Click on a red-colored coordinate for comments and/or translations of the line
| 001:001 | ܡܢ ܪܝܫ ܗܘܬ ܡܠܬܐ ܘܡܠܬܐ ܗܘܬ݁ ܠܘܬ݁ ܐܠܗܐ ܘܐܠܗ ܗܘܬ݁ ܡܠܬܐ |
| 001:002 | ܗܕܝܢ ܗܘܐ ܡܢ ܪܝܫ ܠܘܬ݁ ܐܠܗܐ |
| 001:003 | ܟܘܠܐ ܒܗ ܐܬܥܒܕ ܘܠܒܪ ܡܢܗ ܟܘܠܘܡ ܠܐ ܐܬܥܒܕ |
| 001:004 | ܡܐ ܕܐܬܥܒܕ ܒܗ ܚܝ̈ܝܢ ܗܘܘ ܘܚܝܝܐ ܗܘܘ ܢܗܘܪܗܘܢ ܕܒܢܝܢܫܐ |
| 001:005 | ܘܢܗܘܪܐ ܒܩܒܠܐ ܡܢܗܪ ܘܩܒܠܐ ܠܐ ܕܒܩ ܝܬ݁ܗ |
| 001:006 | ܐܬ݁ܥܒܕ ܒܪܢܫ ܡܫܠܚ ܡܢ ܠܘܬ݁ ܐܠܗܐ ܕܫܝܡܗ ܝܘܚܢܝܣ |
| 001:007 | ܗܕܝܢ ܐܬܐ ܠܣܗܕܘ ܕܝܣܝܕ ܥܠ ܛܒܗ ܕܢܗܘܪܐ ܠܓܠܠ ܕܟܘܠܐ ܝܗܝܡܢܘܢ ܒܬܪܥܗ |
| 001:008 | ܠܐ ܗܘܐ ܗܘ ܢܗܘܪܐ ܐܠܐ ܕܝܣܝܕ ܥܠ ܛܒܗ ܕܢܗܘܪܐ |
| 001:009 | ܩܫܝܛܐ ܗܕܝܢ ܕܡܢܗܪ ܠܟܘܠ ܒܪܢܫ ܕܐܬܐ ܠܥܠܡܐ |
| 001:010 | ܒܥܠܡܐ ܗܘܐ ܘܥܠܡܐ ܒܗ ܐܬ݁ܥܒܕ ܘܥܠܡܐ ܠܐ ܐ݁ܟܪ ܝܬ݁ܗ |
| 001:011 | ܠܕܝܠܗ ܐܬܐ ܘܕܝܠܗ ܠܐ ܩܒ̈ܠܘ ܝܬ݁ܗ |
| 001:012 | ܟܘܠ ܗ݀ܠܝܢ ܕܝ ܕܩܒ̈ܠܘ ܝܬ݁ܗ ܝܗܒ ܠܗܘܢ ܫܘܠܛܢܘ ܕܒܢܝܢ ܠܐܠܗܐ ܝܗܘܢ ܠܗ̈ܠܝܢ ܕܡܗ̈ܝܡܢܝܢ ܒܫܝܡܗ |
| 001:013 | ܗ̈ܠܝܢ ܕܠܐ ܡܢ ܐܕܡ ܘܠܐ ܡܢ ܨܒܝܘܢ ܕܒܣܪ ܘܠܐ ܡܢ ܨܒܝܘܢ ܕܓܒܪܐ ܐܠܐ ܡܢ ܐܠܗܐ ܐܬ݁ܝܠܕܘ |
| 001:014 | ܘܡܠܬܐ ܒܣܪ ܐܬ݁ܥܒܕܬ ܘܥܡܪܬ݁ ܒܓܘܢ ܘܚܡܝܢܗ ܬܫܒܘܚܬܗ ܗܝܟ ܬܫܒܘܚܐ ܕܝܚܝܕܐܝ ܡܢ ܠܘܬ݁ ܐܒܘܝ ܡܠܐ ܚܣܕ ܘܩܘܫܛܐ |
| 001:015 | ܝܘܚܢܝܣ ܡܣܝܕ ܥܠ ܕܛܒܗ ܘܐܨܝܚ ܘܐܡܪ ܗܕܝܢ ܗܘ ܕܐܡܪܬ ܗܕܢ ܕܐܬܐ ܡܢ ܒܬ݁ܪܝ ܕܩܡܐܝ ܡܢܝ ܐܬ݁ܥܒܕ ܕܩܡܐܝ ܡܢܝ ܗܘܐ |
| 001:016 | ܕܡܢ ܡܘܠܝܗ ܐܢ̈ܗ ܟܘܠܗ ܢܣܒܢܗ ܘܚܣܕ ܕܝ ܚܘܠܦ ܚܣܕ |
| 001:017 | ܕܢܝܡܘܣܐ ܒܬܪܥܗ ܕܡܘܫܐ ܐܬ݁ܝܗܒ ܚܣܕܐ ܕܝ ܘܩܘܫܛܐ ܒܝܣܘܣ ܡܫܝܚܐ ܐܬ݁ܥܒܕ |
| 001:018 | ܠܐܠܗܐ ܐܢܫ ܡܢ ܝܘܡܘܝ ܠܐ ܚܡܐ݁ ܝܚܝܕܝܐ ܒܪܐ ܕܢ ܕܗܘܐ ܒܥܘܒ̈ܗ ܕܐܒܘܝ ܗܘ ܬ݁ܢܝ ܠܢ |
| 001:019 | ܘܗܕܐ ܗܝ ܣܗܕܘܬ݁ܗ ܕܝܘܚܢܝܣ ܟܕ ܫܠܚܘ ܝܗܘܕܝܝ ܡܢ ܝܪܘܫܠܝܡ ܠܘܬ݁ܗ ܟܗ̈ܢܝܢ ܘܠܘܝܝܢ ܕܝܫܘܠܘܢ ܝܬ݁ܗ ܐܐ ܡ݁ܢ ܐܬ |
| 001:020 | ܘܐܘܕܝ ܘܠܐ ܟܦܪ ܘܐܘܕܘܝ ܕܐܢܐ ܠܝܬܢܐ ܡܫܝܚܐ |
| 001:021 | ܘܫ̈ܐܠܘ ܝܬ݁ܗ ܡ݁ܐ ܐܘܢ ܐܬ ܐܠܝܐ݁ܣ ܐܬ܃ ܘܐܡܪ ܠܝܬ ܐܢܐ ܢܒܐ ܐܬ ܘܐܓܝܒ ܘܐܡܪ܃ ܠܐ |
| 001:022 | ܐܡܪ̈ܝܢ ܠܗ ܡ݁ܢ ܐܘܢ ܐܬ ܕܢܬܠ ܐܓܒܘ ܠܗ̈ܠܝܢ ܕܫ̈ܠܚܘ ܝܬ݁ܢ ܡ݁ܐ ܐܬ ܐ݁ܡܪ ܥܠ ܛܒ ܓܪܡܟ |
| 001:023 | ܘܐܡܪ ܠܗܘܢ ܐܢܐ ܩܠ ܡܨܝܚ ܒܡܕܒܪܐ ܐܫܘ̈ܘ ܐܘܪܚܗ ܕܡܪܝܐ ܗܝܟ ܕܐܡܪ ܐܝܫܥܝܐ ܢܒܝܐ |
| 001:024 | ܘܗ̈ܠܝܢ ܕܐܫܬܠ̈ܚܘ ܗܘܘ ܡܢ ܣܦܪܝ̈ܐ |
| 001:025 | ܘܫ̈ܐܠܘ ܝܬ݁ܗ ܘܐܡܪ̈ܘ ܠܗ ܡ݁ܐ ܐܘܢ ܐܬ ܡܨܒܥ ܐܢ ܠܝܬ݁ ܐܬ ܡܫܝܚܐ ܘܠܐ ܐܝܠܝܣ ܘܠܐ ܢܒܝ |
| 001:026 | ܘܐܓܝܒ ܝܘܚܢܝܣ ܘܐܡܪ̈ ܐܢܐ ܡܢ ܡܨܒܥ ܒܡܝܢ ܒܡܨܥܟܘܢ ܕܝ ܩܐܝܡ ܕܢ ܕܠܝܬ݁ ܐܬܘܢ ܡܟܪ̈ܝܢ |
| 001:027 | ܗܕܢ ܕܐܬܐ ܡܢ ܒܬ݁ܪܝ ܕܩܡܐܝ ܡܢܝ ܐܬ݁ܥܒܕ ܕܢ ܕܠܝܬ݁ ܐܢܐ ܫܘܐ ܕܝܫܪܐ ܥܪܩܬܐ ܕܫܘܘܝܗ |
| 001:028 | ܗܠܝܢ ܐܬ݁ܥܒ̈ܕܝ ܒܒܝܬ݁ ܥܢܝܐ ܒܥܒܪܗ ܕܝܪܕܢܐ ܗܢ ܕܗܘܐ ܝܘܚܢܝܣ ܡܨܒܥ |
| 001:029 | ܘܠܝܘܡܐ ܚܘܪܢܐ ܚܡܐ ܝܘܚܢܝܣ ܠܡܪܐ ܝܣܘܣ ܐܬܐ ܠܘܬ݁ܗ ܘܐܡܪ ܗܐ ܪܒܝܒܗ ܕܐܠܗܐ ܗܕܢ ܕܡܪܝܡ ܣ̈ܟܠܬ݁ܗ ܕܥܠܡܐ |
| 001:030 | ܗܕܢ ܐܝܬ݁ ܗܘ ܕܝܢ ܕܐܡܪܬ݁ ܥܠ ܕܛܒܗ ܕܐܬܐ ܡܢ ܒܬ݁ܪܝ ܓܒܪܐ ܕܝܢ ܕܡܢ ܩܘܕܡܐܝ ܐܬ݁ܥܒܕ ܕܩܡܐܐ ܡܢܝ ܗܘܐ |
| 001:031 | ܘܐܢܐ ܠܐ ܗܘܝܬ݁ ܡܟܪ ܠܗ ܐܠܐ ܠܓܠܠ ܕܝܬ݁ܝܕܥ ܠܐܝܣܪܐܝܠ ܠܓܠܠ ܟܕܢ ܐܬ݁ܝܬ ܐܢܐ ܡܨܒܥ ܒܡܝ̈ܐ |
| 001:032 | ܘܐܣܝܕ ܝܘܚܢܝܣ ܘܐܡܪ ܕܚܡܝܬ݁ ܪܘܚܐ ܢܚܬܐ ܗܝܟ ܝܘܢ ܡܢ ܓܘ ܫܘܡܝܐ ܘܟܬܪܬ݁ ܥܠܘܝ |
| 001:033 | ܘܐܢܐ ܠܐ ܗܘܝܬ݁ ܡܟܪ ܠܗ ܐܠܐ ܗܕܢ ܕܫܠܚ ܝܬ݁ܝ ܕܝܨܒܥ ܒܡ̈ܝܐ ܗܘ ܐܡܪ ܠܝ ܗܕܝܢ ܕܐܬ ܚܡܐ݁ ܪܘܚܐ ܢܚܬܐ ܘܡܟܬܪܐ ܥܠܘܝ ܗܕܝܢ ܐܝܬ݁ ܗܘ ܕܢ ܕܡܨܒܥ ܒܪܘܚܐ ܕܩܘܕܫܐ |
| 001:034 | ܘܐܢܐ ܚܡܝܬ݁ ܘܐܣܝܕܬ݁ ܕܗܕܢ ܗܘ ܒܪܗ ܕܐܠܗܐ ܒܚܝܪܗ |
| 001:035 | ܘܠܝܘܡܐ ܕܡܚܪ ܬܘܒܢ ܗܘܐ ܝܘܚܢܣ ܩܐܡ ܘܬ݁ܪ̈ܝܢ ܡܢ ܬܠܡ̈ܝܕܘܗܝ |
| 001:036 | ܘܐܚܡܝ ܠܡܪܐ ܝܣܘܣ ܗܝܟ ܕܗܘ ܡܗܠܟ ܘܐܡܪ ܗܐ ܪܒܝܒܗ ܕܐܠܗܐ |
| 001:037 | ܘܫ̈ܡܥܘ ܝܬ݁ܗ ܬܪܝܢ ܡܢ ܬܠ̈ܡܝܕܘܝ ܡܡܠܠ ܘܕܒ̈ܩܘ ܠܡܪܐ ܝܣܘܣ |
| 001:038 | ܘܬ݁ܒ ܡܪܐ ܝܣܘܣ ܘܚܡܐ ܝܬ݁ܗܘܢ ܐܬ݁ܝܢ ܒܬܪܗ܃ ܘܐܡܪ ܠܗ̈ܘܢ ܡܐ ܐܬܘܢ ܒ̈ܥܝܢ ܗܢ̈ܘܢ ܕܝ ܐܡܪ̈ܘ ܠܗ ܪܒܝ ܡܐ ܕܗܘ ܡܬ݁ܪܓܡ ܡܠܦܢܐ ܗܢ ܐܬ ܥܡܪ |
| 001:039 | ܘܐܡܪ ܠܗܘܢ ܐܬ̈ܘ ܘܐܬܘܢ ܚ̈ܡܝܢ ܐܬ݁ܘ ܐܘܢ ܘܚ̈ܡܘ ܗܢ ܗܘ ܥܡܪ ܘܓܒܗ ܟܬܪ̈ܘ ܝܬ݁ܗ ܝܘܡܐ ܘܗܘܐ ܝܘܡܐ ܗܝܟ ܒܥܣܪ ܫܥܝܢ |
| 001:040 | ܘܗܘܐ ܐܢܕܪܝܐܣ ܐܚܘܝ ܕܣܝܡܘܢ ܧ̈ܛܪܘܣ ܚܕ ܡܢ ܬ݁ܪ̈ܝܐ ܕܫܡ̈ܥܘ ܡܢ ܝܘܚܢܝܣ ܘܕܒܩ̈ܘ ܝܬ݁ܗ ܠܡܪܐ |
| 001:041 | ܘܐܫܟܚ ܗܕܢ ܩܡܝ ܠܐܚܘܝ ܕܝܠܗ ܠܣܝܡܘܢ ܘܐܡܪ ܠܗ ܐܫܟܚܢܢ ܠܡܣܝܐ ܡܐ ܕܗܘ ܡܬܪܓܡ ܡܫܝܚܐ |
| 001:042 | ܘܐܝܬ݁ܝ ܝܬ݁ܝ ܠܘܬ݁ ܡܪܐ ܝܣܘܣ ܘܐܕܡܝ ܒܗ ܡܪܐ ܝܣܘܣ ܘܐܡܪ ܐܬ ܗܘ ܣܝܡܘܢ ܒܪܗ ܕܝܘܢܐ ܐܬ ܬܬ݁ܩܪܐ ܟܝܦܐ ܡܐ ܕܗܘ ܡܬܪܓܡ ܧ̈ܛܪܘܣ |
| 001:043 | ܘܠܝܘܡܐ ܕܡܚܪ ܨܒܐ ܕܝܦܘܩ ܠܓܠܝܠܐ ܘܗ̈ܘ ܡܫܟܚ ܠܦܝܠܝܧܘܣ ܘܐܡܪ ܠܗ ܡܪܐ ܝܣܘܣ ܕܒܘܩ ܝܬ݁ܝ |
| 001:044 | ܗܘܐ ܕܝ ܦܝܠܝܧ̈ܘܣ ܡܢ ܒܝܬ݁ ܨܝܕܐ ܡܢ ܡܕܝܢܬܗ ܕܧ̈ܛܪܘܣ ܘܐܢܕܪܝܣ |
| 001:045 | ܘܐܫܟܚ ܕܝ ܦܝܠܝܧ̈ܘܣ ܠܢܬܢܐܝܠ ܘܐܡܪ ܠܗ ܗܕܢ ܕܟܬ݁ܒ ܡܘܫܐ݁ ܒܢܝܡܘܣܐ ܘܒܢܒ̈ܝܐ ܐܫܟܚܢܢ ܝܬ݁ܗ ܠܝܣܘܣ ܒܪܗ ܕ݁ܝܘܣܝܦ ܠܕܢ ܕܡܢ ܢܙܪܬ݁ |
| 001:046 | ܘܐܡܪ ܠܗ ܢܬܢܐܝܠ ܡܢ ܢܙܪܬ݁ ܝܟܠ ܟܘܠܘܡ ܛܒ ܕܝܗܐ ܐܡܪ ܠܗ ܦܝܠܝܧ̈ܘܣ ܐܬܐ ܘܚܡܝ |
| 001:047 | ܘܚܡܐ ܡܪܐ ܝܣܘܣ ܠܢܬܢܐܝܠ ܐܬܐ ܠܘܬ݁ܗ ܘܐܡܪ ܥܠ ܕܛܒܗ ܗܐ ܡܢ ܩܘܫܛ ܐܝܣܪܝܠ ܗܕܢ ܕܢܟܠ ܠܝܬ݁ ܒܗ |
| 001:048 | ܐܡܪ ܠܗ ܢܬܢܐܝܠ ܡܢ ܗܢ ܐܬ ܡܟܪ ܠܝ ܐܓܝܒ ܡܪܐ ܝܣܘܣ ܘܐܡܪ ܠܗ ܡܢ ܥܕܠܐ ܝܩܪܐ݁ ܝܬ݁ܟ ܦܝܠܝܧ̈ܘܣ ܘܐܬ ܬ݁ܚܘܬ݁ ܬܝܢܬܐ ܚܡܝܬ݁ ܝܬ݁ܟ |
| 001:049 | ܐܓܝܒ ܢܬܢܐܝܠ ܘܐܡܪ ܠܗ ܪܒܝ ܐܬ ܗܘ ܒܪܗ ܕܐܠܗܐ ܐܬ ܗܘ ܡܠܟܐ ܕܐܝܣܪܝܠ |
| 001:050 | ܐܓܝܒ ܡܪܐ ܝܣܘܣ ܘܐܡܪ ܠܗ ܕܐܡܪܬ ܠܟ ܕܚܡܝܬ݁ ܝܬܟ ܬ݁ܚܘܬ ܬܝܢܬܐ ܐܬ ܡܗܝܡܢ ܪܒܪܒܢ ܡܢ ܗܠܝܢ ܬ݁ܚܡܐ݁ |
| 001:051 | ܘܐܡܪ ܠܗ ܐܡܝܢ ܐܡܝܢ ܐܡܪܢܐ ܠܟܘܢ ܕܡܢ ܟܕܘ ܬ݁ܚ̈ܡܘܢ ܫܘܡܝܐ ܦ̈ܬܝܚܝܢ ܘܡܠܟ̈ܘܝ ܕܐܠܗܐ ܣ̈ܠܩܝܢ ܘܢܚ̈ܬ݁ܝܢ ܥܠ ܒܪܗ ܕܓܒܪܐ |
| 002:001 | ܘܠܝܘܡܐ ܕܝ ܬܠܝܬ݁ܝܐ ܡܫܬܘ ܐܬ݁ܥܒܕܬ݁ ܒܩܢܐ ܕܓܠܝܠܐ ܘܗܘܬ݁ ܬܡ݁ܢ ܐܝܡܗ ܕܡܪܐ ܝܣܘܣ |
| 002:002 | ܐܬܩܪܝ ܕܝ ܐܘܦ ܡܪܐ ܝܫܘܥ ܗܘ ܘܬܠ̈ܡܝܕܘܝ ܠܡܫܬܘܬܐ |
| 002:003 | ܘܟܕ ܐܚܣܪ̈ܘ ܚܡܪܐ ܐܡܪܬ݁ ܐܝܡܗ ܕܡܪܐ ܝܣܘܣ ܠܗ ܚܡܪ ܠܝܬ݁ ܠܗܘܢ |
| 002:004 | ܘܐܡܪ ܠܗ݀ ܡܪܐ ܝܣܘܣ ܡܐ ܠܝ ܘܠܝܟܝ ܐܬܬܐ ܥܕ ܟܕܘ ܠܐ ܐܬ݁ܬ ܫܥܬ݁ܝ |
| 002:005 | ܘܐܡܪܬ݁ ܐܡܗ ܠܫܡܫ̈ܝܐ ܟܘܠܡܐ ܕܗܘ ܐܡܪ ܠܟܘܢ ܥܒ̈ܕܘ |
| 002:006 | ܗܘܐܝ ܕܝ ܬ݁ܡܢ ܫ̈ܝܬ݁ ܐܓ̈ܢܝܢ ܕܟܝܦ ܗܝܟ ܕܟܘܝܗܘܢ ܕܝܘܕܝܝ ܡܣܡܢ ܡܣܘܚܝܢ ܡܢ ܬܪܬܝܢ ܐܐ݁ ܬ݁ܠܬ݁ ܡܘܟܠܢ |
| 002:007 | ܘܐܡܪ ܠܗܘܢ ܡܪܐ ܝܣܘܣ ܡ̈ܠܘ ܐܓ̈ܢܝܐ ܡ̈ܝܢ ܘܡ̈ܠ̈ܘ ܝ̈ܬܗܘܢ ܥܕܡܐ ܠܥܠ |
| 002:008 | ܘܐܡܪ ܠܗܘܢ ܡܪܐ ܝܣܘܣ ܙܠ̈ܘܥܘ ܟܕܘ ܘܐܝܬ݁ܘ ܠܪܝܫ ܛܪܩܠܝܢܐ ܗܢܘܢ ܕܝ ܐܝܬ̈ܘ |
| 002:009 | ܘܟܕ ܛܥܡ ܪܝܫ ܛܪܩܠܝܢܐ ܡܝ̈ܐ ܥܒܝܕܝܢ ܚܡܪ ܘܠܐ ܗܘܐ ܝܕܥ ܡܢ ܗܢ ܗܘ ܫܡܫ̈ܝܐ ܕܝ ܗܘܘ ܝܕܥ̈ܝܢ ܗܠܝܢ ܕܙܠ̈ܥܘ ܡܝܐ ܘܩܪܐ ܪܝܫ ܪܒܘܥܝܐ ܠܚܬܢܐ |
| 002:010 | ܘܐܡܪ ܠܗ̈ ܟܘܠ ܐܢܫ ܩܡܐܝ ܚܡܪܐ ܛܒܐ ܡܣܝܡ ܘܟܕ ܝܪܘܘܢ ܠܕܢ ܕܫܦܝܦ ܡܝܬܝ ܐܬ ܕܝ ܢܛܪܬ ܚܡܪܐ ܛܒܐ ܥܕܡܐ ܠܟܕܘ |
| 002:011 | ܗܕܐ ܡܪܐ ܝܣܘܣ ܪܝܫ ܐܬ݁̈ܘܝ ܒܩܢܐ ܕܓܠܝܠܐ ܘܓܠܐ ܬܫܒܘܚܬܗ ܘܗ̈ܝܡܢܘ ܒܗ ܬ݁ܠܡܝܕܘܝ |
| 002:012 | ܘܡܢ ܒܬ݁ܪ ܟܕܢ ܢܚܬ݁ ܡܪܐ ܝܣܘܣ ܠܟܦܪ ܢܚܘܡ ܗܘ ܘܐܝܡܗ ܘܐܚ̈ܘܝ ܘܬܠܡܝܕܘܝ ܘܬܡ݁ܢ ܟܬܪ ܠܐ ܣܓܝ ܝܘܡܢ |
| 002:013 | ܘܗܘܐ ܩܪܝܒ ܦܣܚܐ ܕܝܘܕܝܝ ܘܣܠܩ ܡܪܐ ܝܣܘܣ ܠܝܪܘܫܠܡ |
| 002:014 | ܘܐܫܟܚ ܒܒܝܬ݁ ܢܘܣܐ ܠܗܠܝܢ ܕܡܙܒ̈ܢܝܢ ܬ݁ܘܪ̈ܝܐ ܘܐܡܪ̈ܝܐ ܘܝܘ̈ܢܝܐ ܘܠܗ̈ܠܝܢ ܕܦܪ̈ܛܝܢ ܦܪ̈ܝܛܝܐ ܝ̈ܬܝܒܝܢ |
| 002:015 | ܘܥܒܕ ܗܝܟ ܧܪܓܪ ܡܢ ܚܒܠ ܘܐܦܩ ܟܘܠܗܘܢ ܡܢ ܢܘܣܐ ܐܡܪ̈ܝܐ ܘܬ݁ܘܪ̈ܐ ܘܒܕܪ ܦܪ̈ܝܛܝܗܘܢ ܕܦܘܪܛܝܐ ܘܐܘܦ ܦܬ݁ܘܪ̈ܝܗܘܢ ܟܦܝ |
| 002:016 | ܘܠܗ̈ܠܝܢ ܕܡܙܒ̈ܢܝܢ ܝܘ̈ܢܝܐ ܘܐܡܪ ܐܪ̈ܝܡܘ ܗ̈ܠܝܢ ܡܢ ܟܐ ܘܠܐ ܬܥܒܕ̈ܘܢ ܒܝܬܝ ܙܒܢ ܘܙܒܘܢ܃ |
| 002:017 | ܘܒܟܢ ܐܕܟܪ̈ܘ ܬܠܡܝܕ̈ܘܝ ܕܟܬ݁ܝܒ ܗܘ ܕܩܢܬ݁ܗ ܕܒܝܬܟ ܐܟ̈ܠܬ݁ ܝܬ݁ܝ |
| 002:018 | ܐܓܝܒܘ ܝܗܘܕܝܝ ܘܐܡܪ̈ ܠܗ ܡܐ ܐܬ݁ ܐܬ ܡܘܕܥ ܠܢ ܕܗܠܝܢ ܐܬ ܥܒܕ |
| 002:019 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ ܫܪ̈ܘ ܗܕܢ ܢܘܣܐ ܘܠܬܠܬܐ ܝܘܡ̈ܝܢ ܐܢܐ ܡܩܝܡ ܠܗ |
| 002:020 | ܘܐܡܪ̈ܘ ܠܗ ܕܝ ܝܗܘܕܝ̈ܝ ܠܐܪܒܥܝܢ ܘܫ̈ܝܬ݁ ܫ̈ܝܢܝܢ ܐܬ݁ܒܢܝ ܗܕܝܢ ܢܘܣܐ ܘܠܬܠܬܐ ܝܘ̈ܡܝܢ ܐܬ ܡܩܝܡ ܠܗ |
| 002:021 | ܗܘ ܕܝ ܗܘܐ ܐܡܪ ܥܠ ܛܒ ܢܐܘܣܐ ܕܦܘܓ̈ܪܗ |
| 002:022 | ܟܕ ܕܝ ܩܡ ܡܢ ܒܝܢ ܡܝܬ݁̈ܝܐ ܒܟܢ ܐܬ݁ܕܟܪ̈ܘ ܬܠ̈ܡܝܕܘܝ ܕܗܐ ܗܘܐ ܐܡܪ ܘܗܝ̈ܡܢܘ ܠܟܬ݁ܒܐ ܘܡܠܬܐ ܗܕܐ ܕܐܡܪ ܡܪܐ ܝܣܘܣ |
| 003:001 | ܚܕ ܒܪܢܫ ܡܢ ܦܪ̈ܝܫܝܝ ܫܝܡܗ ܢܝܩܘܕܝܡܘܣ ܪ̈ܝܫܗܘܢ ܕܝܘܕܝܝ |
| 003:002 | ܗܕܢ ܐܬܐ ܠܘܬ݁ ܡܪܐ ܝܣܘܣ ܒܠܝܠܝܐ ܘܐܡܪ ܠܗ ܪܒܝ ܝܕܥܝܢ ܐܢܗ ܕܡܢ ܐܠܗܐ ܐܬܝܬ ܡܠܦܢ ܐܢܫ ܚܕ ܠܐ ܝܠܕ ܕܝܗܐ݁ ܥܒܕ ܗ̈ܠܝܢ ܐܬ̈ܝܐ ܕܐܬ ܥܒܕ ܐܠܐ ܐܢ ܐܠܗܐ ܥܡܗ |
| 003:003 | ܐܓܝܒ ܡܪܐ ܝܣܘܣ ܘܐܡܪ ܠܗ ܐܡܝܢ ܐܡܝܢ ܐܡܪ ܐܢܐ ܠܟ ܕܐܢ ܠܐ ܡܬ݁ܝܠܕ ܐܢܫ ܡܢ ܠܥܝܠ ܠܐ ܝܟܝܠ ܕܝܚܡܐ ܡܠܟܘܬܗ ܕܐܠܗܐ̈ |
| 003:004 | ܐܡܪ ܠܗ ܢܝܩܘܕܝܡܘܣ ܗܝܟ ܝܟܠ ܐܢܫ ܡܬ݁ܝܠܕ ܘܗܘ ܣܒ ܕܡܐ ܝܟܠ ܗܘ ܕܝܥܘܠ ܠܟܪܣܗ ܕܐܡܗ ܡܢ ܬܢܝܢܘ ܘܝܬܝܠܕ |
| 003:005 | ܐܓܝܒ ܡܪܐ ܝܣܘܣ ܘܐܡܪ ܐܡܝܢ ܐܡܝܢ ܐܡܪ ܐܢܐ ܠܟ ܕܐ݁ܢ ܠܐ ܡܬ݁ܝܠܕ ܐܢܫ ܡܢ ܡ̈ܝܐ ܘܡܢ ܪܘܚܐ ܠܐ ܝܟܠ ܕܝܥܘܠ ܠܡܠܟܘܬ݁ܗ ܕܐܠܗܐ |
| 003:006 | ܡܐ ܕܝܠܝܕ ܡܢ ܒܣܪ ܗܘ ܘܡܐ ܕܝܠܝܕ ܡܢ ܪܘܚ ܪܘܚ ܗܘ |
| 003:007 | ܠܐ ܬܬ݁ܡܘܗ ܠܒܕܝܠ ܕܐܡܪܬ݁ ܠܟ ܕܧ̈ܢܛܘܣ ܠܟܘܢ ܕܬܬ݁ܝܠܕܘܢ ܡܢ ܠܥܠ |
| 003:008 | ܪܘܚܐ ܗܢ ܕܨܒܝܐ ܢܫܦܐ ܘܩܠܗ ܐܬ ܫܡܥ ܐܠܐ ܠܝܬ݁ ܐܬ ܝܕܥ ܡܢ ܗܢ ܗܝ ܐܬ݁ܝܐ ܘܠܗܢ ܐܙܠܐ ܗܟܕܢ ܗܘ ܟܘܠ ܡ݁ܢ ܕܝܠܝܕ ܡܢ ܪܘܚܐ |
| 003:009 | ܐܓܝܒ ܕܝ ܢܝܘܩܕܝܡܘܣ ܘܐܡܪ ܠܗ ܗܠܝܢ ܕܝܗܢ |
| 003:010 | ܐܓܝܒ ܡܪܐ ܝܫܘܥ ܘܐܡܪ ܠܗ ܐܬ ܗܘ ܡܠܦܢܐ ܕܐܝܣܪܐܝܠ ܘܗ̈ܠܝܢ ܠܝܬ݁ ܐܬ ܝܕܥ |
| 003:011 | ܐܡܝܢ ܐܡܝܢ ܐܡܪ ܐܢܐ ܠܟ ܕܡܐ ܕܐܢܗ ܝܕܥ̈ܝܢ ܐܢܝܢ ܡܡܠܠܝܢ ܘܡܐ ܕܚ̈ܡܝܢܗ ܐܢܗ ܡܣܝܕܝܢ ܘܣܗܕܘܬ݁ܢ ܠܝܬ݁ <ܐܬܘܢ> ܢܣ̈ܒܝܢ |
| 003:012 | ܐܢ ܕܐܪܥܝܘܬܐ ܐܡܪܬ ܠܟܘܢ ܘܠܝܬ݁ ܐܬܘܢ ܡܗܝܡܢܝܢ ܗܝܟ ܐܢ ܝܐܡܘܪ ܠܟܘܢ ܕܫܘܡܝܐ ܬܗܝܡܢܝܘܢ |
| 003:013 | ܘܐܢܫ ܠܐ ܣܠܩ ܠܫܘܡܝܐ ܐܠܐ ܐܢ ܕܢ ܕܢܚܬ݁ ܡܢ ܫܘܡܝܐ ܒܪܗ ܕܓܒܪܐ ܗܕܢ ܕܗܘܐ ܒܫܘܡ<ܝ>ܐ |
| 003:014 | ܘܗܝܟ ܡܐ ܕܪܘܡܡ ܡܘܫܐ ܚܘܝܐ ܒܡܕܒܘܪܐ ܗܟܕܢ ܠܗ ܧ̈ܢܛܘܣ ܕܝܬ݁ܪܘܡܡ ܒܪܗ ܕܓܒܪܐ |
| 003:015 | ܠܓܠܠ ܕܟܘܠ ܡ݁ܢ ܕܡܗܝܡܢ ܒܗ ܝܗܐ ܠܗ ܚ̈ܝܝܢ ܕܠܥܠܡ |
| 003:016 | ܗܟܕܢ ܓܪ ܐܚܒ ܐܠܗܐ ܠܥܠܡܐ ܕܠܒܪܗ ܝܚܝܕܝܗ ܝܗܒ ܕܟܘܠ ܡ݁ܢ ܕܡܗܝܡܢ ܒܗ ܠܐ ܝܐܒܘܕ ܐܠܐ ܝܗܐ݁ ܠܗ ܚܝ̈ܝܢ ܕܠܥܠܡ |
| 003:017 | ܠܐ ܓܪ ܫܠܚ ܐܠܗܐ ܠܒܪܗ ܠܥܠܡܐ ܃܃܃܃ ܐܠܐ ܕܝܚܐ ܥܠܡܐ ܒܬܪܥܗ |
| 003:018 | ܡ݁ܢ ܕܡܗܝܡܢ ܒܗ ܠܐ ܡܬ݁ܕܝܢ ܗܕܢ ܕܝ ܕܠܐ ܡܗܝܡܢ ܟܒܪ ܗܘ ܕܝܢ ܕܠܐ ܗܝܡܢ ܒܫܝܡܗ ܕܝܚܝܕܝܐ ܒܪܗ ܕܐܠܗܐ |
| 003:019 | ܗܕܢ ܕܝ ܗܘ ܕܝܢܐ ܕܢܗܘܪܐ ܐܬܐ ܠܥܠܡܐ ܘܐܚܒ̈ܘ ܒܢܝ̈ܢܫܐ ܡܠܘܢ ܠܩܒܠܐ ܐܐ݁ ܓܪ ܠܢܗܘܪܐ ܗܘܘ ܓܪ ܥܘܒ̈ܕܝܗܘܢ ܒ̈ܝܫܝܢ |
| 003:020 | ܟܘܠ ܡ݁ܢ ܓܪ ܕܥܒܕ ܒܝܫ̈ܢ ܣܢܐ ܗܘ ܝܬ݁ܗ ܠܢܗܘܪܐ ܘܠܐ ܐܬܐ ܠܘܬ݁ ܢܗܘܪܐ ܕܠܐ ܝܬ݁̈ܟܣܢܝܢ ܥܘ̈ܒܕܘܝ |
| 003:021 | ܕܢ ܕܝ ܕܥܒܕ ܩܘܫܛܐ ܐܬܐ ܗܘ ܠܘܬ݁ ܢܗܘܪܐ ܕܝܬܢܟܪ̈ܘܢ ܥܘܒ̈ܕܘܝ ܕܒܐܠܗܐ ܗܢܘܢ ܥܒ̈ܝܕܝܢ |
| 003:022 | ܡܢ ܒܬ݁ܪ ܟܕܢ ܐܬܐ ܡܪܐ ܝܫܘܥ ܘܬܠ̈ܡܕܘܝ ܠܐܪܥܐ ܕܝܗ̈ܘܕܝܐ ܘܬܡ݁ܢ ܗܘܐ ܥܡܪ ܥܡܗܘܢ ܘܗܘܐ ܡܨܒܥ |
| 003:023 | ܗܘܐ ܕܝ ܐܘܦ ܝܘܚܢܝܣ ܡܨܒܥ ܒܥܝܢܘ ܩܪܝܒ ܠܫܠܝܡ ܕܗܘ ܬܡ݁ܢ ܡܝܢ ܣܓܝ ܘܗܘܘ ܐܬ݁ܝܢ ܘܡܨܛܒ̈ܥܝܢ |
| 003:024 | ܥܕ ܟܕܘ ܓܪ ܠܐ ܗܘܐ ܝܘܚܢܝܣ ܪܡܐ݁ ܒܦܝܠܝܩܐ |
| 003:025 | ܐܬ݁ܥܒܕ ܕܝ ܒܥܝܘܢ ܒܝܢ ܬܠܡ̈ܝܕܘܝ ܕܝܘܚܢܝܣ ܠܒܝܢ ܝܗ̈ܘܕܝܝ ܥܠ ܛܒ ܕܟܘܝܐ |
| 003:026 | ܘܐܬܘ ܠܘܬ݁ ܝܘܚܢܝܣ ܘܐܡܪ̈ܘ ܠܗ ܪܒܝ ܗܘ ܕܗܘܐ ܥܡܟ ܒܥܒܪܗ ܕܝܪܕܢܐ ܗܕܝܢ ܕܐܬ ܐܣܝܕܬ ܥܠܘܝ ܗܐ ܗܘ ܡܨܒܥ ܘܟܘܠ ܥܡܐ ܐܬ݁ܝܢ ܠܘܬ݁ܗ |
| 003:027 | ܐܓܝܒ ܝܘܚܢܝܣ ܘܐܡܪ ܠܐ ܝܟܠ ܒܪܢܫ ܕܝܣܒ ܟܘܠܡ ܡܢ ܓܪܡܗ ܐܠܐ ܐܢ ܗܘܐ ܝܗܝܒ ܠܗ ܡܢ ܓܘ ܫܘܡܝܐ |
| 003:028 | ܐܬܘܢ ܩܩܢܟܘܢ ܡܣ̈ܝܕܝܢ ܥܠܐܝ ܕܐܡܪܬ݁ ܐܢܐ ܠܝܬ݁ ܐܢܐ ܡܫܝܚܐ ܐܠܐ ܡܫܠܚ ܐܢܐ ܩܘܕܡܘܗܝ |
| 003:029 | ܗܕܢ ܕܥܡܗ ܟܠܬܐ ܗܘ ܐܝܬ݁ ܗܘ ܚܬܢܐ ܪܚܡܗ ܕܝ ܕܚܬܢܐ ܗܘ ܕܝܢ ܕܩܐܡ ܘܫܡܥ ܡܢܗ ܚܘܕܘܐ ܗܘ ܚܕܐ ܠܓܠܠ ܩܠܗ ܕܚܬܢܐ ܗܕܐ ܐܘܢ ܚܕܘܬܐ ܕܝܠܝ ܡܡܠܝܐ ܗܝ |
| 003:030 | ܠܗܘ ܢܦܠ ܕܝܗܐ ܪܒ ܠܝ ܕܝ ܕܝܗܐ ܐܢܐ ܙܥܘܪ |
| 003:031 | ܕܢ ܕܐܬܐ ܡܢ ܠܥܠ ܠܥܠ ܡܢ ܟܘܠܐ ܗܘ ܕܝܢ ܕܗܘ ܡܢ ܐܪܥܐ ܡܢ ܐܪܥܐ ܗܘ ܡܡܠܠ ܗܕܢ ܕܐܬܐ ܡܢ ܫܘܡܝܐ ܠܥܠ ܡܢ ܟܘܠܐ ܗܘ |
| 003:032 | ܡܐ ܕܚܡܐ ܘܫܡܥ ܗܕܐ ܗܘ ܡܣܝܕ ܘܣܗܕܘܬ݁ܗ ܐܢܫ ܠܐ ܢܣܒ |
| 003:033 | ܗܕܢ ܕܝ ܕܢܣܒ ܣܗܕܘܬ݁ܗ ܚܬ[ܡ]܂ ܕܐܠܗܐ ܩܫܝܛ ܗܘ |
| 004:005 | ܘܐܬܐ ܡܪܐ ܝܣܘܣ ܠܡܕܝܢܐ ܡܢ ܕܫܡܪܝܝ ܗܕܐ ܕܡܬܐܡܪܐ ܣܘܟܪ ܩܪܝܒܐ ܠܚܩܠܐ ܗܕܐ ܕܝܗܒ ܝܥܩܘܒ ܠܝܘܣܝܦ ܒܪܗ |
| 004:006 | ܗܘܐ ܕܝ ܬ݁ܡܢ ܡܒܘܥܗ ܕܝܥܩܘܒ ܘܡܪܐ ܝܣܘܣ ܠܐܝ ܡܢ ܗܠܟܬ݁ܗ ܒܐܘܪܚܐ ܘܗܘܐ ܝܬܝܒ ܥܠ ܡܒܘܥܐ ܘܝܘܡܐ ܗܘܐ ܗܝܟ ܕܫܬܫܐܥܢ |
| 004:007 | ܘܐܬܬܐ݁ ܚܕܐ ܐܬ݁ܬ݁ ܡܢ ܫܡܪܝܢ ܕܬ݁ܡܠܐ ܡ̈ܝܢ ܘܐܡܪ ܠܗ ܡܪܐ ܝܣܘܣ ܗܒܝ ܠܝ ܡܝܢ ܕܝܫܬܐ |
| 004:008 | ܬܠ̈ܡܝܕܘܝ ܓܪ ܗܘ̈ܘ ܕܝ ܐܙܠ̈ܘ ܠܡܕܝܢܬܐ ܕܝܙܒ̈ܘܢܘܢ ܡܙܘܢܝܢ |
| 004:009 | ܘܐܡܪܐ ܠܗ ܝܬ݁ܗ݀ ܐܬܬܐ ܗܝܟ ܐ݁ܬ ܕܐܬ ܝܗܘܕܐܝ ܡܢܝ ܐܬ ܒܥܐ ܬ݁ܫܬܝ ܡܢ ܐܬܐ ܫܡܪܝܐ ܠܐ ܓܪ ܡܬ݁ܦ̈ܠܚܝܢ ܝܗ̈ܘܕܝܐ ܥܡ ܫܡܪ̈ܝܐ |
| 004:010 | ܐܓܝܒ ܡܪܐ ܝܣܘܣ ܘܐܡܪ ܠܗ ܐܠܘ ܗܘܝܬܝ ܝܕܥܐ ܡܘܬܘܢܬ݁ܗ ܕܐܠܗܐ ܘܡ݁ܢ ܗܘ ܗܕܢ ܕܐܡܪ ܠܝܟܝ ܗܒܝ ܠܝ ܕܝܫܬܐ ܐܬܝ ܗܘܝܬܝ ܫܐܠܐ ܡܢܗ ܘܗܘ ܝܗܒ ܠܝܟܝ ܡܝܢ ܕܚܝ̈ܝܢ |
| 004:011 | ܐܡܝܪܐ ܠܗ ܐܬܬܐ ܡܪܝ ܠܐ ܕܘܠ{ܘ} ܥܡܟ ܘܒܝܪܐ ܥܡܝܩܐ ܗܝ ܡܢ ܗܢ ܠܟ ܡ̈ܝܢ ܚܝ̈ܝܢ |
| 004:012 | ܕܡܐ ܐܬ ܪܒ ܡܢ ܐܒܘ̈ܢܢ ܝܥܩܘܒ ܗܕܝܢ ܕܝܗܒ ܠܢ ܡܒܘܥܐ ܘܗܘ ܡܢܗ ܗܘܐ ܫܬܐ ܘܒܢܘ̈ܝ ܘܒܥܝܪܗ |
| 004:013 | ܐܓܝܒ ܡܪܐ ܝܣܘܣ ܘܐܡܪ ܠܗ݀ ܟܘܠ ܡ݁ܢ ܕܝܫܬܐ ܡܢ ܗܠ̈ܝܢ ܡܝܐ ܨܗܐ ܗܘ ܬܘܒܢ |
| 004:014 | ܡ݁ܢ ܕܝ ܕܝܫܬܐ ܡܢ ܡܝ̈ܐ ܗ̈ܠܝܢ ܕܐܢܐ ܝܗܒ ܠܗ ܠܐ ܨܗܐ ܠܥܠܡ ܐܠܐ ܡܝ̈ܐ ܕܐܢܐ ܝܗܒ ܠܗ ܡܬ݁ܥ̈ܒܕܝܢ ܒܓܘܗ ܡܒܘܥ ܕܡܝ̈ܝܢ ܡܫܘܪ̈ܝܢ ܠܚܝ̈ܝܢ ܕܠܥܠܡ |
| 004:015 | ܐܡܪܐ ܠܗ ܐܬܬܐ ܡܪܝ ܗܒ ܠܝ ܗ̈ܠܝܢ ܡܝ̈ܐ ܕܠܐ ܝܗܐ ܐܢܐ ܨܗܝܐ ܘܠܐ ܐ݁ܬ݁ܝܐ݁ ܕܝܡܠܐ ܡܢ ܟܐ |
| 004:016 | ܐܡܪ ܠܗ ܡܪܐ ܝܣܘܣ ܐܙܠܝ ܩܪܐܝ ܓܒܪܝܟܝ ܘܐܬܐ݁ܝ ܠܟܐ |
| 004:017 | ܐܓܝܒܬ݁ ܐܬܬܐ ܘܐܡܪܬ ܠܗ ܠܝܬ݁ ܠܝ ܓܒܪ ܐܡܪ ܠܗ ܡܪܐ ܝܣܘܣ ܝܐܘܬ݁ ܐܡܪܬܝ ܕܓܒܪ ܠܝܬ݁ ܠܝܟܝ |
| 004:018 | ܚ̈ܡܝܫܐ ܓܪ ܓܒܪ ܗܘܘ̈ ܠܝܟܝ ܘܟܕܘ ܗܕܢ ܕܥܡܝܟܝ ܠܝܬ݁ ܗܘ ܓܒܪܝܟܝ ܕܝܠܝܟܝ ܗܕܐ ܡܢ ܩܘܫܛ ܐܡܪܬܝ |
| 004:019 | ܐܡܪܐ ܠܗ ܐܬܬܐ ܡܪܝ ܚܡܝܐ ܐܢܐ ܕܐܬ ܢܒܐ݁ |
| 004:020 | ܕܐܒ̈ܗ̈ܬ݁ܢ ܒܗܕܢ ܛܘܪܐ ܣ̈ܓܕܘ ܘܐܬܘܢ ܐܡܪ̈ܝܢ ܕܒܝܪܘܫܠܡ ܗܘ ܐܬ݁ܪܐ ܗܢ ܕܛܟܣܐ |
| 004:021 | ܐܡܪ ܠܗ ܡܪܐ ܝܣܘܣ ܗܝܡܢܝ ܠܝ ܐܬܬܐ ܕܐܬ݁ܝܐ ܫܥܐ ܟܕ ܠܐ ܒܗܕܢ ܛܘܪܐ ܘܠܐ ܒܝܪܘܫܠܝܡ ܬ݁ܣܓ̈ܘܕܘܢ ܠܐܒܐ |
| 004:022 | ܐܬܘܢ ܓܝܪ ܣ̈ܓܝܕܝܢ ܠܡܐ ܕܠܝܬ݁ ܐܬܘܢ ܝ̈ܕܥܝܢ ܐܢܗ ܕܝ ܣ̈ܓܕܝܢ ܠܡ݁ܐ ܕܐ݁ܢܐ ܝ̈ܕ̈ܥܝܢ ܕܚܝ̈ܝܐ ܡܢ ܝܗ̈ܘܕܝܐ ܗܢ̈ܘܢ |
| 004:023 | ܐܠܐ ܗܐ ܐܬ݁ܝܐ ܫܥܬܐ ܘܟܒܪ ܗܝ ܟܕ ܣܓ̈ܘܕܝܐ ܩܫ̈ܝܛܝܐ ܝܣ̈ܓܘܕܘܢ ܠܐܒܐ ܒܪܘܚܐ ܘܒܩܘܫܛܐ ܩܝܓܪ ܐܒܐ ܕܓܢܣܗܘܢ ܕܗ̈ܠܝܢ ܣ̈ܓܘܕܝܐ ܗܘ ܒܥܐ ܗ̈ܠܝܢ ܕܣ̈ܓܕܝܢ ܠܗ |
