The Comprehensive Aramaic Lexicon

310:01 [ai]	ܠܕܘ̈ܟܝܬܐ ܣ̈ܓܝܐܬܐܿ܂ ܘܝܗܼܒܬ ܬܕܡܪ̈ܬܐ ܣ̈ܓܝܐܬܐܿ܂
310:02 [ai]	ܒܝܕ ܥܒܼܕܟ ܘܫܠܝܚܟ ܝܗܘܕܐ܂ ܡܣܘܚܢܐ ܕܢܦܫܝ ܕܐܿܩܒܠ
310:03 [ai]	ܬܘܒ ܙܝܘܟ܂ 141܂2 ܝܿܗܒ ܐܓܪܐ ܠܥܡ̈ܠܝ ܟܠܗܘܢ܂ ܡܢܝܚܢܗܿ
310:04 [ai]	ܕܢܦܫܝ ܠܘܬ ܟܝܢܗܼܿ ܕܠܐ ܚܘܠܛܢܗ ܕܡܟܝܢܐ܂ ܗܘܿܐ ܥܠܼܬܐ
310:05 [ai]	ܕܚ̈ܝܝ ܒܟܠܥܕܢ܃ ܐܢܬ ܐܫܠܼܝܗܝ ܠܡܡܘܠܐ ܗܢܐܿ܂ ܕܠܐ
310:06 [ai]	ܢܫܬܥܿܠܐ ܘܢܚܿܒܠ܂ ܐ‍{‍ܢ‍}‍‍<‍ܝ‍>‍ܬ ܓܝܪ ܡܢ ܗܠܝܢ ܕܩܿܝܡܝܢ
310:07 [ai]	ܘܡܗܝܡܢܝܢ ܒܟ ܘܚܝܝܢ ܀ ܀ 141܂3 ܘܟܕ ܨܿܠܝ ܝܗܘܕܐܼ ܗܘܼܐ
310:08 [ai]	ܫܠܝܼܐ܂ ܘܩܠܝܠ ܩܠܝܠ ܐܬܒܠܥܘ ܡ̈ܝܐ ܗܿܢܘܢܼ ܘܠܐ
310:09 [ai]	ܐܫܬܟܚܘ܂ ܐܠܐ ܗܘܼܬ ܗܿܝ ܕܘܟܬܐ܂ ܐܝܟ ܕܐܝܬܝܗܿ
310:10 [ai]	ܗܘܬ ܟܕ ܢܓܝܒܐ ܀ ܘܟܕ ܚܼܙܐ ܡܙܕܝ ܡܿܠܟܐܼ ܐܡܼܪ܂ ܕܒܼܪ
310:11 [ai]	ܐܙܠܿ ܠܒܝܬ ܚ̈ܒܝܫܐܿ܂ ܥܕ ܡܬܚܫܒܝܢܢ ܡܢܐ ܢܥܼܒܕ ܠܗ ܀ ܀
310:12 [ai]	142܂1 ܘܐܙܠܼ ܗܘܐ ܝܗܘܕܐ ܕܢܬܚܒܼܫ܂ ܘܥܡܐ ܟܠܗ ܒܬܪܗ
310:13 [ai]	ܐܬܐ ܗܘܐ܂ ܘܘܝܙܢ ܒܪܗ ܕܡܙܕܝ ܡܿܠܟܐ ܡܢ ܝܡܝܢܗ
310:14 [ai]	ܕܝܗܘܕܐ ܐܬܐ ܗܘܐܼ܂ ܘܨܝܦܘܪ ܪܒ ܚܝܠܐ ܡܢ ܣܡܠܗ ܀
310:15 [ai]	ܘܟܕ ܥܼܠ ܠܒܝܬ ܐܣܝܪ̈ܐ ܝܗܘܕܐ܂ ܐܦܣ ܠܨܝܦܘܪ ܘܠܘܝܙܢܿ܂
310:16 [ai]	ܘܠܐܢܬܬܗ ܕܨܝܦܘܪ ܘܠܒܪܬܗܼ ܕܢܬܒܘܢ܂ ܡܛܠ ܕܐܦ
310:17 [ai]	ܗܼܢܘܢ ܥܠܘ ܗܘܘ ܥܡܗ܃ ܕܢܫܡܼܥܘܢ ܡܠܬܐ ܕܚ̈ܝܐ܂
310:18 [ai]	ܝܿܕܥܝܢ ܗܘܘ ܓܝܪ ܕܡܿܘܒܕ ܠܗ ܡܙܕܝ ܡܿܠܟܐܿ܂
310:19 [ai]	ܡܛܠ ܪܘܓܙܗ ܣܓܝܐܐ ܀ 142܂2 ܘܫܼܿܪܝ ܗܘܐ ܝܗܘܕܐ ܕܢܐܡܪ܂
310:20 [ai]	ܡܚܪܪܢܐ ܕܢܦܫܝ ܡܢ ܥܒܼܕܘܬܐ ܕܣ̈ܓܝܐܐܼ܂ ܡܛܘܠ ܕܝܗܿܒܬ
310:21 [ai]	ܢܦܫܝ ܕܐܿܙܕܒܢ ܠܚܕ܂ ܘܗܫܐ ܗܐ ܚܿܕܐ ܐܢܐ ܘܪܘܿܙ ܐܢܐ܂
311:01 [ai]	ܡܛܠ ܕܝܿܕܥ ܐܢܐ ܕܫܠܼܡܘ ܙܒܢ̈ܐ ܘܥ̈ܕܢܐ܂ ܘܫ̈ܢܝܐ ܘܝܪ̈ܚܐ
311:02 [ai]	ܘܝܘ̈ܡܬܐ܂ ܘܐܬܐ ܘܐܿܩܒܠܟ ܡܢܝܚܢܝ܂ ܗܐ ܡܬܦܨܐ
311:03 [ai]	ܐܢܐ ܡܢ ܕܝܘܡܢܐ ܘܡܢ ܕܠܡܚܪ܂ ܘܕܝܘܡܢܐ ܗܘ ܝܨܿܦ
311:04 [ai]	ܐܢܐ܂ ܗܐ ܡܫܿܠܡ ܐܢܐ ܣܒܪܐ ܘܫܪܪܐ ܡܿܩܒܠ ܐܢܐ܂
311:05 [ai]	ܗܐ ܡܓܗܐ ܐܢܐ ܡܢ ܟܪܝܘܬܐ ܘܚܕܘܬܐ ܕܟܠܝܘܡܼ܂
