← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60452: HS (Hymn of the Soul)

Click on a word for lexical analysis
Click on a red-colored coordinate for comments and/or translations of the line

001 ܟܕ ܐܢܐ ܫܒܪ ܝܠܘܕ ܘܥܡ݁ܪ ܒܡ݁ܠܟܘܬܝ ܒܝܬ ܐܒܝ
002 ܘܒܥܘܬܪܐ ܘܒܓܐܘ̈ܬܐ ܕܡܪ̈ܒܝܢܝ ܡܢܚ ܗ݀ܘܝܬ
003 ܡܢ ܡܕܢܚܐ ܡܬܢ ܙܘ݁ܕܘ ܐܒ̈ܗܝ ܫܕܪܘܢܝ
004 ܘܡܢ ܥܘܬܪܐ ܕܒܝܬ ܓܙܢ ܐܟܒܪ ܨ݁ܡܕܘ ܠܝ ܡܘܒܠܐ
005 ܣܓܝܐܐ ܗܝ ܘܩܠܝܠܐ ܕܐܢܐ ܠܚܘܕܝ ܐܫܩܠܝܗ݀
006 ܕܗܒܐ ܗܝ ܕܒܝܬ ܥ̈ܠܝܐ/‍{‍ܥ‍}‍‍<‍ܓ‍>‍ܠܝܐ#3#/ ܘܣܐܡܐ ܕܓܙܟ ܪܒܬܐ
007 ܘܩܪ̈ܟܕܢܝ ܗܢܕܘ ܘܦܬܘ̈ܬܟܐ ܕܡܢ ܒܝܬ ܩܫܢ
008 ‍{‍ܘܚܙܩܘܢ‍}‍‍<‍ܘܚܙܩܘܢܝ‍>‍ ܒܐܕܡܘܣ ܕܠܦܪܙܠܐ ܗܝ ܫܚܩܐ
009 ܘܐܫܠܚܘܢܝ ‍{‍ܠܙܗܝܘܬܐ‍}‍‍<‍ܠܙܗܝܬܐ‍>‍ ܕܒܚܘܒܗܘܢ ܥܒܕܘܗ݀ ܠܝ
010 ܘܠܛܘܓܝ ܕܙܚܘܪܝܬܐ ܕܥܠ ܩܘܡܬܝ ܡܡܫܚ ܙܩܝܪ
011 ܘܥ݂ܒܕܘ ܥܡܝ ܚܘܪܩܢܐ ܘܟܬܒܘܗܝ ܒܠܒܝ݂ ܕܠܐ ܢܬܛܥܐ
012 ܘܐܢ ܬܚܘܬ ܠܓܘ ܡܨܪܝܢ ‍{‍ܘܬܚܬܝܗ݀‍}‍‍<‍ܘܬܝܬܝܗ݀‍>‍ ܠܡܪܓܢܝܬܐ ܚܕܐ
013 ܗ݀ܝ ܕܐܝܬܝܗ݀ ܒܓܘ ܝܡܐ ܚܕܪ̈ܘܗܝ ܕܚܘܝܐ ܣܝܩܐ
014 ܬܠܒܫܝܗ݀ ܠܙܗܝܬܟ ܘܠܛܘܓܟ ܕܥܠܝܗ݀ ܡܢܚ