| 004:024 | ܪܘܚ ܗܘ ܐܠܗܐ ܘܗ̈ܠܝܢ ܕܣ̈ܓܕܝܢ ܠܗ ܒܪܘܚܐ ܘܒܩܘܫܛܐ ܢܦܠ ܠܗܘܢ ܕܝܗܘܢ ܣ̈ܓܕܝܢ ܠܗ |
| 004:025 | ܐܡܪܐ ܠܗ ܝܬ݁ܗ݀ ܐܬܬܐ ܝܕܥܐ ܐܢܐ ܕܡܣܝܐ ܐܬܐ ܗܕܢ ܕܡܬܪܓܡ ܡܫܝܚܐ ܟܕ ܝܐܬܐ ܗܘ ܡܬܢܐ ܠܢ ܟܘܠܐ |
| 004:026 | ܐܡܪ ܠܗ ܡܪܐ ܝܣܘܣ ܐܢܐ ܗܘ ܗܕܝܢ ܕܡܡܠܠ ܥܡܝܟܝ |
| 004:027 | ܘܒܟܢ ܐܬ݁ܘ ܬܠ̈ܡܝܕܘܝ ܘܗܘܘ ܬܡܗ̈ܝܢ ܕܥܡ ܐܬܬܐ ܗܘܐ ܡܡܠܠ ܐܢܫ ܕܝ ܠܐ ܐܡܪ ܠܗ ܡܐ ܐܬ ܒܥܐ ܐܐ݁ ܡܐ ܐܬ ܡܡܠܝܠ ܥܡܗ݀ |
| 004:028 | ܘܫܒܩܬ݁ ܩܘܠܬ݁ܗ݀ ܘܐܙܠܬ ܠܡܕܝܢܬܐ ܘܐܡܪܬ ܠܒܢܝ̈ܢܫܐ |
| 004:029 | ܐܬܘ ܚ̈ܡܘ ܒܪܢܫ ܐܡܪ ܠܝ ܟܘܠ ܡܐ ܕܥܒܕܬ݁ ܕܡܐ ܗܕܢ ܗܘ ܡܫܝܚܐ |
| 004:030 | ܘܢܦ̈ܩܘ ܡܢ ܡܕܝܢܬܐ ܘܐܬܘ ܠܘܬ݁ܗ |
| 004:031 | ܒܬ݁ܪܟܝܢ ܒ̈ܥܘ ܡܢܗ ܬܠ̈ܡܝܕܘܝ ܘܐܡܪ̈ܝܢ ܠܗ ܪܒܝ ܐܟܘܠ |
| 004:032 | ܗܘ ܕܝ ܐܡܪ ܠܗܘܢ ܐܢܐ ܡܝܟܘܠܐ ܐܝܬ݁ ܠܝ ܕܝܐܟ̈ܘܠ ܡܐ ܕܐܬܘܢ ܠܐ ܝ̈ܕܥܝܢ |
| 004:033 | ܗܘܘ ܕܝ ܬ̈ܠܡܝܕܝܐ ܐܡܪ̈ܝܢ ܦܠܓܗܘܢ ܠܦܠܓ ܕܡܐ ܐܢܫ ܐܝܬ݁ܝ ܠܗ ܕܝܟܘܠ |
| 004:034 | ܘܐܡܪ ܠܗܘܢ ܡܪܐ ܝܣܘܣ ܡܝܟ̈ܘܠܬܝ ܕܝܠܝ ܗܝ ܕܝܥܒܕ ܨܒܝܘܢܗ ܕܗܕܝܢ ܕܫܠܚ ܝܬ݁ܝ ܘܝܫܠܡ ܥܘܒܕܗ |
| 004:035 | ܠܐ ܐܬܘܢ ܐܡܪܝܢ ܕܥܘܕ ܐܪܒܥܐ ܝܪ̈ܚܝܢ ܗܢܘܢ ܘܚܨܕܐ ܐܬܐ ܗܐ ܐܢܐ ܕܝ ܐܡܪ ܠܟܘܢ ܬܠ̈ܘ ܥ̈ܝܢܝܟܘܢ ܘܚ̈ܡܘ ܐܪ̈ܥܬܐ ܕܗܢܘܢ ܚܘܪ̈ܢ ܠܚܨܕܐ |
| 004:036 | ܘܕܢ ܕܚܨܕ ܐܓܪ ܗܘ ܢܣܒ ܘܡܟܢܫ ܦܝܪ̈ܝܢ ܠܚܝ̈ܝܢ ܕܠܥܠܡ ܠܓܠܠ ܕܗܕܝܢ ܕܙܪܥ ܘܕܢ ܕܚܨܕ ܗܝܟ ܚܕܐ ܝܚܕܘܢ |
| 004:037 | ܒܗܕܐ ܓܪ ܗܝ ܡܠܬܐ ܕܩܘܫܛܐ ܕܚܘܪܢ ܗܘ ܗܕܢ ܕܙܪܥ ܘܚܘܪܢ ܗܘ ܗܕܢ ܕܚܨܕ |
| 004:038 | ܐܢܐ ܫܠܚܬ݁ ܝܬ݁ܟܘܢ ܕܬ݁ܚܨܘܕܘܢ ܡܐ ܕܐܬܘܢ ܠܐ ܠܐܝ̈ܬܘܢ ܚܘܪ̈ܢܝܢ ܠܐܘ̈ ܘܐܬܘܢ ܥܠܠܬܘܢ ܒܠܝܘܬ݁ܗܘܢ |
| 004:039 | ܡܢ ܝܬ݁ܗ݀ ܕܝ ܡܕܝܢܬܐ ܣܓܝ ܗ̈ܝܡܢܘ ܒܗ ܡܢ ܫܡܪ̈ܝܝ ܠܓܠܠ ܡܠܬ݁ܗ ܕܐܬܬܐ ܕܐܣܝܕܬ݁ ܘܐܡܪܬ݁ ܕܐܡܪ ܠܝ ܟܘܠ ܡܐ ܕܥܒܕܬ݁ |
| 004:040 | ܘܟܕ ܐܬܘ ܠܘܬ݁ܗ ܫܡܪ̈ܝܝ ܒ̈ܥܘ ܡܢܗ ܕܝܟܬܪ ܓܒܗ̈ܘܢ ܘܟܬܪ ܓܒܗܘܢ ܬܪ̈ܝܢ ܝܘ̈ܡܝܢ |
| 004:041 | ܘܣܘܓܝ ܣܓܝ ܗ̈ܝܡܢܘ ܒܗ ܠܓܠܠ ܡܠܬ݁ܗ |
| 004:042 | ܘܠܝܐܬܬܐ݁ ܗܘܘ ܐܡܪ̈ܝܢ ܕܥܘܕ ܡܢ ܟܕܘ ܠܐ ܠܓܠܠ ܡܡܠܠܝܟܝ ܐܢ̈ܗ ܡܗ̈ܝܡܢܝܢ ܐܢܗ ܓܪ ܫܡܥܝܢܗ ܡܢܗ ܘܐܢܗ ܝܕܥ̈ܝܢ ܡܢ ܩܘܫܛ ܕܗܕܝܢ ܗܘ ܡܚܝܢܗ ܕܥܠܡܐ |
| 004:046 | ܘܗܐ ܚܕ ܡ݁ܢ ܥܒܕ ܡܠܟܐ ܗܕܝܢ ܕܗܘܐ ܒܪܗ ܒܐܝܫ ܒܟܦܪ ܢܚܘܡ |
| 004:047 | ܗܕܢ ܟܕ ܫܡܥ ܝܣܘܣ ܐܬܐ ܡܢ ܝܘ̈ܕܝܐ ܠܓܠܝܠܐ ܐܙܠ ܠܘܬܗ ܘܗܘܐ ܒܥܐ ܡܢܗ ܕܝܚܘܬ݁ ܘܝܐܣܝ ܝܬ݁ܗ ܠܒܪܗ܃ ܗܘܐ ܓܪ ܥܒܪ ܕܝܡܘܬ݁ |
| 004:048 | ܘܐܡܪ ܠܗ ܡܪܐ ܝܣܘܣ ܐܢ ܠܐ ܐܬ݁ܝܢ ܘܓܒܘܪ̈ܢ ܬ݁ܚܡ̈ܘܢ ܠܐ ܬ݁ܗܝ̈ܡܢܘܢ |
| 004:049 | ܐܡܪ ܠܗ ܝܬܗ ܕܡܢ ܡܠܟܐ ܡܪܐ ܚܘܬ݁ ܥܕ ܠܐ ܝܡܘܬ݁ ܒܪܝ |
| 004:050 | ܐܡܪ ܠܗ ܡܪܐ ܝܣܘܣ܃ ܐܙܠ ܗܐ ܒܪܟ ܚܐܝ܃ ܘܗܝܡܢ ܗܐܘ ܒܪܢܫܐ ܠܡܠܬܐ ܕܐܡܪ ܠܗ ܡܪܐ ܝܣܘܣ܃ ܘܗܘܐ ܐܙܠ |
| 004:051 | ܘܥܕ ܗܘ ܢܚܬ݁ ܐܘܪ̈ܥܘ ܝܬܗ ܥܒ̈ܕܘܝ ܘܐܡܪ̈ܝܢ ܠܗ ܗܐ ܒܪܟ ܚܐܝ |
| 004:052 | ܗܘܐ ܕܝ ܫܐܠ ܠܗܘܢ ܥܠ ܛܒ ܫܥܬܐ ܕܐܬܢܫܡ ܒܗ݀ ܘܐܡܪ̈ܘ ܠܗ ܐܬܡܠ ܒܫܘ̈ܒܥ ܫ̈ܥܝܢ ܫܒܩܬ݁ ܝܬܗ ܐܝܫܬܐ |
| 004:053 | ܘܝܕܥ ܐܒܘܝ ܕܛܠܝܐ ܕܝܬܗ݀ ܫܥܬܐ ܐܡܪ ܠܗ ܡܪܐ ܝܣܘܣ ܗܐ ܒܪܟ ܚܐܝ ܘܗܝܡܢ ܗܘ ܘܟܘܠܗ ܒܝܬܗ܃ |
| 004:054 | ܗܕܢ ܬܘܒ ܐܬ ܬ݁ܢܝܐܢ ܥܒܕ ܡܪܐ ܝܣܘܣ ܟܕ ܐܬܐ ܡܢ ܝܘ̈ܕܝܐ ܠܓܠܝܠܐ |
| 005:001 | ܘܡܢ ܒܬ݁ܪ ܟܕܢ ܗܘܐ ܡܘܥܕܗܘܢ ܘܣܠܩ ܡܪܐ ܝܣܘܣ ܠܝܪܘܫܠܝܡ |
| 005:002 | ܐܝܬ ܗܘܐ ܕܝ ܒܝܪܘܫܠܝܡ ܥܠ ܡܥܘܠܐ ܦܣܩܝܢܐ ܗܕܐ ܕܡܬ݁ܡܪܐ ܥܒܪܐܣܛܝ ܒܝܬ݁ ܚܣܕܐ ܘܗܘܐ ܠܗ ܚܡܝܫܐ ܐܣ̈ܛܘܢܢ |
| 005:003 | ܘܒܗܘܢ ܗܘܘ ܪ̈ܡܝܢ ܣܓܝ ܒܐܝ̈ܫܝܢ ܡܥܘܪ̈ܝܢ ܘܡܚܓܪ̈ܝܢ ܘܡܝ̈ܒܝܫܝܢ ܕܗܘܘ ܡܣܟ̈ܝܢ ܠܙܥܙܘܥܗܘܢ ܕܡܝ̈ܐ |
| 005:004 | ܡܠܟ̈ ܓܪ ܗܘܐ ܢܚܬ݁ ܡܢ ܩܝܪܘܣ ܠܩܝܪܘܣ ܠܓܘ ܦܣܩܝܢܐ ܘܗܘܐ ܥܟܪ ܝܬ݁ܗܘܢ ܠܡܝܐ ܗܕܢ ܕܝ ܡܢ ܒܐܝ̈ܫܝܐ ܕܗܘܐ ܢܚܬ݁ ܡܢ ܒܬ݁ܪ ܥܟܪܝܗܘܢ ܕܡܝܐ ܩܡܐܝ ܗܘܐ ܡܬ݁ܥܒܕ ܚܠܝܡ ܡܢ ܟܘܠ ܒܘܫ ܕܗܘܐ ܡܬܨܝܕ |
| 005:005 | ܗܘܐ ܕܝ ܬܡ݁ܢ ܚܕ ܒܪܢܫ ܕܗܘܐ ܠܗ ܬܠܬ݁ܝܢ ܘܬ݁ܡ̈ܢܐ݁ ܫܝ̈ܢܝܢ ܒܒܘܫܗ |
| 005:006 | ܠܗܕܢ ܟܕ ܚܡܐ ܡܪܐ ܝܣܘܣ ܪܡܐ ܝܕܥ ܠܗ ܣܓܝ ܐܫܘܢ ܘܐܡܪ ܠܗ ܨܒܝ ܐܬ ܕܬܬ݁ܥܒܕ ܚܠܝܡ |
| 005:007 | ܐܓܝܒ ܕܝ ܝܬ݁ܗ ܒܐ݁ܝܫܐ ܘܐܡܪ ܠܗ ܐܝܢ ܡܪܝ ܐܠܐ ܒܪܢܫ ܠܝܬ݁ ܠܝ ܕܟܕ ܝܬ݁ܥܟܪ̈ܘܢ ܡܝܐ ܝܪܡܐ ܝܬ݁ܝ ܠܦܣܩܝܢܐ ܕܥܕ ܐܢܐ ܐܬܐ ܕܝܚܘܬ݁ ܚܘܪܢ ܡܩܕܡ ܠܝ ܘܢܚܬ݁ |
| 005:008 | ܐܡܪ ܠܗ ܡܪܐ ܝܣܘܣ ܩܘܡ ܣܒ ܥܪܣܟ ܘܗܠܟ |
| 005:009 | ܘܫܘܐ ܐܬ݁ܥܒܕ ܒܪܢܫܐ ܗܐܘ ܫܠܝܡ{ܐ} ܘܢܣܒ ܥܪܣܗ ܘܗܘܐ ܡܗܠܟ ܗܘܬ݁ ܕܝ ܫܘܒܬܐ ܝܬ݁ܗ ܝܘܡܐ |
| 005:010 | ܗܘܘ ܐܘܢ ܝܘܕܝܝ ܐܡܪ̈ܝܢ ܠܗܘ ܕܐܬܐܣܝ ܫܘܒܬܐ ܗܝ ܘܠܐ ܫܠܝܛ ܠܟ ܕܬ݁ܛܥܘܢ ܥܪܣܟ |
| 005:011 | ܗܘ ܕܝ ܐܓܝܒ ܘܐܡܪ ܠܗܘܢ ܕܢ ܕܥܒܕ ܝܬ݁ܝ ܚܠܝܡ{ܐ} ܗܘ ܐܡܪ ܠܝ ܣܒ ܥܪܣܟ ܘܗܠܟ |
| 005:012 | ܘܫ̈ܐܠܘ ܝܬ݁ܗ ܘܐܡܪܝܢ ܠܗ ܡ݁ܢ ܗܘ ܗܕܢ ܒܪܢܫܐ ܕܐܡܪ ܠܟ ܣܒ ܥܪܣܟ ܘܗܠܟ |
| 005:013 | ܗ݀ܘ ܕܝ ܕܐܬܐܣܝ ܠܐ ܗܘܐ ܝܕܥ ܡ݁ܢ ܗܘ ܗܘ ܓܪ ܡܪܐ ܝܣܘܣ ܐܙܠ ܠܗ ܡܢ ܐܬ݁ܪ ܠܐܬ݁ܪ ܕܗܘܐ ܐܘܟ̈ܠܣܐ ܥܠܘܝ |
| 005:014 | ܘܡܢ ܒܬ݁ܪ ܗܠܝܢ ܐܫܟܚ ܝܬ݁ܗ ܡܪܐ ܝܣܘܣ ܠܗܘ ܕܐܬ݁ܣܝ ܒܢܘܣܐ ܘܐܡܪ ܠܗ ܗܐ ܐܬ ܚܠܝܡ ܡܢ ܟܕܘ ܠܐ ܬ݁ܗܐ ܡܣܟܠ ܕܠܐ ܝܗܐ ܠܟ ܒܝܫ ܡܢ ܟܕܢ |
| 005:015 | ܘܐܥܠ ܝܬ݁ܗ ܒܪܢܫܐ ܘܐܡܪ ܠܝܗܘܕܝܝ ܕܡܪܐ ܝܣܘܣ ܗܘ ܕܢ ܕܥܒܕ |
| 005:016 | ܘܠܓܠܠ ܟܕܢ ܗܘܘ ܝܗ̈ܘܕܝܝ ܪ̈ܕܦܝܢ ܠܡܪܐ ܝܣܘܣ ܕܗܠܝܢ ܗܘܐ ܥܒܕ ܒܫܘܒܬܐ |
| 005:017 | ܗܘ ܕܝ ܡܪܐ ܝܣܘܣ ܐܓܝܒ ܘܐܡܪ ܠܗܘܢ ܐܒܐ ܥܕ ܟܕܘ ܥܡܠ ܘܐܢܐ ܥܡܠ |
| 005:018 | ܠܓܠܠ ܟܕܢ ܡܠܘܢ ܗܘܘ ܝܗܘܕܝܝ ܒ̈ܥܝܢ ܕܝܩ̈ܛܘܠܘܢ ܝܬ݁ܗ ܕܠܐ ܒܠܚܘܕ ܫܘܒܬܐ ܗܘܐ ܫܪܐ ܐܠܐ ܕܐܘܦ ܐܠܗܐ ܗܘܐ ܐܡܪ ܕܗܘ ܐܒܘܝ ܘܥܒܕ ܓܪܡܗ ܫܘܐ ܠܐܠܗܐ |
| 005:019 | ܐܓܝܒ ܕܝ ܡܪܐ ܝܣܘܣ ܘܐܡܪ ܠܐܠܗܐ ܐܡܝܢ ܐܡܝܢ ܐܡܪܢܐ ܠܟܘܢ ܕܠܐ ܝܟܠ ܒܪܐ ܕܝܥܒܕ ܟܘܠܡ ܡܢ ܓܪܡܗ ܐܠܐ ܡ݁ܐ ܕܚܡܝ ܐܒܘܝ ܥܒܕ ܡܐ ܓܪ ܕܗܘ ܥܒܕ ܗܠܝܢ ܐܘܦ ܒܪܐ ܟܢ ܘܟܘܬ݁ ܥܒܕ |
| 005:020 | ܐܒܐ ܓܪ ܡܚܒ ܠܒܪܐ ܘܟܘܠܐ ܗܘ ܡܘܕܥ ܠܗ ܡܐ ܕܗܘ ܥܒܕ ܘܪܒܪܒܝܢ ܡܢ ܗܠܝܢ ܥ̈ܘܒܕܝܐ ܗܘ ܡܘܕܥ ܠܗ ܠܓܠܠ ܕܐܬܘܢ ܬ݁ܝܗܘܢ ܬ݁ܡ̈ܗܝܢ |
| 005:021 | ܗܝܟ ܡܐ ܓܪ ܕܐܒܐ ܡܩܝܡ ܡܝ̈ܬ݁ܝܐ ܘܡܚܐ݁ ܠܗܘܢ ܗܟܕܢ ܐܘܦ ܒܪܐ ܠܡ݁ܢ ܕܨܒܐ ܗܘ ܡܚܐ |
| 005:022 | ܐܒܐ ܓܪ ܠܐܢܫ ܠܐ ܕܐܝܢ ܐܠܐ ܟܘܠܗ ܕܝܢܐ ܝܗܒ ܠܒܪܐ܃ |
| 005:023 | ܕܟܘܠܐ ܝܗܘܢ ܡܘܩܪܝܢ ܠܒܪܐ ܗܝܟ ܡܐ ܕܡܘܩܪܝܢ ܠܐܒܐ ܡ݁ܢ ܕܠܐ ܡܘܩܪ ܠܒܪܐ ܠܐ ܡܘܩܪ ܠܐܒܐ ܠܕܝܢ ܕܫܠܚ ܝܬ݁ܗ |
| 005:024 | ܐܡܝܢ ܐܡܝܢ ܐܡܪܢܐ ܠܟܘܢ ܕܡ݁ܢ ܕܫܡܥ ܡܠܬ݁ܝ ܘܡܗܝܡܢ ܒܡ݁ܢ ܕܫܠܚ ܝܬ݁ܝ ܝܗܐ ܠܗ ܚܝܝܗ ܕܠܥܠܡ ܘܠܕܝܢܐ ܠܐ ܐܬܐ ܐܠܐ ܦܢܝ ܡܢ ܡܘܬܐ ܠܚܝܝܐ |
| 005:025 | ܐܡܝܢ ܐܡܝܢ ܐܡܪܢܐ ܠܟܘܢ ܕܐܬ݁ܝܐ ܫܥܐ ܘܟܒܪ ܗܝ ܕܟܕ ܝܫ{ܧ}ܡܘܥܘܢ ܡܝ̈ܬ݁ܝܐ ܩܠܗ ܕܒܪܗ ܕܓܒܪܐ ܘܗܠܝܢ ܕܫ̈ܡܥܝܢ ܚܝ̈ܝܢ |
| 005:026 | ܗܝܟ ܡܐ ܓܪ ܕܐܒܐ ܥܡܗ ܚܝ̈ܝܢ ܒܓܘܗ ܗܟܕܢ ܝܗܒ ܐܘܦ ܠܒܪܐ ܚ̈ܝܝܢ ܕܝܗܘܢ ܥܡܗ ܒܓܘܗ |
| 005:027 | ܘܫܘܠܛܢܘ ܝܗܒ ܠܗ ܕܝܥܒܕ ܕܝܢܐ ܕܗܘ ܒܪܗ ܕܓܒܪܐ |
| 005:028 | ܠܐ ܬܬܡܗܘܢ ܒܗܕܐ ܕܐܬܝܐ ܫܥܐ ܗܕܐ ܕܒܗ ܟܠ ܗܠܝܢ ܕܒܡܩܒܘܪܬܐ ܝܫܡ̈ܘܥܘܢ ܩܠܗ |
| 005:029 | ܘܝܦ̈ܘܩܘܢ ܗܠܝܢ ܕܥܒܕܘ ܒܝܫܬܐ ܠܩܝܡܐ ܕܕܝܢ |
| 005:030 | ܠܝܬ݁ ܐܢܐ ܝܟܠ ܐܢܐ ܕܝܥܒܕ ܟܘܠܡ ܡܢ ܓܪܡܝ ܗܝܟ ܡܐ ܕܐܫܡܥ ܐܢܐ ܕܐܝܢ ܘܕܝܢܝ ܕܝܠܝ ܩܫܝܛ ܗܘ ܕܠܝܬ݁ ܐܢܐ ܒܥܝ ܨܒܝܘܢܝ ܕܝܠܝ ܐܠܐ ܕܗܕܢ ܕܫܠܚ ܝܬ݁ܝ |
| 005:031 | ܐܡܝܢ ܐܡܝܢ ܐܡܪܢܐ ܠܟܘܢ ܐܢ ܐܢܐ ܡܣܝܕ ܥܠ ܓܪܡܝ ܣܗܕܘܬ݁ܝ ܠܝܬ݁ ܗܝ ܩܫܝܛܐ |
| 005:032 | ܚܘܪܢ ܗܘ ܗܕܢ ܕܡܣܝܕ ܥܠ ܕܛܒܝ ܘܝܕܥ ܐܢܐ ܕܩܫܝܛܐ ܗܝ ܣܗܕܘܬܗ ܗܕܐ ܕܗܘ ܡܣܝܕ ܥܠ ܕܛܒܝ |
| 005:033 | ܐܬܘܢ ܫ̈ܠܚܬܘܢ ܠܘܬ݁ ܝܘܚܢܝܣ ܘܐܣܝܕ ܥܠ ܩܘܫܛܐ |
| 005:034 | ܐܢܐ ܕܝ ܡܢ ܒܪܢܫ ܠܝܬ݁ ܐܢܐ ܢܣܒ ܣܗܕܘ ܐܠܐ ܐܢܐ ܗܠܝܢ ܐܡܪ ܕܐܬܘܢ ܬ݁ܚ̈ܘܢ |
| 005:035 | ܗܐܘ ܗܘܐ ܒܘܨܝܢܐ ܕܕܠܩ ܘܡܢܗܪ ܐܬܘܢ ܕܝ ܒ̈ܥܝܬܘܢ ܕܬܬܚ̈ܕܘܢ ܠܫܥܐ ܒܢܗܘܪܗ |
| 005:036 | ܐܢܐ ܕܝ ܥܡܝ ܣܗܕܘ ܪܒܐ ܡܢ ܕܝܘܚܢܝܣ ܥܘܒܕ̈ܝܐ ܓܪ ܗܠܝܢ ܕܝܣܒ ܠܝ ܐܒܐ ܕܝܫܠܡ ܝܬ݁ܗܘܢ ܝܬ݁ܗܘܢ ܥܘ̈ܒܕܝܐ ܗܠܝܢ ܕܐܢܐ ܥܒܕ ܡܣ̈ܝܕܝܢ ܥܠ ܕܛܒܝ ܕܐܒܐ ܫܠܚ ܝܬ݁ܝ |
| 005:037 | ܘܐܒܐ ܕܫܠܚ ܝܬ݁ܝ ܗܘ ܡܣܝܕ ܥܠ ܕܛܒܝ ܗܕܢ ܕܩܠܗ ܡܢ ܝܘ̈ܡܝܟܘܢ ܠܐ ܫ̈ܡܥܬܘܢ ܘܡܚܡܘܝܗ ܠܐ ܚ̈ܡܝܬܘܢ |
| 005:038 | ܘܡܠܬ݁ܗ ܠܝܬ݁ ܗܝ ܥܝܡܝܪܐ ܒܓܘܟܘܢ ܕܠܗܕܝܢ ܕܫܠܚ ܝܬ݁ܝ ܗܘ ܠܝܬ݁ ܐܬܘܢ ܡܗܝܡܢܝܢ |
| 005:039 | ܦܫܦܫܘ ܟܬ݁ܒ̈ܝܐ ܕܐܬܘܢ ܣܒܝܪ̈ܝܢ ܕܒܗܘܢ ܠܟܘܢ ܚܝ̈ܝܢ ܕܠܥܠܡ ܘܗܢܘܢ ܡܣܝܕܝܢ ܥܠ ܕܛܒܝ |
| 005:040 | ܘܠܝܬ݁ ܐܬܘܢ ܨܒܝܢ ܕܬܝܬ݁ܘܢ ܠܘܬ݁ܝ ܕܝܗܐ ܥܡܟܘܢ ܚ̈ܝܝܢ |
| 005:041 | ܬܫܒܘܚܐ ܡܢ ܒܢܝ̈ܢܫ ܠܝܬ݁ ܐܢܐ ܢܣܒ |
| 005:042 | ܐܠܐ ܐܟܪܬ ܝܬ݁ܟܘܢ ܕܚܒܬ݁ܗ ܕܐܠܗܐ ܠܝܬ݁ ܗܝ ܒܓܘܟܘܢ |
| 005:043 | ܐܢܐ ܐܬ݁ܝܬ݁ ܒܫܝܡܗ ܕܐܒܐ ܘܠܝܬ݁ ܐܬܘܢ ܡܩ̈ܒܠܝܢ ܠܝ ܘܐܢ ܝܐܬܐ݁ ܚܘܪܢ ܒܫܝܡܗ ܕܓܪܡܗ ܠܝܬ݁ ܐܬܘܢ ܡܩ̈ܒܠܝܢ |
| 005:044 | ܗܝܟ ܐܬܘܢ ܝܟ̈ܠܝܢ ܕܬ݁ܗܝܡܢܘܢ ܘܬܫܒܘܚܐ ܦܠܓܟܘܢ ܡܢ ܦܠܓ ܐܬܘܢ ܢܣܒܝܢ ܘܬܫܒܘܚܬܐ ܕܝ ܗܕܐ ܕܡܢ ܗܕܢ ܕܗܘ ܒܠܚܘܕܘܝ ܐܠܗܐ ܠܝܬ݁ ܐܬܘܢ ܒܥܝܢ |
| 005:045 | ܠܐ ܬ݁ܗܘܢ ܣܒܝܪ̈ܝܢ ܕܐܢܐ ܡܩܛܪܓ ܠܘܬ ܐܒܐ ܐܝܬ ܡ݁ܢ ܕܡܩܛܪܓ ܠܟܘܢ ܡܘܫܐ ܗܕܢ ܕܥܠܘܝ ܣܒܪ̈ܝܬܘܢ |
| 005:046 | ܐܠܘ ܓܪ ܗܘܝܬܘܢ ܡܗ̈ܝܡܢܝܢ ܠܡܘܫܐ ܐܘܦ ܠܝ ܗܘܝܬܘܢ ܡܗ̈ܝܡܢܝܢ ܗܘ ܟܬ݁ܒ ܥܠ ܕܛܒܝ |
| 005:047 | ܐܝܢ ܕܝ ܠܟܬܒܘ<ܝ> ܕܗܘ ܠܝܬ݁ ܐܬܘܢ ܡܗ̈ܝܡܢܝܢ ܗܝܟ ܠܡ̈ܠܐܝ ܕܝܠܝ ܬ݁ܗ̈ܝܡܢܘܢ |
| 006:001 | ܘܡܢ ܒܬ݁ܪ ܐܙܠ ܠܗ ܡܪܐ ܝܣܘܣ ܠܥܒܪܗ ܕܝܡܐ ܕܓܠܝܠܐ ܕܛܒܪܝܣ |
| 006:002 | ܘܗܘܐ ܕܒܝܩ ܠܗ ܐܘܟܠܣ ܣܓܝ ܕܗܘܘ ܚ̈ܡܝܢ ܐܬ݁ܝܐ ܕܗܘܐ ܥܒܕ ܥܠ ܒܐܝ̈ܫܝܐ |
| 006:003 | ܘܣܠܩ ܠܗ ܡܪܐ ܝܣܘܣ ܠܛܘܪܐ ܘܬ݁ܡ݁ܢ ܗܘܐ ܝܬܝܒ ܥܡ ܬܠ̈ܡܝܕܘܝ |
| 006:004 | ܗܘܐ ܕܝ ܩܪܝܒ ܦ̈ܣܚܐ ܡܘܥܕܗܘܢ ܕܝܗܘܕܝ̈ܝ |
| 006:005 | ܘܬܠܐ ܡܪܐ ܝܣܘܣ ܥ̈ܝܢܘܝ ܘܚܡܐ ܐܘܟܠܣ ܣܓܝ ܐܬܐ ܠܘܬ݁ܗ ܐܡܪ ܠܦܝܠܝܧ̈ܘܣ ܡܢ ܗܢ ܐܢܢ ܙܒܢܝܢ ܠܚܡ ܕܝܟܘܠܘܢ ܗܠܝܢ |
| 006:006 | ܗܕܐ ܕܝ ܗܘܐ ܐܡܪ ܡܢܣܐ ܠܗ ܗܘ ܓܪ ܗܘܐ ܝܕܥ ܡܐ ܗܘ ܥܬܝܕ ܕܝܥܒܕ |
| 006:007 | ܐܓܝܒ ܦܝܠܝܧ̈ܘܣ ܘܐܡܪ ܒܡܬ݁̈ܝܢ ܕܝܢܪܝܢ ܠܐ ܣܦܩ ܠܗܘܢ ܠܚܡ ܕܟܘܠ ܚܕ ܘܚܕ ܡܢܗܘܢ ܝܣܒ ܢܩܘܣ |
| 006:008 | ܐܡܪ ܠܗ ܚܕ ܡܢ ܬ݁ܠܡܝܕܘܝ ܐܢܕܪܝܐܣ ܐܚܘܝ ܕܣܝܡܘܢ ܧ̈ܛܪܘܣ |
| 006:009 | ܐܝܬ݁ ܟܐ ܚܕ ܛܠܝܐ ܕܥܡܗ ܚܡ̈ܝܫ ܠܚܡ ܕܣܥܪܝܢ ܘܬܪ̈ܝܢ ܢܘܢ̈ܝܢ ܐܠܐ ܗ̈ܠܝܢ ܡܐ ܗܢܘܢ ܠܟܘܠ ܗ̈ܠܝܢ |
| 006:010 | ܐܡܪ ܕܝ ܡܪܐ ܝܣܘܣ ܥ̈ܒܕܘ ܒܢܝ̈ܢܫܐ ܕܝܪ̈ܒܘܥܘܢ ܗܘܐ ܕܝ ܬܡ݁ܢ ܒܐܬ݁ܪܐ ܣܓܝ ܥܣܒ ܪ̈ܒܥܘ ܕܝ ܗܠܝܟ ܓܒܪ̈ܝܐ ܘܗܘܐ ܡ̈ܢܝܢܗܘܢ ܗܝܟ ܚ̈ܡܝܫܐ ܐܠܦ̈ܝܢ |
| 006:011 | ܘܢܣܒ ܡܪܐ ܝܣܘܣ ܠܚܡܐ ܘܐܫܬܘܕܝ ܘܝܗܒ ܠܗܠ̈ܝܢ ܕܪ̈ܒܝܥܝܢ ܟܢ ܘܟܘܬ݁ ܐܘܦ ܡܢ ܢ̈ܘܢܝܐ ܟܘܠ ܡܐ ܕܗ̈ܘܘ ܨ̈ܒܝܢ |
| 006:012 | ܟܕ ܣܒ̈ܥܘ ܐܡܪ ܕܝ ܠܬܠ̈ܡܝܕܘܝ ܟ̈ܢܫܘ ܡܘܬ݁ܪܝܐ ܕܩ̈ܨܝܐ ܠܐ ܝܒܘܕ ܟܘܠܘܡ |
| 006:013 | ܟܢܫ̈ܘ ܕܝ ܘܡ̈ܠܘ ܬ݁ܪ̈ܝܥܣܪ ܣܠ̈ܝܢ ܕܩܨ̈ܝܢ ܡܢ ܚܡܝܫܬܐ ܠܚ̈ܡܐ ܕܣܥܪ̈ܝܐ ܡܐ ܕܐܘܬ݁ܪ̈ܘ ܗ̈ܠܝܢ ܕܐܟ̈ܠܘ |
| 006:014 | ܗܠܝܢ ܒܢܝ̈ܢܫܐ ܒܡܐ ܕܚ̈ܡܘ ܐܬ݁ܝܐ ܕܥܒܕ ܡܪܐ ܝܣܘܣ ܗ̈ܘܘ ܐܡܪ̈ܝܢ ܕܗܕܢ ܗܘܐ ܡܢ ܩܘܫܛ ܢܒܝܐ ܕܢ ܗܘ ܕܐܬܐ ܠܥܠܡܐ |
| 006:015 | ܘܡܪܐ ܝܫܘܥ ܟܕ ܝܕܥ ܕܗ̈ܢܘܢ ܥܒܪ̈ܝܢ ܕܝܐܬ݁ܘܢ ܘܝܚܛܘܦ̈ܘܢ ܝܬ݁ܗ ܘܝܥ̈ܒܕܘܢ ܝܬ݁ܗ ܡܠܟ ܐܙܠ ܠܗ ܬܘܒܢ ܠܛܘܪܐ ܗܘ ܒܠܚܘܕܘܝ |
| 006:016 | ܟܕ ܕܝ ܗܘܐ ܪܡܫܐ ܢܚ̈ܬܘ ܬܠ̈ܡܝܕܘܝ ܥܠ ܓܦ ܝܡܐ ܘܣ̈ܠܩܘ ܠܐܠܦܐ |
| 006:017 | ܘܗܘܘ ܐܬ݁ܝܢ ܠܥܒܪܗ ܕܝܡܐ ܠܟܦܪ ܢܚܘܡ ܘܗܘܐ ܩܒܠܐ ܟܒܪ ܘܠܐ ܗܘܐ ܕܐܬܐ ܥܕ ܟܕܘ ܡܪܐ ܝܣܘܣ ܠܘܬ݁ܗܘܢ |
| 006:018 | ܒܡܐ ܕܝ ܕܢܫܦ ܪܘܚ ܪܒ ܐܬ݁ܚܝܠ ܝܡܐ ܘܩܡ ܠܗ ܥܠ<ܝ>ܗܘܢ |
| 006:019 | ܘܗܢܘܢ ܕܒܪ̈ܘ ܒܩܘܧܝܐ ܥܣܪܝܢ ܘܚܡܝܫܐ ܐܣ̈ܛܕܢ ܐܐ݁ ܬ݁ܠܬ݁ܝܢ ܘܗܢܘܢ ܚ̈ܡܝܢ ܠܡܪܐ ܝܣܘܣ ܡܗܠܝܟ ܥܠ ܝܡܐ ܘܡܛܐ ܠܐܠܦܐ ܘܕܚ̈ܠܘ |
| 006:020 | ܗܘ ܕܝ ܐܡܪ ܠܗܘܢ ܐܢܐ ܗܘ ܠܐ ܬܕܚܘܠ̈ܘܢ |
| 006:021 | ܗܘܘ ܕܝ ܒܥ̈ܝܢ ܕܝܣ̈ܒܘܢ ܝܬ݁ܗ ܠܐܠܦܐ ܘܫܘܐ݁ ܐܫܬܟܚܬ݁ ܐܠܦܐ ܝܗܝܒܐ ܒܐܪܥܐ ܠܗܢ ܕܗ̈ܘܘ ܐܙܠܝܢ |
| 006:022 | ܘܠܝܘܡܐ ܬܢܝܢܐ ܝܬ݁ܗ ܐܘܟܠܘܣܐ ܕܗܘܐ ܩܐܡ ܒܥܒܪܗ ܕܝܡܐ ܚ̈ܡܘ ܕܠܐ ܗܘܬ݁ ܬܡ݁ܢ ܐܠܦ ܚܘܪܝ ܐܠܐ ܐܢ ܗܐܝ ܕܣ̈ܠܩܘ ܠܗ݀ ܬܠ̈ܡܝܕܘܝ ܕܡܪܐ ܝܣܘܣ ܘܕܠܐ ܥܠ ܡܪܐ ܝܣܘܣ ܥܡ ܬܠ̈ܡܝܕܘܝ ܠܐܠܦܐ ܐܠܐ ܬܠ̈ܡܝܕܘܝ ܒܠܚ̈ܘܕܝܗܘܢ ܐܙ̈ܠܘ |
| 006:023 | ܘܚܘܪ̈ܢܝܐܢ ܐܠܦ̈ܝܢ ܐܬ݁̈ܐܝ ܡܢ ܛܒܪܝܐܣ ܩܪܝܒ ܠܐܬ݁ܪܐ ܗܢ ܕܐܟ̈ܠܘ ܠܚܡܐ ܟܕ ܐܫܬܘܕܝ ܡܪܐ |
| 006:024 | ܟܕ ܕܝ ܚܡܐ ܐܘܟ̈ܠܣܐ ܕܡܪܐ ܝܣܘܣ ܠܝܬ݁ ܗܘ ܬ݁ܡ݁ܢ ܘܠܐ ܬܠ̈ܡܝܕܘܝ ܣ̈ܠܩܘ ܗܢܘܢ ܠܐܠܦܝ̈ܐ ܘܐܬ݁ܘ ܠܟܦܪ ܢܚܘܡ ܒ̈ܥܝܢ ܠܡܪܐ ܝܣܘܣ |
| 006:025 | ܘܐܫ̈ܟܚܘ ܝܬ݁ܗ ܒܥܒܪܗ ܕܝܡܐ ܘܐܡܪ̈ ܠܗ ܪܒܝ ܐܡܬ݁ܝ ܐܬ݁ܝܬ݁ ܠܟܐ܃ |
| 006:026 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ ܐܡܝܢ ܐܡܝܢ ܐܡܪܢܐ ܠܟܘܢ ܒ̈ܐܥܝܢ ܐܬܘܢ ܠܝ ܠܐ ܠܓܝܠܠ ܕܬ݁ܚ̈ܡܘܢ ܐܬ݁ܝ̈ܢ ܐܠܐ ܕܐܟ̈ܠܬܘܢ ܡܢ ܠܚܡܐ ܘܣ̈ܒܥܬܘܢ |
| 006:027 | ܥܘܡܘ̈ܠܘ ܠܐ ܡܝܟܘܠܬܐ ܕܥܒܪܐ ܘܐܒܕܐ ܐܠܐ ܡܝܟܘܠܬܐ ܗܕܐ ܕܡܟܬܪܐ ܠܚܝ̈ܝܢ ܕܠܥܠܡ ܗܕܐ ܕܒܪܗ ܕܓܒܪܐ ܝܗܒ ܠܟܘܢ ܠܗܕܝܢ ܓܪ ܚܬ݁ܡ ܐܒܐ ܐܠܗܐ |
| 006:028 | ܐܡܪ̈ܝܢ ܠܗ ܡܐ ܢܥܒܕ ܕܢܗܐ݁ ܥܡܠܝܢ ܥܘܒ̈ܕܘܝ ܕܐܠܗܐ |
| 006:029 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ ܗܕܢ ܗܘ ܥܘܒܕܗ ܕܐܠܗܐ ܕܬ݁ܗܘܢ ܡܗ̈ܝܡܢܝܢ ܒܗܕܢ ܕܫܠܚ ܗܘ |
| 006:030 | ܘܐܡܪ̈ܝܢ ܠܗ ܡ݁ܐ ܐܝܬ݁ ܐܬ ܥܒܕ ܕܢܚܡܐ ܘܢܗܝܡܢ ܠܟ ܡ݁ܐ ܐܬ ܥܒܕ |
| 006:031 | ܐܒܗ̈ܬܢ ܐܟ̈ܠܘ ܡܢܬܐ ܒܡܕܒܪܐ ܗܟ ܡ݁ܐ ܕܟܬܝܒ̈ ܕܠܚܡ ܡܢ ܓܘ ܫܘܡܝܐ ܝܗܒ ܠܗܘܢ ܕܝܐܟ̈ܘܠܘܢ |
| 006:032 | ܘܐܡܪ ܠܗܘܢ ܡܪܐ ܝܣܘܣ ܐܡܝܢ ܐܡܝܢ ܐܡܪ ܐܢܐ ܠܟܘܢ ܕܡܘܫܐ݁ ܠܐ ܝܗܒ ܠܟܘܢ ܠܚܡܐ ܡܢ ܓܘ ܫܘܡܝܐ ܐܠܐ ܐܒܐ ܝܗܒ ܠܟܘܢ ܠܚܡܐ ܡܢ ܓܘ ܫܘܡܝܐ ܗܕܢ ܕܗܘ ܡܢ ܩܘܫܛܐ |
| 006:033 | ܠܚܡܗ ܓܪ ܕܐܠܗܐ ܐܝܬ݁ ܗܘ ܗܕܢ ܕܢܚܬ݁ ܡܢ ܓܘ ܫܘܡܝܐ ܘܝܗܒ ܚܝ̈ܝܢ ܠܥܠܡܐ |
| 006:035 | ܐܢܐ ܗܘ ܠܚܡܐ ܕܚܝ̈ܝܐ ܗܕܢ ܕܐܬܐ ܠܘܬ݁ܝ ܠܐ ܟܦܢ ܘܕܢ ܕܡܗܝܡܢ ܒܝ ܠܐ ܨܗܐ ܠܥܠܡ |
| 006:036 | ܐܠܐ ܐܡܪܬ ܠܟܘܢ ܘܚ̈ܡܝܬܘܢ ܝܬ݁ܝ ܘܠܝܬ݁ ܐܬܘܢ ܡܗ̈ܝܡܢܝܢ |
| 006:037 | ܟܘܠ ܡ݁ܐ ܕܝܗܒ ܠܝ ܐܒܐ ܠܘܬ݁ܝ ܐܬܐ ܘܗܕܢ ܕܐܬܐ ܠܘܬ݁ܝ ܠܝܬ݁ ܐܢܐ ܡܦܩ ܠܗ ܠܒܪ |
| 006:038 | ܕܢܚܬܬ݁ ܡܢ ܓܘ ܫܘܡܝܐ ܠܐ ܕܝܗܐ ܐܢܐ ܥܒܕ ܨܒܝܘܢܐ ܕܓܪܡܝ ܐܠܐ ܨܒܝܘܢܗ ܕܐܒܐ ܗܕܝܢ ܕܫܠܚ ܝܬ݁ܝ |
| 006:039 | ܗܕܝܢ ܕܝ ܗܘ ܨܒܝܘܢܗ ܕܐܒܐ ܕܗܕܢ ܕܫܠܝܚ ܝܬܝ ܕܟܘܠ ܡ݁ܐ ܕܝܗܒ ܠܝ ܠܐ ܝܒܘܕ ܡܢܗ ܐܠܐ ܝܩܝܡ ܝܬ݁ܗ ܒܝܘܡܐ ܥܩܒܝܐ |
| 006:040 | ܗܕܢ ܓܪ ܐܝܬܘܝ ܨܒܝܘܢܗ ܕܗܕܢ ܕܫܠܚ ܝܬ݁ܝ ܐܒܐ ܟܘܠ ܡ݁ܢ ܕܚܡܐ ܠܒܪܐ ܘܡܗܝܡܢ ܒܗ ܝܗܐ ܥܡܗ ܚܝ̈ܝܢ ܕܠܥܠܡ ܘܐܢܐ ܡܩܝܡ ܠܗ ܒܝܘܡܐ ܥܩܒܝܐ |
| 006:041 | ܘܗܘܘ ܝܗܘܕܝܝ ܕܝ ܡܪ̈ܢܢܝܢ ܥܠܘ<ܝ> ܕܐܡܪ ܐܢܐ ܗܘ ܠܚܡܐ ܕܢܚܬ݁ܬ݁ ܡܢ ܓܘ ܫܘܡܝܐ |
| 006:042 | ܘܗܘܘ ܐܡܪ̈ܝܢ ܠܐ ܗܕܢ ܗܘ ܝܣܘܣ ܒܪܗ ܕܝܣܘܝܦ ܗܕܝܢ ܕܐܢܗ ܡܟܪܝܢ ܐܒܘܝ ܘܐܝܡܗ ܗܝܟ ܗܘ ܟܕܘ ܐܡܪ ܕܡܢ ܓܘ ܫܘܡܝܐ ܢܚܬ݁ܬ݁ |
| 006:043 | ܐܓܝܒ ܕܝ ܡܪܐ ܝܣܘܣ ܘܐܡܪ ܠܗܘܢ ܠܐ ܬ݁ܪ̈ܢܢܘܢ ܦܠܓܟܘܢ ܥܡ ܦܠܓ |
| 006:044 | ܐܢܫ ܠܐ ܝܟܠ ܕܝܐܬܐ ܠܘܬ݁ܝ ܐܠܐ ܐܢ ܐܒܐ ܕܫܠܚ ܝܬ݁ܝ ܝܓܘܕ ܝܬ݁ܗ ܘܐܢܐ ܡܪܝܡ ܠܗ ܒܝܘܡܐ ܥܩܒܝܐ |
| 006:047 | ܐܡܪ ܡܪܐ ܠܝܘܕܝܝ̈ܢ ܐܡܝܢ ܐܡܝܢ ܐܢܐ ܠܟܘܢ |
| 006:048 | ܐܢܐ ܗܘ ܠܚܡܐ ܕܚ̈ܝܝܐ |
| 006:049 | ܐܒ̈ܗܬ݁ܟܘܢ ܐܟ̈ܠܘ ܡܢܬܐ ܒܡܕܒܘܪܐ ܘܡܝܬ̈ܘ |
| 006:050 | ܗܕܢ ܗܘ ܠܚܡܐ ܕܡܢ ܫܘܡܝܐ ܢܚܬ݁ ܕܝܐܟ̈ܘܠ ܐܢܫ ܡܢܗ ܘܠܐ ܝܡܘܬ݁ |
