The Comprehensive Aramaic Lexicon

00392_7	ܓܽܘ̈ܦܢܸܐ ܕܢܵܒܽܘܬ ܒܲܫܒܸܫܬܲܝ̈ܗܸܝܢ ܥܲܪ̈ܩܸܠܝ ܐܸܢܽܘܢ܃
00392_8	ܠܪ̈ܲܟܫܲܘܗ̄ܝ ܕܵܐܚܵܒ ܘܲܒܪܲܟܘ ܟܽܠܗܽܘܢ ܩܲܠܝܼܠܲܝ̈ܗܽܘܢ܀
00392_9	ܗܵܝ ܝܵܪܬܽܘܬܵܐ ܒܙܝܼܙܬܵܐ ܚܸܦܪܲܬ ܓܽܘ̈ܒܸܐ ܬܲܡܵܢ܃
00393_0	ܘܛܲܪ̈ܩܸܐ ܕܥܲܡܵܐ ܐܸܣܬܲܚܲܦܘ ܗ̄ܘܲܘ ܟܲܕ ܐܸܬܟܲܬܲܫܘ܀
00393_1	ܓܥܵܬܸܗ ܕܲܕܡܵܐ ܒܲܝܢܵܬ ܣܸܕܪܸ̈ܐ ܡܸܫܬܲܡܥܵܐ ܗ̄ܘܵܬ܃
00393_2	ܘܡܵܪܝܵܐ ܕܫܲܡܥܵܗ݀ ܐܲܪܡܝܼ ܒܚܲܪܒܵܐ ܠܲܕܒܸܝܬ ܐܵܚܵܒ܀
00393_3	ܗܵܝ ܐܸܓܲܪܬܵܐ ܢܟܝܼܠܬܵܐ ܕܲܕܡܵܐ ܡܸܬܩܲܪܝܵܐ ܗ̄ܘܵܬ܃
00393_4	ܘܥܲܠ ܕܼܐܝܬ ܗ̄ܘܵܐ ܒܵܗ݀ ܛܲܒܥܸܗ ܕܵܐܚܵܒ ܡܸܬܚܲܝܲܒ ܗ̄ܘܵܐ܀
00393_5	ܟܽܠܸܗ ܩܪܵܒܵܐ ܡܸܢ ܟܼܐܢܽܘܬܵܐ ܐܸܬܥܲܬܲܕ ܗ̄ܘܵܐ܃
00393_6	ܕܒܸܗ ܬܸܥܒܸܕ ܗ̄ܘܵܬ ܦܽܘܪܥܵܢܽܘܬܵܐ ܡܸܢ ܥܲܘ̈ܵܠܸܐ܀
00393_7	ܘܲܒܨܵܬ ܢܸܟܠܵܐ ܗܲܘ ܕܲܚܫܝܼܠ ܗ̄ܘܵܐ ܒܓܲܘ ܐܸܓܲܪܬܵܐ܃
00393_8	ܘܥܸܩܒܲܬ ܕܝܼܢܵܐ ܕܠܵܐ ܢܸܬܚܲܦܸܐ ܩܽܘܫܬܵܐ ܬܲܡܵܢ܀
00393_9	ܘܸܐܬܵܐ ܠܸܐܕ̈ܢܸܝܗ݀ ܢܩܵܫܵܐ ܕܟܼܐܦܸ̈ܐ ܕܡܸܫܬܲܕܸ̈ܝܢ ܗ̄ܘ̈ܲܝ܃
00394_0	ܥܲܠ ܙܲܕܝܼܩܵܐ ܕܡܸܢ ܝܵܪܬܽܘܬܸܗ ܒܥܲܘܠܵܐ ܢܸܦܽܘܩ܀
00394_1	ܘܠܽܘܩܒܲܠ ܗܵܠܸܝܢ ܓܸܙܪܲܬ ܕܝܼܢܵܐ ܗܵܝ ܟܼܐܢܽܘܬܵܐ܃
00394_2	ܕܲܒܗܲܘ ܩܼܐܪܣܵܐ ܢܸܦܪܽܘܥ ܐܵܚܵܒ ܟܽܠ ܚܲܘ̈ܒܵܬܸܗ܀
00394_3	ܘܟܽܠܵܗ݀ ܚܲܪܒܵܐ ܕܲܐܕܽܘܡܵܝܸ̈ܐ ܕܲܠܚܝܼܡܵܐ ܗ̄ܘܵܬ܃