015 ܘܥܡ ܐܚܘܟ ܬܪܝܢܢ ‍{‍ܝܪܘܬܝ‍}‍‍<‍ܝܪܘܬ‍>‍ ܒܡܠܟܘܬܢ ܬܗܘܐ
016 ‍{‍ܫ݁ܓܕܬ‍}‍‍<‍ܫ݁ܓܪܬ‍>‍ ܡܕܢܚܐ ܢܚ݁ܬܬ ܟܕ ܥܡܝ ܬܪ̈ܝܢ ܦܪ̈ܘܢܩܝܢ
017 ܕܐܘܪܚܐ ܕܚܝ݂ܠܐ ܘܥ݂ܛܠܐ ܘܐܢܐ ܫܒܪ ܐܢܐ ܠܡܪܕܝܗ݀
018 ܥ݁ܒܪܬ ܬܚ̈ܘܡܝ ܡܝܫܢ ܨܘܒܐ ܕܬܓܪ̈ܝ ܡܕܢܚܐ
019 ܘܡ݁ܛܝܬ ܠܐܪܥ ܒܒܠ ܘܥ݁ܠܬ ܒܫܘܪ̈ܝܗ݀ ܕܣܪܒܘܓ
020 ܢܚ݁ܬܬ ܠܝ ܠܓܘ ܡܨܪܝܢ ܘܡ̈ܠܘܝܢܝ ܡܢܝ ܦܪܫܘ
021 ܬܪܨܬ ܠܘܬ ܚܘܝܐ ܚܕܪ̈ܘܗܝ ܕܐܫܦܙܗ ܫ݁ܪܝܬ
022 ܥܕ ܢܢܘܡ ܘܥܕ ܢܫܟܒ ܘܡܢܗ ܠܡܪܓܢܝܬܝ ܐܫܩܠܝܗ݀
023 ܘܕܚܕ ܗܘܝܬ ܡܫܘܚܕ ܗܘܝܬ ܠܒ̈ܢܝ ܐܫܦܙܝ ܢܘܟܪܝ ܗܘܝܬ
024 ܠܒܪ ܓܢܣܝ ܒܪ ܚܐܪ̈ܐ ܡܢ ܡ̈ܕܢܚܝܐ ܬܡ݁ܢ ܚ݁ܙܝܬ
025 ܠܛܠܝܐ ܦܐܝܐ ܚܣܝܕܐ ܒܪ ܡ̈ܫܚܐ ܂܂܂
026 ܂܂܂ ܂܂܂ ܘܠܝ ܐܬ݂ܐ ܘܢܩ݂ܦ
027 ܘܥ݁ܒܕܬܗ ܒܪ ܥܢܝܢܝ ܚܒܪܐ ܕܬܐܓܘܪܬܝ ܠܗ ܫ݁ܘܬܦܬ
028 ܙܗܪܬܗ ܡܢ ܡܨܪ̈ܝܐ ܘܡܢ ܢܩܦܗܘܢ ܕܡ̈ܣܝܒܐ
029 ܘܐܝܟ ܠܒܘܫܗܘܢ ܠܒ݁ܫܬ ܕܠܐ ܢܫܟܪܘܢܢܝ/ܢ‍{‍ܫ‍}‍ܟ݁ܪܘܢܢܝ#3#/ ܕܡܢ ܠܒܪ ܐܬ݁ܝܬ
030 ܕܐܣܒܝܗ݀ ܠܡܪܓܢܝܬܐ ܘܢܥܝܪܘܢܝܗܝ ܠܚܘܝܐ ܥܠܝ
031 ܘܒܐܝ݁ܕܐ ܡܢ ܥ̈ܠ݂ܠܬܐ ܪܓܫܘ ܒܝ ܕܠܐ ܗ݀ܘܝܬ ܒܪ ܡܬܗܘܢ
032 ܘܚܠܛܘ ܥܡܝ ܒ̈ܢܟܠܝܗܘܢ ܐܦ ܐܛܥܡܘܢܝ ܡܐܟܘܠܬܗܘܢ
033 ܛ݁ܥܝܬ ܕܒܪ ܡ̈ܠܟܐ ܐܢܐ ܘܦܠܚܬ ܠܡ݁ܠܟܐ ܕܝܠܗܘܢ