| 006:051 | ܐܢܐ ܗܘ ܠܚܡܐ ܚܝܐ ܡܢ ܓܘ ܫܘܡܝܐ ܢܚܬ݁ ܡܢ ܕܐܟܠ ܡܢ ܗܕܢ ܠܚܡܐ {ܢ}<ܝ>ܚܐ ܠܥܠܡ ܘܠܚܡܐ ܕܐܢܐ ܝܗܒ ܗܘ ܒܣܪܝ ܗܕܝܢ ܕܐܢܐ ܝܗܝܒ ܥܠ ܛܒ ܚܝ̈ܘܝ ܕܥܠܡܐ |
| 006:052 | ܘܗܘܘ ܝܗ̈ܘܕܝܝ ܨܚܒ̈ܝܢ ܦܠܓܗܘܢ ܥܡ ܦܠܓ ܘܐܡܪ̈ܝܢ ܗܝܟ ܗܕܢ ܝܟܠ ܕܝܬܠ ܠܢ ܒܣܪܗ ܕܢܝܟ̈ܘܠ ܝܬ݁ܗ |
| 006:053 | ܘܐܡܪ ܠܗܘܢ ܡܪܐ ܝܣܘܣ̈ ܐܡܝܢ ܐܡܝܢ ܐܡܪ ܐܢܐ ܠܟܘܢ ܕܐܢ ܠܐ ܬܝܟܘܠ̈ܘܢ ܒܣܪܗ ܕܒܪܗ ܕܓܒܪܐ ܘܬܫ̈ܬܘܢ ܐܕܡܗ ܠܝܬ ܥܡܟܘܢ ܚܝ̈ܝܢ ܒܓܘܟܘܢ |
| 006:054 | ܡ݁ܢ ܕܐܟܠ ܒܣܪܝ ܘܫܬܐ ܐܕܡܝ ܗܐ ܥܡܗ ܚܝ̈ܝܢ ܕܠܥܠܡ ܘܐܢܐ ܡܩܝܡ ܠܗ ܒܝܘܡܐ ܥܩܒܝܐ |
| 006:055 | ܒܣܪܝ ܓܪ ܡܢ ܩܘܫܛ ܡܝܟ̈ܘܠܐ ܗܘ ܘܐܕܡܝ ܡܢ ܩܘܫܛ ܡܫܬܐ݁ ܐܝܬ݁ ܗܘ |
| 006:056 | ܡܢ ܕܐܟܠ ܒܣܪܝ ܘܫܬܐ ܐܕܡܝ ܒܝ ܗܘ ܡܟܬܪ ܘܐܢܐ ܒܓܘܗ |
| 006:057 | ܗܝܟ ܡ݁ܐ ܕܫܠܚ ܝܬ݁ܝ ܐܒܐ ܡܝܐ ܘܐܢܐ ܚܐܝ ܠܓܠܠ ܐܒܐ ܘܕܢ ܕܐܟܠ ܠܝ ܐܘܦ ܗܘ ܚܝܐ ܠܓܠܠܝ |
| 006:058 | ܗܕܝܢ ܗܘ ܠܚܡܐ ܕܢܚܬ݁ ܓܘ ܫܘܡܝܐ ܠܐ ܗܝܟ ܕܐܟ̈ܠܘ ܐܒ̈ܗܬ݁ܟܘܢ ܒܡܕܒܪܐ ܘܡܝ̈ܬܘ ܡ݁ܢ ܕܐ̈ܟܠ ܗܕܝܢ ܠܚܡܐ ܝܚܐ ܠܥܠܡ |
| 006:059 | ܗ̈ܠܝܢ ܐܡܪ ܒܟܢܝܫܬܐ ܡܠܦ ܒܟܦܪ ܢܚܘܡ |
| 006:060 | ܣܓܝ ܐܘܢ ܡܢ ܬܠ̈ܡܝܕܘܝ ܟܕ ܫܡ̈ܥܘ ܗܕܐ ܡܠܬܐ ܐܡܪ̈ܘ ܩܫܝܐ ܗܝ ܗܕܐ ܡܠܬܐ ܡ݁ܢ ܝܟܠ ܕܝܫܡܘܥ ܡܢܗ |
| 006:061 | ܘܝܕܥ ܡܪܐ ܝܣܘܣ ܒܓܪܡܗ ܕܗܢ̈ܘܢ ܡܪܢܝܢܝܢ ܥܠ ܛܒ ܗܕܐ ܬܠ̈ܡܝܕܘܝ ܘܐܡܪ ܠܗܘܢ ܗܕܐ ܟܫܠܐ ܠܟܘܢ |
| 006:062 | ܐܢ ܐܘܢ ܬ݁ܚܡܘܢ ܠܒܪܗ ܕܓܒܪܐ ܣܠܩ ܠܗܢ ܕܗܘܐ ܡܢ ܩܘܕܡ |
| 006:063 | ܪܘܚܐ ܗܝ ܗܕܐ ܕܡܚܝܐ ܒܣܪܐ ܟܘܠܘܡ ܠܐ ܡܗܢܐ ܡܠ̈ܝܐ ܗ̈ܠܝܢ ܕܡܠܠܬ݁ ܠܟܘܢ ܪܘܚ ܗ̈ܢܘܢ ܘܚ̈ܝܝܢ ܗܢ̈ܝܢ |
| 006:064 | ܐܠܐ ܐܝܬ݁ ܐܢܫ̈ܝܢ ܡܢܟܘܢ ܕܠܝܬ݁ ܗܢܝܢ ܡܗ̈ܝܡܢܝܢ ܝܕܥ ܗܘܐ ܓܪ ܡܪܐ ܝܣܘܣ ܡܢ ܪܝܫ ܡ݁ܢ ܗܢܘܢ ܗ̈ܠܝܢ ܕܠܐ ܡܗ̈ܝܡܢܝܢ ܘܡ݁ܢ ܗܘ ܕܢ ܕܡܣܪ ܠܗ |
| 006:065 | ܘܗܘܐ ܐܡܪ ܠܓܠܠ ܟܕܢ ܐܡܪܬ݁ ܠܟܘܢ ܕܐܢܫ ܠܐ ܝܟܠ ܕܝܐܬܐ ܠܘܬ݁ܝ ܐܠܐ ܐܢ ܗܘܐ ܝܗܝܒ ܠܗ ܡܢ ܠܥܝܠ ܡܢ ܠܘܬ݁ ܐܒܐ |
| 006:066 | ܡܢ ܠܓܠܠ ܗܕܐ ܐܘܢ ܣܓܝ ܡܢ ܬܠ̈ܡܝܕܘܝ ܐܙܠ̈ܘ ܠܗܘܢ ܠܚܘܪܝܐ ܘܥܘܕ ܠܐ ܗܘܘ ܡܗ̈ܠܟܝܢ ܥܡܗ |
| 006:067 | ܘܐܓܝܒ ܡܪܐ ܝܣܘܣ ܘܐܡܪ ܠܬ݁ܪܝܥܣܪܬܐ ܕܡܐ ܐܘܦ ܐܬܘܢ ܨ̈ܒܝܢ ܕܬܝܙܠܘܢ ܠܟܘܢ |
| 006:068 | ܐܓܝܒ ܣܝܡܘܢ ܧܛܪܘܣ ܘܐܡܪ ܠܗ ܡܪܐ ܠܘܬ݁ ܡܢ ܐܢ̈ܗ ܐܙܠ̈ܝܢ ܡܠ̈ܝܢ ܓܪ ܕܚܝ̈ܝܢ ܕܠܥܠܡ ܥܡܟ |
| 006:069 | ܘܐܢܗ ܗܝܡܢܗ ܘܐܟܪܢܗ ܕܐܬ ܗܘ ܡܫܝܚܐ ܒܪܗ ܕܐܠܗܐ ܚܝܐ |
| 007:001 | ܘܡܢ ܒܬ݁ܪ ܟܕܢ ܗܘܐ ܡܪܐ ܝܣܘܣ ܡܗܠܟ ܒܓܠܝܠܐ ܠܐ ܓܪ ܗܘܐ ܨܒܐ ܕܝܗܠܟ ܒܝܘܕܝܐ ܕܗܘ̈ܘ ܝܗ̈ܘܕܝܝ ܒ̈ܥܝܢ ܕܝܩ̈ܛܘܠܘܢ ܝܬ݁ܗ |
| 007:002 | ܗܘܐ ܕܝ ܩܪܝܒ ܡܘܥܕܗܘܢ ܕܝܗ̈ܘܕܝܝ ܕܡ̈ܛܠܐܝܐ |
| 007:003 | ܘܐܡܪ̈ܝܢ ܠܗ ܐܚ̈ܘܝ ܦܢܝ ܡܢ ܟܐ ܘܐܙܠ ܠܟ ܠܝܘܕܝܐ ܠܓܠܠ ܕܐܘܦ ܬܠ̈ܡܝܕܝܟ ܝܚ̈ܡܘܢ ܥܘܒ̈ܕܝܟ ܗ̈ܠܝܢ ܕܐܬ ܥܒܕ |
| 007:004 | ܠܝܬ݁ ܐܢܫ ܥܒܕ ܓܪ ܟܘܠܡ ܒܛܘܡܪܝܢ ܘܒܥܐ ܕܗܘ ܝܗܐ ܒܧܪܝܣܝܐ ܐܢ ܗ̈ܠܝܢ ܐܬ ܥܒܕ ܓܠܝ ܓܪܡܟ ܠܥܠܡܐ |
| 007:005 | ܐܘܦ ܠܐ ܐܚ̈ܘܝ ܓܪ ܠܐ ܗܘ̈ܘ ܡܗ̈ܝܡܢܝܢ ܒܗ |
| 007:006 | ܐܡܪ ܠܗ̈ܘܢ ܐܘܢ ܡܪܐ ܝܣܘܣ ܩܝܪܘܣ ܕܝܠܝ ܥܕ ܟܕܘ ܠܝܬ݁ ܗܘ ܩܝܪܘܣܟܘܢ ܕܝ ܕܝܠܟܘܢ ܒܟܘܠ ܥܪ ܗܘ ܥܬܝܕ |
| 007:007 | ܠܐ ܝܟܠ ܥܠܡܐ ܕܝܗܐ ܣܢܐ ܠܟܘܢ ܠܝ ܗܘ ܣܢܐ ܕܐܢܐ ܡܣܝܕ ܥܠܘܝ ܥܘܒ̈ܕܘܝ ܒܝܫ̈ܝܢ ܗܢ̈ܘܢ |
| 007:008 | ܐܬ̈ܘܢ ܣ̈ܘܩܘ ܠܗܕܢ ܡܘܥܕܐ ܐܢܐ ܕܝ ܟܕܘ ܠܝܬ݁ ܐܢܐ ܣܠܩ ܠܡܘܥܕܐ ܗܕܢ ܩܝܪܘܣ ܕܝܠܝ ܥܕ ܟܕܘ ܠܐ |
| 007:009 | ܟܕ ܕܝ ܐܡܪ ܠܗ̈ܘܢ ܗ̈ܠܝܢ ܟܬ݁ܪ ܗܘ ܒܓܠܝܠܐ |
| 007:010 | ܘܟܕ ܣ̈ܠܩܘ ܐܚ̈ܘܝ ܠܡܘܥܕܐ ܒܟܢ ܐܘܦ ܗܘ ܣܠܩ ܠܐ ܒܓܘܠܐܝ܃ ܠܐ ܗܝܟ ܒܛܘܡܪܝܢ |
| 007:011 | ܝܗܘܕܝ̈ܝ ܐܘܢ ܗܘ̈ܘ ܒܥ̈ܝܢ ܠܗ ܒܡܘܥܕܐ ܘܗܘ̈ܘ ܐܡܪ̈ܝܢ ܗܢ ܗܘ ܗܐܘ |
| 007:012 | ܘܪ̈ܢܘܢ ܣܓܝ ܗܘܐ ܥܠ ܛܒܗ ܒܐܘܟܠܣܐ ܡܢܗ̈ܘܢ ܗ̈ܘܘ ܐܡܪ̈ܝܢ ܕܗܘ ܛܒ ܘܚܘܪ̈ܢܝܢ ܗܘ̈ܘ ܐܡܪ̈ܝܢ ܠܐ ܐܠܐ ܡܛܥܐ ܗܘ ܩܗܠܐ |
| 007:013 | ܐܢܫ ܕܝ ܒܧܪܝܣܝܐ ܠܐ ܗܘܐ ܡܡܠܠ ܥܠ ܛܒܗ ܠܓܝܠܠ ܕܚܠܬ݁ܗܘܢ ܕܝܗܘܕ̈ܝܝ |
| 007:014 | ܟܕ ܕܝ ܗܘܐ ܡܘܥܕܐ ܒܦܠܓܗ ܘܣܠܩ ܡܪܐ ܝܣܘܣ ܠܢܘܣܐ ܗܘܐ ܡܠܦ |
| 007:015 | ܘܗ̈ܘܘ ܝܗܘ̈ܕܝܝ ܡܬ݁̈ܡܗܝܢ ܘܐܡܪ̈ܝܢ ܗܝܟ ܗܕܝܢ ܝܕܥ ܟܬ̈ܒܝܢ ܘܗܘ ܠܐ ܝܠܦ |
| 007:016 | ܘܐܓܝܒ ܡܪܐ ܝܣܘܣ ܘܐܡܪ ܠܗܘܢ ܐܘܠܦܢܝ ܕܝܠܝ ܠܝܬ݁ ܗܘ ܕܝܠܝ ܐܠܐ ܕܐܒܐ ܕܫܠܚ ܝܬ݁ܝ |
| 007:017 | ܐܢ ܨܒܐ ܐܢܫ ܕܝܥܒܕ ܨܒܝܘܢܗ ܡܟܪ ܗܘ ܥܠ ܕܛܒܗ ܕܐܘܠܦܢܝ ܐܢ ܡܢ ܐܠܗܐ ܗܘ ܐܐ݁ ܐܢ ܐܢܐ ܡܢ ܓܪܡܝ ܐܢܐ ܡܡܠܠ |
| 007:018 | ܗܕܢ ܕܡܢ ܓܪܡܗ ܗܘ ܡܡܠܠ ܬܫܒܘܚܬܗ ܕܓܪܡܗ ܗܘ ܒܥܐ ܕܢ ܕܝ ܕܒܥܐ ܬܫܒܘܚܬܗ ܕܕܢ ܕܫܠܚ ܝܬ݁ܗ ܗܕܢ ܩܫܝܛ ܗܘ ܘܛܘܠܘܡ ܠܝܬ݁ ܒܗ |
| 007:019 | ܠܐ ܡܘܫܐ ܝܗܒ ܠܟܘܢ ܢܝܡܘܣܐ ܘܐܢܫ ܡܢܟܘܢ ܠܐ ܥܒܕ ܢܝܡܘܣܐ ܠܡܐ ܐܬܘܢ ܒ̈ܥܝܢ ܕܬ݁ܩ̈ܛܘܠܘܢ ܝܬ݁ܝ |
| 007:020 | ܐܓܝܒ ܐܘܟ̈ܠܣܐ ܘܐܡܪ ܠܗ ܫܝܕ ܥܠܝܟ ܡ݁ܢ ܒܥܐ ܕܝܩܛܘܠ ܝܬ݁ܟ |
| 007:021 | ܐܓܝܒ ܡܪܐ ܝܣܘܣ ܘܐܡܪ ܠܗ̈ܘܢ ܚܕ ܥܘܒܕ ܥܒܕܬ݁ ܘܟܘܠܟܘܢ ܬܡܗ̈ܝܢ |
| 007:022 | ܠܓܠܠ ܟܕܢ ܡܘܫܐ ܝܗܒ ܠܟܘܢ ܓܘܙܪܬܐ ܠܐ ܗܝܟ ܕܡܢ ܡܘܫܐ݁ ܗܝ ܐܠܐ݁ ܡܢ ܐܒ̈ܗܬܐ ܘܒܫܘܒܬܐ ܐܬܘܢ ܓܙܪ̈ܝܢ ܒܪܢܫ |
| 007:023 | ܒܫܘܒܬܐ ܢܣܒ ܓܙܘܪܬܐ ܕܠܐ ܝܫܪܝ ܢܝܡܘܣܐ ܕܡܘܫܐ݁ ܥܠܐܝ ܗܝܟ ܐܬܘܢ ܡܬ݁ܚ̈ܡܬ݁ܝܢ ܕܟܘܠܗ ܒܪܢܫܐ ܥܒܕܬ ܚܠܝܡ ܒܫܘܒܬܐ |
| 007:024 | ܠܐ ܬ݁ܕܘ̈ܢܘܢ ܒܡܣܒܬ݁ ܐܦ̈ܝܢ ܐܠܐ݁ ܕܝܢܐ ܕܨܕܩܐ ܕܘܢ̈ܘ |
| 007:025 | ܗ̈ܘܘ ܕܝ ܐܢܫ̈ܝܢ ܐܡܪ̈ܝܢ ܡܢ ܒ̈ܢܝ ܝܪܘܫܠܝܡ ܠܐ ܗܕܢ ܗܘ ܕܢ ܕܗܘ̈ܘ ܒ̈ܥܝܢ ܕܝܩ̈ܛܘܠܘܢ |
| 007:026 | ܘܗܐ ܒܦܪܝܣܝܐ ܗܘ ܡܡܠܠ ܘܟܘܠܘܡ ܠܐ ܐܡܪ̈ܝܢ ܠܗ ܕܠܡܐ ܡܢ ܩܘܫܛ ܐܟܪ̈ܘ ܐܪ̈ܟܘܢܝܐ ܕܗܕܢ ܗܘ ܡܢ ܩܘܫܛ ܡܫܝܚܐ |
| 007:027 | ܐܠܐ ܠܕܝܢ ܐܢ̈ܗ ܡܟܪ̈ܝܢ ܡܢ ܗܢ ܗܘ ܡܫܝܚܐ ܟܕ ܝܐܬܐ ܐܢܫ ܠܐ ܡܟܪ ܡܢ ܗܢ ܗܘ |
| 007:028 | ܘܐܨܝܚ ܡܪܐ ܝܣܘܣ ܡܠܦ ܒܢܘܣܐ ܘܐܡܪ ܐܘܦ ܠܝ ܐܬܘܢ ܡܟܪ̈ܝܢ ܘܡ݁ܢ ܐܢܐ ܐܬܘܢ ܝܕܥܝܢ ܘܡܢ ܓܪܡܝ ܠܐ ܐܬ݁ܝܬ݁ ܐܠܐ ܩܫܝܛ ܗܘ ܗܕܢ ܕܫܠܚ ܝܬ݁ܝ ܗܕܝܢ ܕܐܬܘܢ ܠܐ ܡܟܪ̈ܝܢ ܠܗ |
| 007:029 | ܐܢܐ ܕܝ ܡܟܪ ܠܗ ܕܡܢ ܠܘܬ݁ܗ ܐܢܐ ܐܬ݁ܝܬ݁ ܘܗܘ ܫܠܚ ܝܬ݁ܝ |
| 007:037 | ܒܝܘܡܐ ܕܝ ܥܩܒ<ܝ>ܐ ܕܡܘܥܕܐ ܪܒܐ ܗܘܐ ܡܪܐ ܝܣܘܣ ܩܐܡ ܘܐܨܝܚ ܘܐܡܪ ܡܢ ܕܨܗܐ ܝܐܬܐ ܠܘܬ݁ܝ ܘܝܫܬܐ |
| 007:038 | ܡܢ ܕܡܗܝܡܢ ܒܝ ܗܝܟ ܕܐܡܪ ܟܬܒܐ ܢܗܪܝܢ ܕܡܝܢ ܚܝܝܢ ܢܓܕܝܢ ܡܢ ܟܪܣܗ |
| 007:039 | ܗܕܐ ܕܝ ܐܡܪ ܥܠ ܛܒܗ݀ ܕܪܘܚܐ ܡܐ ܕܗܘܘ ܥܬܝܕܝܢ ܕܝܣܒܘܢ ܗܠܝܢ ܕܡܗܝܡܢܝܢ ܒܗ ܥܕ ܟܕܘ ܓܪ ܠܐ ܗܘܬ ܪܘܚܐ ܕܩܘܕܫܐ ܝܗܝܒܐ ܠܓܠܠ ܕܡܪܐ ܝܣܘܣ ܠܐ ܗܘܐ ܕܐܫܬܒܚ ܥܕ ܟܕܘ |
| 007:040 | ܣܓܝ ܐܘܢ ܡܢ ܐܘܟܠܘܣܐ ܟܕ ܫ̈ܡܥܘ ܗܠܝܢ ܡܠܝܐ ܗܘܘ ܐܡܪܝܢ ܗܕܝܢ ܗܘ ܡܢ ܩܘܫܛ ܢܒܝܐ |
| 007:041 | ܘܚܘܪܢܝܢ ܗܘܘ ܐܡܪܝܢ ܕܡܐ ܓܪ ܡܢ ܓܠܝܠܐ ܡܫܝܚܐ ܐܬܐ݁ |
| 007:042 | ܠܐ ܟܬܒܐ ܐܡܪ ܕܡܢ ܙܪܥܐ ܕܘܝܕ ܘܡܢ ܒܝܬ ܠܚܡ ܩܪܬܐ ܗܢ ܕܗܘܐ ܕܘܝܕ ܐܬܐ ܡܫܝܚܐ |
| 007:043 | ܘܒܙܥ ܐܬ݁ܥܒܕ ܒܐܘܟܠܣܐ ܠܓܠܠܗ |
| 007:044 | ܐܢܫܝܢ ܕܝ ܡܢܗܘܢ ܗܘܘ ܨ̈ܒܝܢ ܕܝܨܘܕܘܢ ܝܬ݁ܗ ܐܠܐ ܐܢܫ ܠܐ ܪܡܐ ܥܠܘܝ ܐܝܕܝܐ |
| 007:045 | ܐܬܘ ܕܝ ܗܧܪܝܛܝܐ ܠܘܬ݁ ܪܝܫܐ݁ ܟܗܢܝܐ ܘܣܦܪܝܐ ܘܦܪܝܫܝܝ ܘܐܡܪܘ ܠܗܘܢ |
| 007:046 | ܡܢ ܝܘܡܘܝ ܠܐ ܡܠܠ ܒܪܢܫ ܟܕܢ ܗܝܟ ܕܗܕܝܢ ܒܪܢܫܐ ܡܡܠܠ |
| 007:047 | ܘܐܓܝܒܘ ܦܪܝܫܝܝ ܘܐܡܪܝܢ ܠܗܘܢ ܕܡܐ ܐܘܦ ܐܬܘܢ ܛܥܝܬܘܢ |
| 007:048 | ܕܡܐ ܐܢܫ ܡܢ ܐܪܟܘܢܝܐ ܗܝܡܢ ܒܗ ܐܐ ܡܢ ܦܪܝܫܝܝ |
| 007:049 | ܐܠܐ ܗܕܝܢ ܐܘܟܠܣܐ ܕܠܐ ܡܟܪ ܢܝܡܘܣܐ ܠܝܛܝܢ ܗܢܘܢ |
| 007:050 | ܘܐܡܪ ܢܝܩܘܕܝܡܘܣ ܠܩܘܒܠܗܘܢ ܗܕܢ ܕܐܬܐ ܠܘܬ ܡܪܐ ܝܣܘܣ ܡܢ ܩܘܕܡ ܗܕܝܢ ܕܗܘܐ ܚܕ ܡܢܗܘܢ |
| 007:051 | ܕܡܐ ܢܝܡܘܣܢ ܕܐܝܢ ܠܒܪܢܫ ܐܠܐ ܐܢ ܫܡܥ ܡܢܗ ܩܡܐܝ ܘܝܕܥ ܡܐ ܗܘ ܥܒܕ |
| 007:052 | ܐܓܝܒܘ ܕܝ ܘܐܡ̈ܪܝܢ ܠܗ ܕܡܐ ܐܘܦ ܐܬ ܡܢ ܓܠܝܠܐ ܐܬ ܦܫܦܫ ܘܚܡܝ ܕܡܢ ܓܠܝܠܐ ܢܒܐ݁ ܠܐ ܩܐܡ |
| 007:053 | ܘܐܙܠܘ ܠܗܘܢ ܟܘܠ ܐܢܫ ܠܒܝܬܗ |
| 008:001 | ܡܪܐ ܝܣܘܣ ܐܙܠ ܠܛܘܪܐ ܕܙܝܬܐ |
| 008:002 | ܘܬܘܒܢ ܡܢ ܩܪܝܨܐ ܐܬܐ ܠܢܘܣܐ ܘܟܘܠܗ ܩܗܠܐ ܗܘܐ ܐܬܐ ܠܘܬܗ ܘܝܬܒ ܠܗ ܘܗܘܐ ܡܠܦ ܠܗܘܢ |
| 008:003 | ܘܒܟܢ ܐܝ̈ܬܝܘ ܣܦܪܝܐ ܘܦܪ̈ܝܫܝܝ ܠܩܘܕܡ ܡܪܐ ܝܣܘܣ ܐ݁ܬܬܐ ܕܐ݁ܬ݁ܨܝܕܬ݁ ܡܣܟܠܐ݁ ܘܗܢܘܢ ܐ݁ܩ̈ܝܡܘ ܝܬ݁ܗ ܒܡܨܥܬܐ݁ |
| 008:004 | ܘܐ݁ܡܪ̈ܝܢ ܠܗ ܡܠܦܢܐ ܗ݀ܕܐ݁ ܐ݁ܬܬܐ݁ ܟܕܘ ܐ݁ܬ݁ܨܝܕܬ݁ ܡܣܟܠܐ݁ |
| 008:005 | ܒܢܝܡܘܣܐ݁ ܕܝ ܡܘܫܐ ܡܦܩܕ ܘܢܗܐ݁ ܪ̈ܓܡܝܢ ܠܕܓܢܣܗ̈ܝܢ ܕܗ̈ܠܝܢ ܐ݁ܬ ܕܝ ܡܐ݁ ܐ݁ܡܪ |
| 008:006 | ܗ݀ܕܐ݁ ܕܝ ܐ݁ܡܪ̈ܘ ܡܢܣ̈ܝܢ ܠܗ ܕܝܗܐ ܠܗܘܢ ܡܐ݁ ܕܝܩܛܪ̈ܓܘܢ ܝܬܗ ܘܗܘܐ ܝܣܘܣ ܐ݁ܡܟ ܐ݁ܧ̈ܘܝ ܠܐܪܥܐ݁ ܘܗܘܐ݁ ܟܬ݁ܒ ܒܐܨܒܥܗ ܒܐܪܥܐ |
| 008:007 | ܒܡܐ݁ ܕܝ ܕܣܘܒܪܘ ܫ̈ܐܠܝܢ ܠܗ ܒܟܢ ܬܠܐ݁ ܐ݁ܧ̈ܘܝ ܘܐ݁ܡܪ ܠܗܘܢ ܗܝܕܢ ܡܢܟܘܢ ܕܠܐ݁ ܐ݁ܣܟܠ ܗܘ ܩܡܐ݁ܝ ܝܫܕܐ ܥܠܝܗ݀ ܟܝܦܐ݁ |
| 008:008 | ܘܬܘܒܢ ܐ݁ܡܟ ܐ݁ܦܘ̈ܝ ܘܗܘܐ݁ ܟܬ݁ܒ ܒܐܪܥܐ݁ |
| 008:009 | ܘܗܢܘܢ ܟܕ ܫܪ̈ܘ ܐܙ̈ܠܝܢ ܠܗܘܢ ܚܕ ܚܕ ܠܒܝܬܗ ܡܢ ܣܒܝܐ݁ ܥܕܡܐ݁ ܠܛܠܝܐ ܘܐ݁ܫܬܟܚ ܗܘ ܒܠܚܘܕܘܗܝ ܘܐܬܬܐ ܗܘܬ݁ ܩܐܡܐ ܒܡܨܥܬ݁ܗ݀ |
| 008:010 | ܘܬܠܐ݁ ܓܪܡܗ ܡܪܐ݁ ܝܣܘܣ ܘܐ݁ܡܪ ܠܗ ܐܬܬܐ݁ ܗܢ ܗܢܘܢ ܐܢܫ ܠܐ ܚܝܒ ܝܬ݁ܟܝ |
| 008:011 | ܗܝ ܕܝ ܐ݁ܡܪܬ݁ ܘܠܐ ܐܢܫ ܡܪܝ ܘܐ݁ܡܪ ܠܗ݀ ܡܪܐ ܝܣܘܣ ܐܘܦ ܠܐ݁ ܐܢܐ݁ ܠܝܬ݁ ܐ݁ܢܐ݁ ܡܚܝܒ ܠܝܟܝ ܐܙܠܝ ܘܡܢ ܟܕܘ ܠܐ ܬܗܝܢ ܡܣܟܠܐ݁ |
| 008:012 | ܐܢܐ ܗܘ ܢܗܘܪܗ ܕܥܠܝܡܐ ܡ݁ܢ ܗܘܐ ܕܕܒܩ ܠܝ ܠܐ ܡܗܠܟ ܒܩܒܠܐ ܐܠܐ ܗܘܐ ܥܡܗ ܢܗܘܪܐ ܕܚܝ̈ܝܐ |
| 008:013 | ܐܡܪ̈ܝܢ ܠܗ ܐܘܢ ܝܗܘܕܝܝ ܐܬ ܡܣܝܕ ܥܠ ܛܒ ܓܪܡܟ ܣܗܕܘܬ݁ܟ ܠܝܬ݁ ܗܝ ܩܫܝܛܐ |
| 008:014 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ ܐܘܦ ܐܢ ܐܢܐ ܡܣܝܕ ܣܗܕܘܬ݁ܝ ܩܫܝܛܐ ܗܝ ܐܢܐ ܝܕܥ ܡܢ ܗܢ ܐܬ݁ܝܬ݁ ܘܠܗܢ ܐܢܐ ܐܙܠ |
| 008:015 | ܐܬܘܢ ܗܝܟ ܕܒܣܪܐ ܐ݁ܬܘܢ ܕܐܝܢ̈ܝܢ ܐܢܐ ܠܝܬ݁ ܐܢܐ ܕܐܝܢ ܠܐܢܫ |
| 008:016 | ܘܐܢ ܕܝܢ ܕܐܢ ܕܝܢܝ ܕܝܠܝ ܩܫܝܛ ܗܘ ܕܠܝܬ݁ ܐܢܐ ܠܓܪܡܝ ܐܠܐ ܐܢܐ ܘܕܢ ܕܫܠܚ ܝܬ݁ܝ ܐܒܐ |
| 008:017 | ܘܒܢܝܡܘܣܐ ܕܝ ܕܝܠܟܘܢ ܟܬ݁ܒ ܕܣܗܕܘܬ݁ܗܘܢ ܕܬܪ̈ܝܢ ܒܢܝ̈ܢܫܐ ܩܫܝܛܐ ܗܝ |
| 008:018 | ܐܢܐ ܡܣܝܕ ܥܠ ܛܒ ܓܪܡܝ ܘܡܣܝܕ ܥܠ ܕܛܒܝ ܐܒܐ ܕܢ ܕܫܠܝܚ ܝܬ݁ܝ |
| 008:019 | ܘܗܘ̈ܘ ܐܡܪܝܢ ܠܗ ܗܢ ܗܘ ܐܒܘܟ ܐܓܝܒ ܡܪܐ ܝܣܘܣ ܘܐܡܪ ܠܗܘܢ ܠܐ ܠܝ ܐܬܘܢ ܡܟܪܝܢ ܘܠܐ ܠܐܒܐ ܐܠܘ ܗܘ̈ܝܬܘܢ ܡܟܪ̈ܝܢ ܠܝ ܐܘܦ ܠܐ݁ܒܐ݁ ܗܘ̈ܝܬܘܢ ܡܟܪ̈ܝܢ |
| 008:020 | ܗ̈ܠܝܢ ܡܠܝ̈ܐ ܡܠܠ ܒܒܝܬ݁ ܩܘܪܒܢܐ ܡܠܦ ܒܢܘܣܐ ܘܐܢܫ ܠܐ ܨܕ ܝܬ݁ܗ ܕܥܕ ܟܕܘ ܠܐ ܗܘܐ ܕܐܬ݁ܬ݁ ܫܥܬ݁ܗ |
| 008:021 | ܘܐܡܪ ܠܗܘܢ ܡܪܐ ܝܣܘܣ ܐܢܐ ܐܙܠ ܠܝ ܘܐܬܘܢ ܗܘܢ ܒ̈ܥܝܢ ܝܬ݁ܝ ܒܣܟܠܬ݁ܟܘܢ ܐܬܘܢ ܡܐܬ݁ܝܢ ܘܠܗܢ ܕܐܢܐ ܐܙܝܠ ܐܬܘܢ ܠܝܬ݁ ܐܬܘܢ ܝܟܠܝܢ ܕܬ݁ܝܬ݁ܘܢ |
| 008:022 | ܘܗ̈ܘܘ ܝܘܕܝ̈ܝ ܐܡܪ̈ܝܢ ܕܡܐ ܩܛܠ ܗܘ ܓܪܡܗ ܕܗܘ ܐܡܪ ܠܗܢ ܕܐܢܐ ܐܙܠ ܐܬܘܢ ܠܝܬ݁ ܐܬܘܢ ܝܟ̈ܠܝܢ ܕܬܝܬ݁ܘܢ |
| 008:023 | ܘܗܘ ܐܡܪ ܠܗܘܢ ܐܬܘܢ ܡܢ ܗ̈ܠܝܢ ܕܠܪܥ ܐܬܘܢ ܐܢܐ ܡܢ ܗ̈ܠܝܢ ܕܠܥܠ ܐܢܐ ܐܬܘܢ ܡܢ ܗܕܝܢ ܥܠܡܐ ܐܬܘܢ ܐܢܐ ܕܝ ܠܝܬ݁ ܐܢܐ ܡܢ ܗܕܝܢ ܥܠܡܐ |
| 008:024 | ܐܡܪܬ ܠܟܘܢ ܕܐܬܘܢ ܡܐܝܬ݁ܝܢ ܒܣܟܠܬ݁ܟܘܢ ܐܢ ܓܪ ܠܐ ܬ݁ܗ̈ܝܡܢܘܢ ܕܐܢܐ ܗܘ ܡܐܬ݁ܝܢ ܐܬܘܢ ܒܣܟܠ̈ܬ݁ܟܘܢ |
| 008:025 | ܘܗܢ̈ܘܢ ܐܓܝܒܘ ܘܐܡܪ̈ܝܢ ܠܗ ܐܬ ܡ݁ܢ ܐܬ ܘܐܡܪ ܠܗ̈ܘܢ ܡܪܐ ܝܣܘܣ ܪܝܫܐ ܕܐܘܦ ܡܡܠܠ ܐܢܐ ܥܡܟܘܢ |
| 008:026 | ܘܣܓܝ ܠܝ ܕܝܡܠܠ ܥܠ ܕܛܒܝܟܘܢ ܘܝܕܘܢ ܐܠܐ ܕܝܢ ܕܫܠܚ ܝܬ݁ܝ ܩܫܝܛ ܗܘ ܘܐܢܐ ܡܐ ܕܫܡܥܬ ܡܢܗ ܗ̈ܠܝܢ ܐܢܐ ܡܡܠܠ ܒܥܠܡܐ |
| 008:027 | ܘܠܐ ܝܕܥ̈ܘ ܕܥܠ ܕܐܒܘܝ ܗܘܐ ܐܡܪ ܠܗ̈ܘܢ |
| 008:028 | ܘܐܡܪ ܠܗܘ̈ܢ ܐܘܢ ܡܪܐ ܝܣܘܣ ܬܘܒܢ ܟܕ ܕܝ ܬ݁ܪܘܡܡܘܢ ܠܒܪܗ ܕܓܒܪܐ ܒܟܢ ܐܬܘܢ ܡܟܪ̈ܝܢ ܕܐܢܐ ܗܘ ܘܡܢ ܓܪܡܝ ܠܐ ܐܬ݁ܝܬ ܘܠܐ ܥܒܕܬ ܟܘܠܘܡ ܐܠܐ ܗܝܟ ܡ݁ܐ ܕܐܠܦ ܝܬ݁ܝ ܐܒܐ ܗ̈ܠܝܢ ܐܢܐ ܡܡܠܠ |
| 008:029 | ܘܕܢ ܕܫܠܚ ܝܬܝ ܥܡܝ ܗܘ ܘܠܐ ܫܒܩ ܝܬ݁ܝ ܠܓܪܡܝ ܕܐܢܐ ܡܐ ܕܫܦܪ ܠܗ ܐܢܐ ܥܒܕ ܒܟܘܠ ܥܪ |
| 008:030 | ܒܡܐ ܕܝ ܕܗܘܐ ܡܡܠܠ ܗ̈ܠܝܢ ܣܓܝ ܗ̈ܝܡܢܘ ܒܗ |
| 008:031 | ܠܗ̈ܠܝܢ ܕܗ̈ܝܡܢܘ ܒܗ ܐܢ ܐܬܘܢ ܬ݁ܟܬܪ̈ܘܢ ܒܡܠܬ݁ܝ ܕܝܠܝ ܡܢ ܩܘܫܛ ܬܠ̈ܡܝܕܐܝ ܐܬܘܢ |
| 008:032 | ܘܬ݁ܟܪ̈ܘܢ ܩܘܫܛܐ ܘܩܘܫܛܐ ܡܚܪܪ ܝܬ݁ܟܘܢ |
| 008:033 | ܐܓܝܒ̈ܘ ܝܗܘܕܝܝ ܕܝ ܘܐܡܪ̈ܝܢ ܠܗ ܙܪܥܗ ܕܐܒܪܗܡ ܐܢܗ ܘܠܐܢܫ ܠܐ ܐܫܬܥܒ̈ܕܢܢ ܡܢ ܝܘ̈ܡܢܗ ܗܝܟ ܐܬ ܐܡܪ ܠܢ ܐܬ ܕܐܬܘܢ ܡܬ݁ܚܪܪܝܢ |
| 008:034 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ ܐܡܝܢ ܐܡܝܢ ܐܡܪ ܐܢܐ ܠܟܘܢ ܕܟܘܠ ܡܢ ܕܥܒܕ ܣܟܠܬܐ ܥܒܕܗ݀ ܕܣܟܠܬܐ ܗܘ |
| 008:035 | ܘܥܒܕܐ ܠܐ ܡܟܬܪ ܒܒܝܬܐ ܠܥܠܡ ܒܪܐ ܕܝ ܡܟܬܪ ܠܥܠܡ |
| 008:036 | ܐܢ ܐܘܢ ܒܪܐ ܝܚܪܪ ܝܬ݁ܟܘܢ ܡܢ ܩܘܫܛ ܒܢܝ̈ ܚܪ̈ܝܢ ܐܬܘܢ ܗܘܝܢ |
| 008:037 | ܝܕܥ ܐܢܐ ܕܐܬܘܢ ܙܪܥܗ ܕܐܒܪܗܡ ܐܠܐ ܕܐܬܘܢ ܒ̈ܥܝܢ ܕܬ݁ܩܛܘܠܘܢ ܝܬ݁ܝ ܕܡܠܬ݁ ܕܝܠܝ ܠܐ ܡܣܬܘܚܢܐ ܒܓܘܟܘܢ |
| 008:038 | ܐܢܐ ܡܐ ܕܚܡܝܬ ܠܘܬ݁ ܐܒܐ ܐܢܐ ܡܡܠܠ ܘܐܘܦ ܐܬܘܢ ܡܐ ܕܫ̈ܡܥܬܘܢ ܡܢ ܐܒܘܟܘܢ ܐܬܘܢ ܥܒ̈ܕܝܢ |
| 008:039 | ܐܓ̈ܝܒܘ ܘܐܡܪ̈ܝܢ ܠܗ ܐܒܘܢܢ ܗܘ ܐܒܪܗܡ ܘܐܡܪ ܠܗܘܢ ܡܪܐ ܝܣܘܣ ܐܠܘ ܗܘ̈ܝܬܘܢ ܒܢܘ̈ܝ ܕܐܒܪܗܡ ܥܘܒ̈ܕܘܝ ܕܐܒܪܗܡ ܗܘܝܬܘܢ ܥܒ̈ܕܝܢ |
| 008:040 | ܟܕܘ ܕܝ ܗܐ ܐܬܘܢ ܒ̈ܥܝܢ ܕܬ݁ܩܛܠܘܢ ܝܬ݁ܝ ܐܢܫ ܕܡܠܠܬ ܠܟܘܢ ܩܘܫܛܐ ܡܐ ܕܫܡܥܬ ܡܢ ܐܒܐ ܗܕܐ ܐܒܪܗܡ ܠܐ ܥܒܕ |
| 008:041 | ܐܬܘܢ ܥܒ̈ܕܝܢ ܥ̈ܘܒܕܘܝ ܕܐܒܘܟܘܢ ܐܡܪ ܠܗ ܐܢܗ ܡܢ ܙܢ{ܝ}ܘ ܠܝܬ݁ ܐܢܗ ܝ̈ܠܝܕܝܢ ܚܕ ܐܒ ܐܝܬ݁ ܠܢ ܐܠܗܐ |
| 008:042 | ܐܡܪ ܠܗܘܢ ܡܪܐ ܝܣܘܣ ܐܠܘ ܗܘܐ ܐܠܗܐ ܐܒܘܟܘܢ ܐܝܬ݁ ܗ̈ܘܝܬܘܢ ܡܚܒܝܢ ܠܝ ܐܢܐ ܓܪ ܡܢ ܐܠܗܐ ܢܦܩܬ ܘܐܬ݁ܝܬ݁ |
| 008:043 | ܠܡܐ ܠܡ̈ܠܐܝ ܕܝܠܝ ܠܝܬ݁ ܐܬܘܢ ܡܟܪ̈ܝܢ ܕܠܝܬ݁ ܐܬܘܢ ܝܟ̈ܠܝܢ ܕܬ݁ܗܘܢ ܫܡ̈ܥܝܢ ܡܠܬ݁ܝ ܕܝܠܝ |
| 008:044 | ܐܬܘܢ ܡܢ ܐܒܘܟܘܢ ܣܛܢܐ ܐܬܘܢ ܘܬ݁ܚܡܘܕܬܗ ܕܐܒܘܟܘܢ ܐܬܘܢ ܒ̈ܥܝܢ ܕܬ݁ܗܘܢ ܥܒ̈ܕܝܢ ܗܘ ܓܪ ܩܛܘܠ ܒ̈ܢܝܢܫ ܗܘܐ ܡܢ ܪܝܫ ܘܒܩܘܫܛܐ ܠܐ ܗܘܐ ܩܐܡ ܕܠܝܬ݁ ܩܘܫܛ ܒܓܘܗ ܟܕ ܝܗܐ݁ ܡܡܠܠ ܕܓܠܝ̈ܢ ܡܢ ܕܝܠܗ ܗܘ ܡܡܠܠ ܕܗܘ ܕܓܠ ܐܝܬ݁ ܗܘ ܘܐܘܦ ܐܒܘܝ |
| 008:045 | ܐܢܐ ܕܝ ܕܐܢܐ ܐܡܪ ܩܘܫܛܐ ܠܝܬ݁ ܐܬܘܢ ܡܗܝܡܢܝܢ ܠܝ |
| 008:046 | ܡ݁ܢ ܡܢܟܘܢ ܡܟܘܢ ܠܝ ܥܠ ܛܒ ܣܟܠܐ ܐܢ ܩܘܫܛܐ ܐܢܐ ܐܡܪ ܠܡܐ ܠܝܬ݁ ܐܬܘܢ ܡܗ̈ܝܡܢܝܢ ܠܝ |
| 008:047 | ܡ݁ܢ ܕܗܘ ܡܢ ܐܠܗܐ ܗܘ ܫܡܥ ܠܓܠܠ ܟܕܝܢ ܐܬܘܢ ܠܝܬ݁ ܐܬܘܢ ܫܡ̈ܥܝܢ ܕܠܝܬ݁ ܐܬܘܢ ܡܢ ܐܠܗܐ |
| 008:048 | ܘܐܓ̈ܝܒܘ ܝܘܕܝ̈ܝ ܘܐܡܪ̈ܘ ܠܗ ܠܐ ܝܐܘܬ݁ ܐܢ̈ܗ ܐܡܪܝܢ ܕܫܡܪܐܝ ܐܬ ܘܫܝܕ ܥܠܝܟ |
| 008:049 | ܘܐܓܝܒ ܡܪܐ ܝܣܘܣ ܘܐܡܪ ܠܗ̈ܘܢ ܐܢܐ ܫܝܕ ܠܝܬ݁ ܥܠܐܝ ܐܠܐ ܡܘܩܪ ܐܢܐ ܠܐܒܐ ܘܐܬܘܢ ܡܩ̈ܠܝܢ ܠܝ |
| 008:050 | ܐܢܐ ܕܝ ܠܝܬܢܐ ܒܥܐ ܬܫܒܘܚܬܝ ܐܝܬ ܕܒܥܝ ܘܕܐܝܢ |
| 008:051 | ܐܡܝܢ ܐܡܝܢ ܐܡܪ ܐܢܐ ܠܟܘܢ ܐܢ ܝܢܛܪ ܐܢܫ ܡܠܬ݁ܝ ܠܐ ܝܚܡܐ ܡܘܬܐ ܠܥܠܡ ܐܡܪ ܡܪܐ ܝܣܘܣ ܠܝܘܕ̈ܝܝ ܐܡܝܢ ܐܡܪ ܐܢܐ ܠܟܘܢ ܐܢ ܝܢܛܪ ܐܢܫ ܡܠܬܝ ܠܐ ܝܚܡܐ ܡܘܬܐ ܠܥܠܡ܃ |
| 008:052 | ܐܡܪ̈ܝܢ ܠܗ ܝܗܘܕܝ̈ܝ ܟܕܘ ܝܕܥܢ̈ܗ ܕܫܝܕ ܥܠܝܟ ܐܒܪܗܡ ܡܝܬ݁ ܘܢܒ̈ܝܐ <ܡܝܬܘ> ܘܐܬ ܐܡܪ ܐܢ ܝܢܛܪ ܐܢܫ ܡܠܬ݁ܝ ܠܐ ܝܛܥܘܡ ܡܘܬ݁ ܠܥܠܡ |
| 008:053 | ܕܡܐ ܐܬ ܪܒ ܡܢ ܐܒܘܢܢ ܐܒܪܗܡ ܕܗܘ ܡܝܬ݁ ܘܐܘܦ ܢܒ̈ܝܐ ܡ̈ܝܬ݁ܘ ܡ݁ܢ ܐܬ ܥܒܕ ܓܪܡܟ |
| 008:054 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ ܐܢ ܐܢܐ ܡܫܒܚ ܓܪܡܝ ܬܫܒܚܬܝ ܠܝܬ ܗܝ ܟܘܠܘܡ ܐܝܬ݁ ܗܘ ܐܒܐ ܕܡܫܒܚ ܠܝ ܗܕܝܢ ܕܐܬܘܢ ܐܡܪ̈ܝܢ ܕܗܘ ܐܠܗܟܘܢ |
| 008:055 | ܘܠܐ ܐܟܪ̈ܬܘܢ ܝܬ݁ܗ ܐܢܐ ܕܝ ܡܟܪ ܠܗ ܘܐܢ ܝܐܡܘܪ ܕܠܝܬ݁ ܐܢܐ ܡܟܪ ܠܗ ܗܘܐ ܐܢܐ ܕܓܠ ܕܡܐ ܠܟܘܢ ܐܠܐ ܡܟܪ ܐܢܐ ܠܗ ܘܡܠܬ݁ܗ ܐܢܐ ܛܒ ܢܛܪ |
| 008:056 | ܐܒܪܗܡ ܐܒܘܟܘܢ ܐܬ݁ܚܡܕ ܕܝܚܡܐ ܝܘܡܐ ܕܝܠܝ ܘܚܡܐ ܘܚܕܝ |
