← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62007: P Ju

Click on a word for lexical analysis
Click on a red-colored coordinate for comments and/or translations of the line

01:01 \ܘܗܘܐ ܡܢ /ܘܡܢ#3#/ ܒܬܪ ܕܡܝܬ ܝܫܘܥ ܒܪ܆ܢܘܢ ܥܒܕܗ ܕܡܪܝܐ܂ ܫܐܠܘ ܒܢ̈ܝ ܐܝܣܪܝܠ ܒܡܪܝܐ ܘܐܡܪ̈ܝܢ܂ ܡܢܘ ܢܣܩ ܠܢ ܥܠ ܟܢܥܢ̈ܝܐ ܒܪܝܫܐ܂ ܠܡܬܟܬܫܘ ܥܡܗܘܢ ܒܩܪܒܐ܂
01:02 ܘܐܡܪ ܡܪܝܐ܂ ܝܗܘܕܐ ܢܣܩ܂ ܗܐ ܐܫܠܡܬܗ݀ ܠܐܪܥܐ ܒܐ̈ܝܕܘܗܝ܂
01:03 ܘܐܡܪ ܝܗܘܕܐ ܠܫܡܥܘܢ ܐܚܘܗܝ܂ ܣܩ ܥܡܝ ܒܦܨܬܝ܂ ܘܢܬܟܬܫ ܥܡ ܟܢܥ̈ܢܝܐ܂ ܘܐܙܠ ܐܦ ܐܢܐ ܥܡܟ ܒܦܨܬܟ܂ ܘܐܙܠ ܥܡܗ ܫܡܥܘܢ܂
01:04 ܘܐܙܠ ܝܗܘܕܐ܂ ܘܐܫܠܡ ܐܢܘܢ ܡܪܝܐ ܠܟܢ̈ܥܢܝܐ ܘܠܦܪ̈ܙܝܐ ܒܐ̈ܝܕܝܗܘܢ܂ ܘܚܪܒܘ ܡܢܗܘܢ ܒܒܙܩ ܥܣܪܐ ܐ̈ܠܦܝܢ ܓܒܪ̈ܝܢ܂
01:05 ܘܐܫܟܚܘܗܝ ܠܡܪܗ݀ ܕܒܙܩ ܒܒܙܩ܂ ܘܐܬܟܬܫܘ ܥܡܗ܂ ܘܚܪܒܘ ܠܟܢ̈ܥܢܝܐ ܘܠܦܪ̈ܙܝܐ܂
01:06 ܘܥܪܩ ܡܪܗ݀ ܕܒܙܩ܂ ܘܪܕܦܘ ܒܬܪܗ ܘܐܚܕܘܗܝ܂ ܘܦܣܩܘ ܟܪ̈ܘܬܐ ܕܐ̈ܝܕܘܗܝ ܘܕܪ̈ܓܠܘܗܝ܂
01:07 ܘܐܡܪ ܡܪܗ݀ ܕܒܙܩ܂ ܫܒܥܝܢ ܡ̈ܠܟܝܢ ܕܡܦܣ̈ܩܢ ܗ̈ܘܝ ܟܪ̈ܘܬܐ ܕܐܝ̈ܕܝܗܘܢ ܘܕܪ̈ܓܠܝܗܘܢ܂ ܡܠܩܛܝܢ ܗܘܘ ܠܚܡܐ ܡܢ ܬܚܝܬ ܦܬܘܪܝ܂ ܐܝܟ ܡܐ ܕܥܒܕܬ ܗܟܢܐ ܦܪܥܢܝ ܐܠܗܐ܂ ܘܐܥܠܘܗܝ ܠܐܘܪܫܠܡ ܘܡܝܬ ܬܡܢ܀
