The Comprehensive Aramaic Lexicon

29:01	ܘܩܪܐ ܡܘܫܐ ܠܟܠܗ ܐܝܣܪܝܠ ܘܐܡܪ ܠܗܘܢ܂ ܐܢܬܘܢ ܚܙܝܬܘܢ ܟܠܡܕܡ ܕܥܒܕ ܡܪܝܐ ܠܥܢܝ̈ܟܘܢ ܒܐܪܥܐ ܕܡܨܪܝܢ܂ ܠܦܪܥܘܢ ܘܠܟܠܗܘܢ ܥܒ̈ܕܘܗܝ܂ ܘܠܟܠܗ ܥܡܗ/ܚܝܠܗ#2#/ ܘܠܟܠܗ݀ ܐܪܥܗ܂
29:02	ܢܣ̈ܝܘܢܐ ܪ̈ܘܪܒܐ ܕܚ̈ܙܝ ܥܝ̈ܢܝܟܘܢ܂ ܐ̈ܬܘܬܐ ܘܬܕܡܪ̈ܬܐ ‍<‍ܪܘܪ̈ܒܬܐ#3#‍>‍ ܗܠܝܢ ܕܚܙܝܬܘܢ܂
29:03	ܘܠܐ ܝܗܒ ܠܟܘܢ ܡܪܝܐ ܠܒܐ ܠܡܕܥ ܘܥܝ̈ܢܐ ܠܡܚܙܐ܂ ܘܐ̈ܕܢܐ ܠܡܫܡܥ ܥܕܡܐ ܠܝܘܡܢܐ܂
29:04	ܘܕܒܪܬܟܘܢ ܐܪ̈ܒܥܝܢ ܫ̈ܢܝܢ ܒܡܕܒܪܐ܂ ܠܐ ܒܠܝܘ ܢܚ̈ܬܝܟܘܢ ܡܢܟܘܢ܂ ܘܡܣܢܝ̈ܟܘܢ ܠܐ ܒܠܝܘ ܡܢ ܪ̈ܓܠܝܟܘܢ܂
29:05	ܘܠܚܡܐ ܠܐ ܐܟܠܬܘܢ ܘܚܡܪܐ ܘܫܟܪܐ ܠܐ ܐܫܬܝܬܘܢ܂ ܡܛܠ ܕܬܕܥܘܢ ܕܐܢܐ ܐܢܐ ܡܪܝܐ ܐܠܗܟܘܢ܂
29:06	ܘܐܝܬܝ݁ܬܟܘܢ ܠܐܬܪܐ ܗܢܐ܂ ܘܢܦܩ ܣܝܚܘܢ ܡܠܟܐ ܕܚܫܒܘܢ܂ ܘܥܘܓ ܡܠܟܐ ܕܡܬܢܝܢ ܠܐܘܪܥܢ ܠܩܪܒܐ/ܠܡܕܒܪܐ#3#/ ܘܚܪܒܢ ܐܢܘܢ܂
29:07	ܘܢܣܒܢ ܐܪܥܗܘܢ ܘܝܗܒܢܗ݀ ܝܘܪܬܢܐ ܠܪܘܒܝܠ ܘܠܓܕ ܘܠܦܠܓܗ ܕܫܒܛܐ ܕܡܢܫܐ܂
29:08	ܛܪܘ ܦܘܩ̈ܕܢܘܗܝ/ܦ̈ܬܓܡܘܗܝ#3#/ ܕܢܡܘܣܐ ܗܢܐ ܘܥܒܕܘ ܐܢܘܢ܂ ܕܗܘܝܬܘܢ ܡܣܩܝܢ ܠܪܝܫ ܟܠ ܡܕܡ ܕܥ݁ܒܕܝܢ ܐܢܬܘܢ܂
29:09	ܐܢܬܘܢ ܩ݁ܝܡܝܢ ܐܢܬܘܢ ܝܘܡܢܐ ܩܕܡ ܡܪܝܐ ܐܠܗܟܘܢ܂ ܟܠܟܘܢ ܪ̈ܝܫܝ ܫ̈ܒܛܝܟܘܢ ܘܣ̈ܒܝܟܘܢ ܘܣܦܪ̈ܝܟܘܢ܂ ܟܠܗܘܢ ܓܒܪ̈ܐ ܕܐܝܣܪܝܠ܂
29:10	ܘܝܩܪܬܟܘܢ ܘܢܫ̈ܝܟܘܢ܂ ܘܥܡܘܪܐ ܕܒܓܘ ܡܫܪܝܬܟ܂ ܡܢ ܠܩ݁ܛ ܩܝ̈ܣܝܟ ܘܥܕܡܐ ܠܡ݁ܠܐ ܡ̈ܝܟ܂