| 008:057 | ܐܡܪ̈ܝܢ ܠܗ ܕܝ ܝܗܘܕܝܝ ܥܕ ܟܕܘ ܚ̈ܡܝܫܝܢ ܫ̈ܝܢܝܢ ܠܝܬ݁ ܠܟ ܘܠܐܒܪܗܡ ܚܡܝܬ݁ |
| 008:058 | ܐܡܪ ܠܗܘܢ ܡܪܐ ܝܣܘܣ ܐܡܝܢ ܐܡܝܢ ܐܡܪ ܐܢܐ ܠܟܘܢ ܕܥܕ ܠܐ ܝܗܐ݁ ܐܒܪܗܡ ܐܝܬ݁ ܐܢܐ |
| 008:059 | ܘܢܣ̈ܒܘ ܝܗܘܕܝܝ ܟܝ̈ܦܝܢ ܕܝܪ̈ܓܘܡܘܢ ܝܬ݁ܗ ܘܡܪܐ ܝܣܘܣ ܕܝ ܐܬ݁ܛܡܪ ܘܢܦܩ ܠܗ ܡܢ ܢܘܣܐ ܘܗܘܐ ܥܒܪ ܘܐܙܠ ܒܓܘ ܡܨܥܬ݁ܗܘܢ |
| 009:001 | ܘܗܝܟ ܗܘ ܥܒܪ ܡܪܐ ܝܣܘܣ ܘܬܠ̈ܡܝܕܘܝ ܥܡܗ ܚ̈ܡܐܘ ܚܕ ܒܪܢܫ ܡܥܘܪ ܡܢ ܬ݁ܘܠܘܕܬ݁ܗ |
| 009:002 | ܘܫ̈ܐܠܘ ܝܬ݁ܗ ܬܠ̈ܡܝܕܘܝ ܘܐܡܪ̈ܝܢ ܠܗ ܪܒܝ ܡ݁ܢ ܐܣܟܠ ܗܕܢ ܐܐ݁ ܐܢܫܘܬ݁ܗ ܕܟܕܢ ܡܥܘܪ ܐܬ݁ܝܠܕ |
| 009:003 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ ܠܐ ܗܕܢ ܐܣܟܠ ܘܠܐ ܐܢܫܘܬ݁ܗ ܐܠܐ ܕܝܬ̈ܝܕܥܘܢ ܥܘܒܕܘܝ ܕܐܠܗܐ |
| 009:004 | ܒܗ̈ܠܝܢ ܕܝ ܛܟܣܐ ܕܢܗܐ ܥܡ̈ܠܝܢ ܥܘܒ̈ܕܘܝ ܕܗܕܝܢ ܕܫܠܚ ܝܬ݁ܝ ܥܘܕ ܝܘܡܐ ܐܝܬ݁ ܗܘ ܐܬܐ ܗܘ ܓܪ ܠܝܠܝܐ ܕܟܕ ܠܐ ܝܟܠ ܐܢܫ ܕܝܥܡܘܠ ܒܗ |
| 009:005 | ܥܕ ܐܢܐ ܒܥܠܡܐ ܢܗܘܪܗ ܐܢܐ ܕܥܠܡܐ |
| 009:006 | ܗ̈ܠܝܢ ܟܕ ܐܡܪ ܪܩ ܒܐܪܥܐ ܘܥܒܕ ܛܥܝܢ ܡܢ ܪܘܩܗ ܘܛܦܠ ܥܝܢ̈ܘܝ ܕܝܬ݁ܗ ܡܥܘܪܐ ܡܢ ܝܬ݁ܗ ܛܥܝܢܐ |
| 009:007 | ܘܐܡܪ ܠܗ ܐܙܠ ܐܫܝܓ ܒܦܣܩܝܢܐ ܕܫܝܠܘܚܐ ܡܐ ܕܗܘ ܡܬܪܓܡ ܡܫܠܚܢܐ ܐܙܝܠ ܐܫܝܓ ܘܐܬܐ ܚܡܐ |
| 009:008 | ܗܠܝܟ ܕܝ ܡܓ̈ܝܪܘܝ ܘܗܠܝܢ ܕܗ̈ܘܘ ܚ̈ܡܝܢ ܝܬ݁ܗ ܩܘܕܡ ܕܗܘܐ ܡܣ̈ܗܕܝܢ ܘܕܠܐ ܚܡܐ ܗܘ̈ܘ ܐܡܪ̈ܝܢ ܠܐ ܗܕܝܢ ܗܘ ܕܝܢ ܕܗܘܐ ܝ̈ܬܝܒ ܡܣܚܪ ܚܘܪ̈ܢܝܢ ܗܘ̈ܘ ܐܡܪ̈ܝܢ ܕܝ ܗܘ ܗܕܝܢ |
| 009:009 | ܘܚܘܪ̈ܢܝܢ ܗܘ̈ܘ ܐܡܪ̈ܝܢ ܠܐ ܐܠܐ ܕܡܐ ܗܘ ܠܗ ܘܗܘ ܗܘܐ ܐܡܪ ܐܢܐ ܗܘ |
| 009:010 | ܗܘܘ ܕܝ ܐܡܪܝܢ ܠܗ ܗܝܟ ܐܘܢ ܐܬ݁ܦܬ݁̈ܚܝ ܥ̈ܝܢܝܟ |
| 009:011 | ܐܓܝܒ ܗܘ ܡܥܘܪܐ ܘܐܡܪ ܠܗܘܢ ܗܐܘ ܒܪܢܫܐ ܕܢ ܕܡܬܐܡܪ ܝܣܘܣ ܥܒܕ ܛܥܝܢ ܘܛܦܠ ܥܝܢ̈ܝ ܘܐܡܪ ܠܝ ܐܙܠ ܠܫܝܠܘܚܐ ܘܐܫܝܓ ܥ̈ܝܢܝܟ ܐܙܠܬ ܕܝ ܘܟܕ ܐܫܝܓܬ ܚܡܝܬ݁ |
| 009:012 | ܘܐܡܪ̈ܝܢ ܠܗ ܗܢ ܗ݀ܘ ܒܪܢܫܐ ܐܡܪ ܠܗܘܢ ܠܝܬ݁ ܐܢܐ ܝܕܥ |
| 009:013 | ܘܐܝ̈ܬ݁ܘ ܝܬ݁ܗ ܠܘܬ݁ ܦܪܝܫܝ̈ܝ ܠܗܘ ܕܗܘܐ ܩܘܕܡ ܡܥܘܪ |
| 009:014 | ܗܘܬ݁ ܕܝ ܫܘܒܬܐ ܒܝܘܡܐ ܕܥܒܕ ܡܪܐ ܝܣܘܣ ܛܥܝܢܐ ܘܦܬ݁ܚ ܥ̈ܝܢܝܘ |
| 009:015 | ܘܬܘܒܢ ܫܐܠܘ ܝܬ݁ܗ ܦܪܝܫܝ̈ܝ ܘܐܡܪ̈ܝܢ ܗܝܟ ܐܬ ܚܡܐ ܗܘ ܕܝ ܐܡܪ ܠܗ̈ܘܢ ܛܥܝܢ ܝܗܒ ܥܠ ܥܝ̈ܢܐܝ ܘܐܫܝܓܬ ܘܗܐ ܐܢܐ ܚܡܐ |
| 009:016 | ܗܘ̈ܘ ܕܝ ܐܡܪ̈ܝܢ ܐܢܫ̈ܝܢ ܡܢ ܦܪܝܫܝ̈ܝ ܠܝܬ݁ ܗܕܝܢ ܡܢ ܐܠܗܐ ܒܪܢܫ ܠܐ ܢܛܪ ܫܘܒܬܐ ܚܘܪ̈ܢܝܢ ܕܝ ܗ̈ܘܘ ܐܡܪ̈ܝܢ ܗܝܟ ܝܟܠ ܒܪܢܫ ܣܟܠ ܕܝܗܐ ܥܒܕ ܕܓܢܣ ܗ̈ܠܝܢ ܐܬ݁ܝ̈ܐ ܘܗܘܐ ܒܙܥ ܒܝ̈ܢܬ݁ܗܘܢ |
| 009:017 | ܘܬܘܒܢ ܗܘ̈ܘ ܐܡܪ̈ܝܢ ܠܗ݀ܘ ܒܪܢܫܐ ܕܗܘܐ ܡܥܘܪ ܡܐ ܐܬ ܐܡܪ ܥܠ ܕܛܒܗ ܕܦܬ݁ܚ ܥܝܢ̈ܝܟ ܗܘ ܕܝ ܐܡܪ ܕܢܒܐ݁ ܐܝܬ݁ ܗܘ |
| 009:018 | ܘܠܐ ܗܝ̈ܡܢܘ ܕܝ ܝܘܕܝ̈ܝ ܥܠ ܕܛܒܗ ܕܗܘܐ ܡܥܘܪ ܘܚܡܐ ܥܕܡܐ ܕܩܪ̈ܘ ܠܐܢܫܘܬ݁ܗ ܕܗܕܢ ܕܚܡܐ |
| 009:019 | ܘܫ̈ܐܠܘ ܝܬ݁ܗܘܢ ܘܐܡܪ̈ܝܢ ܠܗܘܢ ܗܕܢ ܗܘ ܒܪܟܘܢ ܗܕܢ ܕܐܬܘܢ ܐܡܪ̈ܝܢ ܕܣܡܐ ܐܬ݁ܝܠܕ ܗܝܟ ܕܝ ܗܘ ܚܡܐ ܟܕܘ |
| 009:020 | ܐܓܝܒ̈ܘ ܕܝ ܐܢܫܘܬ݁ܗ ܘܐܡܪ̈ ܠܗܘܢ ܝܕܥܝܢ ܐܢ̈ܗ ܕܗܕܢ ܗܘ ܒܪܢ ܘܕܡܥܘܪ ܐܬ݁ܝܠܕ |
| 009:021 | ܗܝܟ ܕܝ ܗܘ ܚܡܐ ܟܕܘ ܠܝܬ݁ ܐܢ̈ܗ ܝܕܥܝܢ ܐܐ݁ ܡ݁ܢ ܦܬ݁ܚ ܠܗ ܥܝܢ̈ܘܗܝ ܐܢ̈ܗ ܠܝܬ ܐܢ̈ܗ ܝܕܥܝܢ ܠܗ ܫܘܠܘ ܠܡܠܘ ܓܪܡܗ ܗܘ ܕܗܘ ܝܡܠܠ ܥܠ ܛܒ ܓܪܡܗ |
| 009:022 | ܗ̈ܠܝܢ ܐܡܪ̈ܘ ܐܢܫܘܬܗ ܕܗܘܘ ܕܚ̈ܠܝܢ ܡܢ ܝܗܘܕܝ̈ܝ ܟܒܪ ܓܪ ܗܘܐ ܐܬܩܢܘ ܝܗܘܕܝ̈ܝ ܒܝܢ̈ܬܗܘܢ ܕܐ݁ܢ ܝܘܕܐ ܒܗ ܐܢܫ ܕܗܘ ܡܫܝܚܐ ܝܗܐ ܢܦܝܩ ܠܒܪ ܡܢ ܟܢܝܫܬܐ |
| 009:023 | ܠܓܠܠ ܟܕܢ ܐܡܪܘ ܐܢܫܘܬ݁ܗ ܠܡܠܘ ܓܪܡܗ ܗܘ ܘܠܗ ܫܘ̈ܠܘ |
| 009:024 | ܘܐܡܪ̈ܘ ܡܢ ܬܢܝܢܘ ܠܝܬ݁ܗ ܒܪܢܫܐ ܕܗܘܐ ܡܥܘܪ ܗܒ ܬܫܒܘܚܐ ܠܐܠܗܐ ܐܢ̈ܗ ܓܪ ܝܕܥ̈ܝܢ ܕܗܕܝܢ ܒܪܢܫܐ ܣܟܠ ܗܘ |
| 009:025 | ܐܓܝܒ ܗܘ ܒܪܢܫܐ ܘܐܡܪ ܠܗ̈ܘܢ ܐܢ ܣܟܠ ܗܘ ܠܝܬ݁ ܐܢܐ ܝܕܥ ܗܕܐ ܕܝ ܐܢܐ ܝܕܥ ܕܣܡܐ݁ ܗܘܬ ܘܗܐ ܟܕܘ ܐܢܐ ܚܡܐ |
| 009:026 | ܘܐܡܪܝܢ ܠܗ ܡܐ ܥܒܕ ܠܟ ܗܝܟ ܦܬ݁ܚ ܠܟܘܢ ܥ̈ܝܢܝܟ |
| 009:027 | ܘܐܓܝܒ ܘܐܡܪ ܠܗ̈ܘܢ ܐܡܪܬ݁ ܠܟܘܢ ܟܒܪ ܘܠܐ ܫ̈ܡܥܬܘܢ ܡܐ ܬܘܒܢ ܐܬܘܢ ܨ̈ܒܝܢ ܕܬ݁̈ܫܡܥܘܢ ܕܡܐ ܐܘܦ ܐܬܘܢ ܨ̈ܒܝܢ ܕܬ݁ܗܘܢ ܬܠ̈ܡܝܕܘܝ |
| 009:028 | ܘܐܩ̈ܠܘ ܝܬ݁ܗ ܘܐܡܪ̈ܘ ܠܗ ܐܬ ܬܠܡܝܕܗ ܕܝܬ݁ܗ ܐܬ ܐܢ̈ܗ ܕܝ ܬܠ̈ܡܝܕܘܝ ܕܡܘܫܐ ܐܢܗ |
| 009:029 | ܕܐܢ̈ܗ ܝܕܥ̈ܝܢ ܕܥܡ ܡܘܫܐ ܡܠܠ ܐܠܗܐ ܠܗܕܝܢ ܕܝ ܠܬܢܝ ܝܕܥ̈ܝܢ ܡܢ ܗܢ ܗܘ |
| 009:030 | ܐܓܝܒ ܝܬ݁ܗ ܒܪܢܫܐ ܘܐܡܪ ܠܗ̈ܘܢ ܒܗܕܐ ܓܪ ܗܘ ܬܡܗܐ ܕܐܬܘܢ ܠܐ ܝܕܥ̈ܝܢ ܡܢ ܗܢ ܗܘ ܝܕܥܝܢ ܘܦܬ݁ܚ ܥ̈ܝܢܐܝ |
| 009:031 | ܝܕܥ̈ܝܢ ܐܢܗ̈ ܕܝ ܕܡܢ ܣ̈ܟܠܝܢ ܠܐ ܫܡܥ ܐܠܗܐ ܐܠܐ ܐܢ ܗܘܐ ܐܢܫ ܕܚܠ ܡܢ ܐܠܗܐ ܘܥܒܕ ܨܒܝܘܢܗ ܡܢ ܗܕܝܢ ܗܘ ܫܡܥ |
| 009:032 | ܡܢ ܝܘܡ̈ܐ ܥܠܡܐ ܕܝ ܠܐ ܐܫܬܡܥܬ݁ ܕܦܬ݁ܚ ܐܢܫ ܥܝܢ̈ܘܝ ܕܐܢܫ ܕܐܬ݁ܝܠܕ ܡܥܘܪ |
| 009:033 | ܐܠܘ ܠܐ ܕܗܘܐ ܗܕܝܢ ܡܢ ܐܠܗܐ ܠܐ ܗܘܐ ܝܟܠ ܕܝܥܒܕ ܟܘܠܘܡ |
| 009:034 | ܘܐܓ̈ܝܒܘ ܘܐܡܪ̈ܝܢ ܠܗ ܐܬ ܒܣ̈ܟܠܢ ܟܘܠܟ ܐܬ݁ܝܠܕܬ ܘܐܬ ܡܠܦ ܝܬ݁ܢ ܘܐܦܩ̈ܘ ܝܬ݁ܗ ܠܒܪ |
| 009:035 | ܘܟܕ ܐܫܟܚ ܝܬ݁ܗ ܐܡܪ ܠܗ ܗܐ ܐܬ ܡܗܝܡܢ ܒܒܪܗ ܕܐܠܗܐ |
| 009:036 | ܗܘ ܕܝ ܐܓܝܒ ܘܐܡܪ ܠܗ ܘܡ݁ܢ ܗܘ ܡܪܝ ܕܝܗܝܡܢ ܒܗ |
| 009:037 | ܐܡܪ ܠܗ ܡܪܐ ܝܣܘܣ ܚܡܝܬ ܝܬ݁ܗ ܘܗܘ ܗܕܢ ܕܡܡܠܠ ܥܡܟ |
| 009:038 | ܘܐܡܪ ܠܗ ܡܗܝܡܢ ܐܢܐ ܡܪܐ ܘܣܓܕ ܠܗ |
| 009:039 | ܠܕܝܢ ܐܬ݁ܝܬ݁ ܠܥܠܡܐ ܗܕܢ ܕܗ̈ܠܝܢ ܕܠܐ ܚ̈ܡܝܢ ܝܚ̈ܡܘܢ ܘܗܠܝܢ ܕܚܡܝܢ ܡܥܘܪ̈ܝܢ ܝܬ݁ܥܒ̈ܕܘܢ |
| 009:040 | ܘܫ̈ܡܥܘ ܦܪ̈ܝܫܝ̈ܝ ܕܗܘ̈ܘ ܥܡܗ ܗܠܝܢ ܡܠܝܐ ܘܐܡܪܝܢ ܠܗ ܕܡܐ ܐܘܦ ܐܢܗ ܡܥܘܪܝܢ ܐܢܗ |
| 009:041 | ܐܡܪ ܠܗܘܢ ܡܪܐ ܝܣܘܣ ܐܠܘ ܗܘ̈ܝܬܘܢ ܡܥܘܪ̈ܝܢ ܠܐ ܗܘܬ ܠܟܘܢ ܣܟܠܐ ܟܕܘ ܕܝ ܗܐ ܐܬ̈ܘܢ ܐܡܪ̈ܝܢ ܕܐܢܗ ܚ̈ܡܝܢ ܘܣܟ̈ܠܬܟܘܢ ܩ̈ܐܡܝܢ ܗ̈ܢܝܢ |
| 010:001 | ܐܡܝܢ ܐܡܝܢ ܐܡܪ ܐܢܐ ܠܟܘܢ ܕܡ݁ܢ ܕܠܐ ܥܠܠ ܥܠ ܕܬܪܥܐ ܠܕܪܬܐ ܕܐܡܪ̈ܬܐ ܐܠܐ ܣܠܩ ܠܗ ܥܠ ܕܚܘܪܝ ܝܬ݁ܗ ܓܢܒ ܐܝܬ ܗܘ ܘܠܝܣܛܝܣ |
| 010:002 | ܕܝܢ ܕܝ ܕܥܠܠ ܥܠ ܬܪܥܐ ܗܘ ܪܥܝܐ ܐܝܡܪ̈ܬܐ |
| 010:003 | ܠܗܕܝܢ ܬܪܥܐ ܦܬܝܚ ܐܡܪ̈ܬܐ ܠܩܠܗ ܫ̈ܡܥܢ ܘܗܘ ܩܪܐ ܐܡܪܬ݁ܗ ܟܘܠ ܚܕܐ ܡܢܗ̈ܝܢ ܒܫܝܡܗ݀ ܘܡܦܩ ܠܗ̈ܝܢ |
| 010:004 | ܘܟܕ ܝܦܩ ܝܬ݁ܗܝܢ ܩܘܕܡܝ̈ܗܝܢ ܗܘ ܗܘܐ ܐܙܠ ܘܐܝܡܪ̈ܬܐ ܕܒ̈ܩܢ ܝܬ݁ܗ ܕܗܢ̈ܝܢ ܡܟܪ̈ܢ ܩܠܗ |
| 010:005 | ܒܬ݁ܪ ܚܘܪܢ ܕܝ ܠܐ ܕܒ̈ܩܢ ܐܠܐ ܥܪ̈ܩܢ ܡܢܗ ܕܠܐ ܡܟܪ̈ܢ ܩܠܗ̈ܘܢ ܕܢܘܟܪ̈ܝܝ |
| 010:006 | ܗܕܢ ܡܬܠܐ ܐܡܪ ܠܗܘܢ ܡܪܐ ܝܣܘܣ ܗܢܘܢ ܕܝ ܠܐ ܝܕܥ̈ܘ ܡܐ ܗܘܐ ܡܡܠܠ ܠܗܘܢ |
| 010:007 | ܘܐܡܪ ܠܗܘܢ ܬܘܒܢ ܡܪܐ ܝܣܘܣ ܐܡܝܢ ܐܡܝܢ ܐܡܪ ܐܢܐ ܠܟܘܢ ܕܐܢܐ ܬܪܥܐ ܕܐܡܪܬܐ |
| 010:008 | ܟܘܠ ܗ̈ܠܝܢ ܕܐܬ݁ܘ ܓܢ̈ܒܝܢ ܗܘ̈ܘ ܘܠܝܣ̈ܛܝܢ ܐܠܐ ܠܐ ܫ̈ܡܥܢ ܠܗܘܢ ܐܝܡܪ̈ܬܐ |
| 010:009 | ܐܢܐ ܗܘ ܬܪܥܐ ܥܠ ܕܥܠܐܝ ܡܢ ܥܠܠ ܚܝܐ ܘܥܠܠ ܘܢܦܩ ܘܡܫܟܝܚ ܡܪܥܐ݁ |
| 010:010 | ܓܢܒܐ ܠܐ ܐܬܐ܃ ܐܠܐ ܕܝܓܢܘܒ ܘܝܟܘܣ ܘܝܘܒܕ܃ ܐܢܐ ܐܬ݁ܝܬ݁ ܕܚܝ̈ܢ ܝܗܐ ܠܗܘܢ ܘܡܘܬܪ ܝܗܐ ܠܗܘܢ |
| 010:011 | ܐܢܐ ܗܘ ܪܥܝܐ ܛܒܐ܃ ܘܪܥܝܐ ܛܒܐ ܢܦܫܗ ܗܘ ܝܗܒ ܥܠ ܛܒ ܐܡܪ̈ܬܗ |
| 010:012 | ܕܢ ܕܝ ܕܐܓܝܪ ܘܠܝܬ݁ ܗܘ ܪܥܝܐ ܗܕܢ ܕܠܝܬ݁ ܐܝܡܪ̈ܬܐ ܕܝܠܗ ܚܡܐ ܗܘ ܕܝܒܐ݁ ܐܬܐ ܘܫܒܩ ܐܝܡܪ̈ܬܐ ܘܥܪܩ܃ ܘܕܝܒܐ ܚܛܦ ܝܬܗܝܢ ܘܡܒܕܐ |
| 010:013 | ܕܗܘ ܐܓܝܪ ܘܠܐ݁ ܟܦܠ ܠܗ ܥܠ ܛܒ ܐܝܡܪ̈ܬܐ |
| 010:014 | ܐܢܐ݁ ܪܥܝܐ ܛܒܐ ܘܐܢܐ ܡܟܪ ܕܝܠܝ܃ ܘܕܝܠܝ ܡܟܪܝܢ ܠܝ |
| 010:015 | ܗܝܟ ܡ݁ܐ ܕܐܒܐ ܡܟܪ ܠܝ܃ ܘܐܢܐ ܡܟܪ ܠܐܒܐ܃ ܘܢܦܫܝ ܐܢܐ ܡܣܝܡ ܥܠ ܛܒ ܐܡܪ̈ܬ݁ܝ |
| 010:016 | ܘܐܝܡܪ̈ܝܢ ܚܘܪ̈ܢܝܐܢ ܐܝܬ ܠܝ܃ ܗ̈ܠܝܢ ܕܠܝܬ ܗ̈ܢܝܢ ܡܢ ܗܕܐ ܕܐܬܐ܃ ܐܘܦ ܠܗܠܝܟ ܧܢܛܘܣ ܠܝ ܕܝܐܬܐ܃ ܘܠܩܠܝ ܝܫܡܘܥܢ ܘܝܬ̈ܥܒܕܢ ܚܕܐ ܡܪܥܝ ܘܚܕ ܪܥܐ |
| 010:017 | ܐܢܢ ܐܬ݁ܘ ܠܓܠܠ ܟܕܢ ܐܒܐ ܡܚܒ ܠܝ ܕܐܢܐ ܡܣܝܡ ܢܦܫܝ ܕܬܘܒ ܝܣܒ ܝܬܗ݀ |
| 010:018 | ܐܢܫ ܠܐ ܢܣܒ ܝܬܗ݀ ܡܢܝ܃ ܐܠܐ ܐܢܐ ܡܣܝܡ ܝܬܗ ܡܢ ܓܪܡܝ܃ ܫܠܝܛ ܐܢܐ ܕܝܣܝܡ ܝܬܗ݀ ܘܫܠܝܛ ܐܢܐ ܬܘܒܢ ܕܝܣܒ ܝܬܗ݀܃ ܗܕܝܢ ܦܩܘܕܐ ܕܝ ܢܣܒܬ݁ ܡܢ ܐܒܐ |
| 010:019 | ܘܒܙܥ ܬܘܒܢ ܐܬܥܒܕ ܒܝܢ ܝܗܘܕܝ̈ܝ ܠܓܠܠ ܗ̈ܠܝܢ ܡܠ̈ܝܐ |
| 010:020 | ܗܘ̈ܘ ܕܝ ܣܓܝ ܡܢܗܘܢ ܐܡܪ̈ܝܢ ܫܝܕ ܥܠܘ ܘܗܘ ܡܫܬܛܐ܃ ܠܡܐ ܐܬܘܢ ܫܡ̈ܥܝܢ ܠܗ |
| 010:021 | ܘܚܘܪ̈ܢܝܢ ܗܘܘ ܐܡܪ̈ܝܢ ܗ̈ܢܝܢ ܡܠ̈ܝܐ ܠܝܬ݁ ܗ̈ܢܝܢ ܕܐܢܫ ܕܥܠܘܝ ܫܝܕ܃ ܕܡܐ ܫܝܕ ܕܝܟܠ ܕܝܦܬܚ ܥܝܢܘ̈ܗܝ ܕܡܥܘܪ̈ܝܢ |
| 010:022 | ܘܐܬܥܒܕ ܕܝ ܚܕܘܬܐ ܒܝܪ̈ܫܠܡ ܘܣܝܬ^ܘ^ܐ ܗܘܐ |
| 010:023 | ܘܗܘܐ ܡܪܐ ܝܣܘܣ ܡܗܠܟ ܒܢܘܣܐ ܒܐܣܛܘܗ ܕܫܘܠܝܡܘܢ |
| 010:024 | ܘܚܓ̈ܠܘ ܝܬ݁ܗ ܝܗܘܕܝ̈ܝ ܘܗܘ̈ܘ ܐܡܪ̈ܝܢ ܠܗ܃ ܥܕ ܐܡܬ݁ܝ ܐܬ ܢܣܒ ܢܦܫܢ܃ ܐܢ ܐܬ ܗܘ ܡܫܝܚܐ ܐܡܘܪ ܠܢ ܒܧܪܝܣܝܐ݁ |
| 010:025 | ܐܓܝܒ ܡܪܐ ܝܣܘܣ ܘܐܡܪ ܠܗ̈ܘܢ܃ ܐܡܪܬ݁ ܠܟܘܢ ܘܠܝܬ݁ ܐܢܘܢ ܡܗܝ̈ܡܢܝܢ܃ ܥܘ̈ܒܕܝܐ ܗ̈ܠܝܢ ܕܐܢܐ ܥܒܕ ܒܫܝܡܗ ܕܐܒܐ ܗܢ̈ܘܢ ܡܣܝ̈ܕܝܢ ܥܠ ܕܛܒܝ |
| 010:026 | ܐܠܐ ܐܬ̈ܘܢ ܠܝܬ݁ ܐܬ̈ܘܢ ܡܗ̈ܝܡܢܝܢ ܕܠܝܬ݁ ܐܬ̈ܘܢ ܡܢ ܐܡܪ̈ܬܝ ܕܝܠܝ܃ ܗܝܟ ܟܘܠ ܡܐ ܕܐܡܪܬ݁ ܠܟܘܢ |
| 010:027 | ܕܐܡܪ̈ܬ݁ܝ ܕܝܠܝ ܠܩܠܝ ܗܢܝܢ ܫ̈ܡܥܝܢ܃ ܘܐܢܐ ܡܟܪ ܠܗ̈ܝܢ ܘܒܬܪܝ ܗܢ̈ܝܢ ܐܬ̈ܝܐܢ |
| 010:028 | ܘܐܢܐ ܝܗܒ ܠ̈ܗܝܢ ܚܝ̈ܝܢ ܕܠܥܠܡ܃ ܘܠܐ ܝܒ̈ܕܘܢ ܠܥܠܡ ܘܠܐ ܚܛܦ ܝܬ̈ܗܝܢ ܐܢܫ ܡܢ ܐܝ̈ܕܐܝ |
| 010:029 | ܕܐܒܐ ܕܢ ܕܝܗܒ ܠܝ ܪܒ ܗܘ ܟܘܠܐ܃ ܘܐܢܫ ܠܐ ܝܟܠ ܕܝܗܐ ܚܛܦ ܡܢ ܐܝܕܗ ܕܐܒܐ܃ |
| 010:030 | ܘܐܢܐ ܘܐܒܐ ܚܕ ܗܘ |
| 010:031 | ܘܛܥ̈ܢܘ ܬܘܒܢ ܝܗܘܕܝܝ ܟܝ̈ܦܝܢ ܕܝܪ̈ܓܘܡܘܢ ܝܬܗ |
| 010:032 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ܃ ܣܓܝ ܥܘܒܕ̈ܝܢ ܛܒܝܢ ܐܘܕܥܬ݁ ܠܟܘܢ ܡܢ ܠܘܬ ܐܒܐ܃ ܠܓܠܠ ܗܝܕܢ ܥܘܒܕ ܡܢܗܘ̈ܢ ܐܬܘܢ ܪ̈ܓܡܝܢ ܝܬܝ |
| 010:033 | ܐܓܝܒ̈ܘ ܝܘ̈ܕܝܝ ܘܐܡܪ̈ܝܢ ܠܗ܃ ܥܠ ܛܒ ܥܘܒܕ ܛܒ ܠܝܬ݁ ܐܢܗ̈ ܪ̈ܓܡܝܢ ܝܬܟ܃ ܐܠܐ ܥܠ ܛܒ ܓܕܦ̈ܝܟ܃ ܘܕܐܬ ܒܪܢܫ ܘܥܒܕ ܓܪܡܟ ܐܠܗܐ |
| 010:034 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ܃ ܠܐ ܟܬ݁ܝܒ ܒܢܝܡܘܣܟܘܢ ܕܐܢܐ ܐܡܪܬ݁ ܕܐܬ̈ܘܢ ܐܠܗ̈ܝܢ |
| 010:035 | ܐܢ ܠܗܠܝܟ ܐܡܪ ܐܠܗ̈ܝܢ܃ ܗ̈ܠܝܢ ܕܠܩܘܒ̈ܠܗܘܢ ܗܘܬ݁ ܡܠܬܗ ܕܐܠܗܐ܃ ܘܠܐ ܝܟܠ ܟܬܒܐ ܗܕܝܢ ܕܐܡܪ ܕܝܫܬܪܝ |
| 010:036 | ܗܕܢ ܕܐܒܐ ܩܕܫܗ ܘܫܠܚܗ ܠܥܠܡܐ܃ ܐܬ̈ܘܢ ܐܡܪ̈ܝܢ ܠܝ ܕܐܬ ܡܓܕܦ ܕܐܡܪܬ݁ ܕܐܢܐ ܒܪܗ ܕܐܠܗܐ |
| 010:037 | ܐܢ ܠܝܬ݁ ܐܢܐ ܥܒܕ ܥܘܒܕ̈ܘܝ ܕܐܒܐ ܠܐ ܬܗܝ̈ܡܢܘܢ ܠܝ |
| 010:038 | ܐܢ ܕܝ ܥܒܕ ܐܢܐ ܐܘܦ ܐܢ ܠܝ ܠܝܬ݁ ܐܬ̈ܘܢ ܡܗܝ̈ܡܢܝܢ ܕܬܕܥ̈ܘܢ ܘܬܟܪ̈ܘܢ ܐܢ ܕܐܒܐ ܒܓܘܝ܃ ܘܐܢܐ ܒܐܒܐ |
| 010:039 | ܘܗܘܘ ܒ̈ܥܝܢ ܕܝܨ̈ܘܕܘܢ ܝܬܗ ܘܢܦܩ ܡܢ ܒܝܢ ܐܝܕ̈ܘܗܝ |
| 010:040 | ܘܐܙܠ ܠܗ ܬܘܒ ܠܥܒܪ ܕܝܪܕܢܐ ܠܐܬܪܐ ܗܢ ܕܗܘܐ <ܝܘܚܢܝܣ> ܡܨܒܥ ܡܢ ܩܘܕܡ ܘܗܘܐ ܥܡܪ ܬ݁ܡ݁ܢ |
| 010:041 | ܘܣܓܝ ܐܬܘ ܠܘܬܗ ܐܡܪ̈ܝܢ ܕܝܘܚܢܝܣ ܠܐ ܥܒܕ ܐܬ݁ ܐܘܦ ܠܐ ܚܕ ܟܘܠ ܡܐ ܕܝ ܕܐܡܪ ܝܘܚܢܝܣ ܥܠ ܛܒܗ ܕܗܕܢ ܩܘܫܛ ܗܘܐ ܣܓܝ ܗܝ̈ܡܢܘ ܒܗ ܬ݁ܡܢ |
| 011:001 | ܘܗܘܐ ܕܝ ܚܕ ܒܐܝܫ ܠܥܙܪܘܣ ܡܢ ܒܝܬ݁ ܥܢܝܐ ܡܢ ܩܪܝܬܗ݀ ܕܡܪܝܡ ܘܕܡܪܬܐ ܚܬ݁ܗ݀ |
| 011:002 | ܗܘܬ݁ ܕܝ ܡܪܝܐܡ ܗܕܐ ܕܡܫܚܬ݁ ܠܡܪܐ ܒܒܣܡ ܘܫܟܦ̈ܪܬ݁ ܪ̈ܝܓ̈ܠܘܝ ܒܣܥܪܗ݀ ܗܕܐ ܕܗܘܐ ܐܚܘܝܗ ܠܥܙܪܘܣ ܒܐܝܫ |
| 011:003 | ܘܫ̈ܠܚܝ ܐܚ̈ܘܬ݁ܗ ܠܘܬ݁ ܡܪܐ ܝܣܘܣ ܘܐܡܪ̈ܢ ܠܗ ܡܪܐ ܗܐ ܗܕܢ ܕܐܬ ܪܚܝܡ ܒܐܝܫ |
| 011:004 | ܟܕ ܕܝ ܫܡܥ ܡܪܐ ܝܣܘܣ ܐܡܪ ܗܕܝܢ ܒܘܫܐ ܠܝܬ݁ ܗܘ ܠܡܘܬ ܐܠܐ ܠܛܝܒ ܬܝܫܒܘܚܬܗ ܕܐܠܗܐ ܠܒܕܝܠ ܕܝܫܬܒܚ ܒܪܗ ܕܐܠܗܐ ܒܬܪܥܗ |
| 011:005 | ܗܘܐ ܕܝ ܡܪܐ ܝܣܘܣ ܡܚܒ ܠܡܪܬܐ ܘܠܚܬ݁ܗ ܘܠܠܥܙܪܘܣ |
| 011:006 | ܟܕ ܐܘܢ ܫܡܥ ܕܗܘ ܒܐܝܫ ܒܟܝܢ ܟܬܝܪ ܬ݁ܡܢ ܒܐܬ݁ܪܐ ܗܢ ܕܗܘܐ ܬ݁ܪ̈ܝܢ ܝܘ̈ܡܝܢ |
| 011:007 | ܘܡܢ ܒܬ݁ܪ ܟܕܢ ܐܡܪ ܠܬܠ̈ܡܝܕܘܝ ܐܬܘ̈ ܢܝܐܙܠ ܠܝܗܘܕܝܐ ܬܘܒܢ |
| 011:008 | ܐܡܪ̈ ܠܗ ܬܠ̈ܡܝܕܘܝ ܪܒܝܢ ܟܕܘ ܗܘܘ ܒ̈ܥܝܢ ܝܗ̈ܘܕܝܐ ܕܝܪ̈ܓܡܘܢ ܝܬ݁ܟ ܘܬܘܒܢ ܐܬ ܐܙܝܠ ܠܬ݁ܡ݁ܢ |
| 011:009 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ ܠܐ ܬܪ̈ܝܥܣܪ̈ܐ ܫܥ̈ܝܢ ܗܢ̈ܝܢ ܒܝܘܡܐ ܐܢ ܗܘܐ ܐܢܫ ܡܗܠܟ ܒܝܘܡܐ ܠܐ ܡܬܩܠ ܕܢܗܘܪܘ ܕܗ݀ܕܢ ܥܠܡܐ ܗܘ ܚܡܐ |
| 011:010 | ܐܢ ܕܝ ܗܘܐ ܐܢܫ ܡܗܠܟ ܒܠܝܠܝܐ ܡܬ݁ܩܠ ܗܘ ܕܢܗܘܪ ܠܝܬ݁ ܒܓܘܗ |
| 011:011 | ܗ̈ܠܝܢ ܐܡܪ ܘܡܢ ܒܬ݁ܪ ܟܕܢ ܐܡܪ ܠܗܘܢ ܠܥܙܪܘܣ ܪܚܡܢ ܕܡܟ ܐܠܐ ܐܙܠ ܐܢܐ ܕܝܥܝܪ ܝܬ݁ܗ |
| 011:012 | ܐܡܪ̈ܝܢ ܠܗ ܬܠ̈ܡܝܕܘܝ ܡܪܐ ܐܢ ܕܡܟ ܚܝܐ ܗܘ |
| 011:013 | ܡܪܐ ܝܣܘܣ ܕܝ ܗܘܐ ܐܡܪ ܥܠ ܛܒ ܡܘܬ݁ܗ ܘܗܢܘܢ ܗܘܘ ܣܒܝܪ̈ܝܢ ܕܥܠ ܛܒ ܕܡܟ̈ܐ ܕܫܝܢܬܐ ܗܘ ܐܡܪ |
| 011:014 | ܒܟܢ ܐܡܪ ܠܗܘܢ ܒܧ̈ܪܝܣܝܐ ܡܪܐ ܝܣܘܣ ܠܥܙܪܘܣ ܡܝܬ݁ |
| 011:015 | ܘܐܢܐ ܚܕܐ ܐܢܐ ܠܓܝܠܠܟܘܢ ܕܬܗ̈ܝܡܢܘܢ ܕܠܐ ܗܘܬ݁ ܬ݁ܡ݁ܢ ܐܠܐ ܐܬ݁ܘ ܢܝܐܙܝܠ ܠܘܬ݁ܗ |
| 011:016 | ܐܡܪ ܕܝ ܬ݁ܘܡܐܣ ܬ݁ܘܡܝܐ ܠܚܒܪ̈ܘܝ ܬܠ̈ܡܝܕܝܐ ܐܬ݁ܘ̈ ܢܝܙܠ ܐܘܦ ܐܢܗ ܕܢܡܘܬ݁ ܥܡܗ |
| 011:017 | ܐܬܐ ܕܝ ܡܪܢ ܝܣܘܣ ܠܒܝܬ݁ ܥܢܝܐ ܘܐܫܟܚ ܝܬ݁ܗ ܕܗܘܐ ܠܗ ܟܒܪ ܐܪ̈ܒܥܐ ܝܘܡܝܢ ܝܗܝܒ ܒܡܩܒܘܪܬܐ |
| 011:018 | ܗܘܬ݁ ܕܝ ܒܝܬ݁ ܥܢܝܐ ܩܪܝܒܐ ܠܝܪܘܫܠܝܡ ܗܝܟ ܚܡܝܫܬܥܫܪ ܐܣ̈ܛܕܝܢ |
| 011:019 | ܣܓܝ ܕܝ ܡܢ ܝܗ̈ܘܕܝܐ ܐܬ݁ܘ ܗܘܘ ܠܘܬ݁ ܡܪܬܐ ܘܡܪܝܡ ܕܝܢܚ̈ܡܘܢ ܝܬ݁ܗ̈ܘܢ ܥܠ ܛܒ ܐܚܘ̈ܗܝܢ |
| 011:020 | ܟܕ ܕܝ ܫܡܥܬ ܡܪܬܐ ܕܡܪܐ ܝܣܘܣ ܐܬܐ ܒܟܝܢ ܢܦܩܬ݁ ܠܐܘܪܥܘܬܗ ܡܪܝܐ ܕܝ ܗܘܬ ܝܬ݁ܝܒܐ ܒܓܘ ܒܝܬܐ |
| 011:021 | ܐܡܪܬ ܕܝ ܡܪܬܐ ܠܡܪܐ ܝܣܘܣ ܡܪܝ ܐܠܘ ܗܘܝܬ ܟܐ ܠܐ ܗܘܐ ܐܚܝ ܡܐܬ݁ |
| 011:022 | ܐܠܐ ܐܘܦ ܟܕܘ ܝܕܥܐ ܐܢܐ ܕܟܘܠܡܐ ܕܬ݁ܫܘܠ ܡܢ ܐܠܗܐ ܝܗܒ ܗܘ ܠܟ ܐܠܗܐ |
| 011:023 | ܐܡܪ ܠܗ݀ ܡܪܐ ܝܣܘܣ ܩܐܡ ܗܘ ܐܚܘܝܟܝ |
| 011:024 | ܐܡܪܐ ܠܗ݀ ܡܪܬܐ ܝܕܥܐ ܐܢܐ ܕܗܘ ܩܐܡ ܒܩܝܐܡܬܐ ܒܝܘܡܐ ܥܘܩܒܝܐ |
| 011:025 | ܐܡܪ ܠܗ݀ ܡܪܐ ܝܣܘܣ ܐܢܐ ܗܘ ܩܝܐܡܬܐ ܘܚܝ̈ܝܐ ܡܢ ܕܡܗܝܡܢ ܒܝ ܐܘܦ ܐܢ ܝܡܘܬ݁ ܚܝܐ ܗܘ |
| 011:026 | ܘܟܘܠ ܡ݁ܢ ܕܝ ܕܚܐܝ ܘܡܗܝܡܢ ܒܝ ܠܐ ܡܐܬ ܠܥܠܡ ܡܗܝܡܢܐ ܐܬܝ ܟܕܢ |
| 011:027 | ܐܡܪܐ ܠܗ ܐܝܢ ܡܪܝ ܐܢܐ ܗܝܡܢܬ ܕܐܬ ܗܘ ܡܫܝܚܐ ܒܪܗ ܕܐܠܗܐ ܗܕܝܢ ܕܐܬܐ ܠܥܠܡܐ |
| 011:028 | ܘܟܕ ܐܡܪܬ ܗܠܝܢ ܐܙܠܬ݁ ܩܪܬ݁ ܠܡܪܝܐ ܚܬ݁ܗ ܘܐܡܪܬ ܠܗ݀ ܒܝܢܗ݀ ܠܒܝܢܗ݀ ܡܠܦܢܐ ܐܬܐ ܘܗܘ ܩܪܐ ܠܝܟܝ |
| 011:029 | ܘܗܝ ܕܝ ܟܕ ܫܡܥܬ݁ ܩܡܬ݁ ܒܦܪܝܥ ܘܐܬ݁ܬ݁ ܠܘܬ݁ܗ |
| 011:030 | ܥܕ ܟܕܘ ܕܝ ܠܐ ܗܘܐ ܕܐܬܐ ܡܪܐ ܝܣܘܣ ܠܩܪܝܬܐ ܐܠܐ ܗܘܐ ܥܕ ܟܕܘ ܒܐܬ݁ܪܐ ܗܢ ܕܐܘܪܥܬ ܝܬ݁ܗ ܡܪܬܐ |
| 011:031 | ܗ̈ܠܝܟ ܐܘܢ ܝܘܕܝܝ ܕܗܘܘ ܥܡܗ ܒܓܘ ܒܝܬܐ ܡܢ̈ܚܡܝܢ ܠܗ݀ ܟܕ ܚ̈ܡܘ ܡܪܝܡ ܕܒܦܪܝܥ ܩܡܬ݁ ܘܢܦܩܬ݁ ܕܒ̈ܩܘ ܝܬ݁ܗ ܐܡܪ̈ܝܢ ܕܗܝ ܐܙܠܐ ܠܡܩܒܪܬܐ ܕܬ݁ܒܟܐ ܬܡܢ |
| 011:032 | ܡܪܝܐܡ ܕܝ ܟܕ ܐܬ݁ܬ݁ ܠܗܢ ܕܗܘܐ ܡܪܐ ܝܣܘܣ ܚܡܬ݁ ܝܬ݁ܗ ܘܢܦܠܬ݁ ܗܢ ܕܪ̈ܝܓܠܘܝ ܘܐܡܪܐ ܠܗ ܡܪܝ ܐܠܘ ܗܘܝܬ ܟܐ ܠܐ ܗܘܐ ܐܚܝ ܡܐܬ݁ |
| 011:033 | ܡܪܐ ܝܣܘܣ ܕܝ ܟܕ ܚܡܐ ܝܬ݁ܗ ܒܟܝܐ ܘܠܝܗܘܕܝܝ ܕܐܬ݁ܘ ܥܡܗ ܒ̈ܟܝܢ ܐܙܕܥܦ ܒܪܘܚܗ ܘܙܥܙܥ ܓܪܡܗ |
| 011:034 | ܘܐܡܪ ܗܢ ܐܣܝܡܬܘܢ ܝܬ݁ܗ ܐܡܪ̈ܝܢ ܠܗ ܡܪܐ ܐܬܐ ܘܚܡܝ |
| 011:035 | ܘܕܡܥ ܡܪܐ ܝܣܘܣ ܗ̈ܘܘ ܕܝ ܝܗܘܕܝ̈ܝ ܐܡܪ̈ܝܢ ܚ̈ܡܘ ܡܐ ܗܘ ܪܚܡ ܠܗ݀ |
| 011:037 | ܐܢܫ̈ܝܢ ܕܝ ܡܢܗܘܢ ܐܡܪ̈ܘ ܠܐ ܗܘܐ ܝܟܝܠ ܕܝܢ ܕܦܬ݁ܚ ܥ̈ܝܢܘܗܝ ܕܡܥܘܪܐ ܕܝܥܒܕ ܕܐܘܦ ܗܕܝܢ ܠܐ ܝܡܘܬ݁ |
| 011:038 | ܡܪܐ ܝܣܘܣ ܕܝ ܬܘܒܢ ܐܙܕܥܦ ܒܓܪܡܗ ܘܐܬܐ ܠܡܩܒܪܬܐ ܗܘܬ݁ ܕܝ ܡܥܪܐ ܘܟܝܦ ܡܣܡܐ ܥܠܝܗ݀ |
| 011:039 | ܐܡܪ ܠܗܘܢ ܡܪܐ ܝܣܘܣ ܐܪܝܡܘ ܟܝܦܐ ܐܡܪܐ ܠܗ ܚܬ݁ܗ ܕܗܕܢ ܕܓܙ ܡܪܬܐ ܡܪܝ ܟܒܪ ܗܘ ܡܣܪܝ ܐܪܒܥܐ ܓܪ ܝܘܡܝܢ |
| 011:040 | ܐܡܪ ܠܗ ܡܪܐ ܝܣܘܣ ܠܐ ܐܡܪܬ ܠܝܟܝ ܕܐܢ ܬܗܝܡܢܝܢ ܬ݁ܚܡܝܢ ܕܝ ܬܫܒܘܚܬܗ ܕܐܠܗܐ |
| 011:041 | ܟܐ ܐܪܝܡܘ ܟܝܦܐ ܬܠܐ ܡܪܐ ܝܣܘܣ ܥܝܢܘܝ ܠܥܠ ܘܐܡܪ ܐܒܐ ܡܫܬܘܕܝ ܐܢܐ ܠܟ ܕܫܡܥܬ ܡܢܝ |
