟܣܝܐ ܗܘ ܢܦܪܥܟ
06:07	ܘܡܐ ܕܡܨܠܝܢ ܐܢܬܘܢ ܠܐ ܬܗܘܘܢ ܐܡܪ̈ܝܢ ܒܛܠܬܐ܂ ܐܟܙܢܐ ܕܚ̈ܢܦܐ ܕܣܒܪܝܢ ܕܒܡܡܠܠܐ ܗܘ ܣܓܝܐܐ܂ ܡܫܬܡܥܝܢ
06:08	ܠܐ ܗܟܝܠ ܬܬܕܡܘܢ ܠܗܘܢ܂ ܝܕܥ ܗܘ ܓܝܪ ܐܒܘܟܘܢ ܥܕ ܐܢܬܘܢ ܠܐ ܬܫܐܠܘܢܗ ܡܢܐ ܡܬܒܥܐ ܠܟܘܢ
06:09	ܐܢܬܘܢ ܗܟܝܠ ܗܟܢܐ ܗܘܝܬܘܢ ܡܨܠܝܢ܀ ܐܒܘܢ ܕܒܫܡܝܐ ܢܬܩܕܫ ܫܡܟ܂
06:10	ܘܬܐܬܐ
08:03	ܐܝܕܗ ܡܪܢ ܘܩܪܒ ܠܗ ܘܐܡܪ ܠܗ ܨܒܐ ܐܢܐ ܐܬܕܟܐ ܘܒܗ ܒܫܥܬܐ ܐܬܕܟܝ ܡܢܗ ܓܪܒܐ
08:04	ܐܡܪ ܠܗ ܡܪܢ ܕܠܡܐ ܠܐܢܫ ܐܡܪ ܐܢܬ ܐܠܐ ܐܙܠ ܚܘܐ ܢܦܫܟ ܠܟܗܢܐ ܘܩܪܒ ܩܘܪܒܢܐ ܐܝܟ ܕܦܩܕ ܡܘܫܐ ܕܬܗܘܐ ܠܗܘܢ ܣܗܕܘܬܐ܀
08:05	ܒܬܪ ܗܠܝܢ ܩܪܒ ܠܗ ܟܝܠܪܟܐ ܘܒܥܐ ܗܘܐ ܡܢܗ
08:06	ܘܐܡܪ ܥܒܕܝ ܡܫܪܝ ܘܪܡܐ ܒܒܝܬܐ ܒܬܫܢܝܩܐ ܪܒܐ
08:07	ܐܡܪ ܠܗ ܐܢܐ ܐܬܐ ܘܐܣܝܘܗܝ
08:08	ܥܢܐ ܗܘ ܟܠܝܐܪܟܐ ܘܐܡܪ ܠܗ ܡܪܝ ܠܐ ܫܘܢܐ ܕܬܥܘܠ ܬܚܝܬ ܡܛܠܠܝ ܐܠܐ ܐܡܪ ܒܡܠܬܐ ܘܢܬܐܣܐ ܛܠܝܝ
08:09	ܐܦ ܐܢܐ ܓܝܪ ܓܒܪܐ ܐܢܐ ܕܐܝܬ ܠܝ ܫܘܠܛܢܐ ܘܣܛܪܛܝܘܛܐ ܐܝܬ ܬܚܝܬ ܐܝܕܝ܂ ܘܐܡܪ ܐܢܐ ܠܗܢܐ ܕܐܙܠ ܘܐܙܠ ܘܠܐܚܪܢܐ ܐܡܪܢܐ ܕܬܐ ܘܐܬܐ ܘܠܥܒܕܝ ܐܡܪ ܐܢܐ ܕܥܒܕ ܙܦܠܢ ܘܥܒܕ
08:10	ܟܕ ܫܡܥ ܕܝܢ ܡܪܢ ܐܬܕܡܪ ܘܐܡܪ ܠܐܝܠܝܢ ܕܐܬܝܢ ܒܬܪܗ ܐܡܝܢ ܐܡܪܢܐ ܠܟܘܢ ܕܐܦܠܐ ܐܝܟ ܗܕܐ ܗܝܡܢܘܬܐ ܐܫܟܚܬ ܒܝܬ ܐܝܣܪܝܠ
08:11	ܐܡܪܢܐ ܠܟܘܢ ܕܣܓ̈ܝܐܐ ܢܐܬܘܢ ܡܢ ܡܕܢܚܐ ܘܡܢ ܡܥܪܒܐ ܘܢܣܬܡܟܘܢ ܥܡ ܐܒܪܗܡ ܘܐܝܣܚܩ ܘܝܥܩܘܒ ܒܡܠܟܘܬܐ ܕܫܡܝܐ
08:12	ܘܒܢܝܗ ܕܡܠܟܘܬܐ ܢܦܩܘܢ ܠܚܫܘܟܐ ܒܪܝܐ ܬܡܢ ܢܗܘܐ ܒܟܝܐ ܘܚܪܘܩ ܫܢܐ
08:13	ܗܝܕܝܢ ܐܡܪ ܡܪܢ ܠܟܠܝܪܟܐ ܗܘ ܙܠ ܐܝܟܢܐ ܕܗܝܡܢܬ ܢܗܘܐ ܠܟ ܘܒܗ ܒܫܥܬܐ ܐܬܚܠܡ ܛܠܝܗ܀
08:14	ܘܐܬܐ ܡܪܢ ܠܒܝܬܗ ܕܫܡܥܘܢ ܟܐܦܐ ܘܚܙܐ ܠܚܡܬܗ ܕܪܡܝܐ ܘܐܚܝܕܐ ܠܗ ܐܫܬܐ܂
08:15	ܘܩܪܒ ܠܐܝܕܗ ܘܒܗ ܒܫܥܬܐ ܫܒܩܬܗ ܐܫܬܐ ܘܩܡܬ ܘܡܫܡܫܐ ܗܘܬ ܠܗܘܢ܂
08:16	ܡܥܪ̈ܒܝ ܫܡܫܐ ܕܝܢ ܩܪܒܘ ܠܗ ܟܠܗܘܢ ܐܝܠܝܢ ܕܐܝܬ ܗܘܐ ܠܗܘܢ ܫܐܕܐ ܘܐܦܩ ܐܢܘܢ ܒܡܠܬܗ ܘܐܝܠܝܢ ܕܒܝܫ ܒܝܫ ܥܒܝܕܝܢ ܐܣܝ ܐܢܘܢ
08:17	ܕܢܬܡܠܐ ܡܕܡ ܕܐܬܐܡܪ ܒܐܫܥܝܐ ܕܐܡܪ ܗܘܐ ܕܗܘ ܢܣܒ ܡܪ̈ܥܝܢ ܘܢܫܩܘܠ ܟܘܪ̈ܗܢܝܢ
08:18	ܟܕ ܚܙܐ ܕܝܢ ܡܪܢ ܟܢܫܐ ܣܓܝܐܐ ܕܚܕܝܪ ܠܗ ܦܩܕ ܕܢܐܙܠܘܢ ܠܗܘܢ ܠܥܒܪܐ ܕܠܗܠ
08:19	ܘܩܪܒ ܣܦܪܐ ܚܕ ܘܐܡܪ ܠܗ ܪܒܝ ܐܬܐ ܒܬܪܟ ܠܐܬܪ ܕܐܙܠ ܐܢܬ܂
08:20	ܐܡܪ ܡܪܢ ܠܬܥܠܐ ܢܩ̈ܥܐ ܐܝܬ ܠܗܘܢ ܘܠܦܪܚܬܐ ܕܫܡܝܐ ܡܛܠܠܐ܂ ܘܠܒܪܗ ܕܐܢܫܐ ܠܝܬ ܠܗ ܐܬܪ ܕܢܣܡܘܟ ܪܝܫܗ
08:21	ܐܚܪܢܐ ܕܝܢ ܡܢ ܬܠܡܝܕܘܗܝ ܐܡܪ ܠܗ ܡܪܝ ܐܦܣ ܠܝ ܠܘܩܕܡ ܐܙܠ ܐܩܒܘܪ ܠܐܒܝ ܘܐܬܐ
08:22	ܐܡܪ ܠܗ ܫܒܘܩ ܡܝ̈ܬܐ ܩܒܪ̈ܝܢ ܡܝܬܝܗܘܢ ܘܐܢܬ ܬܐ ܒܬܪܝ܀
08:23	ܘܣܠܩ ܡܪܢ ܠܣܦܝܢܬܐ ܘܬܠܡܝܕܘܗܝ ܐܬܝܢ ܗܘܘ ܒܬܪܗ
08:24	ܘܗܘܐ ܡܚܫܘܠܐ ܪܒܐ ܒܝܡܬܐ ܘܩܪܝܒܐ ܗܘܬ ܠܡܬܟܣܝܘ ܒܓ̈ܠܠܐ܂ ܗܘ ܕܝܢ ܕܡܝܟ ܗܘܐ
08:25	ܘܩܪܒܘ ܬ̈ܠܡܝܕܘܗܝ ܘܐܥܝܪܘܗܝ ܘܐܡܪܝܢ ܠܗ ܡܪܢ ܐܚܢ ܡܛܠ ܕܗܐ ܐܒܕܝܢ ܐܢܚܢܢ
08:26	ܐܡܪ ܕܝܢ ܠܗܘܢ ܝܫܘܥ ܠܡܢܐ ܕܚܘܠܬܢܝܢ ܐܢܬܘܢ ܗܝܕܝܢ ܩܡ ܘܟܐܐ ܒܪܘܚܐ ܘܒܝܡܐ ܘܗܘܐ ܫܠܝܐ ܪܒܐ
08:27	ܗܢܘܢ ܕܝܢ ܐܢܫܐ ܬܡܝܗܝܢ ܗܘܘ ܘܐܡܪܝܢ ܡܢܘ ܗܢܐ ܕܝܡܐ ܘܪܘܚܐ ܡܫܬܡܥܝܢ ܠܗ܀
08:28	ܘܟܕ ܐܬܐ ܠܐܬܪܐ ܕܓܕܪ̈ܝܐ ܦܓܥܘ ܒܗ ܬܪܝܢ ܓܒܪܝܢ ܕܐܝܬܝܗܘܢ ܥܠܝܗܘܢ ܫܐܕܐ ܘܒܝܫܐ ܗܘܘ ܛܒ ܘܢܦܩܝܢ ܗܘܘ ܡܢ ܩܒܪܐ ܕܠܐ ܐܢܫ ܡܫܟܚ ܗܘܐ܂ ܠܡܥܒܪ ܒܗܝ ܐܘܪܚܐ
08:29	ܘܩܥܘ ܒܩܠܐ ܪܡܐ ܘܐܡܪܝܢ ܡܐ ܠܢ ܘܠܟ ܒܪܗ ܕܐܠܗܐ܂ ܐܬܝܬ ܠܗܪܟܐ ܠܡܬܒܗܬܢ
08:30	ܘܪܥܝܬܐ ܐܝܟ ܚܕܐ ܪܥܝܐ ܗܘܬ ܠܗܠ ܡܢܗܘܢ
08:31	ܘܒܥܝܢ ܗܘܘ ܡܢܗ ܗܢܘܢ ܫܐ̈ܕܐ ܘܐܡܪܝܢ ܕܐܢ ܡܦܩ ܐܢܬ ܠܢ ܫܕܪܝܢ ܠܡܪܥܝܬܐ ܗܝ ܕܚܙܝܪܐ
08:32	ܐܡܪ ܠܗܘܢ ܙܠܘ܂ ܗܢܘܢ ܕܝܢ ܢܦܩܘ ܘܥܠܘ ܒܚܙܝܪ̈ܐ ܘܪܗܛܬ ܗܝ ܟܘܠܗ ܡܪܥܝܬܐ ܠܫܩܝܦܐ ܘܢܦܠܘ ܠܓܘ ܝܡܐ
08:33	ܘܥܪܩܘ ܪܥܘܬܐ ܘܥܠܘ ܠܡܕܝܢܬܐ ܘܐܫܬܥܝܘ ܟܠ ܡܕܡ ܕܥܒܕ ܘܗܠܝܢ ܕܫܐ̈ܕܐ
08:34	ܘܢܦܩܬ ܟܠܗ ܡܕܝܢܬܐ ܠܐܘܪܥ ܕܡܪܢ ܘܟܕ ܚܙܐܘܗܝ ܒܥܘ ܡܢܗ ܕܢܫܢܐ ܡܢ ܠܘܬܗܘܢ
09:01	ܘܥܠ ܠܣܦܝܢܬܐ ܘܥܒܪ ܐܬܐ ܠܡܕܝܢܬܗ
09:02	ܘܐܙܠܘ ܠܗܘܢ ܘܩܪܒܘ ܡܫܪܝܐ ܟܕ ܪܡܐ ܒܥܪܣܐ ܘܟܕ ܚܙܐ ܡܪܢ ܗܝܡܢܘܬܗܘܢ ܐܡܪ ܠܗܘ ܡܫܪܝܐ ܠܐ ܬܕܚܠ ܒܪܝ ܫܒܝܩܝܢ ܠܟ ܚܛܗܝܟ
09:03	ܐܢܫܐ ܕܝܢ ܡܢ ܣܦܪܐ ܐܡܪܘ ܗܢܐ ܡܓܕܦ
09:04	ܡܪܢ ܟܕ ܚܙܐ ܡܚܫܒܬܗܘܢ ܐܡܪ ܠܗܘܢ ܡܢܐ ܡܬܚܫܒܝܢ ܐܢܬܘܢ ܒܝܫܐ ܒܠܒܟܘܢ
09:05	ܐܝܢܐ ܦܫܝܩܐ ܠܡܐܡܪ ܕܫܒܝܩܝܢ ܠܟ ܚܛܗ̈ܝܟ܂ ܐܘ ܠܡܐܡܪ ܕܩܘܡ ܗܠܟ
09:06	ܕܬܕܥܘܢ ܕܝܢ ܕܫܠܝܛ ܗܘ ܒܪܗ ܕܐܢܫܐ ܥܠ ܐܪܥܐ ܠܡܫܒܩ ܚܛܗ̈ܐ ܗܝܕܝܢ ܐܡܪ ܠܗܘ ܡܫܪܝܐ ܩܘܡ ܫܩܘܠ ܥܪܣܟ ܘܐܙܠ ܠܒܝܬܟ
09:07	ܘܩܡ ܫܩܠ ܥܪܣܗ ܘܐܙܠ ܠܒܝܬܗ
09:08	ܘܟܕ ܚܙܘ ܟܢܫܐ ܕܚܠܘ ܘܡܫܒܚܝܢ ܗܘܘ ܠܐܠܗܐ ܕܝܗܒ ܗܢܐ ܫܘܠܛܢܐ ܠܒ̈ܢܝ ܐܢܫܐ܀
09:09	ܘܫܢܝ ܡܢ ܬܡܢ ܘܟܕ ܥܒܪ ܡܪܢ ܚܙܐ ܓܒܪܐ ܚܕ ܕܝܬܒ ܒܝܬ ܡܟܣܐ ܕܫܡܗ ܡܬܝ ܘܐܡܪ ܠܗ ܬܐ ܒܬܪܝ ܘܩܡ ܐܙܠ ܒܬܪܗ
09:10	ܘܟܕ ܣܡܝܟܝܢ ܒܒܝܬܐ ܐܬܘ ܚܛܝܐ ܘܡܟܣܐ ܣܓܝܐܐ ܘܟܕ ܐܟܠܘ ܐܣܬܡܟܘ ܠܘܬ ܡܪܢ ܘܠܘܬ ܬܠܡܝܕܘܗܝ
09:11	ܗܝܕܝܢ ܟܕ ܚܙܝܢ ܦܪܝܫܐ ܐܡܪܝܢ ܠܬܠܡܝܕܘܗܝ ܠܡܢܐ ܥܡ ܡܟܣܐ ܘܚܛܝܐ ܐܟܠܝܢ ܐܢܬܘܢ ܘܫܬܝܢ
09:12	ܗܘ ܕܝܢ ܟܕ ܫܡܥ ܐܡܪ ܠܐ ܣܢܝܩܝܢ ܚܠܝܡܐ ܥܠ ܐܣܝܐ܂ ܐܠܐ ܐܝܠܝܢ ܕܒܝܫ ܒܝܫ ܥܒܝܕܝܢ
09:13	ܐܙܠܘ ܕܝܢ ܝܠܦܘ ܡܢܘ ܚܢܢܐ ܒܥܢܐ ܘܠܐ ܕܒܚܬܐ ܠܐ ܓܝܪ ܐܬܝܬ ܕܐܩܪܐ ܠܙܕܝܩܐ ܐܠܐ ܠܚܛܝܐ ܠܬܝܒܘܬܐ
09:14	ܗܝܕܝܢ ܐܬܘ ܬܠܡ̈ܝܕܘܗܝ ܕܝܘܚܢܢ ܘܐܡܪܝܢ ܡܢܘ ܕܐܢܚܢܢ ܘܦܪ̈ܝܫܐ ܨܝܡܝܢ ܐܢܚܢܢ ܚܦܝܛܝܐܝܬ܂ ܘܬܠܡ̈ܝܕܝܟ ܠܐ ܨܝܡܝܢ
09:15	ܐܡܪ ܠܗܘܢ ܡܪܢ ܠܐ ܡܫܟܚܝܢ ܒ̈ܢܘܗܝ ܕܓܢܘܢܐ ܠܡܛܪ ܐܒܠܐ ܟܡܐ ܕܚܬܢܐ ܥܡܗܘܢ ܢܐܬܘܢ ܕܝܢ ܝܘܡ̈ܬܐ ܕܢܬܥܠܐ ܡܢܗܘܢ ܚܬܢܐ ܘܗܝܕܝܢ ܢܨܘܡܘܢ܀
09:16	ܠܐ ܐܢܫ ܪܡܐ ܐܪܩܘܥܬܐ ܚܕܬܐ ܥܠ ܢܚܬܐ ܒܠܝܐ ܕܠܐ ܡܠܝܘܬܗ ܕܚܕܬܐ ܡܢܬܦܐ ܡܚܝܠܘܬܗ ܕܒܠܝܐ ܘܗܘܐ ܣܕܩܐ ܒܝܫ ܡܢ ܩܕܡܝܐ
09:17	ܘܐܦ ܠܐ ܪܡܝܢ ܚܡܪܐ ܚܕܬܐ܂ ܒܙܩ̈ܐ ܒܠܝ̈ܬܐ ܕܠܐ ܚܡܪܐ ܡܨܪܐ ܠܗܝܢ ܠܙܩ̈ܐ ܘܗܘ ܚܡܪܐ ܡܬܐܫܕ ܘܙܩ̈ܐ ܐܒܕܢ܂ ܐܠܐ ܪܡܝܢ ܚܡܪܐ ܚܕܬܐ ܒܙܩܐ ܚܕܬ̈ܬܐ ܘܬܪ̈ܝܗܘܢ ܡܬܢܛܪ̈ܝܢ܂
09:18	ܟܕ ܗܘ ܕܝܢ ܡܡܠܠ ܗܘܐ ܥܡܗܘܢ܂ ܘܗܐ ܪܒ ܟܢܘܫܬܗܘܢ ܚܕ ܐܬܐ ܢܦܠ ܗܘܐ ܣܓܕ ܠܗ ܘܐܡܪ ܒܪܬܝ ܗܫܐ ܡܝܬܬ ܐܠܐ ܣܝܡ ܐܝܕܟ ܘܬܚܐ܂
09:19	ܘܩܡ ܡܪܢ ܐܙܠ ܥܡܗ ܗܘ ܘܬܠܡ̈ܝܕܘܗܝ܂
09:20	ܘܗܐ ܐܢܬܬܐ ܕܪܕܐ ܗܘܐ ܕܡܗ ܫܢ̈ܝܢ ܬܪܬܥܣܪ̈ܐ ܘܐܬܬ ܘܩܪܒܬ ܠܟܢܦܐ ܕܡܪܛܘ̈ܛܐܗ
09:21	ܐܡܪܐ ܗܘܬ ܓܝܪ ܒܝܢܝܗܿ ܘܠܢܦܫܗܿ܂ ܕܐܦܢ ܠܢܚ̈ܬܘܗܝ ܩܪܒܐ ܐܢܐ ܡܬܐܣܝܐ ܐܢܐ
09:22	ܗܘ ܕܝܢ ܐܬܦܢܝ ܠܗ ܘܐܡܪ ܠܗ ܠܐ ܬܕܚܠܝܢ ܒܪܬܝ ܗܝܡܢܘܬܟܝ ܐܚܝܬܟܝ ܘܡܢ ܗܝ ܫܥܬܐ ܐܬܚܠܡܬ ܐܢܬܬܐ ܗܝ܂
09:23	ܘܟܕ ܐܬܐ ܡܪܢ ܠܒܝܬܗ ܕܗܘ ܪܒ ܟܢܘܫܬܐ ܘܚܙܐ ܠܙܡܪܐ ܘܠܟܢܫܐ ܗܘ ܕܡܫܬܓܫܝܢ ܗܘܘ
09:24	ܐܡܪ ܠܗܘܢ ܫܢܘ ܠܗܠ ܛܠܝܬܐ ܓܝܪ ܠܐ ܡܝܬܬ ܐܠܐ ܡܕܡܟ ܗܘ ܕܡܟܐ ܗܢܘܢ ܕܝܢ ܓܚܟܝܢ ܗܘܘ ܥܠܘܗܝ܂
09:25	ܟܕ ܕܝܢ ܐܦܩܘܗܝ ܠܟܢܫܐ ܗܘ ܠܒܪ ܐܬܐ ܩܪܒ ܠܐܝܕܗ ܘܒܪ ܫܥܬܗ ܩܡܬ
09:26	ܘܢܦܩ ܛܒܐ ܗܢܐ ܒܟܠܗ ܐܪܥܗ ܗܝ
09:27	ܘܟܕ ܥܒܪ ܡܪܢ ܕܒܩܘܗܝ ܬܪܝܢ ܣܡܝܐ ܘܩܥܝܢ ܒܩܠܐ ܪܡܐ ܐܬܪܚܡ ܥܠܝܢ ܒܪܗ ܕܕܘܝܕ
09:28	ܘܟܕ ܐܬܐ ܠܒܝܬܐ ܩܪܒܘ ܠܗ ܗܢܘܢ ܣܡܝܐ ܐܡܪ ܠܗܘܢ ܡܗܝܡܢܝܢ ܐܢܬܘܢ ܕܡܫܟܚ ܐܢܐ ܕܐܥܒܕ ܗܕܐ܂ ܐܡܪ̈ܝܢ ܠܗ ܐܝܢ ܡܪܢ ܡܗܝܡܢܝܢ ܐܢܚܢܢ
09:29	ܗܝܕܝܢ ܩܪܒ ܠܥܝܢܝܗܘܢ ܘܐܡܪ ܐܝܟܢܐ ܕܗܝܡܢܬܘܢ ܢܗܘܐ ܠܟܘܢ
09:30	ܘܒܗ ܒܫܥܬܐ ܐܬܦܬܚ ܥܝܢܝܗܘܢ܂ ܘܟܐܐ ܒܗܘܢ ܡܪܢ ܘܐܡܪ ܠܗܘܢ ܗܐ ܚܙܘ ܕܠܡܐ ܠܐܢܫ ܐܡܪܝܢ ܐܢܬܘܢ
09:31	ܗܢܘܢ ܕܝܢ ܟܕ ܢܦܩܘ ܠܟܠ ܐܢܫ ܐܛܒܘ ܒܗ ܒܐܪܥܐ ܗܝ
09:32	ܘܡܢ ܒܬܪ ܕܢܦܩܘ ܩܪܒܘ ܠܗ ܚܪܫܐ ܚܕ ܕܪܟܝܒ ܠܗ ܫܐܕܐ
09:33	ܘܟܕ ܢܦܩ ܡܢܗ ܫܐܕܐ ܡܠܠ ܚܪܫܐ ܗܘ܂ ܘܡܬܕܡܪܝܢ ܗܘܘ ܟܢܫ̈ܐ ܘܐܡܪ̈ܝܢ ܕܠܐ ܡܡܬܘܡ ܐܬܚܙܝ ܗܟܢܐ ܒܝܬ ܐܝܣܪܐܝܠ܀
09:35	ܘܡܗܠܟ ܗܘܐ ܡܪܢ ܒܡܕܝܢ̈ܬܐ ܘܒܩܘܪܝܐ ܘܡܠܦ ܗܘܐ ܒܟܢܘܫܬܗܘܢ܂ ܘܡܟܪܙ ܗܘܐ ܣܒܪܬܐ ܕܡܠܟܘܬܐ܂ ܘܡܐܣܐ ܗܘܐ ܟܘܠ ܟܐܒ ܘܟܠ ܟܘܪܗܢ
09:36	ܟܕ ܚܙܐ ܕܝܢ ܟܢܫ̈ܐ ܐܬܪܚܡ ܥܠܝܗܘܢ ܕܠܐܝܢ ܗܘܘ ܫܪܝܢ ܐܝܟ ܥܢܐ ܕܠܝܬ ܠܗܘܢ ܪܥܝܐ
09:37	ܗܝܕܝܢ ܐܡܪ ܠܬ̈ܠܡܝܕܘܗܝ ܚܨܕܐ ܣܓܝ ܘܦܥܠܐ ܙܥܘܪܝܢ
09:38	ܒܥܘ ܗܟܝܠ ܡܢ ܡܪܗ ܕܚܨܕܐ ܕܢܦܩ ܦܥ̈ܠܐ ܠܚܨܕܗ
10:01	ܘܩܪܐ ܠܬܪܥܣܪܬܗ ܘܝܗܒ ܠܗܘܢ ܫܘܠܛܢܐ ܠܡܦܩܘ ܪ̈ܘܚܐ ܛܢܦ̈ܬܐ ܘܠܡܐܣܝܘ ܟܘܠ ܟܐܒ ܘܟܪܗܢ܂
10:02	ܘܗ̈ܠܝܢ ܫܡܗܐ ܕܬܠܡ̈ܝܕܘܗܝ ܬܪ̈ܥܣܪ܂ ܩܕܡܝܐ ܫܡܥܘܢ ܟܐܦܐ ܘܐܢܕܪܝܘܣ ܐܚܘܗܝ ܘܝܥܩܘܒ ܘܝܘܚܢܢ ܒ̈ܢܝ ܙܒܕܝ
10:03	ܘܦܝܠܝܦܘܣ ܘܒܪ ܬܘܠܡܝ ܘܬܐܘܡܐ ܘܡܬܝ ܡܟܣܐ ܘܝܥܩܘܒ ܒܪ ܚܠܦܝ
10:04	ܘܫܡܥܘܢ ܩܢܢܝܐ ܘܝܗܘܕܐ ܒܪ ܝܥܩܘܒܿ ܘܝܗܘܕܐ ܣܟܪܝܛܐ ܕܗܘ ܗܘܐ ܡܫܠܡܢܐ܂
10:05	ܘܫܕܪ ܡܪܢ ܗܠܝܢ ܬܪ̈ܥܣܪ ܬܠܡ̈ܝܕܘܗܝ ܘܦܩܕ ܐܢܘܢ ܘܐܡܪ ܠܗܘܢ ܒܐܘܪܚܐ ܕܥܡ̈ܡܐ ܠܐ ܬܐܙܠܘܢ ܘܠܟܪܟܐ ܕܫܡܪ̈ܝܐ ܠܐ ܬܥܠܘܢ
10:06	ܐܠܐ ܙܠܘ ܠܟܘܢ ܠܥܢܐ ܕܛܥܬ ܡܢ ܒܝܬ ܐܝܣܪܝܠ
10:07	ܘܡܐ ܕܐܙܠܬܘܢ ܐܟܪܙܘ ܘܐܡܪܘ ܩܪܒܬ ܡܠܟܘܬܐ ܕܫܡܝܐ
10:08	ܟܪܝܗܐ ܐܣܘ ܡܝ̈ܬܐ ܐܩܝܡܘ ܓܪܒܐ ܕܟܘ ܘܫܐ̈ܕܐ ܐܦܩܘ ܡܓܢ ܢܣܒܬܘܢ ܡܓܢ ܗܒܘ
10:09	ܠܐ ܬܩܢܘܢ ܠܟܘܢ ܕܗܒܐ ܘܟܣܦܐ ܘܐܦ ܠܐ ܢܚܫܐ ܒܟܝܣܝܟܘܢ
10:10	ܘܠܐ ܬܪܡܠܐ ܠܐܘܪܚܐ ܘܠܐ ܬܪܬܝܢ ܟܘܬܝܢܝܢ ܘܠܐ ܡܣܢܐ ܘܠܐ ܚܘܛܪܐ ܫܘܐ ܗܘ ܓܝܪ ܦܥܠܐ ܣܝܒܪܬܗ
10:11	ܠܐܝܢܐ ܟܪܟܐ ܕܥܠܝܢ ܐܢܬܘܢ ܗܘܝܬܘܢ ܫܐܠܝܢ ܡܢܘ ܫܘܐ ܘܬܡܢ ܗܘܘ ܥܕܡܐ ܕܢܦܩܝܢ ܐܢܬܘܢ
10:12	ܘܡܐ ܕܥܠܝܢ ܐܢܬܘܢ ܠܗ ܠܒܝܬܐ ܗܒܘ ܫܠܡܐ ܠܒܝܬܐ ܗܘ
10:13	ܘܐܢ ܕܫܘܐ ܒܝܬܐ ܗܘ ܫܠܡܟܘܢ ܢܗܘܐ ܥܠܘܗܝ ܘܐܠܐ ܫܠܡܟܘܢ ܥܠܝܟܘܢ ܢܬܘܒ
10:14	ܡܢ ܕܠܐ ܡܩܒܠ ܠܟܘܢ ܘܠܐ ܫܡܥ ܡܠܝܟܘܢ ܡܐ ܕܢܦܩܝܢ ܐܢܬܘܢ ܡܢ ܒܝܬܐ ܗܘ ܐܘ ܡܢ ܡܕܝܢܬܐ ܗܝ ܗܘܝܬܘܢ ܢܦܨܝܢ ܚܠܐ ܕܪ̈ܓܠܝܟܘܢ
10:15	ܘܐܡܝܢ ܐܡܪ ܐܢܐ ܠܟܘܢ ܕܠܐܪܥܐ ܕܣܕܘܡ ܘܕܥܡܘܪܐ ܢܗܘܐ ܦܫܝܚ ܒܝܘܡܐ ܕܕܝܢܐ ܝܬܝܪ ܡܢ ܕܠܟܪܟܐ ܗܘ܂
10:16	ܗܐ ܐܢܐ ܡܫܕܪ ܐܢܐ ܠܟܘܢ ܐܝܟ ܐܡܪܐ ܒܝܢܝ ܕܐܒ̈ܐ܂ ܗܘܘ ܗܟܝܠ ܥܪܝܡܝܢ ܐܝܟ ܚܘ̈ܘܬܐ ܘܬܡܝܡܝܢ ܐܝܟ ܝܘ̈ܢܐ܀
10:17	ܐܙܕܗܪܘ ܡܢ ܒܢ̈ܝ ܐܢܫܐ ܕܡܫܠܡܝܢ ܠܟܘܢ ܠܒܝܬ ܕܝܢܐ ܘܕܢܢܓܕܘܢܟܘܢ ܒܟܢܘܫܬܗܘܢ
10:18	ܘܩܕܡ ܡ̈ܠܟܐ ܘܗܓ̈ܡܘܢܐ ܬܩܘܡܘܢ܂ ܡܛܠ ܫܡܝ ܘܠܣܗܕܘܬܗܘܢ ܕܝܠܗܘܢ ܘܕܥܡܡ̈ܐ܂
10:19	ܡܐ ܕܡܩܪܒܝܢ ܠܟܘܢ ܠܐ ܬܐܨܦܘܢ ܡܢܐ ܬܐܡܪܘܢ ܡܬܝܗܒ ܠܟܘܢ ܓܝܪ ܒܗܝ ܫܥܬܐ ܡܐ ܕܬܐܡܪܘܢ
10:20	ܠܐ ܗܘܐ ܓܝܪ ܐܢܬܘܢ ܡܡܠܠܝܢ܂ ܐܠܐ ܪܘܚܐ ܗܝ ܕܐܒܘܟܘܢ ܡܡܠܠܐ ܒܟܘܢ܂
10:21	ܢܫܠܡ ܓܝܪ ܐܚܐ ܠܐܚܘܗܝ ܠܡܘܬܐ ܘܐܒܐ ܠܒܪܗ ܠܡܘܬܐ ܘܢܩܘܡܘܢ ܒܢ̈ܝܐ ܠܐܒܗܝܗܘܢ܂ ܘܢܡܝܬܘܢ ܐܢܘܢ
10:22	ܘܢܗܘܘܢ ܣܢܝܢ ܠܟܘܢ ܒܢܝ ܐܢܫܐ ܡܛܘܠ ܫܡܝ ܐܝܢܐ ܕܝܢ ܕܢܣܝܒܪ ܥܕܡܐ ܠܚܪܬܐ ܗܘ ܢܚܐ܀
10:23	ܡܐ ܕܪ̈ܕܦܝܢ ܠܟܘܢ ܒܗܢܐ ܟܪܟܐ܂ ܥܪܘܩܘ ܠܟܘܢ ܡܢܗ ܠܐܚܪܢܐ܂ ܘܐܢ ܒܐܚܪܢܐ ܪܕܦܝܢ ܠܟܘܢ ܥܪܘܩܘ ܠܟܘܢ ܠܐܚܪܢܐ܂ ܘܐܡܝܢ ܓܝܪ ܐܡܪ ܐܢܐ ܠܟܘܢ ܕܠܐ ܬܫܠܡܘܢ ܐܢܘܢ ܟܘܠܗܘܢ ܟܪ̈ܟܐ ܕܒܝܬ ܐܝܣܪܐܝܠ܂ ܥܕܡܐ ܕܢܐܬܐ ܒܪܗ ܕܐܢܫܐ܂
10:24	ܠܝܬ ܬܠܡܝܕܐ ܕܡܝܬܪ ܡܢ ܪܒܗ܂