311:06 [ai]	ܘܚܕܘܬܐ ܒܠܚܘ‍{‍ܪ‍}‍‍<‍ܕ‍>‍ ܠܒܿܫ ܐܢܐ܂ ܗܐ ܗܿܘܐ ܐܢܐ ܕܠܐ
311:07 [ai]	ܨܦܬܐ ܘܕܠܐ ܟܪܝܘܬܐ ܘܕܠܐ ܥܩܬܐܼ܂ ܘܒܢܝܿܚܐ
311:08 [ai]	ܕܠܥܠܡ ܫܿܪܐ ܐܢܐ܂ 142܂3 ܗܐ ܡܬܚܪܪ ܐܢܐ ܡܢ ܥܒܼܕܘܬܐ
311:09 [ai]	ܘܠܚܐܪܘܬܐ ܕܐܬܼܩܪܝܬ ܠܗܼܿ ܐܿܙܠ ܐܢܐ܂ ܗܐ ܫܡܿܫܬ
311:10 [ai]	ܙܒ̈ܢܐ ܘܥ̈ܕܢܐܼ܂ ܘܡܢ ܙܒ̈ܢܐ ܘܥ̈ܕܢܐ ܐܬܼܥܠܝܬ܂ ܗܐ
311:11 [ai]	ܡܿܩܒܠ ܐܢܐ ܠܝ ܐܓܪܝ ܡܢ ܡܪܐ ܐܓܪܐ ܕܠܐ ܡܚܿܫܒ
311:12 [ai]	ܘܝܿܗܒ܂ ܡܛܠ ܕܡܘܦܐ ܗܘ ܥܘܬܪܗ ܠܟܠܗܝܢ ܡ̈ܘܗܒܬܗ܂
311:13 [ai]	ܗܐ ܫܿܠܚ ܐܢܐ ܘܠܒܿܫ ܐܢܐܼ ܘܬܘܒ ܠܐ ܫܿܠܚ ܐܢܐ܂ ܗܐ
311:14 [ai]	ܕܡܿܟ ܐܢܐ ܘܩܐܿܡ ܐܢܐ܂ ܘܬܘܒ ܠܐ ܕܡܿܟ ܐܢܐ܂ 142܂4 ܗܐ
311:15 [ai]	ܡܿܐܬ ܐܢܐ ܘܚܿܝܐ ܐܢܐܼ܂ ܘܬܘܒܼ ܠܐ ܡܿܐܬ ܐܢܐ܂ ܗܐ
311:16 [ai]	ܚܿܕܝܢ ܘܚܿܝܪܝܢ ܠܝܼ܂ ܕܐܿܙܠ ܘܐܬܚܿܠܛ ܒܚܕܘܬܗܘܢܼ܂ ܘܣܝܡ
311:17 [ai]	ܗ̈ܒܒܐ ܒ̈ܟܠܝܠܝܗܘܢ܂ ܗܐ ܡܡܿܠܟ ܐܢܐ ܒܡܿܠܟܘܬܟ
311:18 [ai]	ܝܫܘܥ܃ ܕܡܟܐ ܠܗܿ ܣܿܒܪܬ܂ ܒܗܿܬܝܢ ܒ̈ܝܼܫܐ ܕܣܒܼܪܘ
311:19 [ai]	ܕܢܫܥܒܕܘܢܝ ܒܫܘ̈ܠܛܢܝܗܘܢ܂ ܗܐ ܡܣܬܚܦܝܢ ܡܪ̈ܘܕܐ
311:20 [ai]	ܩܕܡܝ܃ ܕܝܿܪܒܬ ܠܝ ܡܢܗܘܢ܂ ܗܐ ܗܘܿܐ ܠܗ ܫܝܼܢܐܿ܂
311:21 [ai]	ܕܠܗ ܪܘܪ̈ܒܢܐ ܨܿܝܒܝܢ ܀ 143܂1 ܘܟܕ ܗܠܝܢ ܐܡܼܪ ܗܘܐ ܝܗܘܕܐ܂
311:22 [ai]	ܟܠܗܘܢ ܗܿܢܘܢ ܕܐܝܬ ܗܘܘ ܬܡܿܢ ܨܝܿܬܝܢ ܗܘܘ܂ ܘܣܒܪܝܢ
312:01 [ai]	ܗܘܘܼ ܕܒܗܿ ܒܫܥܬܐ ܗܘܿܐ ܗܘܐ ܡܦܩܢܗ ܕܡܢ ܥܼܠܡܐ ܀
312:02 [ai]	ܘܐܡܼܪ ܬܘܒ ܝܗܘܕܐ܂ ܗܝܡܢܘ ܒܐܣܝܐ ܕܟܠܗܘܢ
312:03 [ai]	ܟܐ̈ܒܐ ܟܣ̈ܝܐ ܘܓ̈ܠܝܐܿ܂ ܘܡܚܝܢܐ ܕܢܦܫ̈ܬܐ ܐܝܠܝܢ
312:04 [ai]	ܕܒܥܝܢ ܥܘܕܪܢܐ ܡܢܗ܂ 143܂2 ܗܢܐ ܒܪܚܐܪ̈ܐ܂ ܘܒܪ ܡܿܠܟܐ
312:05 [ai]	ܕܗܘܼܐ ܥܒܼܕܐ ܘܡܣܟܢܐ܂ ܗܢܐ ܐܣܝܐ ܕܒܪܝܬܗ܂
312:06 [ai]	ܘܟܪܝܗܐ ܡܢ ܥܒܼ̈ܕܘܗܝ܂ ܗܢܐ ܡܿܕܟܝܢܐ ܕܡܗ̈ܝܡܢܘܗܝ܃
312:07 [ai]	ܘܡܬܬܫܝܛ ܘܡܬܚܣܕ ܡܢ ܐܝܠܝܢ ܕܠܐ
312:08 [ai]	ܫܡܥܘܗܝ܂ ܗܢܐ ܡܚܪܪ ܡܢ ܥܒܼܕܘܬܐ ܘܡܢ ܚܒܿܠܐ܂
312:09 [ai]	ܘܡܢ ܫܘܥܒܕܐ ܘܡܢ ܚܘܣܪܢܐ ܠܩ̈ܢܝܢܘܗܝ܂ ܘܡܫܬܥܒܕ
312:10 [ai]	ܘܡܬܚܿܣܕ ܡܢ ܥܒܼ̈ܕܘܗܝ܂ 143܂3 ܗܢܐ ܐܒܐ ܕܪܘܡܐ ܘܡܪܐ