01:08 ܘܐܬܟܬܫܘ ܒܢ̈ܝ ܝܗܘܕܐ ܒܐܘܪܫܠܡ ܘܟܒܫܘܗ݀܂ ܘܡܚܐܘܗ݀ ܒܦܘܡܐ ܕܚܪܒܐ܂ ܘܠܩܘܪ̈ܝܗ݀ ܐܘܩܕܘ ܒܢܘܪܐ܀܀܂
01:09 ܘܒܬܪ ܗܝܕܝܢ ܢܚܬܘ ܒܢ̈ܝ ܝܗܘܕܐ ܠܡܬܟܬܫܘ ܥܡ ܟܢ̈ܥܢܝܐ ܝܬ̈ܒܝ ܛܘܪܐ ܘܬܝܡܢܐ ܘܦܩܥܬܐ܂
01:10 ܘܐܙܠ ܝܗܘܕܐ ܥܠ ܟܢ̈ܥܢܝܐ ܕܝܬܒܝܢ ܒܚܒܪܘܢ܂ ܘܫܡܗ݀ ܕܚܒܪܘܢ ܡܢ ܩܕܝܡ ܩܘܪܝܬ ܐܪܒܥ܂ ܘܩܛܠܘ ܠܫܝܫܝ ܘܠܐܚܝܡܢ ܘܠܬܘܠܡܝ ܒܢ̈ܝ ܓܢܒܪ̈ܐ܂
01:11 ܘܐܙܠܘ/ܘܐܬܘ#3#/ ܡܢ ܬܡܢ ܥܠ ܝܬ̈ܒܝ ܕܒܝܪ܂ ܘܫܡܗ݀ ܕܕܒܝܪ ܡܢ ܩܕܝܡ ܩܘܪܝܬ ܣܦܪܐ܂
01:12 ܘܐܡܪ ܟܠܒ܂ ܡ݁ܢ ܕܢܟܒܫܝܗ ܠܩܘܪܝܬ ܣܦܪܐ ܘܢܚܪܒܝܗ܂ ܐܬܠ ܠܗ ܠܥܟܣܐ ܒܪܬܝ ܐܢܬܬܐ܂
01:13 ܘܟܒܫܗ݀ ܥܬܢܐܝܠ ܒܪ ܩܢܙ ܐܚܘܗܝ ܕܟܠܒ ܕܙܥܘܪ ܡܢܗ܂ ܘܝܗܒ ܠܗ ܠܥܟܣܐ ܒܪܬܗ ܐܢܬܬܐ܂
01:14 ܘܟܕ ܥܐܠܐ ܐܬܪܓܪܓܬ ܠܡܫܐܠ ܡܢ ܐܒܘܗ ܚܩܠܐ܂ ܘܐܬܪܟܢܬ ܡܢ ܚܡܪܐ܂ ܐܡܪ ܠܗ݀ ܟܠܒ܂ ܡܐ ܠܟܝ ܒܪܬܝ܂
01:15 ܐܡܪܐ ܠܗ܂ ܗܒ ܠܝ ܒܘܪܟܬܐ܂ ‍<‍ܡܛܠ#3#‍>‍ \ܕܥܠ ܐܪܥܐ /ܕܒܐܪܥܐ#2#/ ܕܬܝܡܢܐ ܝܗܒܬܢܝ܂ ܗܒ ܠܝ ܒܝܬ ܫܩܝܐ ܕܡܝܐ܂ ܘܝܗܒ ܠܗ݀ ܟܠܒ ܒܝܬ ܫܩܝܐ ܥܠܝܬܐ ܘܒܝܬ ܫܩܝܐ ܬܚܬܝܬܐ܂
01:16 ܘܒ̈ܢܝ ܩܝܢ/ܩܝܢܝ/ ܚܡܘܗܝ ܕܡܘܫܐ ܣܠܩܘ ܡܢ ܩܪܝܬܐ ܕܕܩ̈ܠܐ ܥܡ/ܥܠ#3#/ ܒܢ̈ܝ ܝܗܘܕܐ ܠܡܕܒܪܐ ܕܝܗܘܕܐ ܕܒܬܝܡܢܐ ܕܥܕܪ ܘܐܙܠܘ ܘܐܘܬܒܘ ܠܥܡܐ܂