034 ܘܛ݁ܥܝܬܗ݀ ܠܡܪܓܢܝܬܐ ܕܥܠܝܗ݀ ܐܒ̈ܗܝ ܫܕܪܘܢܝ
035 ܘܒܝܘܩܪܐ ܕܛܘܪ̈ܦܝܗܘܢ/ܕܛ‍{‍ܘܪ̈‍}‍‍<‍ܪ̈ܘ‍>‍ܦܝܗܘܢ#3#/ ܫ݁ܟܒܬ ܒܫ݂ܢܬܐ ܥܡܝܩܬܐ
036 ܘܒܗܠܝܢ ܟܠܗܝܢ ܕܓܕܫܢܝ ܐܒ̈ܗܝ ܪܓ݂ܫܘ ܘܚܫ݂ܘ ܥܠܝ
037 ܘܐܬܟܪܙ ܒܡ݁ܠܟܘܬܢ ܕܟܠܢܫ ܠܬܪܥܢ ܢܫܬܓܪ
038 ܡ̈ܠܟܐ ܘܪ̈ܫܝ ܦܪܬܘ ܘܟܠ ܪ̈ܘܪܒܢܝ ܡܕܢܚܐ
039 ܘܩܛܪܘ ܥܠܝ ܐܦܪܣܢܐ ܕܐܢܐ ܒܡܨܪܝܢ ܠܐ ܐܫܬܒܩ
040 ܘܟܬܒܘ ܠܝ ܐܝܓܪܬܐ ܘܟܠ ‍{‍ܪ̈ܘܪܒܢܐ‍}‍‍<‍ܪܒ‍>‍ ܫܡܗ ܒܗ݀ ܐܪܡ݁ܝ
041 ܡܢ ܐܒܘܟ ܡ݂ܠܟ ܡ̈ܠܟܐ ܘܐܡܟ ܐܚܝ݂ܕܬ ܡܕܢܚܐ
042 ܘܡܢ ܐܚܘܟ ܬܪܝܢܢ ܠܟ ܒܪܢ ܕܒܡܨܪܝܢ ܫܠܡ
043 ‍{‍ܢܕ‍}‍‍<‍ܢܘܕ‍>‍/‍{‍ܢܕ‍}‍‍<‍ܢܘܕ‍>‍/ ܘܩܘܡ ܡܢ ܫܢܬܟ ܘܡ̈ܠܐ ܕܐܓܪܬܢ ܫܡ݂ܥ
044 ܐܬܥ݁ܗܕ ܕܒܪ ܡ̈ܠܟܐ ܐܢܬ ܚܙܝ ܥܒ݂ܕܘܬܐ ܠܡ݁ܢ ܦܠܚ݂ܬ
045 ܥܗܕܝܗ݀ ܠܡܪܓܢܝܬܐ ܕܥܠܝܗ݀ ܠܡܨܪܝܢ ܐܫܬܓܪܬ
046 ܐܬܕܟܪܝܗ݀ ܠܙܗܝܬܟ ܘܠܛܘܓܟ ܓܐ݁ܝܐ ܥ݁ܗܕ
047 ܕܬ݁ܠܒܫ ܘܬ݁ܨܛܒܬ ܕܒܣܦ݂ܪ ܚ̈ܠܝܨܐ ܫܡܟ ܐܬܩܪܝ
048 ܘܥܡ ܐܚܘܟ ܦܨ‍{‍ܥ‍}‍‍<‍ܓ‍>‍ܪܝܒܢ ܥܡܗ ܒܡ݁ܠܟܘܬܢ ܬܗܘ݂ܐ
049 ܘܐܝܓܪܬܝ ܐܝܓܪܬܐ ܗܝ ܕܡ݁ܠܟܐ ܒܝܡܝܢܗ ܚܬܡܗ݀
050 ܡܢ ܒ̈ܝܫ݂ܐ ܒ̈ܢܝ ܒܒܠ ܘܕܝ̈ܘܐ ܡܪ̈ܝܪܐ ܕܣܪܒܘܓ
051 ܦܪܚ݂ܬ ܒܕܡ݂ܘܬ ܢܫܪܐ ܡ݁ܠܟܐ ܕܟܠܗ݀ ܦܪܚܬܐ
052 ܦܪܚܬ ܘܫܟ݂ܒܬ ܨܐܝܕܝ ܘܟܠܗ݀ ܗܘ݂ܬ ܠܗ݀ ܡܠܬܐ