312:11 [ai]	ܕܒܪ̈ܝܬܐܼ ܘܕܝܿܢܐ ܕܥܠܡܐ܂ ܗܢܐ ܕܐܬܼܐ ܡܢ ܪܘܡܐܼ܂
312:12 [ai]	ܘܐܬܚܙܝ ܡܢ ܡܪܝܡ ܒܬܘܠܬܐ܂ ܘܡܬܼܩܪܐ ܒܪ ܝܘܣܦ
312:13 [ai]	ܢܓܪܐ܂ ܗܢܐ ܕܙܥܘܪܘܬܐ ܕܦܓܪܗܼ ܒܥ̈ܝܢܝܢ ܚܙܝܢܗܿ܂
312:14 [ai]	ܘܪܒܘܬܗ ܒܗܝܡܢܘܬܐ ܩܿܒܠܢܗܿ܂ ܗܢܐ ܕܦܓܪܗ ܩܕܝܫܐ
312:15 [ai]	ܓܫܢܝܗܝ ܒܐܝܼ̈ܕܝܢ܂ ܘܚܙܬܗ ܡܟܐܪܬܐ ܚܙܝܢ ܒ̈ܥܝܢܝܢ܂
312:16 [ai]	143܂4 ܘܨܘܪܬܗ ܐܠܗܝܬܐܼ ܒܛܼܘܪܐ ܒܠܚܘܕܝܢ ܠܐ ܐܫܟܚܢ
312:17 [ai]	ܠܡܚܼܙܐܿ܂ ܗܢܐ ܕܐܬܩܼܪܝ ܡܛܥܝܢܐܼ܂ ܘܗܘܼܝܘ ܫܪܝܪܐ
312:18 [ai]	ܕܠܐ ܡܕܓܠ܂ ܘܝܿܗܒ ܡܟܣܐܼ ܘܟܣܦ ܪܝܫܐ ܚܠܦܝܢܼ
312:19 [ai]	ܘܚܠܦܘܗܝ܂ ܗܢܐ ܕܟܕ ܚܼܙܝܗܝ ܒܥܠܕܒܒܐ ܕܚܼܠ܂
312:20 [ai]	ܘܐܬܪܗܒ ܘܫܐܠܗ܂ ܕܡܿܢܼܘ ܘܡܐ ܛܒܼܗ܂ ܘܥܠ
312:21 [ai]	ܫܪܪܐ ܠܐ ܐܩܝܡܗ܂ ܡܛܠ ܕܫܪܪܐ ܒܗ ܠܝܬ܂ ܗܢܐ
312:22 [ai]	ܟܕ ܐܝܬܘܗܝ ܡܪܐ ܥܠܡܐ܃ ܘܪ̈ܓܝܓܬܗ ܘܩ̈ܢܝܢܘܗܝ
313:01 [ai]	ܘܟܠܗܘܢ ܢܝ̈ܚܘܗܝ܃ ܗܼܘ ܡܢܗ ܐܪܚܩ ܐܢܘܢ܂ ܘܠܐܝܠܝܢ
313:02 [ai]	ܕܫܡܿܥܝܢ ܠܗ ܘܡܗܝܡܢܝܢ ܒܗܼ܂ ܙܗܿܪ ܐܢܘܢ ܕܒܗܠܝܢ
313:03 [ai]	ܠܐ ܢܬܚܫܚܘܢ܂ 144܂1 ܘܟܕ ܫܿܠܡ ܗܠܝܢ ܠܡܐܡܪ܃ ܩܡ ܗܘܐ
313:04 [ai]	ܕܢܨܿܠܐ ܘܢܐܡܪ ܗܟܢܐ܂ ܐܒܘܢ ܕܒܫܡܝܐܼ ܢܬܩܿܕܫ
313:05 [ai]	ܫܡܟ܂ ܬܐܬܐ ܡܿܠܟܘܬܟ܂ ܘܢܗܼܘܘܢ ܨܒ̈ܝܢܝܟ܂
313:06 [ai]	ܒܐܪܥܐ ܐܝܟ ܕܒܫܡܝܐ܂ ܘܗܒ ܠܢ ܠܚܡܐ ܐܡܝܢܐ
313:07 [ai]	ܕܝܘܡܐ܂ ܘܫܒܘܩ ܠܢ ܚ̈ܘܒܝܢܼ ܘܚ̈ܛܗܝܢ܂ ܕܐܦ ܚܢܢ
313:08 [ai]	ܢܫܒܘܩ ܠܚ̈ܝܒܝܢ܂ ܘܠܐ ܬܝܬܝܢ ܠܢܣܝܘܢܐ܂ ܐܠܐ ܦܨܢ
313:09 [ai]	ܡܢ ܒܝܼܫܐ܂ 144܂2 ܡܪܝ ܘܐܠܗܝ ܘܣܒܪܝ܂ ܘܬܘܟܠܢܝܿ ܘܡܠܦܢܝܼ
313:10 [ai]	ܘܡܠܒܒܢܝ܂ ܐܢܬ ܗܘ ܐܠܦܬܢ‍{‍ܝ‍}‍ ܕܢܨܿܠܐ ܗܟܢܐ܂ ܗܐ
313:11 [ai]	ܨܠܘܬܟ ܡܨܿܠܐ ܐܢܐܼ܂ ܘܨܒܝܢܟ ܡܿܫܠܡ ܐܢܐܿ܂ ܐܢܬ
313:12 [ai]	ܗܼܘܝ ܥܡܝ܂ ܥܕܡܐ ܠܚܪܬܐ܂ ܐܢܬ ܕܡܢ ܛܠܝܘܬܝ ܙܪܥܼܬ
313:13 [ai]	ܒܝ ܚ̈ܝܐ܂ ܘܡܢ ܚܒܿܠܐ ܢܛܪܬܢܝ܂ ܐܢܬ ܕܠܡܣܟܢܘܬܐ
313:14 [ai]	ܕܥܠܡܐ ܐܝܬܝܬܢܝ܂ ܘܠܥܘܬܪܟ ܕܫܪܪܐ ܙܡܢܬܢܝ܂ ܐܢܬ
313:15 [ai]	ܕܐܘܕܥܬܢܝ ܕܕܝܠܟ ܐܢܐ܂ ܘܠܐܢܬܬܐ ܠܐ ܐܬܼܩܪܒܬ܂