| 011:042 | ܐܢܐ ܕܝ ܗܘܐ ܝܕܥ ܕܒܟܘܠ ܥܪ ܐܬ ܫܡܥ ܡܢܝ ܐܠܐ ܠܓܠܠ ܐܘܟܠܣܐ ܕܟܐ ܩܐܡ ܐܢܐ ܐܡܪܬ ܕܝܗܝܡܢܘܢ ܕܐܬ ܫܠܚܬ ܝܬ݁ܝ |
| 011:043 | ܘܗܠܝܢ ܐܡܪ ܘܐܨܝܚ ܒܩܠ ܪܒ ܘܐܡܪ ܠܥܙܪ ܐܬܐ ܦܘܩ ܠܒܪ |
| 011:044 | ܘܫܘܐ ܢܦܩ ܝܬ݁ܗ ܡܝܬܐ ܪܝܓ̈ܠܘܝ ܘܐܝܕܘܝ ܐܣܝܪܝܢ ܒܦܣ̈ܩܝܐܢ ܘܐܦ̈ܘܝ ܨܪ̈ܝܪܝܢ ܒܣܘܕܪܐ ܘܐܡܪ ܠܗܘܢ ܡܪܐ ܝܣܘܣ ܫܪܘ ܝܬ݁ܗ ܘܫܒܩܘ ܝܬ݁ܗ ܕܝܐܙܠ |
| 011:045 | ܣ̈ܓܝ ܡܢ ܝܗܘ̈ܕܝ̈ܝ ܗ̈ܠܝܢ ܕܐܬ݁ܘ ܠܘܬ݁ ܡܪܝܐܡ ܘܚ̈ܡܘ ܡܐ ܕܥܒܕ ܡܪܐ ܝܣܘܣ ܗ̈ܝܡܢܘ ܒܗ |
| 011:047 | ܘܟܢܫܘ ܪܫܐ݁ ܟܗܢܝܐ ܘܦܪܝܫܝܝ ܥܨܝܬܐ ܘܗܘܘ ܐܡܪܝܢ ܡܐ ܐܢ̈ܗ ܥܒܕܢ ܕܗܐ ܗܕܢ ܒܪܢܫܐ ܥܒܕ ܐ{ܝ}ܬ݁<ܝ>ܢ ܣܓܝ |
| 011:048 | ܘܐܢ ܫܒ̈ܩܝܢ ܐܢܗ̈ ܠܗ ܟܕܝܢ ܟܘܠܐ ܡܗܝܡܢܝܢ ܒܗ ܘܐܬ݁ܝܢ ܪܘܡܝܝ ܘܢܣܒܝܢ ܐܬ݁ܪܢ ܘܡܝܢܢ ܡܢܢ |
| 011:049 | ܚܕ ܕܝ ܐܢܫ ܡܢܗܘܢ ܕܫܝܡܗ ܩܝܦܣ ܪܝܫ ܟܗ̈ܢܝܐ ܗܘܐ ܝܬ݁ܗ ܫܝܬܐ ܘܐܡܪ ܠܗܘܢ ܐܬܘܢ ܠܐ ܝܕܥ̈ܝܢ ܟܘܠܘܡ |
| 011:050 | ܘܠܐ ܡܬ݁ܚܫܒܝܢ ܕܛܒ ܠܢ ܕܚܕ ܒܪܢܫ ܝܡܘܬ݁ ܚܘܠܦ ܩܗܠܐ ܘܠܐ ܕܟܘܠܗ ܡܝܢܐ ܝܒܘܕ |
| 011:051 | ܗܕܐ ܕܝ ܡܢ ܓܪܡܗ ܠܐ ܐܡܪ ܐܠܐ ܕܗܘܐ ܪܝܫ ܟܗܢܝܐ ܕܝܬ݁ܗ ܫܝܬܐ ܘܐܬ݁ܢܒܝ ܕܗܘܐ ܥܬܝܕ ܡܪܐ ܝܣܘܣ ܕܝܡܘܬ݁ ܚܘܠܦ ܡܝܢܐ |
| 011:052 | ܘܠܐ ܚܘܠܦ ܡܝܢܐ ܒܠܚܘܕ ܐܠܐ ܕܐܘܦ ܒܢ̈ܘܝ ܕܐܠܗܐ ܗܠܝܢ ܕܡܒܕܪܝܢ ܝܟܢܫ ܠܚܕܐ |
| 011:053 | ܘܡܢ ܗܘ ܝܘܡܐ ܕܝ ܐܬ݁ܚܫܒܘ ܕܝܩܛܘܠܘܢ ܝܬ݁ܗ |
| 011:054 | ܗܘ ܕܝ ܡܪܐ ܝܣܘܣ ܥܘܕ ܠܐ ܗܘܐ ܡܗܠܝܟ ܒܧܪܝܣܝܐ ܒܝܢ ܝܗܘܕܝܝ ܐܠܐ ܐܙܠ ܠܗ ܡܢ ܬ݁ܡܢ ܠܐܪܥ ܩܪܝܒܐ ܠܡܕܒܪܐ ܠܐܦܪܝܡ ܗܕܐ ܕܡܬܐܡܪܐ ܡܕܝܢܐ ܘܬܡܢ ܗܘܐ ܥܡܪ ܥܡ ܬܠܡܝܕܘܝ |
| 012:001 | ܗܘ ܕܝ ܡܪܐ ܝܣܘܣ ܡܢ ܩܘܕܡ ܫܝܬܐ ܝܘ̈ܡܝܢ ܕܦ̈ܣܚܐ ܐܬܐ ܠܒܝܬ݁ ܥܢܝܐ ܗܢ ܕܗܘܐ ܠܥܙܪܘܣ ܗܕܝܢ ܕܐܩܝܡ ܡܢ ܒܝܢ ܡܝܬ݁ܝܐ ܡܪܐ ܝܣܘܣ |
| 012:002 | ܥܒ̈ܕܘ ܠܗ ܕܝ ܡܓܘܣ ܡܪܬܐ ܕܝ ܗܘܬ݁ ܡܫܡܫܐ ܠܗܘܢ ܠܥܙܪܘܣ ܕܝ ܗܘܐ ܚܕ ܗ̈ܠܝܢ ܕܪ̈ܒܝܥܝܢ ܥܡܗ |
| 012:003 | ܡܪܝܐܡ ܕܝ ܢܣܒܬ݁ ܠܝܛܪ ܕܒܝܣܡ ܢܪܕܝܢ ܧ̈ܝܣܛܝܩܘܣ ܕܣܓܝ ܕܡܘܝ ܘܡܫܚܬ݁ ܪ̈ܝܓܠܘܝ ܕܡܪܐ ܝܣܘܣ ܘܫ/ܟ/ܦ̈ܪܬ݁ ܝ̈ܬܗܝܢ ܒܣܥܪܐ ܕܪܝܫܗ݀ ܒܝܬܐ ܕܝ ܟܘܠܗ ܐܬ݁ܡܠܝ ܡܢ ܪܝܚܗ ܕܒܝܣܡܐ |
| 012:004 | ܐܡܪ ܕܝ ܝܘܕܣ ܙܟ̈ܪܝܘܛܐ ܚܕ ܡܢ ܬܠ̈ܡܝܕܘܝ ܗܕܢ ܕܗܘܐ ܥܬܝܕ ܕܝܡܣܘܪ ܝܬ݁ܗ |
| 012:005 | ܠܝܡܐ ܗܕܢ ܒܝܣܡܐ ܠܐ ܐܙܕܒܢ ܒܬ݁ܠܬ݁ ܡܐܐ ܕܝܢܪ̈ܝܢ ܘܐܬ݁ܝܗܒ ܠܡܣ̈ܟܝܢܐ |
| 012:006 | ܗܕܐ ܕܝ ܐܡܪ ܠܐ ܗܘܐ ܝܨܝܦ ܠܡܣ̈ܟܝܢܝܐ ܐܠܐ ܕܗܘܐ ܓܢܒܐ ܘܓܠܘܣ<ܩ>ܡܐ ܗܘܐ ܒܝܕܗ ܘܡܐ ܕܗܘܐ ܡܬܪܡܐ ܒܗ ܗܘ ܗܘܐ ܛܥܝܢ |
| 012:007 | ܐܡܪ ܕܝ ܡܪܐ ܫܒ̈ܘܩܘ ܝܬ݁ܗ ܕܠܝܘܡܐ ܕܩܒܘܪܝ ܬ݁ܛܘܪ ܝܬ݁ܗ |
| 012:008 | ܡܣ̈ܟܝܢܝܐ ܒܟܘܠ ܥܪ ܥܡܟܘܢ ܐܢܐ ܕܝ ܠܐ ܒܟܘܠ ܥܪ ܥܡܟܘܢ |
| 012:009 | ܘܝܕܥ ܐܘܢ ܐܟ̈ܠܘܣ ܣ̈ܓܝ ܡܢ ܝܘܕܝ̈ܝܢ ܕܗܘ ܬ݁ܡ݁ܢ ܘܐܬ݁ܘ ܠܐ ܠܒܕܝܠ ܡܪܐ ܝܣܘܣ ܒܠܚܘܕ ܐܠܐ ܕܐܘܦ ܠܠܥܙܪܘܣ ܝܚ̈ܡܘܢ ܠܗܕܝܢ ܕܐܩܝܡ ܡܢ ܒܝܢ ܡܝܬ݁̈ܝܐ |
| 012:010 | ܐܬ݁ܚܫܒܘ ܕܝ ܪ̈ܝܫܝ ܟܗܢܝܐ ܕܐܘܦ ܠܠܥܙܪܘܣ ܝܩ̈ܛܘܠܘܢ |
| 012:011 | ܕܣ̈ܓܝ ܡܢ ܝܘܕܝܝܢ ܗܘܘ ܐܙ̈ܠܝܢ ܡܢ ܠܒܕܝܠܗ ܘܗܘܘ ܡܗܝܡܢܝܢ ܒܡܪܐ ܝܣܘܣ |
| 012:012 | ܘܠܝܘܡܐ ܕܝ ܕܡܚܪ ܐܟ̈ܠܘܣ ܣܓܝ ܐܬ݁ܟܢܫ ܗܕܢ ܕܐܬܐ ܠܡܘܥܕܐ ܘܟܕ ܫ̈ܡܥܘ ܕܡܪܐ ܝܣܘܣ ܐܬܐ ܠܝܪܘܫܠܡ |
| 012:013 | ܢܣ̈ܒܘ ܫܘܒܫܒܢ ܕܕܩ̈ܠܝܢ ܘܢܦܩ̈ܘ ܠܐܘܪܥܘܬ݁ܗ ܘܗܘܘ ܡܨܘܚ̈ܝܢ ܗܘܫܥܢܐ ܡܒܪܟ ܗܘ ܕܝܢ ܕܐܬܐ ܒܝܫܡܗ ܕܡܪܝܐ ܡܠܟܐ ܕܐܝܣܪܝܠ |
| 012:014 | ܘܒܡܐ ܕܝ ܐܙܠ ܗܘܐ ܐܫܟܚ ܝܣܘܣ ܚܡܐܪ ܪܟܝܒ ܥܠܘܝ ܗܟܡܐ ܕܟܬܝܒ |
| 012:015 | ܠܐ ܬܕܚܘܠܝܢ ܒܪܬܗ ܕܨܝܘܢ ܗܐ ܡܠܟܝܟ ܐܬܐ ܪܟܝܒ ܥܠ ܥܝܠ ܒܪܐ ܐܬ݁ܢ |
| 012:016 | ܗ̈ܠܝܢ ܠܐ ܝܕܥ̈ܘ ܬܠ̈ܡܝܕܘܝ ܡܢ ܩܘܕܡ ܐܠܐ ܟܕ ܐܫܬܒܚ ܡܪܐ ܝܣܘܣ ܒܟܝܢ ܐܬܕܟܪ̈ܘ ܕܗ̈ܠܝܢ ܗܘܝ ܟ̈ܬܒܝܢ ܥܠܘܝ ܘܗ̈ܠܝܢ ܥܒ̈ܕܘ ܠܗ |
| 012:017 | ܗܘܐ ܕܝ ܡܣܝܕ ܐܟܠܘܣܐ ܗܕܝܢ ܕܗܘܐ ܥܡܗ ܟܕ ܩܪܐ ܠܠܥܙܪܘܣ ܡܢ ܡܩܒܘܪܬܐ ܘܐܩܝܡܗ ܡܢ ܒܝܢ ܡܝܬ̈ܝܐ |
| 012:018 | ܠܒܕܝܠ ܟܕܢ ܐܘܦ ܐ̈ܟܠܘܣܐ ܩܕܝܡ ܝܬ݁ܗ ܕܫܡ̈ܥܘ ܕܥܒܕ ܗܕܢ ܐܬܐ |
| 012:019 | ܦܪ̈ܝܫܝܝܢ ܕܝ ܐܡܪܘ ܦܠܓܗܘܢ ܠܦܠܝܓ ܚ̈ܡܝܢ ܐܬܘܢ ܕܠܝܬ݁ ܐܬܘܢ ܡܗ̈ܢܝܢ ܟܘܠܝܡ ܗܐ ܟܘܠܗ ܥܠܡܐ ܐܙܠ ܠܗ ܒܬ݁ܪܗ |
| 012:020 | ܗܘܘ ܕܝ ܐܢܫ̈ܝܢ ܐܪܡܝ̈ܝܢ ܡܢ ܗ̈ܠܝܢ ܕܣ̈ܠܩܘ ܕܝܣ̈ܓܕܘܢ ܒܡܘܥܝܕܐ |
| 012:021 | ܗ̈ܠܝܢ ܕܝ ܩܪ̈ܒܘ ܠܦܝܠܝܧ̈ܘܣ ܕܡܢ ܒܝܬ݁ ܨܝܕܐ ܕܓܠܝܠܐ ܘܗܘܘ ܒ̈ܥܝܢ ܡܢܗ ܘܐܡܪ̈ܝܢ ܡܪܝ ܨܒܝܢ ܐܢܝܢ ܕܢܚܡܝ ܝܣܘܣ |
| 012:022 | ܘܐܬܐ ܦܠܝܧ̈ܘܣ ܘܐܡܪ ܠܐܢܕܪܝܐܣ ܘܐܬܐ ܐܢܕܪܝܐܣ ܘܦܠܝܧ̈ܘܣ ܘܐܡܪ̈ܘ ܠܡܪܐ ܝܣܘܣ |
| 012:023 | ܗܘ ܕܝ ܡܪܐ ܝܣܘܣ ܐܓܝܒ ܘܐܡܪ ܠܗܘܢ ܐܬ݁ܬ݁ ܫܥܬܐ ܕܝܫܬܒܚ ܒܪܗ ܕܒܪܢܫܐ |
| 012:024 | ܐܡܝܢ ܐܡܝܢ ܐܡܪܢܐ ܠܟܘܢ ܕܐܢ ܠܝܬ݁ ܦܪܛܬܐ ܕܚܝܛܬܐ ܠܓܪܡܗ݀ ܗܝ ܡܟܬܪܐ ܐܢ ܕܝ ܡܝܬ݁ܬ݁ ܣܓܝ ܦܝܪ̈ܝܢ ܗܝ ܡܝ{ܛ}<ܬ>ܝܐ |
| 012:025 | ܡ݁ܢ ܕܪܚܝܡ ܢܝܦܫܗ ܡܘܒܕ ܗܘ ܠܗ݀ ܘܡ݁ܢ ܕܣܢܝܐ ܢܝܦܫܗ ܒܗܕܝܢ ܥܠܡܐ ܠܚܝ̈ܝܢ ܕܠܥܠܡ ܗܘ ܢܛܪ ܠܗ |
| 012:026 | ܐܢ ܠܝ ܝܗܐ ܕܒܩ ܘܗܢ ܕܐܢܐ ܩܝܩܢܝ ܬܡ݁ܢ ܗܘܐ ܐܘܦ ܫܡܫܝ ܐܢ ܗܘܐ ܐܢܫ ܡܫܡܫ ܠܝ ܡܘܚܒ ܗܘ ܠܗ ܐܒܐ |
| 012:027 | ܗܐ ܟܕܘ ܢܦܫܝ ܡܬܥܪܒܒܐ ܘܡܐ ܝܡܘܪ ܐܒܐ ܐܚܝ ܝܬ݁ܝ ܡܢ ܗܕܐ ܫܥܬܐ ܐܠܐ ܠܒܕܝܠ ܟܕܝܢ ܐܬ݁ܝܬ݁ ܠܗܕܐ ܫܥܬܐ |
| 012:028 | ܐܒܐ ܫܒܚ ܝܬ݁ܗ ܠܝܫܡܟ ܐܬܐ ܐܘܢ ܩܠ ܡܢ ܓܘ ܫܘܡܝܐ ܫܒܚܬ ܘܬܘܒܢ ܐܢܐ ܡܫܒܝܚ |
| 012:029 | ܐܟܠܘܣܐ ܕܗܘܐ ܩܐܝܡ ܘܫܡܥ ܐܡܪ ܕܪܥܕ ܐܬܥܒܝܕ ܚܘܪܢܝܢ ܕܝ ܗܘܘ ܐܡܪ̈ܝܢ ܡܠܐܟ ܡܠܠ ܥܡܗ |
| 012:030 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ ܠܐ ܠܒܕܝܠ ܗܕܢ ܩܠܐ ܐܬ݁ܥܒܕ ܐܠܐ ܠܒܕܝܠܟܘܢ |
| 012:031 | ܗܐ ܟܕܘ ܐܪܟܘܢܗ ܕܗܕܝܢ ܥܠܡܐ ܡܬ݁ܪܡܝ ܠܒܪ |
| 012:032 | ܘܐܢܐ ܟܕ ܐܝܬ݁ܪܘܡܡ ܡܢ ܐܪܥܐ ܟܘܠܐ ܐܢܐ ܢܓܕ ܠܘܬ݁ܝ |
| 012:033 | ܗܕܐ ܕܝ ܟܘܠܗ݀ ܗܘܐ ܐܡܪ ܡܘܕܥ ܒܗܝܕܢ ܡܘܬ ܗܘܐ ܥܬܝܕ ܕܝܡܘܬ݁ |
| 012:034 | ܐܓܝܒ ܐܘܢ ܐܘܟܠܘܣܐ ܘܐܡܪ ܠܗ ܐܢܝܢ ܫܡܥ̈ܢܝܢ ܡܢ ܢܝܡܘܣܐ ܕܡܫܝܚܐ ܡܟܬܪ ܠܥܠܡ ܘܗܝܟ ܐܬ ܐܡܪ ܐܬ ܕܧ̈ܢܛܘܣ ܠܗ ܕܝܬ݁ܪܘܡܡ ܒܪܗ ܕܒܪܢܫܐ ܡ݁ܢ ܗܘ ܗܕܢ ܒܪܗ ܕܒܪܢܫܐ |
| 012:035 | ܐܡܪ ܠܗܘܢ ܕܝ ܡܪܐ ܝܣܘܣ ܥܘܕ ܨܝܒܚܕ ܐܫܘܢ ܢܗܘܪܐ ܥܡܟܘܢ ܐܬܘܢ ܗܠ̈ܟܘ ܥܕ ܥܡܟܘܢ ܢܗܘܪܐ ܕܠܐ ܝܕܒܘܩ ܝܬ݁ܟܘܢ ܩܒܠܐ ܘܡ݁ܢ ܕܡܗܠܟ ܒܩܒܠܐ ܠܐ ܝܕܥ ܠܗܢ ܗܘ ܐܙܠ |
| 012:036 | ܥܕ ܥܡܟܘܢ ܢܗܘܪܐ ܗܘܘ ܡܗ̈ܝܡܢܝܢ ܒܢܗܘܪܐ ܕܒܢܘ̈ܝ ܕܢܗܘܪܐ ܬܗܘܢ ܗܠܝܢ ܡܠܝܠ ܡܪܐ ܝܣܘܣ ܘܐܙܠ ܐܬܛܡܪ ܡܢܗܘܢ |
| 012:037 | ܘܕܓܢܝܣ ܟܕܢ ܗܘܐ ܥܒܕ ܩܘܕܡܝ̈ܗܘܢ ܘܠܐ ܗܘܘ ܡܗ̈ܝܡܢܝܢ ܒܗ |
| 012:038 | ܠܒܕܝܠ ܕܡܠܬ݁ܗ ܕܐܝܫܥܝܐ ܢܒܝܐ ܬܬ݁ܡܠܐ ܗܕܐ ܕܐܡܪ ܡܪܐ ܡ݁ܢ ܗܝܡܢ ܠܡܫܡܘܥܝܢ ܘܐܕܪܥܗ ܕܡܪܝܐ ܠܡܢ ܐܬ݁ܓܠܝ |
| 012:039 | ܠܒܕܝܠ ܟܕܢ ܠܐ ܗܘܘ ܝܟܠܝܢ ܡܗ̈ܝܡܢܝܢ ܕܬܘܒܢ ܐܡܪ ܐܝܫܝܐܣ |
| 012:040 | ܣܡܝ ܥ̈ܝܢܝܗܘܢ ܘܥܘܪ ܠ̈ܒܒܝܗܘܢ ܕܠܐ ܝܚ̈ܡܘܢ ܒܥܝܢ̈ܝܗܘܢ ܝܬܘܒܘܢ ܘܝܣܐ ܝܬ݁ܗܘܢ |
| 012:041 | ܗܠܝܢ ܡܠܝܠ ܐܫܝܥܝܐ ܕܚܡܐ ܝܬ݁ܗ ܠܬܝܫܒܘܚܬ݁ܗ ܕܐܠܗܐ ܘܡܠܝܠ ܥܠ ܕܛܒܗ ܕܡܪܐ ܝܣܘܣ |
| 012:042 | ܒܪܝܢ ܕܝ ܐܘܦ ܡܢ ܐܪ̈ܟܘܢܝܐ ܣܓܝ ܗ̈ܝܡܢܘ ܒܗ ܐܠܐ ܠܓܠܠ ܦܪ̈ܝܫܝܝ ܠܐ ܗܘܘ ܡܘ̈ܕܝܢ ܠܒܕܝܠ ܕܠܐ ܝܦܩ̈ܘܢ ܡܢ ܟܢܝܫܬܐ |
| 012:043 | ܐܚܒ̈ܘ ܓܪ ܬܝܫܒܘܚܬܗܘܢ ܕܒ̈ܢܝܢܫܐ ܣܓܝ ܡܢ ܬܝܫܒܘܚܬܗ ܕܐܠܗܐ |
| 012:044 | ܘܡܪܐ ܝܣܘܣ ܕܝ ܐܨܝܚ ܘܐܡܪ ܡܢ ܕܡܗܝܡܝܢ ܒܝ ܠܐ ܡܗܝܡܢ ܒܝ ܐܠܐ ܒܗܕܝܢ ܕܫܠܝܚ ܝܬ݁ܝ |
| 012:045 | ܘܡܢ ܕܚܡܝ ܠܝ ܚܡܐ ܠܗܕܢ ܕܫܠܝܚ ܝܬ݁ܝ |
| 012:046 | ܐܢܐ ܗܘ ܢܗܘܪ ܐܬ݁ܝܬ݁ ܠܥܠܝܡܐ ܕܟܘܠ ܡܢ ܕܡܗܝܡܢ ܒܝ ܠܐ ܝܟܬܪ ܒܩܒܠܐ |
| 012:047 | ܘܡ݁ܢ ܕܠܐ ܫܡܥ ܡܠܝ ܘܡܢܛܪ ܠܗ̈ܝܢ ܐܢܐ ܠܐ ܕܐܝܢ ܝܬ݁ܗ ܠܐ ܓܪ ܐܬ݁ܝܬ݁ ܕܝܕܘܢ ܥܠܡܐ ܐܠܐ ܕܝܚܐ ܥܠܝܡܐ |
| 012:048 | ܡ݁ܢ ܕܥܨܐ ܠܝ ܠܐ ܠܝ ܗܘ ܥܨܐ ܐܠܐ ܠܗܕܝܢ ܕܫܠܝܚ ܝܬ݁ܝ ܘܡ݁ܢ ܕܥܨܐ ܠܝ ܠܐ ܢܣܒ ܡܠܘܝ ܗܐ ܠܗ ܡ݁ܢ ܕܕܐܝܢ ܠܗ ܡܠܬܐ ܗܕܐ ܕܡܠܝܠܬ݁ ܗܝ ܕܐܝܢܐ ܠܗ ܒܝܘܡܐ ܐܚܪܝܐ |
| 012:049 | ܕܐܢܐ ܡܢ ܓܪܡܝ ܠܐ ܡܠܠܝܬ݁ ܐܠܐ ܐܒܐ ܫܠܝܚ ܝܬ݁ܝ ܗܘ ܝܗܒ ܠܝ ܦܩܘܕ ܡܐ ܝܡܘܪ ܘܡܐ ܝܡܠܝܠ |
| 012:050 | ܘܝܕܥ ܐܢܐ ܕܦܩܘܕܗ ܚ̈ܐܝܝܢ ܕܠܥܠܡ ܗܘ ܡܐ ܐܘܢ ܕܐܢܐ ܡܡܠܝܠ ܗܝܟܡܐ ܕܐܡܪ ܠܝ ܐܒܐ ܗܟܕܝܢ ܐܢܐ ܡܡܠܝܠ |
| 012:019 | ܦܪ̈ܝܫܝܝ ܕܝ ܐܡܪܘ ܦܠܓܗܘܢ ܠܦܠܓ ܚ̈ܡܝܢ ܐܬܘܢ ܕܠܝܬ݁ ܐܬܘܢ ܡܗܢܝܢ ܟܘܠܘܡ ܗܐ ܟܘܠܗ ܥܠܡܐ ܐܙܠ ܠܗ ܒܬܪܗ |
| 012:020 | ܗܘܘ ܕܝ ܐܢܫ̈ܝܢ ܐܪܡܝܝܢ ܡܢ ܗܠܝܢ ܕܣܠܩܘ ܕܝܣ̈ܓܘܕܘܢ ܒܡܘܥܕܐ |
| 012:021 | ܗ̈ܠܝܢ ܕܝ ܩܪ̈ܒܘ ܠܦܝܠܝܧ̈ܘܣ ܕܡܢ ܒܝܬ ܨܝܕܐ ܕܓܠܝܠܐ ܘܗܘܘ ܒܥܝܢ ܡܢܗ ܘܐܡܪܝܢ ܡܪܝ ܨܒܝܢ ܐܢܗ ܕܢܚܡܐ݁ ܝܣܘܣ |
| 012:022 | ܘܐܬܐ ܦܠܝܧ̈ܘܣ ܘܗܘ ܐܬܐ ܘܐܡܪ ܠܐܢܕܪܝܐܣ ܘܐܬܐ ܐܘܦ ܐܢܕܪܝܐܣ ܘܦܠܝܧ̈ܘܣ ܘܐܡܪ̈ܘ ܠܡܪܐ ܝܣܘܣ |
| 012:023 | ܗܘ ܕܝ ܡܪܐ ܝܣܘܣ ܐܓܝܒ ܘܐܡܪ ܠܗܘܢ ܐܬ݁ܝܬ݁ ܫܥܬܐ ܕܝܫܬܒܚ ܒܪܗ ܕܓܒܪܐ |
| 012:024 | ܘܐܓܝܒ ܡܪܐ ܝܣܘܣ ܘܐܡܪ ܐܡܝܢ ܐܡܝܢ ܐܡܪ ܐܢܐ ܠܟܘܢ ܕܐܢ ܠܝܬ݁ ܦܪܛܬܐ ܕܚܝܛܬܐ ܢܦܠܐ ܒܐܪܥܐ ܘܡܐܬܐ ܗܝ ܠܓܪܡܗ݀ ܘܡܟܬܪܐ ܐܢ ܕܝ ܡܐܬܐ ܣܓܝ ܦܝܪܝܢ ܗܝ ܡܝܬ݁ܝܐ |
| 012:025 | ܡܢ ܕܪܚܡ ܢܦܫܗ ܡܘܒܕ ܗܘ ܠܗ݀ ܘܡܢ ܕܣܢܐ݁ ܢܦܫܗ ܒܗܕܝܢ ܥܠܡܐ ܠܚܝ̈ܝܢ ܕܠܥܠܡ ܗܘ ܢܛܪ ܠܗ |
| 012:026 | ܐܢ ܠܝ ܝܗܐ݁ ܐܢܫ ܡܫܡܫ ܠܝ ܝܗܐ݁ ܕܒܩ ܘܗܢ ܕܐܢܐ ܩܩܢܝ ܗܘܐ݁ ܬܡܢ ܗܘܐ݁ ܐܘܦ ܫܡܫܝ ܐܢ ܗܘܐ݁ ܐܢܫ ܡܫܡܫ ܠܝ ܡܘܩܪ ܗܘ ܠܗ ܐܒܐ |
| 012:027 | ܗܐ ܟܕܘ ܢܦܫܝ ܡܥܪܒܒܐ ܘܡܐ ܝܐܡܘܪ ܐܒܐ ܐܚܝ ܝܬ݁ܝ ܡܢ ܗܕܐ ܫܥܬܐ ܐܠܐ ܠܓܝܠܠ ܟܕܢ ܐܬܝܬ ܠܗܕܐ ܫܥܬܐ |
| 012:028 | ܐܒܐ ܫܒܚ ܝܬ݁ܗ ܠܫܝܡܟ ܘܐܬܐ ܩܠܐ ܡܢ ܓܘ ܫܘܡܝܐ ܫܒܚܬ ܘܬܘܒܢ ܐܢܐ ܡܫܒܚ |
| 012:029 | ܐ{ܟ}ܘܟܠܣܐ ܕܝ ܕܗܘܐ ܩܐܝܡ ܘܫܡܥ ܐܡܪ ܕܪܥܕ ܐܬܥܒܕ ܚܘܪܢܝܢ ܕܝ ܗܘܘ ܐܡܪܝܢ ܡܠܐܟ ܡܠܠ ܥܡܗ |
| 012:030 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ ܠܐ ܐܬ݁ܥܒܕ ܗܕܢ ܩܠܐ ܠܓܝܠܠܝ ܐܠܐ ܠܓܝܠܠܟܘܢ |
| 012:031 | ܗܐ ܟܕܘ ܐܪܟܘܢܗ ܕܗܕܢ ܥܠܡܐ ܡܬܪܡܝ ܠܒܪ |
| 012:032 | ܘܐܢܐ ܟܕ ܝܬܪܘܡܡ ܡܢ ܐܪܥܐ ܟܘܠܐ ܐܢܐ ܢܓܕ ܠܘܬ݁ܝ |
| 012:033 | ܗܕܐ ܕܝ ܥܬܝܕ ܕܝܡܘܬ |
| 012:034 | ܐܓܝܒ ܐܘܟܠܣܐ ܘܐܡܪ ܠܗ ܐܢܗ݀ ܫܡܥܢܗ ܡܢ ܢܝܡܘܣܐ ܕܡܫܝܚܐ ܡܟܬܪ ܠܥܠܡ ܘܗܝܟ ܐܬ ܐܡܪ ܐܬ ܕܧܢܛܘܣ ܠܗ ܕܝܬܪܘܡܡ ܒܪܗ ܕܓܒܪܐ ܐܡܪܝܢ ܠܗ ܐܘܢ ܡ݁ܢ ܗܘ ܗܕܢ ܒܪܗ ܕܓܒܪܐ |
| 012:035 | ܐܡܪ ܠܗܘܢ ܡܪܐ ܝܣܘܣ ܥܘܕ ܨܝܒܚܕ ܐܫܘܢ ܢܗܘܪܐ ܥܡܟܘܢ ܐܝܬ ܗܘ ܐܬܘܢ ܗܠܟܘ ܥܕ ܥܡܟܘܢ ܢܗܘܪܐ ܕܠܐ ܝܕܒܘܩ ܝܬܟܘܢ ܩܒܠܐ ܘܡܢ ܕܡܗܠܟ ܒܩܒܠܐ ܠܐ ܝܕܥ ܠܗܢ ܗܘ ܐܙܠ |
| 012:036 | ܥܕ ܥܡܟܘܢ ܢܗܘܪܐ ܗܘܘ ܡܗܝܡܢܝܢ ܒܢܗܘܪܐ ܕܒ̈ܢܘܝ ܕܢܗܘܪܐ ܬܗܘܢ |
| 012:036 | ܗܠܝܢ ܡܠܠ ܡܪܐ ܝܣܘܣ ܘܐܙܠ ܐܛܡܪ ܡܢܗܘܢ |
| 012:037 | ܘܟܘܠ ܗܠܝܢ ܐܬ݁ܝܐ ܗܘܐ ܥܒܕ ܩܕܡܝ̈ܗܘܢ ܘܠܐ ܗܘܘ ܡܗܝܡܢܝܢ ܒܗ |
| 012:038 | ܠܓܠܠ ܕܡܠܬܗ ܕܐܝܫܥܝܐ ܢܒܝܐ ܬܬ݁ܡܠܐ ܗܕܐ ܕܐܡܪ ܡܪܐ ܡܢ ܝܗܝܡܢ ܠܡܫܡܘܥܢ ܘܐܕܪܥܗ ܕܡܪܝܐ ܠܡܢ ܐܬ݁ܓܠܝ |
| 012:039 | ܠܓܝܠܠ ܟܕܢ ܠܐ ܗܘܘ ܝܟܠܝܢ ܡܗܝܡܢܝܢ ܕܬܘܒܢ ܐܡܪ ܐܝܫܥܝܐ |
| 012:040 | ܣܡܝ ܥܝܢܝܗܘܢ ܘܥܘܪ ܠܒܒܝܗܘܢ ܕܠܐ ܝܚ̈ܡܘܢ ܒܥܝܢܝܗܘܢ ܘܝܬܘܒܘܢ ܘܝܐܣܐ ܝܬ݁ܗܘܢ |
| 012:041 | ܗܠܝܢ ܐܡܪ ܐܝܫܥܝܐ ܕܚܡܐ ܬܫܒܘܚܬܗ ܕܐܠܗܐ ܘܡܠܠ ܥܠ ܕܛܒܗ |
| 012:042 | ܒܪܢ ܕܝ ܐܘܦ ܡܢ ܐܪܟܘܢܝܐ ܣܓܝ ܗܝܡܢܘ ܒܗ ܐܠܐ ܠܓܠܠ ܦܪ̈ܝܫܝܝ ܠܐ ܗܘܘ ܡܘܕܝܢ ܒܗ ܕܠܐ ܝܦܘܩ̈ܘܢ ܡܢ ܟܢܝܫ̈ܬܐ |
| 012:043 | ܐܚܒ̈ܘ ܓܪ ܬܫܒܚܬܗܘܢ ܕܒܢܝܢܫܐ ܣܓܝ ܡܢ ܬܫܒܚܬܗ ܕܐܠܗܐ |
| 012:044 | ܘܡܪܐ ܝܣܘܣ ܕܝ ܐܨܝܚ ܘܐܡܪ ܡܢ ܕܡܗܝܡܝܢ ܒܝ ܠܐ ܡܗܝܡܢ ܒܝ ܐܠܐ ܒܗܕܢ ܕܫܠܚ ܝܬܝ |
| 012:045 | ܘܡܢ ܕܚܡܐ݁ ܠܝ ܚܡܐ݁ ܠܕܝܢ ܕܫܠܚ ܝܬ݁ܝ |
| 012:046 | ܐܢܐ ܢܗܘܪܐ ܐܬ݁ܝܬ ܠܥܠܡܐ ܕܟܘܠ ܕܡܗܝܡܢ ܒܝ ܠܐ ܝܟܬܪ ܒܩܒܠܐ |
| 012:047 | ܘܡܢ ܕܠܐ ܫܡܥ ܡܠܐܝ ܘܡܢܛܪ ܠܗܝܢ ܐܢܐ ܠܐ ܕܐܝܢ ܝܬܗ ܠܐ ܓܪ ܐܬ݁ܝܬ ܕܝܕܘܢ ܥܠܡܐ ܐܠܐ ܕܝܚܐ݁ ܥܠܡܐ |
| 013:001 | ܡܢ ܩܘܕܡ ܕܝ ܡܘܥܕܗ ܕܦ̈ܝܣܚܐ ܝܕܥ ܡܪܐ ܝܣܘܣ ܕܐܬ݁ܬ݁ ܫܥܬ݁ܗ ܕܝܦܢܐ ܡܢ ܗܕܝܢ ܥܠܡܐ ܠܘܬ݁ ܐܒܘܝ ܒܡܐ ܕܐܚܒ ܕܝܠܗ ܗܠܝܢ ܕܒܥܠܡܐ ܠܫܝܨܘܝ ܐܚܒ ܝܬ݁ܗܘܢ |
| 013:002 | ܘܒܡܐ ܕܐܬ݁ܥܒܕ ܡܓܘܣܐ ܘܣܛܢܐ ܟܒܪ ܕܪܡܐ ܒܠܒܗ ܕܝܘܕܣ ܕܝܡܣܘܪ ܝܬ݁ܗ |
| 013:003 | ܘܒܡܐ ܕܝܕܥ ܡܪܐ ܝܣܘܣ ܕܟܘܠܐ ܝܗܒ ܠܗ ܐܒܐ ܒܐܝܕܘ̈ܝ ܘܕܡܢ ܐܠܗܐ ܢܦܩ ܘܠܘܬ݁ ܐܠܗܐ ܗܘ ܐܙܠ |
| 013:004 | ܩܡ ܕܝ ܡܢ ܡܓܘܣܐ ܘܐܣܝܡ ܡܐܢ̈ܘܝ ܘܢܣܒ ܣܒܢܝ ܘܐܣܪ ܒܚܪܨܘܝ |
| 013:005 | ܘܒܟܝܢ ܪܡ̈ܐ ܡܝܢ ܒܣܝܦܠܐ ܘܫܪܝ ܡܫܝܓ ܪܝܓ̈ܠܝܗܘܢ ܕܬܠ̈ܡܝܕܘܝ ܘܡܫܦ̈ܪ ܒܣܒܝܢܝܬܐ ܗܕܐ ܕܗܘܐ ܐܣܪ ܒܚܪܨܘܝ |
| 013:006 | ܐܬܐ ܐܘܢ ܠܘܬ݁ ܣܝܡܘܢ ܧ̈ܛܪܘܣ ܐܡܪ ܠܗ ܡܪܝ ܪܝܓ̈ܠܝ ܐܬ ܡܫܝܓ |
| 013:007 | ܘܐܓܝܒ ܡܪܐ ܝܣܘܣ ܘܐܡܪ ܠܗ ܡܐ ܕܐܢܐ ܥܒܕ ܠܝܬ݁ ܐܬ ܝܕܥ ܟܕܘ ܝܕܥ ܐܬ ܕܝ ܡܢ ܒܬ݁ܪ ܟܕܝܢ |
| 013:008 | ܐܡܪ ܠܗ ܧ̈ܛܪܘܣ ܠܝܬ݁ ܐܬ ܡܫܝܓ ܠܝ ܪܝܓ̈ܠܝ ܠܥܠܡ{ܝ} ܐܓܝܒ ܡܪܐ ܝܣܘܣ ܘܐܡܪ ܠܗ ܐܢ ܠܝܬ݁ ܐܢܐ ܡܫܝܓ ܠܟ ܪ̈ܝܓܠܝܟ ܠܝܬ݁ ܠܟ ܚܘܠܩ ܥܡܝ |
| 013:009 | ܐܡܪ ܠܗ ܣܝܡܘܢ ܧ̈ܛܪܘܣ ܡܪܝ ܠܐ ܪ̈ܝܓܠܝ ܒܠܚܘܕ ܐܠܐ ܐܘܦ ܐܝܕܝ̈ ܘܪܝܫܝ |
| 013:010 | ܐܡܪ ܠܗ ܡܪܐ ܝܣܘܣ ܗܕܢ ܕܣܚܐ ܠܐ ܨܪܝܟ ܐܠܐ ܕܝܫܝܓ ܪ̈ܝܓܠܘܝ ܟܘܠܗ ܓܪ ܕܟܐ ܐܝܬ݁ ܗܘ ܐܘܦ ܐܬܘܢ ܕܟ̈ܝܢ ܐܬܘܢ ܐܠܐ ܠܐ ܟܘܠܟܘܢ |
| 013:011 | ܝܕܥ ܗܘܐ ܓܪ ܡܢ ܗܘ ܡܣܘܪܗ |
| 013:012 | ܟܕ ܐܘܢ ܐܫܝܓ ܪܝܓ̈ܠܗܘܢ ܘܢܣܒ ܡܢܘܝ ܘܪܒܥ ܬܘܒܢ ܐܡܪ ܠܗܘܢ ܝܕܥܝܢ ܐܬܘܢ ܡܐ ܥܒܕܬ ܠܟܘܢ |
| 013:013 | ܐܬܘܢ ܩܪܝܢ ܠܝ ܡܪܐ ܘܡܠܦܢܐ ܘܝܐܘܬ݁ ܐܬܘܢ ܐܡܪܝܢ ܟܢ ܓܪ ܐܢܐ |
| 013:014 | ܐܢ ܐܘܢ ܐܢܐ ܐܫܝܓܬ݁ ܪܝܓ̈ܠܝܟܘܢ ܡܪܐ ܘܡܠܦܢܐ ܐܘܦ ܐܬܘܢ ܚܝܐܒܝܢ ܐܬܘܢ ܕܬ݁ܗܘܢ ܡܫܝܓܝܢ ܪܝܓ̈ܠܘܝ ܦܠܓܟܘܢ {ܕ}<ܠ>ܠܦܠܝܓ |
| 013:015 | ܕܡܘ ܓܪ ܝܗܒܬ ܠܟܘܢ ܕܗܝܟ ܡܐ ܕܐܢܐ ܥܒܕܬ ܠܟܘܢ ܐܘܦ ܐܬܘܢ ܬ݁ܗܘܢ ܥܒܕܝܢ |
| 013:016 | ܐܡܝܢ ܐܡܝܢ ܐܡܪ ܐܢܐ ܠܟܘܢ ܕܠܝܬ݁ ܥܒܕ ܪܒ ܡܢ ܡܪܗ ܘܠܐ ܫܠܝܚ ܡܢ ܗܕܝܢ ܕܫܠܝܚ ܝܬ݁ܗ |
| 013:017 | ܐܢ ܝܕܥܝܢ ܐܬܘܢ ܗܠܝܢ ܛܘܒܝܟܘܢ ܐܢ ܗܘܝܬܘܢ ܐܬܘܢ ܥܒܕܝܢ ܠܗܝܢ |
| 013:031 | ܐܡܪ ܡܪܐ ܠܬܠܡܝܕܘܝ ܟܕܘ ܝܫܬܒܚ ܒܪܗ ܕܓܒܪܐ ܘܐܠܗܐ ܝܫܬܒܚ ܒܗ |
| 013:032 | ܐܘܦ ܐܠܗܐ ܡܫܒܚ ܠܗ ܒܗ ܘܡܢ ܚܕܐ ܗܘ ܡܫܒܚ |
| 013:033 | ܒܢ̈ܝ ܥܘܕ ܨܝܒܚܕ ܐܢܐ ܥܡܟܘܢ ܘܐܬܘܢ ܗܘܢ ܒܥܝܢ ܠܝ ܘܗܝܟ ܡܐ ܕܐܡܪܬ ܠܝܗܘܕܝ̈ܝ ܕܠܗܢ ܕܐܢܐ ܐܙܠ ܐܬܘܢ ܠܝܬ݁ ܐܬܘܢ ܝܟܠܝܢ ܕܬ݁ܝܬ̈ܘܢ ܐܘܦ ܠܟܘܢ ܐܢܐ ܐܡܪ |
| 013:034 | ܒܪܢ ܕܝ ܟܕܘ ܦܩܘܕ ܚܕܬ ܐܢܐ ܝܗܒ ܠܟܘܢ ܠܒܕܝܠ ܕܬ݁ܗܘܢ ܡܚܒܝܢ ܦܠܓܟܘܢ ܠܦܠܓ ܗܝܟ ܡܐ ܕܐܚܒܬ ܝܬ݁ܟܘܢ ܕܐܦ ܐܬܘܢ ܬ݁ܗܘܢ ܡܚ̈ܒܝܢ ܦܠܓܟܘܢ ܠܦܠܓ |
| 013:035 | ܒܗܕܐ ܝܕܘܥ̈ܘܢ ܟܘܠ ܥܡ̈ܐ ܕܐܬܘܢ ܬܠ̈ܡܝܕܐܝ ܐܢ ܬ݁ܗܐ ܒܟܘܢ ܚܒܐ ܦܠܓܟܘܢ ܠܦܠܓ |
| 013:036 | ܐܡܪ ܠܗ ܣܝܡܘܢ ܧ̈ܛܪܘܣ ܡܪܐ ܠܗܢ ܐܬ ܐܙܠ ܐܓܝܒ ܡܪܐ ܝܣܘܣ ܘܐܡܪ ܠܗ ܠܗܢ ܕܐܢܐ ܐܙܝܠ ܠܝܬ݁ ܐܬ ܝܟܠ ܟܕܘ ܕܬ݁ܕܒܘܩ ܝܬ݁ܝ ܒܐܚܪܝܬܐ ܕܝ ܐܬ ܕܒܩ ܝܬ݁ܝ |
| 013:037 | ܐܡܪ ܠܗ ܧ̈ܛܪܘܣ ܡܪܐ ܠܡܐ ܠܝܬ݁ ܐܢܐ ܝܟܝܠ ܕܒܩ ܠܟ ܟܕܘ ܢܦܫܝ ܚܘܠܦܝܟ ܐܢܐ ܡܣܝܡ |
| 013:038 | ܐܓܝܒ ܡܪܐ ܝܣܘܣ ܘܐܡܪ ܠܗ ܢܦܫܟ ܐܬ ܡܣܝܡ ܚܘܠܦܐܝ܃ ܐܡܝܢ ܐܡܝܢ ܐܡܪ ܐܢܐ ܠܟ܃ ܕܠܐ ܝܩܪܐ ܬ݁ܪܢܓ̈ܘܠܐ ܥܕܡܐ ܕܬ݁ܠܬܐ ܙܒܢܝܢ ܬ݁ܟܦܘܪ ܒܝ |
| 014:001 | ܠܐ ܝܬ݁ܥܪܒܒ ܠܒܟܘܢ ܗܘܘ ܡܗ̈ܝܡܢܝܢ ܒܐܠܗܐ ܘܒܝ ܗܘܘ ܡܗ̈ܝܡܢܝܢ |
| 014:002 | ܒܒܝܬܗ ܕܐܒܐ ܐܝܬ݁ ܡܢܚܢ ܣܓܝ ܐܠܘ ܕܝ ܟܢ ܐܝܬ݁ ܐܢܐ ܐܡܪܬ݁ ܠܟܘܢ ܕܐܢܐ ܐܙܠ ܕܝܥܬܕ ܠܟܘܢ ܐܬ݁ܪ |
| 014:003 | ܘܐܢ ܝܐܙܠ ܘܝܥܬܕ ܠܟܘܢ ܐܬܪ ܬܘܒܢ ܐܢܐ ܐܬܐ ܠܘܬ݁ܟܘܢ ܘܕܒܪ ܠܟܘܢ ܠܘܬ݁ܝ ܕܗܢ ܕܐܢܐ ܗܘܐ ܐܘܦ ܐܬܘܢ ܬ݁ܗܘܢ |
| 014:004 | ܘܠܗܢ ܕܐܢܐ ܐܙܠ ܝܕܥܝܢ ܐܬܘܢ ܐܘܦ ܐܘܪܚܐ ܐܬܘܢ ܡܟܪܝܢ |