053 ܠܩܠܗ݀ ܘܠܩܠ ܪܓܫܬܗ݀ ܢ݁ܕܬ ܘܩ݁ܡܬ ܡܢ ܫ݁ܢܬܝ
054 ܫ݁ܩܠܬܗ݀ ܘܢܫܩܬܗ݀ ܘܫ݁ܪܝܬ ܐܢܐ ‍{‍ܠܝܬܗ݀‍}‍‍<‍ܠܚܬܡܗ݀‍>‍ ܩ݁ܪܝܬ
055 ܘܥܠ ܗ݀ܘ ܕܒܠܒܝ ܪܫܝܡ ܡ̈ܠܝܗ݀ ܕܐܝܓܪܬܝ ܐܬܟܬ݂ܒ
056 ܥ݁ܗܕܬ ܕܒܪ ܡ̈ܠܟܐ ܐܢܐ ܘܚܐܪܘܬܝ ܟܝܢܗ݀ ܦܩܕܐ
057 ܥܗܕܬ ܠܡܪܓܢܝܬܐ ܘܥܠܝܗ݀ ܠܡܨܪܝܢ ܐ݁ܫܬܕܪܬ
058 ܘܫ݁ܪܝܬ ܡܡܓܫ ܐܢܐ ܠܗ ܠܚܘܝܐ ܕܚܝܠܐ ܘܣܝܩܐ
059 ܐܢܝܡܬܗ ܘܐܫܟܒܬܗ ܕܫܡ ܐܒܝ ‍{‍ܐܢܐ ܥܠܘܗܝ‍}‍ ‍<‍ܥܠܘܗܝ ܐܢܐ‍>‍ ܐܬܕ݁ܟܪܬ
060 ܘܫܡܗ ܕܬܪܝܢܢ ܘܕܐܡܝ ܡ݁ܠܟܬ ܡܕܢܚܐ
061 ܘܚܛܦܬܗ݀ ܠܡܪܓܢܝܬܐ ܘܥ݁ܛܦܬ ܕܐܦܢܐ ܠܒܝܬ ܐܒܝ
062 ܘܠܒܘܫܗܘܢ ܨܐܐ ܘܛܡܐܐ ܫ݁ܠܚܬ ܘܫ݁ܒܩܬܗ ܒܐܬܪܗܘܢ
063 ܘܬܪܨܬܗ݀ ܠܡܪܕܝܬܝ ‍{‍ܕܬܐܬܐ‍}‍‍<‍ܕܐܬܐ‍>‍ ܠܢܘܗܪܐ ܕܡܬܢ ܡܕܢܚܐ
064 ܘܠܐܝܓܪܬܝ ܡܥܝܪܢܝܬܝ ܩܕܡܝ ܒܐܘܪܚܐ ܐ݁ܫܟܚܬ
065 ܘܐܝܟ ܕܒܩܠܗ݀ ‍{‍ܐܥܝܪܬܢ‍}‍‍<‍ܐܥܝܪܬܢܝ‍>‍ ܬܘܒ ܒܢܘܗܪܗ݀ ܠܝ ܡܕܒܪܐ
066 ‍{‍ܕܫܝܪܝܐ‍}‍‍<‍ܕܫܪܝܐ‍>‍ ܒܣܠܝܩܘܢ ܩܕܡܝ ܒܚܘܪܗ݀ ܡܦܪܓܐ
067 ܘܒܩܠܗ݀ ܘܒܗܕܝܘܬܗ݀ ܬܘܒܢ ܪܗܝܒܘܬܝ ܡܠܒܒܐ
068 ܂܂܂ ‍{‍ܘܒܚܘܒܗ݀‍}‍‍<‍ܘܒܚܘܒܗ‍>‍ ܢ݁ܓܕ ܠܝ
069 ܢ݁ܦܩܬ ܥܒܪܬܗ݀ ܠܣܪܒܘܓ ܫܒܩܬ ܠܒܒܠ ܠܣܡܠܝ
070 ܘܡ݁ܛܝܬ ܠܡܝܫܢ ܪܒܬܐ ܠܠܡܐܢܗܘܢ ܕܬܓܪ̈ܐ