313:16 [ai]	ܕܡܕܡ ܕܠܟ ܡܬܒܥܐܿ ܒܛܘܠܫܐܼ ܠܐ ܢܫܬܟܚ܂ 145܂1 ܠܐ
313:17 [ai]	ܣܿܦܩ ܦܘܡܝ ܠܡܘܕܝܘ ܠܟ܂ ܘܠܐ ܬܪܥܝܬܝ ܠܡܫܒܚܘ
313:18 [ai]	ܠܛܝܒܘܬܟ ܕܥܠܝ܂ ܗܿܘ ܕܟܕ ܨܿܒܐ ܗܘܝܬ ܕܐܿܩܢܐ
313:19 [ai]	ܘܐܿܥܬܪ܂ ܐܢܬ ܒܚܙܘܟ ܚܘܝܬܢܝ܃ ܕܚܘܣܪܢܐ
313:20 [ai]	ܗܘܼܐ ܠܣ̈ܓܝܐܐܿ܂ ܡܢ ܥܘܬܪܐ ܘܡܢ ܩܢܝܢܐ܂ ܘܗܿܝܡܢܬ
313:21 [ai]	ܠܚܙܬܟܼ܂ ܘܒܡܣܟܢܘܬܐ ܕܠܥܠܡ ܩܿܘܝܬ܂ ܥܕܡܐ ܕܐܢܬ
314:01 [ai]	ܥܘܬܪܐ ܕܫܪܪܐ ܐܬܚܼܙܝܬ ܠܝ܂ ܘܠܐܝܠܝܢ ܕܫܿܘܝܢ ܠܟ ܡܢ
314:02 [ai]	ܥܘܬܪܟ ܕܫܪܪܐ ܡܠܼܝܬ ܐܢܘܢ܂ ܘܡܢ ܣܢܝܩܘܬܐ ܘܡܢ ܨܦܬܐܿ
314:03 [ai]	ܘܡܢ ܝܥܢܘܬܐܼ ܦܼܪܩܬ ܐܢܘܢ܂ 145܂2 ܗܐ ܡܟܝܠ ܫܿܠܡܬ ܨܒܝܢܟܼ܂
314:04 [ai]	ܘܓܡܪܬ ܥܿܒܕܟܼ܂ ܗܘܿܝܬ ܡܣܟܢܐ ܘܣܢܝܩܐ ܘܐܟܣܢܝܐܿ
314:05 [ai]	ܘܥܒܼܕܐ ܘܫܝܛܐ܂ ܘܐܣܝܪܐ ܘܟܦܢܐ܂ ܘܨܗܝܐ
314:06 [ai]	ܘܥܪܛܠܝܐ܂ ܘܚܦܝܝܐ ܘܠܐܝܐܼ ܡܛܠܬܟ܂ ܠܐ ܢܦܘܫ
314:07 [ai]	ܬܘܟܠܢܝ܂ ܘܣܒܪܝ ܕܥܠܝܟܼ ܠܐ ܢܒܗܬ܂ ܠܐ ܢܗܘܼܘܢ
314:08 [ai]	ܥܡ̈ܠܝ ܣܪ̈ܝܩܐ܂ ܘܠܐܘ̈ܬܝ ܒ̈ܛܝܠܬܐ ܠܐ ܢܫ̈ܬܟܚܢ܂
314:09 [ai]	ܠܐ ܢܐܒܕܘܢ ܨ̈ܘܡܝ ܘܨ̈ܠܘܬܝ ܬܟ̈ܝܒܬܐ܂ ܘܣܘܥܪ̈ܢܝ
314:10 [ai]	ܕܒܟ ܠܐ ܢܬܚܠܦܘܢ܂ ܠܐ ܢܚܛܘܦ ܙܪܥܟ ܕܚ̈ܛܐ
314:11 [ai]	ܒܥܠܕܒܒܐ ܡܢ ܐܪܥܟ܂ ܘܙܝ̈ܙܢܘܗܝ ܒܗܿ ܠܐ ܢܫܬܟܚܘܢ܂
314:12 [ai]	ܠܐ ܓܝܪ ܡܩܒܠܐ ܐܪܥܟ ܙܝ̈ܙܢܘܗܝܼ܂ ܘܠܐ ܡܫܟܚܝܢ
314:13 [ai]	ܘܢܦܠܼܘܢ ܒܐܘܨܪ̈ܘܗܝ ܕܐܟܪܟ܂ 146܂1 ܘܬܘܒܼ ܐܡܿܪ ܗܘܐ܂
314:14 [ai]	ܓܦܬܟ ܢܨܿܒܬ ܒܐܪܥܐܼ܂ ܬܫܕܐ ܓ̈ܝܕܐ ܠܥܘܡܩܐܼ܂
314:15 [ai]	ܘܬܓܼܕܘܠ ܓܘ̈ܦܢܝܗܿ ܠܫܡܝܐ܂ ܘܢܐܬܚܙܘܢ ܦܐܪ̈ܝܗܿ
314:16 [ai]	ܒܐܪܥܐܼ܂ ܘܢܬܒܣܡܘܢ ܒܗܘܢ ܐܝܠܝܢ ܕܠܟ ܫܿܘܝܢ
314:17 [ai]	ܘܐܢܬ ܩܢܼܝܬ ܐܢܘܢ܂ 146܂2 ܟܣܦܟ ܕܝܗܼܒܬ ܠܝ ܐܪܡܿܝܬܗ
314:18 [ai]	ܥܠ ܦܬܘܪܟܼ܂ ܓܒܝܗܝ ܘܗܒܝܗܝ ܠܝ ܒܪ̈ܒܝܬܗ ܐܝܟ
314:19 [ai]	ܕܐܫܬܘܕܝܬ܂ ܒܡܢܼܝܟ ܐܬܬܼܓܪܬ ܥܣܪܐܼ܂ ܢܬܬܘܣܦ
314:20 [ai]	ܥܠ ܕܐܝܬ ܠܝܼ ܐܝܟ ܕܡܠܼܟܬ܂ ܠܚ̈ܝܒܝ ܫܿܒܩܬ ܡܢܼܝܐܼ܂
314:21 [ai]	ܠܐ ܢܬܬܒܥ ܒܐܝܼܕܝ ܕܫܒܼܩܬ ܠܗ܂ ܠܐܚܫܡܝܬܐ
315:01 [ai]	ܐܙܕܡܿܢܬ ܘܐܬܼܝܬ ܥܓܠ܂ ܘܡܢ ܩܪܝܬܐ܂ ܘܡܢ ܦܕܢܐܿ