10:25	ܟܕܘ ܠܗ ܠܬܠܡܝܕܐ ܕܢܗܘܐ ܐܝܟ ܪܒܗ܂ ܘܠܥܒܕܐ ܐܝܟ ܡܪܗ ܘܐܢ ܠܡܪܗ ܕܒܝܬܐ ܩܪܘ ܒܥܠܙܒܘܒ ܠܒܢ̈ܝ ܒܝܬܗ ܐܝܟܢܐ ܢܩܪܘܢ
10:26	ܠܐ ܗܟܝܠ ܬܕܚܠܘܢ ܡܢܗܘܢ ܠܝܬ ܓܝܪ ܡܕܡ ܕܟܣܐ ܕܠܐ ܢܬܓܠܐ܂ ܘܠܐ ܕܡܛܫܝ܂ ܕܠܐ ܢܬܝܕܥ
10:27	ܡܕܡ ܕܐܡܪܢܐ ܠܟܘܢ ܒܚܫܘܟܐ ܐܡܪܘܗܝ ܐܢܬܘܢ ܒܢܘܗܪܐ܂ ܘܡܕܡ ܕܫܡܥܝܢ ܐܢܬܘܢ ܒܐܕܢܝܟܘܢ ܐܟܪܙܘ ܥܠ ܐܓܪ̈ܐ܂
10:28	ܘܠܐ ܬܕܚܠܘܢ ܡܢ ܐܝܠܝܢ ܕܩܛܠܝܢ ܦܓܪܐ ܘܢܦܫܐ ܠܐ ܫܠܝܛܝܢ܂ ܠܡܩܛܠ܂ ܕܚܠܘ ܕܝܢ ܝܬܝܪܐܝܬ ܡܢ ܗܘ ܕܡܫܟܚ ܦܓܪܐ ܘܢܦܫܐ ܠܡܪܡܝܘ ܒܓܗܢܐ܂
10:29	ܬܪ̈ܬܝܢ ܨܦܪ̈ܝܢ ܡܙܕܒܢܢ ܒܐܣܪ ܘܚܕܐ ܡܢܗܝܢ ܒܠܥܕ ܡܢ ܐܒܘܟܘܢ ܠܐ ܢܦܠܐ ܥܠ ܐܪܥܐ܂
10:30	ܘܐܦܢ ܡܢ̈ܐ ܕܣܥܪ̈ܟܘܢ ܟܠܗܝܢ ܡܢ̈ܝܢ ܐܢ̈ܝܢ
10:31	ܠܐ ܗܟܝܠ ܬܕܚܠܘܢ ܡܛܠ ܡܢ ܨܦܪ̈ܐ ܣܓܝܐ ܝܬܝܪ̈ܝܢ ܐܢܬܘܢ
10:32	ܟܠ ܐܢܫ ܕܢܘܕܐ ܒܝ܂ ܐܦ ܐܘܕܐ ܒܗ ܩܕܡ ܐܒܝ ܕܒܫܡܝܐ
10:33	ܘܡܢ ܕܢܟܦܘܪ ܒܝ ܩܕܡ ܒܢܝ ܐܢܫܐ ܐܦ ܐܢܐ ܐܟܦܘܪ ܒܗ ܩܕܡ ܐܒܝ ܕܒܫܡܝܐ
10:34	ܠܐ ܬܣܒܪܘܢ ܕܫܝܢܐ ܐܬܝܬ ܕܐܪܡܐ ܒܐܪܥܐ ܠܐ ܐܬܝܬ ܕܐܪܡܐ ܫܝܢܐ ܐܠܐ ܣܝܦܐ
10:35	ܐܬܝܬ ܓܝܪ ܕܐܦܠܘܓ ܒܪܐ ܥܠ ܐܒܘܗܝ ܘܒܪܬܐ ܥܠ ܐܡܗ ܘܟܠܬܐ ܥܠ ܚܡܬܗ܂
10:36	ܘܒܥܠܕܒܒܘܗܝ ܕܓܒܪܐ ܒܢ̈ܝ ܒܝܬܗ܂
10:37	ܡܢ ܕܪܚܡ ܕܝܢ ܠܐܒܘܗܝ ܘܠܐܡܗ ܝܬܝܪ ܡܢ ܕܠܝ ܗܘ ܠܐ ܫܘܐ ܠܝ܂ ܘܡܢ ܕܪܚܡ ܒܪܗ ܐܘ ܒܪܬܗ܂ ܝܬܝܪ ܡܢ ܕܠܝ ܗܘ ܠܐ ܫܘܐ ܠܝ
10:38	ܘܟܠ ܕܠܐ ܫܩܠ ܙܩܝܦܗ ܘܐܬܐ ܒܬܪܝ ܠܐ ܫܘܐ ܠܝ
10:39	ܟܠ ܕܢܫܟܚ ܓܝܪ ܢܦܫܗ܂ ܢܘܒܕܝܗ ܘܟܠ ܕܢܘܒܕ ܢܦܫܗ ܡܛܘܠܬܝ ܢܫܟܚܝܗ܂
10:40	ܡܢ ܕܡܩܒܠ ܠܟܘܢ ܠܝ ܗܘ ܡܩܒܠ܂ ܘܡܢ ܕܠܝ ܡܩܒܠ ܡܩܒܠ ܠܡܢ ܕܫܕܪܢܝ܂
10:41	ܡܢ ܕܡܩܒܠ ܓܝܪ ܢܒܝܐ ܒܫܡ ܢܒܝܐ ܐܓܪܐ ܕܢܒܝܐ ܡܩܒܠ ܘܡܢ ܕܡܩܒܠ ܙܕܝܩܐ ܒܫܡ ܙܕܝܩܐ ܐܓܪܐ ܕܙܕܝܩܐ ܢܣܒ܂
10:42	ܘܟܠ ܡܢ ܕܢܫܩܐ ܟܣܐ ܕܡܝ̈ܐ ܩܪ̈ܝܪܐ ܠܚܕ ܡܢ ܗܠܝܢ ܙܥܘܪ̈ܐ ܒܫܡܐ ܕܬܠܡܝܕܘܬܐ ܐܡܝܢ ܐܡܪܢܐ ܠܟܘܢ ܕܠܐ ܢܐܒܕ ܐܓܪܗ܀
11:01	ܘܗܘܐ ܕܟܕ ܫܠܡ ܡܪܢ ܠܡܦܩܕܘ ܠܬܪ̈ܥܣܪ ܬܠܡܝܕܘܗܝ ܫܢܝ ܠܗ ܡܢ ܬܡܢ ܠܡܠܦܘ ܘܠܡܟܪܙܘ ܒܡܕܝܢܬܗܘܢ
11:02	ܝܘܚܢܢ ܕܝܢ ܟܕ ܫܡܥ ܒܝܬ ܐܣܝܪܐ ܥܒܕܘܗܝ ܕܡܪܢ ܫܕܪ ܠܬܠܡܝܕܘܗܝ
11:03	ܘܫܠܚ ܠܗ ܐܢܬ ܗܘ ܗܘ ܕܐܬܐ ܐܘ ܠܐܚܪܝܢ ܡܣܟܝܢ ܐܢܚܢܢ
11:04	ܘܥܢܐ ܡܪܢ ܘܐܡܪ ܠܗܘܢ ܙܠܘ ܚܘܘ ܠܝܘܚܢܢ ܡܕܡ ܕܚܙܝܢ ܐܢܬܘܢ ܘܡܕܡ ܕܫܡܥܝܢ ܐܢܬܘܢ
11:05	ܗܐ ܓܝܪ ܣܡܝܐ ܚܙܝܢ ܘܚܓܝܪܐ ܡܗܠܟܝܢ ܘܓܪ̈ܒܐ ܡܬܕܟܝܢ ܘܚܪܫܐ ܫܡܥܝܢ ܘܡܝܬܐ ܩܝܡܝܢ
11:06	ܘܛܘܒܘܗܝ ܠܡܢ ܕܠܐ ܢܬܟܫܠ ܒܝ
11:07	ܘܡܢ ܒܬܪ ܗܠܝܢ ܫܪܝ ܡܪܢ ܠܡܐܡܪ ܠܟܢܫܐ ܥܠ ܝܘܚܢܢ ܡܢܐ ܢܦܩܬܘܢ ܠܚܘܪܒܐ ܠܡܚܙܐ ܩܢܝܐ ܕܒܪܘܚܐ ܡܬܙܝܥܐ
11:08	ܘܐܠܐ ܡܢܐ ܢܦܩܬܘܢ ܠܡܚܙܐ ܓܒܪܐ ܕܢܚܬܐ ܪܟܝܟܐ ܠܒܝܫ ܗܐ ܐܝܠܝܢ ܕܪܟܝܟܐ ܠܒܝܫܝܢ ܒܝܬ ܡ̈ܠܟܐ ܐܢܘܢ
11:09	ܘܐܠܐ ܡܢܐ ܢܦܩܬܘܢ ܠܡܚܙܐ ܢܒܝܐ ܐܝܢ ܐܡܪܢܐ ܠܟܘܢ ܕܡܝܬܪ ܗܘ ܡܢ ܢܒܝܐ
11:10	ܗܢܘ ܕܥܠܘܗܝ ܟܬܝܒ ܕܗܐ ܡܫܕܪܢܐ ܡܠܐܟܝ ܩܕܡ ܐܦܝ̈ܟ ܕܢܬܩܢ ܐܘܪܚܐ ܩܕܡܝܟ
11:11	ܐܡܝܢ ܐܡܪܢܐ ܠܟܘܢ ܕܠܐ ܩܡ ܒܝ̈ܠܝܕܝ ܢܫܐ ܕܪܒ ܡܢ ܝܘܚܢܢ ܡܥܡܕܢܐ ܙܥܘܪܐ ܕܝܢ ܒܡܠܟܘܬܐ ܕܫܡܝܐ ܪܒ ܗܘ ܡܢܗ
11:12	ܡܢ ܝܘܡܝ ܝܘܚܢܢ ܡܥܡܕܢܐ ܥܕܡܐ ܠܗܫܐ ܐܠܝܨܐ ܗܝ ܡܠܟܘܬܐ ܕܫܡܝܐ ܘܐܠܘܨܝܗ ܡܚܛܦܝܢ ܠܗ
11:13	ܟܠܗܘܢ ܓܝܪ ܢܒܝܐ ܥܕܡܐ ܠܝܘܚܢܢ ܐܬܢܒܝܘ
11:14	ܘܐܢ ܨܒܝܢ ܐܢܬܘܢ ܠܡܩܒܠܘ ܗܘܝܘ ܐܠܝܐ ܕܥܬܝܕ ܠܡܐܬܐ
11:15	ܡܢ ܕܐܝܬ ܠܗ ܐܕܢܐ ܢܫܡܥ܀
11:16	ܠܡܢ ܕܝܢ ܐܕܡܝܗ ܫܪܒܬܐ ܗܕܐ܂ ܕܡܝܐ ܠܛܠܝܐ ܕܝܬܒܝܢ ܒܫܘܩܐ ܘܫܠܚܝܢ ܠܚܒܪܝܗܘܢ܂
11:17	ܙܡܪܢ ܠܟܘܢ ܘܠܐ ܪܩܕܬܘܢ ܘܐܠܝܢ ܠܟܘܢ ܘܠܐ ܐܪܩܕܬܘܢ܂
11:18	ܐܬܐ ܓܝܪ ܠܗ ܝܘܚܢܢ ܠܐ ܐܟܠ ܘܠܐ ܫܬܐ ܘܐܡܪ̈ܝܢ ܫܐܕܐ ܒܗ
11:19	ܘܐܬܐ ܒܪܗ ܕܐܢܫܐ ܐܟܠ ܘܫܬܐ ܘܐܡܪܝܢ ܗܐ ܓܒܪܐ ܐܟܘܠܐ ܘܫܬܝܐ ܘܪܚܡܐ ܕܡܟܣܐ ܘܕܚ̈ܛܝܐ ܘܐܙܕܕܩܬ ܚܟܡܬܐ ܡܢ ܒܢܝܗ܀
11:20	ܗܝܕܝܢ ܫܪܝ ܗܘܐ ܝܫܘܥ ܠܡܚܣܕܘ ܡܕܝܢܬܐ ܐܝܠܝܢ ܕܚܘܝ ܒܗܝܢ ܚܝܠܐ ܣܓܝܐܐ ܘܠܐ ܬܒܘ
11:21	ܘܐܡܪ ܘܝ ܠܟܝ ܟܘܪܙܝܢ ܘܝ ܠܟܝ ܒܝܬ ܨܝܕܐ ܕܐܠܘ ܒܨܘܪ ܘܒܨܝܕܢ ܗܘܘ ܚܝܠܐ ܕܗܘܘ ܒܟܝܢ ܟܒܪ ܕܝܢ ܒܣ̈ܩܐ ܘܒܩܛܡܐ ܬܒܘ
11:22	ܡܛܠ ܗܢܐ ܐܡܪܢܐ ܠܟܝܢ ܕܠܨܘܪ ܘܠܨܝܕܘܢ ܢܗܘܐ ܦܫܝܚ ܒܝܘܡܐ ܕܕܝܢܐ ܝܬܝܪ ܡܢ ܕܠܟܝܢ
11:23	ܘܐܢܬܝ ܟܦܪܢܚܘܡ ܕܐܬܪܝܡܬܝ ܠܫܡܝܐ ܥܕܡܐ ܠܫܝܘܠ ܬܚܬܝܢ ܕܐܠܘ ܒܣܕܘܡ ܐܬܚܙܝܘ ܚܝ̈ܠܐ ܕܒܟܝܢ ܐܬܚܙܝܘ ܩܝܡܐ ܗܝ ܠܝܘܡܢܐ
11:24	ܐܡܪܢܐ ܕܠܐܪܥܐ ܕܣܕܘܡ ܢܗܘܐ ܢܝܚ ܒܝܘܡܐ ܕܕܝܢܐ ܝܬܝܪ ܡܢ ܕܠܟܝ܀
11:25	ܒܗܘ ܙܒܢܐ ܥܢܐ ܝܫܘܥ ܘܐܡܪ ܡܘܕܐ ܐܢܐ ܠܟ ܐܒܐ ܡܪܐ ܕܫܡܝܐ ܘܕܐܪܥܐ ܕܟܣܝܬ ܗܠܝܢ ܡܢ ܚܟܝܡ̈ܐ ܘܓܠܝܬ ܐܢܝܢ ܠܛܠܝܐ
11:26	ܐܝܢ ܐܒܝ ܕܗܟܢܐ ܗܘܐ ܨܒܝܢܐ ܩܕܡܝܟ
11:27	ܟܠ ܡܕܡ ܐܫܬܠܡ ܠܝ ܡܢ ܐܒܝ ܘܠܐ ܐܢܫ ܝܕܥ ܠܒܪܐ ܐܠܐ ܐܢ ܐܒܐ ܘܠܐ ܠܐܒܐ ܐܢܫ ܝܕܥ ܐܠܐ ܐܢ ܒܪܐ ܘܡܢ ܕܨܒܐ ܒܪܐ ܕܢܓܠܐ ܠܗ
11:28	ܐܬܘ ܠܘܬܝ ܟܠܟܘܢ ܠܐܝܐ ܘܫܩܝܠܝ ܡܘܒܠܐ ܘܐܢܐ ܐܢܝܚܟܘܢ
11:29	ܘܫܩܘܠܘ ܢܝܪܝ ܥܠܝܟܘܢ ܘܝܠܦܘ ܡܢܝ ܕܢܝܚ ܐܢܐ ܡܟܝܟ ܐܢܐ ܒܠܒܝ ܘܬܫܟܚܘܢ ܢܝܚܐ ܠܢܦܫ̈ܬܟܘܢ
11:30	ܢܝܪܝ ܓܝܪ ܒܣܝܡ ܗܘ ܘܡܘܒܠܝ ܩܠܝܠܐ܀
12:01	ܒܗܘ ܙܒܢܐ ܡܗܠܟ ܗܘܐ ܝܫܘܥ ܒܝܘܡܐ ܕܫܒܬܐ ܒܝܬ ܙܪܥܐ ܘܟܦܢܘ ܬܠܡܝܕܘܗܝ ܘܫܪܝܘ ܡܠܓܝܢ ܫܒܠܐ ܘܐܟܠܝܢ
12:02	ܟܕ ܚܙܘ ܐܢܘܢ ܦܪܝܫܐ ܐܡܪܝܢ ܠܗ ܠܡܢܐ ܬܠܡܝܕܝܟ ܥܒܕܝܢ ܡܕܡ ܕܠܐ ܫܠܝܛ ܠܡܥܒܕ
12:03	ܐܡܪ ܠܗܘܢ ܠܐ ܩܪܝܬܘܢ ܡܢܐ ܥܒܕ ܕܘܝܕ ܟܕ ܟܦܢ ܘܐܝܠܝܢ ܕܥܡܗ
12:04	ܐܝܟܢܐ ܥܠ ܗܘܐ ܠܒܝܬܗ ܕܐܠܗܐ ܘܠܚܡܐ ܕܐܦܐ ܂܂܂ ܂܂܂ ܂܂܂ ܂܂܂ ܠܗ ܫܠܝܛ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂
12:05	܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂
12:06	܂܂܂ ܂܂܂ ܂܂܂ ܓܝܪ ܕܗܐ ܪܒ ܡܢ ܗܝܟܠܐ ܗܪܟܐ
12:07	ܘܐܠܘ ܝܕܥܝܢ ܗܘܝܬܘܢ ܡܢܘ ܚܢܢܐ ܒܥܐ ܐܢܐ ܘܠܐ ܕܒܚܬܐ ܠܐ ܡܚܝܒܝܢ ܗܘܝܬܘܢ ܠܙܟܝܐ
12:08	ܡܪܗ ܓܝܪ ܕܫܒܬܐ ܒܪܗ ܗܘ ܕܐܢܫܐ
12:09	ܘܟܕ ܫܢܝ ܡܢ ܬܡܢ ܐܬܐ ܠܟܢܘܫܬܗܘܢ
12:10	ܘܗܐ ܓܒܪܐ ܚܕ ܕܐܝܕܗ ܕܝܡܝܢܐ ܝܒܝܫܐ ܗܘܬ ܘܡܫܐܠܝܢ ܗܘܘ ܠܗ ܘܐܡܪܝܢ ܕܐܢ ܗܘ ܫܠܝܛ ܕܢܫܟܚܘܢ ܢܐܟܠܘܢ ܩܪܨܘܗܝ
12:11	ܐܡܪ ܠܗܘܢ ܡܢܘ ܓܒܪܐ ܡܢܟܘܢ ܕܐܝܬ ܠܗ ܥܪܒܐ ܘܢܦܠ ܒ܂܂܂ܐ ܒܝܘܡܐ ܕܫܒܬܐ ܘܠܐ ܢܓܕ ܡܣܩ ܠܗ
12:12	ܟܡܐ ܗܟܝܠ ܝܬܝܪ ܒܪ ܐܢܫܐ ܡܢ ܥܪܒܐ ܡܟܝܠ ܫܠܝܛ ܗܘ ܒܫܒܬܐ ܠܡܥܒܕ ܕܫܦܝܪ
12:13	ܗܝܕܝܢ ܐܡܪ ܠܓܒܪܐ ܗܘ ܦܫܘܛ ܐܝܕܟ ܘܦܫܛ ܐܝܕܗ ܘܬܩܢܬ ܐܝܟ ܚܒܪܬܗ
12:14	ܘܟܕ ܢܦܩܘ ܦܪܝܫܐ ܢܣܒܘ ܥܠܘܗܝ ܡܠܟܐ ܐܝܟܢܐ ܢܘܒܕܘܢܝܗܝ
12:15	ܝܫܘܥ ܕܝܢ ܝܕܥ ܘܫܢܝ ܡܢ ܬܡܢ ܘܐܙܠܘ ܒܬܪܗ ܐܢܫܐ ܣܓܝܐܐ ܘܠܟܠܗܘܢ ܐܣܝ
12:16	ܘܟܐܐ ܗܘܐ ܒܗܘܢ ܒܗܢܘܢ ܕܠܐܢܫ ܠܐ ܢܐܡܪܘܢ
12:17	ܕܢܬܡܠܐ ܡܕܡ ܕܐܬܐܡܪ ܒܐܫܥܝܐ ܢܒܝܐ ܕܐܡܪ ܗܘܐ
12:18	ܗܐ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܐܨܛܒܝܬ ܂܂܂ ܂܂܂ ܒܗ ܂܂܂ ܂܂܂ ܪܘܚܝ ܐܣܝܡ ܥܠܘܗܝ ܕܢܟܪܙ ܕܝܢܐ ܠܥܡܡܐ
12:19	ܠܐ ܢܩܥܐ ܘܠܐ ܢܪܝܒ ܘܠܐ ܐܢܫ ܢܫܡܥ ܩܠܗ
12:20	ܩܢܝܐ ܪܥܝܥܐ ܠܐ ܢܬܒܪ ܘܫܪܓܐ ܕܡܛܦܛܦ ܠܐ ܢܕܥܟ ܥܕܡܐ ܕܢܦܩ ܕܝܢܐ ܠܙܟܘܬܐ
12:21	ܘܒܫܡܗ ܢܣܒܪܘܢ ܥܡܡܐ܀
12:22	ܗܝܕܝܢ ܩܪܒܘ ܠܗ ܓܒܪܐ ܚܕ ܕܫܐܕܐ ܕܥܘܝܪ ܗܘܐ ܒܗ ܘܚܪܫ ܘܐܣܝܗ ܘܡܠܠ ܚܪܫܐ ܗܘ ܘܫܡܥ ܘܚܙܐ
12:23	ܘܟܢܫܐ ܡܬܕܡܪܝܢ ܗܘܘ ܘܐܡܪܝܢ ܕܠܡܐ ܟܝ ܗܢܘ ܒܪܗ ܕܕܘܝܕ
12:24	ܦܪܝܫܐ ܕܝܢ ܟܕ ܫܡܥܘ ܐܡܪܘ ܗܢܐ ܫܐ̈ܕܐ ܠܐ ܡܦܩ ܐܠܐ ܒܒܥܠܙܒܘܒ ܪܫܗܘܢ ܕܕܝܘܐ
12:25	ܟܕ ܚܙܐ ܕܝܢ ܬܪܥܝܬܗܘܢ ܐܡܪ ܠܗܘܢ ܟܠ ܡܠܟܘ ܕܬܬܦܠܓ ܥܠ ܢܦܫܗ ܬܚܪܒ ܂܂܂ ܂܂܂ ܘܡܕܝܢܐ ܕܢܬܦܠܓ ܂܂܂ ܂܂܂ ܂܂܂ ܂܂܂
12:26	܂܂܂ ܂܂܂ ܂܂܂ ܂܂܂ ܥܠ ܢܦܫܗ ܡܬܦܠܓ ܂܂܂ ܂܂܂ ܬܩܘܡ ܂܂܂
12:27	܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂
12:28	܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂
12:29	܂܂܂ ܂܂܂ ܂܂܂ ܂܂܂ ܡܫܟܚ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂
12:30	܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܠܐ ܟܢܫ ܥܡܝ ܡܒܕܪ
12:31	ܡܛܠ ܗܢܐ ܐܡܪܢܐ ܠܟܘܢ ܕܟܘܠ ܚ̈ܛܗܝܢ ܘܓܘ̈ܕܦܝܢ ܢܫܬܒܩܘܢ ܠܒܢ̈ܝ ܐܢܫܐ܂ ܟܠ ܡܢ ܕܥܠ ܪܘܚܐ ܕܝܢ ܢܓܕܦ ܠܐ ܢܫܬܒܩ ܠܗ
12:32	ܘܟܠ ܕܢܐܡܪ ܡܠܬܐ ܥܠ ܒܪܗ ܕܐܢܫܐ ܢܫܬܒܩ ܠܗ ܟܠ ܕܥܠ ܪܘܚܐ ܕܝܢ ܕܩܘܕܫܐ ܢܓܕܦ ܠܐ ܢܫܬܒܩ ܠܗ܂ ܠܐ ܒܗܢܐ ܥܠܡܐ ܘܠܐ ܒܥܠܡܐ ܕܥܬܝܕ
12:33	ܐܘ ܥܒܕ ܐܝܠܢܐ ܛܒܐ ܘܦܐ̈ܪܘܗܝ ܛܒܝܢ܂ ܐܘ ܥܒܕ ܐܝܠܢܐ ܒܝܫܐ ܘܦܐܪ̈ܘܗܝ ܒܝܫܝܢ ܡܢ ܦܐܪ̈ܘܗܝ ܓܝܪ ܢܬܝܕܥ ܐܝܠܢܐ
12:34	ܝܠܕܐ ܕܚ̈ܘܘܬܐ ܐܝܟܢܐ ܡܫܟܚܝܢ ܐܢܬܘܢ ܛܒܬܐ ܠܡܡܠܠܘ ܕܒܝܫ̈ܐ ܐܢܬܘܢ ܡܢ ܬܘܬܪ̈ܐ ܗܘ ܓܝܪ ܕܠܒܐ ܡܦܩ ܦܘܡܐ܂
12:35	ܘܓܒܪܐ ܛܒܐ ܡܢ ܣܝܡ̈ܬܐ ܛܒܬܐ ܕܒܠܒܗ ܡܦܩ ܛܒܬܐ ܘܓܒܪܐ ܒܝܫܐ ܡܢ ܣܝܡܬܐ ܒܝܫ̈ܬܐ ܕܒܠܒܗ ܒܝܫܬܐ ܡܡܠܠ܂
12:36	ܐܡܪܢܐ ܠܟܘܢ ܕܝܢ ܕܟܠ ܡܠܐ ܒܛܠܬܐ ܕܢܡܠܠܘܢ ܒܢ̈ܝ ܐܢܫܐ ܦܬܓܡܐ ܢܬܠܘܢ ܒܝܘܡܐ ܕܕܝܢܐ܂
12:37	ܡܢ ܡܠܝܟ ܓܝܪ ܬܙܕܕܩ ܘܡܢ ܡ̈ܠܝܟ ܬܬܚܝܒ܀
12:38	ܗܝܕܝܢ ܐܡܪ̈ܝܢ ܠܗ ܐܢܫܐ ܡܢ ܣܦܪ̈ܐ ܘܦܪ̈ܝܫܐ ܡܠܦܢܐ ܨܒܝܢ ܐܢܚܢܢ ܕܢܚܙܐ ܡܢܟ ܡܕܡ ܐܬܐ
12:39	ܗܘ ܕܝܢ ܥܢܐ ܘܐܡܪ ܠܗܘܢ ܫܪܒܬܐ ܒܝܫܬܐ ܘܓܝܪܬܐ ܒܥܝܐ ܐܬܐ ܐܬܐ ܠܐ ܬܬܝܗܒ ܠܗ ܐܠܐ ܐܢ ܐܬܗ ܕܝܘܢܢ ܢܒܝܐ
12:40	ܘܐܝܟܢܐ ܕܗܘܐ ܝܘܢܢ ܢܒܝܐ ܒܟܪܣܗ ܕܢܘܢܐ ܐܝܡܡ̈ܐ ܬܠܬܐ ܘܠܝܠܘ̈ܬܐ ܬܠܬܐ ܗܟܢܐ ܢܗܘܐ ܒܪܗ ܕܐܢܫܐ ܒܠܒܗ ܕܐܪܥܐ ܬܠܬܐ ܝܘܡܝܢ ܘܬܠܬܐ ܠܝܠܘܢ܂
12:41	ܓܒܪ̈ܐ ܒܢܝ ܢܝܢܘܐ ܢܩܘܡܘܢ ܒܕܝܢܐ ܥܡ ܫܪܒܬܐ ܗܕܐ ܢܚܝܒܘܢܗ ܕܗܢܘܢ ܬܒܘ ܒܟܪܘܙܬܗ ܕܝܘܢܢ܂ ܘܗܐ ܕܪܒ ܡܢ ܝܘܢܢ ܗܪܟܐ
12:42	ܡܠܟܬܐ ܕܬܝܡܢܐ ܬܩܘܡ ܒܕܝܢܐ ܥܡ ܫܪܒܬܐ ܗܕܐ ܘܬܚܝܒܝܗ܂ ܕܐܬܬ ܡܢ ܣܘܦܐ ܕܐܪܥܐ ܕܬܫܡܥ ܚܟܡܬܗ ܕܫܠܝܡܘܢ ܘܗܐ ܕܪܒܿ ܡܢ ܫܠܝܡܘܢ ܗܪܟܐ܀
12:43	ܪܘܚܐ ܕܛܢܦܘܬܐ ܡܐ ܕܢܦܩܬ ܡܢ ܒܪ ܐܢܫܐ ܐܙܠܐ ܡܬܟܪܟܐ ܒܐܬܪ̈ܘܬܐ ܕܡ̈ܝܐ ܠܝܬ ܒܗܘܢ ܕܬܫܟܚ ܠܗ ܢܝܚܐ ܘܡܐ ܕܠܐ ܐܫܟܚܬ
12:44	ܐܡܪܐ ܐܗܦܘܟ ܐܙܠ ܠܒܝܬܝ ܡܢ ܐܬܪ ܕܢܦܩܬ܂ ܘܐܢ ܐܬܬ ܐܫܟܚܬܗ ܟܕ ܣܪܝܩ ܘܚܡܝܡ ܘܡܨܒܬ
12:45	ܗܝܕܝܢ ܐܙܠܐ ܕܒܪܐ ܫܒ̈ܥ ܪ̈ܘܚܐ ܕܡܢܗ ܒܝܫ̈ܢ ܘܥܠܢ ܘܥܡܪܢ ܒܗ܂ ܘܗܘܝܐ ܐܚܪܝܬܗ ܕܓܒܪܐ ܒܝܫܐ ܡܢ ܩܕܡܝܬܗ ܗܟܢܐ ܢܗܘܐ ܠܗ ܠܫܪܒܬܐ ܗܕܐ ܒܝܫܬܐ܀
12:46	ܘܟܕ ܗܘ ܡܡܠܠ ܠܟܢܫܐ ܗܐ ܐܡܗ ܘܐܚܘܗܝ ܩܝܡܝܢ ܠܒܪ ܘܨܒܝܢ ܠܡܡܠܠܘ ܥܡܗ
12:48	ܗܘ ܕܝܢ ܥܢܐ ܘܐܡܪ ܠܗܘ ܕܐܡܪ ܠܗ܂ ܡܢܝ ܐܡܝ ܐܘ ܐܢܘܢ ܐܚ̈ܝ
12:49	ܘܦܫܛ ܐܝܕܗ ܠܘܬ ܬܠܡܝܕܘܗܝ ܘܐܡܪ ܗܠܝܢ ܐܢܘܢ ܐܡܝ ܘܐܚ̈ܝ܂
12:50	ܟܘܠ ܡܢ ܕܥܒܕ ܓܝܪ ܨܒܝܢܗ ܕܐܒܝ ܕܒܫܡܝܐ ܗܘܝܘ ܐܚܝ ܘܐܚܘܬܝ ܘܐܡܝ܀
13:01	ܒܗܘ ܝܘܡܐ ܢܦܩ ܗܘܐ ܝܫܘܥ ܝܬܒ ܥܠ ܝܕ ܝܡܐ
13:02	ܘܐܬܟܢܫܘ ܠܘܬܗ ܟܢܫܐ ܣܓܝ̈ܐܐ ܘܣܠܩ ܘܝܬܒ ܠܗ ܒܣܦܝܢܬܐ ܘܟܘܠܗ ܟܢܫܐ ܩܐܡ ܗܘܐ ܥܠ ܣܦܪܝ ܝܡܐ
13:03	ܘܡܡܠܠ ܥܡܗܘܢ ܣܓܝ ܒܦܠܐ̈ܬܐ ܘܐܡܪ ܗܘܐ ܗܐ ܢܦܩ ܙܪܘܥܐ ܠܡܙܪܥ ܙܪܥܐ܂
13:04	ܘܟܕ ܙܪܥ܂ ܐܝܬ ܕܢܦܠ ܥܠ ܝܕ ܐܘܪܚܐ܂ ܘܐܬܬ ܚܝܘܬ ܟܢܦܐ ܠܩܛܬܗ