00394_4	ܠܸܗ ܒܵܥܝܵܐ ܗ̄ܘܵܬ ܕܗܽܘ ܗܘܵܐ ܥܸܠܬܵܐ ܕܗܲܘ ܬܲܟܬܽܘܫܵܐ܀
00394_5	ܠܵܐ ܥܲܡ ܪܲܒܵܐ ܘܠܵܐ ܥܲܡ ܙܥܽܘܪܵܐ ܢܸܬܟܲܬܲܫ ܐ̄ܢܵܫ܃
00394_6	ܡܸܬܦܲܩܕܝܼܢ ܗ̄ܘܲܘ ܐܲܕܽܘܡܵܝܸ̈ܐ ܡܸܢ ܡܲܠܟܲܝ̈ܗܽܘܢ܀
00394_7	ܐܸܠܵܐ ܠܵܐܚܵܒ ܠܵܐ ܒܵܥܝܵܐ ܗ̄ܘܵܬ ܚܲܪܒܵܐ ܘܲܬܢܽܘܚ܃
00394_8	ܕܸܐܠܵܐ ܐܸܢ ܒܸܗ ܩܪܵܒܵܐ ܣܵܟܸܗ ܠܵܐ ܫܵܩܸܠ ܗ̄ܘܵܐ܀
00394_9	ܡܸܬܟܲܪܟܝܼܢ ܗ̄ܘܲܘ ܓܸܐܪܸ̈ܐ ܒܣܸܕܪܸ̈ܐ ܘܒܵܥܸܝܢ ܗ̄ܘܲܘ ܠܸܗ܃
00395_0	ܕܟܽܠܵܗ݀ ܚܲܪܒܵܐ ܥܠܲܘܗ̄ܝ ܐܸܙܕܲܡܢܲܬ ܡܸܢ ܐܲܠܵܗܵܐ܀
00395_1	ܘܚܲܕ ܡܲܟܝܼܟܵܐ ܫܕܵܐ ܗ̄ܘܵܐ ܒܩܸܫܬܵܐ ܬܲܡܝܼܡܵܐܝܼܬ܃

00395_2	ܟܲܕ ܠܵܐ ܝܵܕܲܥ ܠܽܘܩܒܲܠ ܡܲܢܽܘ ܬܪܝܼܨ ܗ̄ܘܵܐ ܓܸܐܪܸܗ܀

00395_3	ܘܪܽܘܓܙܸܗ ܕܡܵܪܝܵܐ ܗܲܘ ܕܲܠܚܝܼܡ ܗ̄ܘܵܐ ܢܲܪܡܸܐ ܠܵܐܚܵܒ܃
00395_4	ܥܒܲܕ ܠܸܗ ܕܽܘܟܬܵܐ ܠܓܸܐܪܵܐ ܕܢܸܥܽܘܠ ܥܲܠ ܪܲܫܝܼܥܵܐ܀
00395_5	ܪܡܲܙ ܠܸܗ ܠܦܲܪܙܠܵܐ ܕܲܠܒܸܫ ܡܲܠܟܵܐ ܘܪܲܦܝܼ ܢܲܦܫܸܗ܃
00395_6	ܘܦܲܪܸܩ ܕܸܒܩܲܘ̈ܗ̄ܝ ܚܲܕ ܡܸܢ ܚܲܒܪܸܗ ܕܢܸܒܠܲܥ ܐܵܚܵܒ܀
00395_7	ܘܬܲܪܨܸܗ ܡܵܪܝܵܐ ܠܓܸܐܪܵܐ ܒܚܼܐܦܵܐ ܠܽܘܩܒܲܠ ܕܸܒܩܵܐ܃
00395_8	ܘܲܒܠܲܥ ܕܵܘܝܵܐ ܕܢܸܬܬܒܲܥ ܡܸܢܸܗ ܕܡܵܐ ܕܸܐܫܲܕ ܗ̄ܘܵܐ܀
00395_9	ܐܸܬܦܲܪܣܝܼ ܗ̄ܘܵܐ ܠܒܽܘܫܵܐ ܚܫܝܼܠܵܐ ܕܠܲܘ ܡܸܕܸܡ ܗ̄ܽܘ܃
00396_0	ܕܢܸܕܲܥ ܟܽܠܢܵܫ ܕܡܵܪܝܵܐ ܗ̄ܘ ܫܲܠܝܼܛ ܥܲܠ ܙܵܟܽܘܬܵܐ܀