071 ܕܒܥܒ݂ܪܗ ܕܝܡܐ ܝܬܒܐ ܂܂܂
072 ‍{‍ܘܠܗܙܝܬܝ‍}‍‍<‍ܘܠܙܗܝܬܝ‍>‍/ܘܠܙܗܝܘܬܝ#2#/ ܕܫ݁ܠܚܬ ܗܘܝܬ ܘܠܛܘܓܝ ‍{‍ܕܒܗ݀‍}‍‍<‍ܕܒܗ‍>‍ ܡܥܛܦܐ
073 ܡܢ ‍{‍ܪܡܬܐ ܘܪܩܢ‍}‍ ‍<‍ܪ̈ܡܬܐ ܕܘܪܩܢ‍>‍ ܠܬܡܢ ܐܒ̈ܗܝ ܫܕܪܘܗ݀
074 ܒܐܝܕܐ ܕܓܙܒܪ̈ܝܗܘܢ ܕܒܫܪܪܗܘܢ ܥܠܝܗ݀ ܡܗܝܡܢܝܢ
075 ܘܕܠܐ ܥ݁ܗܕ ܗܘܝܬ ܬܓܡܗ݀ ܘܒܫܒܪܘܬܝ ܫܒܩܬܗ݀ ܒܝܬ ܐܒܝ
076 ܡܢ ܫܠܝܐ ܟܕ ܐܩܒܠܬܗ݀ ܠܡܚܙܝܬܝ ܠܒܘܫܐ ‍{‍ܕܡܬ‍}‍‍<‍ܕܡܐ‍>‍ ܠܝ
077 ܟܠܗ݀ ‍{‍ܒܟܘܠ‍}‍‍<‍ܒܟܘܠܝ‍>‍ ܚ݁ܙܝܬ ܘܐܦ ܐܢܐ ‍{‍ܠܟܘܠ‍}‍‍<‍ܠܟܘܠܝ‍>‍ ܒܗ݀ ܐܩܒܠܬ
078 ܕܬܪܝܢ ܚܢܢ ܒܦܘܪܫܢܐ ܘܚܕ ܬܘܒ ܚܢܢ ܒܚܕܐ ܕܡܘ
079 ܘܐܦ ܠܗܘܢ ܠܓܙܒܪ̈ܐ ܕܠܝ ܐܝܬܝܘܗ݀ ܗܟܢ ܚ݁ܙܝܬ
080 ܕܬܪܝܢ ܐܢܘܢ ܚܕܐ ܕܡܘ ܐܢܘܢ ܕܚܕ ܢܝܫ ܡ݁ܠܟܐ ܪܫܝܡ ܒܗܘܢ
081 ܕܐܝ݂̈ܕܘܗܝ ܕܦܢܝ ܠܝ ܠܓܘܥܠܢܝ ܘܥܘܬܪܝ ܒܐܝ݂ܕܗܘܢ
082 ܠܙܗܝܬܝ/‍{‍ܠܙܗܝ^ܘ^ܬܝ‍}‍/ ܡܨ݁ܒܬܬܐ ܕܒܓ̈ܘܢܐ ܓܐܝ̈ܐ ܡܨܒܬܐ
083 ܒܕܗܒܐ ܘܒܒܪ̈ܘܠܐ ܘܩܪ̈ܟܕܢܐ ܘܦܬܘ̈ܬܟܐ
084 ܘܣܪ̈ܕܘܟܐ ܦܪܝܫܬ ܓܘܢܐ ܐܦ ܗܝ ܒܪܘܡܗ݀ ܡܬܩܢܐ
085 ܘܒܟܐ̈ܦܐ ܕܐܕܡܘܣ ܟܘܠ ܫܪ̈ܝܬܗ݀ ܡ̈ܩܒܥܢ
086 ܘܨܠܡܗ ܕܡܠ݂ܟ ܡ̈ܠܟܐ ܟܠܗ ܒܟܠܗ݀ ܡܣܩ݂ ܘܨܝܪ
087 ‍{‍ܘܐܦ‍}‍‍<‍ܘܐܝܟ‍>‍ ܟܐܦܐ ܕܣܦܝܠܐ ܬܘܒܢ ܟܪ̈ܘܡܝܗ݀ ܡ̈ܦܬܟܐ
