← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


31:01 )1( [ai]וֻשמַע יָת פִתגָמֵי בְנֵי לָבָן דְאָמְרִין/דהוו אמרין#3#/למימר#3#/ נְסֵיב יַעֲקֹב יָת כֹל דִלאֲבוּנָא וֻמִדִלאֲבוּנָא קְנָא יָת כֹל נִכסַיָא הָאִלֵין׃
31:02 )1( [ai]וַחזָא יעקב יָת סְבַר אַפֵי לָבָן וְהָא לֵיתַנוּן/לֵיתִנוּן#3#/ עִמֵיה כְמֵאִתמָלִי וֻמִדְקַמוֹהִי/ומדקדמוהי#3#/׃
31:03 )1( [ai]וַאֲמַר יוי לְיַעֲקֹב תוּב לארַע אֲבָהָתָך וֻליַלָדוּתָך וִיהֵי מֵימְרִי בְסַעֲדָך׃
31:04 )1( [ai]וֻשלַח יַעֲקֹב וֻקרָא לְרָחֵל וֻללֵאַה לְחַקלָא לְ{י}<ו>ָת עָנֵיה׃
31:05 )1( [ai]וַאֲמַר לְהוֹן חָזֵי אֲנָא יָת סְבַר אַפֵי אֲבוּכֵין אֲרֵי/וְהָא#3#/ לֵיתִנוּן עִמִי כְמֵאתמלִי וֻמִדְקַמוֹהִי/ומדקדמוהי#3#/ וַאֲלָהֵיה דְאַבָא <מימריה#3#> הֲוָה בְסַעֲדִי׃
31:06 )1( [ai]וְאַתֵין יְדַעתִין אֲרֵי בְכָל חֵילִי פְלַחִית יָת אֲבוּכֵין׃
31:07 )1( [ai]וַאֲבוּכֵין שַקַר בִי וְאַשנִי יָת אַגרִי עֲסַר זִמנִין וְלָא שַבקֵיה יוי לְאַבאָשָא עִמִי׃
31:08 )1( [ai]אִם כְדֵין הֲוָה אֲמַר נְמוֹרִין/רגולין#3#/ יְהֵי אַגרָך וִיִלדָן כָל עָנָא נְמוֹרִין/רגולין#3#/ וְאִם כְדֵין הְוָה אָמַר רְגוֹלִין יְהֵי אַגרָך וִילִדָן כֹל עָנָא רְגוֹלִין׃
31:09 )1( [ai]וְאַפרֵיש יוי מִן/ית#3#/ בְעִירָא/ענא#3#/ דַאֲבוּכוֹן וִיהַב לִי׃
31:10 )1( [ai]וַהֲוָה בְעִדָן דְאִתיַחְמָא עָנָא וֻזקַפִית עֵינַי וַחזֵית בְחַלמָא וְהָא תֵישַיָא דְסָלְקִין עַל עָנָא רְגוֹלִין נְמוֹרִין וֻפַצִיחִין׃
31:11 )1( [ai]וַאֲמַר לִי מַלאֲכָא דַיוי בְחַלמָא יַעֲקֹב וַאֲמַרִית הָאֲנָא׃
31:12 )1( [ai]וַאֲמַר זְקוֹף כְעַן עֵינָך וֻחזִי כֹל תֵישַיָא דְסָלְקִין עַל עָנָא רְגוֹלִין נְמוֹרִין וֻפַצִיחִין אֲרֵי גְלֵי קְדָמַי יָת כֹל דְלָבָן עָבֵיד לָך׃
31:13 )1( [ai]אֲנָא אֲלָהָא דְאִתגְלִיתִי עֲלָך בֵית אֵל דִמשַחתָא תַמָן קָמָא וֻדקַייֵמתָא קְדָמַי תַמָן קִיָם כְעַן קוּם פוֹק מִן \אַתרָא הָדֵין /אַרעָא הָדָא#3#/ וְתוּב לַאֲרַע יַלָדוּתָך׃
