← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51021: TgJ Na

Click on a word for lexical analysis
Click on a red-colored coordinate for comments and/or translations of the line

previous chapter


03:01 )1( יֵי קַרתָא אָשְדַת/אָשְדֵי#2#/ דַם <זַכַי#2#> כוּלַה כַדבִין בִיזָא מַליָא לָא פָסִיק קְטוֹל:
03:02 )1( קָל נִיקוּש מַחָא/מוחי#3#/ וְקָל זְיָע גַלגַלִין וְסוּסָוָון מְפֻנכִין וֻרתִכִין מְקַפְצִין:
03:03 )1( פָרַש מַסֵיק לְהוֹב וְצִלהוּב סֵיפִין וְצִחצוּח מוֹרָניָן וֻסגֵי קְטִילִין וַהֲמוֹן פַגרִין וְלֵית סוֹף לִקטִילַיָא יִתַקלוּן בִקטִילֵיהוֹן:
03:04 )1( מִידְסַגִיאוּת/מִסְגִיאַת#2#/ אִתרְגוֹשַת קַרתָא דְהִיא כְטָעִיתָא נָפְקַת בָרָא שַפִירַת רֵיו/חֵן#3#/ יָדֲעָא חַרשִין מָסְרָא עַמְמַיָא בִטעוּתַה וֻמַלכְוָת בְחַרשַהָא/בְחֻרשַהָא#3#/:
03:05 )1( הָאֲנָא שָלַח רוּגזִי עֲלַך אֲמַר יוי צְבָאוֹת וַאֲגַלֵי בַהתַת חוֹבַך עַל אַפַך וְאַחזִי עַמְמַיָא בַהתְתִיך וֻמַלכְוָתָא קְלָנִיך:
03:06 )1( וְאַרמֵי עֲלַך שִקוּצִין וַאֲנַבְלִינִיך וַאֲשַוֵינִיך מְכָעֲרָא לְעֵינֵי <עממיא#3#> כָל חָזַך:
03:07 )1( וִיהֵי כָל דְיִחזֵינִיך יִתרַחַק מִנִיך וְיֵימַר אִתבְזֵיזַת נִינְוֵיה מַן יִדוֵי עֲלַך אִיכָא אַשכַח דִמנַחֲמִין לִיך:
03:08 )1( הָא אַת טָבָא מֵאֲלַכסַנדַריָא רַבְתָא דְיָתְבָא בֵינֵי נַהֲרָוָתָא מַיָא סְחוֹר סְחוֹר לָה דְשוּרַה/דתוקפה#3#/ יַמָא מֵי יַמָא שוּרַהָא:
03:09 )1( \כוּש סֻמכָוָתַה /סומכוותה דכוש תקיפין#3#/ וֻמִצרַיִם וְלֵית סוֹף פוּטָאֵי וְלוּבָאֵי הֲווֹ בְסַעֲדִיך:
03:10 )1( אַף הִיא לְגָלוּתָא תְהָך בְשִביָא אַף עוּלֵימַהָא יִטָרְפוּן בְרֵיש כָל שוּקַיָא וְעַל יַקִירַהָא רְמוֹ עַדבִין וְכָל רַברְבַהָא יִדַדקוּן/יִדַקדְקוּן#2#/ בְשֵישְלָן:
03:11 )1( אַף אַת/ית#3#/ דָמיָא לְרָויָא <תהי#3#> מְסַלעֲמָא אַף אַת תִבעַן סֲעֵיד/סָעֵיד#2#/ מִבְעֵיל דְבָבָא:
03:12 )1( כָל כַרכַך דָמַן לְתֵינִין בַכִירָן דְאִם יַרעֲדוּנוּנִין/יְדַעדוּנוּנוּן#2#/ יִתְרָן וְיִשתַאֲרוּן בְהוֹן צִמוּקִין דְכָשְרִין לְמֵיכַל:
03:13 )1( הָא עַמִיך חַלָשִין כִנשַיַא בְגַוִיך לְבַעֲלֵי דְבָבַך אִתפַתָחָא יִתפַתְחוּן תַרעֵי אַרעִיך שֵיצִיאַת/אכלת#3#/ אִישָתָא תוּקפַך:
03:14 )1( מַיָא בִציָרָא כְנוֹשִי לִיך תַקִיפִי כַרכַך אַסגַא מַרוָא וְשַעֲבִידִי בְטִינָא אַתקִיפִי בִניָנִיך/כרכך#3#/:
03:15 )1( לְתַמָן יֵיתוֹן עֲלָך עַמְמַיָא דְתַקִיפִין כְאִישָתָא יְשֵיצוֹנִיך קָטוֹלֵי חַרבָא יִתכַנשוּן עֲלַך <קטולין#3#> מַשרְיָת עַמְמִין דְסַגִיאִין כְזַחלָא יִחפוֹנִיך כְקִמצָא יַחסְנוּנִיך/יחסלונך#3#/ כְגוֹבָא:
03:16 )1( אַסגִית תַגָרַך כְכוֹכְבֵי/מִכוֹכְבֵי#2#/ שְמַיָא הָא/#2#/ כְזַחלָא דְשָלַח וֻפָרַח:
03:17 )1( הָא טַסַך מְצַלהֲבִין כְגוֹבָא וְטַפסְרַך כִזחֵיל גוֹבַי דְשָרַן בְכוּתלַיָא בְיוֹם קְרִיר/קריך#3#/ דְכַד שִמשָא דָנְחָא עֲלֵיהוֹן מִתבַדְרִין וְלָא אִתיְדַע אַתרְהוֹן <לאן#3#> עָרְקִין:
03:18 )1( אִיתְבַרוּ גִיבָרַך מַלכָא דְאַתוּר גְלוֹ עַם מַשרְיָתָך אִתבַדַרוּ עַמָך עַל טוּרַיָא וְלֵית דִמכַנֵיש:
03:19 )1( לֵית דִכאִיב לך/#2#/ עַל תְבָרָך מְמָרְעָא מַחֲתָך כָל שָמְעֵי שִמעֲתָך טְפַחוּ יְדֵיהוֹן עֲלָך חֲדִיאוּ אֲרֵי עַל מַן לָא עֲדָת מַחָת בִשתָך תְדִירָא: