CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:40 וְאָדָם יְדַע יָת חַוָה אִיתְתֵיה וְעַדִיאַת וִילֵידַת יָת קָיִן וַאֲמַרַת קְנֵיתִי גַברָא מִן קְדָם יוי׃
(1) 20:40 וְאֹוסֵיפַת לְמֵילַד יָת אֲחֻוהִי יָת הָבַל וַהֲוָה הַבַל רָעֵי עָנָא וְקַיִן הֲוָה <גבר#3#/גִיבָר#3#> פָלַח בְאַרעָא׃
(1) 30:40 וַהֲוָה מִסֹוף יֹומִין וְאֵיתִי קַיִן מֵיאִבָא דְאַרעָא מִנחָתָא/קֻרבָנָא#3#/תקרובתא#3#/ קְדָם יוי׃
(1) 40:40 וְהַבַל אֵיתִי אַף הֻוא מִבַכִירֵי עָנֵיה וֻמִשַמִינֵיהֹון/ומתרביהון#3#/ \וַהוָת רַעֲוָא מִן קְדָם יוי /וקביל ייי ברעוא#3#/ בְהַבַל/להבל#3#/ וֻבקֻורבָנֵיה/ובתקרובתיה#3#/׃
(1) 50:40 וֻבקַיִן/ולקין#3#/ וֻבקֻורבָנֵיה/ולתקרובתיה#3#/ לָא \הֲוָת רַעֲוָא /קביל ברעוא#3#/ וֻתקֵיף לְקַיִן/רוגזא דקין#3#/ לַחדָא וְאִתכְבִישֻו/ונפלו#3#/ אַפֹוהִי׃
(1) 60:40 וַאֲמַר יוי לְקַיִן לְמָא <דנן#3#> תְקֵיף לָך וֻלמָא אִתכְבִישֻו/נפלו#3#/ אַפָך׃
(1) 70:40 הֲלָא אִם תֹוטִיב עֻובָדָך יִשתְבֵיק לָך וְאִם לָא תֹוטִיב עֻובָדָך לְיֹום דִינָא חִטאָה נְטִיר <דהוא#3#> עֲתִיד/דעתיד#3#/ לְאִתפְרָעָא מִינָך אִם לָא תְתֻוב וְאִם תְתֻוב יִשתְבֵיק לָך׃
(1) 80:40 וַאֲמַר קַיִן לְהַבַל אֲחֻוהִי וַהֲוָה בְמִהוֵיהֹון בְחַקלָא וְקָם קַיִן בְהַבַל/על הבל#3#/ אֲחֻוהִי וְקַטלֵיה׃
(1) 90:40 וַאֲמַר יוי לְקַיִן אָן הַבַל אֲחֻוך וַאֲמַר לָא יְדַענָא הֲנָטַר אֲחִי אֲנָא׃
(1) 01:40 וַאֲמַר מָא עֲבַדתָא קָל דַם זַרעֲיָן דַעֲתִידָן לְמִפַק מִן אֲחֻוך קָבְלָן קְדָמַי מִן אַרעָא׃
(1) 11:40 וֻכעַן לִיט אַת מִן אַרעָא/אדמתא#3#/ דִפתַחַת יָת פֻומַה קַבֵילַת/למיסב#3#/ יָת דְמֵיה דַאֲחֻוך מִן יֲדָך׃
(1) 21:40 אֲרֵי תִפלַח בְאַרעָא/ית אדמתא#3#/ לָא תֹוסֵיף לְמִתַן חֵילַה לָך מְטַלטַל וְגָלֵי תְהֵי בְאַרעָא׃
(1) 31:40 וַאֲמַר קַיִן קְדָם יוי סַגִי/רב#3#/ חֹובִי מִלְמִשבַק׃
(1) 41:40 הָא תָרֵיכת יָתִי יֹומָא דֵין מֵעַל אַפֵי אַרעָא וֻמִן קְדָמָך \לֵית אִפשָר לְאִטְמָרָא /אהא מטמר#3#/ וְאֵיהֵי מְטַלטַל וְגָלֵי בְאַרעָא וִיהֵי כֹל דְיִשכְחִינַנִי יִקטְלִינַנִי׃
