← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00211_1 ܡܵܪܝ ܣܲܒ ܢܲܦܫܝ ܡܸܢܝ ܕܠܵܐ ܗܘܝܼܬ ܛܵܒ ܐ̄ܢܵܐ ܡܸܢ ܐܲܒܵܗ̈ܲܝ܃
00211_2 ܘܲܕܡܸܟ ܠܲܐܝܵܐ ܒܚܲܫܵܐ ܘܝܽܘܩܪܵܐ ܘܲܒܛܽܘܪܵܦܵܐ܀
00211_3 ܘܡܸܚܕܵܐ ܕܲܕܡܸܟ ܕܵܠ ܥܽܘܕܪܵܢܵܐ ܡܸܢ ܛܲܝܒܽܘܬܵܐ܃
00211_4 ܕܪܲܚܝܼܩܵܐ ܗ̄ܘܵܬ ܝܲܘܡܵܐ ܟܽܠܸܗ ܟܲܕ ܥܵܪܸܩ ܗ̄ܘܵܐ܀
00211_5 ܛܲܝܒܽܘܬܵܐ ܓܹܝܪ ܛܸܥܢܲܬ ܢܲܦܫܵܗ݀ ܡܸܢ ܙܲܕܝܼܩܵܐ܃
00211_6 ܡܠܸܐ ܚܲܕ ܝܲܘܡܵܐ ܟܲܕ ܥܵܪܸܩ ܗ̄ܘܵܐ ܘܠܵܒܸܟ ܐܽܘܪܚܸܗ܀
00211_7 ܐܸܠܽܘ ܠܵܐ ܓܹܝܪ ܦܸܪܩܲܬ ܢܲܦܫܵܗ݀ ܡܸܢܸܗ ܩܲܠܝܼܠ܃
00211_8 ܠܵܐ ܕܵܚܸܠ ܗ̄ܘܵܐ ܘܠܵܐ ܥܵܪܸܩ ܗ̄ܘܵܐ ܠܲܐܝܟܵܐ ܕܲܥܪܲܩ܀
00211_9 ܘܠܵܐ ܗܵܝ ܐܽܘܪܚܵܐ ܪܲܒܬܵܐ ܕܲܠܒܲܟ ܡܸܬܓܲܡܪܵܐ ܗ̄ܘܵܬ܃
00212_0 ܘܠܵܐ ܓܸܠܝܵܢܵܐ ܕܲܒܛܽܘܪ ܣܝܼܢܲܝ ܡܸܫܬܲܡܲܫ ܗ̄ܘܵܐ܀
00212_1 ܘܲܕܵܐܠܨܵܐ ܗ̄ܘܵܬ ܡܸܛܽܠ ܟܽܠܗܸܝܢ ܢܸܣܬܲܥܪ̈ܵܢ ܗ̄ܘ̈ܲܝ܃
00212_2 ܐܸܫܬܲܠܲܚ ܗ̄ܘܵܐ ܡܸܢ ܥܽܘܕܪܵܢܵܐ ܘܙܵܥ ܓܲܢ̄ܒܵܪܵܐ܀
00212_3 ܘܲܐܝܟ ܩܲܢܝܼܛܵܐ ܪܗܝܼܒܵܐ ܛܪܝܼܕܵܐ ܕܲܚܽܘܠܬܵܢܵܐ܃
00212_4 ܥܪܲܩ ܘܸܐܬܛܲܪܲܦ ܘܲܫܐܸܠ ܡܲܘܬܵܐ ܒܚܲܫܵܐ ܪܲܒܵܐ܀
00212_5 ܘܲܕܪܵܚܸܡ ܗ̄ܽܘ ܠܠܸܒܵܐ ܫܚܝܼܩܵܐ ܡܵܪܝܵܐ ܡܸܡܬܽܘܡ܃
00212_6 ܫܲܕܲܪ ܣܲܡܟܸܗ ܒܝܲܕ ܐܝܼܵܠܵܐ ܚܲܒܝܼܒܵܐܝܼܬ܀
00212_7 ܐ̄ܬܵܬ ܛܲܝܒܽܘܬܵܐ ܘܚܲܝܠܵܐ ܘܥܽܘܫܢܵܐ ܘܓܲܢ̄ܒܵܪܽܘܬܵܐ܃