29:11	ܕܠܐ ܬܥܒܪܘܢ ܥܠ ܩܝܡܗ ܕܡܪܝܐ ܐܠܗܟܘܢ ܘܥܠ ܡ̈ܘܡܬܗ ܕܡܪܝܐ ܐܠܗܟܘܢ܂ ܕܐܩܝܡ ܥܡܟܘܢ ܝܘܡܢܐ܂
29:12	ܡܛܠ ܕܢܩܝܡܟ ܠܗ \ܝܘܡܢܐ ܥܡܐ /ܥܡܐ ܝܘܡܢܐ #3#/܂ ܘܗܘ ܢܗܘܐ ܠܟ ܐܠܗܐ ܐܝܟ ܕܐܡܪ ܠܟ܂ ܘܐܝܟ ܕܝܡܐ ܠܐ̈ܒܗܝܟ܂ ܠܐܒܪܗܡ ܘܠܐܝܣܚܩ ܘܠܝܥܩܘܒ܂
29:13	ܠܐ ܗܘܐ ܥܡܟܘܢ ܒܠܚܘܕܝܟܘܢ ܡܩܝܡ ܐܢܐ ܩܝܡܐ ܗܢܐ ܐܘ ܡ̈ܘܡܬܐ ܗܕܐ܂
29:14	ܐܠܐ ܥܡ ܟܠ ܡ݁ܢ \ܕܗܪܟܐ ܗܘ /ܕܐܝܬܘܗܝ ܗܪܟܐ#3#/ ܘܥܡܢ ܩ݁ܐܡ ܝܘܡܢܐ ܩܕܡ ܡܪܝܐ ܐܠܗܢ܂ ܘܥܡ ܟܠ ܡ݁ܢ ܕܠܐ ܗܘܐ/ܐܝܬܘܗܝ#3#/ ܥܡܢ ܗܪܟܐ ܝܘܡܢܐ܂
29:15	ܡܛܠ ܕܐܢܬܘܢ ܝ݁ܕܥܝܢ ܐܢܬܘܢ ܕܥܡܪܢ ܒܐܪܥܐ ܕܡܨܪܝܢ܂ ܘܥܒܪܢ ܒܝܬ ܥܡ̈ܡܐ ܕܥܒܪܬܘܢ܂
29:16	ܘܚܙܝܬܘܢ ܛܢ̈ܦܘܬܗܘܢ܂ ܘܕܚ̈ܠܬܗܘܢ ܕܩܝܣܐ ܘܕܟܐܦܐ܂ \ܘܕܣܐܡܐ ܘܕܕܗܒܐ /ܘܕܕܗܒܐ ܘܕܣܐܡܐ#2#/ ܕܩܪ̈ܝܡܝܢ܂
29:17	ܕܠܡܐ ܐܝܬ ܒܟܘܢ ܓܒܪܐ ܐܘ ܐܢܬܬܐ ܐܘ ܫܪܒܬܐ ܐܘ ܫܒܛܐ܂ ܕܣ݁ܛܐ ܠܒܗ ܝܘܡܢܐ ܡܢ ܡܪܝܐ ܐܠܗܢ܂ ܠܡܐܙܠ ܠܡܦܠܚ ܠܐ̈ܠܗܐ ܕܥܡ̈ܡܐ ܗ݀ܢܘܢ܂ ܕܠܡܐ ܐܝܬ ܒܟܘܢ ܥܩ݁ܪܐ ܕܡܘܥܐ ܡܐܪܬܐ ܘܓ̈ܕܕܐ܂
29:18	ܘܡܐ ܕܫܡܥ ܦܬ̈ܓܡܐ ܕܡܘܡܬܐ ܗܕܐ܂ ܢܬܚܫܒ ܒܠܒܗ ܘܢܐܡܪ܂ ܫܠܡܐ ܢܗܘܐ ܠܝ ܕܒܨܒܝܢ ܠܒܝ ܐ݁ܙܠ ܐܢܐ܂ ܕܢܘܣܦ ܪܘܝܘܬܐ ܥܠ ܨܗܝܘܬܐ܂
29:19	ܠܐ ܢܨܛܒܐ ܡܪܝܐ ܠܡܫܒܩ ܠܗ܂ ܐܠܐ ܗܝܕܝܢ ܢܥܫܢ ܪܘܓܙܗ ܕܡܪܝܐ ܘܛܢܢܗ ܒܓܒܪܐ ܗ݀ܘ܂ ܘܬܐܬܐ ܥܠܘܗܝ ܟܠܗ݀ ܠܘܛܬܐ ܕܟܬܝܒܐ ܒܟܬܒܐ ܗܢܐ܂ ܘܢܥܛܐ ܡܪܝܐ ܫܡܗ ܡܢ ܬܚܝܬ ܫܡܝܐ܂