13:05	ܘܐܝܬ ܕܢܦܠ ܥܠ ܫܘܥܐ ܘܡܛܠ ܕܕܩܩܐ ܗܘܐ ܘܠܝܬ ܥܦܪܐ ܣܓܝܐܐ ܒܪ ܫܥܬܗ ܫܘܚ
13:06	ܘܒܨܡܚܐ ܕܫܡܫܐ ܕܗܘܐ ܥܠܝܗ ܫܒ ܘܡܛܠ ܕܠܐ ܐܪܡܝ ܥܩܪܐ ܝܒܫ
13:07	ܘܐܚܪܢܐ ܢܦܠ ܒܝܬ ܟܘܒ̈ܐ ܘܝܥܘ ܟܘܒ̈ܐ ܥܡܗ ܘܚܢܩܘܗܝ
13:08	ܘܐܚܪܢܐ ܕܝܢ ܢܦܠ ܒܐܪܥܐ ܛܒܬܐ ܘܝܗܒ ܦ̈ܐܪܐ ܐܝܬ ܕܡ̈ܐܐ ܘܐܝܬ ܕܫ̈ܬܝܢ ܘܐܝܬ ܕܬܠܬܝܢ
13:09	ܟܠ ܕܐܝܬ ܠܗ ܐܕܢܐ ܢܫܡܥ
13:10	ܘܩܪܒܘ ܬܠܡܝܕ̈ܘܗܝ ܘܐܡܪܝܢ ܠܗ ܡܢܐ ܗܘ ܕܒܦܠܐܬܐ ܡܡܠܠ ܐܢܬ ܥܡܗܘܢ܂
13:11	ܗܘ ܕܝܢ ܥܢܐ ܘܐܡܪ ܠܗܘܢ ܡܛܘܠ ܕܠܟܘܢ ܗܘ ܝܗܝܒ ܠܡܕܥ ܐܪܙܐ ܕܡܠܟܘܬܐ ܠܗܢܘܢ ܕܝܢ ܠܐ ܝܗܝܒ ܠܗܘܢ
13:12	ܡܢ ܕܐܝܬ ܓܝܪ ܢܬܝܗܒ ܠܗ
13:13	ܘܡܢ ܕܠܝܬ ܠܗ ܘܐܦ ܗܘ ܡܕܡ ܕܐܝܬ ܠܗ ܢܬܢܣܒ ܡܢܗ ܡܛܠ ܗܢܐ ܒܦܠܐܬܐ ܡܡܠܠ ܐܢܐ ܥܡܗܘܢ ܕܡܕܡ ܕܚܙܝܢ ܠܐ ܢܚܙܘܢ ܘܡܕܡ ܕܫܡܥܝܢ ܠܐ ܢܫܡܥܘܢ ܘܠܐ ܢܣܬܟܠܘܢ܂ ܕܠܐ ܡܡܬܘܡ ܢܬܦܢܘܢ
13:14	ܕܬܫܠܡ ܥܠܝܗܘܢ ܢܒܝܘܬܗ ܕܐܫܥܝܐ ܢܒܝܐ܂ ܕܐܡܪ ܗܘܐ ܫܡܥܐ ܬܫܡܥܘܢ ܘܠܐ ܬܣܬܟܠܘܢ܂ ܘܡܚܙܐ ܬܚܙܘܢ ܘܠܐ ܬܚܙܘܢ܂
13:15	ܐܬܥܒܝ ܠܗ ܓܝܪ ܠܒܗ ܕܥܡܐ ܗܢܐ ܘܐ̈ܕܢܝܗܘܢ ܐܘܩܪܘ ܕܠܐ ܢܫܡܥܘܢ ܘܥܝܢ̈ܝܗܘܢ ܥܡܨܘ ܕܠܐ ܢܚܙܘܢ ܒܥܝܢ̈ܝܗܘܢ ܘܢܫܡܥܘܢ ܒܐܕܢܝܗܘܢ ܘܢܣܬܟܠܘܢ ܒܠܒܗܘܢ܀
13:16	ܕܝܠܟܘܢ ܕܝܢ ܛܘܒ̈ܝܗܝܢ ܠܥܝܢܝܟܘܢ ܕܚܙܝܢ܂ ܛܘܒܝܗܝܢ ܠܐܕܢ̈ܝܟܘܢ ܕܫܡܥܢ
13:17	ܐܡܝܢ ܓܝܪ ܐܡܪܢܐ ܠܟܘܢ ܕܣܓܝܐܐ ܢܒ̈ܝܐ ܘܙܕܝܩܐ ܐܬܪܓܪܓܘ ܠܡܚܙܐ ܡܕܡ ܕܐܢܬܘܢ ܚܙܝܢ ܘܠܐ ܚܙܘ ܘܠܡܫܡܥ ܡܕܡ ܕܐܢܬܘܢ ܫܡܥܝܢ ܘܠܐ ܫܡܥܘ
13:18	ܐܢܬܘܢ ܗܟܝܠ ܫܡܥܘ ܡܬܠܐ ܕܙܪܘܥܐ
13:19	ܟܘܠ ܐܢܫ ܕܫܡܥ ܡܠܬܐ ܕܡܠܟܘܬܐ ܘܠܐ ܡܣܬܟܠ ܐܬܐ ܒܝܫܐ ܘܚܛܦ ܠܗ ܠܙܪܥܐ ܡܢ ܠܒܗ ܗܢܘ ܕܐܙܕܪܥ ܥܠ ܝܕ ܐܘܪܚܐ
13:20	ܘܗܘ ܕܐܙܕܪܥ ܥܠ ܫܘܥܐ ܗܢܘ ܕܫܡܥ ܡܠܬܐ ܘܒܚܕܘܬܐ ܡܩܒܠ ܠܗ܂
13:21	ܡܛܠ ܕܠܝܬ ܠܗ ܥܩܪܐ ܒܗ ܙܒܢ ܙܥܘܪ ܩܐܡ ܒܗ ܡܐ ܕܗܘܐ ܕܝܢ ܐܘܠܨܢܐ ܐܘ ܪܕܘܦܝܐ ܡܛܠ ܡܠܬܐ ܥܓܠ ܡܬܟܫܠ
13:22	ܘܗܘ ܕܢܦܠ ܒܝܬ ܟܘܒ̈ܐ ܗܢܘ ܕܫܡܥ ܡܠܬܐ ܘܒܪܢܝܐ ܗܘ ܕܥܠܡܐ ܗܢܐ ܘܒܛܥܝܝ ܕܥܘܬܪܐ܂ ܘܗܠܝܢ ܚܢ̈ܩܝܢ ܠܗ ܘܕܠܐ ܦܐܪ̈ܝܢ ܗܘܐ܂
13:23	ܘܗܘ ܕܢܦܠ ܒܐܪܥܐ ܛܒܬܐ ܗܘ ܗܘ ܕܫܡܥ ܡܠܬܐ ܘܡܣܬܟܠ ܒܗ ܘܗܝܕܝܢ ܝܗܒ ܦܐܪ̈ܐ ܘܥܒܕ ܐܝܬ ܕܡ̈ܐܐ ܘܐܝܬ ܕܫܬܝܢ ܘܐܝܬ ܕܬܠܬܝܢ
13:24	ܬܘܒ ܐܘܣܦ ܘܐܡܪ ܠܗܘܢ ܡܬܠܐ ܐܚܪܢܐ ܕܡܝܐ ܡܠܟܘܬܐ ܕܫܡܝܐ ܠܓܒܪܐ ܕܙܪܥ ܙܪܥܐ ܛܒܐ ܒܩܪܝܬܗ
13:25	ܘܟܕ ܕܡܟܘ ܐܢܫܐ ܐܬܐ ܒܥܠܕܒܒܐ ܘܙܪܥ ܙܝܙܢܐ ܒܝܬ ܚ̈ܛܐ ܘܐܙܠ
13:26	ܘܟܕ ܝܥܐ ܥܣܒܐ ܘܥܒܕ ܦܐܪ̈ܐ ܐܬܚܙܝܘ ܙܝܙܢܐ
13:27	ܩܪܒܘ ܥܒܕܐ ܠܘܬ ܡܪܗܘܢ ܘܐܡܪ̈ܝܢ ܠܗ ܡܪܢ ܠܐ ܙܪܥܐ ܛܒܐ ܙܪܥܬ ܒܩܪܝܬܟ ܡܢ ܐܝܡܟܐ ܒܗ ܙܝܙܢܐ
13:28	ܐܡܪ ܠܗܘܢ ܓܒܪܐ ܒܥܠܕܒܒܐ ܥܒܕ ܗܕܐ ܐܡܪ̈ܝܢ ܠܗ ܥܒܕ̈ܘܗܝ ܐܢ ܨܒܐ ܐܢܬ ܢܐܙܠ ܢܠܩܘܛ ܐܢܘܢ
13:29	ܐܡܪ ܠܗܘܢ ܠܐ ܕܠܡܐ ܟܕ ܠܩܛܝܢ ܐܢܬܘܢ ܙܝܙ̈ܢܐ ܬܥܩܪܘܢ ܐܦ ܚܛܐ ܥܡܗܘܢ܂
13:30	ܐܠܐ ܫܒܘܩܘ ܪܒܝܢ ܐܟܚܕܐ ܥܕܡܐ ܠܚܨܕܐ ܘܒܗܘ ܙܒܢܐ ܕܚܨܕܐ ܐܡܪ ܐܢܐ ܠܚܨܘܕ̈ܐ ܠܩܛܘ ܠܘܩܕܡ ܙܝܙ̈ܢܐ ܘܐܣܘܪܘ ܐܢܘܢ ܡܣܪܝܬܐ ܐܝܟ ܕܠܢܘܪܐ ܘܚ̈ܛܐ ܟܢܫܘ ܐܢܝܢ ܠܐܘܨܪ̈ܐ܀
13:31	ܘܐܡܪ ܗܘܐ ܠܗܘܢ ܡܬܠܐ ܐܚܪܢܐ ܕܡܝܐ ܡܠܟܘܬܐ ܕܫܡܝܐ ܠܦܪܕܬܐ ܕܚܪܕܠܐ ܕܢܣܒ ܓܒܪܐ ܙܪܥܗ ܒܩܪܝܬܗ
13:32	ܘܙܥܘܪܝܐ ܗܝ ܡܢ ܟܠܗܘܢ ܙܪܥܘܢܐ܂ ܘܡܐ ܕܪܒܬ ܪܒܐ ܗܝ ܡܢ ܟܘܠܗܘܢ ܝܪ̈ܩܘܢܐ ܘܗܘܝܐ ܐܝܠܢܐ ܘܐܬܝܐ ܚܝܘܬ ܟܢܦܐ ܘܫܟܢܐ ܒܣܘܟܝܗ܃
13:33	ܡܬܠܐ ܐܚܪܢܐ ܕܡܝܐ ܡܠܟܘܬܐ ܕܫܡܝܐ ܠܚܡܝܪܐ ܕܢܣܒܬ ܐܢܬܬܐ ܐܛܫܝܬ ܒ̈ܬܠܬ ܣܐܝܢ ܩܡܚܐ ܥܕܡܐ ܕܗܘܐ ܟܘܠܗ ܚܡܝܪܐ
13:34	ܗܠܝܢ ܟܠܗܝܢ ܡܠܠ ܝܫܘܥ ܠܟܢܫܐ ܒܦܠܐ̈ܬܐ ܘܕܠܐ ܦܠܐܬܐ ܠܐ ܡܡܠܠ ܗܘܐ ܥܡܗܘܢ
13:35	ܕܢܬܡܠܐ ܡܕܡ ܕܐܬܡܠܠ ܒܢܒܝܐ ܕܐܡܪ ܗܘܐ ܐܦܬܚ ܦܡܝ ܒܡ̈ܬܠܐ ܘܐܡܪ ܟܣ̈ܝܬܐ ܕܡܢ ܩܕܝܡ܀
13:36	ܗܝܕܝܢ ܫܒܩ ܠܟܢܫܐ ܘܐܬܐ ܠܒܝܬܐ ܘܩܪܒܘ ܬܠܡ̈ܝܕܘܗܝ ܘܐܡܪ̈ܝܢ ܠܗ ܦܫܩ ܠܢ ܡܬܠܐ ܗܘ ܕܙܝܙ̈ܢܐ ܕܩܪܝܬܐ
13:37	ܗܘ ܕܝܢ ܥܢܐ ܘܐܡܪ ܠܗܘܢ ܙܪܘܥܗ ܕܙܪܥܐ ܛܒܐ ܒܪܗ ܗܘ ܕܐܢܫܐ
13:38	ܘܩܪܝܬܐ ܥܠܡܐ ܗܝ܂ ܘܙܪܥܐ ܛܒܐ ܗܠܝܢ ܐܢܘܢ ܒܢ̈ܝܗ ܕܡܠܟܘܬܐ ܘܙܝܙ̈ܢܐ ܒܢܘ̈ܗܝ ܐܢܘܢ ܕܒܝܫܐ܂
13:39	ܘܙܪܘܥܗܘܢ ܗܘܝܘ ܒܝܫܐ ܘܚܨܕܐ ܫܘܠܡܗ ܕܥܠܡܐ ܘܚܨܘ̈ܕܐ ܡܠܐܟܐ
13:40	ܐܟܙܢܐ ܗܟܝܠ ܕܡܬܠܩܛܝܢ ܙܝܙܢ̈ܐ ܘܝܩܕܝܢ ܒܢܘܪܐ ܗܟܢܐ ܢܗܘܐ ܒܫܘܠܡܗ ܕܥܠܡܐ܂
13:41	ܢܫܕܪ ܒܪܗ ܕܐܢܫܐ ܡܠܐܟܘܗܝ ܘܢܓܒܘܢ ܡܢ ܒܝܬ ܡܠܟܘܬܗ ܟܘܠܗܘܢ ܟܫܠܐ ܘܟܠܗܘܢ ܥ̈ܒܕܝ ܥܘܠܐ
13:42	ܘܢܪܡܘܢ ܐܢܘܢ ܒܐܬܘܢܐ ܕܢܘܪܐ ܬܡܢ ܢܗܘܐ ܒܟܝܐ ܘܚܘܪܩ ܫ̈ܢܐ
13:43	ܘܗܝܕܝܢ ܙܕܝܩ̈ܐ ܢܢܗܪܘܢ ܒܡܠܟܘܬܐ ܕܐܒܘܗܘܢ܂ ܡܢ ܕܐܝܬ ܠܗ ܐܕܢܐ ܕܢܫܡܥ ܢܫܡܥ܀
13:44	ܕܡܝܐ ܡܠܟܘܬܐ ܕܫܡܝܐ ܠܣܝܡܬܐ ܕܣܝܡܐ ܒܩܪܝܬܐ܂ ܕܡܢ ܕܐܫܟܚܗ ܛܫܝܗ܂ ܘܒܚܕܘܬܗ܂ ܐܙܠ ܙܒܢ ܟܠ ܕܐܝܬ ܠܗ ܘܙܒܢ ܠܗ ܠܩܪܝܬܐ ܗܝ܀
13:45	ܬܘܒ ܕܡܝܐ ܡܠܟܘܬܐ ܕܫܡܝܐ ܠܓܒܪܐ ܬܓܪܐ ܕܒܥܐ ܗܘܐ ܡܪܓܢܝܬܐ
13:46	ܘܟܕ ܐܫܟܚ ܡܪܓܢܝܬܐ ܚܕܐ ܛܒܬܐ ܘܝܩܝܪܬ ܕܡܝܐ ܐܙܠ ܙܒܢ ܟܠ ܡܐ ܕܐܝܬ ܠܗ ܘܙܒܢܗ ܠܗ܀
13:47	ܬܘܒ ܕܡܝܐ ܡܠܟܘܬܐ ܕܫܡܝܐ ܠܡܨܝܕܬܐ ܪܒܬܐ ܕܢܦܠܬ ܒܝܡܐ ܘܡܢ ܟܠ ܓܢܣ ܟܢܫܬ
13:48	ܟܕ ܡܠܘܘܗ ܕܝܢ ܢܓܕܘܗ ܠܣܦܪܝ ܝܡܐ ܘܝܬܒܘ ܓܒܝܘ ܢܘ̈ܢܐ ܕܛܒ̈ܝܢ ܛܒܝܢ ܘܕܫܦܠܝܢ ܫܕܘ ܐܢܘܢ ܠܒܪ
13:49	ܗܟܢܐ ܢܗܘܐ ܒܣܘܦܗ ܕܥܠܡܐ ܢܦܩܘܢ ܡܠܐܟܐ ܘܢܦܪܫܘܢ ܠܒܝܫ̈ܐ ܡܢ ܒܝܢܬ ܙܕܝܩ̈ܐ
13:50	ܘܢܪܡܘܢ ܐܢܘܢ ܒܐܬܘܢܐ ܕܢܘܪܐ ܬܡܢ ܢܗܘܐ ܒܟܝܐ ܘܚܘܪܩ ܫܢܐ
13:51	ܐܣܬܟܠܬܘܢ ܗܠܝܢ ܟܠܗܝܢ ܐܡܪܝܢ ܠܗ ܐܝܢ
13:52	ܐܡܪ ܠܗܘܢ ܡܛܠ ܗܢܐ ܟܠ ܣܦܪܐ ܕܡܬܠܡܕ ܠܡܠܟܘܬ ܫܡܝܐ ܕܡܐ ܠܓܒܪܐ ܡܪܒܝܬܐ ܕܡܦܩ ܡܢ ܣܝܡܬܗ ܚܕܬܐ ܘܥܬܝܩܐ܂
13:53	ܘܟܕ ܫܠܡ ܝܫܘܥ ܡܬ̈ܠܐ ܗܠܝܢ ܫܢܝ ܠܗ ܡܢ ܬܡܢ
13:54	ܘܐܬܐ ܠܗ ܠܡܕܝܢܬܗ܂ ܘܡܠܦ ܗܘܐ ܠܗܘܢ ܒܟܢܘ̈ܫܬܗܘܢ ܐܝܟ ܕܢܬܡܗܘܢ܂ ܘܐܡܪܝܢ ܐܝܡܟܐ ܠܗ ܠܗܢܐ ܗܕܐ ܚܟܡܬܐ ܟܠܗ ܘܚܝܠܐ
13:55	ܠܐ ܗܘܐ ܗܢܐ ܒܪ ܝܘܣܦ ܘܫܡܗ ܠܐܡܗ ܡܪܝܡ ܘܐܚܘܗܝ ܝܥܩܘܒ ܘܝܘܣܦ ܘܫܡܥܘܢ ܘܝܗܘܕܐ
13:56	ܘܐܚܘܬܗ ܟܠܗܝܢ ܠܘܬܢ܂ ܡܢ ܐܝܡܟܐ ܠܗ ܗܠܝܢ ܟܠܗܝܢ ܠܗܢܐ
13:57	ܘܡܬܟܫܠܝܢ ܗܘܘ ܒܗ ܝܫܘܥ ܕܝܢ ܐܡܪ ܠܗܘܢ ܠܝܬ ܢܒܝܐ ܕܡܨܛܥܪ ܐܠܐ ܒܡܕܝܢܬܗ ܘܒܒܝܬܗ
13:58	ܘܠܐ ܥܒܕ ܬܡܢ ܚܝܠܐ ܣܓܝܐܐ ܡܛܠ ܚܣܝܪܘܬ ܗܝܡܢܘܬܗܘܢ܀
14:01	ܒܙܒܢܐ ܕܝܢ ܫܡܥ ܗܪܘܕܣ ܪܫܐ ܪܒܝܥܝܐ ܫܡܥܗ ܕܝܫܘܥ܂
14:02	ܘܐܡܪ ܠܥܒ̈ܕܘܗܝ܂ ܗܢܘ ܝܘܚܢܢ ܡܥܡܕܢܐ ܩܡ ܡܢ ܒܝܬ ܡܝܬܐ ܡܛܠ ܗܢܐ ܣܓܝ ܚܝܠܗ܂
14:03	ܗܪܘܕܣ ܓܝܪ ܐܚܕܗ ܗܘܐ ܠܝܘܚܢܢ ܘܐܪܡܝܗ ܒܝܬ ܐܣܝܪ̈ܐ ܡܛܠ ܗܪܘܕܝܐ ܐܢܬܬ ܦܝܠܦܘܣ ܐܚܘܗܝ܂
14:04	ܐܡܪ ܗܘܐ ܠܗ ܓܝܪ ܝܘܚܢܢ ܕܠܐ ܫܠܝܛ ܠܟ ܠܡܣܒܗ܂
14:05	ܘܨܒܐ ܗܘܐ ܠܡܩܛܠܗ ܘܕܚܠ ܗܘܐ ܡܢ ܥܡܗ ܡܛܠ ܕܐܝܟ ܕܠܢܒܝܐ ܐܚܝܕܝܢ ܗܘܘ ܠܗ
14:06	ܘܟܕ ܗܘܐ ܒܝܬ ܝܠܕܗ ܕܗܪܘܕܣ ܥܠܬ ܪܩܕܬ ܒܪܬܗ ܕܗܪܘܕܝܐ ܘܫܦܪܬ ܠܗܪܘܕܣ
14:07	ܘܐܫܬܘܕܝ ܠܗ ܒܡܘܡܬܐ ܕܟܠ ܡܐ ܕܬܫܐܠܝܘܗܝ ܢܬܠ ܠܗ
14:08	ܗܝ ܕܝܢ ܡܛܠ ܕܡܠܦܐ ܗܘܬ ܡܢ ܐܡܗ ܐܡܪܬ ܗܒ ܠܝ ܗܪܟܐ ܒܦܝܢܟܐ ܪܫܗ ܕܝܘܚܢܢ ܡܥܡܕܢܐ
14:09	ܘܟܪܝܬ ܠܗ ܠܡܠܟܐ ܘܡܛܠ ܡܘܡܬܐ ܘܡܛܠ ܣܡܝܟܐ ܦܩܕ ܕܢܬܝܗܒ ܠܗܿ
14:10	ܘܫܕܪ ܫܩܠ ܪܫܗ ܕܝܘܚܢܢ ܡܢ ܒܝܬ ܐܣܝܪ̈ܐ
14:11	ܘܐܝܬܝܘ ܪܫܗ ܕܝܘܚܢܢ ܒܦܝܢܟܐ ܘܐܬܝܗܒ ܠܗ ܠܛܠܝܬܐ ܘܗܝ ܐܘܒܠܬܗ ܠܐܡܗܿ
14:12	ܘܫܩܠܘ ܬܠܡܝܕܘܗܝ ܫܠܕܗ ܘܩܒܪܘܗܝ ܘܐܬܘ ܚܘܝܘ ܠܝܫܘܥ܂
14:13	ܝܫܘܥ ܕܝܢ ܟܕ ܫܡܥ ܫܢܝ ܡܢ ܬܡܢ ܠܐܬܪܐ ܚܘܪܒܐ ܒܠܚܘܕܘܗܝ ܘܟܕ ܫܡܥܘ ܟܢܫܐ ܕܡܢ ܡ̈ܕܝܢܬܐ ܐܙܠܘ ܠܗܘܢ ܒܬܪܗ ܒܪܓܠ܂
14:14	ܘܟܕ ܐܬܟܢܫ ܣ̈ܓܝܐܐ ܐܬܪܚܡ ܥܠܝܗܘܢ ܘܠܟܪܝܗܝܗܘܢ ܐܣܝ܂
14:15	ܘܟܕ ܗܘܐ ܪܡܫܐ ܐܡܪܝܢ ܠܗ ܬܠܡܝܕܘܗܝ ܐܬܪܐ ܚܘܪܒ ܫܪܝ ܠܟܢܫܐ ܢܐܙܠܘܢ ܠܩܘܪ̈ܝܐ ܕܢܙܒܢܘܢ ܠܗܘܢ ܣܝܒܪܬܐ
14:16	ܐܡܪ ܠܗܘܢ ܠܐ ܡܬܒܥܐ ܠܗܘܢ ܠܡܐܙܠ ܗܒܘ ܠܗܘܢ ܐܢܬܘܢ ܠܡܠܥܣ
14:17	ܐܡܪܝܢ ܠܗ ܠܝܬ ܬܢܢ ܂܂܂ ܂܂܂ ܚܡܫ ܂܂܂ ܘܬܪܝܢ ܢܘܢܝܢ
14:18	ܐܡܪ ܠܗܘܢ ܐܝܬܘ ܐܢܘܢ ܠܝ
14:19	ܘܦܩܕ ܠܟܢܫܐ ܕܢܣܬܡܟܘܢ ܥܠ ܝܘܪܩܐ ܘܫܩܠ ܠܗܠܝܢ ܚܡܫ ܓܪܝܨܢ ܘܬܪ̈ܝܢ ܢܘܢܝܢ ܘܚܪ ܒܫܡܝܐ ܘܒܪܟ ܘܩܨܐ ܠܚܡܐ ܘܝܗܒ ܠܬܠܡܝܕܘܗܝ ܘܬܠܡܝܕܘܗܝ ܝܗܒܘ ܠܟܢܫܐ
14:20	ܘܐܟܠܘ ܟܠܗܘܢ ܘܣܒܥܘ ܘܫܩܠܘ ܬܘܬܪ̈ܐ ܕܩܨܝܐ ܡܢ ܩܕܡܝܗܘܢ ܬܪܥܣܪ ܩܘܦܝܢܝܢ ܟܕ ܡܠܝܢ܂
14:21	ܗܘܝܢ ܗܘܘ ܕܝܢ ܗܢܘܢ ܕܐܟܠܘ ܚܡܫܐ ܐܠܦܝܢ ܣܛܪ ܡܢ ܛܠܝ̈ܐ ܘܢܫܐ܂
14:22	ܘܦܩܕ ܠܬܠܡܝܕܘܗܝ ܕܢܬܒܘܢ ܒܐܠܦܐ ܘܢܩܕܡܘܢܗ ܠܥܒܪܐ ܕܝܡܬܐ ܥܕ ܫܪܐ ܠܟܢܫܐ ܗܢܘܢ
14:23	ܘܟܕ ܫܪܐ ܐܢܘܢ ܣܠܩ ܠܛܘܪܐ ܒܠܚܘܕܘܗܝ ܠܡܨܠܝܘ ܘܟܕ ܗܘܐ ܪܡܫܐ ܒܠܚܘܕܘܗܝ ܗܘܐ ܬܡܢ
14:24	ܘܣܦܝܢܬܐ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܗܘܬ ܂܂܂ ܂܂܂ ܂܂܂ ܂܂܂ ܂܂܂ ܘܐܫܬܓܫܬ ܥܠܝܗܘܢ ܝܡܬܐ ܡܛܠ ܕܪܘܚܐ ܠܩܒܠܗܘܢ ܗܘܬ
14:25	ܒܡܛܪܬܐ ܕܝܢ ܪܒܝܥܝܬܐ ܕܠܠܝܐ ܐܬܐ ܠܘܬܗܘܢ ܝܫܘܥ ܟܕ ܡܗܠܟ ܥܠ ܡܝܐ
14:26	ܟܕ ܚܙܘ ܕܡܗܠܟ ܥܠ ܓܠܠܝ ܝܡܐ ܐܬܙܝܥܘ ܘܐܡܪ̈ܝܢ ܕܫܐܕܐ ܗܘ ܘܡܢ ܕܚܠܬܗܘܢ ܝܗܒܘ ܩܠܐ܂
14:27	ܘܝܫܘܥ ܡܚܕܐ ܡܠܠ ܥܡܗܘܢ ܘܐܡܪ ܬܪܣܘ ܐܢܐ ܐܢܐ ܠܐ ܬܕܚܠܘܢ
14:28	ܥܢܐ ܫܡܥܘܢ ܟܐܦܐ ܘܐܡܪ ܠܗ ܐܢ ܐܢܬ ܗܘ ܐܦܣ ܕܐܬܐ ܠܘܬܟ ܥܠ ܡܝܐ
14:29	ܗܘ ܕܝܢ ܐܡܪ ܠܗ ܬܐ ܘܢܚܬ ܫܡܥܘܢ ܟܐܦܐ ܡܢ ܣܦܝܢܬܐ ܘܡܗܠܟ ܗܘܐ ܥܠ ܡܝܐ ܘܐܬܐ ܠܘܬ ܝܫܘܥ
14:30	ܟܕ ܚܙܐ ܪܘܚܐ ܕܥܫܝܢܐ ܕܚܠ ܘܫܪܝ ܠܡܛܒܥ ܘܩܪܐ ܒܩܠܐ ܪܡܐ ܘܐܡܪ ܡܪܝ ܐܚܢܝ
14:31	ܝܫܘܥ ܡܚܕܐ ܐܘܫܛ ܐܝܕܗ ܘܐܚܕܗ ܘܐܡܪ ܠܗ ܙܥܘܪ ܗܝܡܢܘܬܐ ܂܂܂ ܐܬܦܠܓܬ
14:32	ܘܟܕ ܣܠܩܘ ܠܣܦܝܢܬܐ ܦܣܩܬ ܪܘܚܐ
14:33	ܘܩܪܒܘ ܗܢܘܢ ܕܒܣܦܝܢܬܐ ܣܓܕܘ ܠܗ ܘܐܡܪܝܢ ܫܪܝܪܐܝܬ ܐܢܬ ܗܘ ܒܪܗ ܕܐܠܗܐ܀
14:34	ܘܟܕ ܣܠܩܘ ܠܝܒܫܐ ܐܬܘ ܠܓܢܣܪ܂
14:35	ܘܐܫܬܘܕܥܘܗܝ ܒ̈ܢܝ ܐܬܪܐ ܗܘ ܫܕܪܘ ܠܐܬܪܗܘܢ܂ ܘܐܝܬܝܘ ܠܗ ܟܠܗܘܢ ܐܝܠܝܢ ܕܒܝܫ ܒܝܫ ܥܒܝܕܝܢ ܗܘܘ
14:36	ܘܒܥܝܢ ܗܘܘ ܡܢܗ ܕܢܩܪܒܘܢ ܠܟܢܦܐ ܕܡܪܛܘܛܗ ܒܠܚܘܕ ܘܟܠ ܐܝܠܝܢ ܕܩܪܒܝܢ ܗܘܘ ܚܝܝܢ ܗܘܘ܀
15:01	ܗܝܕܝܢ ܩܪܒܘ ܠܗ ܡܢ ܐܘܪܫܠܡ ܣܦܪ̈ܐ ܘܦܪ̈ܝܫܐ ܘܐܡܪܝܢ ܠܗ܂
15:02	ܠܡܢܐ ܥܒܪܝܢ ܬܠܡܝܕܝܟ ܥܠ ܦܘܩܕܢܐ ܕܣܒܝܢ ܠܐ ܓܝܪ ܡܫܝܓܝܢ ܐܝܕܝܗܘܢ ܘܐܟܠܝܢ ܠܚܡܐ
15:03	ܗܘ ܕܝܢ ܥܢܐ ܘܐܡܪ ܠܗܘܢ ܠܡܢܐ ܐܦ ܐܢܬܘܢ ܥܒܪܝܢ ܐܢܬܘܢ ܥܠ ܦܘܩܕܢܐ ܕܐܠܗܐ ܡܛܠ ܦܘܩܕܢܝܟܘܢ܂
15:04	ܐܠܗܐ ܓܝܪ ܐܡܪ ܝܩܪ ܠܐܒܘܟ ܘܠܐܡܟ ܘܡܢ ܕܡܨܚܐ ܠܐܒܘܗܝ ܘܠܐܡܗ ܡܡܬ ܢܡܘܬ܂
15:05	ܐܢܬܘܢ ܕܝܢ ܐܡܪ̈ܝܢ܂ ܐܢܬܘܢ ܕܡܢ ܕܢܐܡܪ ܠܐܒܘܗܝ ܘܠܐܡܗ ܩܘܪܒܢ ܐܢ ܬܬܗܢܐ ܡܢܝ܂ ܘܗܢܐ ܠܐ ܠܐܒܘܗܝ ܘܠܐ ܠܐܡܗ ܡܝܩܪ܂
15:06	ܘܒܛܠܬܘܢ ܡܠܬܐ ܕܐܠܗܐ ܡܛܠ ܦܘܩܕܢܝܟܘܢ܂
15:07	ܢܣܒܝ ܒܐܦܐ ܫܦܝܪ ܐܬܢܒܝ ܥܠܝܟܘܢ ܐܫܥܝܐ ܢܒܝܐ ܕܐܡܪ ܗܘܐ
15:08	ܥܡܐ ܗܢܐ ܒܣܦܘܬܗ ܗܘ ܡܝܩܪ ܠܝ܂ ܘܒܠܒܗ ܪܚܝܩ ܡܢܝ܂
15:09	ܣܪܝܩܐܝܬ ܕܝܢ ܕܚܠܝܢ ܠܝ ܡܠܦܝܢ ܝܘܠܦܢܐ ܕܦܘܩܕܢܐ ܕܒܢܝ ܐܢܫܐ܀
15:10	ܘܩܪܐ ܠܟܢ̈ܫܐ ܘܐܡܪ ܠܗܘܢ ܫܡܥܘ ܘܐܣܬܟܠܘ
15:11	ܕܠܐ ܗܘܐ ܡܕܡ ܕܥܐܠ ܠܦܘܡܐ ܡܣܝܒ ܠܗ ܠܒܪ ܐܢܫܐ ܐܠܐ ܡܕܡ ܕܢܦܩ ܡܢ ܦܘܡܐ܂ ܗܘ ܡܣܝܒ ܠܗ ܠܒܪ ܐܢܫܐ