31:14 )1( [ai]וַאֲתֵיבַת רָחֵל וְלֵאָה וַאֲמַרָא לֵיה הֲעוֹד/העד כען#3#/ לַנָא חוּלָק וְאַחסָנָא בְבֵית אֲבוּנָא׃
31:15 )1( [ai]הֲלָא נוּכרָאָן אִתחֲשֵיבנָא לֵיה אֲרֵי זַבְנַנָא וַאֲכַל אַף מֵיכָל יָת כַספַנָא׃
31:16 )1( [ai]אֲרֵי כֹל עוּתרָא/ניכסיא#3#/ דְאַפרֵיש יוי מֵאֲבוּנָא דִילַנָא הוּא וְדִבַננָא וֻכעַן כֹל דַאֲמַר יוי לָך עִיבֵיד׃
31:17 )1( [ai]וְקָם יַעֲקֹב וֻנטַל יָת בְנוֹהִי וְיָת נְשוֹהִי עַל גַמלַיָא׃
31:18 )1( [ai]וֻדבַר יָת כֹל גֵיתוֹהִי וְיָת כֹל קִניָנֵיה דִקנָא גֵיתוֹהִי וְקִניָנֵה דִקנָא בְפַדַן דַאֲרָם לְמֵיתֵי לְוָת יצחק אֲבוּהִי לארעא דִכנָעַן׃
31:19 )1( [ai]וְלָבָן אֲזַל לְמִיגַז יָת עָנֵיה וֻנסֵיבַת רָחֵל יָת צָלמָנַיָא דִלאֲבוּהָא׃
31:20 )1( [ai]וְכַסִי יַעֲקֹב מִן לָבָן אֲרַמָאָה עַל דְלָא חַוִי לֵיה אֲרֵי אָזֵיל הוּא׃
31:21 )1( [ai]וַאֲזַל הוּא וְכֹל דְלֵיה וְקָם וַעֲבַר יָת פְרָת וְשַוִי יָת אַפוֹהִי בְטוּרָא דְגִלעָד׃
31:22 )1( [ai]וְאִתחַוַה לְלָבָן בְיוֹמָא תְלִיתָאָה אֲרֵי אֲזָל יַעֲקֹב׃
31:23 )1( [ai]וֻדבַר יָת אֲחוֹהִי עִמֵיה וֻרדַף בָתְרוֹהִי מַהלַך שִבעָה יוֹמִין וְאַדבֵיק יָתֵיה בְטוּרָא דְגִלעָד׃
31:24 )1( [ai]וַאֲתָא מֵימַר מִן קְדָם יוי \לְוָת לָבָן /ללבן#3#/ אֲרַמָאָה בְחַלמָא דְלֵיליָא וַאֲמַר לֵיה אִסתַמַר לָך דִלמָא תְמַלֵיל עִם יַעֲקֹב מִטָב עַד בִיש׃
31:25 )1( [ai]וְאַדבֵיק לָבָן יָת יַעֲקֹב ויעקב פְרַס יָת מַשכְנֵיה בְטוּרָא וְלָבָן אַשרִי יָת אֲחוֹהִי בְטוּרָא דְגִלעָד׃
31:26 )1( [ai]וַאֲמַר לָבָן לְיַעֲקֹב מָא עֲבַדתָא וְכַסִיתָא מִנִי וְדַבַרת יָת בְנָתַי כְשִביָת חֲרַב׃
31:27 )1( [ai]לְמָא טַמַרתָא/אִטְמַרתָא#3#/ לְמֵיזַל וְכַסִיתָא מִנִי וְלָא חַוִית לִי וְשַלַחתָך פוֹן/פום#3#/ בְחַדוָא וֻבתוּשבְחָן בְתוּפִין וֻבכִנָרִין/ובחינגין#3#/׃
31:28 )1( [ai]וְלָא שְבַקתַנִי לְנַשָקָא לִבנַי וְלִבנָתַי כְעַן אַסכֵילתָא לְמַעֲבַד׃
31:29 )1( [ai]אִית חֵילָא בִידִי לְמַעֲבַד עִמְכוֹן בִישָא וַאֲלָהָא דַאֲבוּכוֹן בְרַמשָא אֲמַר לִי לְמֵימַר אִסתַמַר לָך \דִלמָא תְמַלֵיל /מִלְמַלָלָא#3#/ עִים יַעֲקֹב מִטָב עַד בִיש׃