01:17 ܘܐܙܠܘ ܫܡܥܘܢ ܥܡ ܝܗܘܕܐ ܐܚܘܗܝ܂ ܘܡܚܘ ܠܟܢ̈ܥܢܝܐ ܕܝܬܒܝܢ ܒܨܘܦܬ ܘܐܚܪܡܘܗ܂ ܘܩܪܘ ܫܡܗ݀ ܕܩܪܝܬܐ ܚܪܡܐ܂
01:18 ܘܟܒܫ ܝܗܘܕܐ ܠܥܐܙܐ ܘܠܬܚ̈ܘܡܝܗ ܘܠܐܫܩܠܘܢ ܘܠܬܚ̈ܘܡܝܗ ܘܠܥܩܪܘܢ ܘܠܬܚ̈ܘܡܝܗ܂
01:19 ܘܗܘܐ ܡܪܝܐ ܥܡ ܝܗܘܕܐ ܘܐܝܪܬܘ ܛܘܪܐ܂ ܕܠܐ ܚܪܒܘ ܠܝܬܒ̈ܝ ܥܘܡܩܐ܂ ܡܛܠ ܕܡܪ̈ܟܒܬܐ ܕܦܪܙܠܐ ܐܝܬ ‍<‍ܗܘ̈ܝ#3#‍>‍ ܠܗܘܢ܂
01:20 ܘܝܗܒܘ ܠܟܠܒ ܚܒܪܘܢ ܐܝܟ ܕܐܡܪ ܡܘܫܐ܂ ܘܩܛܠ ܘܐܘܒܕ ܡܢ ܬܡܢ ܬܠܬܐ ܒܢ̈ܝ ܓܢܒܪ̈ܐ܀
01:21 ܘܠܝܒ̈ܘܣܝܐ ܕܝܬܒܝܢ ܒܐܘܪܫܠܡ ܠܐ ܐܘܒܕܘ ܒܢ̈ܝ ܒܢܝܡܝܢ܂ ܘܐܝܬܒܘ ܝܒ̈ܘܣܝܐ ܥܡ ܒܢ̈ܝ ܒܢܝܡܝܢ ܒܐܘܪܫܠܡ ܥܕܡܐ ܠܝܘܡܢܐ܀
01:22 ܘܣܠܩܘ ܕܒܝܬ ܝܘܣܦ ܐܦ ܗܢܘܢ ܠܒܝܬ ܐܝܠ܂ ܘܡܪܝܐ ܥܡܗܘܢ܂
01:23 ܘܦܫܘ ܕܒܝܬ ܝܘܣܦ ܒܒܝܬ ܐܝܠ܂ ܘܫܡܗ݀ ܕܩܪܝܬܐ ܡܢ ܩܕܝܡ ܠܘܙ܂
01:24 ܘܚܙܘ ܢܛܘܪ̈ܐ ܓܒܪܐ ܕܢܦܩ݁ ܡܢ ܩܪܝܬܐ܂ ܘܐܡܪܝܢ ܠܗ܂ ܚܘܢ ܐܝܢܐ ܗܘ ܡܥܠܢܐ ܕܩܪܝܬܐ ܘܢܥܒܕ ܥܡܟ ܫܠܡܐ܂
01:25 ܘܚܘܝ ܐܢܘܢ ‍<‍ܓܒܪܐ ܗܘ#3#‍>‍ ܡܥܠܢܐ ܕܩܪܝܬܐ܂ ܘܡܚܘ ܠܩܪܝܬܐ ܒܦܘܡܐ ܕܚܪܒܐ܂ ܘܠܓܒܪܐ ܗܘ ܘܠܟܠܗ݀ ܫܪܒܬܗ ܫܒܩܘܗܝ܂
01:26 ܘܐܙܠ ܓܒܪܐ ‍<‍ܗܘ#3#‍>‍ ܠܐܪܥܐ ܕܚ̈ܬܝܐ܂ ܘܒܢܐ ܩܪܝܬܐ܂ ܘܩܪܐ ܫܡܗ݀ ܠܘܙ܂ ܘܗܘܝܘ ܫܡܗ݀ ܕܩܪܝܬܐ ܥܕܡܐ ܠܝܘܡܢܐ܀