29:20	ܘܢܦܪܫܝܘܗܝ ܡܪܝܐ ܠܒܝܫܬܐ ܡܢ ܟܠܗܘܢ ܫ̈ܒܛܐ ܕܐܝܣܪܝܠ܂ ܐܝܟ ܟܠܗܝܢ ܠܘ̈ܛܬܐ ܕܩܝܡܐ ܕܟܬ̈ܝܒܢ ܒܟܬܒܐ ܕܢܡܘܣܐ ܗܢܐ܂
29:21	ܘܢܐܡܪ ܕܪܐ ܐܚܪܢܐ܂ ܒܢ̈ܝܟܘܢ ܕܢܩܘܡܘܢ ܒܬܪܟܘܢ܂ ܘܢܘܟܪ̈ܝܐ ܕܢܐܬܘܢ ܡܢ ܐܪܥܐ ܪܚܝܩܬܐ܂ ܘܢܚܙܘܢ ܡܚ̈ܘܬܗ݀ ܕܐܪܥܐ ܗ݀ܝ ܘܟܘܪ̈ܗܢܝܗ݀ ܕܐܝܬܝ ܡܪܝܐ ܥܠܝܗ݀܂

29:22	ܟܒܪܝܬܐ ܘܡܠܚܐ ܝܩܝܕܬܐ/ܝܩܝܪܬܐ#2#/ ܟܠܗ݀ ܐܪܥܐ ܠܐ ܬܙܕܪܥ ܘܠܐ ܬܘܥܐ܂ ܘܠܐ ܢܣܩ ܒܗ݀ ܟܠ ܥܣܒ܂ ܐܠܐ ܬܗܘܐ ܐܝܟ ܣܕܘܡ ܘܐܝܟ ܥܡܘܪܐ܂ ܘܐܝܟ ܐܕܡܐ ܘܐܝܟ ܨܒܘܐܝܡ܂ ܕܗܦܟ ܐ̈ܢܝܢ܂ ܡܪܝܐ ܒܪܘܓܙܗ ܘܒܚܡܬܗ܂

29:23	ܘܢܐܡܪܘܢ ܟܠܗܘܢ ܥܡ̈ܡܐ܂ ܥܠ ܡܢܐ ܥܒܕ ܡܪܝܐ ܗܟܢܐ ܠܐܪܥܐ ܗܕܐ܂ ܘܥܠ ܡܢܐ ܐܬܚܡܬ ܪܘܓܙܗ ܗܢܐ ܪܒܐ܂
29:24	ܘܢܐܡܪܘܢ ܥܠ ܕܫܒܩܘ ܩܝܡܗ ܕܡܪܝܐ ܐܠܗܐ ܕܐ̈ܒܗܝܗܘܢ܂ ܕܐܩܝܡ ܥܡܗܘܢ ܟܕ ܐܦܩ ܐܢܘܢ ܡܢ ܐܪܥܐ ܕܡܨܪܝܢ܂
29:25	ܘܐܙܠܘ ܘܦܠܚܘ ܠܐ̈ܠܗܐ ܐܚܪ̈ܢܐ ܘܣܓܕܘ ܠܗܘܢ܂ ܐ̈ܠܗܐ ܕܠܐ ܝܕܥܘ ܐܢܘܢ ܘܠܐ ܐܬܦܠܓܘ ܠܗܘܢ܂
29:26	ܘܐܬܚܡܬ ܪܘܓܙܗ ܕܡܪܝܐ ‍<‍ܪܒܐ#3#‍>‍ ܥܠ ܐܪܥܐ ܗ݀ܝ܂ ܕܢܝܬܐ ܥܠܝܗ݀ ܟܠܗܝܢ ܠܘ̈ܛܬܐ ܕܟܬ̈ܝܒܢ ܒܟܬܒܐ ܗܢܐ܂
29:27	ܘܢܥܩܘܪ ܐܢܘܢ ܡܪܝܐ ܡܢ ܐܪܥܗܘܢ/ܐܬܪܗܘܢ#3#/ \ܒܪܘܓܙܐ ܘܒܚܡܬܐ /ܒܚܡܬܐ#3#/܂ ܘܒܪܘܓܙܐ ܪܒܐ ܘܢܫܕܐ/ܥܕܡܐ ܕܫܕܐ#3#/ ܐܢܘܢ ܠܐܪܥܐ ܐܚܪܬܐ ܐܝܟ ܕܝܘܡܢܐ܂
29:28	ܣܬܝܪ̈ܬܐ ܕܡܪܝܐ ܐ̈ܢܝܢ ܐܠܗܢ ܘܓ̈ܠܝܬܐ܂ ܕܝܠܢ ܘܕܒܢ̈ܝܢ ܠܥܠܡ܂ ܕܢ݁ܛܪ ܘܢܥܒܕ ‍<‍ܐܝܟ#2#‍>‍ ܟܠܗܘܢ ܦܬ̈ܓܡܘܗܝ ܕܢܡܘܣܐ ܗܢܐ܂