315:02 [ai]	ܘܡܢ ܐܢܬܬܐ ܐܫܿܬܐܠܬ܂ ܠܐ ܐܣܬܠܐ ܡܢܗܿ܂
315:03 [ai]	ܘܒܡܘ̈ܡܬܐ ܠܐ ܐܛܥܡܗܿ܂ 146܂3 ܠܡܫܬܘܬܐ ܐܙܕܡܿܢܬ܂
315:04 [ai]	ܘܢܚ̈ܬܐ ܚܘܪ̈ܐ ܠܒܿܫܬ܂ ܐܿܫܘܐ ܠܗܿ܂ ܘܠܐ ܢܦܟܪܘܢ
315:05 [ai]	ܐܝܼ̈ܕܝ ܘܪ̈ܓܠܝ ܘܠܚܫܘܟܐ ܒܪܝܐܼ ܠܐ ܐܦܘܩ܂ ܫܪܓܝ
315:06 [ai]	ܒܢܘܗܪܗ ܦܨܝܚܐ܂ ܢܛܿܪܗ ܡܪܗ܂ ܥܕ ܦܛܿܪ ܡܢ ܒܝܬ
315:07 [ai]	ܡܫܬܘܬܐ ܘܐܿܩܒܠܝܘܗܝ܂ ܟܕ ܡܛܦܛܦ ܡܢ
315:08 [ai]	ܡܫܚܗܼ ܠܐ ܐܚܙܝܘܗܝ܂ 146܂4 ܥ̈ܝܢܝ ܠܟ ܢܩ̈ܒܠܢ܂ ܘܢܚܕܐ ܠܒܝ
315:09 [ai]	ܕܫܿܠܡܬ ܨܒܝܢܟܼ ܘܓܡܪܬ ܦܘ̈ܩܕܢܝܟ܂ ܐܿܕܡܼܐ ܠܥܒܼܕܐ
315:10 [ai]	ܚܟܝܡܐ ܕܚܘܠܬܢܐܿ܂ ܕܒܚܦܝܛܘܬܐ ܙܗܝܬܐ ܠܐ
315:11 [ai]	ܡܗܡܐ܂ ܒܫܗܪܐ ܕܠܠܝܐ ܟܠܗ ܠܐܿܝܬ܂ ܠܡܛܪ ܒܝܬܝ
315:12 [ai]	ܡܢ ܓ̈ܝܿܣܐܼ ܕܠܐ ܢܬܼܦܠܫ܂ 147܂1 ܚ̈ܨܝܼ ܒܩܘܫܬܐ ܐܣܝܪ̈ܝܢ ܘܡ̈ܣܢܝ
315:13 [ai]	ܒܪ̈ܓܠܝ ܚܝ̈ܨܝܢ܂ ܥܪ̈ܩܝܗܘܢ ܟܕ ܡܿܪܦܝܼܢ ܠܐ ܐܿܚܙܐ܂
315:14 [ai]	ܐܝܼܕܝ ܐܿܪܡܝܬ ܥܠ ܚܪܒܐ ܕܦܕܢܝ܃ ܘܠܒܣܬܪܝ ܠܐ
315:15 [ai]	ܐܬܼܦܢܝܬܼ܂ ܕܚ̈ܛܘܛܝ ܠܐ ܢܬܼܦܬܠܘܢ܂ ܚ̈ܩܠܬܝ ܚܘܪ̈ܝܼ
315:16 [ai]	ܘܡ̈ܛܝ ܠܚܨܕܐ ܡܢ ܟܕܘ܂ ܐܓܪܝ ܐܿܣܒ܂ 147܂2 ܠܒܘܫܐ ܕܒܿܠܐܼ
315:17 [ai]	ܒܿܠܝܬܗ܂ ܘܥܡܠܐ ܕܠܢܝܿܚܐ ܡܝܿܬܐ ܫܿܠܡܬܗ܂ ܢܛܿܪܬ
315:18 [ai]	ܡܛܪܬܝ ܩܕܡܝܬܐܿ܂ ܘܬܢܝܢܝܬܐ ܘܬܠܝܬܝܬܐ܂ ܐܿܩܒܠܝܘܗܝ
315:19 [ai]	ܠܦܪܨܘܦܟܼ܂ ܘܐܿܣܓܘܕ ܩܕܡ ܙܝܘܟ ܩܕܝܫܐ܂ ܥܿܩܪܬ
315:20 [ai]	ܒܝܬ ܩ̈ܦܣܝ ܘܐܿܚܪܒܬ ܐܢܘܢ ܒܐܪܥܐ܂ ܐܿܣܒ ܡܢ
315:21 [ai]	ܣܝܼܡܬܟ ܕܠܐ ܚܿܣܪܐ܂ ܠܡܥܝܢܐ ܕܒܝ ܪܛܝܒܬܐ
315:22 [ai]	ܐܿܘܒܫܬ܂ ܐܿܣܡܘܟ ܥܠ ܡܥܝܢܟ ܚܝܬܐܼ ܘܐܬܬܢܝܚ
315:23 [ai]	ܥܠܝܗܿ܂ 147܂3 ܠܐܼܣܝܪܐ ܕܐܫܠܡܼܬ ܠܝ ܩܛܠܬܗ܂ ܠܫܪܝܐ ܕܒܝ
315:24 [ai]	ܦܪܘܩ܂ ܘܠܐ ܬܬܟܠܐ ܢܦܫܝ ܡܢ ܬܘܟܠܢܗܿ܂ ܓܘܝܐ
316:01 [ai]	ܥܿܒܕܬ ܒܼܿܪܝܐ܂ ܘܒܼܿܪܝܐ ܓܘܝܐ܂ ܢܫܬܡܠܐ ܨܒܝܢܟ ܒܟܠ
316:02 [ai]	ܗ̈ܕܡܝ܂ 147܂4 ܠܒܣܬܪܝ ܠܐ ܗܿܦܟܬ܂ ܘܠܩܕܡܝ ܟܠ ܐܿܫܬܘܫܛܬ܂
316:03 [ai]	ܬܕܡܘܪܬܐ ܘܐܬܼܐ ܠܐ ܐܿܗܘܐ܂ ܡܝܼܬܐ ܠܐ ܐܿܚܝܬ܂
316:04 [ai]	ܘܚܼܿܝܐ ܠܐ ܐܿܡܝܬܬ܂ ܘܚܣܝܪܐ ܡܿܠܝܬ܂ ܢܩܿܒܠ ܟܠܝܠܐ