15:12	ܗܝܕܝܢ ܩܪܒܘ ܬܠܡܝܕܘܗܝ ܘܐܡܪ̈ܝܢ ܠܗ ܝܕܥܬ ܕܦܪ̈ܝܫܐ ܟܕ ܫܡܥܘ ܡܠܬܐ ܗܕܐ ܐܬܟܫܠܘ܂
15:13	ܗܘ ܕܝܢ ܥܢܐ ܘܐܡܪ ܟܠ ܢܨܒܬܐ ܕܐܒܐ ܕܒܫܡܝܐ ܠܐ ܢܨܒܗ ܬܬܥܩܪ
15:14	ܫܒܘܩܘ ܠܗܘܢ ܢܓܘ̈ܕܐ ܐܢܘܢ ܕܣܡ̈ܝܐ܂ ܣܡܝܐ ܕܝܢ ܕܠܣܡܝܐ ܡܕܒܪ ܥܡܗ ܒܓܘܡܨܐ ܢܦܠ܂
15:15	ܥܢܐ ܫܡܥܘܢ ܟܐܦܐ ܘܐܡܪ ܠܗ ܦܫܩ ܠܢ ܡܬܠܐ ܗܢܐ
15:16	ܐܡܪ ܠܗ ܐܦܠܐ ܐܢܬܘܢ ܥܕܡܐ ܠܗܫܐ ܠܐ ܡܣܬܟܠܝܢ ܐܢܬܘܢ܂
15:17	ܠܐ ܝܕܥܝܢ ܐܢܬܘܢ ܕܟܘܠ ܡܕܡ ܕܥܐܠ ܠܦܘܡܐ ܠܟܪܣܐ ܗܘ ܐܙܠ܂ ܘܡܢ ܬܡܢ ܡܫܬܕܐ ܒܬܕܟܝܬܐ
15:18	ܘܡܕܡ ܕܡܢ ܠܒܐ ܢܦܩ ܡܢ ܦܘܡܐ ܗܘ ܢܦܩ ܘܗܘ ܡܣܝܒ ܠܗ ܠܒܪ ܐܢܫܐ
15:19	ܡܢ ܠܒܐ ܗܘ ܓܝܪ ܢܦܩܢ ܡܚܫܒܬܐ ܒܝܫܬܐ ܕܩܛܠܐ ܘܕܓܘܪܐ ܘܕܙܢܝܘܬܐ ܘܕܓܢܒܘܬܐ ܘܕܣܗܕܘܬ ܫܘܩܪܐ ܘܓܘܕܦܐ
15:20	ܗܠܝܢ ܐܢܝܢ ܕܡܣܝܒܢ ܠܗ ܠܒܪ ܐܢܫܐ ܟܕ ܐܢܫ ܓܝܪ ܢܐܟܘܠ ܠܚܡܐ ܟܕ ܠܐ ܡܫܓܢ ܐܝܕܘܗܝ ܠܐ ܡܣܬܝܒ ܒܪ ܐܢܫܐ
15:21	ܘܢܦܩ ܝܫܘܥ ܡܢ ܬܡܢ ܘܐܙܠ ܠܗ ܠܬܚܘܡܐ ܕܨܘܪ ܘܕܨܝܕܢ܂
15:22	ܘܗܐ ܐܢܬܬܐ ܟܢܥܢܝܬܐ ܢܦܩܬ ܡܢܗܘܢ ܡܢ ܬܚ̈ܘܡܐ ܗܢܘܢ܂ ܘܙܥܩܬ ܘܐܡܪܐ ܪܚܡ ܥܠܝ ܡܪܝ ܒܪܗ ܕܕܘܝܕ ܒܪܬܝ ܒܝܫܐܝܬ ܡܬܕܒܪܐ ܡܢ ܫܐܕܐ
15:23	ܗܘ ܕܝܢ ܠܐ ܝܗܒ ܠܗ ܦܬܓܡܐ ܘܩܪܒܘ ܬܠܡܝܕܘܗܝ ܘܒܥܘ ܡܢܗ ܘܐܡܪ̈ܝܢ ܫܪܝܗ ܕܗܐ ܩܥܝܐ ܘܐܬܝܐ ܒܬܪܢ
15:24	ܗܘ ܕܝܢ ܥܢܐ ܘܐܡܪ ܠܗܘܢ ܠܐ ܐܫܬܕܪܬ ܐܠܐ ܠܘܬ ܥܢܐ ܗܠܝܢ ܕܛܥܝ ܡܢ ܒܝܬ ܐܝܣܪܐܝܠ
15:25	ܗܝ ܕܝܢ ܩܪܒܬ ܣܓܕܬ ܠܘܬܗ ܘܐܡܪܐ ܠܗ ܡܪܝ ܥܕܪܝܢܝ܂
15:26	ܗܘ ܕܝܢ ܥܢܐ ܘܐܡܪ ܠܗ ܠܐ ܘܠܐ ܠܡܣܒ ܠܚܡܐ ܕܒܢܝܐ ܪܡܝܢ ܠܟܠܒܐ
15:27	ܐܡܪܐ ܠܗ ܐܝܢ ܡܪܝ ܐܦ ܟܠܒ̈ܐ ܐܟܠܝܢ ܡܢ ܦܬܘܪ̈ܐ ܕܡܪ̈ܝܗܘܢ ܘܚܝܝܢ܂
15:28	ܗܝܕܝܢ ܥܢܐ ܘܐܡܪ ܐܘ ܐܢܬܬܐ ܪܒܐ ܗܝ ܗܝܡܢܘܬܟܝ ܢܗܘܐ ܠܟܝ ܐܝܟ ܕܨܒܝܬܝ܂ ܘܡܢ ܗܕܐ ܫܥܬܐ ܐܬܐܣܝܬ ܒܪܬܟܝ
15:29	ܘܫܢܝ ܠܗ ܡܢ ܬܡܢ ܝܫܘܥ ܘܐܬܐ ܠܗ ܥܠ ܝܕ ܝܡܬܐ ܕܓܠܝܠܐ ܘܣܠܩ ܝܬܒ ܠܗ ܒܛܘܪܐ
15:30	ܘܩܪܒܘ ܠܗ ܟܢܫ̈ܐ ܣܓܝ̈ܐܐ ܘܐܝܬ ܥܡܗܘܢ ܚܓܝܪ̈ܐ ܘܡܥܘܪ̈ܐ ܘܚܓܝ̈ܣܐ ܘܚܪܫܐ ܘܣ̈ܓܝܐܐ ܐܚܪ̈ܢܐ܂ ܘܫܕܘ ܐܢܘܢ ܬܚܝܬ ܪ̈ܓܠܘܗܝ ܘܐܣܝ ܐܢܘܢ
15:31	ܘܡܬܕܡܪܝܢ ܗܘܘ ܟܢܫܐ ܕܚܙܝܢ ܚܪܫܐ ܕܡܡܠܠܝܢ ܘܚܓܝܪ̈ܐ ܕܡܗܠܟܝܢ ܘܣܡܝܐ ܕܚܙܝܢ ܘܡܫܒܚܝܢ ܗܘܘ ܠܐܠܗܐ ܕܐܝܣܪܐܝܠ܀
15:32	ܘܩܪܐ ܝܫܘܥ ܠܬܠܡܝܕܘܗܝ ܘܐܡܪ ܡܬܪܚܡ ܐܢܐ ܥܠ ܟܢܫܐ ܗܢܐ ܕܗܐ ܬܠܬ̈ܐ ܝܘܡܝܢ ܡܩܘܝܢ ܠܘܬܝ ܘܠܝܬ ܠܗܘܢ ܡܐ ܕܢܐܟܠܘܢ ܘܕܐܫܪܐ ܐܢܘܢ ܟܕ ܨܝܡܝܢ ܠܐ ܨܒܢܐ܂ ܕܠܐ ܢܥܘܦܘܢ ܠܗܘܢ ܒܐܘܪܚܐ܂
15:33	ܐܡܪܝܢ ܠܗ ܬܠܡܝܕܘܗܝ ܡܢ ܐܝܡܟܐ ܠܢ ܠܚܡܐ ܒܚܘܪܒܐ ܠܡܠܥܣܘ ܠܟܠܗ ܟܢܫܐ ܗܢܐ
15:34	ܐܡܪ ܠܗܘܢ ܝܫܘܥ ܟܡܐ ܠܚ̈ܡܝܢ ܐܝܬ ܥܠܝܟܘܢ܂ ܐܡܪ̈ܝܢ ܫ̈ܒܥ ܓܪ̈ܝܨܢ ܘܢܘܢܐ ܩܠܝܠ
15:35	ܘܦܩܕ ܠܟܢܫܐ ܕܢܣܬܡܟܘܢ܂ ܥܠ ܐܪܥܐ
15:36	ܘܢܣܒ ܠܗܠܝܢ ܫܒܥ ܓܪ̈ܝܨܢ ܘܢܘ̈ܢܐ܂ ܘܒܪܟ ܘܩܨܐ ܘܝܗܒ ܠܬܠܡܝܕܘܗܝ ܘܬܠܡܝܕܘܗܝ ܣܡܘ ܠܟܢܫ̈ܐ
15:37	ܘܐܟܠܘ ܟܘܠܗܘܢ ܘܣܒܥܘ܂ ܘܫܩܠܘ ܡܢ ܩܕܡܝܗܘܢ ܬܘܬܪ̈ܐ ܕܠܚ̈ܡܐ ܫܒܥܐ ܣܦܪܝܕܝܢ ܟܕ ܡ̈ܠܝܢ܂
15:38	ܗܘܝܢ ܗܘܘ ܕܝܢ ܐܢܫܐ ܕܐܟܠܘ ܐܪܒܥܐ ܐ̈ܠܦܝܢ ܣܛܪ ܡܢ ܢܫ̈ܐ ܘܛܠܝܐ
15:39	ܘܟܕ ܫܪܐ ܠܟܢܫܐ ܣܠܩ ܝܬܒ ܠܗ ܒܣܦܝܢܬܐ ܘܐܬܐ ܠܗ ܠܬܚܘܡܐ ܕܡܓܕܢ܀
16:01	ܘܩܪܒܘ ܦܪ̈ܝܫܐ ܘܙܕܘܩܝܐ ܘܡܢܣܝܢ ܠܗ ܘܫܐܠܝܢ ܠܗ ܐܬܐ ܡܢ ܫܡܝܐ ܕܢܚܘܐ ܐܢܘܢ܂
16:02	ܗܘ ܕܝܢ ܥܢܐ ܘܐܡܪ
16:04	ܫܪܒܬܐ ܒܝܫܬܐ ܘܓܝܪܬܐ ܐܬܐ ܒܥܝܐ܂ ܘܐܬܐ ܠܐ ܬܬܝܗܒ ܠܗ܂ ܐܠܐ ܐܢ ܐܬܗ ܕܝܘܢܢ ܢܒܝܐ ܘܫܒܩ ܐܢܘܢ ܘܐܙܠ ܠܗ
16:05	ܘܟܕ ܐܬܘ ܠܥܒܪܐ ܛܥܘ ܬܠܡ̈ܝܕܘܗܝ ܕܢܣܒܘܢ ܥܡܗܘܢ ܠܚܡܐ
16:06	ܐܡܪ ܠܗܘܢ ܝܫܘܥ ܐܙܕܗܪܘ ܡܢ ܚܡܝܪܐ ܕܦܪ̈ܝܫܐ ܘܕܙܕܘ̈ܩܝܐ
16:07	ܗܝܕܝܢ ܡܬܚܫܒܝܢ ܗܘܘ ܒܝܢܬܗܘܢ ܕܠܐ ܢܣܒܘ ܥܡܗܘܢ ܠܚܡܐ
16:08	ܝܫܘܥ ܕܝܢ ܝܕܥ ܘܐܡܪ ܡܢܐ ܡܬܚܫܒܝܢ ܐܢܬܘܢ ܒܝܢܬܟܘܢ ܚܣܝܪܝ ܗܝܡܢܘܬܐ ܕܠܐ ܢܣܒܬܘܢ ܠܟܘܢ ܠܚܡܐ
16:09	ܠܐ ܥܕܡܐ ܠܗܫܐ ܡܣܬܟܠܝܢ ܐܢܬܘܢ ܠܐ ܥܗܕܝܢ ܐܢܬܘܢ ܠܚܡܫܐ ܠܚܡܝܢ ܘܚܡܫܐ ܐ̈ܠܦܝܢ ܕܐܟܠܘ ܡܢܗܘܢ ܘܟܡܐ ܩܘܦܝܢܝܢ ܢܣܒܬܘܢ ܡܢ ܩܕܡܝܗܘܢ܂
16:10	ܐܦܠܐ ܠܗܢܘܢ ܫܒܥܐ ܠܚܡ̈ܝܢ ܕܗܢܘܢ ܐܪܒܥܐ ܐ̈ܠܦܝܢ ܕܐܟܠܘ ܡܢܗܘܢ ܘܟܡܐ ܣܦܪܝܕܝܢ ܢܣܒܬܘܢ ܡܢ ܩܕܡܝܗܘܢ
16:11	ܐܝܟܘ ܠܐ ܡܣܬܟܠܝܢ ܐܢܬܘܢ ܕܠܐ ܗܘܐ ܥܠ ܠܚܡܐ ܐܡܪܬ ܠܟܘܢ ܐܙܕܗܪܘ ܡܢ ܚܡܝܪܐ ܕܦܪ̈ܝܫܐ ܘܕܙ̈ܕܘܩܝܐ
16:12	ܗܝܕܝܢ ܐܣܬܟܠܘ ܕܠܐ ܗܘܐ ܡܢ ܚܡܝܪܐ ܐܡܪ ܠܡܙܕܗܪܘ ܐܠܐ ܡܢ ܝܘܠܦܢܗܘܢ ܕܦܪ̈ܝܫܐ ܘܕܙܕܘܩܝܐ܂
16:13	ܘܟܕ ܐܬܐ ܝܫܘܥ ܠܬܚܘܡܐ ܕܩܣܪܝܐ ܕܦܝܠܝܦܘܣ ܡܫܐܠ ܗܘܐ ܠܬܠܡܝܕܘܗܝ ܘܐܡܪ ܡܢܐ ܐܡܪ̈ܝܢ ܥܠܝ ܐܢܫܐ ܡܢܘ ܠܡ ܗܢܐ ܒܪܗ ܕܐܢܫܐ
16:14	ܐܡܪܝܢ ܠܗ ܐܝܬ ܕܐܡܪ̈ܝܢ ܕܝܘܚܢܢ ܗܘ ܡܥܡܕܢܐ܂ ܐܚܪ̈ܢܐ ܐܡܪ̈ܝܢ ܕܐܠܝܐ ܗܘ ܐܚܪ̈ܢܐ ܐܡܪ̈ܝܢ ܕܐܪܡܝܐ ܗܘ܂ ܐܚܪ̈ܢܐ ܐܡܪ̈ܝܢ ܕܚܕ ܡܢ ܢܒܝܐ ܗܘ
16:15	ܐܡܪ ܠܗܘܢ ܐܢܬܘܢ
17:11	ܡܕܡ܂
17:12	ܐܡܪܢܐ ܠܟܘܢ ܕܝܢ ܕܐܦ ܐܠܝܐ ܐܬܐ ܘܠܐ ܝܕܥܘܗܝ ܐܠܐ ܥܒܕܘ ܒܗ ܟܠ ܡܐ ܕܨܒܘ܂ ܘܒܪܗ ܕܐܢܫܐ ܥܬܝܕ ܗܘ ܕܢܚܫ ܡܢܗܘܢ܂
17:13	ܗܝܕܝܢ ܐܣܬܟܠܘ ܬܠܡ̈ܝܕܘܗܝ ܕܥܠ ܝܘܚܢܢ ܗܘ ܐܡܪ ܠܗܘܢ܀
17:14	ܘܟܕ ܐܬܐ ܝܫܘܥ ܠܘܬ ܟܢܫܐ ܐܬܐ ܓܒܪܐ ܚܕ ܢܦܠ ܥܠ ܒܘܪ̈ܟܘܗܝ܂
17:15	ܘܐܡܪ ܐܬܪܚܡ ܥܠܝ ܒܪܝ ܪܘܚ ܦܠܓܐ ܥܕܝܐ ܥܠܘܗܝ ܘܩܫܝܐܝܬ ܥܒܝܕ ܘܟܡܐ ܙܒܢܝܢ ܓܝܪ ܒܢܘܪܐ ܢܦܠ ܘܟܡܐ ܙܒܢ̈ܝܢ ܒܡ̈ܝܐ܂
17:16	ܘܩܪܒܬܗ ܠܬܠܡܝ̈ܕܝܟ ܘܠܐ ܐܫܟܚܘ ܠܡܐܣܝܘܬܗ
17:17	ܥܢܐ ܝܫܘܥ ܘܐܡܪ ܐܘ ܫܪܒܬܐ ܡܦܬܠܬܐ ܘܕܠܐ ܗܝܡܢܘ ܥܕܡܐ ܠܐܡܬܝ ܐܗܘܐ ܠܘܬܟܘܢ ܘܐܣܝܒܪܟܘܢ ܐܝܬܝܗܝ ܠܝ ‍{‍ܠܒܪܟ‍}‍ ܠܗܪܟܐ
17:18	ܘܟܐܐ ܒܗ ܝܫܘܥ ܘܢܦܩ ܡܢܗ ܫܐܕܐ܂ ܘܡܢ ܗܝ ܫܥܬܐ ܐܬܐܣܝ ܗܘ ܛܠܝܐ
17:19	ܗܝܕܝܢ ܩܪܒܘ ܬܠܡ̈ܝܕܘܗܝ ܒܝܢܝܗܘܢ ܘܠܗ܂ ܘܐܡܪܝܢ ܠܡܢܐ ܠܐ ܐܫܟܚܝܢ ܐܢܚܢܢ ܠܡܐܣܝܘܬܗ܂
17:20	ܐܡܪ ܠܗܘܢ ܡܛܠ ܕܠܝܬ ܠܟܘܢ ܗܝܡܢܘܬܐ܂ ܐܡܝܢ ܓܝܪ ܐܡܪܢܐ ܠܟܘܢ܂ ܕܐܠܘ ܐܝܬ ܗܘܬ ܒܟܘܢ ܗܝܡܢܘܬܐ ܐܝܟ ܦܪܕܬܐ ܕܚܪܕܠܐ ܐܡܪܬܘܢ ܕܝܢ ܠܛܘܪܐ ܗܢܐ ܕܐܫܬܢܐ ܘܢܫܢܐ܂ ܘܡܕܡ ܠܐ ܢܚܣܢܟܘܢ܂
17:22	ܘܟܕ ܗܢܘܢ ܡܬܗܦܟܝܢ ܒܓܠܝܠܐ ܐܡܪ ܠܗܘܢ ܝܫܘܥ ܥܬܝܕ ܗܘ ܒܪܗ ܕܐܢܫܐ ܕܢܫܬܠܡ ܒܐܝܕ̈ܝ ܒܢܝ ܐܢܫܐ
17:23	ܘܢܩܛܠܘܢܗ ܘܡܢ ܒܬܪ ܬܠܬܐ ܝܘܡܝܢ ܢܩܘܡ ܘܟܪܝܬ ܠܗܘܢ ܛܒ
17:24	ܘܟܕ ܐܬܘ ܠܟܦܪܢܚܘܡ ܐܬܘ ܗܢܘܢ ܕܓܒܝܢ ܙܘܙܐ ܘܐܡܪܝܢ ܠܫܡܥܘܢ ܪܒܟ ܠܐ ܝܗܒ ܙܘ̈ܙܘܗܝ
17:25	ܐܡܪ ܐܝܢ ܘܟܕ ܥܠ ܠܒܝܬܗ ܩܕܡܗ ܝܫܘܥ ܘܐܡܪ ܠܗ ܡܢܐ ܡܨܛܒܐ ܠܟ ܫܡܥܘܢ܂ ܡ̈ܠܟܝܗ ܕܐܪܥܐ ܡܢ ܡܢ ܓܒܝܢ ܡܟܣܐ܂ ܘܟܣܦ ܪܫܐ܂ ܡܢ ܒܢܝܗܘܢ ܐܘ ܡܢ ܢܘܟܪ̈ܝܐ܂
17:26	ܐܡܪ ܠܗ ܡܢ ܢܘܟܪ̈ܝܐ ܐܡܪ ܠܗ ܝܫܘܥ ܡܕܝܢ ܒ̈ܢܝ ܚܐܪ̈ܐ ܐܢܘܢ ܒܢܝܐ܂
17:27	ܕܠܐ ܕܝܢ ܢܟܫܠ ܐܢܘܢ܂ ܐܙܠ ܐܪܡܐ ܨܢܪܬܐ ܒܝܡܐ ܘܢܘܢܐ ܩܕܡܝܐ ܕܣܠܩ ܣܒ ܘܦܬܚ ܦܘܡܗ܂ ܘܬܫܟܚ ܬܡܢ ܐܣܬܪܐ ܗܒ ܠܗܘܢ ܚܠܦܝ ܘܚܠܦܝܟ܂
18:01	ܒܗܘ ܝܘܡܐ ܩܪܒܘ ܬܠܡܝ̈ܕܘܗܝ ܐܡܪܝܢ ܠܗ܂ ܡܢܘ ܟܝ ܢܗܘܐ ܪܒ ܒܡܠܟܘܬܐ ܕܫܡܝܐ܂
18:02	ܩܪܐ ܝܫܘܥ ܛܠܝܐ ܚܕ ܘܐܩܝܡܗ ܒܝܢܬܗܘܢ
18:03	ܘܐܡܪ ܐܡܝܢ ܐܡܪܢܐ ܠܟܘܢ ܕܐܠܐ ܬܬܗܦܟܘܢ ܬܗܘܘܢ ܐܝܟ ܛܠܝ̈ܐ܂ ܠܐ ܬܥܠܘܢ ܠܡܠܟܘܬܐ ܕܫܡܝܐ܂
18:04	ܡܢ ܕܢܡܟ ܓܝܪ ܢܦܫܗ ܐܝܟ ܛܠܝܐ ܗܢܐ ܗܘ ܢܗܘܐ ܪܒ ܒܡܠܟܘܬܐ ܕܫܡܝܐ
18:05	ܘܟܠ ܕܢܩܒܠ ܐܝܟ ܚܕ ܡܢ ܗܠܝܢ ܛܠܝ̈ܐ ܒܫܡܝ ܠܝ ܗܘ ܡܩܒܠ
18:06	ܘܟܠ ܕܢܟܫܠ ܠܚܕ ܡܢ ܗܠܝܢ ܙܥܘܪ̈ܐ܂ ܕܡܗܝܡܢܝܢ ܒܝ܂ ܦܩܚ ܗܘܐ ܠܗ ܕܬܗܘܐ ܪܡܝܐ ܪܚܝܐ ܕܚܡܪܐ ܒܨܘܪܗ ܘܡܛܒܥ ܒܥܘܡܩܐ ܕܝܡܐ܀
18:07	ܘܝ ܠܗ ܠܥܠܡܐ ܡܢ ܡܟܫܘ̈ܠܐ ܕܐܬܝܢ܂ ܕܥܬܝܕܝܢ ܐܢܘܢ ܓܝܪ ܕܢܐܬܘܢ ܡܟܫܘ̈ܠܐ ܐܠܐ ܘܝ ܠܓܒܪܐ ܕܒܐܝܕܗ ܢܐܬܘܢ܂
18:08	ܐܢ ܕܝܢ ܐܝܕܟ ܐܘ ܪܓܠܟ ܡܟܫܠܐ ܠܟ ܦܣܘܩ ܫܕܝܗ ܡܢܟ܂ ܦܩܚ ܠܟ ܓܝܪ ܕܬܐܬܐ ܠܚܝ̈ܐ ܟܕ ܐܢ ܚܓܝܪ ܐܢܬ ܐܘ ܟܕ ܚܓܝܣ ܘܠܐ ܟܕ ܐܝܬ ܠܟ ܬܪ̈ܬܝܢ ܐܝ̈ܕܝܢ ܐܘ ܬܪ̈ܬܝܢ ܪ̈ܓܠܝܢ ܘܬܐܙܠ ܠܢܘܪܐ ܕܠܥܠܡ܂
18:09	ܐܢ ܥܝܢܟ ܡܟܫܠܐ ܠܟ ܚܨܝܗ ܫܕܝܗ ܡܢܟ ܦܩܚ ܠܟ ܓܝܪ ܕܬܥܘܠ ܠܚܝܐ܂ ܟܕ ܐܝܬ ܠܟ ܚܕܐ ܥܝܢܐ ܘܠܐ ܟܕ ܐܝܬ ܠܟ ܬܪ̈ܬܝܢ ܘܬܐܙܠ ܠܓܗܢܐ ܕܢܘܪܐ܀
18:10	ܚܙܘ ܕܠܡܐ ܬܒܣܘܢ ܒܚܕ ܡܢ ܗܠܝܢ ܙܥܘܪ̈ܐ ܐܡܪܢܐ ܠܟܘܢ ܓܝܪ ܕܡܠܐܟܝܗܘܢ ܒܟܘܠܙܒܢ ܚܙܝܢ ܐܦܘܗܝ ܕܐܒܝ ܕܒܫܡܝܐ
18:12	ܐܝܟܢܐ ܡܬܚܙܐ ܠܟܘܢ܂ ܐܢ ܢܗܘܝܢ ܠܓܒܪܐ ܡܐܐ ܥܢܐ ܘܬܛܥܐ ܚܕܐ ܡܢܗܝܢ ܘܠܐ ܫܒܩ ܬܫ̈ܥܝܢ ܘܬܫܥ ܒܛܘܪܐ ܘܐܙܠ ܒܥܐ ܠܗܝ ܕܛܥܬ
18:13	ܘܡܐ ܕܐܫܟܚܗ ܐܡܝܢ ܐܡܪܢܐ ܠܟܘܢ܂ ܕܚܕܐ ܒܗ܂ ܝܬܝܪ ܡܢ ܗܠܝܢ ܬܫ̈ܥܝܢ ܘܬܫܥ ܕܠܐ ܛܥܝ
18:14	ܗܟܢܐ ܠܐ ܨܒܐ ܐܒܝ ܕܒܫܡܝܐ܂ ܕܢܐܒܕ ܚܕ ܡܢ ܗܠܝܢ ܙܥܘܪ̈ܐ܀
18:15	ܐܿܢ ܕܝܢ ܢܣܟܠ ܒܟ ܐܚܘܟ܂ ܐܟܣܝܗܝ ܒܝܢܝܟ ܘܠܗ܂ ܐܢ ܫܡܥܟ ܝܬܪܬ ܐܚܘܟ܂
18:16	ܐܢ ܕܝܢ ܠܐ ܢܫܡܥܟ܂ ܕܒܪ ܥܡܟ ܬܘܒ ܚܕ ܐܘ ܬܪ̈ܝܢ ܕܥܠ ܦܘܡ ܬܪ̈ܝܢ ܘ̈ܬܠܬܐ ܣܗܕܝܢ ܬܩܘܡ ܟܘܠ ܡܠܐ
18:17	ܐܢ ܕܝܢ ܠܐ ܢܫܡܥ ܐܢܘܢ ܐܡܪ ܠܟܢܘܫܬܐ ܘܐܢ ܠܟܢܘܫܬܐ ܠܐ ܢܫܡܥ ܢܬܚܫܒ ܠܟ ܐܝܟ ܚܢܦܐ ܘܐܝܟ ܡܟܣܐ
18:18	ܘܐܡܝܢ ܐܡܪܢܐ ܠܟܘܢ ܡܕܡ ܕܬܐܣܪܘܢ ܒܐܪܥܐ ܢܗܘܐ ܐܣܝܪ ܒܫܡܝܐ ܘܡܕܡ ܕܬܫܪܘܢ ܒܐܪܥܐ ܢܗܘܐ ܫܪܐ ܒܫܡܝܐ
18:19	ܬܘܒ ܐܡܝܢ ܐܡܪ ܐܢܐ ܠܟܘܢ ܕܐܢ ܬܪܝܢ ܡܢܟܘܢ ܢܫܬܘܘܢ ܥܠ ܐܪܥܐ ܥܠ ܟܘܠ ܨܒܘ ܡܕܡ ܕܢܫܐܠܘܢ ܢܗܘܐ ܠܗܘܢ ܡܢ ܠܘܬ ܐܒܝ ܕܒܫܡܝܐ
18:20	ܠܝܬ ܓܝܪ ܬܪ̈ܝܢ ܐܘ ܬܠܬܐ ܕܟܢܝܫܝܢ ܒܫܡܝ܂ ܕܠܐ ܐܢܐ ܒܝܢܬܗܘܢ܀
18:21	ܗܝܕܝܢ ܩܪܒ ܫܡܥܘܢ ܟܐܦܐ ܘܐܡܪ ܡܪܝ ܟܡܐ ܙܒܢ̈ܝܢ ܐܢ ܢܣܟܠ ܒܝ ܐܚܝ܂ ܐܫܒܘܩ ܠܗ܂ ܥܕܡܐ ܠܫ̈ܒܥ
18:22	ܐܡܪ ܠܗ ܠܐ ܫܒ̈ܥ ܐܠܐ ܥܠ ܫܒܥܝܢ ܙܒܢܝܢ ܫ̈ܒܥ ܫ̈ܒܥ܀
18:23	ܡܛܠ ܗܢܐ ܕܡܝܐ ܡܠܟܘܬܐ ܕܫܡܝܐ ܠܓܒܪܐ ܡܠܟܐ ܕܨܒܐ ܠܡܣܒ ܚܫܒܢܐ ܡܢ ܥܒܕܘܗܝ
18:24	ܘܟܕ ܫܪܝ ܠܡܣܒ ܩܪܒ ܠܗ ܕܚܝܒ ܗܘܐ ܠܗ ܒܪܒܘ ܟܟܪܝܢ
18:25	ܘܟܕ ܠܝܬ ܗܘܐ ܠܗ ܠܡܦܪܥ ܦܩܕ ܕܢܙܒܢܘܢܗ ܠܗ ܘܠܐܢܬܬܗ ܘܠܒܢܘܗܝ ܘܢܬܢܣܒ ܟܠ ܡܕܡ ܕܐܝܬ ܠܗ
18:26	ܢܦܠ ܥܒܕܐ ܗܘ ܘܣܓܕ ܠܡܪܗ ܘܐܡܪ ܐܓܪ ܥܠܝ ܪܘܚܐ܂ ܘܟܠܡܕܡ ܐܦܪܘܥ
18:27	ܘܐܬܪܚܡ ܥܠܘܗܝ ܘܫܪܝܗܝ ܘܐܦ ܚܘܒܬܐ ܫܒܩ ܠܗ
18:28	ܢܦܩ ܗܘ ܥܒܕܐ ܘܐܫܟܚ ܚܕ ܡܢ ܟܢܘ̈ܬܗ ܕܚܝܒ ܗܘܐ ܠܗ ܕܝܢܪܐ ܡܐܐ ܘܐܚܕܗ ܘܚܢܩ ܗܘܐ ܠܗ܂ ܘܐܡܪ ܗܒ ܠܝ ܡܐ ܕܚܝܒ ܐܢܬ ܠܝ
18:29	ܘܢܦܠ ܗܘܐ ܟܢܬܗ ܒܥܐ ܗܘܐ ܡܢܗ܂ ܘܐܡܪ ܐܿܓܪ ܥܠܝ ܪܘܚܐ ܘܐܦ ܐܢܐ ܦܪܥܢܐ܂
18:30	ܗܘ ܕܝܢ ܠܐ ܩܒܠ ܒܥܘܬܗ܂ ܐܠܐ ܐܪܡܝܗ ܒܝܬ ܐܣܝܪ̈ܐ ܥܕܡܐ ܕܢܦܪܘܥ ܡܐ ܕܚܝܒ
18:31	ܟܕ ܚܙܘ ܕܝܢ ܟܢܘܬܗ ܐܝܠܝܢ ܕܗܘܝ ܟܪܝܬ ܠܗܘܢ ܘܐܬܘ ܐܫܬܥܝܘ ܠܡܪܗܘܢ ܟܘܠ ܡܐ ܕܗܘܐ
18:32	ܗܝܕܝܢ ܩܪܝܗܝ ܡܪܗ ܘܐܡܪ ܠܗ ܥܒܕܐ ܒܝܫܐ ܗܝ ܟܘܠܗ ܚܘܒܬܐ ܫܒܩܬ ܠܟ ܡܛܠ ܕܒܥܝܬ ܡܢܝ
18:33	ܠܐ ܚܝܒ ܗܘܝܬ ܕܬܚܘܢ ܠܟܢܬܟ܂ ܐܝܟܢܐ ܕܐܢܐ ܚܢܬܟ
18:34	ܘܪܓܙ ܥܠܘܗܝ ܡܪܗ ܘܐܫܠܡܗ ܕܢܗܘܐ ܡܬܢܓܕ ܥܕܡܐ ܕܢܦܪܘܥ ܡܐ ܕܚܝܒ܂
18:35	ܗܟܢܐ ܢܥܒܕ ܠܟܘܢ ܐܒܝ ܕܒܫܡܝܐ ܐܠܐ ܬܫܒܩܘܢ ܐܢܫ ܠܐܚܘܗܝ ܡܢ ܠܒܟܘܢ܀
19:01	ܘܗܘܐ ܕܟܕ ܫܠܡ ܝܫܘܥ ܡܠܐ ܗܠܝܢ ܫܢܝ ܠܗ ܡܢ ܓܠܝܠܐ ܘܐܬܐ ܠܗ ܠܬܚܘܡܐ ܕܝܗܘܕ ܠܥܒܪܐ ܕܝܘܪܕܢܢ܂
19:02	ܘܐܬܘ ܒܬܪܗ ܟܢܫ̈ܐ ܣܓ̈ܝܐܐ ܘܐܣܝ ܐܢܘܢ܀
19:03	ܘܩܪܒܘ ܠܗ ܬܡܢ ܦܪ̈ܝܫܐ ܘܡܢܣܝܢ ܗܘܘ ܠܗ ܘܐܡܪܝܢ ܕܐܢ ܫܠܝܛ ܠܓܒܪܐ ܕܢܫܪܐ ܐܢܬܬܗ ܥܠ ܟܘܠ ܥܠܐ