088 ܘܚ݁ܙܝܬ ܬܘܒ ܕܒܟܠܗ݀ ܙܘܥ̈ܝ ‍{‍ܝܕܝܥܬܐ‍}‍‍<‍ܝܕܥܬܐ‍>‍ ܪ̈ܦܬܝܢ
089 ܘܐܝܟ ܕܠܡܡܠܠܘ ܬܘܒ ܚ݁ܙܝܬܗ݀ ܕܡܬܥܬܕܐ
090 ܩܠ ܢܥ̈ܡܬܗ݀ ܫܡ݁ܥܬ ܕܥܡ ‍{‍ܡ̈ܝܚܬܝܗ݀‍}‍‍<‍ܡ̈ܚܬܢܝܗ݀‍>‍ ܡܪܬܡܐ
091 ܕܗܘ ܐܢܐ ܙܪܝܙ ܥܒ݂̈ܕܐ ܕܠܗ ܪܒܝܘܢܝ ܩܕܡܘܗܝ ܕܐܒܝ
092 ܘܐܦ ܐܢܐ ܡܪܓܫ ܗܘܝܬ ܒܝ ܕܩܘܡܬܝ ܐܝܟ ܥ̈ܡܠܘܗܝ ܪܒܝܐ
093 ܘܒܙܘ̈ܥܝܗ݀ ܡ̈ܠܟܝܐ ܟܘܠܗ݀ ܠܘܬܝ ܡܫܬܦܥܐ
094 ܘܥܠ ܐܝܕܐ ܕܝܗ̈ܘܒܝܗ݀ ܡܣܬܪܗܒܐ ܐܝܟ ܕܐܫܩܠܝܗ݀
095 ܘܐܦ ܠܝ ܚܘܒܝ ܙܩ݁ܬ ܗܘܐ ܕܐ݁ܪܗܛ ܠܐܘܪܥܗ݀ ܘܐܩܒܠܝܗ݀
096 ܘܐܬ݁ܦܫܛܬ ܘܩ݁ܒܠܬܗ݀ ܒܫܘܦܪܐ ܕܓܘ̈ܢܝܗ݀ ܐܨ݁ܛܒܬܬ
097 ܘܠܛܘܓܝ ܢܨܝܚ ܓ̈ܘܢܐ ‍{‍ܟܠܗ݀ ܠܟܠܗ݀‍}‍ ‍<‍ܟܠܗ ܠܟܠܗ‍>‍ ܐܬ݁ܥܛܦܬ
098 ܠܒ݁ܫܬ ܒܗ݀ ܘܐܬ݁ܥܠܝܬ ܠܬܪܥ ܫ݁ܠܡܐ ܘܣܓܕܬܐ
099 ܟ݁ܦܬ ܪܝܫܝ ܘܣܓ݁ܕܬ ܠܗ ܠܙܝܘܗ ܕܐܒܝ ‍{‍ܠܝ‍}‍‍<‍ܕܠܝ‍>‍ ܫܕܪܗ݀
100 ܕܥ݁ܒܕܬ ܠܦܘ̈ܩܕܢܘܗܝ ܘܐܦ ܗ݂ܘ ܕܐܫ݂ܬܘܕܝ ܥ݂ܒܕ
101 ܘܒܬܪܥܐ ܕܘܣܦܪ̈ܘܗܝ ܥܡ ܪ̈ܘܪܒܢܘܗܝ ܐܬܚ݁ܠܛܬ
102 ܕܚܕܝ ܒܝ ܘܩܒܠ ܝܬܝ ܘܥܡܗ ܒܡ݁ܠܟܘܬܗ ܗ݀ܘܝܬ
103 ܘܒܩܠܐ ܕܕܪ̈ܘܣܐ ܟܘܠ ܦܠܚ݂̈ܘܗܝ ܠܗ ܡܫܒܚܝܢ
104 ܘܐܫ݂ܬܘܕܝ ܕܠܬܪܥܐ ܬܘܒ ܕܡ݂ܠܟ ܡ̈ܠܟܐ ܥܡܗ ܐܫܬܓܪ
105 ܘܒܩܘܪܒܢܝ ܘܒܡܪܓܢܝܬܝ ܥܡܗ ܠܡ݁ܠܟܢ ܐܬܚ݁ܙܐ