| 014:005 | ܐܡܪ ܠܗ ܬ݁ܘܡܣ ܡܪܐ ܠܝܬ݁ ܐܢܗ̈ ܝܕܥ̈ܝܢ ܠܗܢ ܐܬ ܐܙܠ ܘܗܝܟ ܐܢܗ ܝܟܠܝܢ ܕܢܗܐ݁ ܡܟܪܝܢ ܐܘܪܚܐ |
| 014:006 | ܐܡܪ ܠܗ ܡܪܐ ܝܣܘܣ ܐܢܐ ܗܘ ܐܘܪܚܐ ܘܩܘܫܛܐ ܘܚܝ̈ܝܐ ܐܢܫ ܠܐ ܐܬܐ ܠܘܬ݁ ܐܒܐ ܐܠܐ ܐܢ ܥܠ ܕܥܠܐܝ |
| 014:007 | ܐܢ ܐܟܪܬܘܢ ܝܬ݁ܝ ܐܘܦ ܠܐܒܐ ܐܬܘܢ ܗܘܝܢ ܡܟܪܝܢ ܘܡܢ ܟܕܘ ܐܬܘܢ ܡܟܪܝܢ ܠܗ ܘܚ̈ܡܝܬܘܢ ܝܬ݁ܗ |
| 014:008 | ܐܡܪ ܠܗ ܦܝܠܝܧܘܣ ܡܪܐ ܐܘܕܥ ܠܢ ܐܒܐ ܘܡܝܣܬ݁ܢ |
| 014:009 | ܐܡܪ ܠܗ ܡܪܐ ܝܣܘܣ ܟܘܠ ܗܕܢ ܐܫܘܢܐ ܐܢܐ ܥܡܟܘܢ ܘܠܐ ܐܟܪܬ ܝܬ݁ܝ ܦܝܠܧܐ ܡ݁ܢ ܕܚܡܐ ܝܬ݁ܝ ܚܡܐ ܠܐܒܐ ܘܗܝܟ ܐܬ ܐܡܪ ܐܘܕܥ ܠܢ ܐܒܐ |
| 014:010 | ܠܝܬ݁ ܐܬ ܡܗܝܡܢ ܕܐܢܐ ܒܐܒܐ ܘܐܒܐ ܒܝ ܐܝܬ݁ ܗܘ ܡ̈ܠܝܐ ܗܠܝܢ ܕܐܢܐ ܡܡܠܠ ܠܟܘܢ ܡܢ ܓܪܡܝ ܠܝܬ݁ ܐܢܐ ܡܡܠܠ ܐܒܐ ܗܕܢ ܕܥܡܪ ܒܝ ܗܘ ܥܒܕ ܥܘܒ̈ܕܝܐ |
| 014:011 | ܗܘܘ ܡܗ̈ܝܡܢܝܢ ܠܝ ܕܐܢܐ ܒܐܒܐ ܘܐܒܐ ܒܝ ܘܐܢ ܠܐ ܟܢ ܠܓܝܠܠ ܥܘܒ̈ܕܝܐ ܗܘܘ ܡܗܝ̈ܡܢܝܢ |
| 014:012 | ܐܡܝܢ ܐܡܝܢ ܐܡܪ ܐܢܐ ܠܟܘܢ ܕܡ݁ܢ ܕܡܗܝܡܢ ܒܝ ܥܘܒ̈ܕܝܐ ܗܠܝܢ ܕܐܢܐ ܥܒܕ ܐܘܦ ܗܘ ܝܥܒܕ ܘܪܒܪܒܝܢ ܡܢ ܗܠܝܢ ܝܥܒܕ܃ ܕܐܢܐ ܠܘܬ݁ ܐܒܐ ܐܢܐ ܐܙܠ |
| 014:013 | ܘܡܐ ܕܬ݁ܫܘܠܘ̈ܢ ܒܫܝܡܝ ܗܕܐ ܕܐܢܐ ܝܥܒܕ ܠܓܝܠܠ ܕܝܫܬܒܚ ܐܒܐ ܒܝ ܒܒܪܐ |
| 014:015 | ܐܢ ܡܚ̈ܒܝܢ ܐܬܘܢ ܠܝ ܦܩܘܕܐܝ ܢܛܪ̈ܘ |
| 014:016 | ܘܐܢܐ ܒܥܝ ܡܢ ܐܒܐ ܘܗܘ ܝܗܒ ܠܟܘܢ ܚܘܪܢ ܡܢܚܡܢ ܕܝܗܐ ܥܡܪ ܥܡܟܘܢ ܠܥܠܡ |
| 014:017 | ܪܘܚܐ ܕܩܘܫܛܐ ܡ݁ܐ ܕܥܠܡܐ ܠܐ ܝܟܠ ܕܝܣܒ ܕܠܐ ܚܡܐ ܠܗ ܘܠܐ ܡܟܪ ܠܗ ܐܬܘܢ ܕܝ ܡܟܪܝܢ ܝܬ݁ܗ ܕܒܓܘܟܘܢ ܗܘ ܥܡܪ ܘܥܡܟܘܢ ܗܘ ܗܘܐ |
| 014:018 | ܠܝܬ݁ ܐܢܐ ܫܒܩ ܝܬ݁ܟܘܢ ܝܬ݁ܡܝ̈ܢ ܐܬܐ ܐܢܐ ܠܘܬܟܘܢ |
| 014:019 | ܘܥܘܕ ܨܝܒܚܕ ܘܥܠܡܐ ܡܢ ܟܕܘ ܠܐ ܚܡܐ ܠܝ ܐܬܘܢ ܕܝ ܚܡ̈ܝܢ ܠܝ ܕܐܢܐ ܚܐܝ ܘܐܬܘܢ ܚܝ̈ܝܢ ܐܬܘܢ |
| 014:020 | ܒܗ݀ܘ ܝܘܡܐ ܬ݁ܕܘܥܘܢ ܕܐܢܐ ܒܐܒܐ ܘܐܬܘܢ ܒܝ ܘܐܢܐ ܒܟܘܢ |
| 014:021 | ܟܘܠ ܡܢ ܕܥܡܗ ܦܩ̈ܘܕܐܝ ܘܢܛܪ ܠܗܘܢ ܝܬ݁ܗ ܗܘ ܗܕܝܢ ܕܡܚܒ ܠܝ ܘܡ݁ܢ ܕܡܚܒ ܠܝ ܡܬ݁ܪܚܡ ܡܢ ܐܒܐ ܘܐܢܐ ܡܚܒ ܠܗ ܘܐܢܐ ܡܘܕܥ ܠܗ ܓܪܡܝ |
| 014:027 | ܠܐ ܝܬܥܪܒܒ ܠܒܟܘܢ ܘܠܐ ܝܕܚܘܠ |
| 014:028 | ܫܡܥ̈ܬܘܢ ܕܐܢܐ ܐܡܪܬ ܠܟܘܢ ܕܐܢܐ ܐܙܠ ܘܐܬܐ ܠܘܬ݁ܟܘܢ ܐܠܘ ܗܘܝܬܘܢ ܡܚ̈ܒܝܢ ܠܝ ܐܝܬ݁ ܚܕܝܬܘܢ ܕܐܢܐ ܐܙܠ ܠܐܒܐ ܕܐܒܐ ܪܒ ܗܘ ܡܢܝ |
| 014:029 | ܐܘܦ ܟܕܘ ܐܡܪܬ݁ ܠܟܘܢ ܡ݁ܢ ܥܕ ܠܐ ܝܬܥܒܕ ܬܗܝܡܢܘܢ |
| 014:030 | ܥܘܕ ܠܝܬ݁ ܐܢܐ ܡܡܠܠ ܥܡܟܘܢ ܣܓܝ ܐܬܐ ܗܘ ܓܪ ܐܪܟܘܢܗ ܕܗܕܝܢ ܥܠܡܐ ܘܒܓܘܝ ܠܝܬ݁ ܠܗ ܟܘܠܡ |
| 014:031 | ܐܠܐ ܕܝܕܘܥ ܥܠܡܐ ܕܐܢܐ ܡܚܒ ܠܐܒܐ ܘܗܝܟ ܡ݁ܐ ܕܦܩܕ ܝܬ݁ܝ ܐܒܐ ܗܟܕܢ ܐܢܐ ܥܒܕ ܩ̈ܘܡܘ ܢܝܙܠ ܡܢ ܟܐ |
| 014:001 | ܒܐܠܗܐ ܘܒܝ ܗܘܘ ܡܗ̈ܝܡܢܝܢ |
| 014:002 | ܒܒܝܬܗ ܕܐܒܐ ܐܝܬ ܡܢܚ̈ܢ ܣܓܝ ܐܠܘ ܕܝ ܟܢ ܐܝܬ ܐܢܐ ܐܡܪܬ ܠܟܘܢ ܕܐܢܐ ܐܙܠ ܕܝܥܬܕ ܠܟܘܢ ܐܬܪ |
| 014:003 | ܘܐܢ ܝܐܙܠ ܘܝܥܬܕ ܠܟܘܢ ܐܬܪ ܬܘܒܢ ܐܢܐ ܐܬܐ ܠܘܬ݁ܟܘܢ ܘܕܒܪ ܠܟܘܢ ܠܘܬ݁ܝ ܕܗܢ ܕܐܢܐ ܗܘܐ݁ ܐܘܦ ܐܬܘܢ ܬ݁ܗܘܢ |
| 014:004 | ܘܠܗܢ ܕܐܢܐ ܐܙܠ ܝܕܥܝܢ ܐܬܘܢ ܐܘܦ ܐܘܪܚܐ ܐܬܘܢ ܡܟܪܝܢ |
| 014:005 | ܐܡܪ ܠܗ ܬ݁ܘܡܣ ܡܪܐ ܠܝܬ݁ ܐܢܗ̈ ܝܕܥ̈ܝܢ ܠܗܢ ܐܬ ܐܙܠ ܘܗܝܟ ܐܢܗ ܝܟܠܝܢ ܕܢܗ̈ܐ݁ ܡܟܪܝܢ ܐܘܪܚܐ |
| 014:006 | ܐܡܪ ܠܗ ܡܪܐ ܝܣܘܣ ܐܢܐ ܗܘ ܐܘܪܚܐ ܘܩܘܫܛܐ ܘܚܝܝܐ ܐܢܫ ܠܐ ܐܬܐ݁ ܠܘܬ݁ ܐܒܐ ܐܠܐ ܐܢ ܥܠ ܕܥܠܐܝ |
| 014:007 | ܐܢ ܐܟܪܬܘܢ ܝܬܝ ܐܘܦ ܠܐܒܐ ܐܬܘܢ ܗܘܝܢ ܡܟܪܝܢ ܘܡܢ ܟܕܘ ܐܬܘܢ ܡܟܪܝܢ ܠܗ ܘܚܡܝܬܘܢ ܝܬܗ |
| 014:008 | ܐܡܪ ܠܗ ܦܝܠܝܦܣ ܡܪܐ ܐܘܕܥ ܠܢ ܐܒܐ ܘܡܝܣܬ݁ܢ |
| 014:009 | ܐܡܪ ܠܗ ܡܪܐ ܝܣܘܣ ܟܘܠ ܗܕܢ ܐܫܘܢܐ ܐܢܐ ܥܡܟܘܢ ܘܠܐ ܐܟܪܬ ܝܬ݁ܝ ܦܝܠܝܧܐ ܡܢ ܕܚܡܐ ܝܬܝ ܚܡܐ ܠܐܒܐ ܘܗܝܟ ܐܬ ܐܡܪ ܐܘܕܥ ܠܢ ܐܒܐ |
| 014:010 | ܠܝܬ ܐܬ ܡܗܝܡܢ ܕܐܢܐ ܒܐܒܐ ܘܐܒܐ ܒܝ ܐܝܬ݁ ܗܘ ܡ̈ܠܝܐ ܗܠܝܢ ܕܐܢܐ ܡܡܠܠ ܠܟܘܢ ܡܢ ܓܪܡܝ ܠܝܬ ܐܢܐ ܡܡܠܠ ܐܒܐ ܗܕܢ ܕܥܡܪ ܒܝ ܗܘ ܥܒܕ ܥ<ܘ>ܒ{ܘ}ܕܝܐ |
| 014:011 | ܗܘܘ ܡܗܝܡܢܝܢ ܠܝ ܕܐܢܐ ܒܐܒܐ ܘܐܒܐ ܒܝ ܘܐܢ ܠܐ ܟܢ ܠܓܝܠܠ ܥܘܒܕܝܐ ܗܘܘ ܡܗܝ̈ܡܢܝܢ |
| 014:012 | ܐܡܝܢ ܐܡܝܢ ܐܡܪ ܐܢܐ ܠܟܘܢ ܕܡܢ ܕܡܗܝܡܢ ܒܝ ܥܘܒܕܝܐ ܗܠܝܢ ܕܐܢܐ ܥܒܕ ܐܘܦ ܗܘ ܝܥܒܕ ܘܪܒܪܒܝܢ ܡܢ ܗܠܝܢ ܝܥܒܕ܃ ܕܐܢܐ ܠܘܬ ܐܒܐ ܐܢܐ ܐܙܠ |
| 014:013 | ܘܡܐ ܕܬܫܘܠܘ̈ܢ ܒܫܝܡܝ ܗܕܐ ܕܐܢܐ ܝܥܒܕ ܠܓܝܠܠ ܕܝܫܬܒܚ ܐܒܐ ܒܝ ܒܒܪܐ |
| 014:015 | ܐܢ ܡܚܒܝܢ ܐܬܘܢ ܠܝ ܦܩܘܕܐܝ ܢܛܪ̈ܘ |
| 014:016 | ܘܐܢܐ ܒܥܐ݁ ܡܢ ܐܒܐ ܘܗܘ ܝܗܒ ܠܟܘܢ ܚܘܪܢ ܡܢܚܡܢ ܕܝܗܐ ܥܡܪ ܥܡܟܘܢ ܠܥܠܡ |
| 014:017 | ܪܘܚܐ ܕܩܘܫܛܐ ܡܐ ܕܥܠܡܐ ܠܐ ܝܟܠ ܕܝܣܒ ܕܠܐ ܚܡܐ݁ ܠܗ ܘܠܐ ܡܟܪ ܠܗ ܐܬܘܢ ܕܝ ܡܟܪܝܢ ܝܬܗ ܕܒܓܘܟܘܢ ܗܘ ܥܡܪ ܘܥܡܟܘܢ ܗܘ ܗܘܐ |
| 014:018 | ܠܝܬ ܐܢܐ ܫܒܩ ܝܬܟܘܢ ܝܬ݁ܡܝ̈ܢ ܐܬܐ݁ ܐܢܐ ܠܘܬܟܘܢ |
| 014:019 | ܘܥܘܕ ܨܝܒܚܕ ܘܥܠܡܐ ܡܢ ܟܕܘ ܠܐ ܚܡܐܝ ܠܝ ܐܬܘܢ ܕܝ ܚܡ̈ܝܢ ܠܝ ܕܐܢܐ ܚܐܝ ܘܐܬܘܢ ܚܝ̈ܝܢ ܐܬܘܢ |
| 014:020 | ܒܗܘ ܝܘܡܐ ܬܕ݁ܘܥܘܢ ܕܐܢܐ ܒܐܒܐ ܘܐܬܘܢ ܒܝ ܘܐܢܐ ܒܟܘܢ |
| 014:021 | ܟܘܠ ܡܢ ܕܥܡܗ ܦܩܘܕܐܝ ܘܢܛܪ ܠܗܘܢ ܝܬ݁ܗ ܗܘ ܗܕܢ ܕܡܚܒ ܠܝ ܘܡܢ ܕܡܚܒ ܠܝ ܘܡܢ ܕܡܚܒ ܡܢ ܐܒܐ ܘܐܢܐ ܡܚܒ ܠܗ ܘܐܢܐ ܡܘܕܥ ܠܗ ܓܪܡܝ |
| 014:027 | ܠܐ ܝܬܥܪܒܒ ܠܒܟܘܢ ܘܠܐ ܝܕܚܘܠ |
| 014:028 | ܫܡܥ̈ܬܘܢ ܕܐܢܐ ܐܡܪܬ ܠܟܘܢ ܕܐܢܐ ܐܙܠ ܘܐܬܐ ܠܘܬ݁ܟܘܢ ܐܠܘ ܗܘܝܬܘܢ ܡܚ̈ܒܝܢ ܠܝ ܐܝܬ ܚܕܝܬܘܢ ܕܐܢܐ ܐܙܠ ܐܒܐ ܪܒ ܗܘ ܡܢܝ |
| 014:029 | ܐܘܦ ܟܕܘ ܐܡܪܬ݁ ܠܟܘܢ ܡܢ ܥܕ ܠܐ ܝܬܥܒܕ ܬܗܝܡܢܘܢ |
| 014:030 | ܥܘܕ ܠܝܬ ܐܢܐ ܡܡܠܠ ܥܡܟܘܢ ܣܓܝ ܐܬܐ݁ ܗܘ ܓܪ ܐܪܟܘܢܗ ܕܗܕܢ ܥܠܡܐ ܘܒܓܘܝ ܠܝܬ݁ ܠܗ ܟܘܠܡ |
| 015:001 | ܐܢܐ ܗܘ ܓܘܦܢܐ ܩܫܝܛܬܐ ܘܐܒܐ ܗܘ ܐܪܝܣܐ |
| 015:002 | ܟܘܠ ܥܘܒܪܐ ܕܒܝ ܕܠܐ ܡܝܬܝܐ ܦܝܪܝܢ ܡܪܝܡ ܗܘ ܠܗ܃ ܘܟܘܠ ܗܝܕܐ ܕܡܝܬܝܐ ܦܝܪܝܢ ܡܕܟܐ݁ ܗܘ ܠܗ ܠܓܠܠ ܕܦܝܪܝܢ ܣܓܝ ܬܝܬܐ |
| 015:003 | ܟܒܪ ܐܬܘܢ ܕܟܝܢ ܠܓܠܠ ܡܠܬܐ ܕܐܡܪܬ ܠܟܘܢ |
| 015:004 | ܟܬܪܘ ܒܝ ܘܐܢܐ ܒܟܘܢ ܗܝܟ ܡܐ ܓܪ ܕܥܘܒܪܬܐ ܠܐ ܝܟܠܐ ܡܝܬܝܐ ܦܝܪܝܢ ܡܢ ܓܪܡܗ ܐܠܐ ܐܢ ܡܟܬܪܐ ܒܓܘܦܢܐ ܗܟܕܢ ܐܘܦ ܐܬܘܢ ܐܢ ܠܐ ܬ݁ܟܬܪܘܢ ܒܝ |
| 015:005 | ܐܢܐ ܗܘ ܓܘܦܢܐ ܘܐܬܘܢ ܥܘܒܪܬܐ ܡܢ ܕܡܟܬܪ ܒܝ ܘܐܢܐ ܒܗ ܗܕܝܢ ܡܝܬܐ݁ ܦܝܪܝܢ ܣܓܝ ܠܒܪ ܡܢܝ ܠܝܬ݁ ܐܬܘܢ ܝܟܠܝܢ ܕܬ݁ܥܒܕܘܢ ܟܘܠܘܡ |
| 015:006 | ܐܠܐ ܗܘܐ݁ ܐܢܫ ܡܟܬܪ ܒܝ ܝܬܪܡܐ ܠܒܪ ܗܝܟ ܡܐ ܕܥܘܒܪܬܐ ܘܝܒܘܫ ܘܗܢܘܢ ܡܟܢܫܝܢ ܝܬܗܘܢ ܘܪܡܝܢ ܒܢܘܪܐ ܘܝܩܕܝܢ |
| 015:007 | ܐܢ ܕܝ ܬ݁ܟܬܪܘܢ ܒܝ ܘܡܠܐܝ ܒܓܘܟܘܢ ܝܟܬܪܢ ܡܐ ܕܐܬܘܢ ܨܒ̈ܝܢ ܫܘܠܘ ܘܡܬ݁ܥܒܕ ܠܟܘܢ |
| 015:001 | ܐܢܐ ܗܘ ܓܘܦܢܐ ܩܫܝܛܬܐ ܘܐܒܐ ܗܘ ܐܪܝܣܐ |
| 015:002 | ܟܘܠ ܥܘܒܪܐ ܕܒܝ ܕܠܐ ܡܝܬ݁ܝܐ ܦܝܪܝܢ ܡܪܝܡ ܗܘ ܠܗ ܘܟܘܠ ܗܝܕܐ ܕܡܝܬܝܐ ܦܝܪܝܢ ܡܕܟܐ݁ ܗܘ ܠܗ ܘܟܠ ܗܕܐ ܕܡܝܬܐ ܦܝܪܝܢ ܡܕܟܐ ܗܘ ܠܗ ܠܓܠܠ ܕܦܝܪܝܢ ܣܓܝ ܬܝܬܐ |
| 015:003 | ܟܒܪ ܐܬܘܢ ܕܟܝܢ ܠܓܠܠ ܡܠܬܐ ܕܐܡܪܬ ܠܟܘܢ |
| 015:004 | ܟܬܪܘ ܒܝ ܘܐܢܐ ܒܟܘܢ ܗܝܟ ܡܐ ܓܪ ܕܥܘܒܪܬܐ ܠܐ ܝܟܠܐ ܡܝܬ݁ܝܐ ܦܝܪܝܢ ܡܢ ܓܪܡܗ ܐܠܐ ܐܢ ܡܟܬܪܐ ܒܓܘܦܢܐ ܗܟܕܢ ܐܘܦ ܐܬܘܢ ܐܢ ܠܐ ܬ݁ܟܬܪܘܢ ܒܝ |
| 015:005 | ܐܢܐ ܗܘ ܓܘܦܢܐ ܘܐܬܘܢ ܥܘܒܪܬܐ ܡܢ ܕܡܟܬܪ ܒܝ ܘܐܢܐ ܒܗ ܗܕܝܢ ܡܝܬܐ݁ ܦܝܪܝܢ ܣܓܝ ܠܒܪ ܡܢܝ ܠܝܬ݁ ܐܬܘܢ ܝܟܠܝܢ ܕܬ݁ܥܒܕܘܢ ܟܘܠܘܡ |
| 015:006 | ܐܠܐ ܗܘܐ݁ ܐܢܫ ܡܟܬܪ ܒܝ ܝܬ݁ܪܡܐ ܠܒܪ ܗܝܟ ܡܐ ܕܥܘܒܪܬܐ ܘܝܒܘܫ ܘܗܢܘܢ ܡܟܢܫܝܢ ܝܬ݁ܗܘܢ ܘܪܡܝܢ ܒܢܘܪܐ ܘܝܩܕܝܢ |
| 015:007 | ܐܢ ܕܝ ܬ݁ܟܬܪܘܢ ܒܝ ܘܡܠܐܝ ܒܓܘܟܘܢ ܝܟܬܪܢ ܡܐ ܕܐܬܘܢ ܨܒ̈ܝܢ ܫܘܠܘ ܘܡܬ݁ܥܒܕ ܠܟܘܢ |
| 015:008 | ܒܗܕܐ ܝܫܬܒܚ ܐܒܐ ܕܦܝܪ̈ܝܢ ܣܓܝ ܬܝܬ݁ܘܢ ܘܬܗܘܢ ܠܝ ܬܠ̈ܡܝܕܝܢ |
| 015:009 | ܗܝܟ ܡ݁ܐ ܕܐܚܒ ܝܬ݁ܝ ܐܒܐ ܐܘܦ ܐܢܐ ܐܚܒܬ ܝܬܟܘܢ܃ ܟܬܪ̈ܘ ܒܚܒܬ݁ܝ ܕܝܠܝ |
| 015:010 | ܐܢ ܬ݁ܢܛܪܘܢ ܦܩܘܕܐܝ ܡܟܬܪ̈ܝܢ ܐܬܘܢ ܒܚܒܬܝ ܕܝܠܝ ܗܝܟ ܡ݁ܐ ܕܐܘܦ ܐܢܐ ܦܩܘܕ̈ܘ<ܝ> ܕܐܒܐ ܢܛܪܬ݁܃ ܘܐܢܐ ܡܟܬܪ ܒܚܒܬ݁ܗ |
| 015:011 | ܗ݀ܠܝܢ ܡܠܠܬ݁ ܠܟܘܢ ܕܚܕܘܬܝ ܕܝܠܝ ܬܗܐ ܒܓܘܟܘܢ܃ ܘܚ̈ܕܘܬܟܘܢ ܬ݁ܬܡܠܐ |
| 015:012 | ܗ݀ܕܝܢ ܗܘ ܦܩܘܕܝ ܕܝܠܝ ܕܬ݁ܗܘܢ ܡܚ̈ܒܝܢ ܦܠܓܟܘܢ ܠܦܠܓ܃ ܗܝܟ ܡ݁ܐ ܕܐܚܒܬ݁ ܠܟܘܢ |
| 015:013 | ܕܪܒܐ ܡܢ ܗܕܐ ܚܒܬܐ ܠܝܬ݁ ܐܢܫ ܐܠܐ ܕܝܣܡ ܢܦܫܗ ܥܠ ܛܒ ܪܚܡܘܝ |
| 015:014 | ܐܬܘܢ ܪ̈ܚܡܐܝ ܐܬܘܢ ܐܢ ܬ݁ܗܘܢ ܥܒ̈ܕܝܢ ܡ݁ܐ ܕܐܢܐ ܡܦܩܕ ܠܟܘܢ |
| 015:015 | ܥܘܕ ܠܝܬ݁ ܐܢܐ ܐܡܪ ܠܟܘܢ ܥܒ̈ܕܝܢ܃ ܠܓܠܠ ܕܥܒܕܐ ܠܐ ܝܕܥ ܡ݁ܐ ܡܪܗ ܥܒܕ܃ ܠܟܘܢ ܕܝ ܐܡܪܬ݁ ܕܐܬܘܢ ܪ̈ܚܡܐܝ܃ ܕܟܘܠ ܡ݁ܐ ܕܫܡܥܬ݁ ܡܢ ܐܒܐ ܐܘܕܥܬ݁ ܠܟܘܢ |
| 015:016 | ܠܐ ܐܬܘܢ ܒܚܪܬܘܢ ܝܬ݁ܝ ܐܠܐ ܐܢܐ ܒܚܪܬ݁ ܝܬ݁ܟܘܢ܃ ܘܐܣܝܡܬ݁ ܝܬ݁ܟܘܢ ܕܐܬܘܢ ܬܝܙܠܘܢ ܘܬܝܬ݁ܘܢ ܦܝܪ̈ܝܢ ܘܦܝܪ̈ܝܟܘܢ ܝܗ̈ܘܢ ܡܟܬܪ̈ܝܢ ܠܥܠܡ܃ ܘܟܘܠ ܡܐ ܕܬܫܘܠܘܢ ܡܢ ܐܒܐ ܒܫܝܡܝ ܝܬܠ ܠܟܘܢ܃ ܠܓܠܠ ܕܝܫܬܒܚ ܐܒܐ ܒܒܪܐ |
| 015:017 | ܗܠܝܢ ܐܢܐ ܡܦܩܕ ܠܟܘܢ ܕܬܗܘܢ ܡܚ̈ܒܝܢ ܦܠܓܟܘܢ ܠܦܠܓ |
| 015:018 | ܐܢ ܐܝܬ݁ ܥܠܡܐ ܣܢܐ ܝܬ݁ܟܘܢ ܝܕܥ̈ܝܢ ܐܬܘܢ ܕܠܝ ܩܡܐܝ ܡܢܟܘܢ ܣܢܐ |
| 015:019 | ܐܠܘ ܗܘܝܬܘܢ ܡܢ ܗ݀ܕܢ ܥܠܡܐ ܐܠܐ ܐܢܐ ܒܚܪܬ݁ ܡܢ ܥܠܡܐ܃ ܠܓܠܠ ܟܕܢ ܥܠܡܐ ܣܢܐ ܝܬ݁ܟܘܢ |
| 015:020 | ܗܘܘ ܥܝܕܝܢ ܡܠܬܐ ܗ݀ܕܐ ܕܡܠܠܬ݁ ܠܟܘܢ܃ ܕܠܝܬ݁ ܥܒܕܐ ܪܒ ܡܢ ܡܪܗ܃ ܐܢ ܠܝ ܪ̈ܕܦܘ ܐܘܦ ܠܟܘܢ ܗ݀ܢܘܢ ܪ̈ܕܦܝܢ܃ ܐܠܘ ܢܛܪ̈ܘ ܡܠܬ݁ܝ ܐܘܦ ܕܝܠܟܘܢ ܗܘܘ ܡܢܛܪ̈ܝܢ |
| 015:021 | ܐܠܐ ܟܘܠ ܗ݀ܠܝܢ ܝܥ̈ܒܕܘܢ ܠܟܘܢ ܠܓܝܠܠ ܫܝܡܝ ܕܠܐ ܡܟܪ̈ܝܢ ܠܕܝܢ ܕܫܠܚ ܝܬܝ |
| 015:022 | ܐܠܘ ܠܐ ܐܬ݁ܝܬ݁ ܘܡܠܠܬ݁ ܠܗܘܢ ܣܟܠܐ ܠܐ ܗܘܐ ܠܗܘܢ܃ ܟܕܘ ܕܝ ܥܠܐ ܠܝܬ݁ ܠܗܘܢ ܥܠ ܛܒ ܣܟܠܬ݁ܗܘܢ |
| 015:023 | ܡ݁ܢ ܕܣܢܐ ܠܝ ܐܘܦ ܠܐܒܐ ܗܘ ܣܢܐ |
| 015:024 | ܐܠܘ ܠܐ ܕܥܒܕܬ݁ ܥܘܒ̈ܕܝܐ ܒܗܘܢ܃ ܡ݁ܐ ܕܐܢܫ ܚܘܪܝܢ ܠܐ ܥܒܕ܃ ܣܟܠܐ ܠܐ ܗܘܬ݁ ܠܗܘܢ܃ ܟܕܘ ܕܝ ܚܡ̈ܘ ܘܣ̈ܢܘ ܐܘܦ ܠܝ ܘܠܐܒܐ |
| 015:025 | ܐܠܐ ܕܬܫܠܘܡ ܡܠܬܐ ܗܕܐ ܕܟܬܝܒܐ ܒܢܝ̈ܡܘܣܗܘܢ ܕܣ̈ܢܘ ܝܬܝ ܠܡܓܢ |
| 015:026 | ܟܕ ܝܐܬܐ ܡܢܚܡܢܐ ܕܝܢ ܕܐܢܐ ܡܫܠܚ ܠܟܘܢ ܡܢ ܠܘܬ݁ ܐܒܐ܃ ܪܘܚܐ ܕܩܘܫܛܐ܃ ܕܝܢ ܕܡܢ ܠܘܬ݁ ܐܒܐ ܢܦܩ܃ ܗܘ ܡܣܝܕ ܥܠ ܕܛܒܝ |
| 015:027 | ܘܐܘܦ ܐܬܘܢ ܡܣ̈ܝܕܝܢ ܕܡܢ ܪܝܫ ܐܬܘܢ ܥܡܝ |
| 015:001 | ܐܢܐ ܗܘ ܓܘܦܢܐ ܩܫܝܛܬܐ ܘܐܒܐ ܗܘ ܐܪܝܣܐ ܘܐܢܬܘܢ ܥܘܒܪ̈ܬܐ |
| 015:002 | ܟܘܠ ܥܘܒܪܐ ܕܒܝ ܕܠܐ ܡܝܬܝܐ ܦܝܪ̈ܝܢ ܡܪܝܡ ܗܘ ܠܗ ܘܟܘܠ ܗܝܕܐ ܕܡܝܬܝܐ ܦܝܪ̈ܝܢ ܡܕܟܐ ܗܘ ܠܗ݀ ܠܒܕܝܠ ܕܦܝܪ̈ܝܢ ܡܘܬܪ ܬܝܬܐ |
| 015:003 | ܟܒܪ ܐܬܘܢ ܕܟܝܝܢ ܠܒܕܝܠ ܡܠܬܐ ܕܐܡܪܬ݁ ܠܟܘܢ |
| 015:004 | ܟܬܪ̈ܘ ܒܝ ܘܐܢܐ ܒܟܘܢ ܗܟܡܐ ܠܐ ܝܟܠܐ ܡܝܬܝܐ ܦܝܪ̈ܝܢ ܡܢ ܓܪܡܗ݀ ܐܢ ܠܐ ܡܟܬܪܐ ܒܓܘܦܢܐ ܗܟܕܢ ܐܘܦ ܐܬܘܢ ܐܢ ܠܐ ܬ݁ܟܬܪܘܢ ܒܝ |
| 015:005 | ܐܢܐ ܗܘ ܓܘܦܢܐ ܘܐܬܘܢ ܥܘܒܪܐܬܐ ܡ݁ܢ ܕܡܟܬܪ ܒܝ ܘܐܢܐ ܒܗ ܗ݀ܕܝܢ ܡܝܬܐ݁ ܦܝܪ̈ܝܢ ܣܓܝ ܕܠܒܪ ܡܢܝ ܠܝܬ݁ ܐܬܘܢ ܝܟܠܝܢ ܕܬܥܒ̈ܕܘܢ ܟܝܠܘܡ |
| 015:006 | ܐܠܐ ܐܢ ܗܘܐ݁ ܐܢܫ ܡܟܬܪ ܒܝ ܝܬ݁ܪܡܐ ܠܒܪ ܗܝܟ ܡܐ ܕܥܘܒܪܬܐ ܘܝܒܫ ܘܗܢܘܢ ܡܟ̈ܢܫܝܢ ܝܬ݁ܗܘܢ ܘܪ̈ܡܝܢ ܠܗ̈ܝܢ ܠܢܘܪܐ ܘܝܩܕܝܢ |
| 015:007 | ܐܢ ܬ݁ܟܬܪ̈ܘܢ ܒܝ ܘܡܠܐܝ̈ ܒܓܘܟܘܢ ܝܟܬܪ̈ܝܢ ܡܐ ܕܐܬܘܢ ܨܒܝܢ ܫ̈ܘܠܘ ܘܡܬ݁ܥܒܝܕ ܠܟܘܢ |
| 015:008 | ܒܗܕܐ ܝܫܬܒܚ ܐܒܐ ܕܦܝܪ̈ܝܢ ܣܓܝ ܬ݁ܝܬܘܢ ܘܬܗܘܢ ܠܝ ܬܠ̈ܡܝܕܝܢ |
| 015:009 | ܗܝܟ ܡ݁ܐ ܕܐܚܒ ܝܬ݁ܝ ܐܒܐ ܐܘܦ ܐܢܐ ܐܚܒܝܬ݁ ܝܬ݁ܟܘܢ܃ ܟܬܪ̈ܘ ܒܚܒܬ݁ܝ ܕܝܠܝ |
| 015:010 | ܐܢ ܬ݁ܢܛܘܪܘܢ ܦܩܘܕܐܝ ܡܟܬܪ̈ܝܢ ܐܬܘܢ ܒܚܒܬ݁ܝ ܕܝܠܝ ܗܟܡ݁ܐ ܕܐܘܦ ܐܢܐ ܦܩܘܕ̈ܘܝ ܕܐܒܐ ܢܛܪܬ݁܃ ܘܐܢܐ ܡܟܬܪ ܒܚܒܬ݁ܗ |
| 015:011 | ܗ݀ܠܝܢ ܡܠܝܠܬ݁ ܠܟܘܢ ܕܚܕܘܬܟܘܢ ܕܝܠܝ ܬܗܐ݁ ܒܓܘܟܘܢ܃ ܘܚܕܘܬܟܘܢ ܬܬܠܐ |
| 015:012 | ܗ݀ܕܝܢ ܗܘ ܦܩܘܕ{ܘ}ܝ ܕܝܠܝ ܕܬ݁ܗܘܢ ܡܚ̈ܒܝܢ ܦܠܓܟܘܢ ܠܦܠܝܓ܃ |
| 015:017 | ܗ̈ܠܝܢ ܐܢܐ ܡܦܩܕܢܐ ܠܟܘܢ ܕܬܗܘܢ ܡܚ̈ܒܝܢ ܦܠܓܟܘܢ ܠܦܠܓ |
| 015:018 | ܐܢ ܐܝܬ݁ ܥܠܡܐ ܣܢܐ ܝܬ݁ܟܘܢ ܝܕܥ̈ܝܢ ܐܬܘܢ ܕܠܝ ܩܐܡܝ ܡܢܟܘܢ ܣܢܐ |
| 015:019 | ܐܠܘ ܗܘܝܬܘܢ ܡܢ ܕܢ ܥܠܡܐ ܥܠܡܐ ܠܕܝܠܗ ܗܘܐ ܪܚܝܡ ܕܝ ܕܠܝܬ݁ ܐܬܘܢ ܡܢ ܗܕܢ ܥܠܡܐ܃ ܐܠܐ ܐܢܐ ܒܚܪܬ݁ ܝܬ݁ܟܘܢ ܡܢ ܥܠܡܐ ܠܓܠܠ ܟܕܢ ܥܠܡܐ ܣܢܐ ܝܬ݁ܟܘܢ |
| 015:020 | ܗܘܘ ܥܝܕܝܢ ܡܠܬܐ ܗ݀ܕܐ ܕܡܠܠܬ݁ ܠܟܘܢ܃ ܕܠܝܬ݁ ܥܒܕ ܪܒ ܡܢ ܡܪܗ܃ ܐܢ ܠܝ ܪ̈ܕܦܘ ܐܘܦ ܠܟܘܢ ܗ݀ܢܘܢ ܪ̈ܕܦܝܢ܃ ܐܠܘ ܢܛܪ̈ܘ ܡܠܬ݁ܝ ܐܘܦ ܕܝܠܟܘܢ ܗܘܘ ܡܢܛܪ̈ܝܢ |
| 015:021 | ܐܠܐ ܟܘܠ ܗ݀ܠܝܢ ܝܥ̈ܒܕܘܢ ܠܟܘܢ ܠܓܝܠܠ ܫܝܡܝ ܕܠܐ ܡܟܪ̈ܝܢ ܠܕܝܢ ܕܫܠܚ ܝܬܝ |
| 015:022 | ܐܠܘ ܠܐ ܐܬ݁ܝܬ݁ ܘܡܠܠܬ݁ ܠܗܘܢ ܣܟܠܐ ܠܐ ܗܘܐ ܠܗܘܢ܃ ܟܕܘ ܕܝ ܥܠܐ ܠܝܬ݁ ܠܗܘܢ ܥܠ ܛܒ ܣ̈ܟܠܬ݁ܗܘܢ |
| 015:023 | ܡܢ ܕܣܢܐ ܠܝ ܐܘܦ ܠܐܒܐ ܗܘ ܣܢܐ |
| 015:024 | ܐܠܘ ܠܐ ܕܥܒܕܬ݁ ܥܘܒ̈ܕܝܐ ܒܗܘܢ܃ ܡ݁ܐ ܕܐܢܫ ܚܘܪܢ ܠܐ ܥܒܕ܃ ܣܟܠܐ ܠܐ ܗܘܬ݁ ܠܗܘܢ܃ ܟܕܘ ܕܝ ܚ̈ܡܘ ܘܣ̈ܢܘ ܐܘܦ ܠܝ ܘܠܐܒܐ |
| 015:025 | ܐܠܐ ܕܬܫܠܘܡ ܡܠܬܐ ܗܕܐ ܕܟܬܝܒܐ ܒܢܝ̈ܡܘܣܗܘܢ ܕܣ̈ܢܘ ܝܬܝ ܠܡܓܢ |
| 015:026 | ܟܕ ܝܐܬܐ ܡܢܚܡܢܐ ܕܢ ܕܐܢܐ ܡܫܠܚ ܠܟܘܢ ܡܢ ܠܘܬ݁ ܐܒܐ܃ ܪܘܚܐ ܕܩܘܫܛܐ܃ ܕܢ ܕܡܢ ܠܘܬ݁ ܐܒܐ ܢܦܩ܃ ܗܘ ܡܣܝܕ ܥܠ ܕܛܒܝ |
| 015:027 | ܘܐܘܦ ܐܬܘܢ ܡܣ̈ܝܕܝܢ ܕܡܢ ܪܝܫ ܐܬܘܢ ܥܡܝ |
| 016:001 | ܗܠܝܢ ܡܠܠܬ݁ ܠܟܘܢ ܠܒܕܝܠ ܕܠܐ ܬܬ݁ܟܫ̈ܠܘܢ |
| 016:002 | ܡܢ ܟܢܝܫܬܐ ܝܦܩ̈ܘܢ ܝܬ݁ܟܘܢ ܐܠܐ ܐܬ݁ܝܐ ܫܥܐ ܕܟܘܠ ܡ݁ܢ ܕܩܛܠ ܝܬ݁ܟܘܢ ܗܘܐ ܣܒܝܪ ܕܩܘܪܒܢ ܗܘ ܡܩܪܒ ܠܐܠܗܐ |
| 016:003 | ܘܗܠܝܢ ܗܢܘܢ ܥܒ̈ܕܝܢ ܠܟܘܢ ܕܠܐ ܐܟܪ̈ܘ ܠܐܒܐ ܘܠܐ ܠܝ |
| 016:004 | ܐܠܐ ܗܠܝܢ ܡܠܠܬ݁ ܠܟܘܢ ܕܟܕ ܬܬܐ ܫܥܬܐ ܬ݁ܗܘܢ ܥܝ̈ܕܝܢ ܠܗ̈ܝܢ ܕܐܢܐ ܐܡܪܬ݁ ܠܟܘܢ ܗܠܝܢ ܡܢ ܪܝܫ ܠܐ ܐܡܪܬ݁ ܕܥܡܟܘܢ ܗܘܬ݁ |
| 016:005 | ܟܕܘ ܕܐܢܐ ܐܙܠ ܠܘܬ݁ ܗܕܝܢ ܕܫܠܚ ܝܬ݁ܝ ܘܐܢܫ ܡܢܟܘܢ ܠܐ ܫܐܠ ܝܬܝ ܠܗܢ ܐܬ ܐܙܠ |
| 016:006 | ܐܠܐ ܕܗܠܝܢ ܡܠܠܬ݁ ܠܟܘܢ ܨܩܬܐ ܡܠܬ݁ ܠܒܟܘܢ |
| 016:007 | ܐܠܐ ܐܢܐ ܩܘܫܛܐ ܐܢܐ ܐܡܪ ܠܟܘܢ ܛܒ ܠܟܘܢ ܓܪ ܕܐܢܐ ܝܐܙܠ ܐܢ ܠܝܬ݁ ܐܢܐ ܓܪ ܐ݁ܙܠ ܡܢܚܡܢܐ ܠܐ ܐܬܐ ܠܘܬ݁ܟܘܢ ܐܢ ܕܝ ܝܐܙܠ ܐܢܐ ܡܫܠܚ ܝܬܗ ܠܘܬ݁ܟܘܢ |
| 016:008 | ܘܟܕ ܝܐܬܐ ܗܘ ܡܟܘܢ ܥܠܡܐ ܥܠ ܛܒ ܣܟܠܬܐ ܘܥܠ ܛܒ ܨܕܩܐ ܘܥܠ ܛܒ ܕܝܢܐ |
| 016:009 | ܥܠ ܛܒ ܣܟܠܬܐ ܕܠܐ ܡܗܝܡܢܝܢ ܒܝ |
| 016:010 | ܥܠ ܛܒ ܨܕܩܐ ܕܝ ܕܐܢܐ ܠܘܬ ܐܒܐ ܐܙܠ ܘܥܘܕ ܠܝܬ݁ ܐܬܘܢ ܚܡ̈ܝܢ ܝܬܝ |
| 016:011 | ܥܠ ܛܒ ܕܝܢܐ ܕܝ ܕܐܪܟܘܢܗ ܕܗܕܝܢ ܥܠܡܐ ܝܬܚܝܒ |
| 016:012 | ܥܘܕ ܣܓܝ ܠܝ ܕܝܐܡܘܪ ܠܟܘܢ ܐܠܐ ܠܝܬ݁ ܐܬܘܢ ܝܟ̈ܠܝܢ ܕܬܛܥܘܢܘܢ ܟܕܘ |
| 016:013 | ܟܕ ܝܐܬܐ ܗܐܘ ܪܘܚܐ ܕܩܘܫܛܐ ܗܘ ܡܕܒܪ ܝܬܟܘܢ ܒܩܘܫܛܐ ܟܘܠܗ |
| 016:014 | ܗܘ ܡܫܒܚ ܝܬܝ ܕܡܢ ܕܝܠܝ ܗܘ ܢܣܒ ܘܡܬ݁ܢܝ ܠܟܘܢ |
| 016:015 | ܟܘܠ ܡ݁ܐ ܕܠܐܒܐ ܕܝܠܝ ܗܢܘܢ ܠܓܠܠ ܟܕܝܢ ܐܡܪܬ݁ ܠܟܘܢ ܕܡܢ ܕܝܠܝ ܗܘ ܢܣܒ ܘܡܬܢܐ ܠܟܘܢ |
| 016:016 | ܨܝܒܚܕ ܘܥܘܕ ܠܝܬ݁ ܐܬܘܢ ܚܡܝܢ ܝܬܝ ܘܬܘܒܢ ܨܝܒܚܕ ܘܐܬܘܢ ܚܡܝܢ ܝܬܝ ܘܐܢܐ ܐܙܠ ܠܘܬ ܐܒܐ |
| 016:017 | ܐܡܪ̈ܘ ܕܝ ܐܢܫ̈ܝܢ ܡܢ ܬܠ̈ܡܝܕܘܝ ܦܠܓܗܘܢ ܠܦܠܓ ܡܐ ܗܘ ܗܘ ܗܕܢ ܗ݀ܘ ܕܐܡܪ ܠܢ ܨܝܒܚܕ ܘܥܘܕ ܠܝܬ݁ ܐܬܘܢ ܚ̈ܡܝܢ ܝܬ݁ܝ ܘܐܢܐ ܐܙܠ ܠܘܬ݁ ܐܒܐ |
| 016:018 | ܗܘܘ ܕܝ ܐܡܪ̈ܝܢ ܡܐ ܗܘ ܗܕܢ ܨܝܒܚܕ ܠܝܬ݁ ܐܢ̈ܗ ܝܕܥܝܢ ܡܐ ܗܘ ܡܡܠܠ |
| 016:019 | ܘܝܕܥ ܡܪܐ ܝܣܘܣ ܕܗܢܘܢ ܒ̈ܥ̈ܝܢ ܕܝܫܘܠܘܢ ܝܬܗ ܘܐܡܪ ܠܗܘܢ ܥܠ ܛܒ ܗܕܐ ܐܬܘܢ ܡܬܒ̈ܥܝܢ ܦܠܓܟܘܢ ܠܦܠܓ ܕܐܡܪܬ ܨܝܒܚܕ ܘܠܝܬ݁ ܐܬܘܢ ܚܡܝܢ ܝܬܝ ܘܬܘܒܢ ܨܝܒܚܕ ܘܐܬܘܢ ܚ̈ܡܝܢ ܝܬܝ |
| 016:020 | ܐܡܝܢ ܐܡܝܢ ܐܡܪܢܐ ܠܟܘܢ ܕܐܬܘܢ ܬܒ̈ܟܘܢ ܘܬܝܐܠ̈ܘܢ ܥܠܡܐ ܕܝ ܝܚܕܐ ܐܬܘܢ ܬ݁ܨܝܩܘܢ ܐܠܐ ܨܩܬ݁ܟܘܢ ܠܚܕܘܐ ܗܝ ܡܬ݁ܥܒܕܐ |
| 016:021 | ܐܬܬܐ ܟܕ ܗܝ ܝܠܕܐ ܨܩܐ ܗܘܝܐ ܠܗ݀ ܕܐܬ݁ܬ ܫܥܬ݁ܗ݀ ܟܕ ܕܝ ܬ݁ܝܠܘܕ ܛܠܝܐ ܥܘܕ ܠܐ ܡܕܟܪܐ ܠܚܨܘܢܐ ܠܓܠܠ ܚܕܘܬܐ ܕܐܬ݁ܝܠܕ ܒܪܢܫ ܠܥܠܡܐ |
| 016:022 | ܘܐܘܦ ܐܬܘܢ ܟܕܘ ܕܝ ܨܩܐ ܐܝܬ݁ ܠܟܘܢ ܬܘܒܢ ܕܝ ܐܢܐ ܚܡܐ ܠܟܘܢ ܘܠܒܟܘܢ ܚܕܐ ܘܚܕܘܬ݁ܟܘܢ ܐܢܫ ܠܐ ܢܣܒ ܡܢܟܘܢ |
