← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62019: P Jonah

Click on a word for lexical analysis
Click on a red-colored coordinate for comments and/or translations of the line

previous chapter


04:01 ܘܟܪܝܬ ܠܝܘܢܢ ܟܪܝܘܬܐ ܪܒܬܐ܂ ܘܥܩܬ ܠܗ ܛܒ܂
04:02 ܘܨܠܝ ܩܕܡ ܡܪܝܐ ܘܐܡܪ܂ ܐܘܢ ܡܪܝܐ܂ ܠܐ ܗܘܬ ܗܕܐ ܡܠܬܝ ܟܕ ܐܢܐ ܒܐܪܥܝ܂ ܘܡܛܠ ܗܢܐ ܩܕܡܬ ܗܘܝܬ ܥܪܩܬ ܠܝ ܠܬܪܫܝܫ܂ ܝܕܥ ܗܘܝܬ ܓܝܪ܂ ܕܐܠܗܐ ܐܢܬ ܡܪܚܡܢܐ ܘܡܪܚܦܢܐ܂ ܘܢܓܝܪܐ ܪܘܚܟ ܘܣܓܝܐܐ ܛܝܒܘܬܟ܂ ܘܡܗܦܟ ܐܢܬ ܒܝܫܬܐ܂
04:03 ܡܟܝܠ ܡܪܝ ܣܒ ܢܦܫܝ ܡܢܝ܂ ܡܛܠ ܕܦܩܚ ܠܝ ܠܡܡܬ ܛܒ ܡܢ ܕܠܡܚܐ܂
04:04 ܘܐܡܪ ܠܗ ܡܪܝܐ ܛܒ ܟܪܝܬ ܠܟ܂
04:05 ܘܢܦܩ ܝܘܢܢ ܠܒܪ ܡܢ ܡܕܝܢܬܐ܂ ܘܝܬܒ ܠܗ ܒܡܕܢܚܝܗ݀ ܕܡܕܝܢܬܐ܂ ܘܥܒܕ ܠܗ ܡܛܠܬܐ ܬܡܢ܂ ܘܝܬܒ ܬܚܘܬܝܗ݀ ܒܛܠܠܐ܂ ܕܢܚܙܐ ܡܢܐ ܓܕܫ ܠܗ݀ ܠܡܕܝܢܬܐ܂
04:06 ܘܦܩܕ ܡܪܝܐ ܐܠܗܐ ܠܫܪܘܪܐ ܕܩܪܐܐ܂ ܘܝܥܐ ܘܣܠܩ ܠܥܠ ܡܢ ܝܘܢܢ܂ ܘܗܘܐ ܛܠܠܐ ܥܠ ܪܝܫܗ܂ ܘܐܪܘܚ ܠܗ ܡܢ ܒܝܫܬܗ܂ ܘܚܕܝ ܝܘܢܢ ܒܗ ܒܫܪܘܪܐ ܕܩܪܐܐ ܚܕܘܬܐ ܪܒܬܐ܂܀܀܀
04:07 ܘܠܝܘܡܐ ܐܚܪܢܐ܂ ܦܩܕ ܡܪܝܐ ܐܠܗܐ ܠܬܘܠܥܐ ܒܡܣܩ̈ܝ ܫܦܪܐ܂ ܘܡܚܬܗ ܠܫܪܘܪܐ ܕܩܪܐܐ ܘܩܛܡܬܗ܂
04:08 ܘܟܕ ܕܢܚܬ ܫܡܫܐ܂ ܦܩܕ ܡܪܝܐ ܐܠܗܐ ܠܪܘܚܐ ܕܫܘܒܐ܂ ܘܐܘܒܫܬܗ ܠܩܪܐܐ/ܠܫܪܘܪܐ#3#/܂ ܘܨܚܬ ܫܡܫܐ ܒܪܝܫܗ ܕܝܘܢܢ ܘܐܬܛܪܦ܂ ܘܫܐܠ ܡܘܬܐ ܠܢܦܫܗ ܘܐܡܪ܂ ܡܛܐ ܒܐ̈ܝܕܝܟ ܡܪܝܐ ܠܡܣܒ ܢܦܫܝ ܡܢܝ܂ ܡܛܠ ܕܠܐ ܗܘܝܬ ܛܒ/ܕܛܒ#3#/ ܐܢܐ ܡܢ ܐܒ̈ܗܝ܂
04:09 ܘܐܡܪ ܡܪܝܐ ܐܠܗܐ ܠܝܘܢܢ܂ ܛܒ ܟܪܝܬ ܠܟ ܥܠ ܫܪܘܪܐ ܕܩܪܐܐ܂ ܘܐܡܪ ܝܘܢܢ܂ ܛܒ ܟܪܝܬ ܠܝ ܥܕܡܐ ܠܡܘܬܐ܂
04:10 ܐܡܪ ܠܗ ܡܪܝܐ܂ ܐܢܬ ܚܣܬ ܥܠ ܫܪܘܪܐ ܕܩܪܐܐ܂ ܕܠܐ ܠܐܝܬ ܒܗ ܘܠܐ ܪܒܝܬܝܗܝ܂ ܕܒܪ ܠܠܝܗ ܝܥܐ ܘܒܪ ܠܠܝܗ ܝܒܫ܂
04:11 ܐܢܐ ܕܝܢ ܠܐ ܐܚܘܣ ܥܠ ܢܝܢܘܐ ܡܕܝܢܬܐ ܪܒܬܐ܂ ܕܐܝܬ ܒܗ݀ ܝܬܝܪ ܡܢ ܬܪ̈ܬܥܣܪܐ ܪ̈ܒܘܢ ܒܢܝܢ̈ܫܐ/ܕܒܢܝܢ̈ܫܐ#3#/܂ ܕܠܐ ܝܕܥܝܢ ܒܝܬ ܝܡܝܢܗܘܢ ܠܣܡܠܗܘܢ/ܡܢ ܣܡܠܗܘܢ#3#/܂ ܘܣܘܓܐܐ ܕܒܥܝܪܐ܂

next chapter