00212_8 ܥܲܡ ܣܲܝܒܵܪܬܵܐ ܕܛܲܝܸܒ ܪܸܡܙܵܐ ܠܠܲܐܝܵܐ ܕܲܟܦܸܢ܀
00212_9 ܐ̄ܬܵܐ ܡܲܠܲܐܟܵܐ ܟܲܕ ܫܵܪܽܘܬܵܐ ܛܥܝܼܢ ܠܲܢܒܝܼܵܐ܃
00213_0 ܘܲܐܥܝܼܪܸܗ ܗ̄ܘܵܐ ܕܢܸܣܡܽܘܟ ܢܲܦܫܸܗ ܕܲܫܚܝܼܩܵܐ ܗ̄ܘܵܬ܀
00213_1 ܩܽܘܡ ܛܲܢܵܢܵܐ ܐܲܟܽܘܠ ܘܸܐܫܬܲܝ ܐܵܡܲܪ ܗ̄ܘܵܐ ܠܸܗ܃
00213_2 ܘܸܐܬܬܥܝܼܪ ܘܲܚܙܵܐ ܕܣܝܼܡ ܬܽܘܩܵܢܵܐ ܕܠܵܐ ܡܸܢ ܡܸܕܸܡ܀
00213_3 ܠܲܚܡܵܐ ܕܪܲܥܦܵܐ ܐܵܬܵܐ ܕܚܽܘܪܒܵܐ ܕܲܢܦܲܩ ܗ̄ܘܵܐ ܠܸܗ܃
00213_4 ܚܲܘܝܼ ܗ̄ܘܵܐ ܠܸܗ ܕܢܸܣܬܲܟܲܠ ܗ̄ܘܵܐ ܕܫܲܝܢܵܐ ܫܲܒܩܸܗ܀
00213_5 ܐܲܝܟ ܕܲܒܡܲܕܒܪܵܐ ܥܒܲܕ ܚܵܚܽܘܪܬܵܐ ܕܪܲܥܦܵܐ ܘܲܐܝܬܝܼ܃
00213_6 ܕܠܲܚܡܸܗ ܕܲܐܬܪܵܐ ܢܸܬܬܣܝܼܡ ܠܵܐܪܚܵܐ ܕܥܲܠ ܢܸܪܕܸܐ ܒܸܗ܀
00213_7 ܪܸܡܙܵܗ݀ ܟܲܣܝܵܐ ܕܲܐܠܵܗܽܘܬܵܐ ܡܸܢ ܠܵܐ ܡܸܕܸܡ܃
00213_8 ܫܲܕܲܪ ܠܲܚܡܵܐ ܘܲܐܝܟ ܚܵܚܽܘܪܬܵܐ ܕܪܲܥܦܵܐ ܨܵܪܸܗ܀
00213_9 ܛܥܽܘܡܵܐ ܕܸܐܬܬܠܝܼܫ ܥܲܠ ܥܲܠܥܵܠܵܐ ܒܝܲܕ ܡܲܠܲܐܟܵܐ܃
00214_0 ܘܲܒܡܽܘܢܝܼܛܸܗ ܕܲܐܬܪܵܐ ܛܲܒܥܸܗ ܘܝܲܗ̄ܒ ܠܲܢܒܝܼܵܐ܀
00214_1 ܩܽܘܩܬܵܐ ܕܡܲܝ̈ܵܐ ܠܲܘ ܕܲܐ̄ܚܪ̈ܵܢܸܐ ܚܛܲܦ ܡܲܠܲܐܟܵܐ܃
00214_2 ܐܸܠܵܐ ܚܕܲܬܵܐ ܥܒܲܕ ܠܲܢܒܝܼܵܐ ܕܢܸܫܬܸܐ ܡܸܢܵܗ݀܀
00214_3 ܐܲܝܟܵܐ ܕܲܚܙܵܗ݀ ܢܒܝܼܵܐ ܕܣܝܼܡܵܐ ܘܼܐܝܬ ܒܵܗ݀ ܡܲܝ̈ܵܐ܃
00214_4 ܬܲܡܵܢ ܥܲܒܕܵܗ݀ ܪܸܡܙܵܐ ܟܲܣܝܵܐ ܕܲܐܠܵܗܽܘܬܵܐ܀