19:04	ܗܘ ܕܝܢ ܥܢܐ ܘܐܡܪ ܠܗܘܢ ܠܐ ܩܪܝܬܘܢ ܕܡܢ ܕܥܒܕ ܠܕܟܪܐ ܐܦ ܠܢܩܒܬܐ ܗܘ ܥܒܕ
19:05	ܡܛܠ ܗܢܐ ܢܫܒܘܩ ܓܒܪܐ ܠܐܒܘܗܝ ܘܠܐܡܗ ܘܢܩܦ ܠܐܢܬܬܗ ܘܢܗܘܘܢ ܬܪ̈ܝܗܘܢ ܚܕ ܒܣܪ
19:06	ܡܟܝܠ ܠܐ ܗܘܘ ܬܪ̈ܝܢ ܐܠܐ ܚܕ ܐܢܘܢ ܒܣܪ ܡܕܡ ܕܐܠܗܐ ܙܘܓ ܒܪ ܐܢܫܐ ܠܐ ܢܦܪܫ
19:07	ܐܡܪܝܢ ܠܗ ܡܢܘ ܕܡܘܫܐ ܦܩܕ ܕܡܢ ܕܨܒܐ ܕܢܫܪܐ ܐܢܬܬܗ ܢܬܠ ܠܗܿ ܐܓܪܬܐ ܕܕܘܠܠܐ
19:08	ܐܡܪ ܠܗܘܢ ܡܘܫܐ ܡܛܠ ܩܫܝܘܬܐ ܕܠܒܟܘܢ ܗܘ ܐܦܣ ܠܟܘܢ ܕܬܫܪܘܢ ܢܫܝܟܘܢ ܡܢ ܒܪܫܝܬ ܕܝܢ ܠܐ ܗܘܐ ܗܟܢܐ
19:09	ܐܡܪܢܐ ܠܟܘܢ ܕܝܢ ܕܡܢ ܕܢܫܪܐ ܐܢܬܬܗ ܕܠܐ ܓܘܪܐ ܘܢܣܒ ܐܚܪܬܐ ܡܓܪ ܓܐܪ
19:10	ܐܡܪܝܢ ܠܗ ܬܠܡܝܕܘܗܝ ܐܢ ܗܟܢܐ ܐܝܬ ܥܕܠܝܐ ܒܝܬ ܓܒܪܐ ܠܐܢܬܬܐ ܠܐ ܦܩܚ ܠܡܣܒ ܐܢܬܬܐ܂
19:11	ܐܡܪ ܠܗܘܢ ܠܐ ܗܘܐ ܟܠ ܐܢܫ ܣܦܩ ܠܗ ܠܡܠܬܐ ܗܕܐ ܐܠܐ ܐܝܠܝܢ ܕܝܗܝܒ ܠܗܘܢ
19:12	ܐܝܬ ܓܝܪ ܡܗܝܡܢܐ ܕܡܢ ܟܪܣܐ ܕܐܡܗܘܢ ܗܘܘ ܡܗܝܡܢܐ ܐܝܬ ܡܗܝܡܢܐ ܕܒܢ̈ܝ ܐܢܫܐ ܥܒܕܘ ܐܢܘܢ ܘܐܝܬ ܕܗܢܘܢ ܥܒܕܘ ܢܦܫܗܘܢ ܡܗܝܡܢܐ ܡܛܠ ܡܠܟܘܬܐ ܕܫܡܝܐ ܟܘܠ ܕܡܨܐ ܒܚܝܠܐ ܕܢܣܝܒܪ ܢܣܝܒܪ܀
19:13	ܗܝܕܝܢ ܩܪܒܘ ܠܗ ܛܠܝ̈ܐ ܕܢܣܝܡ ܐܝܕܗ ܥܠܝܗܘܢ ܘܢܨܠܐ܂ ܘܟܐܘ ܒܗܘܢ ܬܠܡܝܕܘܗܝ܂
19:14	ܐܡܪ ܠܗܘܢ ܝܫܘܥ ܫܒܘܩܘ ܛܠܝܐ ܐܬܝܢ ܠܘܬܝ ܘܠܐ ܬܟܠܘܢ ܐܢܘܢ܂ ܐܝܠܝܢ ܓܝܪ ܕܐܝܟ ܗܠܝܢ ܐܢܘܢ ܕܝܠܗܘܢ ܗܝ ܡܠܟܘܬܐ ܕܫܡܝܐ
19:15	ܘܣܡ ܐܝܕܗ ܥܠܝܗܘܢ ܘܐܙܠ܀
19:16	ܘܩܪܒ ܓܒܪܐ ܚܕ ܘܐܡܪ ܠܗ ܡܠܦܢܐ ܛܒܐ ܡܢܐ ܐܥܒܕ ܕܛܒ ܕܐܪܬ ܚܝ̈ܐ ܕܠܥܠܡ
19:17	ܐܡܪ ܠܗ ܡܢܐ ܡܫܐܠ ܐܢܬ ܠܝ ܥܠ ܛܒܐ ܚܕ ܗܘ ܓܝܪ ܛܒܐ ܐܢ ܨܒܝܬ ܕܝܢ ܕܬܐܬܐ ܠܚܝܐ ܢܛܪ ܦܘܩ̈ܕܢܐ
19:18	ܐܡܪ ܠܗ ܐܝܠܝܢ ܐܡܪ ܠܗ ܝܫܘܥ ܠܐ ܬܩܛܘܠ ܠܐ ܬܓܘܪ ܘܠܐ ܬܣܗܕ ܣܗܕܘܬܐ ܕܫܘܩܪܐ
19:19	ܝܩܪ ܠܐܒܘܟ ܘܠܐܡܟ ܘܬܪܚܡ ܠܩܪܝܒܟ ܐܝܟ ܢܦܫܟ
19:20	ܐܡܪ ܠܗ ܗܘ ܥܠܝܡܐ ܗܠܝܢ ܟܘܠܗܝܢ ܢܛܪܬ ܐܢܝܢ ܗܐ ܡܢ ܕܛܠܐ ܐܢܐ
19:21	ܐܡܪ ܠܗ ܝܫܘܥ ܐܢ ܨܒܝܬ ܕܬܗܘܐ ܓܡܝܪ ܙܠ ܙܒܢ ܟܘܠ ܡܕܡ ܕܐܝܬ ܠܟ ܘܗܒ ܠܡܣ̈ܟܢܐ ܘܬܗܘܐ ܠܟ ܣܝܡܬܐ ܒܫܡܝܐ ܘܐܬܐ ܒܬܪܝ
19:22	ܟܕ ܫܡܥ ܗܘ ܥܠܝܡܐ ܡܠܬܐ ܗܕܐ ܐܙܠ ܟܕ ܟܪܝܐ ܠܗ ܡܛܠ ܕܥܬܝܪ ܗܘܐ ܒܢܟܣܐ ܛܒ
19:23	ܟܕ ܚܙܐ ܝܫܘܥ ܐܡܪ ܠܬܠܡܝܕܘܗܝ ܐܡܝܢ ܐܡܪܢܐ ܠܟܘܢ ܕܥܛܠܐ ܗܝ ܠܥܬܝܪܐ ܕܢܥܘܠ ܠܡܠܟܘܬܐ ܕܫܡܝܐ
19:24	ܬܘܒ ܕܝܢ ܐܡܪܢܐ ܠܟܘܢ ܕܦܫܝܩ ܗܘ ܠܓܡܠܐ ܕܢܥܘܠ ܒܚܪܘܪܐ ܕܡܚܛܐ ܐܘ ܠܥܬܝܪܐ ܠܡܠܟܘܬܐ ܕܫܡܝܐ
19:25	ܘܟܕ ܫܡܥܘ ܕܝܢ ܬܠܡ̈ܝܕܐ ܐܬܕܡܪܘ ܛܒ ܘܐܡܪ̈ܝܢ ܡܢ ܟܝ ܡܫܟܚ ܠܡܚܝܐ
19:26	ܚܪ ܒܗܘܢ ܝܫܘܥ ܘܐܡܪ ܠܗܘܢ ܗܕܐ ܡܢ ܒܢܝ ܐܢܫܐ ܠܐ ܡܫܟܚܐ ܕܬܗܘܐ ܐܠܗܐ ܕܝܢ ܟܠ ܡܕܡ ܡܫܟܚ ܠܡܥܒܕ
19:27	ܗܝܕܝܢ ܥܢܐ ܫܡܥܘܢ ܟܐܦܐ ܘܐܡܪ ܠܗ ܐܢܚܢܢ ܫܒܩܢ ܠܟܘܠ ܡܕܡ ܘܐܬܝܢ ܒܬܪܟ ܡܢܐ ܟܝ ܢܗܘܐ ܠܢ
19:28	ܐܡܪ ܠܗ ܝܫܘܥ ܐܡܝܢ ܐܡܪܢܐ ܠܟܘܢ ܕܐܢܬܘܢ ܕܐܬܝܬܘܢ ܒܬܪܝ ܒܡܘܠܕܐ ܚܕܬܐ ܡܐ ܕܝܬܒ ܒܪܗ ܕܐܢܫܐ ܥܠ ܟܘܪܣܝܐ ܕܫܘܒܚܗ܂ ܬܬܒܘܢ ܐܦ ܐܢܬܘܢ ܥܠ ܬܪܥܣܪ ܟܘܪܣܘܢ ܘܬܕܘܢܘܢ ܠܬܪ̈ܬܥܣܪܐ ܫܪ̈ܒܢ ܕܒܝܬ ܐܝܣܪܐܝܠ܂
19:29	ܘܟܠ ܐܢܫ ܕܫܒܩ ܒܬ̈ܐ܂ ܐܘ ܐܚ̈ܐ ܐܘ ܐܚ̈ܘܬܐ ܐܘ ܐܡܐ ܐܘ ܒܢ̈ܝܐ܂ ܐܘ ܩܘܪ̈ܝܐ ܡܛܠ ܫܡܝ܂ ܚܕ ܒܡܐ̈ܐ ܢܩܒܠ ܘܢܐܪܬ ܚܝ̈ܐ ܕܠܥܠܡ܂
19:30	ܣܓܝ̈ܐܐ ܓܝܪ ܩܕܡ̈ܝܐ ܕܢܗܘܘܢ ܐܚܪ̈ܝܐ܂ ܘܐܚܪ̈ܝܐ ܕܢܗܘܘܢ ܩܕܡܝܐ܀
20:01	ܕܡܝܐ ܡܠܟܘܬܐ ܕܫܡܝܐ ܠܓܒܪܐ ܡܪܒܝܬܐ ܕܢܦܩ ܒܫܦܪܐ ܠܡܐܓܪ ܦܥ̈ܠܐ ܠܟܪܡܗ܂
20:02	ܘܩܨ ܥܡܗܘܢ ܡܢ ܕܝܢܪܐ ܚܕ ܠܦܥܠܐ ܚܕ ܒܝܘܡܐ ܚܕ ܘܫܕܪ ܐܢܘܢ ܠܟܪܡܗ
20:03	ܘܢܦܩ ܒܬ̈ܠܬ ܫܥܝܢ ܘܚܙܐ ܐܚܪ̈ܢܐ ܕܩܝܡܝܢ ܒܫܘܩܐ ܘܒܛܠܝܢ
20:04	ܐܡܪ ܠܗܘܢ ܙܠܘ ܐܦ ܐܢܬܘܢ ܠܟܪܡܐ ܘܡܐ ܕܙܕܩ ܐܬܠ ܠܟܘܢ܂
20:05	ܘܢܦܩ ܬܘܒ ܒܫܬ ܫ̈ܥܝܢ ܘܒܬܫ̈ܥ ܘܗܟܘܬ ܥܒܕ
20:06	ܘܢܦܩ ܒܚܕܥܣܪ̈ܐ ܫܥܝܢ ܘܚܙܐ ܐܚܪ̈ܢܐ ܕܩܝܡܝܢ ܐܡܪ ܠܗܘܢ ܡܢܐ ܩܝܡܝܢ ܐܢܬܘܢ ܗܪܟܐ ܘܒܛܠܝܢ ܟܘܠܗ ܝܘܡܐ
20:07	ܐܡܪܝܢ ܠܗ ܠܐ ܐܢܫ ܐܓܪܢ ܐܡܪ ܠܗܘܢ ܙܠܘ ܐܦ ܐܢܬܘܢ ܠܟܪܡܐ ܕܝܠܝ
20:08	ܘܟܕ ܗܘܐ ܕܝܢ ܪܡܫܐ ܐܡܪ ܡܪܐ ܠܪܒܝܬܗ ܩܪܝ ܐܢܘܢ ܠܦ̈ܥܠܐ ܘܗܒ ܠܗܘܢ ܐܓܪܗܘܢ ܘܫܪܝ ܡܢ ܐܚܪ̈ܝܐ ܥܕܡܐ ܠܩܕ̈ܡܝܐ
20:09	ܘܟܕ ܐܬܘ ܗܢܘܢ ܕܒܚܕܥܣܪܐ ܫ̈ܥܝܢ ܫܩܠܘ ܕܝܢܪ ܕܝܢܪ
20:10	ܘܟܕ ܐܬܘ ܩܕܡ̈ܝܐ ܣܒܪ̈ܝܢ ܗܘܘ ܕܠܗܘܢ ܝܬܝܪ ܢܬܠ ܘܢܣܒܘ ܐܦ ܗܢܘܢ ܕܝܢܪ ܕܝܢܪ
20:11	ܟܕ ܚܙܘ ܕܝܢ ܪܛܢܝܢ ܥܠ ܡܪܒܝܬܐ
20:12	ܘܐܡܪ̈ܝܢ ܗܠܝܢ ܐܚܪ̈ܝܐ ܕܚܕܐ ܗܘ ܫܥܐ ܦܠܚܘ ܐܫܘܝܬ ܐܢܘܢ ܥܡܢ ܕܫܩܠܢ ܝܘܩܪܗ ܕܝܘܡܐ܂ ܒܚܘܡܐ܂
20:13	ܗܘ ܕܝܢ ܥܢܐ ܘܐܡܪ ܠܚܕ ܡܢܗܘܢ ܪܚܡܝ ܠܐ ܡܗܪ ܐܢܐ ܠܟ ܠܐ ܗܘܐ ܒܕܝܢܪ ܩܨܬ ܥܡܟ܂
20:14	ܫܩܠ ܕܝܢܪܟ ܘܙܠ ܐܢ ܨܒܢܐ ܕܝܢ ܕܐܬܠ ܠܗܢܐ ܐܚܪܝܐ ܐܝܟ ܕܠܟ܂
20:15	ܠܐ ܫܠܝܛ ܐܢܐ ܒܒܝܬܝ ܕܐܥܒܕ ܡܐ ܕܨܒܐ ܐܢܐ ܐܘ ܥܝܢܟ ܒܝܫܐ ܕܐܢܐ ܛܒ ܐܢܐ
20:16	ܗܟܢܐ ܢܗܘܘܢ ܐܚܪ̈ܝܐ ܩܕܡ̈ܝܐ ܘܩܕܡ̈ܝܐ ܐܚܪ̈ܝܐ ܣܓܝܐܝܢ ܐܢܘܢ ܩܪ̈ܝܐ ܘܙܥܘܪܝܢ ܓܒ̈ܝܐ܀
20:17	ܘܟܕ ܣܠܩ ܗܘܐ ܝܫܘܥ ܠܐܘܪܫܠܡ ܕܒܪ ܥܡܗ ܠܬܪܥܣܪ̈ܬܗ ܒܐܘܪܚܐ ܘܐܡܪ ܠܗܘܢ ܒܝܢܝܗܘܢ ܘܠܗ
20:18	ܗܐ ܣܠܩܝܢ ܐܢܚܢܢ ܠܐܘܪܫܠܡ ܘܢܫܬܠܡ ܒܪܗ ܕܐܢܫܐ ܠܪ̈ܒܝ ܟܗܢܐ ܘܠܣܦܪ̈ܐ ܘܢܚܝܒܘܢܗ ܠܡܘܬܐ
20:19	ܘܢܫܠܡܘܢܗ ܠܥܡܐ ܘܢܒܙܚܘܢ ܒܗ ܘܢܢܓܕܘܢܗ ܘܢܙܩܦܘܢܗ܂ ܘܠܝܘܡܐ ܕܬܠܬܐ ܢܩܘܡ܀
20:20	ܗܝܕܝܢ ܩܪܒܬ ܠܗ ܐܡܗܘܢ ܕܒ̈ܢܝ ܙܒܕܝ܂ ܗܝ ܘܒܢܝ̈ܗ ܘܢܦܠܬ ܣܓܕܬ ܠܗ܂ ܘܫܐܠܐ ܗܘܬ ܠܗ ܡܕܡ܂
20:21	ܗܘ ܕܝܢ ܐܡܪ ܠܗ ܡܢܐ ܨܒܝܬܝ܂ ܐܡܪܐ ܠܗ ܡܪܝ ܕܢܬܒܘܢ ܗܠܝܢ ܬܪ̈ܝܢ ܒܢ̈ܝ ܚܕ ܡܢ ܝܡܝܢܟ ܘܚܕ ܡܢ ܣܡܠܟ ܒܡܠܟܘܬܟ
20:22	ܥܢܐ ܝܫܘܥ ܘܐܡܪ ܠܗܘܢ ܠܐ ܝܕܥܝܢ ܐܢܬܘܢ ܡܢܐ ܫܐ̈ܠܝܢ ܐܢܬܘܢ ܡܫܟܚܝܢ ܐܢܬܘܢ ܠܡܫܬܐ ܟܣܐ ܕܐܢܐ ܥܬܝܕ ܠܡܫܬܐ܂ ܐܡܪ̈ܝܢ ܡܫܟܚܝܢ ܐܢܚܢܢ
20:23	ܐܡܪ ܠܗܘܢ ܝܫܘܥ ܟܣܝ ܫܬܝܢ ܐܢܬܘܢ ܕܬܬܒܘܢ ܕܝܢ ܡܢ ܝܡܝܢܝ ܘܡܢ ܣܡܠܝ ܗܕܐ ܠܐ ܗܘܬ ܠܝ ܕܐܬܠ ܠܟܘܢ ܐܠܐ ܠܐܝܠܝܢ ܕܡܛܝܒ ܠܗܘܢ ܐܒܝ܂
20:24	ܟܕ ܫܡܥܘ ܥܣܪ̈ܐ ܪܛܢܘ ܥܠ ܗܢܘܢ ܬܪ̈ܝܢ ܐܚ̈ܝܢ
21:20	ܬܠܡܝܕܐ ܐܬܕܡܪܘ ܘܐܡܪܝܢ ܐܝܟܢܐ ܒܪܫܥܬܗ ܝܒܫܬ ܬܬܐ ܗܝ܂
21:21	ܥܢܐ ܝܫܘܥ ܘܐܡܪ ܠܗܘܢ ܐܡܝܢ ܐܡܪܢܐ ܠܟܘܢ ܕܐܢ ܬܗܘܐ ܒܟܘܢ ܗܝܡܢܘܬܐ ܘܠܐ ܬܬܦܠܓܘܢ ܠܐ ܒܠܚܘܕ ܐܝܟ ܗܕܐ ܬܬܐ ܬܥܒܕܘܢ ܐܠܐ ܐܢ ܬܐܡܪܘܢ ܠܛܘܪܐ ܗܢܐ ܕܐܫܬܩܠ ܘܦܠ ܒܝܡܐ ܘܢܗܘܐ ܗܟܢܐ܂
21:22	ܘܟܠ ܡܐ ܕܬܫܐܠܘܢ ܒܨܠܘܬܐ܂ ܘܬܗܝܡܢܘܢ ܬܣܒܘܢ܀
21:23	ܘܟܕ ܐܬܐ ܠܗܝܟܠܐ ܩܪܒܘ ܠܗ ܪ̈ܒܝ ܟܗܢܐ ܘܩܫܝܫܐ ܕܥܡܐ ܘܐܡܪ̈ܝܢ ܒܐܝܢܐ ܫܘܠܛܢ ܗܠܝܢ ܥܒܕ ܐܢܬ ܐܡܪ ܠܢ ܘܡܢܘ ܝܗܒ ܠܟ ܫܘܠܛܢܐ ܗܢܐ܂
21:24	ܥܢܐ ܝܫܘܥ ܘܐܡܪ ܠܗܘܢ ܘܐܦ ܐܢܐ ܐܫܐܠܟܘܢ ܡܠܬܐ ܚܕܐ ܕܬܐܡܪܘܢ ܠܝ܂ ܘܐܡܪ ܠܟܘܢ ܒܐܝܢܐ ܫܘܠܛܢ ܥܒܕܢܐ ܗܠܝܢ
21:25	ܡܥܡܘܕܝܬܗ ܕܝܘܚܢܢ ܡܢ ܐܝܡܟܐ ܗܘܬ ܡܢ ܫܡܝܐ ܐܘ ܡܢ ܒܢܝ ܐܢܫܐ ܗܢܘܢ ܕܝܢ ܡܬܚܫܒܝܢ ܗܘܘ ܒܝܢܬܗܘܢ ܘܐܡܪ̈ܝܢ ܕܐܢ ܢܐܡܪ ܕܡܢ ܫܡܝܐ ܗܝ ܢܐܡܪ ܠܢ ܘܠܡܢܐ ܠܐ ܗܝܡܢܬܘܢ ܒܗ܂
21:26	ܘܐܢ ܢܐܡܪ ܕܡܢ ܒܢ̈ܝ ܐܢܫܐ ܗܝ܂ ܕܚܠܝܢ ܐܢܚܢܢ ܡܢ ܟܢܫܐ܂ ܟܠܗܘܢ ܓܝܪ ܐܝܟ ܕܠܢܒܝܐ ܐܚܝܕܝܢ ܗܘܘ ܠܗ ܠܝܘܚܢܢ
21:27	ܘܥܢܘ ܘܐܡܪ̈ܝܢ ܠܝܫܘܥ܂ ܠܐ ܝܕܥܝܢ ܐܢܚܢܢ ܐܡܪ ܠܗܘܢ ܐܦ ܗܘ ܐܦܠܐ ܐܢܐ ܐܡܪܢܐ ܠܟܘܢ ܒܐܝܢܐ ܫܘܠܛܢ ܥܒܕܢܐ ܗܠܝܢ
21:28	ܐܝܟܢܐ ܕܝܢ ܡܬܚܙܝܐ ܠܟܘܢ ܠܓܒܪܐ ܕܝܢ ܚܕ ܐܝܬ ܗܘܘ ܠܗ ܬܪ̈ܝܢ ܒܢ̈ܝܢ܂ ܐܡܪ ܠܩܕܡܝܐ ܐܙܠ ܒܪܝ ܥܒܕ ܥܒܕܐ ܒܟܪܡܐ
21:29	ܐܡܪ ܠܗ ܠܐ ܨܒܢܐ ܘܒܐܚܪܝܬܐ ܬܘܬܗ ܢܦܫܗ ܘܐܙܠ ܠܟܪܡܐ܂
21:30	ܘܐܡܪ ܠܐܚܪܢܐ ܗܟܘܬ܂ ܘܥܢܐ ܘܐܡܪ ܐܝܢ ܡܪܝ ܘܠܐ ܐܙܠ
21:31	ܡܢܘ ܡܢ ܗܠܝܢ ܥܒܕ ܨܒܝܢܐ ܕܐܒܘܗܝ܂ ܐܡܪܝܢ ܠܗ ܗܘ ܐܚܪܝܐ܂ ܐܡܪ ܠܗܘܢ ܝܫܘܥ ܐܡܝܢ ܐܡܪܢܐ ܠܟܘܢ ܕܡܟܣ̈ܐ ܘܙܢܝ̈ܬܐ ܢܩܕܡܘܢܟܘܢ ܠܡܠܟܘܬܐ ܕܐܠܗܐ܂
21:32	ܐܬܐ ܓܝܪ ܠܘܬܟܘܢ ܝܘܚܢܢ ܒܐܘܪܚܐ ܕܟܐܢܘܬܐ ܘܠܐ ܗܝܡܬܘܢ ܒܗ܂ ܡܟܣ̈ܐ ܕܝܢ ܘܙܢܝ̈ܬܐ ܗܝܡܢܘܗܝ ܐܢܬܘܢ ܕܝܢ ܟܕ ܚܙܝܬܘܢ ܒܐܚܪܝܬܐ ܬܘܬܟܘܢ ܢܦܫܟܘܢ ܕܬܗܝܡܘܢ ܒܗ
21:33	ܫܡܥܘ ܡܬܠܐ܂ ܐܚܪܢܐ ܓܒܪܐ ܚܕ ܡܪܒܝܬܐ ܐܝܬ ܗܘܐ ܘܢܨܒ ܟܪܡܐ ܘܥܒܕ ܠܗ ܣܝܓܐ ܘܚܦܪ ܒܗ ܡܥܨܪܬܐ ܘܒܢܐ ܒܗ ܡܓܕܠܐ ܘܐܫܠܡܗ ܠܦܠܚ̈ܐ ܘܐܙܠ
21:34	ܟܕ ܗܘܐ ܕܝܢ ܙܒܢܐ ܕܦܐܪ̈ܐ ܫܕܪ ܥܒܕܘܗܝ ܠܘܬ ܦܠܚ̈ܐ ܕܢܫܕܪܘܢ ܠܗ ܡܢ ܦܐܪ̈ܐ
21:35	ܘܐܚܕܘ ܦܠܚ̈ܐ ܠܥܒܕܘܗܝ ܘܐܝܬ ܕܡܚܘܘܗܝ ܘܐܝܬ ܕܩܛܠܘܗܝ ܘܐܝܬ ܕܪܓܡܘܗܝ
21:36	ܬܘܒ ܫܕܪ ܥܒܕܐ ܐܚܪܢܐ ܕܣܓܝܐܝܢ ܡܢ ܩܕܡ̈ܝܐ ܘܥܒܕܘ ܠܗܘܢ ܗܟܘܬ܂
21:37	ܒܐܚܪܝܬܐ ܕܝܢ ܫܕܪ ܠܘܬܗܘܢ ܠܒܪܗ ܘܐܡܪ ܟܒܪ ܢܒܗܬܘܢ ܡܢ ܒܪܝ
21:38	ܦܠܚܐ ܕܝܢ ܟܕ ܚܙܘܘܗܝ ܠܒܪܗ ܐܡܪ̈ܝܢ ܗܢܘ ܝܪܘܬܐ ܬܘ ܢܩܛܠܝܘܗܝ܂ ܘܢܗܘܐ ܝܘܪܬܢܐ ܕܝܠܢ܂
21:39	ܘܐܚܕܘ ܐܦܩܘܗܝ ܠܒܪ ܡܢ ܟܪܡܐ ܘܩܛܠܘܗܝ
21:40	ܐܡܬܝ ܗܟܝܠ ܕܢܐܬܐ ܡܪܗ ܕܟܪܡܐ ܡܢܐ ܢܥܒܕ ܠܗܢܘܢ ܦܠܚܐ
21:41	ܐܡܪ̈ܝܢ ܠܗ ܕܒܝܫ ܒܝܫ ܢܘܒܕ ܐܢܘܢ ܘܟܪܡܐ ܢܬܠ ܠܦܠܚܐ ܐܚܪ̈ܢܐ ܕܝܗܒܝܢ ܦܐܪ̈ܐ ܒܙܒܢܗܘܢ
21:42	ܐܡܪ ܠܗܘܢ ܝܫܘܥ ܠܐ ܩܪ̈ܝܬܘܢ ܒܟܬܒܐ ܕܟܐܦܐ ܕܐܣܠܝܘ ܒܢܝܐ ܗܝ ܗܘܬ ܠܪܝܫ ܙܘܝܬܐ ܡܢ ܠܘܬ ܡܪܝܐ ܗܘܬ ܗܕܐ ܘܬܕܡܘܪܬܐ ܗܝ ܒܥܝܢܝܢ
21:43	ܡܛܠ ܗܢܐ ܐܡܪܢܐ ܠܟܘܢ ܕܬܫܬܩܠ ܡܢܟܘܢ ܡܠܟܘܬܐ ܕܐܠܗܐ ܘܬܬܝܗܒ ܠܥܡܐ ܕܝܗܒ ܦܐܪ̈ܐ
21:45	ܪܒܝ ܟܗ̈ܢܐ ܕܝܢ ܘܦܪ̈ܝܫܐ ܟܕ ܫܡܥܘ ܦܠܐ̈ܬܗ ܝܕܥܘ ܕܥܠܝܗܘܢ ܗܘ ܐܡܪ
21:46	ܘܒܥܘ ܠܡܐܚܕܗ ܘܕܚܠܘ ܡܢ ܥܡܐ ܕܐܝܟ ܕܠܢܒܝܐ ܐܚܝܕܝܢ ܗܘܘ ܠܗ܀
22:01	ܬܘܒ ܥܢܐ ܝܫܘܥ ܘܐܡܪ ܠܗܘܢ ܒܦܠܐ̈ܬܐ
22:02	ܐܬܕܡܝܬ ܡܠܟܘܬܐ ܕܫܡܝܐ ܠܓܒܪܐ ܡܠܟܐ܂ ܕܥܒܕ ܡܫܬܘܬܐ ܠܒܪܗ
22:03	ܘܫܕܪ ܥܒܕܘܗܝ ܕܢܩܪܘܢ ܠܗܢܘܢ ܕܩܪ̈ܝܢ ܗܘܘ ܠܡܫܬܘܬܐ ܘܠܐ ܨܒܘ ܠܡܐܬܐ
22:04	ܬܘܒ ܫܕܪ ܥܒ̈ܕܐ ܐܚܪܢܐ ܘܐܡܪ ܐܡܪܘ ܠܗܢܘܢ ܕܩܪܝܢ ܗܐ ܟܠ ܡܕܡ ܡܛܝܒ ܗܘ ܐܬܘ ܠܒܝܬ ܡܫܬܘܬܐ
22:05	ܗܢܘܢ ܕܝܢ ܒܣܘ ܘܐܝܬ ܕܐܙܠ ܠܩܪܝܬܗ܂ ܘܐܝܬ ܕܐܙܠ ܠܬܐܓܪܬܐ܂
22:06	ܘܫܪܟܐ ܕܝܢ ܕܐܫܬܚܪܘ ܐܚܕܘ ܠܥܒܕܘܗܝ ܘܨܥܪܘ ܘܩܛܠܘ ܐܢܘܢ܂
22:07	ܘܪܓܙ ܗܘ ܡܠܟܐ ܘܫܕܪ ܚܝ̈ܠܘܗܝ ܘܐܘܒܕܘ ܠܩܛܘܠܐ ܗܢܘܢ ܘܡܕܝܢܬܗܘܢ ܐܘܩܕܘ ܒܢܘܪܐ
22:08	ܗܝܕܝܢ ܐܡܪ ܠܥܒ̈ܕܘܗܝ ܡܫܬܘܬܐ ܡܛܝܒܐ ܗܝ ܘܗܢܘܢ ܕܩܪ̈ܝܢ ܠܐ ܫܘܝܢ ܗܘܘ ܠܗ܂
22:09	ܡܟܝܠ ܦܘܩܘ ܠܒܝܬ ܐܘܪ̈ܚܬܐ ܘܠܟܘܠ ܕܡܫܟܚܝܢ ܐܢܬܘܢ ܩܪܘܘܗܝ ܠܒܝܬ ܡܫܬܘܬܐ܂
22:10	ܘܢܦܩܘ ܥܒ̈ܕܐ ܗܢܘܢ ܠܒܝܬ ܐܘܪ̈ܚܬܐ ܘܟܢܫܘ ܟܘܠ ܕܐܫܟܚܘ ܒܝܫ̈ܐ ܘܛܒܐ ܘܐܬܡܠܝ ܒܝܬ ܡܫܬܘܬܐ ܣܡ̈ܝܟܐ܂
22:11	ܘܟܕ ܥܠ ܡܠܟܐ ܠܡܚܙܐ ܣܡܝ̈ܟܐ ܚܙܐ ܬܡܢ ܓܒܪܐ ܕܠܐ ܠܒܝܫ ܗܘܐ ܠܒܘܫ̈ܐ ܕܡܫܬܘܬܐ܂
22:12	ܐܡܪ ܠܗ ܪܚܡܝ ܐܝܟܢܐ ܥܠܬ ܠܗܪܟܐ ܕܢܚ̈ܬܐ ܕܡܫܬܘܬܐ ܠܝܬ ܠܟ ܗܘ ܕܝܢ ܫܬܩ ܠܗ
22:13	ܗܝܕܝܢ ܐܡܪ ܡܠܟܐ ܠܡܫܡܫ̈ܢܐ ܐܚܕܘܗܝ ܒܐ̈ܝܕܘܗܝ ܘܒܪ̈ܓܠܘܗܝ ܘܐܦܩܘܗܝ ܠܚܫܘܟܐ ܒܪܝܐ ܬܡܢ ܢܗܘܐ ܒܟܝܐ ܘܚܘܪܩ ܫ̈ܢܐ
22:14	ܣܓܝܐܝܢ ܐܢܘܢ ܓܝܪ ܩܪܝܐ ܘܙܥܘܪ̈ܝܢ ܓܒ̈ܝܐ܀
22:15	ܗܝܕܝܢ ܐܙܠܘ ܦܪ̈ܝܫܐ ܢܣܒܘ ܡܠܟܐ ܕܐܝܟܢܐ ܢܨܘܕܘܢܗ ܒܡܠܬܐ
22:16	ܘܫܕܪܘ ܠܘܬܗ ܬܠܡܝ̈ܕܘܗܝ ܥܡ ܥܒ̈ܕܐ ܕܗܪܘܕܣ ܘܐܡܪܝܢ ܠܗ ܡܠܦܢܐ ܝܕܥܝܢ ܐܢܚܢܢ ܕܫܪܝܪ ܐܢܬ ܘܐܘܪܚܗ ܕܐܠܗܐ ܒܩܘܫܬܐ ܡܠܦ ܐܢܬ ܘܠܐ ܒܛܝܠ ܠܟ ܒܐܢܫ ܠܐ ܓܝܪ ܢܣܒ ܐܢܬ ܒܐܦ̈ܝ ܒܢܝ ܐܢܫܐ
22:17	ܐܝܟܢܐ ܕܝܢ ܡܨܛܒܐ ܠܟ܂ ܘܠܐ ܠܢ ܕܢܬܠ ܟܣܦ ܪܫܐ ܠܩܣܪ ܐܘ ܠܐ܂