31:30 )1( [ai]וֻכעַן מֵיזַל אֲזַלתָא אֲרֵי חַמָדָא חַמֵידתָא לְבֵית אֲבוּך לְמָא נְסֵיבתָא יָת דַחלָתִי׃
31:31 )1( [ai]וַאֲתֵיב יַעֲקֹב וַאֲמַר לְלָבָן אֲרֵי דְחֵילִית אֲרֵי אֲמַרִית דִלמָא תֵינוּס יָת בְנָתָך מִנִי/מעמי#3#/׃
31:32 )1( [ai]<עם#3#> אֲתַר דְתַשכַח יָת דַחלָתָך לָא יִתקַיַים קְדָם אְחַנָא אִשתְמוֹדַע לָך מָא דְעִמִי וְסַב לָך וְלָא יְדַע יַעֲקֹב אֲרֵי רָחֵל נְסִיבַתנוּן׃
31:33 )1( [ai]וְעָל לָבָן בְמַשכְנָא דְיַעֲקֹב וֻבמַשכְנָא דְלֵאָה וֻבמַשכְנָא דְתַרתֵין לְחֵינָתָא וְלָא אַשכַח וֻנפַק מִמַשכְנָא דְלֵאָה וְעָל בְמשַכְנָא דְרָחֵל׃
31:34 )1( [ai]וְרָחֵל נְסֵיבַת יָת צַלמָנַיָא וְשַוִתַנוּן בְעַבִיטָא דְגַמלָא וִיתֵיבַת עֲלֵיהוֹן וֻמַשֵיש/ופשפש#3#/ לָבָן יָת כֹל מַשכְנָא וְלָא אַשכַח׃
31:35 )1( [ai]וַאֲמַרַת לַאֲבוּהָא לָא יִתקַף בְעֵינֵי רִבוֹנִי אֲרֵי לָא אִיכוֹל לִמקָם מִן קְדָמָך אֲרֵי אוֹרַח נְשִין לִי וֻבלַש וְלָא אַשכַח יָת צַלמָנַיָא׃
31:36 )1( [ai]וֻתקֵיף <רוגזא#3#> ליעקב וֻנצָא \עִים לָבָן /בְלָבָן#3#/ וַאֲתֵיב יַעֲקֹב וַאֲמַר לְלָבָן מָא חוֹבִי מָא סוּרחָנִי אֲרֵי רְדַפתָא בָתְרַי׃
31:37 )1( [ai]אֲרֵי מַשֵישתָא יָת כֹל מָנַי מָא אַשכַחתָא מִכֹל מָנֵי בֵיתָך שַו הָכָא/כען#3#/ קְדָם אַחַי וְאַחָך וְיוֹכְחוּן בֵין תַרוַנָא׃
31:38 )1( [ai]דנָן עַסרִין שְנִין אֲנָא עִימָך רַחלָך וְעִיזָך לָא אַתכִילוּ וְדִכרֵי עָנָך לָא אֲכַלִית׃
31:39 )1( [ai]דִתבִירָא/תבירא#3#/ לָא אֵיתִיתִי לָך/לותך#3#/ דַהוָת/כד הוה#3#/ שָגיָא מִמִניָנָא/מן מנינא#3#/ מִנִי/מן ידי#3#/ אַת בָעֵי לַה נְטַרִית בִימָמָא וֻנטַרִית בְלֵיליָא׃
31:40 )1( [ai]הְוֵיתִי בִימָמָא אַכלַנִי שַרבָא וֻגלִידָא <הוה#3#> נַחַת עֲלַי בְלֵיליָא וְנַדַת שִנתִי מֵיעֵינָי׃
31:41 )1( [ai]דְנָן לִי עַסרִין שְנִין בְבֵיתָך פְלַחתָך אֲרבַע עַסרֵי שְנִין בְתַרתֵין בְנָתָך וְשֵית שְנִין בְעָנָך וְאַשנִיתָא יָת אַגרִי עֲסַר זִמנִין׃