00396_1	ܚܲܕ ܬܲܡܝܼܡܵܐ ܠܙܲܝܢܸܗ ܕܡܲܠܟܵܐ ܡܚܵܐ ܘܸܐܬܦܲܚܲܪ܃
00396_2	ܕܠܵܐ ܡܨܸܐ ܙܲܝܢܵܐ ܕܢܸܛܽܘܪ ܡܵܪܸܗ ܡܸܢ ܢܸܟܝܵܢܵܐ܀
00396_3	ܐܲܝܟܵܐ ܕܡܵܪܝܵܐ ܨܵܒܸܐ ܕܢܲܒܐܸܫ ܠܲܒܢܲܝܢܵܫܵܐ܃
00396_4	ܠܵܐ ܐܝܼܬ ܦܽܘܪܣܵܐ ܕܢܲܘܬܲܪ ܙܲܝܢܵܐ ܠܲܕܠܵܒܸܫ ܠܸܗ܀
00396_5	ܗܵܝ ܟܼܐܢܽܘܬܵܐ ܠܒܲܟܬܸܗ ܠܓܸܐܪܵܐ ܕܗܲܘ ܬܲܡܝܼܡܵܐ܃
00396_6	ܘܲܡܚܵܬ ܠܵܐܚܵܒ ܘܙܲܝܢܸܗ ܢܣܲܬܪܸܗ ܠܵܐ ܐܸܫܟܲܚ ܗ̄ܘܵܐ܀
00396_7	ܬܪܲܥܬܸܗ ܒܓܸܐܪܵܐ ܘܸܐܫܕܲܬ ܠܲܕܡܸܗ ܥܲܠ ܡܲܪܟܲܒܬܸܗ܃
00396_8	ܕܬܼܐܬܸܐ ܬܲܪܡܸܝܘܗ̄ܝ ܥܲܠ ܗܵܝ ܕܽܘܟܬܵܐ ܕܡܝܼܬ ܒܵܗ݀ ܢܵܒܽܘܬ܀
00396_9	ܩܒܸܐ ܕܡܵܐ ܘܩܵܐܸܡ ܥܲܠ ܡܲܪܟܲܒܬܵܐ ܘܠܵܐ ܡܸܣܬܲܦܲܩ܃
00397_0	ܘܲܢܛܝܼܪ ܢܸܦܸܠ ܐܲܝܟܵܐ ܕܓܸܙܪܲܬ ܗܵܝ ܟܼܐܢܽܘܬܵܐ܀
00397_1	ܠܲܐܝܟܵܐ ܕܙܲܡܢܲܬ ܘܲܩܪܵܬ ܟܲܠܒܸ̈ܐ ܢܛܲܪܬܸܗ ܠܲܕܡܵܐ܃
00397_2	ܕܬܲܡܵܢ ܬܸܐܫܕܸܗ ܐܲܝܟ ܕܸܐܬܐܸܫܸܕ ܗܲܘ ܕܲܥܠܝܼܒܵܐ܀
00397_3	ܗܸܦܟܲܬ ܘܲܩܪܵܬ ܣܸܦܪܵܗ݀ ܪܲܒܵܐ ܘܲܐܝܟ ܕܲܓܙܝܼܪ ܗ̄ܘܵܐ܃
00397_4	ܕܝܼܢܸܗ ܕܵܐܚܵܒ ܡܸܢ ܐܸܠܝܼܵܐ ܬܒܲܥܬܸܗ ܬܲܡܵܢ܀
00397_5	ܘܟܲܕ ܟܼܐܢܽܘܬܵܐ ܬܸܒܥܲܬ ܕܝܼܠܵܗ݀ ܒܲܕܡܵܐ ܕܸܐܫܕܲܬ܃
00397_6	ܪܸܡܙܲܬ ܢܸܫܠܸܐ ܩܪܵܒܵܐ ܕܓܲܒܸ̈ܐ ܡܸܢ ܬܲܟܬܽܘܫܵܐ܀
00397_7	ܣܲܦܩܲܬ ܠܲܕܡܸܗ ܥܲܠ ܗܵܝ ܕܽܘܟܬܵܐ ܕܡܝܼܬ ܒܵܗ݀ ܢܵܒܽܘܬ܃