22:18	ܝܫܘܥ ܕܝܢ ܟܕ ܝܕܥ ܒܝܫܘܬܗܘܢ ܐܡܪ ܠܗܘܢ ܢܣܒ̈ܝ ܒܐܦ̈ܐ ܡܢܐ ܡܢܣܝܢ ܐܢܬܘܢ ܠܝ܂
22:19	ܚܘܐܘܢܢܝ ܛܒܥܐ ܕܟܣܦ ܪܫܐ ܘܐܫܛܘ ܠܗ ܕܝܢܪܐ܂
22:20	ܐܡܪ ܠܗܘܢ ܝܫܘܥ܂ ܨܠܡܐ ܗܢܐ ܘܟܬܝܒܬܐ ܕܡܢܘ
22:21	ܐܡܪ̈ܝܢ ܠܗ ܕܩܣܪ ܗܝܕܝܢ ܐܡܪ ܠܗܘܢ ܗܒܘ ܕܩܣܪ ܠܩܣܪ ܘܕܐܠܗܐ ܠܐܠܗܐ܂
22:22	ܘܟܕ ܫܡܥܘ ܐܬܕܡܪܘ ܘܫܒܩܘܗܝ ܘܐܙܠܘ܀
22:23	ܘܒܗܘ ܝܘܡܐ ܩܪܒܘ ܙܕܘܩܝܐ ܘܐܡܪ̈ܝܢ ܠܗ ܠܝܬ ܚܝܬ ܡܝܬܐ ܘܡܫܐܠܝܢ ܗܘܘ ܠܗ
22:24	ܘܐܡܪܝܢ ܡܠܦܢܐ ܡܘܫܐ ܐܡܪ ܠܢ ܐܢ ܐܢܫ ܡܐܬ ܘܠܝܬ ܠܗ ܒܢ̈ܝܐ ܬܗܘܐ ܐܢܬܬܗ ܠܐܚܘܗܝ܂
22:25	ܘܫܒܥܐ ܐܚܝܢ ܐܝܬ ܗܘܘ܂ ܘܡܝܬ ܩܕܡܝܐ ܘܠܐ ܥܒܕ ܡܢܗ ܒܪܐ ܘܗܘܬ ܐܢܬܬܗ ܠܐܚܘܗܝ
22:26	ܘܐܦ ܐܚܪܢܐ ܗܟܘܬ܂ ܘܐܦ ܕܬܠܬܐ ܥܕܡܐ ܠܫܒܥܬܝܗܘܢ
22:27	ܒܐܚܪܝܬܐ ܕܟܠܗܘܢ ܡܝܬܬ ܗܝ ܐܢܬܬܐ
22:28	ܒܚܝܬ ܡܝܬܐ ܠܐܝܢܐ ܡܢ ܟܘܠܗܘܢ ܐܚܐ ܬܗܘܐ ܐܢܬܬܐ ܗܐ ܓܝܪ ܟܠܗܘܢ ܢܣܒܘܗ
22:29	ܥܢܐ ܝܫܘܥ ܘܐܡܪ ܠܗܘܢ ܣܓܝ ܛܥܝܢ ܐܢܬܘܢ ܘܠܐ ܝܕܥܝܢ ܐܢܬܘܢ ܟܬܒܐ ܘܠܐ ܚܝܠܗ ܕܐܠܗܐ
22:30	ܒܝܬ ܡܝ̈ܬܐ ܓܝܪ ܠܐ ܢܣܒܝܢ ܢܫܐ ܐܦ ܠܐ ܢܫܐ ܗܘܝܢ ܠܓܒܪܐ ܐܠܐ ܐܝܟ ܡܠܐܟܐ ܕܐܠܗܐ ܒܫܡܝܐ
22:31	ܥܠ ܩܝܡܬܐ ܕܝܢ ܕܡܢ ܒܝܬ ܡܝܬܐ ܠܐ ܩܪܝܬܘܢ ܡܕܡ ܕܐܡܪ ܐܠܗܐ
22:32	ܕܐܢܐ ܐܠܗܗ ܕܐܒܪܗܡ ܘܐܠܗܗ ܕܐܝܣܚܩ ܘܐܠܗܗ ܕܝܥܩܘܒ ܘܗܐ ܐܠܗܐ ܠܐ ܗܘܐ ܕܡܝܬܐ ܐܠܐ ܕܚܝ̈ܐ
22:33	ܘܟܕ ܫܡܥܘ ܟܢܫܐ ܗܢܘܢ ܡܬܕܡܪܝܢ ܗܘܘ ܒܝܘܠܦܢܗ
22:34	ܦܪ̈ܝܫܐ ܕܝܢ ܟܕ ܚܙܘ ܕܫܬܩ ܐܢܘܢ ܠܙܕܘܩ̈ܝܐ ܐܬܟܢܫܘ ܠܘܬܗ
22:35	ܘܫܐܠ ܗܘܐ ܚܕ ܡܢܗܘܢ ܟܕ ܡܢܣܐ ܠܗ ܘܐܡܪ ܠܗ
22:36	ܡܠܦܢܐ ܐܝܢܐ ܦܘܩܕܢܐ ܪܒ ܒܐܘܪܝܬܐ
22:37	ܐܡܪ ܠܗ ܝܫܘܥ ܕܬܪܚܡ ܠܡܪܝܐ ܐܠܗܟ ܡܢ ܟܘܠܗ ܠܒܟ܂ ܘܡܢ ܟܘܠܗ ܢܦܫܟ ܘܡܢ ܟܘܠܗ ܚܝܠܟ
22:38	ܗܢܘ ܦܘܩܕܢܐ ܪܒܐ ܘܪܫܝܐ
22:39	ܘܕܒܬܪܗ ܗܘ ܕܕܡܐ ܠܗ ܕܬܪܚܡ ܠܩܪܝܒܟ ܐܝܟ ܢܦܫܟ
22:40	ܒܗܠܝܢ ܬܪܝܢ ܦܘܩܕܢܝܢ ܬܠܝܐ ܐܘܪܝܬܐ ܘܢܒܝܐ
22:41	ܘܟܕ ܟܢܝܫܝܢ ܗܘܘ ܦܪܝܫܐ ܡܫܐܠ ܗܘܐ ܠܗܘܢ ܝܫܘܥ
22:42	ܘܐܡܪ ܡܢܐ ܡܣܬܒܪ ܠܟܘܢ ܥܠ ܡܫܝܚܐ ܒܪ ܡܢܘ ܐܡܪܝܢ ܠܗ ܒܪ ܕܘܝܕ
22:43	ܐܡܪ ܠܗܘܢ ܘܐܝܟܢܐ ܕܘܝܕ ܩܪܐ ܠܗ ܡܪܝ ܐܡܪ ܓܝܪ
22:44	ܕܐܡܪ ܡܪܝܐ ܠܡܪܝ ܕܬܒ ܠܟ ܡܢ ܝܡܝܢܝ ܥܕܡܐ ܕܐܣܝܡ ܒܥܠܕܒܒܝܟ ܬܚܝܬ ܪܓܠܝܟ
22:45	ܘܐܢ ܕܘܝܕ ܡܪܝ ܩܪܐ ܠܗ ܐܝܟܢܐ ܒܪܗ ܗܘ
22:46	ܘܠܐ ܐܫܟܚܘ ܕܢܬܠ ܠܗ ܦܬܓܡܐ ܐܦܠܐ ܐܢܫ ܐܡܪܚ ܡܢ ܗܝ ܫܥܬܐ ܠܡܫܐܠܘܬܗ ܬܘܒ
23:01	ܗܝܕܝܢ ܐܡܪ ܝܫܘܥ ܠܟܢܫܐ ܘܠܬܠܡܝܕܘܗܝ
23:02	ܥܠ ܟܘܪܣܝܐ ܕܡܘܫܐ ܝܬܒܘ ܣܦܪ̈ܐ ܘܦܪ̈ܝܫܐ
23:03	ܘܟܠ ܡܐ ܕܐܡܪܝܢ ܠܟܘܢ ܗܘܝܬܘܢ ܥܒܕܝܢ ܐܝܟ ܥܒܕܝܗܘܢ ܕܝܢ ܠܐ ܬܥܒܕܘܢ ܐܡܪܝܢ ܓܝܪ ܘܠܐ ܥܒܕܝܢ
23:04	ܘܐܣܪܝܢ ܡܘܒ̈ܠܐ ܝܩܝܪ̈ܬܐ ܘܣܝܡܝܢ ܥܠ ܟܬܦܬܐ ܕܒܢ̈ܝ ܐܢܫܐ܂ ܘܗܢܘܢ ܕܝܢ ܠܐ ܩܪܒܝܢ ܠܗܝܢ
23:05	ܘܟܠ ܡܕܡ ܓܝܪ ܕܥܒܕܝܢ ܕܢܬܚܙܘܢ ܠܒܢ̈ܝ ܐܢܫܐ ܘܡܦܬܝܢ ܥܪ̈ܩܐ ܕܬܦܠܝܗܘܢ ܘܡܘܪܟܝܢ ܬܟ̈ܠܬܐ ܕܡܪܛܘܛܝܗܘܢ
23:06	ܘܪܚܡܝܢ ܪܝܫ ܣܡ̈ܟܐ ܒܐܚܫܡܝܬܐ ܘܡܘ̈ܬܒܐ ܡܝܩܪܐ ܒܟܢܘܫܬܐ
23:07	ܘܫܠܡܐ ܒܫܘܩ̈ܐ ܘܨܒܝܢ ܕܢܗܘܘܢ ܩܪ̈ܝܢ ܠܗܘܢ ܒܢܝ ܐܢܫܐ ܪܒܝ ܪܒܝ
23:08	ܐܢܬܘܢ ܠܐ ܬܩܪܘܢ ܪܒܝ ܚܕ ܗܘ ܡܠܦܢܟܘܢ ܘܐܢܬܘܢ ܟ̈ܠܟܘܢ ܐܚ̈ܐ
23:09	ܘܐܒܐ ܠܐ ܬܩܪܘܢ ܠܟܘܢ ܒܐܪܥܐ ܚܕ ܗܘ ܓܝܪ ܐܒܘܟܘܢ ܕܒܫܡܝܐ
23:10	ܘܐܦܠܐ ܬܬܩܪܘܢ ܡܠܦܢܐ ܡܛܠ ܕܡܠܦܢܟܘܢ ܡܫܝܚܐ ܗܘ܂
23:11	ܘܕܨܒܐ ܒܟܘܢ ܕܢܗܘܐ ܪܒ ܢܗܘܐ ܠܟܘܢ ܡܫܡܫܢܐ܂
23:12	ܟܠ ܕܢܪܝܡ ܓܝܪ ܢܦܫܗ ܢܬܡܟܟ ܘܟܠ ܕܢܡܟ ܢܦܫܗ ܢܬܪܝܡ܀
23:13	ܘܝ ܠܟܘܢ ܕܝܢ ܣܦܪ̈ܐ ܘܦܪ̈ܝܫܐ ܢܣܒܝܢ ܒܐܦ̈ܐ ܐܚܝܕܝܢ ܐܢܬܘܢ ܐܩܠܝܕܐ ܕܡܠܟܘܬܐ ܕܫܡܝܐ ܩܕܡ ܒܢ̈ܝ ܐܢܫܐ ܠܐ ܓܝܪ ܐܢܬܘܢ ܥܠܝܢ܂ ܘܠܐ ܠܐܝܠܝܢ ܕܐܬܝܢ ܠܡܥܠ ܫܒܩܝܢ ܐܢܬܘܢ܀
23:15	ܘܝ ܠܟܘܢ ܣܦܪ̈ܐ ܘܦܪ̈ܝܫܐ ܢܣ̈ܒܝ ܒܐܦܐ ܕܡܬܟܪܟܝܢ ܐܢܬܘܢ ܝܡܐ ܘܝܒܫܐ ܕܬܥܒܕܘܢ ܚܕ ܓܝܘܪܐ ܘܡܐ ܕܗܘܐ ܥܒܕܝܢ ܐܢܬܘܢ ܠܗ ܒܪܗ ܕܓܗܢܐ ܐܥܦܐ ܥܠܝܟܘܢ܀
23:16	ܘܝܠܟܘܢ ܢܓܘ̈ܕܐ ܣܡ̈ܝܐ ܕܐܡܪ̈ܝܢ ܐܢܬܘܢ ܕܡܢ ܕܝܡܐ ܒܗܝܟܠܐ ܠܐ ܡܟܐ ܘܡܢ ܕܝܡܐ ܒܕܗܒܐ ܕܒܗܝܟܠܐ ܚܛܐ
23:17	ܣܟ̈ܠܐ ܘܥܘܝܪ̈ܐ ܡܢܐ ܪܒ ܕܗܒܐ ܐܘ ܗܝܟܠܐ ܕܗܘ ܡܩܕܫ ܠܗ ܠܕܗܒܐ
23:18	ܘܡܢ ܕܝܡܐ ܒܡܕܒܚܐ ܠܐ ܡܟܐ ܘܡܢ ܕܝܡܐ ܒܩܘܪܒܢܐ ܕܥܠ ܡܕܒܚܐ ܚܛܐ
23:19	ܥܘܝܪ̈ܐ ܡܢܐ ܪܒ ܩܘܪܒܢܐ ܐܘ ܡܕܒܚܐ ܕܗܘ ܡܩܕܫ ܠܗ ܠܩܘܪܒܢܐ
23:20	ܡܢ ܕܝܡܐ ܗܟܝܠ ܒܡܕܒܚܐ ܝܡܐ ܒܗ ܘܒܟܠ ܡܐ ܕܐܝܬ ܥܠܘܗܝ
23:21	ܘܡܢ ܕܝܡܐ ܒܗܝܟܠܐ ܝܡܐ ܒܗ ܘܒܡܢ ܕܥܡܪ ܒܗ
23:22	ܘܡܢ ܕܝܡܐ ܒܫܡܝܐ ܝܡܐ ܒܟܘܪܣܝܗ ܕܐܠܗܐ ܘܒܡܢ ܕܝܬܒ ܥܠܘܗܝ
23:23	ܘܝܠܟܘܢ ܣܦܪ̈ܐ ܘܦܪ̈ܝܫܐ ܢܣ̈ܒܝ ܒܐ̈ܦܐ ܕܡܥܣܪ̈ܝܢ ܐܢܬܘܢ ܗܪܙܡܐ ܘܫܒܬܐ ܘܟܡܘܢܐ ܘܫܒܩܬܘܢ ܝܩܝܪܬܐ ܕܐܘܪܝܬܐ ܕܝܢܐ ܘܚܢܢܐ ܘܗܝܡܢܘܬܐ܂ ܗܠܝܢ ܕܝܢ ܥܒܕܬܘܢ ܘܗܠܝܢ ܕܝܢ ܠܐ ܫܒܩܬܘܢ܂
23:24	ܢܓܘ̈ܕܐ ܣܡܝܐ ܕܡܨܠܠܝܢ ܐܢܬܘܢ ܡܢ ܒܩ̈ܐ ܘܒܠܥܝܢ ܐܢܬܘܢ ܓܡܠܐ܀
23:25	ܘܝܠܟܘܢ ܣܦܪ̈ܐ ܘܦܪ̈ܝܫܐ ܢܣ̈ܒܝ ܒܐܦܐ ܕܡܕܟܝܢ ܐܢܬܘܢ ܒܪܗ ܕܟܣܐ ܘܕܦܝܢܟܐ ܘܡܢ ܠܓܘ ܡ̈ܠܝܢ ܚܛܘܦܝܐ ܘܟܠ ܛܢܦܘܬܐ
23:26	ܦܪ̈ܝܫܐ ܥܘܝܪܐ ܕܟܘ ܠܘܩܕܡ ܓܘܗ ܕܟܣܐ ܘܐܦ ܒܪܗ ܕܟܐ ܗܘ܀
23:27	ܘܝܠܟܘܢ ܣܦܪ̈ܐ ܘܦܪ̈ܝܫܐ ܢܣ̈ܒܝ ܒܐ̈ܦܐ ܕܕܡܝܢ ܐܢܬܘܢ ܠܩܒܪ̈ܐ ܕܡܢ ܠܒܪ ܡܚܘܪ̈ܝܢ܂ ܘܡܢ ܠܓܘ ܡܠܝܢ ܓܪ̈ܡܐ ܕܡܝ̈ܬܐ ܘܟܠܗ ܛܢܦܘܬܐ܂
23:28	ܗܟܢܐ ܐܦ ܐܢܬܘܢ ܡܢ ܠܒܪ ܡܬܚܙܝܢ ܐܢܬܘܢ ܠܒ̈ܢܝ ܐܢܫܐ ܐܝܟ ܙܕܝܩ̈ܐ ܘܡܢ ܠܓܘ ܡ̈ܠܝܢ ܥܘܠܐ ܘܫܓܝܫܘܬܐ
23:29	ܘܝܠܟܘܢ ܣܦܪ̈ܐ ܘܦܪ̈ܝܫܐ ܢܣ̈ܒܝ ܒܐܦ̈ܐ ܕܒܢܝܢ ܐܢܬܘܢ ܩܒܪ̈ܐ ܕܢܒ̈ܝܐ ܘܡܨܒܬܝܢ ܐܢܬܘܢ ܒܝܬ ܩܒܘܪ̈ܐ ܕܙܕܝܩܐ
23:30	ܘܐܡܪܝܢ ܐܢܬܘܢ ܕܐܠܘ ܗܘܝܢ ܒܝܘܡܝ ܐܒ̈ܗܝܢ ܠܐ ܡܫ̈ܬܘܬܦܐ ܗܘܝܢ ܠܗܘܢ ܒܕܡܐ ܕܢܒ̈ܝܐ܂
23:31	ܡܟܝܠ ܡܘܕܝܢ ܐܢܬܘܢ ܕܒܢ̈ܝܐ ܐܢܬܘܢ ܕܗܢܘܢ ܕܩܛܠܘ ܠܢܒ̈ܝܐ܂
23:32	ܘܐܦ ܐܢܬܘܢ ܬܡܠܘܢ ܡܘܫܚܬܐ ܕܐܒܗ̈ܝܟܘܢ
23:33	ܚܘ̈ܘܬܐ ܝܠܕܐ ܕܐܟܕܢܐ ܐܝܟܢܐ ܬܥܪܩܘܢ ܡܢ ܕܝܢܐ ܕܓܗܢܐ
23:34	ܡܛܠ ܗܢܐ ܗܐ ܐܢܐ ܡܫܕܪܢܐ ܠܘܬܟܘܢ ܢܒ̈ܝܐ ܘܚܟܝ̈ܡܐ ܘܣܦܪ̈ܐ ܡܢܗܘܢ ܬܩܛܠܘܢ ܘܬܙܩܦܘܢ ܘܡܢܗܘܢ ܬܢܓܕܘܢ ܒܟܢܘܫܬܟܘܢ ܘܬܪܕܦܘܢ ܐܢܘܢ ܡܢ ܡܕܝܢܐ ܠܡܕܝܢܐ܂
23:35	ܕܢܐܬܐ ܥܠܝܟܘܢ ܕܡܐ ܟܘܠܗ ܕܙܕܝܩܐ ܕܐܬܐܫܕ ܥܠ ܐܪܥܐ܂ ܡܢ ܕܡܗ ܕܗܒܝܠ ܙܕܝܩܐ ܘܥܕܡܐ ܠܕܡܗ ܕܙܟܪܝܐ ܒܪ ܒܪܟܝܐ ܗܘ ܕܩܛܠܬܘܢ ܒܝܢܝ ܗܝܟܠܐ ܠܡܕܒܚܐ
23:36	ܐܡܝܢ ܐܡܪܢܐ ܠܟܘܢ ܕܢܐܬܝܢ ܗܠܝܢ ܟܘܠܗܝܢ ܥܠ ܫܪܒܬܐ ܗܕܐ܀
23:37	ܐܘܪܫܠܡ ܐܘܪܫܠܡ ܕܩܛܠܬܝ ܢܒܝܐ ܘܪܓܡܬܝ ܠܐܝܠܝܢ ܕܫܠܝܚܝܢ ܗܘܘ ܠܘܬܟܝ ܟܡܐ ܙܒܢܝܢ ܨܒܝܬ ܕܐܟܢܫ ܐܢܘܢ ܠܒܢܝ̈ܟܝ ܐܝܟ ܬܪܢܓܘܠܬܐ ܕܟܢܫܐ ܠܦܪܘܓܝܗ ܕܬܚܝܬ ܟܢܦ̈ܝܗ ܘܠܐ ܨܒܝܬܘܢ
23:38	ܗܐ ܫܒܝܩ ܒܝܬܟܘܢ
23:39	ܐܡܪܢܐ ܠܟܘܢ ܓܝܪ ܕܠܐ ܬܚܙܘܢܢܝ ܡܢ ܗܫܐ ܥܕܡܐ ܕܬܐܡܪܘܢ ܒܪܝܟ ܗܘ ܕܐܬܐ ܒܫܡܗ ܕܡܪܝܐ܀
24:01	ܘܟܕ ܢܦܩ ܝܫܘܥ ܡܢ ܗܝܟܠܐ ܠܡܐܙܠ܂ ܘܩܪܒܘ ܬܠܡܝܕܘܗܝ܂ ܡܚܘܝܢ ܠܗ ܒܢܝܢܐ ܕܗܝܟܠܐ
24:02	ܗܘ ܕܝܢ ܥܢܐ ܘܐܡܪ ܠܗܘܢ ܚܙܝܢ ܐܢܬܘܢ ܗܠܝܢ ܟܠܗܝܢ ܟܐܦܐ ܐܡܝܢ ܐܡܪܢܐ ܠܟܘܢ ܕܠܐ ܬܫܬܒܩ ܗܪܟܐ ܟܦܐ ܥܠ ܟܐܦܐ ܕܠܐ ܬܫܬܪܐ܀
24:03	ܘܟܕ ܝܬܒ ܒܛܘܪ ܙܝܬܐ ܩܪܒܘ ܬܠܡܝܕܘܗܝ ܘܐܡܪܝܢ ܠܗ ܐܡܪ ܠܢ ܠܐܡܬܝ ܢܗܘܝܢ ܘܡܢܐ ܗܝ ܐܬܐ ܕܡܬܝܬܟ ܘܕܫܘܠܡܗ ܕܥܠܡܐ
24:04	ܥܢܐ ܝܫܘܥ ܘܐܡܪ ܠܗܘܢ ܚܙܘ ܕܠܐ ܐܢܫ ܢܛܥܝܟܘܢ
24:05	ܣܓܝܐܐ ܓܝܪ ܢܐܬܘܢ ܒܫܡܝ ܘܢܐܡܪܘܢ ܕܐܢܐ ܐܢܐ ܡܫܝܚܐ ܘܣܓܝܐܐ ܢܛܥܘܢ
24:06	ܥܬܝܕܝܢ ܐܢܬܘܢ ܕܝܢ ܠܡܫܡܥ ܩܪܒܐ ܘܫܡܥܐ ܕܩܪܒܐ ܚܙܘ ܕܝܢ ܕܠܡܢܐ ܬܕܚܠܘܢ ܥܬܝܕܢ ܕܡܗܘܐ ܗܠܝܢ ܐܠܐ ܠܐ ܥܕܟܝܠ ܫܘܠܡܐ
24:07	ܢܩܘܡ ܓܝܪ ܥܡܐ ܥܠ ܥܡܐ ܘܡܠܟܘܬܐ ܥܠ ܡܠܟܘܬܐ ܘܢܗܘܘܢ ܟܦ̈ܢܐ ܘܙܘܥܐ ܒܐܬܪܘܢ ܐܬܪܘܢ܂
24:08	ܗܠܝܢ ܕܝܢ ܟܠܗܝܢ ܪܫܐ ܐܢܝܢ ܕܚܒܠܐ
24:09	ܘܗܝܕܝܢ ܢܫܠܡܘܢܟܘܢ ܠܐܘܠܨܢܐ ܘܢܩܛܠܘܢܟܘܢ ܘܢܗܘܐ ܣܢܐ ܠܟܘܢ ܟܘܠ ܐܢܫ ܡܛܘܠ ܫܡܝ
24:10	ܗܝܕܝܢ ܢܬܟܫܠܘܢ ܣܓܝܐܐ ܘܚܕ ܠܚܕ ܢܫܠܡܘܢ ܘܢܣܢܘܢ ܚܕ ܠܚܕ
24:11	ܘܣܓܝܐܐ ܢܒܝܐ ܕܫܘܩܪܐ ܢܩܘܡܘܢ ܘܢܛܥܘܢ ܣܓ̈ܝܐܐ
24:12	ܘܡܛܠ ܣܓܝܐܘܬ ܥܘܠܐ ܢܦܘܓ ܚܘܒܐ ܕܣܓܝܐܐ
24:13	ܐܠܐ ܡܢ ܕܡܣܝܒܪ ܥܕܡܐ ܠܚܪܬܐ ܗܘ ܢܚܐ
24:14	ܘܬܬܟܪܙ ܗܢܐ ܣܒܪܬܐ ܕܡܠܟܘܬܐ ܒܟܠܗ ܥܠܡܐ ܠܣܗܕܘܬܐ ܕܟܠܗܘܢ ܥܡܡܐ ܘܗܝܕܝܢ ܢܐܬܐ ܫܘܠܡܐ
24:15	ܡܐ ܕܝܢ ܕܚܙܝܬܘܢ ܐܬܐ ܕܛܢܦܘܬܐ ܕܐܬܐܡܪ ܒܕܢܝܐܝܠ ܢܒܝܐ ܗܘ ܕܩܪܐ ܢܣܬܟܠ
24:16	ܗܝܕܝܢ ܐܝܠܝܢ ܕܒܝܗܘܕ ܢܥܪܩܘܢ ܠܛܘܪܐ
24:17	ܘܗܘ ܕܒܐܓܪܐ ܗܘ ܠܐ ܢܚܘܬ ܠܡܣܒ ܡܢ ܒܝܬܗ܂
24:18	ܘܐܝܢܐ ܕܒܩܪܝܬܐ ܗܘ ܠܐ ܢܬܦܢܐ ܠܒܣܬܪܗ ܠܡܣܒ ܡܪܛܘܛܗ܀
24:19	ܘܝ ܕܝܢ ܠܒܛܢܬܐ ܘܠܐܝܠܝܢ ܕܡܝܢܩܢ ܒܗܢܘܢ ܝܘܡ̈ܬܐ
24:20	ܗܘܝܬܘܢ ܕܝܢ ܡܨܠܝܢ ܕܠܐ ܢܗܘܐ ܥܪܘܩܝܟܘܢ ܒܣܬܘܐ ܘܠܐ ܒܫܒܬܐ
24:21	ܢܗܘܐ ܓܝܪ ܗܝܕܝܢ ܐܘܠܨܢܐ ܪܒܐ ܕܠܐ ܐܟܘܬܗ ܡܢ ܥܘܡܪ ܥܠܡܐ ܥܕܡܐ ܠܝܘܡܢܐ ܘܐܦܠܐ ܢܗܘܐ
24:22	ܘܐܠܘ ܠܐ ܗܘܝܢ ܟܪܝܢ ܗܘܘ ܝܘܡܬܐ ܗܢܘܢ ܠܐ ܚܝܐ ܗܘܐ ܟܘܠ ܒܣܪ ܡܛܠ ܓܒܝܐ ܕܝܢ ܢܬܟܪܘܢ ܝܘܡܬܐ ܗܢܘܢ
24:23	ܗܝܕܝܢ ܐܢ ܐܢܫ ܢܐܡܪ ܠܟܘܢ ܕܗܐ ܗܪܟܐ ܗܘ ܡܫܝܚܐ ܗܐ ܗܪܬܡܢ ܗܘ ܠܐ ܬܗܝܡܢܘܢ
24:24	ܢܩܘܡܘܢ ܓܝܪ ܡܫܝܚܐ ܕܓܠܐ ܘܢܒ̈ܝܐ ܕܓܠܐ ܘܢܬܠܘܢ ܐܬܘܬܐ ܪܘܪܒܬܐ ܘܬܕܡܪܬܐ ܗܟܢܐ ܕܐܢ ܡܫܟܚܐ ܐܦ ܠܓܒܝܐ ܢܛܥܘܢ܂
24:25	ܗܐ ܩܕܡܬ ܐܡܪܬ ܠܟܘܢ
24:26	ܕܐܢ ܢܐܡܪܘܢ ܠܟܘܢ ܗܐ ܒܚܘܪܒܐ ܗܘ܂ ܠܐ ܬܦܩܘܢ ܐܘ ܗܐ ܒܬܘܢܐ ܗܘ ܠܐ ܬܗܝܡܢܘܢ
24:27	ܐܝܟܢܐ ܕܒܪܩܐ ܓܝܪ ܒܪܩ ܡܢ ܡܕܢܚܐ ܘܡܬܚܙܐ ܥܕܡܐ ܠܡܥܪܒܐ ܗܟܢܐ ܬܗܘܐ ܡܬܝܬܗ ܕܒܪܗ ܕܐܢܫܐ
24:28	ܐܝܟܐ ܕܦܓܪܐ ܬܡܢ ܢܬܟܢܫܘܢ ܢܫܪ̈ܐ܀
24:29	ܡܚܕܐ ܕܝܢ ܡܢ ܒܬܪ ܐܘܠܨܢܐ ܕܗܢܘܢ ܝܘܡܬܐ ܢܚܫܟ ܫܡܫܐ ܘܢܘܗܪܗ ܕܣܗܪܐ ܠܐ ܢܢܗܪ ܘܢܦܠܘܢ ܟܘܟܒܐ ܡܢ ܫܡܝܐ ܘܢܙܘܥܘܢ ܚܝܠܘܬܐ ܕܫܡܝܐ
24:30	ܘܗܝܕܝܢ ܢܬܚܙܐ ܢܝܫܗ ܕܒܪܗ ܕܐܢܫܐ ܒܫܡܝܐ ܘܬܚܙܘܢ ܠܒܪܗ ܕܐܢܫܐ ܕܐܬܐ ܥܠ ܥܢܢܝ̈ ܫܡܝܐ ܥܡ ܚܝܠܐ ܪܒܐ ܘܫܘܒܚܐ
24:31	ܘܢܫܕܪ ܡܠܐܟܘܗܝ ܥܡ ܩܪܢܐ ܪܒܬܐ ܘܢܟܢܫ ܠܓܒ̈ܘܗܝ ܡܢ ܐܪ̈ܒܥ ܪ̈ܘܚܐ ܡܢ ܥܒܪܐ ܕܫܡܝܐ ܥܕܡܐ ܠܥܒܪܐ
24:32	ܡܢ ܬܬܐ ܕܝܢ ܝܠܦܘ ܦܠܐܬܐ ܕܡܐ ܕܪܟܘ ܣܘ̈ܟܝܗ ܘܦܪܥܘ ܛܪܦܝܗ ܝܕܥܝܢ ܐܢܬܘܢ ܕܩܪܝܒ ܗܘ ܩܝܛܐ
24:33	ܗܟܢܐ ܐܦ ܐܢܬܘܢ ܡܐ ܕܚܙܝܬܘܢ ܗܠܝܢ ܟܠܗܝܢ ܝܕܥܝܢ ܐܢܬܘܢ ܕܩܪܒܬ ܠܬܪܥܐ
24:34	ܐܡܝܢ ܐܡܪܢܐ ܠܟܘܢ ܕܠܐ ܬܥܒܪ ܫܪܒܬܐ ܗܕܐ ܥܕܡܐ ܕܗܠܝܢ ܟܘܠܗܝܢ ܢܗܘܝܢ
24:35	ܫܡܝܐ ܘܐܪܥܐ ܢܥܒܪܘܢ ܘܡܠܝ ܠܐ ܢܥܒܪܢ܀
24:36	ܥܠ ܝܘܡܐ ܕܝܢ ܘܥܠ ܫܥܬܐ ܗܝ ܐܢܫ ܠܐ ܝܕܥ ܘܐܦܠܐ ܡܠܐܟܝ ܫܡܝܐ ܐܠܐ ܐܒܐ ܒܠܚܘܕ
24:37	ܐܝܟ ܕܗܘܐ ܓܝܪ ܒܝܘܡܝ ܢܘܚ ܗܟܢܐ ܬܗܘܐ ܡܬܝܬܗ ܕܒܪܗ ܕܐܢܫܐ܂
24:38	ܐܟܙܢܐ ܓܝܪ ܕܡܢ ܩܕܡ ܛܘܦܢܐ ܐܟܠܝܢ ܗܘܘ ܘܫܬܝܢ ܘܡܟܪܝܢ ܘܡܡܟܪ̈ܝܢ ܥܕܡܐ ܕܥܠ ܢܘܚ ܠܩܒܘܬܐ
24:39	ܘܠܐ ܝܕܥܘ ܥܕܡܐ ܕܐܬܐ ܛܘܦܢܐ ܘܫܩܠ ܠܟܠܗܘܢ ܗܟܢܐ ܬܗܘܐ ܡܬܝܬܗ ܕܒܪܗ ܕܐܢܫܐ
24:40	ܗܝܕܝܢ ܬܪܝܢ ܢܗܘܘܢ ܒܛܘܪܐ ܚܕ ܢܬܕܒܪ ܘܚܕ ܢܫܬܒܩ
24:41	ܘܬܪܬܝܢ ܢܗܘܝܢ ܛܚܢܢ ܪܚܝܐ ܚܕܐ ܡܬܕܒܪܐ ܘܚܕܐ ܡܫܬܒܩܐ
24:42	ܗܘܘ ܥܝܪܝܢ ܕܠܐ ܝܕܥܝܢ ܐܢܬܘܢ ܒܐܝܕܐ ܫܥܬܐ ܐܬܐ ܡܪܟܘܢ
24:43	ܘܗܕܐ ܗܘܝܬܘܢ ܝܕܥܝܢ ܕܐܠܘ ܝܕܥ ܗܘܐ ܡܪܐ ܒܝܬܐ ܒܐܝܕܐ ܡܛܪܬܐ ܐܬܐ ܗܘܐ ܓܢܒܐ ܡܬܬܥܝܪ ܗܘܐ ܘܠܐ ܫܒܩ ܗܘܐ ܕܢܬܦܠܫ ܒܝܬܗ