31:42 )1( [ai]\אִילוּ לָאפוֹן /אילוליפון#3#/אילופין#3#/ אֲלָהֵיה דְאַבָא אֲלָהֵיה דְאַברָהָם וֻדדָחֵיל/ודחיל#3#/ לֵיה יִצחָק הֲוָה בְסַעֲדִי אֲרֵי כְעַן רֵיקָן/"רֵיקָם"#3#/ שְלַחתַנִי יָת עַמלִי וְיָת לֵיאוּת יְדַי גְלֵי קדם יוי וְאוֹכַח בְרַמשָא׃
31:43 )1( [ai]וַאֲתֵיב לָבָן וַאֲמַר לְיַעֲקֹב בְנָתָא בְנָתַי וֻבנַיָא בְנַי וְעָנָא עָנִי וְכֹל דְאַת חָזֵי דִילִי הוּא וְלִבנָתַי מָא אַעֲבֵיד לְאִלֵין יוֹמָא דֵין אוֹ לִבנֵיהוֹן דִילִידָא׃
31:44 )1( [ai]וֻכעַן אֵיתַא נִגזַר קְיָם אֲנָא וְאַת וִיהֵי לְסָהִיד בֵינַא וֻבֵינָך׃
31:45 )1( [ai]וֻנסֵיב יעקב אַבנָא וְזַקפַה/וארמה#3#/ קָמָא׃
31:46 )1( [ai]וַאֲמַר יַעֲקֹב לַאֲחוֹהִי לְקוּטוּ אַבנִין וֻנסִיבוּ אַבנִין וַעֲבַדוּ דְגוֹרָא וַאֲכַלוּ תַמָן עַל דְגוֹרָא׃
31:47 )1( [ai]וֻקרָא לֵיה לָבָן יְגַר סָהֲדוּתָא ויעקב קְרָא לֵיה גַלעֵד׃
31:48 )1( [ai]וַאֲמַר לָבָן דְגוֹרָא הָדֵין/הדא#3#/ סָהִיד בֵינַא וֻבֵינָך יוֹמָא דֵין עַל כֵין קְרָא לֵיה גַלעֵד׃
31:49 )1( [ai]וְסָכוּתָא דַאֲמַר יֵסָך \מֵימְרָא דַיוי /ייי#3#/ בֵינָא וֻבֵינָך אֲרֵי נִתכַסֵי גְבַר מֵחַברֵיה/מִן חַברֵיה#3#/׃
31:50 )1( [ai]אִם תְעַנֵי יָת בְנָתַי וְאִם תִסַב נְשִין עַל בְנָתַי לֵית אֲנָש עִמַנָא חֲזִי מֵימְרָא דַיוי סָהִיד בֵינָא וֻבֵינָך׃
31:51 )1( [ai]וַאֲמַר לָבָן לְיעקב הָא דְגוֹרָא הָדֵין וְהָא קָמְתָא דַאֲקֵימִית בֵינַא וֻבֵינָך׃
31:52 )1( [ai]סָהִיד דְגוֹרָא הָדֵין וְסָהֲדָא קָמְתָא אִם אֲנָא לָא אֲעִיבַר לְוָתָך יָת דְגוֹרָא הָדֵין/הדא#3#/ וְאִם אַת לָא תְעִיבַר לְוָתִי יָת דְגוֹרָא הָדֵין וְיָת קָמְתָא הָדָא/הדין#3#/ לְבִישוּ׃
31:53 )1( [ai]אֲלָהֵיה דְאַברָהָם וַאֲלָהֵי נָחוֹר יְדִינוּן בֵינַנָא אֲלָהָא דַאֲבוּהוֹן וְקַיֵים יַעֲקֹב בִדדָחֵיל לֵיה אֲבוּהִי יִצחָק׃
31:54 )1( [ai]וֻנכַס יַעֲקֹב נִכסְתָא בְטוּרָא וֻקרָא לַאֲחוֹהִי לְמֵיכַל לַחמָא וַאֲכַלוּ לַחמָא וֻבָתוּ בְטוּרָא׃

next chapter