316:05 [ai]	ܕܙܟܘܬܐ ܫܠܝܛܐ ܕܬܪ̈ܝܗܘܢ ܥ̈ܠܡܐ܂ ܚܣܕܐ ܩܿܒܠܬ
316:06 [ai]	ܒܐܪܥܐ܂ ܦܘܪܥܢܐ ܥܼܿܒܕ ܠܝ ܒܫܡܝܐ܂ 148܂1 ܠܐ ܢܪܓܼܫܘܢ
316:07 [ai]	ܒܝ ܚ̈ܝܠܐ܂ ܘܫ̈ܠܝܛܢܐ ܥܠܝܼ ܠܐ ܢܬܚܫܒܘܢ܂ ܠܐ ܢܚܙܘܢܢܝ
316:08 [ai]	ܡ̈ܟܣܐ܂ ܘܓܿܒ̈ܝܐ ܒܝ ܠܐ ܢܬܛܓܪܘܢ܂ ܠܐ ܢܗܿܠܘܢ ܒܝ
316:09 [ai]	ܫ̈ܦܠܐܿ܂ ܘܒ̈ܝܼܫܐ ܒܚܠܝܨܐ ܘܡܟܝܟܐ܂ 148܂2 ܘܥܒܼܕܐ ܘܫܝܛܐ
316:10 [ai]	ܘܪܒܐ ܕܡܬܥܠܐܿ ܠܐ ܡܡܪܚܝܢ ܠܡܩܡ ܩܕܡܝ܃ ܡܛܠ
316:11 [ai]	ܚܝܠܟ ܙܟܝܐ ܝܫܘܥ ܕܚܕܝܪ ܠܝ܂ ܥܿܪܩܝܢ ܓܝܪ ܘܛܿܫܝܢ ܡܢܗ܂
316:12 [ai]	ܡܛܠ ܕܢܚܙܘܢܗ ܠܐ ܡܫܟܚܝܢ܃ ܒܢܟܠܐ ܓܝܪ ܘܒܫܠܝܐ ܢܿܦܠܝܢ
316:13 [ai]	ܥܠ ‍{‍ܠ‍}‍ܐܝܠܝܢ ܕܡܫܬܡܥܝܢ ܠܗܘܢ܂ 148܂3 ܡܢܬܗܘܢ ܕܒ̈ܢܝܼ ܗܐ
316:14 [ai]	ܩܥܝܐ ܘܡܒܿܪܩܐ܂ ܘܠܐ ܐܢܫ ܛܿܫܐ ܡܢܗܘܢ܂ ܡܛܠ
316:15 [ai]	ܕܪܝܚ ܟܝܢܗܘܢ ܗܘ܂ ܦܪܝܫܝܢ ܒ̈ܝܼܫܐ ܒ̈ܢܝܢܫܐ܂ ܐܝܠܢܐ
316:16 [ai]	ܕܦܐܪ̈ܘܗܝ ܡܪܬܐ ܗܘ܂ ܐܿܥܒܪܝܘܗܝ
316:17 [ai]	ܠܐܬܪܗܘܢ ܒܫܠܝܐܼ ܘܐܿܬܐ ܠܘܬܟܼ܂ 148܂4 ܚܕܘܬܐ ܘܫܝܢܐ
316:18 [ai]	ܢܣܡܟܘܢܝ܂ ܘܐܿܩܘܡ ܩܕܡ ܫܘܒܚܟ܂ ܘܐܿܟܠܩܪܨܐ ܒܝ
316:19 [ai]	ܠܐ ܢܿܚܘܪ܂ ܐܠܐ ܢܬܥܘܪ̈ܢ ܥ̈ܝܢܘܗܝ ܒܢܘܗܪܟ ܕܐܢܐ
316:20 [ai]	ܫܼܿܪܐ ܐܢܐ ܒܗ܂ ܘܢܣܬܼܟܪ ܦܘܡܗ ܫܿܩܪܐ ܕܡܕܡ ܥܠܝ
316:21 [ai]	ܠܝܬ ܠܗ܂ ܀ 149܂1 ܘܫܼܿܪܝ ܗܘܐ ܬܘܒ ܠܡܐܡܪ ܠܗܿܢܘܢ ܕܐܝܬ
317:01 [ai]	ܗܘܘ ܠܘܬܗ ܒܚܒܘܫܝܐ܂ ܗܝܡܢܘ ܒ̈ܢܝ ܒܗܢܐ ܐܠܗܐ
317:02 [ai]	ܕܡܿܟܪܙ ܐܢܐ܂ ܗܝܡܢܘ ܒܝܫܘܥ ܡܫܝܚܐ ܕܡܿܣܒܪ ܐܢܐ܂
317:03 [ai]	ܗܝܡܢܘ ܠܡܚܝܢܐ ܘܠܡܥܕܪܢܐ ܕܥܒܼ̈ܕܘܗܝ܂ ܗܝܡܢܘ
317:04 [ai]	ܠܡܚܝܢܐ ܕܐܝܠܝܢ ܕܠܐܼܝܘ ܒܦܘܠܚܢܗ܂ ܠܗܢܐ ܕܗܫܐ
317:05 [ai]	ܗܐ ܪܘܙܐ ܢܦܫܝ ܒܗܿ܂ ܕܡܼܛܐ ܙܒܢܐ ܕܐܿܙܠ
317:06 [ai]	ܘܐܿܩܒܠܝܘܗܝܼ܂ ܗܝܡܢܘ ܒܗܢܐ ܫܦܝܪܐ܂ ܕܫܘܦܪܗ
317:07 [ai]	ܡܿܓܪܓ ܠܝ ܕܐܿܡܼܪ ܥܠܘܗܝ ܡܕܡ ܕܐܝܬܘܗܝ܃ ܟܕ ܠܐ
317:08 [ai]	ܡܘܦܐ ܐܢܐ ܕܐܡܪܝܘܗܝ܂ 149܂2 ܐܢܬ ܗܘ ‍{‍‍{‍ܡܪܝ‍}‍‍}‍ ܓܝܪ ‍<‍‍<‍ܡܪܝ‍>‍‍>‍ ܙܝܘܢܐ
317:09 [ai]	ܕܡܣܟܢܘܬܝ܃ ܘܡܡܠܝܢܐ ܕܚܣܝܪܘܬܝ܂ ܘܡܦܪܢܣܢܐ
317:10 [ai]	ܕܣܢܝܩܘܬܝ܂ ܐܢܬ ܗܼܘܝ ܥܡܝ ܥܕܡܐ ܠܚܪܬܐܿ܂ ܕܐܿܬܐ