01:27 ܘܠܐ ܚܪܒ ܡܢܫܐ ܠܒܝܬ ܫܐܢ ܘܠܟܦܪ̈ܘܢܝܗ܂ ܘܠܬܥܢܟ ܘܠܟܦܪ̈ܘܢܝܗ܂ ܘܠܝܬ̈ܒܝ ܕܘܪ ܘܠܟܦܪ̈ܘܢܝܗ܂ ܘܠܝ̈ܬܒܝ ܐܒܝܢܥܡ ܘܠܟܦܪ̈ܘܢܝܗ܂ ܘܠܝ̈ܬܒܝ ܡܓܕܘ ܘܠܟܦܪ̈ܘܢܝܗ܂ ܘܠܐ ܐܫܬܥܒܕ/ܐܫܬܚܪ#3#/ ܟܢܥܢܝܐ ܕܝܬ݁ܒ ܒܐܪܥܐ ܗܝ܂
01:28 ܘܟܕ ܐܬܚܝܠ ܐܝܣܪܝܠ܂ ܟܒܫܗ ܠܟܢܥܢܝܐ ܒܡܕܐܬܐ܂ ܘܡܘܒܕܘ ܠܐ ܐܘܒܕܗ܀
01:29 ܘܐܦܪܝܡ ܠܐ ܐܘܒܕ ܠܟܢܥܢܝܐ ܕܝܬ݁ܒ ܒܓܙܪ܂ ܘܐܝܬܒܘ ܟܢ̈ܥܢܝܐ ܒܝܢܬܗܘܢ ܒܓܙܪ܀
01:30 ܘܙܒܘܠܘܢ ܠܐ ܐܘܒܕ ܠܝ̈ܬܒܝ ܩܛܪܘܢ܂ ܘܠܝܬ̈ܒܝ ܝܗܠܝܠ܂ ܘܐܝܬܒܘ ܟܢܥ̈ܢܝܐ ܥܡܗ ܘܐܬܟܒܫܘ ܒܡܕܐܬܐ܀
01:31 ܘܐܫܝܪ ܠܐ ܐܘܒܕ ܠܝܬ̈ܒܝ ܥܟܘ܂ ܘܠܝܬ̈ܒܝ ܨܝܕܘܢ܂ ܘܠܚܒܠ ܘܠܐܝܙܒܠ ܘܠܚܠܒܐ ܘܠܐܦܩ ܘܠܪܚܘܒ܂
01:32 ܘܐܝܬܒ ܐܫܝܪ ܒܝܢܬ/ܒܝܬ#3#/ ܟܢܥ̈ܢܝܐ ܝܬܒ̈ܝ ܐܪܥܐ܂ ܡܛܠ ܕܠܐ ܐܘܒܕ ܐܢܘܢ܀
01:33 ܘܢܦܬܠܝ ܠܐ ܐܘܒܕ ܠܝܬ̈ܒܝ ܒܝܬ ܫܡܫ܂ ܘܠܝܬ̈ܒܝ ܒܝܬ ܥܢܬ܂ ܘܝܬܒܘ ܒܝܬ/ܒܝܢܬ#3#/ ܟܢ̈ܥܢܝܐ ܝ̈ܬܒܝ ܐܪܥܐ ܘܝ̈ܬܒܝ ܒܝܬ ܫܡܫ ܘܝ̈ܬܒܝ ܒܝܬ ܥܢܬ܂ ܘܐܬܟܒܫܘ ܠܗܘܢ ܒܡܕܐܬܐ܀
01:34 ܘܐܪܚܩܘ ܐܢܘܢ \ܠܐܡܘܪ̈ܝܐ ܒܢ̈ܝ /ܐܡܘܪ̈ܝܐ ܠܒܢ̈ܝ#3#/ ܕܢ ܠܛܘܪܐ ܡܛܠ ܕܠܐ ܫܒܩܘ ܐܢܘܢ ܠܡܚܬ ܠܥܘܡܩܐ܂
01:35 ܘܐܬܛܦܝܣܘ ܐܡܘܪ̈ܝܐ ܠܡܬܒ ܒܐܪܥܐ ܕܚܕܣ ܒܛܘܪܐ܂ ܒܐܠܘܢ ܘܒܫܥܠܒܝܢ܂ ܘܥܫܢܬ ܐܝܕܐ ܕܒܝܬ ܝܘܣܦ܂ ܘܐܬܟܒܫܘ ܒܡܕܐܬܐ܂
01:36 ܘܬܚܘܡܐ ܕܐܡܘܪ̈ܝܐ ܡܢ ܡܣܩܢܐ ܕܥܩܪܘܢ ܡܢ ܫܩܝܦܐ ܘܠܥܠ܀

next chapter