24:44	ܡܛܠ ܗܢܐ ܐܦ ܐܢܬܘܢ ܗܘܝܬܘܢ ܡܛܝܒܝܢ ܕܒܫܥܬܐ ܕܠܐ ܣܒܪܝܢ ܐܢܬܘܢ ܢܐܬܐ ܒܪܗ ܕܐܢܫܐ
24:45	ܡܢܘ ܟܝ ܐܝܬܘܗܝ ܐܝܢܐ ܥܒܕܐ ܡܗܝܡܢܐ ܘܚܟܝܡܐ ܕܐܩܝܡܗ ܡܪܗ ܥܠ ܟܢ̈ܘܬܗ܂ ܕܢܬܠ ܠܗܘܢ ܦܪܣܐ ܒܙܒܢܗ܂
24:46	ܛܘܒܘܗܝ ܠܥܒܕܐ ܗܘ ܕܐܢ ܢܐܬܐ ܡܪܗ ܢܫܟܚܝܗܝ ܕܥܒܕ ܗܟܢܐ܂
24:47	ܐܡܝܢ ܐܡܪܢܐ ܠܟܘܢ ܕܢܫܠܛܘܗܝ ܥܠ ܟܘܠ ܡܐ ܕܐܝܬ ܠܗ܂
24:48	ܐܢ ܕܝܢ ܢܐܡܪ ܥܒܕܐ ܒܝܫܐ ܒܠܒܗ ܕܡܪܝ ܡܘܚܪ ܠܡܐܬܐ
24:49	ܘܢܫܪܐ ܠܡܡܚܐ ܠܟܢܘܬܗ ܘܢܗܘܐ ܐܟܠ ܘܫܬܐ ܥܡ ܪܘܝܐ
24:50	ܢܐܬܐ ܡܪܗ ܕܥܒܕܐ ܗܘ ܒܝܘܡܐ ܕܠܐ ܣܒܪ ܘܒܫܥܬܐ ܕܠܐ ܝܕܥ
24:51	ܘܢܦܠܓܝܘܗܝ ܘܢܣܝܡ ܡܢܬܗ ܥܡ ܢܣܒܝ ܒܐܦ̈ܐ ܘܬܡܢ ܢܗܘܐ ܒܟܝܐ ܘܚܘܪܩ ܫܢܐ܀
25:01	ܗܝܕܝܢ ܬܬܕܡܐ ܡܠܟܘܬܐ ܕܫܡܝܐ ܠܥܣܪ̈ ܒܬܘܠܢ ܕܫܩܠ ܠܡܦܕܝ̈ܗܝܢ ܘܢܦܩ ܠܐܘܪܥ ܚܬܢܐ ܘܟܠܬܐ
25:02	ܚܡܫ ܕܝܢ ܡܢܗܝܢ ܣܟܠܢ ܗܘܝ ܘܚܡܫ ܚܟܝܡܢ
25:03	ܘܗܢܝܢ ܣܟܠܬܐ ܢܣܒ ܠܡܦܕܝ̈ܗܝܢ ܘܠܐ ܢܣܒ ܥܡܗܝܢ ܡܫܚܐ
25:04	ܚܟܝ̈ܡܬܐ ܕܝܢ ܢܣܒ ܡܫܚܐ ܒܡܐܢܐ ܥܡ ܠܡܦܕܝܗܝܢ܂
25:05	ܟܕ ܐܘܚܪ ܕܝܢ ܚܬܢܐ ܢܡ ܟܘ̈ܠܗܝܢ ܘܕܡܟ܂
25:06	ܒܦܠܓܐ ܕܝܢ ܕܠܠܝܐ ܗܘܐ ܩܠܐ ܗܐ ܚܬܢܐ ܐܬܐ ܦܘܩܘ ܠܐܘܪܥܗ
25:07	ܗܝܕܝܢ ܩܡ ܟܠܗܝܢ ܒ̈ܬܘܠܬܐ ܗܠܝܢ ܘܬܩܢ ܠܡܦܕܝ̈ܗܝܢ
25:08	ܐܡܪܢ ܗܠܝܢ ܣܟܠܬܐ ܠܗܠܝܢ ܚܟܝܡ̈ܬܐ ܗܒܝܢ ܠܢ ܡܢ ܡܫܚܟܝܢ ܕܗܐ ܕܥܟܝܢ ܠܗܘܢ ܠܡܦܕܝܢ
25:09	ܐܡܪ̈ܢ ܠܗ̈ܝܢ ܗ̈ܠܝܢ ܚܟܝܡ̈ܬܐ ܕܠܡܐ ܠܐ ܢܣܦܩ ܠܢ ܘܠܟܝ̈ܢ܂ ܐܠܐ ܙܠܝܢ ܠܘܬ ܐܝܠܝܢ ܕܡܙܒܢܝܢ ܘܙܒܢܢ ܠܟܝ̈ܢ܂
25:10	ܘܟܕ ܐܙ̈ܠܢ ܠܡܙܒܢ ܐܬܐ ܚܬܢܐ ܘܗܢܝܢ ܕܡܛܝܒܢ ܗܘܝ ܥܠ ܥܡܗ ܠܒܝܬ ܡܫܬܘܬܐ܂ ܘܐܬܚܕ ܠܗ ܬܪܥܐ
25:11	ܒܐܚܪܝܬܐ ܕܝܢ ܐܬܝ ܗ̈ܢܝܢ ܒܬܘ̈ܠܬܐ ܘܐܡܪܢ ܡܪܢ ܡܪܢ ܦܬܚ ܠܢ܂
25:12	ܗܘ ܕܝܢ ܥܢܐ ܘܐܡܪ ܐܡܝܢ ܐܡܪܢܐ ܠܟ̈ܝܢ ܕܠܐ ܝܕܥܢܐ ܠ̈ܟܝܢ
25:13	ܐܬܥܝܪܘ ܗܟܝܠ ܕܠܐ ܐܢܬܘܢ ܝܕܥܬܘܢ ܠܗ ܠܝܘܡܐ ܘܠܐ ܠܫܥܬܐ
25:14	ܐܝܟܢܐ ܓܝܪ ܕܓܒܪܐ ܕܚܙܩ ܘܩܪܐ ܠܥܒܕܘܗܝ ܘܐܫܠܡ ܠܗܘܢ ܩܢܝܢܗ
25:15	ܐܝܬ ܕܝܗܒ ܠܗ ܚܡܫ ܟܟܪܝܢ ܘܐܝܬ ܕܬܪܬܝܢ ܘܐܝܬ ܕܚܕܐ ܂܂܂ ܂܂܂ ܂܂܂ ܂܂܂ ܂܂܂ ܂܂܂
25:16	܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂
25:17	܂܂܂ ܘܗܟܘܬ ܐܦ ܗܘ ܕܬܪܬܝܢ ܂܂܂ ܐܬܬܓܪ ܒܬܪܬܝܢ ܐܚܪܢܐ
25:18	ܗܘ ܕܝܢ ܕܢܣܒ ܚܕܐ ܐܙܠ ܚܦܪ ܒܐܪܥܐ ܘܛܫܝ ܟܣܦܐ ܕܡܪܗ
25:19	ܒܬܪ ܕܝܢ ܙܒܢܐ ܣܓܝܐܐ ܐܬܐ ܡܪܗܘܢ ܕܗܢܘܢ ܥܒܕܐ ܘܢܣܒ ܡܢܗܘܢ ܚܘܫܒܢܐ
25:20	ܘܩܪܒ ܗܘ ܕܢܣܒ ܚܡܫ ܟܟܪܝܢ ܘܩܪܒ ܚܡܫ ܐܚܪܢܝܢ ܘܐܡܪ ܡܪܝ ܚܡܫ ܟܟܪ̈ܝܢ ܝܗܒܬ ܠܝ ܗܐ ܂܂܂ ܂܂܂܂܂܂܂܂܂ܕܬ ܂܂܂ ܂܂܂ ܂܂܂ ܂܂܂
25:21	܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂܂܂܂ܝܬ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂
25:22	܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ܟܟܪܝܢ&܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ܢ&܂܂܂ ܂܂܂ ܂܂܂ܗܐ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ܥܢܐ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂
25:23	܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂
25:24	܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂
25:25	܂܂܂ ܗܐ ܩܒܠ ܕܝܠܟ
25:26	ܥܢܐ ܡܪܗ ܘܐܡܪ ܠܗ ܥܒܕܐ ܒܝܫܐ ܂܂܂ ܝܕܥ ܗܘܝܬ ܠܝ ܕܚܨܕ ܐܢܐ ܂܂܂ ܂܂܂ ܂܂܂ ܂܂܂ ܘܡܟܢܫ ܐܢܐ ܂܂܂ ܂܂܂ ܂܂܂ ܒܕܪܬ
25:27	܂܂܂ ܂܂܂ ܂܂܂ ܕܝܢ ܂܂܂ ܂܂܂ ܂܂܂ ܂܂܂ ܥܠ ܂܂܂ ܂܂܂ ܂܂܂ ܂܂܂ ܂܂܂ ܕܝܢ ܂܂܂ ܂܂܂ ܂܂܂ ܂܂܂ ܂܂܂
25:28	܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂
25:29	܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂
25:30	܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂
25:31	܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂
25:32	ܘܢܬܟܢܫܘܢ ܩܕܡܘܗܝ ܟܠܗܘܢ ܥܡܡܐ ܘܢܦܪܫ ܐܢܘܢ ܚܕ ܡܢ ܚܕ ܐܝܟ ܪܥܝܐ ܕܡܦܪܫ ܥܪܒܐ ܡܢ ܓܕܝܐ
25:33	ܘܢܩܝܡ ܥܪ̈ܒܐ ܡܢ ܝܡܝܢܗ ܘܓܕܝܐ ܡܢ ܣܡܠܗ
25:34	ܗܝܕܝܢ ܢܐܡܪ ܡܠܟܐ ܠܗܢܘܢ ܕܡܢ ܝܡܝܢܗ ܬܘ ܒܪܝܟܘܗܝ ܕܐܒܝ ܝܪܬܘ ܂܂܂ ܂܂܂ ܂܂܂ ܗܘܬ ܂܂܂ ܂܂܂ ܂܂܂ ܂܂܂
25:35	܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܐܟܣܢܝܐ ܗܘܝܬ ܘܟܢܫܬܘܢܢܝ
25:36	ܥܪܛܠܝܐ ܗܘܝܬ ܘܐܠܒܫܬܘܢܢܝ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܂܂܂ ܠܘܬܝ
25:37	܂܂܂ ܂܂܂ ܠܗ ܂܂܂ ܂܂܂ ܂܂܂ ܂܂܂ ܐܘ ܡܪܢ ܐܡܬܝ ܚܙܝܢܟ ܂܂܂ ܐܢܬ ܂܂܂ ܂܂܂ ܨܗܝܬ ܘܐܫܩܝܢܟ
25:38	ܘܐܡܬܝ ܚܙܝܢܟ ܕܐܟܣܢܝܐ ܗܘܝܬ ܘܟܢܫܢܟ܂ ܐܘ ܥܪܛܠܝܐ ܗܘܝܬ ܘܐܠܒܫܢܟ
25:39	ܐܘ ܐܡܬܝ ܚܙܝܢܟ ܟܕ ܟܪܝܗ ܐܘ ܒܝܬ ܐܣܝܪ̈ܐ ܗܘܝܬ ܘܐܬܝܢ ܠܘܬܟ
25:40	ܘܥܢܐ ܘܐܡܪ ܠܗܘܢ ܐܡܝܢ ܐܡܪܢܐ ܠܟܘܢ ܕܡܕܡ ܕܥܒܕܬܘܢ ܠܚܕ ܡܢ ܗܠܝܢ ܐܚܝ ܙܥܘܪܝ ܠܝ ܗܘ ܥܒܕܬܘܢ
25:41	ܗܝܕܝܢ ܢܐܡܪ ܠܗܢܘܢ ܕܡܢ ܣܡܠܗ ܙܠܘ ܠܟܘܢ ܡܢܝ ܠܝܛܐ ܠܢܘܪܐ ܕܠܥܠܡ ܗܝ ܕܥܬܝܕܐ ܠܐܟܠ ܩܪܨܐ ܘܠܡܠܐܟܘܗܝ
25:42	ܟܦܢܬ ܓܝܪ ܘܠܐ ܝܗܒܬܘܢ ܠܝ ܠܡܐܟܠ ܨܗܐ ܗܘܝܬ ܘܠܐ ܐܫܩܝܬܘܢܢܝ
25:43	ܘܥܪܛܠܝܐ ܗܘܝܬ ܘܠܐ ܐܠܒܫܬܘܢܢܝ ܟܪܝܗܐ ܗܘܝܬ ܘܒܝܬ ܐܣܝܪܐ ܗܘܝܬ ܘܠܐ ܣܥܪܬܘܢܢܝ
25:44	ܗܝܕܝܢ ܢܥܢܘܢ ܐܦ ܗܢܘܢ ܘܢܐܡܪܘܢ ܡܪܢ ܐܡܬܝ ܚܙܝܢܟ ܟܕ ܟܦܢ ܐܢܬ ܐܘ ܟܕ ܨܗܐ ܐܢܬ ܐܘ ܟܕ ܐܟܣܢܝܐ ܐܢܬ ܐܘ ܥܪܛܠܝ ܐܘ ܟܪܝܗ ܐܘ ܒܝܬ ܐܣܝܪܐ ܐܢܬ ܘܠܐ ܫܡܫܢܟ
25:45	ܗܝܕܝܢ ܢܥܢܐ ܘܢܐܡܪ ܠܗܘܢ ܐܡܝܢ ܐܡܪܢܐ ܠܟܘܢ ܕܗܘ ܕܠܚܕ ܡܢ ܗܠܝܢ ܙܥܘܪ̈ܐ ܠܐ ܥܒܕܬܘܢ ܐܦ ܠܝ ܠܐ ܥܒܕܬܘܢ
25:46	ܘܢܐܙܠܘܢ ܗܠܝܢ ܠܬܫܢܝܩܐ ܕܠܥܠܡ ܘܙܕܝܩܐ ܠܚ̈ܝܐ ܕܠܥܠܡ܀
26:01	ܘܗܘܐ ܕܟܕ ܫܠܡ ܡ̈ܠܘܗܝ ܗܠܝܢ ܐܡܪ ܠܬܠܡܝܕܘܗܝ
26:02	ܝܕܥܝܢ ܐܢܬܘܢ ܡܢ ܒܬܪ ܬܪܝܢ ܝܘܡܝܢ ܗܘܐ ܦܨܚܐ ܘܒܪܗ ܕܐܢܫܐ ܡܫܬܠܡ ܕܢܙܕܩܦ
26:03	ܗܝܕܝܢ ܐܬܟܢܫܘ ܪܒܝ ܟܗܢܐ ܘܩܫܝܫܐ ܕܥܡܐ ܠܕܪܬܗ ܕܩܝܦܐ ܪܒ ܟܗܢܐ
26:04	ܘܡܬܚܫܒܝܢ ܗܘܘ ܕܒܢܟܠܐ ܢܐܚܕܘܢܝܗܝ ܠܝܫܘܥ ܘܢܩܛܠܘܢܝܗܝ
26:05	ܐܡܪܝܢ ܗܘܘ ܠܐ ܒܥܕܥܝܕܐ ܘܠܐ ܒܦܨܚܐ ܕܠܐ ܢܗܘܐ ܫܓܘܫܝܐ ܒܥܡܐ
26:06	ܘܟܕ ܗܘܐ ܝܫܘܥ ܒܒܝܬ ܥܢܝܐ ܒܒܝܬܗ ܕܫܡܥܘܢ ܓܪܒܐ
26:07	ܩܪܒܬ ܐܢܬܬܐ ܚܕܐ ܘܐܝܬ ܗܘܬ ܥܠܝܗ ܫܛܝܦܬܐ ܕܡܫܚܐ ܕܒܣܡܐ ܕܝܩܝܪ̈ܝܢ ܕܡܘܗܝ ܘܐܫܦܥܬܗ ܥܠ ܪܫܗ ܕܝܫܘܥ ܟܕ ܣܡܝܟ
26:08	ܚܙܘ ܕܝܢ ܬܠܡܝܕܘܗܝ ܘܐܡܪܘ ܠܡܢܐ ܐܒܕܢܐ ܗܢܐ
26:09	ܡܫܟܚ ܗܘܐ ܓܝܪ ܗܢܐ ܕܢܙܕܒܢ ܒܣܓܝ ܘܢܬܝܗܒ ܠܡܣ̈ܟܢܐ
26:10	ܝܫܘܥ ܕܝܢ ܝܕܥ ܘܐܡܪ ܠܗܘܢ ܡܢܐ ܡܠܐܝܢ ܠܗ ܠܐܢܬܬܐ ܥܒܕܐ ܫܦܝܪܐ ܘܛܒܐ ܥܒܕܬ ܠܘܬܝ
26:11	ܐܝܬܝܗܘܢ ܡܣܟܢܐ ܓܝܪ ܒܟܠܙܒܢ ܠܘܬܟܘܢ ܐܢܘܢ ܐܢܐ ܕܝܢ ܠܐ ܒܟܠܙܒܢ ܠܘܬܟܘܢ ܐܢܐ
26:12	ܗܕܐ ܕܝܢ ܕܐܪܡܝܬ ܡܫܚܐ ܗܢܐ ܥܠ ܦܓܪܝ ܐܝܟ ܕܠܡܩܒܪܢܝ ܥܒܕܬ
26:13	ܐܡܝܢ ܐܡܪܢܐ ܠܟܘܢ ܕܐܝܟܐ ܕܬܬܟܪܙ ܣܒܪܬܝ ܗܕܐ ܒܟܠܗ ܥܠܡܐ ܬܬܡܠܠ ܐܦ ܡܕܡ ܕܥܒܕܬ ܐܢܬܬܐ ܗܕܐ ܠܕܘܟܪܢܗ܀
26:14	ܗܝܕܝܢ ܐܙܠ ܚܕ ܡܢ ܬܪܥܣܪ ܕܡܬܩܪܐ ܝܗܘܕܐ ܣܟܪܝܘܛܐ ܠܘܬ ܪܒܝ ܟܗܢܐ
26:15	ܘܐܡܪ ܠܗܘܢ ܡܢܐ ܐܢܬܘܢ ܨܒܝܢ ܠܡܬܠ ܐܢܬܘܢ ܘܐܢܐ ܡܫܠܡ ܠܗ ܠܟܘܢ ܘܐܩܝܡܘ ܠܗ ܬܠܬܝܢ ܕܟܣܦܐ
26:16	ܘܡܢ ܗܝܕܝܢ ܒܥܐ ܗܘܐ ܠܗ ܦܠܥܐ ܕܢܫܠܡܝܘܗܝ
26:17	ܒܝܘܡܐ ܕܝܢ ܩܕܡܝܐ ܕܦܛܝܪܐ ܩܪܒܘ ܬܠܡܝܕܘܗܝ ܕܝܫܘܥ ܘܐܡܪܝܢ ܠܗ ܐܝܟܐ ܨܒܐ ܐܢܬ ܕܢܛܝܒ ܠܟ ܕܬܐܟܘܠ ܦܨܚܐ܂
26:18	ܐܡܪ ܠܗܘܢ ܙܠܘ ܠܡܕܝܢܬܐ ܠܘܬ ܦܠܢ ܘܐܡܪܘ ܠܗ ܪܒܢ ܐܡܪ ܙܒܢܝ ܩܪܝܒ ܗܘ ܠܘܬܟ ܥܒܕܢܐ ܦܨܚܐ ܥܡ ܬܠܡ̈ܝܕܝ܂
26:19	ܘܥܒܕܘ ܬܠܡܝ̈ܕܘܗܝ ܐܝܟܢܐ ܕܦܩܕ ܐܢܘܢ ܝܫܘܥ ܘܛܝܒܘ ܦܨܚܐ
26:20	ܘܟܕ ܗܘܐ ܪܡܫܐ ܣܡܝܟ ܗܘܐ ܠܘܬ ܬܪܥܣܪܬܗ
26:21	ܘܟܕ ܗܢܘܢ ܠܥܣܝܢ܂ ܐܡܪ ܠܗܘܢ ܐܡܝܢ ܐܡܪܢܐ ܠܟܘܢ ܕܚܕ ܡܢܟܘܢ ܢܫܠܡܢܝ
26:22	ܘܟܪܝܬ ܠܗܘܢ ܛܒ ܘܫܪܝܘ ܠܡܐܡܪ ܚܕ ܚܕ ܡܢܗܘܢ ܕܠܡܐ ܐܢܐ ܗܘ ܡܪܝ
26:23	ܐܡܪ ܠܗܘܢ ܗܘ ܕܡܘܫܛ ܐܝܕܗ ܥܡܝ ܒܠܓܬܐ ܗܘ ܢܫܠܡܢܝ܂
26:24	ܘܒܪܗ ܕܐܢܫܐ ܐܙܠ ܐܝܟܢܐ ܕܟܬܝܒ ܥܠܘܗܝ ܘܝ ܕܝܢ ܠܗܘ ܓܒܪܐ ܕܒܐܝܕܗ ܕܡܫܬܠܡ ܐܢܐ܂ ܦܩܚ ܗܘܐ ܠܗ ܐܠܘ ܠܐ ܐܬܝܠܕ܂
26:25	ܘܥܢܐ ܝܗܘܕܐ ܡܫܠܡܢܐ ܘܐܡܪ ܕܠܡܐ ܐܢܐ ܗܘ ܪܒܝ܂ ܐܡܪ ܠܗ܂ ܐܢܬ ܐܡܪܬ
26:26	ܘܟܕ ܗܢܘܢ ܠܥܣܝܢ ܢܣܒ ܝܫܘܥ ܠܚܡܐ ܘܒܪܟ ܥܠܘܗܝ ܘܩܨܐ ܘܝܗܒ ܠܬܠܡܝܕܘܗܝ ܘܐܡܪ ܣܒܘ ܐܟܘܠܘ ܗܢܘ ܦܓܪܝ
26:27	ܘܢܣܒ ܟܣܐ ܘܐܘܕܝ ܥܠܘܗܝ ܘܝܗܒ ܠܗܘܢ ܘܐܡܪ ܣܒܘ ܐܫܬܘ ܡܢܗ ܟܘܠܟܘܢ
26:28	ܗܢܘ ܕܡܝ ܕܝܬܩܐ ܚܕܬܐ ܕܡܬܐܫܕ ܚܠܦ ܣܓܝܐܐ ܠܫܘܒܩܢܐ ܕܚ̈ܛܗܐ
26:29	ܐܡܪܢܐ ܠܟܘܢ ܓܝܪ ܕܠܐ ܐܫܬܐ ܡܢ ܗܫܐ ܡܢ ܦܐܪܗ ܕܓܦܬܐ ܥܕܡܐ ܠܝܘܡܐ ܕܐܫܬܝܘܗܝ ܥܡܟܘܢ ܚܕܬܐ ܒܡܠܟܘܬܗ ܕܐܒܝ
26:30	ܘܟܕ ܫܒܚܘ܂ ܐܙܠܘ ܠܛܘܪܐ ܕܙܝ̈ܬܐ
26:31	ܗܝܕܝܢ ܐܡܪ ܠܗܘܢ ܝܫܘܥ ܟܠܟܘܢ ܬܬܟܫܠܘܢ ܒܝ ܒܗܢܐ ܠܠܝܐ ܟܬܝܒ ܗܘ ܓܝܪ ܕܐܡܚܐ ܠܪܥܝܐ ܘܢܬܒܕܪܘܢ ܐܡܪ̈ܐ ܕܥܢܗ܂
26:32	ܘܡܐ ܕܩܡܬ ܡܩܕܡܢܐ ܠܟܘܢ ܠܓܠܝܠܐ܀
26:33	ܥܢܐ ܫܡܥܘܢ ܟܐܦܐ ܘܐܡܪ ܐܢ ܟܠܗܘܢ ܢܬܟܫܠܘܢ ܒܟ ܐܢܐ ܠܥܠܡ ܠܐ ܡܬܟܫܠܢܐ ܒܟ
26:34	ܐܡܪ ܠܗ ܝܫܘܥ ܐܡܝܢ ܐܡܪܢܐ ܠܟ ܕܒܗܢܐ ܠܠܝܐ ܥܕܠܐ ܢܩܪܐ ܬܪܢܓܠܐ ܬܠܬ̈ ܙܒܢܝܢ ܬܟܦܘܪ ܒܝ܂
26:35	ܐܡܪ ܠܗ ܫܡܥܘܢ ܟܐܦܐ ܐܢ ܢܗܘܐ ܠܝ ܠܡܡܬ ܥܡܟ ܠܐ ܐܟܦܘܪ ܒܟ ܘܐܦ ܟܠܗܘܢ ܬܠܡ̈ܝܕܐ ܗܟܢܐ ܐܡܪܘ
26:36	ܗܝܕܝܢ ܐܬܐ ܥܡܡܗܘܢ ܝܫܘܥ ܠܐܬܪܐ ܕܡܬܩܪܐ ܓܘܣܡܢܝ ܐܡܪ ܠܬܠܡ̈ܝܕܘܗܝ ܬܒܘ ܗܪܟܐ ܥܕ ܐܙܠ ܐܨܠܐ
26:37	ܘܕܒܪ ܠܫܡܥܘܢ ܘܠܬܪܝܗܘܢ ܒܢܝ ܙܒܕܝ ܘܫܪܝ ܗܘܐ ܠܡܬܟܡܪܘ ܘܠܡܨܦ܂
26:38	ܗܝܕܝܢ ܐܡܪ ܠܗܘܢ ܗܐ ܟܪܝܐ ܗܝ ܠܗ ܠܢܦܫܝ ܥܕܡܐ ܠܡܘܬܐ ܩܘܘ ܗܪܟܐ ܘܐܬܥܝܪܘ ܥܡܝ
26:39	ܘܫܢܝ ܡܢܗܘܢ ܩܠܝܠ ܢܦܠ ܥܠ ܐܦ̈ܘܗܝ ܘܡܨܠܐ ܗܘܐ ܘܐܡܪ ܗܘܐ ܐܒܝ ܕܐܢ ܡܫܟܚ ܕܢܥܒܪ ܡܢܝ ܟܣܐ ܗܢܐ ܒܪܡ ܠܐ ܨܒܝܢܝ ܕܝܠܝ ܢܗܘܐ ܐܠܐ ܐܢ ܕܝܠܟ
26:40	ܘܐܬܐ ܠܘܬ ܬܠܡܝܕܘܗܝ ܘܐܫܟܚ ܐܢܘܢ ܟܕ ܕܡܟܝܢ ܘܐܡܪ ܠܫܡܥܘܢ ܗܟܢܐ ܐܦܠܐ ܚܕܐ ܫܥܐ ܐܫܟܚܬܘܢ ܠܡܬܥܪܘ ܥܡܝ
26:41	ܐܬܥܝܪܘ ܘܨܠܘ ܕܠܐ ܬܥܠܘܢ ܠܢܣܝܘܢܐ ܪܘܚܐ ܨܒܝܐ ܐܠܐ ܦܓܪܐ ܟܪܝܗ
26:42	ܬܘܒ ܕܬܪܬܝܢ ܙܒܢܝܢ ܐܙܠ ܠܡܨܠܝܘ ܐܡܪ ܐܒܝ ܐܢ ܠܐ ܡܫܟܚ ܟܣܐ ܗܢܐ ܕܢܥܒܪ ܐܠܐ ܐܢ ܐܫܬܝܬܗ ܢܗܘܐ ܨܒܝܢܟ܂
26:43	ܘܐܬܐ ܬܘܒ ܘܐܫܟܚ ܐܢܘܢ ܟܕ ܕܡܟܝܢ ܡܛܘܠ ܕܥܝܢܝܗܘܢ ܒܫܢܬܐ ܝܩܝܪܢ ܗܘܝ܂
26:44	ܘܫܒܩ ܐܢܘܢ ܘܐܙܠ ܠܡܨܠܝܘ ܕܬܠܬ̈ ܙܒܢܝܢ ܘܬܘܒ ܗܟܘܬ ܐܡܪ܂
26:45	ܗܝܕܝܢ ܐܬܐ ܠܘܬ ܬܠܡܝܕܘܗܝ ܘܐܡܪ ܠܗܘܢ ܕܡܟܘ ܡܟܝܠ ܘܐܬܢܝܚܘ ܗܐ ܓܝܪ ܩܪܒܬ ܫܥܬܐ ܘܒܪܗ ܕܐܢܫܐ ܡܫܬܠܡ ܒܐܝܕܝܗܘܢ ܕܚ̈ܛܝܐ
26:46	ܩܘܡܘ ܢܐܙܠ ܡܟܐ ܡܛܐ ܠܗ ܗܘ ܕܡܫܠܡ ܠܝ܀
26:47	ܥܕ ܗܘ ܡܡܠܠ ܘܗܐ ܝܗܘܕܐ ܚܕ ܡܢ ܬܪ̈ܥܣܪܬܐ ܐܬܐ ܘܥܡܗ ܟܢܫܐ ܣܓܝܐܐ ܒܣ̈ܝܦܐ ܘܚܘܛܪ̈ܐ ܡܢ ܠܘܬ ܪ̈ܒܝ ܟܗ̈ܢܐ ܘܩܫܝܫܐ ܕܥܡܐ܂
26:48	ܝܗܘܕܐ ܕܝܢ ܡܫܠܡܢܐ ܝܗܒ ܠܗܘܢ ܐܬܐ ܘܐܡܪ ܕܠܗܘ ܐܝܢܐ ܕܢܫܩܢܐ ܠܗ ܠܗ ܐܚܘܕܘ