317:11 [ai]	ܐܢܐ ܘܡܿܩܒܠ ܐܢܐ ܠܟ܂ 150܂1 ܗܿܘ ܕܝܢ ܥܠܝܡܐ ܘܝܙܢ
317:12 [ai]	ܒܪܗ ܕܡܙܕܝ ܡܿܠܟܐܼ܂ ܒܥܿܐ ܗܘܐ ܡܢܗܼ ܘܐܡܿܪ ܠܗ܂
317:13 [ai]	ܒܥܿܐ ܐܢܐ ܡܢܟ ܓܒܪܐ ܩܕܝܫܐ ܫܠܝܚܗ ܕܐܠܗܐܼ܂
317:14 [ai]	ܐܦܣ ܠܝ ܕܐܙܠܿ ܘܐܦܝܣ ܠܢܛܘܪ̈ܐ ܕܚ̈ܒܝܫܐ܂ ܘܡܦܩ
317:15 [ai]	ܠܝ ܕܬܐܙܠ ܥܡܝ ܠܒܝܬܝ܃ ܘܬܬܠ ܠܝ ܪܘܫܡܐ ܕܚ̈ܝܐ܂
317:16 [ai]	ܘܐܿܗܘܐ ܐܦ ܐܢܐ ܦܠܚܼܐ ܠܗܢܐ ܐܠܗܐ ܚܼܕܬܐ
317:17 [ai]	ܕܡܿܟܪܙ ܐܢܬ܂ ܡܛܠ ܕܒܗܠܝܢ ܟܘܠܗܝܢ ܕܐܡܼܪܬ ܡܿܬܕܒܪ
317:18 [ai]	ܗܘܝܬ ܒܛܠܝܘܬܝ܃ ܥܕܠܐ ܢܥܨܝܢܝ ܡܙܕܝ ܐܒܝ܃ ܘܢܬܠ ܠܝ
317:19 [ai]	ܠܡܢܫܪ ܐܢܬܬܐ܂܂ ܒܪ ܥܣܪ̈ܝܢ ܓܝܪ ܘܚܕܐ ܫ̈ܢܝܢ ܐܝܬܝ
317:20 [ai]	ܝܘܡܢܐ܂ ܘܗܐ ܫܒܥ ܫ̈ܢܝܢ ܠܝ ܗܐ ܡܢ ܕܐܿܙܕܘܓܬ
317:21 [ai]	ܒܙܘܘܓܐ ܕܐܢܬܬܐ܂ ܡܢ ܩܕܡ ܓܝܪ ܕܐܿܣܒ ܐܢܬܬܐܼ܂
317:22 [ai]	ܐܢܬܬܐ ܐܚܪܬܐ ܠܐ ܝܿܕܥܬ܂ ܘܠܐܒܝ ܐܝܟ ܒܛܝܠܐ
318:01 [ai]	ܚܫܝܒ ܗܘܝܬ ܠܗ܂ ܘܒܪܐ ܘܒܪܬܐ ܡܢ ܐܢܬܬܐ ܕܝܗܼܒ
318:02 [ai]	ܠܝ ܠܐ ܗܘܼܐ ܠܝ ܥܕܟܝܠ܂ 150܂2 ܘܐܦ ܗܼܝ ܐܢܬܬܝܼ ܒܢܟܦܘܬܐ
318:03 [ai]	ܥܡܼܪܬ ܥܡܝ ܫ̈ܢܝܐ ܗܠܝܢ܂ ܘܝܘܡܢܐ ܐܠܘ ܚܠܝܡܐ ܗܘܬ܃
318:04 [ai]	ܘܠܟ ܚܙܬ ܐܘ ܫܡܼܥܬ ܡܠܬܟ܃ ܠܝ ܗܿܘܐ ܗܘܐ ܢܝܿܚܐ
318:05 [ai]	ܘܗܼܝ ܚܿܝܐ ܗܘܬ܂ ܘܚ̈ܝܐ ܕܠܥܠܡ ܡܩܒܠܐ ܗܘܬ܂
318:06 [ai]	ܒܐܘܠܨܢܐ ܓܝܪ ܪܒܐ ܐܝܬܝܗܼܿ܂ ܗܐ ܙܒܢܐ ܣܓܝܐܐ܂
318:07 [ai]	ܕܟܘܪܗܢܐ܂ ܡܦܝܣ ܐܢܐ ܗܟܝܠ ܠܢܛܘܪ̈ܐ
318:08 [ai]	ܕܚ̈ܒܝܫܐ܃ ܐܢ ܗܼܘ ܕܡܫܬܘܕܐ ܐܢܬ ܠܝ ܕܬܐܙܠ ܥܡܝ
318:09 [ai]	ܠܒܝܬܝ܃ ܡܢܝ ܓܝܪ ܘܠܝ ܒܕܪܬܐ ܒܠܚܘܕܝ ܥܡܿܪ ܐܢܐܼ܂
318:10 [ai]	ܘܡܐܣܐ ܐܢܬ ܠܗܿ ܠܚܠܫܬܐ ܕܟܪܝܗܐ ܗܝ ܀ ܀ 150܂3 ܘܟܕ
318:11 [ai]	ܗܠܝܢ ܫܡܼܥ ܝܗܘܕܐ ܫܠܝܚܗ ܕܡܪܝܡܐܼ܂ ܐܡܿܪ ܠܗ
318:12 [ai]	ܫܠܝܚܐ ܠܘܝܙܢ ܒܪܝ ܐܢ ܗܼܘ ܕܡܗܝܡܢ ܐܢܬܼ܂
318:13 [ai]	ܚܿܙܝܬ ܬܕܡܪ̈ܬܗ ܕܐܠܗܢܿ܂ ܐܝܟܢܐ ܡܿܚܐ ܘܚܐܿܢ
318:14 [ai]	ܠܥܒܼ̈ܕܘܗܝ܂ 151܂1 ܘܟܕ ܗܼܢܘܢ ܡܡܠܠܝܢ ܗܘܘܼ܂ ܛܪܛܝܐ
318:15 [ai]	ܘܡܓܕܘܢܝܐ ܘܢܪܩܝܐ ܡܪܒܝܢܝܬܗܼܿ܂ ܒܬܪܥܐ ܕܒܝܬ
318:16 [ai]	ܐܣܝܪ̈ܐ ܩ̈ܝܡܢ ܗ̈ܘܝ܂ ܘܝܗ̈ܒܝ ܠܢܛܘܪ̈ܐ ܕܚ̈ܒܝܫܐ