| 016:023 | ܘܒܝܬ݁ܗ ܝܘܡܐ ܠܝ ܠܝܬ݁ ܐܬܘܢ ܫ̈ܐܠܝܢ ܟܘܠܘܡ ܐܡܝܢ ܐܡܝܢ ܐܡܪܢܐ ܠܟܘܢ ܕܟܘܠ ܡܐ ܕܬܫܘܠܘܢ ܡܢ ܐܒܐ ܒܫܝܡܝ ܗܘ ܝܗܒ ܠܟܘܢ |
| 016:024 | ܥܕ ܟܕܘ ܠܐ ܫܐܠܬܘܢ ܟܘܠܘܡ ܫܘ̈ܠܘ ܘܐܬܘܢ ܢܣ̈ܒܝܢ ܠܓܠܠ ܕܚܕܘܬ݁ܟܘܢ ܬ݁ܗܐ ܡܡܠܝܐ |
| 016:025 | ܗ̈ܠܝܢ ܒܡܬܠܝܢ ܡܠܠܬ݁ ܠܟܘܢ ܐܬ݁ܝܐ ܫܥܬܐ ܕܥܘܕ ܒܡܬܠܝܢ ܠܐ ܝܡܠܠ ܠܟܘܢ ܐܠܐ ܒܧ̈ܪܝܣܝܐ ܥܠ ܛܒܗ ܕܐܒܐ ܐܢܐ ܡܬܢܐ ܠܟܘܢ |
| 016:026 | ܒܗ݀ܘ ܕܝ ܝܘܡܐ ܐܬܘܢ ܫ̈ܐܠܝܢ ܒܫܝܡܝ ܘܠܝܬ݁ ܐܢܐ ܐܡܪ ܠܟܘܢ ܕܐܢܐ ܒܥܐ ܡܢ ܐܒܐ ܥܠ ܕܛܒܟܘܢ܃ |
| 016:027 | ܗܘ ܓܪ ܐܒܐ ܪܚܡ ܠܟܘܢ ܕܐܬܘܢ ܪܚܡܬܘܢ ܝܬܝ ܘܗܝܡܢܬܘܢ ܕܐܢܐ ܡܢ ܠܘܬ݁ ܐܠܗܐ ܢܦܩܬ݁ |
| 016:028 | ܢܦܩܬ݁ ܓܪ ܡܢ ܠܘܬ݁ ܐܒܐ ܘܐܬ݁ܝܬ݁ ܠܥܠܡܐ ܬܘܒܢ ܐܢܐ ܫܒܩ ܥܠܡܐ ܘܐܙܠ ܠܝ ܠܘܬ݁ ܐܒܐ |
| 016:029 | ܐܡܪ̈ܝܢ ܠܗ ܬܠܡܝ̈ܕܘܝ ܗܐ ܟܕܘ ܒܧ̈ܪܝܣܝܐ ܐܬ ܡܡܠܠ ܘܡܬ݁ܠ ܐܘܦ ܠܐ ܚܕ ܠܝܬ݁ ܐܬ ܐܡܪ |
| 016:030 | ܟܕܘ ܐܢ̈ܗ ܝܕܥ̈ܝܢ ܕܐܬ݁ ܝܕܥ ܟܘܠܐ ܘܠ<ܝ>ܬ݁ ܐܬ ܨܪܝܟ ܕܝܫܘܠ ܝܬܟ ܐܢܫ ܒܗܕܐ ܐܢ̈ܗ ܡܗ̈ܝܡܢܝܢ ܕܡܢ ܐܠܗܐ ܢܦܩܬ |
| 016:031 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ ܟܕܘ ܐܬܘܢ ܡܗܝ̈ܡܢܝܢ |
| 016:032 | ܗܐ ܐܬ݁ܝܐ ܫܥܐ ܘܐܬ݁ܬ݁ ܕܬܬ݁ܒܕܪ̈ܘܢ ܟܘܠ ܚܕ ܘܚܕ ܡܢܟܘܢ ܠܐܬ݁ܪܗ ܘܠܝ ܠܓܪܡܝ ܐܬܘܢ ܫܒ̈ܩܝܢ ܘܠܝܬ݁ ܐܢܐ ܠܓܪܡܝ ܕܐܒܐ ܥܡܝ ܐܝܬ݁ ܗܘ |
| 016:033 | ܗ݀ܠܝܢ ܡܠܠܬ݁ ܠܟܘܢ ܠܓܠܠ ܕܒܝ ܫܝܠܡ ܝܗܐ ܠܟܘܢ܃ ܐܠܐ ܐܬܚ̈ܝܠܘ ܕܐܢܐ ܢܨܚܬ݁ ܝܬܗ ܠܥܠܡܐ |
| 016:001 | ܗܠܝܢ ܡܠܠܬ ܠܟܘܢ ܠܒܕܝܠ ܕܠܐ ܬܬܟܫܠܘܢ |
| 016:002 | ܡܢ ܟܢܝܫܬܐ ܝܦܩܘܢ ܝܬܟܘܢ ܐܠܐ ܐܬܝܐ ܫܥܐ ܕܟܘܠ ܡܢ ܕܩܛܠ ܝܬܟܘܢ ܗܘܐ ܣܒܝܪ ܕܩܘܪܒܢ ܗܘ ܡܩܪܒ ܠܐܠܗܐ |
| 016:003 | ܘܗ̈ܠܝܢ ܗܢܘܢ ܥܒܕܝܢ ܠܟܘܢ ܕܠܐ ܐܟܪ̈ܘ ܠܐܒܐ ܘܠܐ ܠܝ |
| 016:004 | ܐܠܐ ܗܠܝܢ ܡܠܠܬ݁ ܠܟܘܢ ܕܟܕ ܬܝܬܐ ܫܥܬܐ ܬ݁ܗܘܢ ܥܝ̈ܕܝܢ ܠܗ̈ܝܢ ܕܐܢܐ ܐܡܪܬ ܠܟܘܢ ܗܠܝܢ ܡܢ ܪܝܫ ܠܐ ܐܡܪܬ݁ ܕܥܡܟܘܢ ܗܘܝܬ |
| 016:005 | ܟܕܘ ܕܝ ܐܢܐ ܐܙܠ ܠܘܬ ܗܕܝܢ ܕܫܠܚ ܝܬܝ ܘܐܢܫ ܡܢܟܘܢ ܠܐ ܫܐܠ ܝܬܝ ܠܗܢ ܐܬ ܐܙܠ |
| 016:006 | ܐܠܐ ܕܗܠܝܢ ܕܡܠܠܬ ܠܟܘܢ ܨܩܬܐ ܡܠܬ ܠܒܟܘܢ |
| 016:007 | ܐܠܐ ܐܢܐ ܩܘܫܛܐ ܐܢܐ ܐܡܪ ܠܟܘܢ ܛܒ ܠܟܘܢ ܓܪ ܕܐܢܐ ܝܐܙܠ ܐܢ ܠܝܬ݁ ܐܢܐ ܓܪ ܐܙܠ ܡܢܚܡܢܐ ܠܐ ܐܬܐ݁ ܠܘܬ݁ܟܘܢ ܐܢ ܕܝ ܝܐܙܠ ܐܢܐ ܡܫܠܚ ܝܬܗ ܠܘܬ݁ܟܘܢ |
| 016:008 | ܘܟܕ ܝܐܬܐ ܗܘ ܡܟܘܢ ܥܠܡܐ ܥܠ ܛܒ ܣܟܠܬܐ ܘܥܠ ܛܒ ܨܕܩܐ ܘܥܠ ܛܒ ܕܝܢܐ |
| 016:009 | ܥܠ ܛܒ ܣܟܠܬܐ ܕܠܐ ܡܗܝܡܢܝܢ ܒܝ |
| 016:010 | ܥܠ ܛܒ ܨܕܩܐ ܕܝ ܕܐܢܐ ܠܘܬ ܐܒܐ ܐܙܠ ܘܥܘܕ ܠܝܬ ܐܬܘܢ ܚܡ̈ܝܢ ܝܬܝ |
| 016:011 | ܥܠ ܛܒ ܕܝܢܐ ܕܝ ܕܐܪܟܘܢܗ ܕܗܕܝܢ ܥܠܡܐ ܝܬܚܝܒ |
| 016:012 | ܥܘܕ ܣܓܝ ܠܝ ܕܝܐܡܘܪ ܠܟܘܢ ܐܠܐ ܠܝܬ ܐܬܘܢ ܝܟ̈ܠܝܢ ܕܬܛܥܘܢܘܢ ܟܕܘ |
| 016:013 | ܟܕ ܝܐܬܐ݁ ܗܐܘ ܪܘܚܐ ܕܩܘܫܛܐ ܗܘ ܡܕܒܪ ܝܬܟܘܢ ܒܩܘܫܛܐ ܟܘܠܗ |
| 016:014 | ܟܘܠܐ ܕܐܒܐ ܗܘ ܡܫܒܚ ܝܬܝ ܕܡܢ ܕܝܠܝ ܗܘ ܢܣܒ ܘܡܬܢܝ ܠܟܘܢ |
| 016:015 | ܟܘܠ ܡ݁ܐ ܕܠܐܒܐ ܕܝܠܝ ܗܢܘܢ ܠܓܠܠ ܟܕܝܢ ܐܡܪܬ݁ ܠܟܘܢ ܕܡܢ ܕܝܠܝ ܗܘ ܢܣܒ ܘܡܬܢܐ ܠܟܘܢ܃ ܠܓܠܠ ܟܕܝܢ ܐܡܪܬ ܠܟܘܢ ܕܡܢ ܕܝܠܝ ܗܘ ܢܣܒ ܘܡܬܢܐ ܠܟܘܢ |
| 016:016 | ܨܝܒܚܕ ܘܥܘܕ ܠܝܬ ܐܬܘܢ ܚܡܝܢ ܝܬܝ ܘܬܘܒܢ ܨܒܚܕ ܘܐܬܘܢ ܚܡܝܢ ܝܬܝ ܘܐܢܐ ܐܙܠ ܠܘܬ ܐܒܐ |
| 016:017 | ܐܡܪܘ ܕܝ ܐܢܫܝܢ ܡܢ ܬܠܡܝܕܘܝ ܦܠܓܗܘܢ ܠܦܠܓ ܕܗܘ ܐܡܪ ܠܢ ܨܝܒܚܕ ܘܥܘܕ ܠܝܬ ܐܬܘܢ ܚܡ̈ܝܢ ܝܬܝ܃ ܘܬܘܒܢ ܨܝܒܚܕ ܘܐܬܘܢ ܚ̈ܡܝܢ ܝܬܝ܃ ܘܐܢܐ ܐܙܠ ܠܘܬ ܐܒܐ |
| 016:018 | ܗܘܘ ܕܝ ܐܡܪܝܢ ܡܐ ܗܘ ܗܕܢ ܨܝܒܚܕ ܠܝܬ ܐܢܗ̈ ܝܕܥ̈ܝܢ ܡܐ ܗܘ ܡܡܠܠ |
| 016:019 | ܘܝܕܥ ܡܪܐ ܝܣܘܣ ܕܗܢܘܢ ܒܥ̈ܝܢ ܕܝܫܘܠܘܢ ܝܬܗ ܘܐܡܪ ܠܗܘܢ ܥܠ ܛܒ ܗܕܐ ܐܬܘܢ ܡܬܒ̈ܥܝܢ ܦܠܓܟܘܢ ܥܡ ܦܠܓ ܐܡܪܬ ܨܝܒܚܕ ܘܠܝܬ ܐܬܘܢ ܚܡ̈ܝܢ ܝܬܝ ܘܬܘܒܢ ܨܝܒܚܕ ܘܐܬܘܢ ܚܡ̈ܝܢ ܝܬܝ |
| 016:020 | ܐܡܝܢ ܐܡܝܢ ܐܡܪ ܐܢܐ ܠܟܘܢ ܕܐܬܘܢ ܬܒܟܘܢ ܘܬܝܐܠܘܢ ܥܠܡܐ ܕܝ ܝܚܕܐ ܐܬܘܢ ܬܨܝܩܘܢ ܐܠܐ ܨܩܬܟܘܢ ܠܚܕܘܐ ܗܝ ܡܬܥܒܕܐ |
| 016:021 | ܐܬܬܐ ܟܕ ܗܝ ܝܠܕܐ ܨܩܐ ܗܘܝܐ ܠܗ ܕܐܬܬ݁ ܫܥܬܗ ܟܕ ܕܝ ܬ݁ܝܠܘܕ ܛܠܝܐ ܥܘܕ ܠܐ ܡܕܟܪܐ ܠܚܨܘܢܐ ܠܓܠܠ ܚܕܘܬܐ ܕܐܬܝܠܕ ܒܪܢܫ ܠܥܠܡܐ |
| 016:022 | ܘܐܘܦ ܐܬܘܢ ܟܕܘ ܕܝ ܨܩܐ ܐܝܬ ܠܟܘܢ ܬܘܒܢ ܕܝ ܐܢܐ ܚܡܐ݁ ܠܟܘܢ ܘܠܒܟܘܢ ܚܕܐ݁ ܘܚܕܘܬܟܘܢ ܐܢܫ ܠܐ ܢܣܒ ܡܢܟܘܢ |
| 016:023 | ܘܒܝܬ݁ܗ ܝܘܡܐ ܠܝ ܠܝܬ݁ ܐܬܘܢ ܫ̈ܐܠܝܢ ܟܘܠܘܡ ܐܡܝܢ ܐܡܝܢ ܐܡܪܢܐ ܠܟܘܢ ܕܟܘܠ ܡܐ ܕܬܫܘܠܘܢ ܡܢ ܐܒܐ ܒܫܝܡܝ ܗܘ ܝܗܒ ܠܟܘܢ |
| 016:024 | ܥܕ ܟܕܘ ܠܐ ܫܐܠܬܘܢ ܟܘܠܘܡ ܫܘܠܘ ܘܐܬܘܢ ܢܣܒܝܢ ܠܓܠܠ ܕܚܕܘܬܟܘܢ ܬܗܐ ܡܡܠܝܐ |
| 016:025 | ܗܠܝܢ ܒܡܬܠܝܢ ܡܠܠܬ ܠܟܘܢ ܐܬܝܐ ܫܥܐ ܕܥܘܕ ܒܡ̈ܬܠܝܢ ܠܐ ܝܡܠܠ ܠܟܘܢ ܐܠܐ ܒܧܪܝܣܝܐ ܥܠ ܛܒܗ ܕܐܒܐ ܐܢܐ ܡܬܢܐ ܠܟܘܢ |
| 016:026 | ܒܗܘ ܕܝ ܝܘܡܐ ܐܬܘܢ ܫܐܠܝܢ ܒܫܝܡܝ ܘܠܝܬ ܐܢܐ ܐܡܪ ܠܟܘܢ ܕܐܢܐ ܒܥܐ ܡܢ ܐܒܐ ܥܠ ܕܛܒܟܘܢ |
| 016:027 | ܗܘ ܓܪ ܐܒܐ ܪܚܡ ܠܟܘܢ ܕܐܬܘܢ ܪܚܡܬܘܢ ܝܬܝ ܘܗܝܡܢܬܘܢ ܕܐܢܐ ܡܢ ܠܘܬ ܐܠܗܐ ܢܦܩܬ |
| 016:028 | ܢܦܩܬ ܓܪ ܡܢ ܠܘܬ ܐܒܐ ܘܐܬܝܬ ܠܥܠܡܐ ܬܘܒܢ ܐܢܐ ܫܒܩ ܥܠܡܐ ܘܐܙܠ ܠܝ ܠܘܬ ܐܒܐ |
| 016:029 | ܐܡܪܝܢ ܠܗ ܬܠܡܝܕܘܝ ܗܐ ܟܕܘ ܒܧܪܝܣܝܐ ܐܬ ܡܡܠܠ ܘܡܬ݁ܠ ܐܘܦ ܠܐ ܚܕ ܠܝܬ ܐܬ ܐܡܪ |
| 016:030 | ܟܕܘ ܐܢܗ̈ ܝܕܥ̈ܝܢ ܕܐܬ݁ ܝܕܥ ܟܘܠܐ ܘܠܝܬ ܐܬ ܨܪܝܟ ܕܝܫܘܠ ܝܬܟ ܐܢܫ ܒܗܕܐ ܐܢܗ̈ ܡܗܝܡܢܝܢ ܕܡܢ ܐܠܗܐ ܢܦܩܬ |
| 016:031 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ ܟܕܘ ܐܬܘܢ ܡܗܝܡܢܝܢ |
| 016:032 | ܗܐ ܐܬܝܐ ܫܥܐ ܘܐܬܬ݁ ܕܬܬ݁ܒܕܪ̈ܘܢ ܟܘܠ ܚܕ ܘܚܕ ܡܢܟܘܢ ܠܐܬ݁ܪܗ ܘܠܝ ܠܓܪܡܝ ܐܬܘܢ ܫܒ̈ܩܝܢ ܘܠܝܬ݁ ܐܢܐ ܠܓܪܡܝ ܕܐܒܐ ܥܡܝ ܐܝܬ݁ ܗܘ |
| 017:001 | ܗ݀ܠܝܢ ܡܠܠ ܡܪܐ ܝܣܘܣ ܘܬܠܐ ܥ̈ܝܢܘܝ ܠܫܘܡܝܐ ܘܐܡܪ܃ ܐܒܐ ܐܬ݁ܬ ܫܥܬܐ ܫܒܚ ܝܬ݁ܗ ܠܒܪܟ܃ ܕܒܪܟ ܝܫܒܚ ܝܬ݁ܟ܃ |
| 017:002 | ܗܝܟ ܡܐ ܕܝܗܒܬ ܠܗ ܫܘܠܛܢܘ ܥܠ ܟܘܠܗ ܒܣܪܐ ܕܟܘܠ ܡ݁ܐ ܕܝܗܒܬ ܠܗ ܝܬܠ ܠܗܘܢ ܚܝܝ̈ܢ ܕܠܥܠܡ |
| 017:003 | ܕܝܗܘܢ ܡܟܪ̈ܝܢ ܠܟ ܕܐܬ ܗܘ ܐܠܗܐ ܩܫܝܛܐ ܒܠܚܘܕܝܟ܃܂ ܘܕܢ ܕܫܠܚܬ ܝܣܘܣ ܡܫܝܚܐ |
| 017:004 | ܐܢܐ ܫܒܚܬ ܝܬ݁ܟ ܥܠ ܐܪܥܐ ܕܫܠܡܬ݁ ܥܘܒܕܐ ܗܕܢ ܕܝܗܒܬ ܠܝ ܕܝܥܒܕ |
| 017:005 | ܐܘܦ ܟܕܘ ܫܒܚ ܝܬ݁ܝ ܐܒܐ ܠܘܬ݁ܟ ܒܬܫܒܘܚܬܐ ܕܗܘܬ݁ ܥܡܝ ܠܘܬ݁ܟ ܡܢ ܥܕ ܠܐ ܝܗܐ ܥܠܡܐ |
| 017:006 | ܐܘܕܥܬ݁ ܫܝܡܟ ܠܒܢܝ̈ܢܫܐ ܗ̈ܠܝܢ ܕܝܗܒܬ ܠܝ ܡܢ ܥܠܡܐ ܕܝܠܟ ܗܘܘ ܘܠܝ ܝܗܒܬ ܝܬ݁ܗܘܢ ܘܡܠܬ݁ܟ ܢܛܪ̈ܘ |
| 017:007 | ܟܕܘ ܝܕܥ̈ܘ ܕܟܘܠ ܡ݁ܐ ܕܝܗܒܬ ܠܝ ܡܢ ܠܘܬ݁ܟ ܗܢܘܢ |
| 017:008 | ܘܗܢܘܢ ܩ̈ܒܠܘ ܘܐܟܪ̈ܘ ܕܡܢ ܩܘܫܛ ܡܢ ܠܘܬ݁ܟ ܢܦܩܬ ܘܗ̈ܝܡܢܘ ܕܐܬ ܫܠܚܬ ܝܬ݁ܝ |
| 017:009 | ܐܢܐ ܥܠ ܕܛܒܗ̈ܘܢ ܒܥܐ ܠܐ ܥܠ ܕܛܒܗ ܕܥܠܡܐ ܐܢܐ ܒܥ̈ܝ ܐܠܐ ܥܠ ܛܒ ܗ̈ܠܝܢ ܕܝܗܒܬ ܠܝ ܕܕܝܠܟ ܗܢܘܢ |
| 017:010 | ܘܟܘܠ ܡܐ ܕܠܝ ܕܝܠܟ ܗܢܘܢ ܘܕܝܠܟ ܕܝܠ<ܝ> ܘܐܢܐ ܡܫܒܚ ܒܗ̈ܘܢ |
| 017:011 | ܘܥܘܕ ܠܝܬܢܐ ܒܥܠܡܐ܃ ܘܗ̈ܠܝܢ ܒܥܠܡܐ ܗܢܘܢ܂ ܘܐܢܐ ܠܘܬ݁ܟ ܐܬܐ ܐܒܐ ܩܕܝܫܐ ܢܛܪ ܝܬ݁ܗܘܢ ܒܫܡܟ ܗܕܢ ܕܝܗܒܬ ܠܝ ܕܝܗܘܢ ܚܕܐ ܗܝܟ ܡ݁ܐ ܕܐܢܗ |
| 017:012 | ܟܕ ܗܘܬ݁ ܥܡܗܘܢ ܒܥܠܡܐ ܐܢܐ ܗܘܬ݁ ܡܢܛܪ ܠܗܘܢ ܒܫܝܡܟ ܗܕܢ ܕܝܗܒܬ ܠܝ ܘܥܝܢܝܬ݁ ܘܐܢܫ ܡܢܗܘܢ ܠܐ ܐܒܕ ܐܠܐ ܐܢ ܒܪܗ ܕܐܒܕܢܐ ܠܓܠܠ ܕܟܬ݁ܒܐ ܝܬ݁ܡܠܐ |
| 017:013 | ܟܕܘ ܕܝ ܠܘܬ݁ܟ ܐܢܐ ܐܬܐ ܘܗ̈ܠܝܢ ܐܢܐ ܡܡܠܠ ܒܥܠܡܐ ܕܬ݁ܗܐ ܥܡܗܘܢ ܚܕܘܬܐ ܕܝܠܝ ܡܫܠܡܐ ܒܓܘܗܘܢ |
| 017:014 | ܐܢܐ ܝܗܒܬ݁ ܠܗܘܢ ܡܠܬ݁ܟ ܘܥܠܡܐ ܣܢܐ ܝܬ݁ܗܘܢ ܕܠܝܬ݁ ܗܢܘܢ ܡܢ ܥܠܡܐ܃ ܗܝܟ ܡ݁ܐ ܕܐܢܐ ܠܝܬܢܐ ܡܢ ܥܠܡܐ |
| 017:015 | ܠܝܬ݁ ܐܢܐ ܒܥܐ ܡܢܟ ܕܬܪܝܡ ܝܬܗܘܢ ܡܢ ܥܠܡܐ܃ ܐܠܐ ܕܬܢܛܪ ܝܬ݁ܗܘܢ ܡܢ ܒܝܫܐ |
| 017:016 | ܡܢ ܥܠܡܐ ܠܝܬ݁ ܗܢܘܢ ܗܝܟ ܡ݁ܐ ܕܐܢܐ ܠܝܬ ܐܢܐ ܡܢ ܥܠܡܐ |
| 017:017 | ܩܕܫ܆ܝܬܗܘܢ ܒܩܘܫܛܐ ܡܠܬ݁ܟ ܕܝܠܟ ܗܘ ܩܘܫܛܐ |
| 017:018 | ܗܝܟ ܡ݁ܐ ܕܫܠܚܬ ܝܬ݁ܝ ܠܥܠܡܐ ܐܢܐ ܫܠܚܝܬ݁ ܝܬ݁ܗܘܢ ܠܥܠܡܐ |
| 017:019 | ܘܥܠ ܕܛܒܗܘܢ ܐܢܐ ܡܩܕܝܫ ܓܪܡܝ ܕܝܗܘܢ ܐܘܦ ܗܢܘܢ ܡܩ̈ܕܫܝܢ ܒܩܘܫܛܐ |
| 017:020 | ܠܐ ܥܠ ܕܛܒܗܘܢ ܕܗܠܝܢ ܐܢܐ ܒܥܐ ܒܠܚܘܕ ܐܠܐ ܐܘܦ ܥܠ ܕܛܒܗܘܢ ܕܗ̈ܠܝܢ ܕܡܗ̈ܝܡܢܝܢ ܒܝ ܒܬܪܥܗ ܕܡܠܬ݁ܗܘܢ |
| 017:021 | ܕܟܘܠܗܘܢ ܚܕܐ ܝܗܘܢ ܗܝܟ ܡ݁ܐ ܕܐܬ ܐܒܐ ܒܓܘܝ ܘܐܢܐ ܐܘܦ ܐܢܐ ܒܓܘܟ ܕܐܘܦ ܗܢܘܢ ܒܓܘܢ ܚܕܐ ܝܗܘܢ ܕܝܗܝܡܢ ܥܠܡܐ ܕܐܬ ܫܠܚܬ ܝܬ݁ܝ |
| 017:022 | ܘܐܢܐ ܬܫܒܘܚܬܐ ܗܕܐ ܕܝܗܒܬ݁ ܠܝ ܝܗܒܬ ܠܗܘܢ ܕܝܗܘܢ ܚܕܐ ܗܝܟ ܡ݁ܐ ܕܐܢܗ ܚܕܐ |
| 017:023 | ܐܢܐ ܒܓܘܗܘܢ ܘܐܬ ܒܓܘܝ ܠܓܠܠ ܕܝܗܘܢ ܡܫ̈ܠܡܝܢ ܠܚܕܐ ܘܕܝܗܐ ܥܠܡܐ ܝܕܥ ܕܐܬ ܫܠܚܬ ܝܬܝ ܘܐܚܒܝܬ݁ ܝܬ݁ܗܘܢ ܗܝܟ ܡܐ ܕܐܚܒܬ݁ ܝܬ݁ܝ |
| 017:024 | ܐܒܐ ܡ݁ܐ ܕܝܗܒܬ ܠܝ ܨܒܐ ܐܢܐ ܕܗܢ ܕܐܢܐ ܗܘܐ ܐܘܦ ܗܢܘܢ ܝܗܘܢ ܥܡܝ ܕܝܗܘܢ ܚ̈ܡܝܢ ܬܫܒܚܬܝ ܗܕܐ ܕܝܗܒܬ ܠܝ ܕܐܚܒܬ ܝܬܝ ܡܢ ܩܘܕܡ ܫܘ݂ܪܘܝܗ ܕܥܠܡܐ |
| 017:025 | ܐܒܐ ܨܕܝܩܐ ܘܥܠܡܐ ܠܐ ܐܟܪ ܝܬ݁ܟ ܐܢܐ ܕܝ ܐܟܪܬ ܝܬ݁ܟ ܘܐܘܦ ܗ̈ܠܝܢ ܐܟܪ̈ܘ ܕܐܬ ܫܠܚܬ ܝܬ݁ܝ |
| 017:026 | ܕܚܒܬܐ ܕܐܚܒܬ ܝܬܝ ܒܓܘܗܘܢ ܬ݁ܗܐ݁ ܘܐܢܐ ܒܓܘܗܘܢ |
| 017:001 | ܗ݀ܠܝܢ ܡܠܠ ܡܪܐ ܝܣܘܣ ܘܬܠܐ ܥ̈ܝܢܘܝ ܠܫܘܡܝܐ ܘܐܡܪ ܐܒܐ ܐܬ݁ܬ݁ ܫܥܬܐ ܫܒܚ ܝܬ݁ܗ ܠܒܪܟ ܕܒܪܟ ܝܫܒܚ ܝܬ݁ܟ |
| 017:002 | ܗܝܟ ܡܐ ܕܝܗܒܬ ܠܗ ܫܘܠܛܢܘ ܥܠ ܟܘܠܗ ܒܣܪܐ ܕܟܘܠ ܡ݁ܐ ܕܝܗܒܬ ܠܗ ܝܬܠ ܠܗܘܢ ܚܝܝ̈ܢ ܕܠܥܠܡ |
| 017:003 | ܗ݀ܠܝܢ ܕܝ ܗܢܘܢ ܚܝ̈ܝܐ ܕܠܥܠܡ ܕܝܗܘܢ ܡܟܪܝܢ ܠܟ ܕܐܬ ܗܘ ܐܠܗܐ ܩܫܝܛܐ ܒܠܚܘܕܝܟ ܘܕܢ ܕܫܠܚܬ ܝܣܘܣ ܡܫܝܚܐ |
| 017:004 | ܐܢܐ ܫܒܚܬ ܝܬ݁ܟ ܥܠ ܐܪܥܐ ܕܫܠܡܬ݁ ܥܘܒܕܐ ܗܕܢ ܕܝܗܒܬ ܠܝ ܕܝܥܒܕ |
| 017:005 | ܐܘܦ ܟܕܘ ܫܒܚ ܝܬܝ ܐܒܐ ܠܘܬ݁ܟ ܒܬܫܒܘܚܬܐ ܕܗܘܬ ܥܡܝ ܠܘܬ݁ܟ ܡܢ ܥܕܠܐ ܝܗܐ ܥܠܡܐ |
| 017:006 | ܐܘܕܥܬ݁ ܫܝܡܟ ܠܒܢܝ̈ܢܫܐ ܗ̈ܠܝܢ ܕܝܗܒܬ ܠܝ ܡܢ ܥܠܡܐ ܕܝܠܟ ܗܘܘ ܘܠܝ ܝܗܒܬ ܝܬ݁ܗܘܢ ܘܡܠܬ݁ܟ ܢܛܪ̈ܘ |
| 017:007 | ܟܕܘ ܝܕܥܬ݁ ܟܘܠ ܡ݁ܐ ܕܝܗܒܬ ܠܝ ܡܢ ܠܘܬ݁ܟ ܗܢܘܢ |
| 017:008 | ܕܡ̈ܠܝܐ ܕܝܗܒܬ ܠܝ ܝܗܒܬ݁ ܘܗܢܘܢ ܩ̈ܒܠܘ ܘܐܟܪ̈ܘ ܕܡܢ ܩܘܫܛ ܡܢ ܠܘܬ݁ܟ ܢܦܩܬ݁ ܘܗ̈ܝܡܢܘ ܕܐܬ ܫܠܚܬ ܝܬܝ |
| 017:009 | ܐܢܐ ܥܠ ܕܛܒܗ̈ܘܢ ܒܥܐ ܠܐ ܥܠ ܕܛܒܗ ܕܥܠܡܐ ܐܢܐ ܒܥ̈ܝ ܐܠܐ ܥܠ ܛܒ ܗ̈ܠܝܢ ܕܝܗܒܬ ܠܝ ܕܕܝܠܟ ܗܢܘܢ |
| 017:010 | ܘܕܝܠܟ ܕܝܠܝ ܘܐܢܐ ܡܫܒܚ ܒܗܘܢ |
| 017:011 | ܘܥܘܕ ܠܝܬܢܐ ܒܥܠܡܐ ܗܢܘܢ ܘܐܢܐ ܠܘܬ݁ܟ ܐܬܐ ܐܒܐ ܩܕܝܫܐ ܢܛܪ ܝܬ݁ܗܘܢ ܒܫܝܡܟ ܗܕܢ ܕܝܗܒܬ ܠܝ ܕܝܗ̈ܘܢ ܚܕܐ ܗܝܟ ܡܐ ܕܐܢ̈ܗ |
| 017:012 | ܟܕ ܗܘܝܬ݁ ܥܡܗܘܢ ܒܥܠܡܐ ܐܢܐ ܗܘܝܬ݁ ܡܢܛܪ ܠܗܘܢ ܒܫܝܡܟ ܗܕܢ ܕܝܗܒܬ ܠܝ ܘܥܝܢܝܬ݁ ܘܐܢܫ ܡܢܗܘܢ ܠܐ ܐܒܕ ܐܠܐ ܐܢ ܒܪܗ ܕܐܒܕܢܐ ܠܓܠܠ ܕܟܬ݁ܒܐ ܝܬ݁ܡܠܐ |
| 017:013 | ܟܕܘ ܕܝ ܠܘܬ݁ܟ ܐܢܐ ܐܬܐ ܘܗ̈ܠܝܢ ܐܢܐ ܡܡܠܠ ܒܥܠܡܐ ܕܬܗܐ ܥܡܗܘܢ ܚܕܘܬ݁ܝ ܕܝܠܝ ܡܫܠܡܐ ܒܓܘܗܘܢ |
| 017:018 | ܗܝܟ ܡܐ ܕܫܠܚܬ ܝܬ݁ܝ ܠܥܠܡܐ ܐܢܐ ܫܠܚܝܬ ܝܬ݁ܗܘܢ ܠܥܠܡܐ |
| 017:019 | ܘܥܠ ܕܛܒܗܘܢ ܐܢܐ ܡܩܕܫ ܓܪܡܝ ܕܝܗܘܢ ܐܘܦ ܗ̈ܢܘܢ ܡܩܕܝܫܢ ܒܩܘܫܛܐ |
| 017:020 | ܠܐ ܥܠ ܕܛܒܗܘܢ ܕܗܠܝܢ ܐܢܐ ܒܥܐ ܒܠܚܘܕ ܐܠܐ ܐܘܦ ܥܠ ܕܛܒܗܘܢ ܕܗܠܝܢ ܕܡܗ̈ܝܡܢܝܢ ܒܝ ܒܬܪܥܗ ܕܡܠܬ݁ܗܘܢ |
| 017:021 | ܕܟܘܠܗܘܢ ܚܕܐ ܝܗܘܢ ܗܝܟ ܕܐܬ ܐܒܐ ܒܓܘܝ܃ ܘܐܢܐ ܐܘܦ ܐܢܐ ܒܓܘܟ ܕܐܘܦ ܗܢܘܢ ܒܓܘܢ ܚܕܐ ܝܗܘܢ ܕܝܗܝܡܢ ܥܠܡܐ ܕܐܬ ܫܠܚܬ ܝܬܝ |
| 017:022 | ܘܐܢܐ ܬܫܒܘܚܬܐ ܗܕܐ ܕܝܗܒܬ݁ ܠܝ ܝܗܒܬ ܠܗܘܢ ܕܝܗܘܢ ܚܕܐ ܗܝܟ ܡܐ ܕܐܢܗ̈ ܚܕܐ |
| 017:023 | ܐܢܐ ܒܓܘܗܘܢ ܘܐܬ ܒܓܘܝ ܠܓܠܠ ܕܝܗܘܢ ܡܫܠܡܝܢ ܠܚܕܐ ܘܕܝܗܐ ܥܠܡܐ ܝܕܥ ܕܐܬ ܫܠܚܬ ܝܬܝ ܘܐܚܒܝܬ݁ ܝܬ݁ܗܘܢ ܗܝܟ ܡܐ ܕܐܚܒܬ݁ ܝܬܝ |
| 017:024 | ܐܒܐ ܡܐ ܕܝܗܒܬ ܠܝ ܨܒܐ ܐܢܐ ܕܗܢ ܕܐܢܐ ܗܘܐ݁ ܐܘܦ ܗܢܘܢ ܝܗܘܢ ܥܡܝ ܕܝܗܘܢ ܚ̈ܡܝܢ ܬܫܒܚܬܝ ܗܕܐ ܕܝܗܒܬ ܠܝ ܕܐܚܒܬ ܝܬܝ ܡܢ ܩܘܕܡ ܫܪܘܝܗ ܕܥܠܡܐ |
| 017:025 | ܐܒܐ ܨܕܝܩܐ ܘܥܠܡܐ ܠܐ ܐܟܪ ܝܬܟ ܐܢܐ ܕܝ ܐܟܪܬ ܝܬܟ ܘܐܘܦ ܗܠܝܢ ܐܟܪܘ ܕܐܬ ܫܠܚܬ ܝܬ݁ܝ |
| 017:026 | ܕܚܒܬܐ ܕܐܚܒܬ ܝܬܝ ܒܓܘܗܘܢ ܬܗܐ݁ ܘܐܢܐ ܒܓܘܗܘܢ |
| 018:001 | ܒܡܐ ܕܝ ܕܐܡܪ ܗ̈ܠܝܢ ܡܪܐ ܝܣܘܣ ܢܦܩ ܥܡ ܬܠ̈ܡܝܕܘܝ ܠܥܒܪܗ ܕܢܚܠܐ ܕܩܛܪܣܝܐ ܗܢ ܕܗܘܬ݁ ܓܢܬܐ ܠܗܢ ܕܥܠ ܗܘ ܘܬܠܡܝ̈ܕܘܝ |
| 018:002 | ܗܘܐ ܕܝ ܡܟܪ ܐܘܦ ܝܗܘܕܣ ܕܢ ܕܡܣܪ ܝܬܗ ܗܐܘ ܐܬ݁ܪܐ ܕܣܓܝ ܙܒܢ̈ܝܢ ܐܬ݁ܟܢܫ ܡܪܐ ܝܣܘܣ ܬ݁ܡ݁ܢ ܥܡ ܬܠ̈ܡܝܕܘܝ |
| 018:003 | ܝܗܘܕܣ ܕܝ ܢܣܒ ܠܪ̈ܘܡܝܝ ܘܡܢ ܪܝܫ ܟܗ̈ܢܝܐ ܘܦ̈ܪܝܫܝܝ ܗܧܪ̈ܛܝܢ ܘܐܬܐ ܠܬ݁ܡ݁ܢ ܒܦܢܣ̈ܝܢ ܘܠܡܧ̈ܕ<ܝ>ܢ ܘܡ̈ܐܢܝܙܝܢ |
| 018:004 | ܘܡܪܐ ܝܣܘܣ ܕܝ ܚܡܐ ܟܘܠ ܡܐ ܕ݂ ܡ݁ܐ ܕܐܬܐ ܥܠܘܝ ܢܦܩ ܐܡܪ ܠܗܘܢ ܠܡ݁ܢ ܐܬܘܢ ܒܥ̈ܝܢ |
| 018:005 | ܐܓܝܒ̈ܘ ܕܝ ܘܐܡܪ̈ܝܢ ܠܗ ܠܝܣܘܣ ܢܙܪܝܐ ܐܡܪ ܠܗܘܢ ܡܪܐ ܝܣܘܣ ܐܢܐ ܗܘ ܗܘܐ ܕܝ ܩܐܡ ܐܘܦ ܝܗܘܕܣ ܗܕܢ ܕܡܣܪ ܝܬܗ ܠܗܘܢ |
| 018:006 | ܟܕ ܕܝ ܐܡܪ ܠܗܘܢ ܐܢܐ ܗܘ ܐܙܠ̈ܘ ܠܚܘܪ̈ܝܗܘܢ ܘܢܦܠܘ ܥܠ ܐܪܥܐ |
| 018:007 | ܘܬܘܒܢ ܫܐܠ ܝܬ݁ܗܘܢ ܘܐܡܪ ܠܗܘܢ ܠܡ݁ܢ ܐܬܘܢ ܒܥ̈ܝܢ ܗܢܘܢ ܕܝ ܬܘܒܢ ܐܡܪ̈ܘ ܠܝܣܘܣ ܢܙܪܝܐ |
| 018:008 | ܐܓܝܒ ܡܪܐ ܝܣܘܣ ܘܐܡܪ ܠܗܘܢ ܐܡܪܬ ܠܟܘܢ ܕܐܢܐ ܗܘ ܐܢ ܠܝ ܐܬܘܢ ܒ̈ܥܝܢ ܫܒ̈ܘܩܘ ܗ̈ܠܝܢ ܕܝܐܙ̈ܠܘܢ |
| 018:009 | ܕܬܫܠܘܡ ܡܠܬܐ ܗܕܐ ܕܐܡܪ ܕܗ̈ܠܝܢ ܕܝܗܒܬ ܥܠܝ ܠܐ ܐܘܒܕܬ݁ ܡܢܗܘܢ ܐܘܦ ܠܐ ܚܕ |
| 018:010 | ܣܝܡܘܢ ܧܛܪܘܣ ܕܝ ܗܘܐ ܒܝܕܗ ܣܝܦ̈ܗ ܫܠܦ ܝܬܗ ܘܡܚܐ ܠܥܒܕܗ ܕܪܝܫ ܟܗ̈ܢܝܐ ܘܩܛܥ ܐܕܢܗ ܕܝܡܝܢܐ ܗܘܐ ܕܝ ܫܝܡܗ ܕܥܒܕܐ ܡܠܟ̈ܘܣ |
| 018:011 | ܐܡܪ ܕܝ ܡܪܐ ܝܣܘܣ ܠܧܛܪܘܣ ܪܡܝ ܣܝܦܐ ܠܐܬ݁ܪܗ ܟܣܐ ܕܢ ܕܝܗܒ ܠܝ ܐܒܐ ܠܐ ܝܫܬܐ ܝܬ݁ܗ |
| 018:012 | ܪ̈ܘܡܝܝ ܕܝ ܘܪ̈ܝܫܝ ܐܠܦ̈ܐ ܘܗܧܪ̈ܝܛܝܐ ܕܝܗܘܕܝܝ ܨ̈ܕܘ ܠܡܪܐ ܝܣܘܣ ܘܟܦܬ݁ܘ ܝܬ݁ܗ |
| 018:013 | ܘܐܝܬ̈ܘ ܝܬܗ ܠܘܬ݁ ܚܢܐܣ ܩܡܐܝ ܗܕܝܢ ܕܗܘܐ ܪܝܫ ܟܗ̈ܢܝܐ ܕܝܬܗ݀ ܫܝܬܐ ܘܚܢܐܣ ܫܕܪ ܠܡܪܐ ܝܣܘܣ ܠܘܬ݁ ܩܝܐܦܐܣ |
| 018:014 | ܗܘܐ ܕܝ ܩܝܐܦܣ ܕܡܠܟ ܠܝܗܘܕܝܝ ܕܛܒ ܗܘ ܕܚܕ ܒܪܢܫ ܝܡܘܬ݁ ܚܘܠܦ ܩܗܠܐ |
| 018:015 | ܗܘܐ ܕܝ ܕܒܝܩ ܠܡܪܐ ܝܣܘܣ ܣܝܡܘܢ ܧܛܪܘܣ ܘܚܘܪܢ ܬܠܡܝܕ ܝܬܗ ܬܠܡܝܕ{ܝ}ܐ ܕܝ ܗܘܐ ܝܕܝܥ ܠܪܝܫ ܟܗ̈ܢܝܐ ܘܥܠ ܥܡ ܡܪܐ ܝܣܘܣ ܠܕܪܬܐ ܕܪܝܫ ܟܗ̈ܢܝܐ |
| 018:016 | ܧܛܪܘܣ ܕܝ ܗܘܐ ܩܐܡ ܥܠ ܬܪܥܐ ܠܒܪ ܢܦܩ ܕܝ ܬܠܡܝܕܐ ܚܘܪܢܐ ܗܐܘ ܕܗܘܐ ܝܕܝܥ ܠܪܝܫ ܟܗ̈ܢܝܐ ܘܐܡܪ ܠܬܪܥܬܐ ܘܐܥܠܬ݁ ܠܧܛܪܘܣ |
| 018:017 | ܘܐܡܪܬ ܝܬ݁ܗ݀ ܛܠܝܬܐ ܬܪܥܬܐ ܠܧܛܪܘܣ ܕܡܐ ܐܘܦ ܐܬ ܡܢ ܬܠ̈ܡܝܕܘܝ ܕܗܘ ܒܪܢܫܐ ܐܬ܃ ܘܐܡܪ ܠܗ ܠܝܬ݁ ܐܢܐ |
| 018:018 | ܗܘܘ ܕܝ ܩܐܡ̈ܝܢ ܥܒ̈ܕܝܐ ܘܗܧܪ̈ܝܛܝܐ ܕܥܒ̈ܕܘ ܓܘܡܪ̈ܝܢ ܕܗܘܐ ܥܪܝܐ ܘܗܘܘ ܫܚ̈ܢܝܢ ܗܘܐ ܕܝ ܐܘܦ ܧܛܪܘܣ ܩܐܡ ܥܡܗܘܢ ܘܫܚܢ |
| 018:019 | ܪܝܫ ܟܗ̈ܢܝܐ ܕܝ ܗܘܐ ܫܐܠ ܠܡܪܐ ܝܣܘܣ ܥܠ ܛܒ ܬܠ̈ܡܝܕܘܝ ܘܥܠ ܛܒ ܐܘܠܦܢܗ |
| 018:020 | ܐܓܝܒ ܡܪܐ ܝܣܘܣ ܘܐܡܪ ܠܗ ܐܢܐ ܒܧܪܝܣܝܐ ܡܠܠܬ݁ ܕܝ ܠܥܠܡܐ ܐܢܐ ܒܟܘܠ <ܥܪ> ܗܘܬ ܡܠܦ ܒܟܢܝܫܬܐ ܘܒܢܘܣܐ ܗܢ ܕܟܘܠܗ̈ܘܢ ܝܗܘ̈ܕܝܝ ܡܬ݁ܟܢܝܫܝܢ ܘܒܛܡܘܪܝܢ ܠܐ ܡܠܠܬ݁ ܟܘܠܡ |
| 018:021 | ܡ݁ܐ ܐܬ ܫܐܠ ܠܝ ܫܘܠ ܠܗ̈ܠܝܢ ܕܫ̈ܡܥܘ ܡܐ ܡܠܠܬ݁ ܠܗܘܢ ܗܐ ܗܢܘܢ ܝܕܥ̈ܝܢ ܡܐ ܐܡܪܬ݁ ܐܢܐ |
| 018:022 | ܘܟܕ ܐܡܪ ܗ̈ܠܝܢ ܚܕ ܕܗܘܐ ܩܐܡ ܡܢ ܗܧܪ̈ܝܛܝܐ ܝܗܒ ܠܡܪܐ ܝܣܘܣ ܡܣܛܘܪ ܘܐܡܪ ܠܗ ܟܕܢ ܐܬ ܡܓܝܒ ܠܪܝܫ ܟܗ̈ܢܝܐ |
| 018:023 | ܘܐܡܪ ܠܗ ܡܪܐ ܝܣܘܣ ܐܢ ܒܝܫܐܝܬ݁ ܐܡܪܬ݁ ܐܣܝܕ ܥܠܝ ܒܝܫܬܐ ܐܢ ܕܝ ܝܐܘܬ݁ ܠܡ݁ܐ ܐܬ ܡܚܐ ܠܝ |
| 018:024 | ܘܫܠܚ ܝܬ݁ܗ ܚܢܣ ܟܦܝܬ ܠܘܬ݁ ܩܝܐܦܣ ܪܝܫ ܟܗ̈ܢܝܐ |
| 018:025 | ܗܘܐ ܕܝ ܣܝܡܘܢ ܧܛܪܘܣ ܩܐܡ ܘܫܚܢ ܘܐܡܪ̈ܘ ܠܗ ܕܡ݁ܐ ܐܘܦ ܐܬ ܚܕ ܡܢ ܬܠ̈ܡܝܕܘܝ ܐܬ ܘܟܦܪ ܗܘ ܘܐܡܪ ܠܝܬ݁ ܐܢܐ |
| 018:026 | ܘܐܡܪ ܚܕ ܡܢ ܥܒ̈ܕܘ<ܝ> ܕܪܝܫ ܟܗ̈ܢܝܐ ܕܗܘܐ ܩܪܝܒܗ ܕܗܕܢ ܕܩܛܥ ܧܛܪܘܣ ܐܕܢܗ ܠܐ ܐܢܐ ܚܡܝܬ݁ ܝܬ݁ܟ ܥܡܗ ܒܓܢܬܐ |
| 018:027 | ܘܬܘܒܢ ܟܦܪ ܧܛܪܘܣ ܘܫܘܐ ܩܪܐ ܬ݁ܪܢܓܘܠܐ |