00214_5 ܥܵܒܽܘܕܽܘܬܵܐ ܕܠܵܐ ܗ̄ܘܵܐ ܒܥܲܡܠܵܐ ܣܵܥܪܵܐ ܡܸܕܸܡ܃
00214_6 ܐܲܩܝܼܡܲܬ ܗ̄ܘܵܬ ܩܽܘܩܬܵܐ ܒܪܸܡܙܵܐ ܘܡܲܠܝܵܐ ܡܲܝ̈ܵܐ܀
00214_7 ܘܲܠܥܸܣ ܘܸܐܫܬܝܼ ܢܒܝܼܵܐ ܘܲܕܡܸܟ ܕܲܡܛܲܪܲܦ ܗ̄ܘܵܐ܃
00214_8 ܘܬܽܘܒ ܐܲܥܝܼܪܸܗ ܕܬܲܪܬܸܝܢ ܙܲܒܢܝܼ̈ܢ ܥܲܠ ܡܸܐܟܽܘܠܬܵܐ܀
00214_9 ܣܲܓܝܼܐܵܐ ܗ̄ܝ ܠܲܡ ܡܸܢܵܟ ܐܽܘܪܚܵܐ ܕܒܵܗ݀ ܪܵܕܸܐ ܐܲܢ̄ܬ܃
00215_0 ܘܸܐܟܲܠ ܘܸܐܫܬܝܼ ܡܸܢ ܬܽܘܩܵܢܵܐ ܕܸܐܫܬܲܕܲܪ ܠܸܗ܀
00215_1 ܪܡܲܙ ܠܸܗ ܕܢܸܕܲܥ ܟܲܕ ܡܲܠܥܸܣ ܠܸܗ ܬܲܪܬܸܝܢ ܙܲܒܢܝܼ̈ܢ܃
00215_2 ܕܨܲܘܡܵܐ ܡܩܲܒܸܠ ܘܐܽܘܪܚܵܐ ܗ̄ܝ ܪܲܒܬܵܐ ܕܲܡܗܲܠܸܟ ܒܵܗ݀܀
00215_3 ܚܽܘܪ ܫܽܘ̈ܚܠܵܦܸܐ ܕܡܸܬܟܲܪܟܝܼܢ ܗ̄ܘܲܘ ܥܲܠ ܫܲܦܝܼܪܵܐ܃
00215_4 ܟܡܵܐ ܐܝܼܬ ܗ̄ܘܵܐ ܒܗܽܘܢ ܘܲܕܪܵܡܝܼܢ ܗ̄ܘܲܘ ܘܲܕܡܲܟܝܼܟܝܼܢ܀
00215_5 ܒܲܚܕܵܐ ܕܽܘܟܬܵܐ ܥܽܘܪ̈ܒܸܐ ܗܘܲܘ ܠܸܗ ܐܲܝܟ ܫܲܡܵܫܸ̈ܐ܃
00215_6 ܒܒܲܝܬܵܐ ܐ̄ܚܪܼܢܵܐ ܐܲܢ̄ܬܬܵܐ ܩܵܡܲܬ ܥܲܠ ܬܸܫܡܸܫܬܸܗ܀
00215_7 ܬܚܝܼܬ ܒܸܛܡܬܵܐ ܕܹܝܢ ܡܸܢ ܡܲܠܲܐܟܵܐ ܡܸܫܬܲܡܲܫ ܗ̄ܘܵܐ܃
00215_8 ܥܽܘܪ̈ܒܸܐ ܘܲܐܢ̄ܬܬܵܐ ܐܵܦ ܡܲܠܲܐܟܸ̈ܐ ܠܸܗ ܝܲܩܲܪܘ ܗ̄ܘܲܘ܀
00215_9 ܠܥܸܣ ܟܝܼܬ ܘܸܐܫܬܝܼ ܢܒܝܼܵܐ ܕܬܸܗܪܵܐ ܬܲܪܬܸܝܢ ܙܲܒܢܝܼ̈ܢ܃
00216_0 ܘܩܵܡ ܟܲܫܝܼܪܵܐ ܘܲܪܕܵܐ ܒܽܐܘܪܚܸܗ ܓܲܢ̄ܒܵܪܵܐܝܼܬ܀
00216_1 ܐܲܪܒܥܝܼܢ ܝܲܘܡܝܼ̈ܢ ܗܲܠܸܟ ܬܲܡܵܢ ܐܲܝܟ ܡܵܐ ܕܲܟܬܝܼܒ܃

▼ later lines