318:17 [ai]	ܬܠܬܡܐܐ ܘܫܬܝܢ ܙܘ̈ܙܝܢ ܕܣܐܡܐ܂ ܘܐܥܠܘ ܐܢ̈ܝܢ
318:18 [ai]	ܠܘܬ ܝܗܘܕܐ܂ ܘܥ̈ܠܝܢ ܘܚ̈ܙܝ ܠܝܗܘܕܐ ܘܠܨܝܦܘܪ ܘܠܘܝܙܢ
318:19 [ai]	ܘܠܐܢܬܬܗ ܘܠܒܪܬܗ ܕܨܝܦܘܪ܂ ܘܠܚ̈ܒܝܫܐ ܟܠܗܘܢ
318:20 [ai]	ܟܕ ܝܬܼܒܝܢ܃ ܘܫܡܿܥܝܢ ܠܗ ܠܝܗܘܕܐ܂ ܘܩ̈ܝܡܝܢ ܬܠܬܝ̈ܗܝܢ
318:21 [ai]	ܩܕܡܘܗܝ܂ ܘܗܼܘ ܐܡܼܪ ܠܗܝܢ܂ ܡܿܢܼܘ ܐܪ̈ܦܝܟܝܢ ܕܬܐܬܝ̈ܢ
318:22 [ai]	ܠܘܬܢܼ܂ ܘܡܿܢܼܘ ܦܬܼܚ ܠܟܝܢ ܬܪܥܐ ܕܚܬܝܡ ܗܘܐ
319:01 [ai]	ܒܐ̈ܦܝܟܝܢ ܀ 151܂2 ܐܡܿܪܐ ܠܗ ܛܪܛܝܐ܂ ܠܐ ܗܘܐ ܐܢܬ
319:02 [ai]	ܦܬܼܚܬ ܠܢ ܬܪܥܐ ܘܐܡܼܪܬ ܠܢ܃ ܕܬܐ̈ܝܢ ܠܒܝܬ ܚ̈ܒܝܫܐ̈
319:03 [ai]	ܕܢܐܙܠ ܘܢܼܕܒܪ ܠܐ̈ܚܝܢ ܕܬܡܿܢ܃ ܘܗܿܝܕܝܢ ܢܚܿܘܐ ܡܪܢ
319:04 [ai]	ܫܘܒܚܗ ܥܡܢ ܀ ܘܟܕ ܡܛܝܢ ܬܪܥܐܼ ܐܒܼܕܬ ܠܟ ܡܢܢ܃
319:05 [ai]	ܘܫܡܥܢ ܩܠܐ ܕܬܪܥܐ ܕܐܬܬܚܕ ܒܐ̈ܦܝܢ܂ ܘܝܗܒܢܢ ܕܝܢ
319:06 [ai]	ܠܢܛܘܪ̈ܐ ܕܝܠܗܘܢ ܘܥܠܘܢ܂ ܘܗܐ ܩܿܝܡ̈ܝܢܢ ܘܒܥ̈ܝܢܢ
319:07 [ai]	ܡܢܟ܃ ܕܬܥܼܒܕ ܠܢ ܨܒܝܢܐ ܕܢܥܿܪܩܟܿ܂ ܥܕ ܦܝܓܐ ܡܢܟ
319:08 [ai]	ܚܡܬܗ ܕܡܙܕܝ ܡܿܠܟܐ܂ ܐܡܿܪ ܠܗܿ ܝܗܘܕܐ ܠܛܪܛܝܐ܂
319:09 [ai]	ܐܫܬܥ̈ܝܢܝ ܠܢ ܠܘܩܕܡ ܐܝܟܢܐ ܐܬܚ̈ܒܫܬܝܢ܂ 152܂1 ܐܡܿܪܐ ܠܗ
319:10 [ai]	ܛܪܛܝܐ܂ ܐܢܬ ܩܢܘܡܟ ܡܢ ܠܘܬܢ ܠܐ ܫܼܢܝܬ܂ ܐܠܐ
319:11 [ai]	ܐܢ ܚܕܐ ܫܥܐ܂ ܘܠܐ ܝܿܕܥ ܐܢܬ ܐܝܟܢܐ ܚܒܝܫܢ
319:12 [ai]	ܗܘܝܢ܂ ܘܐܢ ܕܝܢ ܕܬܫܡܼܥ ܨܼܒܝܬܼ ܫܡܼܥ ܀ ܀ ܡܙܕܝ
319:13 [ai]	ܡܿܠܟܐ ܫܕܪ ܘܐܝܬܝܢܝ ܠܝ ܕܝܠܝ ܐܢܐ ܛܪܛܝܐ ܘܐܡܼܪ
319:14 [ai]	ܠܝ܂ ܠܐ ܥܕܟܝܠ ܫܠܝܛ ܒܟܝ ܗܿܘ ܚܪܫܐ܂ ܡܛܠ ܕܫܡܝܥ
319:15 [ai]	ܗܘ ܠܝ ܓܝܪ܂ ܕܒܡܫܚܐ ܘܒܡ̈ܝܐ ܘܒܠܚܡܐ ܘܒܚܡܪܐ
319:16 [ai]	ܡܚܿܪܫ܂ ܘܠܟܝ ܥܕܟܝܠ ܠܐ ܚܪܫܟܝ܂ ܐܠܐ ܐܬܛܦܝܣܝ
319:17 [ai]	ܠܝ ܗܟܝܠ ܕܐܡܿܪ ܐܢܐ ܠܟܝ܂ ܕܠܐ ܡܫܬܢܕ
319:18 [ai]	ܐܢܐ ܒܟܝ ܥܕܡܐ ܕܡܿܘܒܕ ܐܢܐ ܠܟܝ܂ ܝܿܕܥ ܐܢܐ ܓܝܪܼ܂
319:19 [ai]	ܕܟܡܐ ܕܒܡ̈ܝܐ ܘܒܡܫܚܐ ܘܒܠܚܡܐ ܘܒܚܡܪܐ ܠܐ
319:20 [ai]	ܝܗܼܒ ܠܟܝ܃ ܠܐ ܥܕܡܐ ܠܗܫܐ ܡܠܝܐܝܬ ܐܫܬܠܛ
319:21 [ai]	ܒܟܝ܂ ܘܐܢܐ ܐܡܿܪܬ ܠܗ܂ ܟܠܡܕܡ ܕܨܿܒܝܬܼ ܥܼܒܕ ܠܝ܂