(1) 51:40 וַאֲמַר לֵיה יוי לָכֵן/בכין#3#/ כֹל קָטֹולַיָא/דיקטול#3#/ קַיִן לְשִבעָה דָרִין יִתפְרַע מִנֵיה וְשַוִי יוי לְקַיִן אָתָא בְדִיל דְלָא לְמִקטַל יָתֵיה כֹל דְיִשכְחִינֵיה/דְיַשכְחִנֵיה#3#/׃
(1) 61:40 וֻנפַק קַיִן מִן קֳדָם יוי וִיתֵיב בְאַרעָא <דנוד#3#> גָלֵי וֻמטַלטַל דַהוָת עֲבִידָא עֲלֹוהִי מִלְקַדמִין/לקדומא#3#/ בְגִינְתָא דְעֵדַן׃
(1) 71:40 וִידַע קַיִן יָת אִיתְתֵיה וְעַדִיאַת וִילֵידַת יָת חֲנֹוך וַהֲוָה בָנֵי קַרתָא וֻקרָא שְמַה דְקַרתָא כְשֹם בְרֵיה חֲנֹוך׃
(1) 81:40 וְאִתִילֵיד לַחֲנֹוך יָת עִירָד וְעִירָד אֹולֵיד יָת מְחֻויָאֵל וֻמחִיָאֵל אֹולֵיד יָת מְתֻושָאֵל וֻמתֻושָאֵל אֹולֵיד יָת לָמַך׃
(1) 91:40 וֻנסֵיב לֵיה לַמַך תַרתֵין נְשִין שֹים חֲדָא עָדָה וְשֹים תִניֵיתָא צִלָה׃
(1) 02:40 וִילֵידַת עָדָה יָת יָבָל הֻוא הֲוָה רַבְהֹון דְיָתְבֵי מַשכְנִין וֻמָרֵי בְעִיר/גתין#3#/׃
(1) 12:40 וְשֹים אֲחֻוהִי יֻובָל הֻוא הֲוָה רַבְהֹון דְכֹל/כל#3#/ דְמָנַן/דממנן#3#/ עַל פֹום נִבלָא יָדְעֵי/דידעי#3#/ זְמַר כִינָרָא וַאֲבֻובָא׃
(1) 22:40 וְצִלָה אַף הִיא יְלֵידַת יָת תֻובַל קַיִן הֻוא הֲוָה רַבהֹון דְכָל דְיָדְעֵי/ידעי#3#/ עֲבִידַת נְחָשָא וֻבַרזְלָא/ופרזלא#3#/ וַאֲחָתֵיה דְתֻובַל קַיִן נַעֲמָה׃
(1) 32:40 וַאֲמַר לַמַך לִנשֹוהִי עָדָה וְצִלָה שְמַעָא קָלִי נְשֵי לַמַך אֲצִיתָא לְמֵימְרִי <ארי#3#> לָא גַברָא קַטֵילִית דִבדִילֵיה אֲנָא סָבֵיל חֹובִין <לממת#3#> וְאַף לָא עֻולֵימָא חַבֵילִית דִבדִילֵיה יִשתֵיצֵי זַרעִי׃
(1) 42:40 אֲרֵי שִבעָה דָרִין אִתְלִיֻו/יתפרעון#3#/ לְקָיִן הֲלָא לְלַמַך בְרֵיה שִבעִין וְשִבעָא׃
(1) 52:40 וִידַע אָדָם עֹוד יָת אִתְתֵיה וִילֵידַת בַר וֻקרָת יָת שְמֵיה שֵת אֲרֵי אֲמַרַת יְהַב/שוי#3#/ לִי יוי בַר אָחָרָן חֲלָף הַבַל דְקַטלֵיה/ארי קטליה#3#/ קָיִן׃
(1) 62:40 וֻלשֵת אַף הֻוא אִתִילֵיד בַר וֻקרָא יָת שְמֵיה אֲנֹוש בְכֵין בְיֹומֹוהִי חַלֻו/שריאו#3#/ בְנֵי אֲנָשָא מִלְצַלָאָה בִשמָא דַיוי׃

next chapter