| 018:028 | ܘܐܘܒܠ ܝܬ݁ܗ ܠܡܪܐ ܝܣܘܣ ܡܢ ܠܘܬ݁ ܩܝܐܦܣ ܠܗܧܠܝܛܘܪܝܢ ܗܘܐ ܕܝ ܨܦܪܐ ܘܠܐ ܥ̈ܠܘ ܗܢܘܢ ܠܗܧܠܝܛܘܪܝܢ ܕܠܐ ܝܣ̈ܬܐܒܘܢ ܐܠܐ ܝܐܟ̈ܘܠܘܢ ܦ̈ܣܚܐ |
| 018:029 | ܘܢܦܩ ܧܝܠܛܘܣ ܠܘܬܗܘܢ ܠܒܪ ܘܐܡܪ ܠܗܘܢ ܡܐ ܩܛܪܘܓܝܢ ܐܬܘܢ ܡܡܛܝܢ ܥܠ ܗܕܢ ܒܪܢܫܐ |
| 018:030 | ܐܓܝܒ̈ܘ ܘܐܡܪ̈ܝܢ ܠܗ ܐܠܘ ܠܐ ܕܗܘܐ ܗܕܢ ܥܒܕ ܒܝܫ̈ܢ ܠܐ ܗܘܝܢܗ ܡܣܪ̈ܝܢ ܠܗ ܠܟ |
| 018:031 | ܐܡܪ ܠܗܘܢ ܧܝܠܛܘܣ ܣ̈ܒܘ ܝܬ݁ܗ ܐܬܘܢ ܘܗܝܟ ܢܝܡܘܣܟܘܢ ܕܘܢ̈ܘ ܝܬ݁ܗ ܐܡܪ̈ܝܢ ܠܗ ܝܗܘ̈ܕܝܝ ܠܐ ܫܠܝܛ ܠܢ ܕܢܩܛܘܠ ܠܐܢܫ |
| 018:032 | ܕܬܫܠܘ{ܠ}ܡ ܡܠܬܗ ܕܡܪܐ ܝܣܘܣ ܗܕܐ ܕܐܡܪ ܡܘܕܥ ܒܗܕܝܢ ܡܘܬ ܗܘ ܥܬܝܕ ܕܝܡܘܬ݁ |
| 018:033 | ܥܠ ܕܝ ܧܝܠܛܘܣ ܬܘܒܢ ܠܧܠܝܛܘܪܝܢ ܘܩܪܐ ܠܡܪܐ ܝܣܘܣ ܘܐܡܪ ܠܗ ܐܬ ܗܘ ܡܠܟܐ ܕܝܘ̈ܕܝܐ |
| 018:034 | ܐܡܪ ܠܗ ܡܪܐ ܝܣܘܣ ܐܬ ܡܢ ܓܪܡܟ ܐܡܪܬ ܗܕܐ ܐܐ݁ ܚܘܪ̈ܢܝܢ ܐܡܪ̈ܘ ܠܟ ܥܠ ܕܛܒܝ |
| 018:035 | ܐܓܝܒ ܧܝܠܛܘܣ ܘܐܡܪ ܠܗ ܕܡ݁ܐ ܐܢܐ ܝܘܕܝ ܐܢܐ ܡܝܢܟ ܕܝܠܟ ܘܪ̈ܝܫܝ ܟܗ̈ܢܝܐ ܡܣܪ̈ܘ ܝܬ݁ܟ ܠܝ ܡ݁ܐ ܥܒܕܬ |
| 018:036 | ܐܓܝܒ ܡܪܐ ܘܐܡܪ ܠܗ ܡܠܟܘܬ݁ܝ ܕܝܠܝ ܡܢ ܕܝܢ ܥܠܡܐ ܠܝܬ݁ ܗܝ ܐܠܘ ܗܘܬ݁ ܡܠܟܘܬ݁ܝ ܡܢ ܗܕܝܢ ܥܠܡܐ ܫܡܫܝ ܕܝܠܝ ܐܝܬ݁ ܗܘ ܡܬ݁ܟ̈ܬܫܝܢ ܥܠ ܕܛܒܝ ܕܠܐ ܝܬ݁ܡܣܪ ܠܝܘܕ̈ܗܝܢ ܟܕܘ ܕܝ ܡܠܟܘܬ݁ܝ ܠܝܬ݁ ܗܝ ܡܢ ܟܐ |
| 018:037 | ܐܡܪ ܠܗ ܐܘܢ ܧܝܠܛܘܣ ܗܘܝ ܐܘܢ ܡܠܟ ܐܬ ܐܓܝܒ ܡܪܐ ܝܣܘܣ ܘܐܡܪ ܠܗ ܐܬ ܐܡܪܬ ܕܐܢܐ ܡܠܟ܃ ܐܢܐ ܠܟܢ ܐܬ݁ܝܠܕܬ݁ ܘܠܟܢ ܐܬ݁ܝܬ݁ ܠܥܠܡܐ ܕܝܣܕ ܥܠ ܩܘܫܛܐ ܟܘܠ ܡ݁ܢ ܗܘ ܩܘܫܛܐ ܫܡܥ ܗܘ ܠܩܠܝ |
| 018:038 | ܐܡܪ ܠܗ ܧܝܠܛܘܣ ܡ݁ܐ ܗܘ ܩܘܫܛܐ ܘܟܕ ܐܡܪ ܗܕܐ ܬܘܒܢ ܢܦܩ ܠܘܬ݁ ܝܘܕܝܝ ܘܐܡܪ ܠܗܘܢ ܐܢܐ ܐܘܦ ܠܐ ܚܕܐ ܥܠܐ ܠܝܬ݁ ܐܢܐ ܡܫܟܝܚ ܒܗ |
| 018:039 | ܐܝܬ݁ ܠܟܘܢ ܕܝ ܐܘܠܦܢ ܕܝܗܐ ܦܢܝ ܠܟܘܢ ܚܕ ܒܦ̈ܝܣܚܐ ܨܒܝܢ ܐܬܘܢ ܐܘܢ ܕܝܦ{ܬܚ}<ܢܝ> ܠܟܘܢ ܠܡܠܟܗܘܢ ܕܝܘܕܝܝ |
| 018:040 | ܘܨܘܚܘ ܟܘܠܗܘܢ ܘܐܡܪ̈ܝܢ ܠܐ ܗܕܝܢ ܐܠܐ ܠܒܪܪܒܢ ܗܘܐ ܕܝ ܒܪܪܒܢ ܠܝܣܛܝܣ |
| 019:001 | ܒܟܝܢ ܐܘܢ ܧܝܠܛܘܣ ܢܣܒ ܠܡܪܐ ܝܣܘܣ ܘܢܓܕܗ ܒܧܪ̈ܓܠܐ |
| 019:002 | ܘܪ̈ܘܡܝ̈ܝܢ ܓܕܠ̈ܘ ܟܠܝܠ ܟܘܒܝܢ ܘܐܣ̈ܡܘ ܥܠ ܪܝܫܗ ܘܡܢ ܕܐܪܓܘܢ ܟܣ̈ܘ ܝܬܗ |
| 019:003 | ܘܗܘܘ ܐܬܝܢ ܠܘܬ݁ܗ ܘܐܡܪܝܢ ܫܝܠܡ ܠܟ ܡܠܟܗܘܢ ܕܝܗܘܕܝܝ ܘܗܘܘ ܝܗ̈ܒܝܢ ܠܗ ܡܝܣܛܘܪ̈ܝܢ |
| 019:004 | ܘܢܦܩ ܐܘܢ ܬܘܒܢ ܧܝܠܛܘܣ ܠܒܪ ܘܐܡܪ ܠܗܘܢ ܗܐ ܐܢܐ ܡܝܬܐ ܠܗ ܠܟܘܢ ܠܒܪ ܕܬܝܕܥܘܢ ܕܥܠܐ ܠܝܬ ܐܢܐ ܡܫܟܝܚ ܒܗ |
| 019:005 | ܘܢܦܩ ܐܘܢ ܡܪܐ ܝܣܘܣ ܠܒܪ ܡܟܣܝ ܟܠܝܠܐ ܕܟ̈ܘܒܝܐ ܘܡܐܢܐ ܕܐܪܓܘܢܐ܃ ܘܐܡܪ ܠܗܘܢ ܗܐ݁ ܒܪܢܫܐ |
| 019:006 | ܘܟܕ ܚ̈ܡܘ ܝܬ݁ܗ ܪ̈ܝܫܟܗ̈ܢܝܐ ܘܗܧܪ̈ܝܛܝܐ ܒܟܝܢ ܨܘ̈ܚܘ ܘܐܡܪ̈ܝܢ ܨܠܘܒ ܨܠܘܒ ܝܬܗ ܘܐܡܪ ܠܗܘܢ ܧܝܠܛܘܣ ܣܘ̈ܒܘ ܝܬ݁ܗ ܐܬܘܢ ܘܨ̈ܠܘܒܘ ܝܬ݁ܗ ܐܢܐ ܓܪ ܠܝܬ݁ ܐܢܐ ܡܫܟܝܚ ܒܗ ܥܠܐ |
| 019:007 | ܘܐܓܝܒ̈ܘ ܝܘܕܝܝ ܘܐܡܪ̈ܘ ܠܗ ܐܢܝܢ ܢܝܡܘܣ ܐܝܬ݁ ܠܢ ܘܗܝܟ ܢܝܡܘܣ ܚܝܒ ܗܘ ܕܝܡܘܬ ܕܥܒܕ ܓܪܡܗ ܒܪܗ ܕܐܠܗܐ |
| 019:008 | ܘܟܕ ܐܘܢ ܫܡܥ ܧܝܠܛܘܣ ܗܕܐ ܡܠܬܐ ܕܚܠ ܠܚܕܐ |
| 019:009 | ܘܥܠ ܠܧܠܝܛܘܪܝܢ ܬܘܒܢ ܘܐܡܪ ܠܡܪܐ ܝܣܘܣ ܡܢ ܗܢ ܐܬ ܘܡܪܐ ܝܣܘܣ ܕܝ ܐܓ{ܝ}ܒܘ ܠܐ ܝܗܝܒ ܠܗ |
| 019:010 | ܘܐܡܪ ܠܗ ܕܝ ܧܝܠܛܘܣ ܠܝ ܠܝܬ݁ܬ ܡܡܠܝܠ ܠܝܬ݁ ܐܬ ܝܕܝܥ ܕܐܢܐ ܫܠܝܛ ܕܝܨܠܘܒ ܝܬܟ ܘܫܠܝܛ ܐܢܐ ܕܝܦܢܝ ܝܬ݁ܟ |
| 019:011 | ܘܐܓܝܒ ܡܪܐ ܝܣܘܣ ܘܐܡܪ ܠܗ ܠܝܬ ܠܟ ܫܘܠܛܢܘ ܥܠܝ ܐܘܦ ܠܐ ܚܕܐ ܐܠܘ ܠܐ ܝܗܝܒ ܠܟ ܡܢ ܠܥܝܠ ܠܓܠܠ ܟܕܢ ܕܝ ܕܡܣܪ ܝܬܝ ܠܟ ܣܟܠܐ ܡܝܬܪܐ ܐܝܬ݁ ܠܗ |
| 019:012 | ܘܠܟܝܢ ܗܘܐ ܧܝܠܛܘܣ ܒܥܝ ܕܝܦܢܐ ܝܬ݁ܗ ܘܝܘܕܝܝ ܐܘܢ ܨܝ̈ܘܚܘ ܘܐܡܪ<ܝ>ܢ ܐܢ ܦܢܝ {ܦܢܝ} ܐܬ ܠܗܕܝܢ ܠ<ܝ>ܬܬ ܪܚܡܗ ܕܩܝܣܪ ܕܟܘܠ ܡ݁ܢ ܕܥܒܕ ܓܪܡܗ ܡܠܟ ܩܐܡ ܠܩܒܘܠ ܩܝܣܪ |
| 019:013 | ܧܝܠܛܘܣ ܐܘܢ ܟܕ ܫܡܥ ܗܠܝܢ ܡ̈ܠܝܐ ܐܝܬܝ ܝܬܗ ܠܡܪܐ ܝܣܘܣ ܠܒܪ ܘܝܬܒ ܥܠ ܒܝܡܐ ܕܐܬ݁ܪܐ ܕܝܢ ܕܡܬ݁ܡܪ ܫܘܘܝܐ ܕܟܝܦܝ̈ܐ ܥܒܪܐܣܛܝ ܕܝ ܓܝܒܬܐ |
| 019:014 | ܘܗܘܬ݁ ܥܘܪܒܬܗ ܕܦ̈ܣܚܐ ܗܘܝ ܕܝ ܗܝܟ ܫܝܬ݁ ܫܥ̈ܝܢ ܘܗܘܐ ܐܡܪ ܠܝܘ̈ܕܗܝܢ ܗܐ ܡܠܟܟܘܢ |
| 019:015 | ܘܗܢܘܢ ܕܝ ܗܘܘ ܐܡܪ̈ܝܢ ܐܪܝܡ ܐܪܝܡ ܨܠܘܒ ܝܬ݁ܗ ܘܐܡܪ ܠܗܘܢ ܧ̈ܝܠܛܘܣ ܠܡܠܟܟܘܢ ܝܨܠܘܒ ܐܓܝܒܘ ܪ̈ܝܫܝ ܟܗܢܝܐ ܐܡܪ̈ܝܢ ܠܝܬ݁ ܠܢ ܡܠܟ ܐܠܐ ܩܝܣܪ |
| 019:016 | ܘܒܟܝܢ ܡܣܪ ܝܬ݁ܗ ܠܗܘܢ ܕܝܨܛܠܒ |
| 019:017 | ܘܛܥܝܢ ܠܗ ܢܦܩ ܠܗܘ ܐܬ݁ܪܐ ܕܡܬ݁ܩܪܝ ܩܪܩܦܬܐ ܡܐ ܕܗܘ ܡܬ݁ܡܪ ܥܒܪܐܣܛܝ ܓܘܠܓܘܠܬܐ |
| 018:018 | ܗܢ ܕܨܠܒܘ ܝܬ݁ܗ ܘܥܡܗ ܚܘܪܢܝܢ ܬܪܝܢ ܚܕ ܡܢ ܟܐ ܘܚܕ ܡܢ ܟܐ ܒܡܨܥܬܐ ܕܝ ܠܡܪܐ ܝܣܘܣ |
| 019:019 | ܘܟܬܒ ܐܘܦ ܠܘܚ ܧ̈ܝܠܛܘܣ ܠܘܚ ܘܐܪ̈ܡܘ ܝܬ݁ܗ ܥܠ ܨܠܒܐ ܗܘܐ ܕܝ ܟܬܝܒ ܒܗ ܝܣܘܣ ܢܙܘܪܝܐ ܡܠܟܗܘܢ ܕܝܘܕܝ̈ܝܢ |
| 019:020 | ܠܗ ܕܝ ܠܗܕܢ ܠܘܚܐ ܩܪ̈ܘ ܣܓܝ ܡܢ ܝܘ̈ܕܝܐ ܕܗܘܐ ܩܪܝܒ ܐܬ݁ܪܐ ܠܡܕܝܢܬܐ ܗܢ ܕܐܨܛܠܝܒ ܡܪܐ ܝܣܘܣ ܘܗܘܐ ܟܬܝܒ ܥܒܪܐܣܛܝ ܘܪܘܡܐܝܣܛܝ ܘܗܠܝܢܣܛܝ |
| 019:025 | ܗܘ̈ܝ ܕܝ ܩܐܝܡ̈ܢ ܗܢ ܕܨܠܒܗ ܕܡܪܐ ܝܣܘܣ ܐܡܗ ܘܐܚܬ݁ܗ݀ ܕܐܡܗ ܡܪܝܐܡ ܕܩܠܝܧܘܣ ܘܡܪܝܡ ܡܓ̈ܕܠܝܬܐ |
| 019:026 | ܡܪܐ ܝܣܘܣ ܟܕ ܚܡܐ ܠܐܡܗ ܘܠܬܠܡܝܕܝܐ {{ܐܗ}}<<ܗ݀>>ܘ ܕܡܚܝܒ ܩܐܝܡ ܐܡܪ ܠܐܡܗ ܐܬܬܐ ܗܐ ܒܪܝܟܝ |
| 019:027 | ܘܒܬ݁ܪܟܢ ܐܡܪ ܠܝܬ݁ܗ ܬܠܡܝܕ{ܝ}ܐ ܗܐ ܐܡܟ ܘܡܢ ܝܬܗ ܝܘܡܐ ܕܒܪ ܝܬ݁ܗ ܬܠܡܝܕ{ܝ}ܐ ܠܘܬܗ |
| 019:028 | ܘܒܬ݁ܪܟܝܢ ܚܡܐ ܡܪܐ ܝܣܘܣ ܕܗܐ ܟܘܠ ܡܫܠܡ ܕܝܬܡܠܝ ܟܬ݁ܒܐ ܘܗ̈ܒܘ ܒܨܗܘܬ݁ܝ ܚܠ ܐܡܪ ܗܐ ܐܢܐ ܨܗܝ |
| 019:029 | ܗܘܐ ܕܝ ܬ݁ܡ݁ܢ ܡܣܡ ܡܐܢ ܕܚܠ ܒܡܝܪܐ ܘܩܪ̈ܒܘ ܠܦܡܗ |
| 019:030 | ܟܕ ܐܘܢ ܢܣܒ ܝܣܘܣ ܚܠܐ ܥܡ ܡ{ܪ}ܝܪܬܐ ܐܡܪ ܐܘܦ ܫܠܡ ܟܘܠ ܡܕܡ ܘܐܪܟܝܢ ܪܝܫܗ ܘܡܣܪ ܪܘܚܗ |
| 019:031 | ܘܝ̈ܘܕܝܐ ܐܘܢ ܡܢ ܠܓܠܠ ܕܗܘܬ݁ ܥܘܪܒܬܐ ܕܠܐ ܝܟܬܪ̈ܘܢ ܦܘܓܪ̈ܝܐ ܥܠ ܨ̈ܠܒܐ ܒܫܘܒܬܐ ܗܘܐ ܓܪ ܝܘܡܐ ܕܝܬ݁ܗ ܫܘܒܬܐ ܝܘܡ<ܐ> ܪܒܐ ܒ̈ܥܘ ܡܢ ܧܝܠܛܘܣ ܕܝܬܒܪ̈ܘܢ ܪܝܓ̈ܠܝܗܘܢ ܘܝܬܪ̈ܡܘܢ |
| 019:032 | ܘܐܬ݁ܘ ܪܘܡܝܝ ܘܬܒܪ̈ܘ ܪܓ̈ܠܘܝ ܕܩܡܝܐ ܘܕܘܚܪܢܐ ܕܗ̈ܠܝܢ ܕܐܨ̈ܛܠܒܘ ܥܡܗ |
| 019:033 | ܘܟܕ ܕܝ ܐܬ݁ܘ̈ ܥܠ ܡܪܐ ܝܣܘܣ ܫܘܐ ܟ{ܪ}<ܒ>ܪ ܕܡܝܬ݁ ܠܐ ܬܒܪ̈ܘ ܪ̈ܝܓܠܘ<ܝ> |
| 019:034 | ܐܠܐ ܚܕ ܡܢ ܪܘܡܝ ܒܠܘܢܟܬܐ ܢܗܫ ܝܬܗ ܠܥܠܥܗ ܘܢܦܩ ܫܘܐ ܐܕܡ ܘܡ<ܝ>ܢ |
| 019:035 | ܘܗܕܝܢ ܕܚܡܐ ܐܣܝܕ ܘܩܫܝܛܐ ܐܝܬ݁ ܗܝ ܣܗܕܘܬܗ ܘܗܘ ܝܕܝܥ ܕܩܘܫܝܛ ܗܘ ܐܡܪ ܕܐܘܦ ܐܬܘܢ ܬܗܝܡ̈ܢܘܢ |
| 019:036 | ܐܬܥܒ̈ܕܝ ܓܪ ܕܟܬ݁ܒܐ ܝܬ݁ܡܠܝ ܕܓܪܝܡ ܡܢܗ ܠܐ ܕܝ ܐܫܬܚܩ |
| 019:037 | ܘܬܘܒܢ ܟܬ݁ܒ ܚܘܪܢ ܐܡܪ ܝܚܡܘܢ ܠܗܘ ܕܢܗ̈ܫܘ |
| 019:038 | ܘܡܢ ܒܬ݁ܪ ܗܠܝܢ ܒܥܐ ܡܢ ܧܝܠܛܘܣ ܝܣܘܝܦ ܗܕܝܢ ܕܡܢ ܪܡܬܝܣ ܕܗܘܐ ܬܠܡܝܕܗ ܕܡܪܐ ܝܣܘܣ ܗܘܐ ܕܝ ܛܡܝܪ ܡܢ ܠܓܠܠ ܕܚܠܬ݁ܗܘܢ ܕܝܘܕܝܝ ܕܝܣܒ ܦܘܓܪܗ ܕܡܪܐ ܝܣܘܣ ܘܫܠܛܗ ܧܝܠܛܘܣ ܐܬܘ ܕܝܢ ܘܢܣ̈ܒܘ ܝܬ݁ܗ |
| 019:039 | ܘܐܬܐ ܕܝ ܐܘܦ ܢܘܩܕܝܡܘܣ ܗܕܝܢ ܕܐܬܐ ܠܘܬ݁ ܡܪܐ ܝܣܘܣ ܒܠܝܠܝܐ ܡܢ ܩܘܕܡ ܘܐܝܬܝ ܒܣܡܢܝܢ ܡܥܪܒܒܝܢ ܡܘܪ ܘܥܠܘܐ݁ ܗܝܟ ܡܐܐ݁ ܠܝܛܪ̈ܝܢ |
| 019:040 | ܘܢܣ̈ܒܘ ܕܝ ܦܘܓܪ ܕܡܪܐ ܝܣܘܣ ܘܟܪ̈ܟܘ ܝܬܗ ܒܟܬܢ̈ܝܢ ܥܡ ܒܣܡ̈ܢܝܐ ܗܝܟ ܡ݁ܐ ܕܐܠܘܦ̈ܝܢ ܝܘܕܝܝ ܩܒܪ̈ܝܢ |
| 019:041 | ܘܗܘܐ ܕܝ ܒܐܬ݁ܪܐ ܗܢ ܕܐܨܛܠܝܒ ܓܢܬܐ ܘܒܓܢܬܐ ܡܘܩܒܘܪܐ ܚܕܬܐ ܗܕܐ ܕܥܕ ܟܢ ܐܢܫ ܠܐ ܗܘܐ ܡܣܡ ܒܗ݀ |
| 019:042 | ܬܡ݁ܢ ܐܘܢ ܠܓܠܠ ܥܘܪܒܬܗܘܢ ܕܝܘܕܝܝ ܕܗܘܬ ܕܝ ܡܩܒܘܪܬܐ ܩܪܝܒܐ ܐܣ̈ܝܡܘ ܠܡܪܐ ܝܣܘܣ |
| 020:001 | ܘܒܝܘܡܐ ܕܚܕ ܒܫܘܒܐ ܐܬ݁ܬ݁ ܡܪܝܡ ܡܓܕܠܝܬܐ ܒܨܦܪܐ ܥܕ ܗܘ ܚܘܫܟܐ ܠܡܩܒܘܪܬܐ ܘܗܝ ܚܡܝܐ ܟܝܦܐ ܡܪܡ{ܝ}ܐ ܡܢ ܦܡܗ ܕܡܩܒܘܪܬܐ |
| 020:002 | ܪܗܛܬ݁ ܐܘܢ ܘܐܬ݁ܬ݁ ܠܘܬ݁ ܣܝܡܘܢ ܧ̈ܛܪܘܣ ܠܘܬ݁ ܬܠܡܝܕܐ ܚܘܪܢܐ ܗܕܢ ܕܗܘܐ ܡܪܐ ܝܣܘܣ ܪܚܡ ܘܐܡܪܐ ܠܗܘܢ ܐܪ̈ܝܡܘ ܡܪܐ ܡܢ ܡܩܒܘܪܬܐ ܘܠܝܬܢܝܢ ܝܕܝܥܝܢ ܗܢ ܐܣ̈ܝܡܘ ܝܬ݁ܗ |
| 020:003 | ܢܦܩ ܐܘܢ ܧ̈ܛܪܘܣ ܘܬܠܡܝܕܐ ܚܘܪܢܐ ܘܗܘ̈ܘ ܐܬ݁ܝܢ ܠܡܩܒܘܪܬܐ |
| 020:004 | ܗܘܘ ܕܝ ܪܗܝܛܝܢ ܗܝܟ ܚܕܐ ܘܬܠܡܝܕܐ ܚܘܪܢܐ ܒܘܦܪܝܥ ܩܕܡ ܠܧ̈ܛܪܘܣ ܘܐܬܐ ܩܡܝ ܠܡܩܒܘܪܬܐ |
| 020:005 | ܘܐܕܝܩ ܘܚܡܐ ܟܬܢܝܐ ܡܣܡܝܢ ܠܐ ܕܝ ܥܠ <ܐܬ݁ܪ> |
| 020:006 | ܐܬܐ ܐܘܢ ܣܝܡܘܢ ܧ̈ܛܪܘܣ ܕܒܝܩ ܠܗ ܘܥܠ ܠܓܘ ܡܘܩܒܘܪܬܐ ܘܚܡܐ݁ ܟܬܢ̈ܝܐ ܡܣܡ̈ܝܢ |
| 020:007 | ܘܣܘܕܪܐ ܗܕܢ ܕܗܘܐ ܥܠ ܪܝܫܗ ܠܐ ܗܘܐ ܡܣܡ ܥܡ ܟܬܢ̈ܝܐ ܐܠܐ ܡܦܪ{ܝ}ܫ ܘܥܦܝܦ ܒܚܕ ܐܬ݁ܪ |
| 020:008 | ܒܟܝܢ ܐܘܢ ܥܠ ܐܘܦ ܬܠܡܝܕܐ ܚܘܪܢܐ ܗܕܢ ܕܐܬܐ ܩܡܝ ܠܡܘܩܒܘܪܬܐ ܘܚܡܐ ܘܗܝܡܢ |
| 020:009 | ܥܕ ܟܕܘ ܓܪ ܠܐ ܗܘܐ ܝܕܥ̈ܝܢ ܟܬܒܐ ܕܧ̈ܢܛܘܣ ܠܗ ܕܝܩܘܡ ܡܢ ܒܝܢ ܡܝܬܝܐ |
| 020:010 | ܐܙ̈ܠܘ ܐܘܢ ܬܘܒܢ ܬܠ̈ܡܝܕܝܐ ܠܕܘܟܝܬܗܘܢ |
| 020:011 | ܡܪܝܐܡ ܕܝ ܗܘܬ ܩܝܡܐ ܗܢ ܕܡܩܒܘܪܬܐ ܠܒܪ ܒܟܝܐ ܘܗܝܟ ܕܗܝ ܒܟܝܐ ܐܕܝܩܬ݁ ܠܓܘ ܡܩܒܘܪܬܐ |
| 020:012 | ܘܚܡܬ݁ ܬܪ̈ܝܢ ܡ̈ܠܐܟ<ܝ>ܐ ܕܝܬܝܒ̈ܝܢ ܡܟܣ̈ܝܢ ܒܚܘܪ ܚܕ ܗܢ ܕܪܝܫܗ ܘܚܕ ܗܢ ܕܪ̈ܓܠܘܝ ܗܢ ܕܗܘܐ ܡܣܡ ܦܘܓܪܗ ܕܡܪܐ ܝܣܘܣ |
| 020:013 | ܘܐܡܪ̈ܝܢ ܠܗ ܗܠܝܟ ܐܬܬܐ ܡܐ ܐܬܝ ܒܟܝܐ ܐܡܪܐ ܠܗܘܢ ܕܐܪ̈ܝܡܘ ܡܪܐ ܡܢ ܡܩܒܘܪܬܐ ܘܠܝܬ݁ ܐܢܐ ܝܕܥܐ ܗܢ ܐܣ̈ܝܡܘ ܝܬ݁ܗ |
| 020:014 | ܘܟܕ ܐܡܪܬ݁ ܗܠܝܢ ܐܣܬܚܪܬ݁ ܠܘܚܪܝܗ ܘܗܝ ܚܡܝܐ ܠܡܪܐ ܝܣܘܣ ܩܐܝܡ ܘܠܐ ܗܘܬ ܝܕܥܐ ܕܗܘ ܡܪܐ ܝܣܘܣ |
| 020:015 | ܘܐܡܪ ܠܗ ܝܣܘܣ ܐܬܬܐ ܡ݁ܐ ܐܬܝ ܒܟܝܐ ܠܡ݁ܢ ܐܬܝ ܒܥܝܐ ܘܗܝ ܕܝ ܗܘܬ݁ ܣܒܝܪܐ ܕܗܘ ܓܢܢ ܐܡܪܐ ܠܗ ܡܪܝ ܐܢ ܐܬ ܐܪܝܡܬ ܝܬ݁ܗ ܐܡܘܪ ܠܝ ܗܢ ܐܣܝܡܬ ܝܬܗ ܘܐܢܐ ܢܣܒܐ ܠܗ |
| 020:016 | ܐܡܪ ܠܗ݀ ܡܪܐ ܝܣܘܣ܃ ܡܪܝܐܡ܃ ܘܬ݁ܒܬ݁ ܗܝ ܐܡܪܐ ܠܗ ܥܒܪܐܣܬܝ܃ ܪܒܘܢܝ܃ ܡܐ ܕܗܘ ܡܬ݁ܪܓܡ ܡܠܦܢܐ ܘܪܗܛܬ݁ ܕܬ݁ܝܩܪܘܒ ܠܗ |
| 020:017 | ܐܡܪ ܠܗ݀ ܡܪܐ ܝܣܘܣ܃ ܠܐ ܬܝܩܪܘܒܝܢ ܠܝ ܥܕ ܟܕܘ ܓܪ ܠܐ ܣܠܩܬ݁ ܠܘܬ݁ ܐܒܐ܃ ܐܙܠܝ ܠܘܬ݁ ܐܚܝ̈ ܘܐܡܪܝ ܠܗ̈ܘܢ ܗܐ ܐܢܐ ܣܠܝܩ ܠܘܬ݁ ܐܒܐ ܘܐܒ<ܘ>ܟܘܢ ܘܐܠܗܝ ܘܐܠܗܟܘܢ |
| 020:018 | ܘܐܬ݁ܬ݁ ܡܪܝܐܡ ܡܓ̈ܕܠܝܬܐ ܡܒܣܪܐ ܠܬܠ̈ܡܝܕܝܐ ܕܚܡܬ݁ ܠܡܪܐ ܘܗ݀ܠܝܢ ܐܡܪ ܠܗ݀ |
| 020:019 | ܘܟܕ ܗܘܐ ܐܘܢ ܪܘܡܫܐ ܕܝܬ݁ܗ ܝܘܡܐ ܕܚܕ ܒܫܘܒܐ ܘܬܪ̈ܥܝܐ ܐܚܝ̈ܕܝܢ ܗܢ ܕܗܘܘ ܬܠ̈ܡܝܕܝܐ ܡܟܢܫ̈ܝܢ ܠܓܠܠ ܕܚܠܬ݁ܗܘܢ ܕܝܘܕܝ̈ܝܢ܃ ܐܬܐ ܡܪܐ ܝܣܘܣ ܘܩܡ ܒܡܨܥܬܐ ܘܐܡܪ ܫܝܠܡ ܠܟܘܢ |
| 020:020 | ܘܟܕ ܐܡܪ ܗܕܐ ܐܘܕܝܥ ܠܗܘܢ ܐܝܕܗ ܘܐܠܥܗ ܚܕܝ̈ܘ ܕܝ ܬܠܡܝܕܝܐ ܕܚܡܘ ܠܡܪܐ |
| 020:021 | ܐܡܪ ܡܪܐ ܐܘܢ ܬܘܒܢ ܡܪܐ݁ ܝܣܘܣ ܫܝܠܡ ܠܟܘܢ ܗܝܟ ܡ݁ܐ ܕܫܠܝܚ ܝܬ݁ܝ ܐܒܐ ܐܘܦ ܐܢܐ ܡܫܠܝܚ ܝܬ݁ܟܘܢ |
| 020:022 | ܘܟܕ ܐܡܪ ܗܕܐ ܢܦܚ ܘܐܡܪ ܠܗܘܢ ܣܒ̈ܘ ܪܘܚܐ ܕܩܘܪܫܐ |
| 020:023 | ܠܗܠܝܢ ܕܬܝܫܒ̈ܩܘܢ ܣܟ̈ܠܬ݁ܗܘܢ ܝܫܬܒܩ ܠܗܘܢ ܘܠܗܠܝܢ ܕܝ ܕܬܨܝܕܘܢ ܝܬܨܝܕܝܢ |
| 020:024 | ܬܘܡܣ ܕܝ ܚܕ ܡܢ ܬܪ̈ܥܣܪܬܐ ܗ݀ܘ ܕܡܬ݁ܡ݁ܪ ܬܘܡܝܐ ܠܐ ܗܘܐ ܥܡܗܘܢ ܟܕ ܐܬܐ ܡܪܐ݁ ܝܣܘܣ |
| 020:025 | ܗܘ̈ܘ ܐܘܢ ܐܡܪ̈ܝܢ ܠܗ ܬܠ̈ܡܝܕܝܐ ܚܘܪ̈ܢܝܐ ܚܡ̈ܝܢܝܢ ܠܡܪܐ ܗܘ ܕܝ ܐܡܪ ܠܗܘܢ ܐܝܢ ܠܝܬܢܐ ܚܡܐ ܒܐܝܕܘ̈ܝ ܐܬ݁ܪ ܡܣܡܪ̈ܝ̈ܐ ܘܐܪܡܝ ܐܝܕܝ ܠܐܠܥܗ ܠܝܬܢܐ ܡܗܝܡܢ |
| 020:026 | ܘܡܢ ܒܬ݁ܪ ܕܝ ܬܡܝܢܝܐ ܝܘܡܢ ܬܘܒܢ ܗܘܘ ܬܠ̈ܡܝܕܝܐ ܠܓܘ ܗܝܟ ܚܕܐ ܘܐܘܦ ܬ݁ܘܡܣ ܥܡܗܘܢ ܘܐܬܐ ܡܪܐ ܝܣܘܣ ܘܬ݁ܪ̈ܥܝܐ ܐ݁ܚܝ̈ܕܝܢ ܘܩܡ ܒܡܨܥܬܐ ܘܐܡܪ ܫܝܠܡ ܠܟܘܢ |
| 020:027 | ܘܒܬ݁ܪܟܢ ܐܡܪ ܠܬ݁ܘܡܣ ܐܝܬܐ ܨܒܥܟ ܠܗܟܐ ܘܚܡܝ ܐܝ̈ܕܝ ܘܐܝܬܐ ܐܝܕܟ ܘܪܡܝ ܒܐܠܥܝ ܘܠܐ ܬܝܗܐ ܕܠܐ ܡܗܝܡܢ ܐܠܐ ܡܗܝܡܢ |
| 020:028 | ܘܐܓܝܒ ܬ݁ܘܡܣ ܘܐܡܪ ܠܗ ܡܪܝ ܘܐܠܗܝ |
| 020:029 | ܐܡܪ ܡܪܐ ܝܣܘܣ ܕܚܡܝܬ ܝܬ݁ܝ ܗܝܡܢܬ܃ ܛܘܒܝܗ̈ܘܢ ܗ̈ܠܝܢ ܕܠܐ ܚܡ̈ܘ ܘܗܝܡܢܘ |
| 020:030 | ܣ̈ܓܝ ܡ݁ܢ ܐܘܢ ܐܬܘܢ ܐܘܚܪ̈ܢܝܢ ܥܒܕ ܡܪܐ݁ ܝܣܘܣ ܩܘܕܡ ܬܠ̈ܡܝܕܘܝ ܡ݁ܐ ܕܠܝܬ݁ ܟܬ݁ܝܒܝܢ ܒܗܕܝܢ ܣܦܪܐ |
| 020:031 | ܗܠܝܢ ܕܝ ܟܬ̈ܝܒܝܢ ܠܓܠܠ ܕܬ݁ܝܗܝܡܢܘܢ ܕܡܪܐ ܝܣܘܣ ܡܫܝܚܐ ܗܘ ܒܪܗ ܕܐܠܗܐ ܘܒܡܐ ܕܐܬܘܢ ܡܗܝܡܝܢܝܢ ܗܘܝ ܠܟܘܢ ܚܝܝܢ ܒܝܫܝܡܗ |
| 021:001 | ܘܡܢ ܒܬ݁ܪ ܟܕܢ ܓܠܐ ܡܪܐ ܝܣܘܣ ܓܪܡܗ ܠܬܠ̈ܡܝܕܘܝ ܥܠ ܝܡܐ ܕܛܒܪܝܘܣ ܓܠܐ ܕܝ ܓܪܡܗ ܟܕܢ |
| 021:002 | ܗܘܘ ܗܝܟ ܚܕܐ ܣܝܡܘܢ ܧ̈ܛܪܘܣ ܘܬ݁ܘܡܣ ܕܡܬ݁ܡܪ ܬ݁ܘܡܝܐ ܘܢܬ݁ܢܝܠ ܗܕܢ ܕܡܢ ܩܢܬܐ ܕܓܠܝܠܐ ܘܒ̈ܢܘܝ ܕܙܒܕܝ ܘܬܪ̈ܝܢ ܚܘܪ̈ܢܝܢ ܡܢ ܬܠ̈ܡܝܕܘܝ |
| 021:003 | ܐܡܪ ܗܘܐ ܠܗܘܢ ܣܝܡܘܢ ܧ̈ܛܪܘܣ ܐܙܝܠ ܐܢܐ ܕܐܨܘܕ ܢܘܢ܃ ܐܡܪ̈ܝܢ ܠܗ ܐܘܦ ܐܢܝܢ ܐܬܝܢܝܢ ܥܡܟ ܘܢܦܩ̈ܘ ܘܣ̈ܠܩܘ ܫܘܐ ܠܐ̈ܠܦܐ ܘܒܗܘ ܠܝܠܝܐ ܟܝܠܘܡ ܠܐ ܨ̈ܕܘ |
| 021:004 | ܗܘܐ ܕܝ ܟܒܪ ܨܦܪܐ ܘܩܡ ܡܪܐ ܝܣܘܣ ܥܠ ܝܐܕ ܝܡܐ ܘܠܐ ܗܘܘ ܝܕܝܥܝܢ ܬܠ̈ܡܝܕܘܝ ܕܗܘ ܡܪܐ ܝܣܘܣ |
| 021:005 | ܐܡܪ ܠܗܘܢ ܡܪܐ ܝܣܘܣ ܛ̈ܠܝܐ {ܠ}<ܕ>ܝܡܐ ܐܝܬ݁ ܒܝܕܝ̈ܟܘܢ {ܒ}ܡܐ ܕܝܢܓܣ ܐܓܝܒ̈ܘ ܘܐܡܪ̈ܝܢ܃ ܠܐ |
| 021:006 | ܐܡܪ ܠܗܘܢ ܪ̈ܡܘ ܠܝܡܝܢܐ ܕܐܠܦ̈ܐ ܡܨܕܬܐ ܘܐܬܘܢ ܡܫ̈ܟܚܝܢ ܘܗܝܢܘܢ ܪ̈ܡܘ ܘܠܐ ܗܘܘ ܝܟܠܝܢ ܥܘܕ ܢܓܕܝܢ ܝܬ݁ܗ݀ ܡܢ ܣܘܓܝܐ ܕܢܘ̈ܢܝܐ |
| 021:007 | ܐܡܪ ܐܘܢ ܗܘ ܬܠܡܝܕܐ ܗܕܝܢ ܕܗܘܐ ܡܪܐ݁ ܝܣܘܣ ܡܚܝܒ ܠܗ ܠܧ̈ܛܪܘܣ ܗܘ ܡܪܐ ܗܘ ܣܝܡܘܢ ܐܘܢ ܧ̈ܛܪܘܣ ܟܕ ܫܡܥ ܕܗܘ ܡܪܐ ܩܘܠܒܗ ܐܣ{ܝ}ܪ ܗܘܐ ܓܪ ܥܪܛܠܝ ܘܪܡܐ ܓܪܡܗ ܠܝܡܐ |
| 021:008 | ܬܠ̈ܡܝܕܝܐ ܕܝ ܚܘܪܢܝܐ ܒܐܠܦ̈ܐ ܐܬܘ܃ ܠܐ ܓܪ ܪ̈ܚܝܩܝܢ ܡܢ ܐܪܥܐ ܐܠܐ ܗܝܟ ܡ̈ܐܬܝܢ ܐܡ̈ܝܢ܃ ܓܪ̈ܫܝܢ ܡܨܕܬܐ ܗܝ ܕܢ̈ܘܢܝܐ |
| 021:009 | ܟܕ ܐܬ݁ܘ ܠܐܪܥܐ ܗܢܘܢ ܚ̈ܡܘ ܓܘܡܪ̈ܝܢ ܕܢܘܪ ܡܣܡ ܠܥܝܠ ܡܢܗ̈ܝܢ ܠܚܡ ܘܢܘܢ |
| 021:010 | ܐܡܪ ܠܗܘܢ ܐܘܢ ܡܪܐ ܝܣܘܣ ܐܝܬ݁ܘ ܡܢ ܢܘܢ̈ܝܐ ܗܠܝܢ ܕܨܕܬܘܢ ܟܕܘ |
| 021:011 | ܣܠܩ ܐܘܢ ܣܝܡܘܢ ܧ̈ܛܪܘܣ ܘܢܓܕ ܡܨܕܬܐ ܠܐܪܥܐ ܡܠܝܐ ܢ̈ܘܢܝܢ ܪܒܪ̈ܒܝܢ ܡܐ݁ܐ݁ ܘܚܡܝܫܝܢ ܘܬ݁ܠܬܐ݁ ܘܒܟܘܠ ܗܠܝܢ ܠܐ ܐܬ݁ܒܙܥܬ݁ ܡܨܕܬܐ |
| 021:012 | ܐܡܪ ܠܗܘܢ ܡܪܐ ܝܣܘܣ܃ ܐܬ݁ܘ ܓܘܣ̈ܘ܃ ܐܢܫ ܕܝ ܡܢ ܬܠ̈ܡܝܕܝܐ ܠܐ ܗܘܐ ܡܬ݁ܠܒܒ ܕܝܫܘܠ ܝܬܗ܃ ܐܬ ܡܢ ܐܬ܃ ܕܗܘܘ ܝ̈ܕܝܥܝܢ ܕܗܘ ܡܪܐ |
| 021:013 | ܘܐܬܐ ܡܪܐ ܝܣܘܣ ܘܢܣܒ ܠܚܡܐ ܘܐܫܬܘܕܝ ܘܗܘܐ ܝܗܝܒ ܠܗܘܢ܃ ܘܢܘܢ̈ܝܐ ܟܝܢ ܘܟܘܬ݁ |
| 021:014 | ܗܕܐ ܕܝ ܟܒܪ ܙܒܢ ܬܠ<ܝ>ܬܝܐ ܐܬܚܡܝ ܡܪܐ ܝܣܘܣ ܠܬܠ̈ܡܝܕܘܝ ܡܢ ܕܩܡ ܡܢ ܒܝܢ ܡ̈ܝܬܝܐ |
| 021:015 | ܘܟܕ ܢܓ̈ܣܘ ܐܡܪ ܡܪܐ ܝܣܘܣ ܠܣܝܡܘܢ ܧ̈ܛܪܘܣ ܣܝܡܘܢ ܒܪܝܘܢܐ܃ ܡܚܝܒ ܐܬ ܠܝ ܣܓܝ ܡܢ ܗ̈ܠܝܢ܃ ܐܡܪ ܠܗ ܐܢ ܡܪܐ ܐܬ ܝܕܝܥ ܕܐܢܐ ܡܚܝܒ ܠܟ ܐܡܪ ܠܗ ܪܥܝ ܪ̈ܒܝܒܝ |
| 021:016 | ܘܬܘܒܢ ܐܡܪ ܠܗ ܡܢ ܬܢܝܢܘ ܣܝܡܘܢ ܒܪܝܘܢܐ܃ ܪܚܡ ܐܬ ܠܝ܃ ܐܡܪ ܠܗ܃ ܐܢ ܡܪܝ ܐܬ ܝܕܥ ܕܐܢܐ ܪܚܝܡ ܠܟ ܐܡܪ ܠܗ ܪܥܝ ܐܡܪ̈ܝ |
| 021:017 | ܐܡܪ ܠܗ ܙܒܢ ܬ݁ܠܬܐ܃ ܣܝܡܘܢ ܒܪܝܘܢܐ܃ ܪܚܝܡ ܐܬ ܠܝ܃ ܘܐܨܝܩ ܧ̈ܛܪܘܣ ܕܐܡܪ ܠܗ ܙܒܢ ܬ݁ܠܬܐ܃ ܪܚܝܡ ܐܬ ܠܝ܃ ܘܐܡܪ ܠܗ܃ ܡܪܝ ܐܬ ܝܕܝܥ ܟܘܠܐ܃ ܘܐܬ ܡܟܪ ܕܐܢܐ ܪܚܝܡ ܠܟ܃ ܐܡܪ ܠܗ܃ ܪܥܝ ܐܡܪ̈ܝ |
| 021:018 | ܐܡܝܢ ܐܡܝܢ ܐܡܪܢܐ ܠܟ ܕܟܕ ܗܘܝܬ݁ ܛܠܐ݁ ܗܘܝܬ݁ ܐܣܪ ܠܓܪܡܟ܃ ܘܗܘܝܬ ܡܗܠܝܟ ܠܗܢ ܕܗܘܝܬ݁ ܨܒܐ ܟܕ ܕܝ ܬ݁ܝܣܘܒ܃ ܐܬ ܬܦܫܘܛ ܐܕܟ ܘܚܘܪ̈ܢܝܢ ܝܣܘܪ̈ܘܢ ܘܝܘܒܠܘܢ ܝܬ݁ܟ ܠܗܢ ܕܠܝܬ݁ ܐܬ ܨܒܐ |
| 021:019 | ܗܕܐ ܕܝ ܐܡܪ ܡܘܕܝܥ ܒܗܝܕܝܢ ܡܘܬ݁ ܗܘ ܡܫܒܚ ܠܐܠܗܐ ܘܟܕ ܐܡܪ ܗܕܐ ܐܡܪ ܠܗ܃ ܕܒܘܩ ܝܬ݁ܝ |
| 021:020 | ܘܬ݁ܒ ܧ̈ܛܪܘܣ ܘܚܡܐ ܬܠܡܝܕܐ ܗܕܝܢ ܕܗܘܐ ܡܪܐ ܝܣܘܣ ܪܚܝܡ ܕܒܝܩ ܠܗ ܗܕܝܢ ܕܐܘܦ ܪܒܥ ܒܡܓܘܣܐ ܥܠ ܚܕܝܗ ܘܐܡܪ ܠܗ ܡܪܐ ܡܢܘ ܕܡܣܪ ܝܬ݁ܟ |
| 021:021 | ܠܗܕܝܢ ܟܕ ܚܡܐ ܧ̈ܛܪܘܣ ܐܡܪ ܠܡܪܐ ܝܣܘܣ ܡܪܐ ܗܕܝܢ ܕܝ ܡ݁ܐ |
| 021:022 | ܐܡܪ ܠܗ ܡܪܐ ܝܣܘܣ܃ ܐܢ ܨܒܐ ܐܢܐ ܕܝܟܬܪ ܗܘ ܥܕܡܐ ܕܝܐܬܐ ܡ݁ܐ ܥܠܝܟ܃ ܐܬ ܕܒܘܩ ܝܬ݁ܝ |
| 021:023 | ܢܦܩܬ݁ ܐܘܢ ܗܕܐ ܡܠܬܐ ܒܝܢ ܐܚ̈ܝܐ ܕܬܠܡܝܕܝܐ ܐܗܘ ܠܐ ܡܐܬ݁ ܠܐ ܐܡܪ ܠܗ ܕܝ ܡܪܐ ܝܣܘܣ ܕܠܐ ܡܐܝܬ݁܃ ܐܠܐ ܐܢ ܨܒܐ ܐܢܐ ܕܝܟܬܪ ܗܘ ܥܕܡܐ ܕܝܐܬܝ܃ ܐܬ ܡܐ ܥܠܝܟ |
| 021:024 | ܗܕܝܢ ܬܠܡܝܕܐ ܕܡܣܝܕ ܥܠ ܗܠܝܢ ܘܟܬ݁ܒ ܗܠܝܢ ܘܐܢܝܢ ܝܕܥܝܢ ܕܩܫܝܛܐ ܗܝ ܣܗܕܘܬ݁ܗ |
| 021:025 | ܐܝܬ݁ ܕܝ ܐܘܦ ܚܘܪ̈ܢܝܢ ܣܓܝ ܕܥܒܕ ܡܪܐ ܝܣܘܣ ܗܠܝܢ ܕܐܢ ܡܬ݁ܟܬ݁ܒܝܢ ܟܘܠ ܚܕܐ ܘܚܕܐ ܡܢܗܘܢ ܣܒܝܪ ܐܢܐ ܕܐܘܦ ܠܐ ܥܠܡܐ ܠܐ ܡܣܘܚܢ ܣܝܦܪ̈ܐ ܕܡܬ݁ܟܬ݁ܒܝܢ |