26:49	ܘܩܪܒ ܠܘܬ ܝܫܘܥ ܘܢܫܩܗ ܘܐܡܪ ܠܗ ܫܠܡ ܪܒܝ
26:50	ܝܫܘܥ ܕܝܢ ܐܡܪ ܠܗ ܥܠ ܡܐ ܐܬܝܬ ܚܒܪܝ ܗܝܕܝܢ ܩܪܒܘ ܘܐܪܡܝܘ ܥܠܘܗܝ ܐܝܕܝܐ ܘܐܚܕܘܗܝ ܠܝܫܘܥ
26:51	ܘܗܐ ܚܕ ܡܢ ܬܠܡܝܕܘܗܝ ܕܝܫܘܥ ܐܘܫܛ ܐܝܕܗ ܘܫܡܛ ܣܝܦܐ ܘܡܚܝܗܝ ܠܛܠܝܗ ܕܪܒ ܟܗ̈ܢܐ ܘܫܩܠܗ ܐܕܢܗ
26:52	ܗܝܕܝܢ ܐܡܪ ܠܗ ܝܫܘܥ ܐܗܦܟ ܣܝܦܐ ܠܕܘܟܬܗ ܟܠܗܘܢ ܓܝܪ ܐܝܠܝܢ ܕܫܩܠܘ ܣܝܦܐ ܒܣܝܦܐ ܢܐܒܕܘܢ܂
26:53	ܐܘ ܣܒܪ ܐܢܬ ܕܠܐ ܡܫܟܚ ܐܢܐ ܕܐܒܥܐ ܡܢ ܐܒܝ ܘܢܬܠ ܠܝ ܝܬܝܪ ܡܢ ܬܪܬܥܣܪܐ ܠܓܝܘ̈ܢܝܢ ܕܡܠܐܟܐ
26:54	ܐܠܐ ܐܝܟܢܐ ܢܬܡܠܘܢ ܟܬܒܐ ܕܗܟܢܐ ܘܠܐ ܠܡܗܘܐ
26:55	ܒܗܝ ܫܥܬܐ ܐܡܪ ܝܫܘܥ ܠܟܢܫܐ ܐܝܟ ܕܥܠ ܓܝܣܐ ܢܦܩܬܘܢ ܥܠܝ ܒܣܝ̈ܦܐ ܘܒܚܘܛܪܐ ܠܡܐܚܕܢܝ ܟܠܝܘܡ ܒܗܝܟܠܐ ܝܬܒ ܗܘܝܬ ܘܡܠܦ ܗܘܝܬ ܘܠܐ ܐܚܕܬܘܢܢܝ܂
26:56	ܗܠܝܢ ܕܝܢ ܟܠܗܝܢ ܕܗܘܝ ܕܢܬܡܠܘܢ ܟܬܒܐ ܕܢܒ̈ܝܐ܀ ܗܝܕܝܢ ܫܒܩܘܗܝ ܬܠܡܝܕܘܗܝ ܟܠܗܘܢ ܘܥܪܩܘ܂
26:57	ܘܐܚܕܘܗܝ ܗܢܘܢ ܘܐܘܒܠܘܗܝ ܠܘܬ ܩܝܦܐ ܪܒ ܟܗܢܐ ܐܬܪ ܕܟܢܝܫܝܢ ܣܦܪܐ ܘܩܫܝܫܐ ܕܥܡܐ
26:58	ܫܡܥܘܢ ܕܝܢ ܐܙܠ ܗܘܐ ܒܬܪܗ ܡܢ ܪܘܚܩܐ ܥܕܡܐ ܠܕܪܬܗ ܕܪܒ ܟܗܢܐ ܘܥܠ ܠܓܘ ܘܝܬܒ ܗܘܐ ܥܡ ܕܚܫܐ ܕܢܚܙܐ ܚܪܬܐ
26:59	ܘܟܠܗ ܟܢܘܫܬܐ ܒܥܝܢ ܗܘܘ ܥܠܘܗܝ ܥܠ ܝܫܘܥ ܣܗܕܐ ܐܝܟ ܕܢܡܝܬܘܢܝܗܝ
26:60	ܘܠܐ ܐܫܟܚܘ ܘܐܬܘ ܣܓܝܐܐ ܣܗܕܝ ܫܘܩܪܐ ܘܠܐ ܐܫܟܚܘ ܠܡܐܡܪ ܫܪܝܪܬܐ ܒܐܚܪܝܬܐ ܐܬܘ ܬܪܝܢ ܐܚܪܢܝܢ ܣܗܕܐ ܕܫܘܩܪܐ
26:61	ܘܐܡܪܝܢ ܗܢܐ ܐܡܪ ܕܡܫܟܚܢܐ ܕܐܣܬܪܝܘܗܝ ܠܗܝܟܠܐ ܗܢܐ ܘܠܬܠܬܐ ܝܘܡܝܢ ܐܒܢܝܘܗܝ
26:62	ܘܩܡ ܪܒ ܟܗ̈ܢܐ ܘܐܡܪ ܠܗ ܠܐ ܝܗܒ ܐܢܬ ܦܬܓܡܐ ܡܢܐ ܗܠܝܢ ܡܣܗܕܝܢ ܥܠܝܟ܂
26:63	ܝܫܘܥ ܕܝܢ ܫܬܝܩ ܗܘܐ ܥܢܐ ܪܒ ܟܗ̈ܢܐ ܘܐܡܪ ܠܗ ܡܘܡܢܐ ܠܟ ܒܐܠܗܐ ܚܝܐ܂ ܕܬܐܡܪ ܠܢ ܐܢ ܐܢܬ ܗܘ ܡܫܝܚܐ ܒܪܗ ܕܐܠܗܐ
26:64	ܐܡܪ ܠܗ ܐܢܬ ܐܡܪܬ ܐܡܪ ܐܢܐ ܠܟܘܢ ܕܡܢ ܗܫܐ ܬܚܙܘܢܝܗܝ ܠܒܪܗ ܕܐܢܫܐ ܕܝܬܒ ܡܢ ܝܡܝܢܐ ܕܚܝܠܐ ܘܐܬܐ ܥܠ ܥ̈ܢܢܝ ܫܡܝܐ
26:65	ܗܝܕܝܢ ܪܒ ܟܗܢܐ ܨܪܝ ܡܐܢܘܗܝ ܘܐܡܪ ܓܕܦ ܡܢܐ ܬܘܒ ܡܬܒܥܐ ܠܢ ܣܗ̈ܕܐ ܗܐ ܫܡܥܬܘܢ ܡܢ ܦܘܡܗ ܓܘܕܦܐ
26:66	ܡܢܐ ܥܘܕ ܨܒ̈ܝܢ ܐܢܬܘܢ ܥܢܘ ܟܠܗܘܢ ܘܐܡܪܘ ܕܚܝܒ ܗܘ ܡܘܬܐ
26:67	ܗܝܕܝܢ ܩܪܒܘ ܠܗ ܘܪܩܘ ܒܐܦܘܗܝ ܘܡܩܦܚܝܢ ܗܘܘ ܠܗ ܘܡܒܙܚܝܢ ܒܗ ܐܚܪܢܐ ܕܝܢ ܡܫ̈ܩܦܝܢ ܗܘܘ ܦܟܘ̈ܗܝ
26:68	ܘܐܡܪ̈ܝܢ ܐܬܢܒܐ ܠܢ ܡܫܝܚܐ ܡܢܘ ܡܚܟ܂
26:69	ܫܡܥܘܢ ܕܝܢ ܝܬܒ ܗܘܐ ܠܒܪ ܒܕܪܬܐ ܘܩܪܒܬ ܥܠܝܡܬܐ ܚܕܐ ܘܐܡܪܐ ܠܗ ܘܐܦ ܐܢܬ ܥܡ ܝܫܘܥ ܗܘܝܬ ܓܠܝܠܐ܂
26:70	ܗܘ ܕܝܢ ܟܦܪ ܠܥܝܢ ܟܠܗܘܢ ܘܐܡܪ ܠܐ ܝܕܥܢܐ ܡܢܐ ܐܡܪܬܝ ܘܐܦ ܠܐ ܚܟܡܢܐ
26:71	ܘܟܕ ܢܦܩ ܠܬܪܥܐ ܕܕܪܬܐ ܚܙܬܗ ܐܚܪܬܐ ܘܐܡܪܐ ܠܗܘܢ ܗܢܐ ܥܡ ܝܫܘܥ ܗܘܐ ܢܨܪܝܐ
26:72	ܘܬܘܒ ܟܦܪ ܘܝܡܐ ܕܠܐ ܝܕܥܢܐ ܠܗ ܠܓܒܪܐ ܗܢܐ܂
26:73	ܘܡܢ ܒܬܪ ܩܠܝܠ ܩܪܒܘ ܗܢܘܢ ܕܩܝܡܝܢ܂ ܘܐܡܪܘ ܠܫܡܥܘܢ ܫܪܝܪܐܝܬ ܡܢܗܘܢ ܐܢܬ ܕܐܦ ܡܡܠܠܟ ܓܝܪ ܕܡܐ ܗܘ
26:74	ܗܝܕܝܢ ܫܪܝ ܠܡܚܪܡܘ ܘܠܡܐܡܐ ܕܠܐ ܝܕܥܢܐ ܠܗ ܠܓܒܪܐ ܗܢܐ܂ ܘܒܗ ܒܫܥܬܐ ܩܪܐ ܬܪܢܓܠܐ܂
26:75	ܘܐܬܕܟܪ ܫܡܥܘܢ ܡܠܬܗ ܕܝܫܘܥ ܕܐܡܪ ܗܘܐ ܠܗ ܥܕܠܐ ܢܩܪܐ ܬܪܢܓܠܐ ܬܠ̈ܬ ܙܒ̈ܢܝܢ ܬܟܦܘܪ ܒܝ܂ ܘܟܕ ܢܦܩ ܠܒܪ ܒܟܐ ܡܪܝܪܐܝܬ܀
27:01	ܘܟܕ ܢܓܗܬ܂ ܫܩܠܘ ܡܠܟܐ ܟܠܗܘܢ ܪ̈ܒܝ ܟܗ̈ܢܐ ܘܩܫ̈ܝܫܐ ܕܥܡܐ ܥܠ ܝܫܘܥ ܕܢܡܝܬܘܢܗ܂
27:02	ܘܐܣܪܘܗܝ ܘܐܘܒܠܘܗܝ ܘܐܫܠܡܘܗܝ ܠܦܠܛܘܣ ܗܓܡܘܢܐ܀
27:03	ܗܝܕܝܢ ܟܕ ܚܙܐ ܝܗܘܕܐ ܡܫܠܡܢܐ ܕܐܬܚܝܒ ܐܬܬܘܝ ܘܐܗܦܟ ܗܠܝܢ ܬܠܬ̈ܝܢ ܕܟܣܦܐ ܠܪ̈ܒܝ ܟܗ̈ܢܐ ܘܠܩܫ̈ܝܫܐ
27:04	ܘܐܡܪ ܚܛܝܬ ܕܐܫܠܡܬ ܕܡܐ ܕܙܕܝܩܐ ܐܡܪ̈ܝܢ ܠܗ ܠܢ ܡܐ ܠܢ ܐܢܬ ܬܕܥ܂
27:05	ܗܘ ܕܝܢ ܫܕܝܗܝ ܟܣܦܐ ܒܗܝܟܠܐ ܘܫܢܝ ܘܐܙܠ ܬܠܐ ܠܗ ܘܐܬܚܢܩ܂
27:06	ܪ̈ܒܝ ܟܗ̈ܢܐ ܕܝܢ ܫܩܠܘܗܝ ܠܟܣܦܐ ܘܐܡܪ̈ܝܢ ܠܐ ܫܠܝܛ ܠܡܪܡܝܘܬܗ ܒܝܬ ܩܘܪܒܢܐ ܡܛܠ ܕܕܡ̈ܝܐ ܐܢܘܢ ܕܕܡܐ
27:07	ܘܢܣܒܘ ܡܠܟܐ܂ ܘܙܒܢܘ ܡܢܗ ܩܘܪܝܬ ܦܚܪܐ ܕܒܝܬ ܩܒܘܪܐ ܕܐܟܣܢܝܐ
27:08	ܡܛܠ ܗܢܐ ܐܬܩܪܝܬ ܗܝ ܩܘܪܝܬ ܕܡ ܥܕܡܐ ܠܝܘܡܢܐ܂
27:09	ܗܝܕܝܢ ܐܬܡܠܝ ܡܕܡ ܕܐܬܐܡܪ ܒܢܒܝܐ ܕܐܡܪ ܗܘܐ ܕܢܣܒܬ ܬ̈ܠܬܝܢ ܕܟܣܦܐ ܕܡܘܗܝ ܕܝܩܝܪܐ ܕܝܩܪܬ ܡܢ ܒܢܝ̈ܗܘܢ ܕܐܝܣܪܐܝܠ
27:10	ܘܝܗܒܬ ܐ̈ܢܝܢ ܠܩܘܪܝܬ ܦܚܪܐ ܐܝܟ ܕܦܩܕ ܠܝ ܡܪܝܐ܀
27:11	ܝܫܘܥ ܕܝܢ ܩܡ ܩܕܡ ܗܓܡܘܢܐ ܘܫܐܠܗ ܘܐܡܪ ܠܗ ܐܢܬ ܗܘ ܡܠܟܐ ܕܝܗܘ̈ܕܝܐ܂ ܐܡܪ ܠܗ ܝܫܘܥ ܐܢܬ ܐܡܪܬ܂
27:12	ܘܟܕ ܐܟܠܝܢ ܗܘܘ ܩܪ̈ܨܘܗܝ ܪ̈ܒܝ ܟܗܢܐ ܘܦܪ̈ܝܫܐ ܗܘ ܡܕܡ ܦܬܓܡ ܠܐ ܝܗܒ ܗܘܐ ܠܗܘܢ
27:13	ܗܝܕܝܢ ܐܡܪ ܠܗ ܦܝܠܛܘܣ ܠܐ ܫܡܥ ܐܢܬ ܟܡܐ ܣܗܕܝܢ ܡܣܗ̈ܕܝܢ ܥܠܝܟ܂
27:14	ܗܘ ܕܝܢ ܦܬܓܡ ܠܐ ܝܗܒ ܠܗ ܘܛܒ ܡܬܕܡܪ ܗܘܐ ܗܓܡܘܢܐ܂
27:15	ܒܟܠ ܥܕܥܝܕܐ ܕܝܢ ܡܥܕ ܗܘܐ ܗܓܡܘܢܐ ܕܢܗܘܐ ܫܪܐ ܠܥܡܐ ܐܣܝܪܐ ܚܕ ܐܝܢܐ ܕܗܢܘܢ ܨܒܝܢ ܗܘܘ܂
27:16	ܘܐܣܝܪ ܗܘܐ ܠܗܘܢ ܓܒܪܐ ܚܕ ܝܕܝܥܐ ܕܫܡܗ ܗܘܐ ܝܫܘܥ ܒܪ ܐܒܐ܂ ܐܪܡܐ ܗܘܐ ܒܝܬ ܐܣܝܪ̈ܐ ܡܛܠ ܒܝܫ̈ܬܐ ܕܥܒܕ ܗܘܐ ܘܩܛܠ ܗܘܐ ܩܛܠܐ܂
27:17	ܘܟܕ ܟܢܝܫܝܢ ܟܠܗܘܢ ܝܗܘܕܝܐ ܐܡܪ ܠܗܘܢ ܦܝܠܛܘܣ܂ ܠܡܢ ܨܒܝܢ ܐܢܬܘܢ ܕܐܫܪܐ ܠܟܘܢ܂ ܠܝܫܘܥ ܒܪ ܐܒܐ ܐܘ ܠܝܫܘܥ ܕܡܬܩܪܐ ܡܫܝܚܐ܂
27:18	ܝܕܥ ܗܘܐ ܓܝܪ ܕܡܛܠ ܚܣܡܐ ܗܘ ܐܫܠܡܘܗܝ ܠܗ܂
27:19	ܘܟܕ ܗܘ ܝܬܒ ܥܠ ܒܝܡ܂ ܫܠܚܐ ܠܗ ܐܢܬܬܗ܂ ܘܐܡܪܐ ܠܗ ܠܐ ܠܟ ܘܠܗܘ ܙܕܝܩܐ܂ ܣܓܝ ܓܝܪ ܚܫܬ ܝܘܡܢܐ ܒܚܠܡܝ ܡܛܘܠܬܗ܀
27:20	ܪ̈ܒܝ ܟܗܢܐ ܕܝܢ ܘܩܫܝܫܐ ܐܦܣܘ ܠܥܡܐ ܕܢܫܐܠܘܢ ܠܒܪ ܐܒܐ܂ ܘܢܘܒܕܘܢ ܠܝܫܘܥ܂
27:21	ܥܢܐ ܗܓܡܘܢܐ ܘܐܡܪ ܠܗܘܢ ܠܡܢ ܨܒܝܢ ܐܢܬܘܢ ܕܐܫܪܐ ܠܟܘܢ ܐܡܪܝܢ ܠܗ ܠܒܪ ܐܒܐ
27:22	ܐܡܪ ܠܗܘܢ ܦܝܠܛܘܣ ܘܡܢܐ ܐܥܒܕ ܠܝܫܘܥ ܕܡܬܩܪܐ ܡܫܝܚܐ ܐܡܪܝܢ ܟܠܗܘܢ ܢܙܕܩܦ
27:23	ܐܡܪ ܠܗܘܢ ܡܢܐ ܓܝܪ ܕܒܝܫ ܥܒܝܕ ܠܗ ܗܝܕܝܢ ܝܬܝܪܐܝܬ ܩܥܝܢ ܗܘܘ ܘܐܡܪܝܢ ܢܙܕܩܦ
27:24	ܟܕ ܚܙܐ ܕܝܢ ܦܝܠܛܘܣ ܕܡܕܡ ܠܐ ܡܘܬܪ ܠܗ ܐܠܐ ܟܡܐ ܂܂܂ ܪܘܒܐ ܡܣܓܐ ܣܓܐ ܢܣܒ ܡܝܐ ܘܐܫܝܓ ܐܝ̈ܕܘܗܝ ܠܥܝܢ ܟܠܗ ܟܢܫܐ ܘܐܡܪ ܙܟܝ ܐܢܐ ܡܢ ܕܡܐ ܗܢܐ ܐܢܬܘܢ ܝܕܥܝܢ
27:25	ܘܥܢܐ ܟܘܠܗ ܥܡܐ ܘܐܡܪܘ ܕܡܗ ܕܗܢܐ ܥܠܝܢ ܘܥܠ ܒܢ̈ܝܢ
27:26	ܗܝܕܝܢ ܫܪܐ ܠܗܘܢ ܠܒܪ ܐܒܐ ܘܢܓܕ ܒܦܪܓܠܐ ܠܝܫܘܥ ܘܐܫܠܡܗ ܠܗܘܢ ܕܢܙܕܩܦ
27:27	ܗܝܕܝܢ ܐܣܛܪ̈ܛܝܘܛܐ ܕܗܓܡܘܢܐ ܐܥܠܘܗܝ ܠܝܫܘܥ ܠܦܪܛܘܪܝܢ܂ ܘܟܢܫܘ ܥܠܘܗܝ ܟܢܫܐ
27:28	ܘܐܠܒܫܘܗܝ ܢܚ̈ܬܐ܂ ܕܙܚܘܪܝܬܐ ܘܕܐܪܓܘܢܐ
27:29	ܘܓܕܠܘ ܟܠܝܠܐ ܕܟܘ̈ܒܐ ܘܣܡܘ ܒܪܝܫܗ ܘܐܘܚܕܘ ܩܢܝܐ ܒܝܡܝܢܗ ܘܒܪܟܘ ܥܠ ܒܘܪܟܝܗܘܢ ܩܕܡܘܗܝ ܘܡܒܙܚܝܢ ܗܘܘ ܒܗ܂ ܘܐܡܪܝܢ ܫܠܡ ܠܟ ܡܠܟܐ ܕܝܗܘܕܝܐ܂
27:30	ܘܪ̈ܩܘ ܒܐܦ̈ܘܗܝ ܘܫܩܠܘ ܩܢܝܐ ܘܡܚܝܢ ܗܘܘ ܠܗ ܥܠ ܪܝܫܗ
27:31	ܘܟܕ ܒܙܚܘ ܒܗ ܐܫܠܚܘܗܝ ܢܚܬܐ ܗܢܘܢ ܕܠܒܝܫ ܗܘܐ ܘܐܠܒܫܘܗܝ ܢܚ̈ܬܘܗܝ ܘܕܒܪܘܗܝ ܘܐܙܠܘ ܠܡܙܩܦܗ܂
27:32	ܘܟܕ ܢܦܩܝܢ ܕܝܢ ܐܫܟܚܘ ܓܒܪܐ ܩܪܝܢܝܐ ܕܫܡܗ ܫܡܥܘܢ ܘܫܚܪܘܗܝ ܕܢܫܩܘܠ ܙܩܝܦܗ܂
27:33	ܘܐܬܘ ܠܐܬܪܐ ܕܡܬܩܪܐ ܓܓܘܠܬܐ
27:34	ܘܝܗܒܘ ܠܗ ܠܡܫܬܐ ܚܡܪܐ ܟܕ ܚܠܝܛ ܒܡܪܪܬܐ ܘܛܥܡܗ ܘܠܐ ܨܒܐ ܠܡܫܬܝܗ
27:35	ܘܟܕ ܙܩܦܘܗܝ ܦܠܓܘ ܠܒܘܫ̈ܘܗܝ ܘܢܦܣܘ ܥܠܝܗܘܢ
27:36	ܘܝܬܒܝܢ ܗܘܘ ܘܢܛܪܝܢ ܬܡܢ
27:37	ܟܕ ܗܢܘܢ ܝܬܒܝܢ܂ ܟܬܒܘ ܣܟܠܘܬܐ ܣܡܘ ܥܠ ܪܝܫܗ ܝܫܘܥ ܡܠܟܐ ܕܝܗ̈ܘܕܝܐ܀
27:38	ܗܝܕܝܢ ܐܙܕܩܦܘ ܥܡܗ ܬܪ̈ܝܢ ܥܒ̈ܕܝ ܒܝܫ̈ܬܐ ܚܕ ܡܢ ܝܡܝܢܗ ܘܚܕ ܡܢ ܣܡܠܗ
27:39	ܘܗܢܘܢ ܕܥܒܪܝܢ ܗܘܘ ܡܓܕܦܝܢ ܗܘܘ ܥܠܘܗܝ ܘܡܢܝܕܝܢ ܒܪ̈ܫܝܗܘܢ
27:40	ܘܐܡܪ̈ܝܢ ܣܬܪ ܗܝܟܠܐ ܘܒܢܐ ܠܗ ܠܬܠܬ̈ܐ ܝܘܡ̈ܝܢ ܐܢ ܒܪܗ ܐܢܬ ܕܐܠܗܐ ܐܚܐ ܢܦܫܟ ܘܚܘܬ ܡܢ ܙܩܝܦܐ܂
27:41	ܘܐܦ ܪ̈ܒܝ ܟܗܢ̈ܐ ܐܝܟ ܣܦܪ̈ܐ ܘܦܪ̈ܝܫܐ ܡܒܙܚܝܢ ܗܘܘ ܒܗ ܘܡܚ̈ܣܕܝܢ ܗܘܘ ܠܗ
27:42	ܘܐܡܪ̈ܝܢ ܕܠܐܚܪ̈ܢܐ ܡܚܐ܂ ܢܦܫܗ ܠܐ ܡܫܟܚ ܗܘܐ ܠܡܚܝܘ ܐܢ ܡܠܟܐ ܗܘ ܕܐܝܣܪܐܝܠ ܢܚܘܬ ܗܫܐ ܡܢ ܙܩܝܦܐ ܘܢܗܝܡܢ ܒܗ
27:43	ܗܐ ܬܟܝܠ ܗܘܐ ܥܠ ܐܠܗܐ ܢܦܠܛܝܘܗܝ ܗܫܐ ܐܢ ܨܒܐ ܒܗ ܐܡܪ ܓܝܪ ܕܒܪܗ ܐܢܐ ܕܐܠܗܐ܂
27:44	ܘܐܦ ܗܢܘܢ ܥܒ̈ܕܝ ܒܝܫܬܐ ܕܐܙܕܩܦܘ ܥܡܗ ܐܝܟ ܫܪܟܐ ܡܚܣܕܝܢ ܗܘܘ ܠܗ܂
27:45	ܘܡܢ ܫܬ ܫܥ̈ܝܢ ܗܘܐ ܚܫܘܟܐ ܥܠ ܟܘܠܗ ܐܪܥܐ ܥܕܡܐ ܠܫ̈ܥܐ ܬܫ̈ܥ܂
27:46	ܘܒܬܫ̈ܥ ܫ̈ܥܝܢ ܓܥܐ ܝܫܘܥ ܒܩܠܐ ܪܒܐ ܘܐܡܪ ܐܠܝ ܐܠܝ ܠܡܢܐ ܫܒܩܬܢܝ܀
27:47	ܘܐܢܫܐ ܗܢܘܢ ܕܩܝܡܝܢ ܗܘܘ ܬܡܢ ܟܕ ܫܡܥܘ ܐܡܪܝܢ ܗܢܐ ܠܐܠܝܐ ܩܪܐ܂
27:48	ܘܒܗ ܒܫܥܬܐ ܪܗܛ ܚܕ ܡܢܗܘܢ ܘܢܣܒ ܣܦܘܓܐ ܘܨܒܥܗ ܒܚܠܐ ܘܩܛܪ ܒܩܢܝܐ ܘܐܘܫܛ ܠܗ ܠܡܫܬܐ܂
27:49	ܐܚܪܢܐ ܕܝܢ ܐܡܪܝܢ ܫܒܘܩܘ ܢܚܙܐ ܐܢ ܐܬܐ ܐܠܝܐ ܘܡܚܐ ܠܗ
27:50	ܝܫܘܥ ܕܝܢ ܩܥܐ ܒܩܠܐ ܪܡܐ ܘܣܠܩܬ ܪܘܚܗ
27:51	ܘܒܗ ܒܫܥܬܐ ܐܨܛܪܝ ܐ̈ܦܝ ܬܪܥܐ ܕܒܝܬ ܡܩܕܫܐ ܡܢ ܕܥܠ ܪܝܫ܂ ܘܐܬܙܝܥܬ ܐܪܥܐ ܘܐܨܛܪܝ ܟܐܦ̈ܐ
27:52	ܘܐܬܦܬܚܘ ܒܝܬ ܩܒܘܪ̈ܐ܂ ܘܣ̈ܓܝܐܐ ܦܓܪ̈ܐ ܕܙܕܝܩܐ ܐܝܠܝܢ ܕܫܟܝܒܝܢ ܩܡܘ
27:53	ܘܢܦܩܘ ܡܢ ܒܝܬ ܩܒܘܪ̈ܐ ܡܢ ܒܬܪ ܩܝܡܬܗ ܐܬܘ ܠܡܕܝܢܬ ܩܘܕܫܐ ܘܐܬܚܙܝܘ ܠܣ̈ܓܝܐܐ܀
27:54	ܩܢܛܪܘܢܐ ܕܝܢ ܘܐܝܠܝܢ ܕܢܛܪܝܢ ܗܘܘ ܥܡܗ ܠܝܫܘܥ ܟܕ ܚܙܘ ܙܘܥܐ ܘܐܝܠܝܢ ܕܗܘܝ ܕܚܠܘ ܛܒ܂ ܘܐܡܪ̈ܝܢ ܫܪܝܪܐܝܬ ܗܢܐ ܒܪܗ ܗܘ ܕܐܠܗܐ܀
27:55	ܘܐܝܬ ܗ̈ܘܝ ܬܡܢ ܢܫ̈ܐ ܣܓܝܐ̈ܬܐ ܘܡܢ ܪܘܚܩܐ ܚܙܝܢ ܗܘܝ ܐܝܠܝܢ ܕܐܬܝܢ ܗܘܝ ܒܬܪ ܝܫܘܥ ܡܢ ܓܠܝܠܐ ܘܡܫܡ̈ܫܢ ܗܘܝ ܠܗ
27:56	ܡܪܝܡ ܡܓܕܠܝܬܐ ܘܡܪܝܡ ܒܪܬ ܝܥܩܘܒ ܘܐܡܗ ܕܝܘܣܦ ܘܐܡܗܘܢ ܕܒ̈ܢܝ ܙܒܕܝ
27:57	ܘܟܕ ܗܘܐ ܪܡܫܐ ܩܪܒ ܓܒܪܐ ܚܕ ܥܬܝܪܐ ܡܢ ܪܡܬܐ ܘܫܡܗ ܝܘܣܦ ܘܐܦ ܗܘ ܬܠܡܝܕܐ ܗܘܐ ܕܝܫܘܥ
27:58	ܗܢܐ ܩܪܒ ܠܦܝܠܛܘܣ ܘܫܐܠ ܦܓܪܗ ܕܝܫܘܥ ܘܦܩܕ ܦܝܠܛܘܣ ܕܢܬܝܗܒ ܠܗ܂
27:59	ܘܟܕ ܫܩܠ ܝܘܣܦ ܦܓܪܐ ܟܪܟܗ ܒܟܬܢܐ ܚܕܬܐ
27:60	ܘܣܡܗ ܒܝܬ ܩܒܘܪܐ ܚܕܬܐ ܕܝܠܗ ܢܩܝܪܐ ܕܢܩܝܪ ܗܘܐ ܠܗ ܒܫܘܥܐ ܘܐܪܡܝ ܟܐܦܐ ܚܕܐ ܪܒܬܐ ܥܠ ܬܪܥܐ ܕܒܝܬ ܩܒܘܪܐ ܘܐܙܠ܀
27:61	ܘܐܝܬ ܗܘܝ ܬܡܢ ܡܪܝܡ ܡܓܕܠܝܬܐ ܘܡܪܝܡ ܐܚܪܬܐ ܝܬܒܢ ܗܘܝ ܠܩܒܠܗ ܕܒܝܬ ܩܒܘܪܐ܂
27:62	ܠܝܘܡܐ ܕܝܢ ܐܚܪܢܐ ܕܒܬܪ ܥܪܘܒܬܐ ܐܬܟܢܫܘ ܪ̈ܒܝ ܟܗ̈ܢܐ ܘܦܪ̈ܝܫܐ ܠܘܬ ܦܝܠܛܘܣ
27:63	ܘܐܡܪܝܢ ܠܗ ܡܪܢ ܐܬܕܟܪܢ ܕܗܘ ܡܛܥܝܢܐ ܐܡܪ ܗܘܐ ܟܕ ܗܘ ܚܝ ܕܒܬܪ ܬܠܬܐ ܝܘܡܝܢ ܩܐܡ ܐܢܐ܂
27:64	ܐܠܐ ܦܩܕ ܡܙܕܗܪܝܢ ܒܩܒܪܐ ܥܕܡܐ ܠܬܠܬܐ ܝܘܡܝܢ܂ ܕܠܐ ܢܐܬܘܢ ܬܠܡܝܕܘܗܝ ܒܠܠܝܐ ܘܢܓܒܘܢܗ ܘܢܐܡܪܘܢ ܠܥܡܐ ܕܩܡ ܠܗ ܡܢ ܒܝܬ ܡܝ̈ܬܐ ܘܬܗܘܐ ܒܝܫܐ ܛܘܥܝܝ ܐܚܪܝܬܐ ܡܢ ܩܕܡܝܬܐ܀
27:65	ܐܡܪ ܠܗܘܢ ܦܝܠܛܘܣ ܐܝܬ ܠܟܘܢ ܩܣܛܘܕܝ ܙܠܘ ܐܙܕܗܪܘ ܒܗ ܒܩܒܪܐ ܐܝܟ ܕܝܕܥܝܢ ܐܢܬܘܢ܂
27:66	ܐܙܠܘ ܐܙܕܗܪܘ ܒܩܒܪܗ ܘܚܬܡܘ ܟܐܦܐ ܗܝ ܥܡ ܩܣܛܘܕܝܐ
28:01	ܒܪܡܫܐ ܕܝܢ ܒܫܒܬܐ ܕܢܓܗ ܚܕ ܒܫܒܐ ܐܬܬ ܡܪܝܡ ܡܓܕܠܝܬܐ ܘܡܪܝܡ ܐܚܪܬܐ ܕܢܚܙܝܢ ܩܒܪܐ
28:02	ܘܗܐ ܗܘܐ ܙܘܥܐ ܪܒܐ ܡܛܠ ܕܡܠܐܟܗ ܕܡܪܝܐ ܢܚܬ ܡܢ ܫܡܝܐ܂ ܘܥܓܠ ܠܟܐܦܐ ܘܝܬܒ ܠܥܠ ܡܢܗ
28:03	ܘܕܡܐ ܗܘܐ ܚܙܘܗ ܠܒܪܩܐ ܘܠܒܘܫܗ ܐܝܟ ܬܠܓܐ
28:04	ܘܡܢ ܕܚܠܬܗ ܐܬܙܝܥܘ ܗܢܘܢ ܕܢܛܪܝܢ ܗܘܘ ܐܝܟ ܡܝ̈ܬܐ
28:05	ܥܢܐ ܡܠܐܟܐ ܘܐܡܪ ܠܢܫ̈ܐ ܐܢܬܝܢ ܠܐ ܬܕܚܠܢ ܝܕܥܢܐ ܓܝܪ ܕܠܝܫܘܥ ܗܘ ܕܐܙܕܩܦ ܒܥܝܢ ܐܢܬܝܢ
28:06	ܠܐ ܗܘܐ ܗܪܟܐ ܩܡ ܠܗ ܐܝܟܢܐ ܕܐܡܪ ܠܟܝܢ ܬܝܢ ܚܙܝܢ ܕܘܟܬܐ ܗܝ ܕܣܝܡ ܗܘܐ ܒܗ܂
28:07	ܐܙܠܝܢ ܒܥܓܠ ܘܐܡܪܝܢ ܠܬܠܡܝܕܘܗܝ ܕܩܡ ܘܗܐ ܡܩܕܡ ܠܟܘܢ ܠܓܠܝܠܐ ܬܡܢ